Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    


Reply
 
Thread Tools Display Modes
Old 21-Jun-09, 23:00   #1
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default يا خى سيبك.... المبدع يحي فضل الله

التقطنى يا صديقي فى الدورب المابتجيك
ودفى حضنك بالأغاني
كلما يضهب طريقك
وامسك الجمره البتوقد .. بين رمادك وبين حريقك
رافق الدمعه البتعرف ..شاسع الحزن البعيقك
ولو فضل فى العمر خطوه
وسع الاحلام .. واهرب منو ضيقك
لى براح بالشوق بيتاوق
وياخى سييبك
من متاهات فى الخواطر
والمشاوير التشاتر
وياخى سيبك
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Sponsored Links
Old 21-Jun-09, 23:04   #2
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

هى ضلمه وأنت عارف.. ضى بريقك
وبرضوا عارف .. قبل ماتختار رفيقك
أبقى واثق من رفيك
وامسك الجمرة البتوقد.. بين رمادك
وبين حريقك.. مين رفيقك؟؟؟
غير شجن واشواق ولوعه
شحنه الحزن البيصيبك
ياخى سيبك
وانت سر عشقك.. كلما إتخمر عتيقك
مين رفيقك؟؟؟ ياخى سيبك
من سريقك .. من سليبك
وابقى فتش عن طريقك
يمكن الأحزان تسيبك
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 17:50   #3
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

يحى فضل الله


بين شهقة سحابة راحلة فى فضاء الرحابة وحلم سنبلة بخضرة سرمدية ، يظل يحى فضل الله يغنى لبرقٍ ما .. يلمع فى فجاج السديم المطبق .. مبشراً بإحتمالات الخصوبة .. خصوبة تمتد على فيافينا المثقلة برماد الذكريات ، وذكريات الرماد .. رماد أحلام الصبايا بعفاف وعافية ، وقطعة خبز ..

القصيدة عند يحى فضل الله تعلن إنحياز الدعاش (للبلودات الحزينة) .. التى أجدبت فيها مواسم الطلق ، وغادرت فيافيها طيور البشارات .. صوب جزر حبلى برزاز المطر ..

والقصيدة عنده فعل وجودى مرتبط بالحياة ، وحراك (يتداعى) بحرية ، والنص ذاخر بالشخوص الحية ، فتكاد لا تستبين الفرق بين يحى (الشاعر) ويحى (القاص) ، واللغة عنده سهل ممتنع ، لغة تدمن سرد اليومى .. المعاش .. والحياتى .. ولكن بحرف أنيق يأسرك .. فلا تملك إلا الدهشة وأنت تقرأه ..

فيحى فضل الله (القاص) متورط حتى أخمص قدمى (تداعياته) فى نص الشاعر .. بل تكاد لا تتلمس الفرق بينهما ، حيث كل يكمل الآخر فى تماهى يفضى إلى نتيجة واحدة ، هى محض إبداع ومحض إمتلاك لأدوات الإثنين .. القصة القصيرة ، والقصيدة القصيرة أيضاً .. المشبعة بالمعانى (وكثيفة الإنتماء) لواقعنا المعاش ..

برزت قصيدة يحى فضل الله وأخذت موقعها المميز فى تجربة الأستاذ مصطفى سيدأحمد ـ حيث كان واحداً من أوائل الذين رفدوا هذه التجربة ، وهى بعد فى بواكيرها فى مطلع الثمانينات ، بمجموعة نصوص أقل ما توصف بأنها جديدة تماماً شكلاً ومضموناً ، حيث كانت هذه النصوص موغلة فى الرهافة ، لكن رهافة مختلفة عن سائد رهافة الغناء الأنيق حينها .. بل أغنية تكتحل بالسحاب وتعفر قدميها بتراب الجروف ، و طين (التقانت) وتتوشح أنفاس السواقى .. وتعيش أحلام الترابلة ، وأشواق العمال ..

وتسارع إيقاع النص عند يحى فضل الله فى بحثه الدؤوب وتجريبه المفضى دوماً إلى الإجادة ، حيث كانت بداياته مع مصطفى بنصوص (يا ضلنا) و(حبالنا الجوة) و(السحاب ) و(ياخطوتك) ، وهى نصوص توازى فى عنفوانها عنفوان تجربة مصطفى نفسها ، والتى لم يبرز في بواكيرها الخط الرافض بالدرجة نفسها التى تبلورت بعد النصف الثانى من الثمانينات ، حيث تحول مصطفى سيدأحمد إلى رمز لكفاح الشعب من أجل واقع أفضل ، وتعتبر أغنية (السحاب) من أبرز النصوص التى تمثل هذه المرحلة (رغم أن الأغنية نفسها لم تسمع على نطاق واسع) ..
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 17:53   #4
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

السحاب لو أصلو خاصمنا وتعب ..

والرياح الفى الدرب

شتتت فرح القوافى

ومددت حزن المنافى

برضو ريدك فينا باقى

فى الحنايا

فى عيون أطفال بتكتب بالدوايا

فى المشاوير والحكايا

ولسة ساكن فى القلب
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 17:56   #5
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default



ترى .. هل كان يحى فضل الله يدرك ـ ببصيرة الشاعر ـ أن المنافى تنتظره ، تلك المنافى نفسها التى أعادت رفيق دربه مصطفى سيد أحمد إلى الديار فى صندوقٍ خشبى .. ذات صباحٍ بارد فى مطلع عام الرمادة ذاك ؟

.................

يا سمحة ما غابت مدينة

يا سمحة ما بموت الفريق

ولا بينهش فى غناوينا الحريق

و الوتر دايماً بغنى

للقوافل الجاية من وجع الطريق ..

...............

ـ ويالها من موجعة تلك الطرق التى لا تفضى إلا لأحزان الصقيع ..

..............

النص فى بواكير التجربة كان (فطير العاطفة) ، جياش بالحنين ، ملىء بأحلام الصبايا وأشواق المتعبين ، ولكن ربما لم يبرز فيه الحس والخط السياسى الواضح والرافض لواقع الحال ..

رويداً بدأت نصوص يحى فضل الله تتخذ لنفسها روحاً جديدة وخطاً رافضاً ، وهذا أقل ما يمكن أن نوصف به نصوصاً كأغنية (خبرينى) ..

خبرينى والمساء الشاحب الخطوات

يحترف التعب

ورحيل أغنية توشوش فى خبايا الإنتظار

تضيع منى كى تجاذب كل أطراف الزمان

أهدهد الكلمات

لا أقوى على شىءً من الذكرى

وهذا العقل متعب ..

.....................

ويتصاعد الصوت الرافض ، ليعلنها صريحة ..

،،،،

وتلك الخطوة إبتعدت عن الصحو المكمل للحقيقة

أغلقت بالخبث ابواب الوضوح

زيفت صوت المغنى

عهرت لغة النشيد

ضيعت حلم الصبايا فى طوابير الرغيف

غيبت حلم الطفولة

أنهكت حزن الشيوخ

همشت منك القضايا

فى إحتمالك للتواصل

والمرابون إستباحوا هذه الأرض الحلوب

................

وقد إمتازت المرحلة الثانية من النصوص التى غناها مصطفى ليحى فضل الله بكونها قد كتبت بلغة فصحى ، وإن كانت محافظة على وتيرتها المتداعية غير المحافظة على أساليب القصيدة التقليدية ، ويبرز ذلك جلياً فى أغنية خبرينى التى أوردنا أجزاء منها أعلاه ، و (أسئلة ليست للإجابة) ..

ما معنى أن نحيا ولا ندرى

بأن العشق قد يبقى سجيناً فى الخلايا

ما معنى أن نشهد موت الأمنيات

ما معنى هذا الصمت الذى لا ينتهى

وبرغم حوجتنا الصراخ .........

وعلى نفس الوتيرة جاءت آخر العنقود .. آخر ما تغنى به الراحل المقيم مصطفى لمبدعنا يحى فضل الله ، قصيدة (غيابات الخليل ) ..

سافرى

سافرى فىَ شموساً ووتر

عمِقى جرحى .. إقتراباً وسفر

لأغنيك التماسك

أمنحى القمح الخصوبة

إمنحينى نفسى .. دون خوفٍ .. دون همس ..

وأمنحى المدن الدليل

فيا طفلة ظلت تفتش عن ضفيرتها

بين دمع ورحيل

هل يكون الموت نوع من تآلف

فى غيابات الخليل ؟



يحى فضل علامة فارقة فى تجربة مصطفى سيد أحمد الغنائية ، تلك التجربة الثرة التى مازالت ـ ويقينى أنها ستظل تشكل وجدان هذا الشعب ـ الباحث عن الحرية ـ ورغيف الخبز ..

التحية له فى منفاه فى برارى كندا ، مع أمنيات العودة .. له .. لنا .. للصغار القادمين ..

إلى دفء شموس الإستواء ..

وإلى وطن ... متسع كالسماء

(وليس ضيقاً كالكفن) ..

.......

منقول
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 17:58   #6
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

ضو شبابيك .. البيوت
يا ضوء شبابيك البيوت

بين التوهج .. و الخفوت

أسرح معاك .. و اسألك

قبال ما يخنقنا الرماد ... و يعلم العقل الحياد

قبّـال لهب حلمك يفوت

و جذوتك تبهت ... تموت



يا ضوء شبابيك البيوت

أسرح معاك .. أستفسرك

عن ظلمة تمتد و تطول

وإتلخبطت فيها الفصول

عن كلمة ضاعت في الفراغ

بين البزيـِّف و البقول

عن سر يباس البذرة .. في طين الحقول

عن كل أحلامي ... الصغار

الما لقت ... غير الذبول

__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 17:59   #7
استيف
Golden Member
 
استيف's Avatar
 

Join Date: Nov 2004
Location: Riyadh
Posts: 5,940
Default

ود السودان...يا لك من صياد
للنجوم
منقب حصيف، وقارئ قلق في جماله
تابع ما تنثره ضياءا في هذا الليل الطويل
__________________

"هى النفس ما حملتها تتحمل....وللدهر أيام تجور وتعدلُ"
استيف is offline               Reply With Quote               
Old 22-Jun-09, 17:59   #8
wadalsaeed
Crown Member
 
wadalsaeed's Avatar
 

Join Date: Feb 2008
Posts: 14,688
Default

يحيى مبدع
وقصائده قصة اخري
شكرا ود السودان

__________________
الرفس ما معانا سمح
منو البقدر يغير حالنا بعد الفينا اتبدد ...وماعارفين نقبل وين ولسة مصيرنا ما اتحدد
واي حرامي سارق قوت ...قاتل كان او سفاح بكرة مصيرو يتمدد
wadalsaeed is offline               Reply With Quote               
Old 22-Jun-09, 18:03   #9
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by استيف View Post
ود السودان...يا لك من صياد
للنجوم
منقب حصيف، وقارئ قلق في جماله
تابع ما تنثره ضياءا في هذا الليل الطويل




يا ضلنا
يا ضلنا المرسوم على رمل المسافة

وشاكى من طول الطريق

قول للبنيـّة الخايفة من نار الحروف

تحرق بويتات الفريق

قول ليها ما تتخوفى

دى النسمة بتجيب الأمل

والأمل بيصبح رفيق

والأصلو فى الجوف إندفن

لا بتنسى .. لا بنمّحى

لا بنتهى منو الحريق

********

والفينا من آهات أليمة

فى حكاوينا القديمة

لا بيرحل عن عيونـّا

ولا بتغشاهو الهزيمة

والقبيل راجِنو نحن

يوم تبشـِّر بيهو غيمة

لما تمطر يوم علينا

الفرح يملا المدينة

والبلودات الحزينة
__________________
عندما تطول الغربه عن الوطن .. تفقد الأشياء معانيها

Last edited by wadasudan; 22-Jun-09 at 18:08.
wadasudan is offline               Reply With Quote               
Old 22-Jun-09, 18:04   #10
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by wadalsaeed View Post
يحيى مبدع
وقصائده قصة اخري
شكرا ود السودان




يا خطوتك

لا زمان حبك حقيقة

لا تعب زمنك .. فرح

يا خطوتك

يا خطوة الوجع .. الجرِح

لا الفيها منك إبتدا

لا البيها منك إنتها

يا خطوة ضاعت بين صراخك .. والصدى

بين المشاوير والنوى

بينك وبين كل المشاعر

الفينا غرقت فى الغنا

*******

يا خطوتك داست على الحرف اليِبِس فوق الشفاه

داست على البوح .. والكلام

داست عليك .. وعلى إنتظارك والملام

داست عليك

وعلى الدروب الجاية منك .. وماشة ليك

لا تِعِب فيها الحرف

لا فتر فيها الوِلِف

يا خطوتك

بين إبتعادك .. وإنتظارى

بين مشاوير طفلة ضاعت

بين عيونك .. وإفتكارى
__________________
عندما تطول الغربه عن الوطن .. تفقد الأشياء معانيها

Last edited by wadasudan; 22-Jun-09 at 18:05.
wadasudan is offline               Reply With Quote               
Old 22-Jun-09, 18:14   #11
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

حبالنا الجوّة

حبالنا الجوة .. ما تخنت


حبال السما الممدود


حبال الصوت وكت يرجع


يجيب الخاطر المردود


*********


تعالى نشوف


غنواتنا


البقت فى الدنيا ما بتشوف


تعالى نشوف


حروف البكا .. الجوّاها مافى حروف


تعالى نشوف .. تعالى نطوف


على المدن البِقت أشباح


على الجوع القعد مرتاح


على الكلمة البِقت فى الجوف


.. تفتش سكة الأفراح


**********


تعالى نشوف


منو البقدر يخاصم طفلة


صِبحت هازلة فوق مدّ الأسى .. الحرّاق


يا غنوتنا ما تفوتى


ويا كلمتنا ما تموتى


فتشى فوق ضمير الكلمة


عن وتراً رحل ... فرّاق


وعن ولداً رحل ... فرّاق


وعن بلداً رحل ... فرّاق


وعن عِلماً رحل ... فرّاق


غُنانا الفينا ما بشفع


حديثنا الجوّة ما بِنفع


تعالى نشوف .. تعالى نطوف


تعالى ..


نعلم الشُفّع
__________________
عندما تطول الغربه عن الوطن .. تفقد الأشياء معانيها

Last edited by wadasudan; 22-Jun-09 at 18:17.
wadasudan is offline               Reply With Quote               
Old 22-Jun-09, 18:24   #12
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

يابكرة

مساماتك بتشقق عشان تشرق صباحاتك

صباحاتك بتتعانق مع الفكرة

وتاخد من جراحاتك

نضيف إحساسنا بى بكرة

*********

يا بكرة الغصن ناشف

ويا بكرة الفرح يوماتى ..

بيكاتل حزن أطفال

بتتشابى عشان تعرف .. شنو الفى إيدنا لى بكرة

شنو الداخرنـّوا لى الكسرة

عشان تشرق صباحاتك

عشان تقصر مسافاتك

عشان تبرق غماماتك

عشان تخضر مساحاتك

عشان بكرة

وبعد بكرة
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 18:28   #13
Nasir Elamin
Major Contributor
 
Nasir Elamin's Avatar
 

Join Date: Mar 2009
Posts: 868
Default

تعالى نشوف


غنواتنا


البقت فى الدنيا ما بتشوف

تعالى نشوف

حروف البكا .. الجوّاها مافى حروف

تعالى نشوف .. تعالى نطوف

على المدن البِقت أشباح

على الجوع القعد مرتاح

على الكلمة البِقت فى الجوف

.. تفتش سكة الأفراح



ود السودان
أطربتنا و أتحفتنا .... شكرا علي البوست الراقي

__________________
if you trouble a trouble, will give it to you double !!
Nasir Elamin is offline               Reply With Quote               
Old 22-Jun-09, 18:37   #14
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by Nasir Elamin View Post
تعالى نشوف


غنواتنا


البقت فى الدنيا ما بتشوف

تعالى نشوف

حروف البكا .. الجوّاها مافى حروف

تعالى نشوف .. تعالى نطوف

على المدن البِقت أشباح

على الجوع القعد مرتاح

على الكلمة البِقت فى الجوف

.. تفتش سكة الأفراح



ود السودان
أطربتنا و أتحفتنا .... شكرا علي البوست الراقي


شكرا ليك انت يا نااصر
وشكرا لوطن انجب .. قامه بمثل هذا الوطن
المبدع يحي فضل الله
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 19:26   #15
مأمون
Exemplary Member
 
مأمون's Avatar
 

Join Date: Mar 2002
Location: KSA
Posts: 15,311
Send a message via MSN to مأمون
Default

Quote:
Originally Posted by wadasudan View Post
يحى فضل الله


فيحى فضل الله (القاص) متورط حتى أخمص قدمى (تداعياته) فى نص الشاعر .. بل تكاد لا تتلمس الفرق بينهما ، حيث كل يكمل الآخر فى تماهى يفضى إلى نتيجة واحدة ، هى محض إبداع ومحض إمتلاك لأدوات الإثنين .. القصة القصيرة ، والقصيدة القصيرة أيضاً .. المشبعة بالمعانى (وكثيفة الإنتماء) لواقعنا المعاش ..


سلام

ود السودان........ تحية كبييييييييييييرة على الموضوع الجميل

أصلا إنت عينك نجيضة..... بتعرف الحاجة السمحة


بالنسبة للورطات..... فإن أجمل مبدعونا متورطون بشكل أو بآخر


الطيب صالح يرحمه الله، هو المتورط الأكبر... نصوصه تنبض بإيقاع الشعر.. أنظر لهذا الجزء من بندر شاه..... ستجد الشعر يطل هنا وهناك
Quote:

ما أنا فقد كنت حيزنا بشكل آخر. كنت أراها سابحة على موجة تسافر وتعود، والدنيا تبتسم بوجه طفل. عياناها العسليتان تزحمان الوجه، وحاجباها البيلان ينعقدان فوقهما، وثغرها مثل برق يشيل ويحط. كان الطريفي يبكي حتى كاد يهلك، وأنا أحس في قلبي بفجيعة مثل الفرح
وهناك العديد من النماذج التي يمكن أن نستشهد بها... لكن الإطالة مملة



ومثال آخر مصطفى سند... شاعر يكتب الشعر على خلفية القصة أو الرواية
Quote:


الكمنجات الضائعة
وطرحت قوس َ كمنجتي جسراً ببحرِ الليل
ثم هويت للقاعِ
متورم العينين تنبضُ عبرَ أسماعي
طبولُ العالم الهدّار : لا تأسى لمن فاتوا
فبعض مساكنٍ تبقَى وبعض مساكنٍ تنأى
فتُدنيها المسافاتُ
تعلّم وحدك التحديقَ نحو الشمسِ والمقلِ النحاسية
مرايا تخطف الأبصارَ لكن ليلنا الصاحي
وشرفتَنَا المسائية
على عينيك ، فوق رموشك التَعبْى ستارات’’ ستاراتُ
يضوعُ بنفسجُ الرؤيا وتخضرُّ النجيمات
بكلّ أناقة الدنيا

والشاعر عالم عباس محمد نور.... أيضا متورط ومتلبس بصور القص أو الرواية

Quote:
انسل شعاع هب رقيقا مضطربا
وحييا كان
وانساب إلى منتصف الحجرة،
ثم توقف هوناً ما
كنت كما المحموم المتقلب هوناً ما
وكان الوسن رقيقا
يتكدس مثل كرات الثلج الناعم في الأجفان
لا أجزم بالأيقاظ ولكن قطعاً
ما كنت النائم ساعتها
أو إن شئت الدقة ، كالوسنان
__________________

To view links or images in signatures your post count must be 10 or greater. You currently have 0 posts.


To view links or images in signatures your post count must be 10 or greater. You currently have 0 posts.
مأمون is offline               Reply With Quote               

Old 22-Jun-09, 19:33   #16
وضاحة
Golden Member
 
وضاحة's Avatar
 

Join Date: Apr 2005
Location: UK
Posts: 7,718
Default

ابن الغالى سلام بوستن حلو
شديد
__________________
When i see you, i`m mesmerized
by your beauty
[[CENTER]
وضاحة is offline               Reply With Quote               
Old 22-Jun-09, 19:52   #17
سلمي وبس
Major Contributor
 

Join Date: Jul 2005
Posts: 1,527
Default



ود السودان يستاهل يحي ان يكون فارس الكلمة

شكرا لهذا البوست الجميل
__________________


ما أروع من يتركون بصماتهم فينا بمجرد العبور.
سلمي وبس is offline               Reply With Quote               
Old 22-Jun-09, 20:20   #18
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by سلمي وبس View Post


ود السودان يستاهل يحي ان يكون فارس الكلمة

شكرا لهذا البوست الجميل




يحي قامه بحجم الوطن
يستاهل اكثر من ذلك
لك الشكر يا سلمي
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 20:22   #19
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by مأمون View Post
سلام

ود السودان........ تحية كبييييييييييييرة على الموضوع الجميل

أصلا إنت عينك نجيضة..... بتعرف الحاجة السمحة


بالنسبة للورطات..... فإن أجمل مبدعونا متورطون بشكل أو بآخر


الطيب صالح يرحمه الله، هو المتورط الأكبر... نصوصه تنبض بإيقاع الشعر.. أنظر لهذا الجزء من بندر شاه..... ستجد الشعر يطل هنا وهناك

وهناك العديد من النماذج التي يمكن أن نستشهد بها... لكن الإطالة مملة



ومثال آخر مصطفى سند... شاعر يكتب الشعر على خلفية القصة أو الرواية

والشاعر عالم عباس محمد نور.... أيضا متورط ومتلبس بصور القص أو الرواية




مأمون
تعرف .. ابروف كم مبدع انجبت
انت احدهم بلا شك
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 20:25   #20
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by وضاحة View Post
ابن الغالى سلام بوستن حلو
شديد


الغاليه
الحلاوه فى عذوبة لسانك
وفى ..تالقك
وفى وطن ..انجب يحي
وكذك انتى
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 22-Jun-09, 22:15   #21
امل
Major Contributor
 

Join Date: Apr 2008
Posts: 2,349
Default

ود السودان مساء جميل
كل قصيدة اجمل من التانية
شكرا كتير علي البوست
تسلم

وشكرا علي سوالك كمان
امل is offline               Reply With Quote               
Old 22-Jun-09, 22:35   #22
مأمون
Exemplary Member
 
مأمون's Avatar
 

Join Date: Mar 2002
Location: KSA
Posts: 15,311
Send a message via MSN to مأمون
Default

Quote:
Originally Posted by wadasudan View Post


مأمون
تعرف .. ابروف كم مبدع انجبت
انت احدهم بلا شك

سلام

ود السودان.... ياخ إتنفخت بكلامك دا لمن وقفت سلك


شكرا على حسن الظن... بس أهو.. بنجادع ساي
__________________

To view links or images in signatures your post count must be 10 or greater. You currently have 0 posts.


To view links or images in signatures your post count must be 10 or greater. You currently have 0 posts.
مأمون is offline               Reply With Quote               
Old 22-Jun-09, 23:44   #23
أبو أسامة
Major Contributor
 

Join Date: May 2009
Posts: 1,496
Default

يحي فضل الله ..
له في ذاكرتي مساحة احترام وود لاتغيب عنها الشمس ....
كلمات خجولة كتبتها في زمن ما...
عندما فوجئت بنشرها في صفحته بجريدة الخرطوم
لم تسعدني الكلمات بقدر سعادتي
ان يجاور حرفي حرف شاهق مثله ..
رجل وطن ....
أحرفه منسوجة من عرق الغبش ..
أحلامه تضاجع طمي الممكنات ..
لتعلن ميلاد زول نيل ...
ياخذنا معه لمدائن عشق برائحة التراب ...
ولون حضن أم رءوم ...
يضع اكفنا الصغيرة ... فوق كف أبوه وأبينا ....
فننحني مثقلي الدموع لتقبيل
ملامح وطن بنحلم بيه يوماتي


ود السودان
شكراً على هذه المساحة الاستثنائية
التي خصصت لقلم ونبض استثنائي ...

أبو أسامة is offline               Reply With Quote               
Old 23-Jun-09, 17:44   #24
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by امل View Post
ود السودان مساء جميل
كل قصيدة اجمل من التانية
شكرا كتير علي البوست
تسلم

وشكرا علي سوالك كمان




امل
مسا الفل
بنسأل لانك تستحقين السؤال
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Jun-09, 17:47   #25
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by مأمون View Post
سلام

ود السودان.... ياخ إتنفخت بكلامك دا لمن وقفت سلك


شكرا على حسن الظن... بس أهو.. بنجادع ساي





مأمون
عارف ابورف دى بتذكرني منو
طوالى خالد ابو الروس. العميري
تتذكر سكسك
ماعارف ليه
ابروف دى محفوره فى ذاكرتي

دى دايره ليها قعده معااك
حليل امدر .. حليل ناسا
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Jun-09, 17:50   #26
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by أبو أسامة View Post
يحي فضل الله ..
له في ذاكرتي مساحة احترام وود لاتغيب عنها الشمس ....
كلمات خجولة كتبتها في زمن ما...
عندما فوجئت بنشرها في صفحته بجريدة الخرطوم
لم تسعدني الكلمات بقدر سعادتي
ان يجاور حرفي حرف شاهق مثله ..
رجل وطن ....
أحرفه منسوجة من عرق الغبش ..
أحلامه تضاجع طمي الممكنات ..
لتعلن ميلاد زول نيل ...
ياخذنا معه لمدائن عشق برائحة التراب ...
ولون حضن أم رءوم ...
يضع اكفنا الصغيرة ... فوق كف أبوه وأبينا ....
فننحني مثقلي الدموع لتقبيل
ملامح وطن بنحلم بيه يوماتي


ود السودان
شكراً على هذه المساحة الاستثنائية
التي خصصت لقلم ونبض استثنائي ...






حبوبه شان تونغ

ارفع رجلي علي سياج البلكونة ، لحسن حظي ان العمارة التي اسكن فيها تطل علي حدائق فسيحة ، ارفع رجلي علي سياج البلكونة الحديدي و احاول تفريغ ذهني ، احتاج الان الي ذهن خال تماما هذا المساء ، مساء يبدو لي محايدا ، اعزو ذلك لخلوه من نديم صديق او برنامج قراءة او محاولات شحذ الخيال لكتابة نص قصصي ، مساء خاليا من كل هذا ، هل تراني ساجده ؟ ، مساء محايد ، هل سيتوفر لي مساءمن هذا النوع ، اتذكر ان لي عيونا زجاجية تقرب لي ماهو بعيد و تجعلني اكثر تركيزا في الرؤية ، انزل رجلاي من علي السياج ، ادخل الي الغرفة و اضع العيون الزجاجيةعلي عيني ، اعود الي البلكونة ، ارفع رجلاي علي ، هل هذ هو الوضع المريح لاسترخائي وبذهن خالي ؟ ، يخيل ي ذلك او هكذا اظن ، الان بدأت اضواء الشوارع البعيدة تفقد اهتزازها و شحوبها و كأني استطيع ان اتحسس خطوات الليل و هي تخطو نحو الكثافة ، هكذا ، برنامج يتعدي التحديق في كل شئ و في لاشئ ، ضجة حسن و داليا ومصطفي اتغاضي عنها وازعم انها لا تزعجني ، احدق في السيارات الماره بالشارع الذي يفصل الحدائق الفسيحة عن العمارة التي اسكنها ، عربات انيقة تركن بالقرب مني او بتحديداكثر تحتي ، شباب من الجنسين يهربون من الاضواء الكاشفة و يمارسون نوع من الانفلات ، يلوذون بالعتمة ، عتمة ذلك الشارع ، تنبعث موسيقي صاخبة حين يفتحون ابواب سياراتهم و ينزلون منها و يستندون عليها و هم وقوف ، بعضهم يلعبون بسياراتهم في هذا الشارع محاولين تقليد مطاردات السيارات في الافلام .
اهرب بهذاالتحديق من تلك الثلاجة التي تعطلت ، من الغسالة التي شاركت الثلاجة في العطل ، من هم ايجار الشهر القادم ، من تبعات مصروفات المدارس التي علي الابواب، من هموم اعادة التوطين ، من مشاريع في لكتابة ، من ديون البقالة التي تراكمت ، من طقوس وداع المهاجرين الي امريكاو كندا واستراليا ، مني و من ذلك الشجن الذي يحرض حنيني ، اهرب بهذا التحديق من كل شئ يخصني و يدفع بي الي نوع م تلك العلائق المتعبة بين تفاصيل الحاضر اللزج و انسجة الذاكرة والتذكر .
اتابع اشاات السيارات الحمراء في ذلك المتصل بشارع الطيران ، كتيبة من الكلاب الضالة تتناثر بنباحها علي تلك الحدائق عابرة اياها الي الشارع الذي تحتي ، ثلاثةمن رجال الشرطة بزيهم الابيض يخترقون سهوي و تحديقي بلكنتهم الصعيدية ، يعبرون دائما هذا الشارع ، يذهبون الي اين ، لا ادري ، و يرجعون الي اين ، لا ادري .
لا زالت رجلاي علي سياج البلكونة و احدق بعيوني الزجاجية الحريفة في كل شئ امامي او يمر تحتي ، اذني تلتقط هذا الصوت الاليف ،اليف علي الذاكرة ، صوت الضفادع ، ها هي الضفادع تجادل هذا الليل باوركسترا نقيقها و تجادلني و يعيدني صوتها ذلك الاليف الي اماكن و ازمنة قديمة ، قبل شهور تحالف صوت الضفادع مع اصوات لا املك معها الي احالتي شعوريا الي جبال النوبه، اذ كان يسكن في الشقة المجاورة للشقة التي اسكنها ـ انا لا استطيع ان اسخدم التعبير ـ شقتي ـ و ذلك لمشقة تخص تعقيد التفاصيل ـ كان يسكن جاري ـ كريم ـ من ابناء جبال النوبه ، قرية ام دورين ، يسكن هو واسرته الممتدة من الجده وحتي الابناء ، حدث انهم كانوا يتسامرون ليلا باحدي لهجات جبال النوبه و كانت الضفادع تنثر نقيقها في ذلك الليل وكنت اجلس ساهيا علي نفس البلكونة فاذا بي اسمع هذا التألف الحميم بين هذه الاصوات .
اختلطت عندي الازمنةو الامكنة بثاثير درامي من قبل هذا الخليط الاليف من الاصوات علي الذاكرة ، فما كان مني الا ان احس والي درجة الشم بزيفة خريف جبال النوبه المترع واستخرج من ذاكرتي تفاصيل و تفاصيل في الزمان و المكان ، وكنت اتسأل ، هل انا مستهدف بحصار هذه التفاصيل ، ان يكون جيراني من ابناء جبال النوبه ـ هكذا مصادفة ـ علي شارع صغير يسمي ـ الصداقة ـ في منطقة ـ حسب الرسول ـ و في مدينة نصر بالقاهرة ـ لا اعرف من هو عبد الرسول هذا ـ و ان تختلط اصوات الضفادع باصوات سمرهم ذات الطقس العفوي الخاص .
ها هي اصوات الضفادع الان تنتشلني ن رغبتي في التحديق المبعثر و تعيدني الي شجن خاص كنت احاول الهروب منه ، تتململ مني الدواخل محرضة علي التأمل ، ذلك التأمل المتعب في التفاصيل ، اعيد عيوني الزجاجية الي الحقيبة الجلدية الصغيرة و اضعها فوق الدولاب داخل الغرفة اتناول كتاب الهلال الذي اصدر هذا الشهر رواية ـ مالون يموت ـ لكاتب ـ انتظار جودو ـ صموئيل بيكيت وارجع الي جلستي علي البلكونة و حين هممت بالقراءة رن جرس الباب ، هاهم اطفالي يركضون نحو الباب ،يتسابقون لفتحه ، قبل ان اعرف من هو القادم جاءني مصطفي اصغر ابنائي مهرولا و مقررا ان يسبق الاخرين في تبليغ النبأ
ــ بابا بابا ، حبوبه شان تونغ جات
حبوبه شان تونغ امراة صينية عجوز سكنت في الشقةالمجاورة ـ شقة كريم الذي هاجر هو واسرته الي امريكاـ ويعيد مصطفي تبليغي مرة اخري و هو يلفتني بيديه الصغيرتين محركا وجهي تجاه وجهه الضاج بالفرح
ــ بابا ، حبوبه شان تونغ جات .
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Jun-09, 18:14   #27
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

طير يا حمام بالبر
جيب لي منو خبر
بيتم الناصية
شباكم الاخضر ) *
في زاوية من ذكري
باضت حمامة البيت
و القمري إترجاك
ياريت
كان قدرت و جيت
آهي النسمة بتوانس
ضل الضحي الناعس
و( ضل الضحي مشوار
الونسه يالسفة الكبيرة
و الكتاتيح و الغبار
الفاقه و العمر الهظار
و الحسرة والزمن
البروح سمبهار ) *
و النيمه وسط الحوش
بتشوفا لو حنيت
ماالحن طبيق الشوق
لو هم او هميت
و الشوق براح وفسيح
جامح صريح و فصيح
لو غبت و إتغابيت
و متباقصه دي الايام
عايشتها و عديت
منكسره هي الاحلام
شتتها و شتيت
وين يا وليف البيت
هاجرت و إتخليت
عن إلفة الحله
عن خاطرة تتفسح
والبهره في المويه
و النيل حبيب الله
لو القمر طل
عتق غناء الشله
و فج الصباح هل
( حليلك و إنت جنبي
بالزي السماوي
و جرح الفرقه
يمكن الايام تداوي ) *
منسحبه دي الايام
لاحقتها و خبيت
و ما بترجع اللحظات
هجست او جنيت
لاقيتنا او خليت
خليتنا و إتخليت
عن كل ما حلمت
عن كل ما سويت
يا ريت
يا فقيد البيت
يا ريت
لو قدرت و جيت
حتي لو طله
أريتك
يا وداعة الله
تلفنت او هاتيت
أريتك يا خصيم البيت
كان زرتنا و لاقيت
لميتنا و إتلميت
ما الفرقة سوس
وسواس
رافقتها و طشيت
ياريت يا مرق في البيت
باريت لو تبعت الشوق
حاننتنا و حنيت
في نجعه من هجره
مات الحمام في البيت
و القمري هج بعيد
قوقايو جافا رهيد
وآه ياوريث البيت
ما إتشلع البيت
بس
النيمه وسط الحوش
بتشوفا
لو
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Jun-09, 18:31   #28
مأمون
Exemplary Member
 
مأمون's Avatar
 

Join Date: Mar 2002
Location: KSA
Posts: 15,311
Send a message via MSN to مأمون
Default

سلام

ود السودان...... كم يبدو المنتدى أنيقا هذا المساء

وأنت جزء من هذه الأناقة........ بما تشاركانا به من نماذج يحيي فضل الله
__________________

To view links or images in signatures your post count must be 10 or greater. You currently have 0 posts.


To view links or images in signatures your post count must be 10 or greater. You currently have 0 posts.
مأمون is offline               Reply With Quote               
Old 24-Jun-09, 17:44   #29
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by مأمون View Post
سلام

ود السودان...... كم يبدو المنتدى أنيقا هذا المساء

وأنت جزء من هذه الأناقة........ بما تشاركانا به من نماذج يحيي فضل الله




متاهة

يا مشتت
في بلاد نائيه و بعيده
يا ململم
في خواطر بت تفرفر
في قلب عاشق موزع
بين عيونا
و بين قصيدة
احكي عن
هاجس نهارك
و كيف بتفلت من حصارك
والمساءات التكثف لي ودارك
و الصباحات عندك شريده
و كيف خطاويك التوقع
لليالي حزن نشيده
ما مشت في درب وصل
و اتسكعت في منفي قيده
__________________
عندما تطول الغربه عن الوطن .. تفقد الأشياء معانيها

Last edited by wadasudan; 24-Jun-09 at 17:50.
wadasudan is offline               Reply With Quote               
Old 24-Jun-09, 17:46   #30
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

بواكير الصباح

يا بواكير الصباح
الساكنه في عتمة
دروبنا الموحشة
اقتلي الوجع البسافر
في الخطاوي الكايسه لي
رحلة وعودنا المدهشة
وقفي الدمع البينزل
من عيون اطفال بتهلك
في المساحات الفقيرة و معدمة
لا الوجع منك بداوي
لا و لا كل الحروف
المستكينة ومرعبة
يا بواكير الصباح
الساكنه في عمق الجراح
اقتلي الوجع البينهش
في شرايين الصباح
وصلي الخطوة التفتش
عن زمان جوانا راح
ما الدمع في عيونا
برحل بين مدائن
وبين بطاح
__________________
عندما تطول الغربه عن الوطن .. تفقد الأشياء معانيها

Last edited by wadasudan; 24-Jun-09 at 17:47.
wadasudan is offline               Reply With Quote               

Old 25-Jun-09, 11:53   #31
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

السحاب

ألحان الفنان الأستاذ علي السقيد
السحاب لو اصلو خاصمنا ... و تعب

و الرياح الفي الدرب

شتّتتْ فرح القوافي

و مّددت حزن المنافي

برضو ريدك فينا باقي

في الحنايا ...في عيون أطفال بتكتب بالدوايا

في المشاوير والحكايا

و جّوه ثابت في القلب



يا سمحه ما غابت مدينة

يا سمحه ما بموت الفريق

و لابينهش في غناوينا الحريق

و الوتر دايماً بغني ..

للقوافل الجايه من وجع الطريق



و السحاب برضو بيعود

ويجيك بي برق البشارة

بينا بينك لا موانع لا سدود

بيناتنا بس تبقي الجسارة
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 26-Jun-09, 16:14   #32
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default


علميني الإحتمال
علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا
بين مظنة وإحتمال
ما بحسِّـك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال
علمينى الإحتمال
ونحنا كيف نقدر نقاوم
فى بلد ملّ الحِوار
صرخة بتموت فى المزارع
زيف مشتّت فى الشوارع
بين مداينّـا الكُتار
علمينى الإحتمال
ونحن كيف نقدر نقاوم
هجمة الزمن التتار
وكيف نحصِّل ومضة الأمل
البيشرِد كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى حروفك
وغيث يخدر فى سهولك
علمينى الأحتمال
ونحن كيف نقدر نجمّع
لى ملامح الليل
بنوصل من مدار
علمينى الإحتمال
وكيف قواى تقدر تقاوم
فى بلد ملّيت صِفوفة
ولاّ أمشى على المزالِق
فى بلد نقرت دِفوفة
ولاّ أشيلِك وإحتِمالِك
إمّا أدّيك فى إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من جروفك
برجا هجعة ليل طيوفك
علمينى الإحتمال
ولاّ نتعاهد نواصِل ..
فى الدروب القاسية نمشى
وفرحة الأطفال نشوفة
ومضة تمحوها الظلال
ولا نتعاهد نواصل
ونظرة تغنيك عن سؤال
فى خيالك .. وغيم ظلالك
بين ظلالك واحتمالى
لمّا يتجاوب سؤالك
ترفع الأحزان ظروفة
وتنقر الأفراح دفوفة
لمّا نتقابل نحقّق
فى وجودى .. وفى وجودِك
أحلى شوفة0000

__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Sep-10, 06:55   #33
تجانى
Golden Member
 
تجانى's Avatar
 

Join Date: Aug 2010
Posts: 3,913
Default



ود السودان ياخى شكرا ليك
على هذا البوست الممتع

__________________

To view links or images in signatures your post count must be 10 or greater. You currently have 0 posts.

حلم العالم ناس تتسالم و البنى ادم صافى النية
تجانى is offline               Reply With Quote               
Old 23-Sep-10, 10:19   #34
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by تجانى View Post


ود السودان ياخى شكرا ليك
على هذا البوست الممتع




الاخ تجاني
شكرا لك على مرورك هنا
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Sep-10, 10:41   #35
MadRaid
Major Contributor
 
MadRaid's Avatar
 

Join Date: Aug 2008
Location: Khartoum
Posts: 237
Default

Quote:
Originally Posted by wadasudan View Post
التقطنى يا صديقي فى الدورب المابتجيك
ودفى حضنك بالأغاني
كلما يضهب طريقك
وامسك الجمره البتوقد .. بين رمادك وبين حريقك
رافق الدمعه البتعرف ..شاسع الحزن البعيقك
ولو فضل فى العمر خطوه
وسع الاحلام .. واهرب منو ضيقك
لى براح بالشوق بيتاوق
وياخى سييبك
من متاهات فى الخواطر
والمشاوير التشاتر
وياخى سيبك
تحية ايضا للمبدعة نانسي عجااااااااااااااااج ولك يا صديقي
__________________
M a D r a i D

To view links or images in signatures your post count must be 10 or greater. You currently have 0 posts.


To view links or images in signatures your post count must be 10 or greater. You currently have 0 posts.
MadRaid is offline               Reply With Quote               
Old 23-Sep-10, 11:03   #36
alrbeea
Golden Member
 
alrbeea's Avatar
 
Sonic Champion!
Join Date: Apr 2010
Location: KSA
Posts: 4,364
Default

لك التحية ود السودان على هذا البوست الجميل
صحي ود السودان عشان يحي هو ود السودان
__________________
انا سعيد لاني أكتب ما انا مقتنع به
alrbeea is offline               Reply With Quote               
Old 23-Sep-10, 11:09   #37
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by MadRaid View Post
تحية ايضا للمبدعة نانسي عجااااااااااااااااج ولك يا صديقي


شكرا لك على المرور الجميل الأنيق
وأهدي المبدعه نانسي عجاج
[ame=http://www.youtube.com/watch?v=d2rwSP3Rm0k]YouTube - ‫ظ†ط§ظ†ط³ظٹ ط¹ط¬ط§ط¬ ط´ظ‚ظٹ ظˆظ…ط¬ظ†ظˆظ† - ط­ظپظ„ ط¨ظˆط±طھط³ظˆط¯ط§ظ†‬‎[/ame]
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Sep-10, 11:13   #38
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by alrbeea View Post
لك التحية ود السودان على هذا البوست الجميل
صحي ود السودان عشان يحي هو ود السودان


لك جزيل شكري على الكلمات االرائعات
دوما .. فى حب السودان
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 23-Sep-10, 11:39   #39
هند نصر
Golden Member
 
هند نصر's Avatar
 

Join Date: Apr 2010
Location: بره الشبكة
Posts: 8,916
Default

ولدو
دخلت مخصوص عشان أهدى ليك الأغنية بصوت نانسى


معليش المرة الجاية
هند نصر is offline               Reply With Quote               
Old 23-Sep-10, 11:43   #40
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by هند نصر View Post
ولدو
دخلت مخصوص عشان أهدى ليك الأغنية بصوت نانسى


معليش المرة الجاية



هند نصر
تشكري ..كأنها وصلت واستمعت لها


فى انتظار قددومك المره الجايه




نبقى على الأمل والأشواق
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 24-Sep-10, 00:09   #41
nusa
Major Contributor
 
nusa's Avatar
 

Join Date: Aug 2003
Location: في بلاد الله الواسعه
Posts: 1,684
Send a message via MSN to nusa
Default

شكرا ليك ودا السودان بوست رائع
__________________
طيفك يزور ماينسى باب يهزم صبرنا ونتغلب
نبكيك نكيل فوقنا التراب لامن يهد حيلنا التعب

To view links or images in signatures your post count must be 10 or greater. You currently have 0 posts.
nusa is offline               Reply With Quote               
Old 24-Sep-10, 12:02   #42
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by nusa View Post
شكرا ليك ودا السودان بوست رائع



تسلمي يا نوسا
شكرا كتير على مرورك الأنيق



جمعتك مباركه
واتفضلى كبايه شاي
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 24-Sep-10, 12:04   #43
nusa
Major Contributor
 
nusa's Avatar
 

Join Date: Aug 2003
Location: في بلاد الله الواسعه
Posts: 1,684
Send a message via MSN to nusa
Default

الله يبارك فيك
سمح مد لي البمبر دا
بلاي سكر خفيف وكباية كبيرة ومايكون تقيل بس
__________________
طيفك يزور ماينسى باب يهزم صبرنا ونتغلب
نبكيك نكيل فوقنا التراب لامن يهد حيلنا التعب

To view links or images in signatures your post count must be 10 or greater. You currently have 0 posts.
nusa is offline               Reply With Quote               
Old 24-Sep-10, 12:14   #44
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by nusa View Post
الله يبارك فيك
سمح مد لي البمبر دا
بلاي سكر خفيف وكباية كبيرة ومايكون تقيل بس





واحد شاى سكر خفيف يكون بي هباهان





تصدقى هسه بشرب فى شاى من النوع ابو كديس
ذى ما قال صديق معتمر جانا من السودان
الشاى ده يخلى الزول يقول شعر
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 24-Sep-10, 12:18   #45
nusa
Major Contributor
 
nusa's Avatar
 

Join Date: Aug 2003
Location: في بلاد الله الواسعه
Posts: 1,684
Send a message via MSN to nusa
Default

ياسلام ياراقي انت
شاي بي هب بهان زمن والله

هبهان دي غلبتني والله
__________________
طيفك يزور ماينسى باب يهزم صبرنا ونتغلب
نبكيك نكيل فوقنا التراب لامن يهد حيلنا التعب

To view links or images in signatures your post count must be 10 or greater. You currently have 0 posts.
nusa is offline               Reply With Quote               

Old 24-Sep-10, 12:23   #46
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by nusa View Post
ياسلام ياراقي انت
شاي بي هب بهان زمن والله

هبهان دي غلبتني والله



__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 24-Sep-10, 12:28   #47
nusa
Major Contributor
 
nusa's Avatar
 

Join Date: Aug 2003
Location: في بلاد الله الواسعه
Posts: 1,684
Send a message via MSN to nusa
Default

Quote:
Originally Posted by wadasudan View Post






احرجتني وجرحت شعوري تاني مابجيك بي جاي
بيتك الشين دا شايك زاتو مسيخ
__________________
طيفك يزور ماينسى باب يهزم صبرنا ونتغلب
نبكيك نكيل فوقنا التراب لامن يهد حيلنا التعب

To view links or images in signatures your post count must be 10 or greater. You currently have 0 posts.
nusa is offline               Reply With Quote               
Old 24-Sep-10, 12:34   #48
wadasudan
Crown Member
 
wadasudan's Avatar
 

Join Date: Oct 2002
Location: دعك من عثرات قولى
Posts: 33,819
Default

Quote:
Originally Posted by nusa View Post
احرجتني وجرحت شعوري تاني مابجيك بي جاي
بيتك الشين دا شايك زاتو مسيخ






نوسا
اثمك ثمح ياخ








كده بيتي كيف؟
__________________
عندما تطول الغربه عن الوطن .. تفقد الأشياء معانيها
wadasudan is offline               Reply With Quote               
Old 24-Sep-10, 12:38   #49
nusa
Major Contributor
 
nusa's Avatar
 

Join Date: Aug 2003
Location: في بلاد الله الواسعه
Posts: 1,684
Send a message via MSN to nusa
Default

لاكان كدا خلاص اديني شاي تاني
القبيل كان مسيخ
__________________
طيفك يزور ماينسى باب يهزم صبرنا ونتغلب
نبكيك نكيل فوقنا التراب لامن يهد حيلنا التعب

To view links or images in signatures your post count must be 10 or greater. You currently have 0 posts.
nusa is offline               Reply With Quote               
Old 24-Sep-10, 12:41   #50
الرمادي
Crown Member
 
الرمادي's Avatar
 

Join Date: Jul 2009
Posts: 11,589
Default

ود السودان اخبارك يا حبيبنا
بوست جميل وممتع يديك العافية لإشراكنا في هذا الجمال
__________________
إني أمد يدي من خلف القفــار نهــرا مـن الأحـــلام دهرا من نهـــار
للناس للبسطاء أبناء شعبـــي الطيبين من ينبشون الأرض بحثا عن يقين
الرمادي is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 08:30.


Sudan.Net © 2014