Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 07-Apr-15, 07:21   #51
TANTAN
Golden Member
 
TANTAN's Avatar
 

Join Date: Feb 2012
Posts: 8,703
Default

.



.

حب الدكاترة عجيب

.





.
__________________
.

To view links or images in signatures your post count must be 10 or greater. You currently have 0 posts.

.
TANTAN is offline               Reply With Quote               
Sponsored Links
Old 07-Apr-15, 11:56   #52
salsabil
Golden Member
 
salsabil's Avatar
 

Join Date: Feb 2008
Posts: 6,930
Default

سجمي يا مصطفي
دكاترتك ديل بشتغلو متين
ولا اجدع لخباتات في الحله

ههههه

هبلسه الف
__________________
كره الثلج اذا ما كرت كبرت اكثر
وانحدرت وفق طرائقها جاعله كل عوائقها
معها مذعنه تتحدر
salsabil is offline               Reply With Quote               
Old 07-Apr-15, 13:01   #53
bitalnuba
Crown Member
 
bitalnuba's Avatar
 

Join Date: May 2009
Location: KSA
Posts: 10,763
Default


والله يا سلسبيل أنا زاتى مستغربة
معقول الدكاترة اللى شايفنهم لافين
ديل ممكن يكونو عندهم وقت لدا كله
يا رواند عند المرضى
يا فى العيادات
يا عمليات
يا طوارئ
يا أون كول


__________________

bitalnuba is offline               Reply With Quote               
Old 07-Apr-15, 13:09   #54
kafinol
Moderator
 
kafinol's Avatar
 

Join Date: Jul 2002
Location: KSA
Posts: 9,859
Send a message via Yahoo to kafinol
Default

إن كيدكن عظيم !!

الواحد يحمد الله أنو غمت الزهرة قبال ما تفتح ..

والآن مستمتعين بالإكتشافات الخطيرة دي بعد ما مرقنا لي بر الأمان

__________________
لنتــفاءل حـتى لا ينهــار جــدار الأمــــل

To view links or images in signatures your post count must be 10 or greater. You currently have 0 posts.
kafinol is offline               Reply With Quote               
Old 07-Apr-15, 13:31   #55
عبد المجيد
Intermediate Contributor
 
عبد المجيد's Avatar
 

Join Date: Dec 2013
Posts: 56
Default

ما تشوف لي طريقة لي لبنى دي
بريحكم منها








عبد المجيد is offline               Reply With Quote               
Old 08-Apr-15, 08:17   #56
kasammber
Golden Member
 

Join Date: Jul 2002
Location: K.S.A
Posts: 6,875
Send a message via ICQ to kasammber Send a message via AIM to kasammber Send a message via MSN to kasammber Send a message via Yahoo to kasammber Send a message via Skype™ to kasammber
Default

Quote:
Originally Posted by عبد المجيد View Post
ما تشوف لي طريقة لي لبنى دي
بريحكم منها










عب عال
هي
عب مجيد




__________________
كل منانا وحياتك تكتر من زياراتك
kasammber is offline               Reply With Quote               
Old 09-Apr-15, 05:17   #57
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 16 ..
بقلم طارق اللبيب ،،
لبنى ماحافظة تلفون عقيل . والموبايل طبعا بقى سليقة بالبصل .. بعد مافرمطتو رفيدة .. فهي مضطرة تمشي لي عقــيل بي بدون سابق انذار .
وعارفة مكان تواجدو .. في العصريات كدا بكون جم ستات الشاي البي شرق الشارع .. في محطة البلابل .
مشت لقتو قاعد يشرب ليهو قهوة بي كباية .. معاهو نفرين كدا .. وبتغالطو في حاجة . اظنها كورة ولاشنو ماعارف .. وهو قاعد كافي رجل البنطلون وقاعد ليهو في بمبر .. اول من شافها واقفة في الشارع . اشرت ليهو بي يدها كدا .. يعني تعال .. بقى يتلفت . قايلها بتتكلم ع زول تاني .. اشرت ليهو تاني بي راسها .. (اااي انت تعال) ..
خت كباية القهوة بي باقيها وقام عليها .. جاها ..بدون مايسلم عليها قال ليها .. اها ليها مالك ؟ في شنو؟
قالت ليهو طبعا" بتعرفني . انا لبنى .. قال ليها انتي في زول في الخرطوم دي مابعرفك؟ قولي خلصيني دايرة شنو؟
قالت ليهو عايزة احكي ليك موضوع .. في مصلحتك ونصيحة لله .. قعد يضحك .. قال ليها انتي متين عرفتي الله؟ .. الموضوع شنو ؟؟ قولي . قولي سرعة بس ..
قالت ليهو طبعا زي ماعارف انو رفيدة صاحبتي .. وانت قاعد تحذرها مني . وهي البتجيني موش انا البمشي ليها .. واصلا" ما انقطعت مني .. حذرتها ولا خليتها .. انت المفروض تحذرني انا منها .. موش تحذرها هي مني .. عارف ليه ؟؟
لانو لو انا سيئة هي اسوأ مني ..
رفيده غاشاك يا عقيل . رفيدة بتحب ليها دكتور شغال في مستشفى بحري .. اسمو مدثر عباس . اخو زوجة محمود .. الشغالة معاهو رفيدة .. وبارياهو وساكاهو .مكالمات. ورسايل .ولقاءات .. حتي كمان بقى يدفع ليها قروش. ماعارفة البيناتهم شنو . لانها بتشيل منو بالملايين .. انا شاهده دفع ليها عشرة مليون.
عقيل نطط عيونو . قال ليها .. كم؟ قلت كم؟؟ يابت ماتسيبي الزف والنبل ده ..
قالت ليهو اقسم بالله .. وكمان ادتني منها .. انت قاعد هنا ماجايب خبر ساي .. هي كانت دايرة تخليك عديل .. لكن ماعارفه الحصل شنو تاني .. بس هسي لو انت قايل رفيدة باقية عليك .. تبقى مغشوش .. ومن حقك تتأكد من كلامي ده بي طريقتك الخاصة .. وانا مستعدة للمواجهة معاها .. ناديها وناديني .. وخليها تنكر كلمة من القلتو ليك انا ده ..
انت عارف .. انا كنت مسجلة مكالماتها كلها في تلفوني ده .. وحكاياتها مع دكتور مدثر .. ومغامرات تسد اضنيك منها .. بس هي مسحت كل حاجة في تلفوني وعملت ليهو فرمطة .. هسي انت تلفونك كان مسجل عندي . برضو اتمسح .
يلا مع السلامه . ومشت على الحافلة تركب .. البت الشفاتيه مبسوطة . بعد انجاز المهمة ..
عقيل ده راسو سخن .. وعيونو بقن حمممر .. واتورمن .. وبقى يشخر زي التور ..
وبقى ينضم براهو .. بالله شوف الدكتور المنافق الجبان .. !!!.
كمان بقول لي اتكلم معاها بهدوء .. والله انا طلعت اكبر فارة ..
حالي انا كنت واثق فيها .. والله دي اكبر حقيرة في جنينة الحيوانات .. والله دي اهانة مابعدها اهانة .. والله انا هسي قربت ابكي . لكن قبل ما ابكي .. ببكيك يارفيدة ..وببكيك يادكتور زفت .. اصبرو لي انا جاييكم ..
.انا قبل ما امشي اسوطها مع رفيدة . لازم امشي اربي الدكتور ده .. تربية من امها . وادخلو كلية الطب من هنا وجديد..
رجع لي جماعتو مع ست الشاي .. اخد ليهو قعده .. كدا والجماعة الاتنين الكانو قاعدين معاهو .. ساكتين ساي ويعاينو ليهو ..
واحد فيهم قال للتاني اسمع .. اللورد ده جاي منكوس كدي مالو؟ ..الدامة دي قالت ليهو شنو؟ .
داك قال ليهو احتمال تكون قالت ليهو .. انا دخلت برج الحمل .. وهاهاه.. فقعوها ضحكة الاتنين..
عقيل قال ليهو والله انا قافلة معاي.. واعصابي تلفانة . .. بطقك بي الكباية دي.. بفتح ليك راسك ..
قال ليهو اهدأ يا لورد .. نحن بنضحك .. قوم يا سيكو قوم ارح من جمبو .. ده الليلة موررم .. من زمان يالورد قلنا ليك الاشكال دي اختاها . بس انت مابتفهم ولابتعرف .. (عقيل مسمنو اللورد) جنس محن !!
ومشو يتكلمو الاتنين مع بعض .. قال ليهو انت عارف ياسيكو؟؟ .. في احتمال تكون قالت ليهو انا عندي ايدز وقرقرقرقرقر .. يقرقرو
(والله ياجماعة غايتو نحن .. عندنا جنس اشكال وانواع من البشر.. بس نسأل الله السلامة)..
طوالي اتهموها . واتهموهو بالكعب . بالرغم انهم مابعرفو عنها اي حاجة ..
عقيل قال لي ست الشاي ..كبي لي قهوة تاني عليك الله .. طبعا ست الشاي تعجبك في النصايح . والتدخلات الاجنبية .. قالت ليهو عليك الله ياعقيل ماتحرق دمك .. ولاتشتغل بالمواضيع دي كتير .. اتعلم فوّت وانسى وعيش ..
قال ليها انسى شنو ياستو؟ .. والله انا الليلة احتمال اقتل عديل .. دمي فاير واصل راسي فوق ..
قالت ليهو قول يالطيف .. يالورد . وامسك في الله . وماتمشي تسوي لك سواتن تندم عليها ..
المهم كمل كبايتو.. وقام ركب ماشي على المستشفى .. ونزل عديل في موقف بحري ..وطوالي على المستشفى التعليمي .. والوكت وكت زيارة لسع ماقفلت .. دفع التذكرة وخشه ..
وسأل من الدكاترة بلقاهم وين؟؟.. لقا ليهو دكتورة اسمها وسام .. قال ليها لو سمحتي يادكتورة .. انا عايز دكتور اسمو مدثر عباس . في موضوع شخصي وخاص ..
قالت ليهو امشي بي هنا طوالي.. واخد اول لفة على يدك الشمال تاني باب ..
وصل .. دق الباب .. قال ليهو اتفضل .. دخل ... لقاهو قاعد براهو .. سلم عليهو وعقيل ظاهر عليهو الغضب والتوتر ..
مدثر قال ليهو مرحب ياعقيل خبرك شنو؟
قال ليهو يا دكتور انت طلعت زول منافق وكذاب .. والزول البشوفك يقول برئ . لكن انت شكلك ثعلب ..
مدثر طلع النظارة وختاها في الطربيزة .. ووقف على حيلو .. و قال ليهو اسمع يااستاذ .. انا مضطر اضبط اعصابي لاني في حقل طبي .. واستحمل كل شتايمك وما ح ارد عليك .. لكن ما تخت في بالك انك بتهرشني او بتخوفني .. وما تعجبك نفختك وزرايرك المفتحة دي .. انا وكت اقوم ..والله بفقد اعصابي .. وبقضي على الاخضر واليابس . عشان كدا احسن تتكلم بي ادب .. قبل ما اقوم امسح بيك البلاط ده .. وفعلا مدثر بقى يرجف ويرتعش ...
يالطيف يالطيف .. شوف مدثر .. ده مالو ده .. والله طلع ماهين ..
عقيل بقى يعاين ليهو باستغراب ودهشة . الزول اتغير التقول ما الزول الوديع داك .. عقيل قال ليهو .. بسم الله . بسم الله .. دي حالتك انت البتوصينا اننا نهدأ .. اهدأ انت اول .. انا عايز اسألك سؤال واجابة .. قال ليهو وانا بجاوبك على كل اسألتك ..
عقيل قال ليهو انت علاقتك شنو بي رفيدة ..؟؟؟
قال ليهو رفيدة انا كنت على وشك اني اخطبها واتزوجها .. بس لمن عرفت انك عندك بيها علاقة وارتباط سابق .. انسحبت من حياتها..
عقيل قال ليهو مافهمت يعني شنو؟..اشرح لي ..
مدثر قال ليهو ايواااا .. خليك هادي كدا ومهذب .وكل شي بتحلا بالهداوة ..
الحاصل يااستاذ .. انا شفت رفيدة في الوكالة ..وعجبتني وطلبت منها انها تكون حلالي .. وهو وافقت .. وماذكرت لي انها مرتبطة بي زول .. واستمرت معاي فترة .. فجأة اتغيرت .. وبقت تقول لي عندي امور عايزة اصفيها ..
اكتشفت انها في حياتها في انسان اسمو عقيل .. وهي عايزة تخليهو عشاني .. ودي الامور العايزة تصفيها .. عشان كدا انا بعدت منها .. فهمت ولا ازيدك ؟؟
عقيل قال ليهو طيب .. شنو قصة العشرة مليون؟؟ انت صح اديتها عشرة مليون؟؟؟ ..
قال ليهو نعم حصل .. بس دي ما داخله في الموضوع ده .. الزولة دي كان عندها ظرف اضطراري.. وانا وقفت معاها ..
عقيل قال ليهو انا مصر اعرف الظرف ده شنو؟ ما حكت ليك بيهو؟
قال ليهو نعم حكت لي .. قالت ابوها مطلوب قروش .. وفاتحين فيهو بلاغ ..
عقيل قال ليهو كذابة . ماحاصل .. انا كل يومين تلاتة في بيتهم .. وبعرف ابوها معرفة شخصية .. وهو صاحبي .. وبجيني في المحطة ..يشيل السيجارة مني ..وبجينا كل يومين تلاتة معانا بي غادي . وانا اتعرفت على رفيدة بي واسطة ابوها .. لا مطلوب قروش ولا فاتحين فيهو بلاغ ..
مدثر قال ليهو يبقى خدعتني .. وانا اديتها ليها بحسن نية .. وربنا ماحيضيع حقي ..
عقيل قال ليهو.. ده كل الحاصل يامدثر؟؟ مافي حاجة تاني ؟؟
قال ليهو .. انا حكيت ليك كل الحاصل .. عشان تعرف الحقايق .. وماتفهم غلط .. ماعشان خايف منك . ولي علمك انا رفيدة لو بقت اخر مرة في الوجود .. تاني ما بتلزمني .. فياريت تفكوني من الاسطوانة بتاعة رفيدة دي .. انا مافاضي ليها .. وتاني لو جيتني حايم على بي جاي ماتلوم الا نفسك ..
مواعيد المقابلة انتهت ياعقيل .. لو سمحت انا عندي شغل .. يازول عقيل قام علي حيلو .. اتخارج براااحة .. والله الخوف قاطع قلبو .. سبحان الله .. قبيل وكت هو جاي ..انا قلت خلاس الليلة بفجخ مدثر فجيخ .. طلع زي الحمل الوديع ..
المهم في الامر.. انو عقيل اتصل تلفون على رفيدة .. قال ليها اسمعي يابت الـــ (..........) يا مجرمة .. يا رخيصة .. بالله تمنك عشرة مليون؟
كان تكلميني كنت بدفعهن ليك ..
اوعك تلاقيني .. لاني اليوم البشوفك فيهو .. بكب ليك موية نار في وشك .. واخرب ليك وشك البتصيدي بيهو الرجال ده .. اصبري ساي .. انا بلم فيك يا اخت ابليس الكبيرة .. تف عليك وعلى وشك ياحقيرة ..
قالت ليهو الحمد لله انك عرفت براك .. من زمان قلت ليك انا ماعايزاك .. بس انت لايوق .. اصلا انا كان براي عايزة اسيبك .. قال ليها اسكتي يا صَبَرَة (الصبرة انثى الثعلب) .. بس انا بنظمك وبدمرك والله دمار ماسمعتي بيهو في حياتك ..
وقفل منها الخط ..
كان الاتصال بالليل .. وهي كانت في البيت .. في غرفتها بتجهز طالعة ليها على مناسبة .. حست بي قلبها ده .. زي الولعت فيهو نار .. مع انها المفروض تفرح انو الزول ده خلاها براهو,,
طبعا" ياجماعة اكتر حاجة بتدمر البت الشايفة روحها سمحة .. كونها تحس بانها غير مرغوب فيها .. وانو خطيبها او حبيبها او زوجها رفضها بي محض ارادتو .. الحاجة دي بتدمرها دمار مابعدو دمار ..
لانو قالو النفسيات تتحطم من عند فقدان (الامل في المأمول) .. وفقدان (الثقة في الموثوق) ..
مثلا اضرب ليكم مثل .. لو في زول عندو دهب زي كيلو او كيلوين .. وداسهن في حتة الجن ما بصلا .. وفرحان ومطمئن . وعاد نفسو مع الاغنياء . فجأة يكتشف انو ده ما دهب .. ده صفر وللا نحاس ...!!
شوف كمية الاحباط والدمار البصيب نفسياته .. دي البت المغرورة بي جمالها .. لمن تحس بانو جمالها ماعندو قيمة ..
وبي كدا .. مدثر اتأكد من انو رفيدة كانت عايزة تسفو فعلا .. وفعلا غشتو واكلت منو عشرة مليون ..
ونشأ جواهو استحقار لي رفيدة الله لاوراكم ليهو .. وقنع منها ظاهرأ وباطنا .. وعقيل ساطها معاها .. والان خرجت من الاتنين صفر .. بس لقت ليها عشرة مليون حرام وسحت ..
وبي رغم الدمار الحاصل جواها ابتسمت.. وقالت بتتكلم براها .. هه عليك اتلمه ياعقيل .. انت وللا مدثر وللايحزنون . والله انا اجيب سيد سيدكم



__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 11-Apr-15, 08:11   #58
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 17 ..
بقلم طارق اللبيب ،،
لبنى تاني يوم مشت بي نفس الحقد والكراهية الماعندها حد .. مشت للوكالة .. ولقت رفيدة قاعدة .. ومحمود موجود قاعد جوة .. سلمت وقالت ليها انا جيت يا رفيدة .. وجاية اعمل فيك عمايل ..
قالت ليها.. الله يخليكي يالبنى .. والله انا اسفة.. اني فرمطت ليك التلفون لاني كنت خايفة .. بس الله يخليك ماتعملي لي فضايح كفاية ماتضريني .. انتي مشيتي كلمتي عقيل بي كل حاجة .. وهسي عقيل خلاص يالبنى خلاني وشتمني .. انا برضو عافية ليك يا لبنى .. بس لغاية هنا كفاية .. ماتقطعي عيشي انت عارفة الشغل ده ياهو معيشة ناس البيت ..
قالت ليها لالالا .. لازم محمود يعرف جرايمك .. ويعرف العشرة مليون برضو .. قالت ليها لبنى الله يخليك انا في البيت عندي تلاتة مليون.. بديك ليهن.. بس امشي بعدين بجي غاشياك ..
قالت ليها انا منتظراك هنا ده.. لمن تطلعي بمشي معاك البيت تسلميني ليها.. انتي شيطانة ومامضمونة .. كدي ان شاء الله تكوني بتكضبي.. عشان اطلع قصصك في جريدة الدار ..
قالت ليها بوعدك الليلة اجي غاشياك في البيت .. واسوقك معاي بيتنا .. واديك ليها الليلة في الليل ده ..
وفعلا .. مشت لبنى .. ورفيدة غشتها في البيت وطلعت معاها مشت معاها السلمة واستلمت التلاتة مليون ورجعت بي امجاد ..
وبي كدا يكون نصيب لبنى 6 مليون ورفيدة ما اتحصلت الا على 4 .. وفقدت مدثر وفقدت عقيل ..
ومدثر قطع الظلم في قلبو وسكت ..
يوم في المستشفى .. محمديوسف قال ليهو يامدثر اتكلمت مع غادة؟؟ .. قال ليهو والله يا محمد مفكر اتكلم معاها .. بس في مشكلة انت ماعارفها ..
قبل كدا نسرين كلمت زوجة مزمل اخوي.. قالت ليها مدثر فرق بين زميلو وخطيبتو .. والكلام وصل ابوي .. وانا قلت لابوي انا عايز واحدة اسمها رفيدة .. وهسي ماعارف اعدل المعلومة دي كيف ..
واقنع ابوي بي ياتو باب ..
قال ليهو رفيدة دي شنو كمان؟؟ .. قال ليهو لمن تكون فاضي بحكي ليك ..
اها لمن مدثر قعد يحكي لي محمد يوسف الحب والشجن الكان جواهو لي رفيدة .. وانو ماكان عندو اي شي لي غادة ..
هو بحكي ليهو كدا محمد يوسف عيونو اتملن .. وقال ليهو حرام عليك يامدثر .. طيب انت ليه ماحكيت لي الكلام ده .. انا كنت ظالمك ..
قال ليهو انت يامحمد ما اديتني فرصة.. متذكر كل ما اجي اتكلم معاك بتقفلني ..
محمد يوسف قال ليهو انت هسي غادة دي عايزها من جواك .؟
قال ليهو والله يا محمد غادة بالنسبة لي انا امنية .. ياريت اكون بستاهلا .. دي انسانة عرفناها .. ودرسناها .. نعم التربية والاخلاق .. والاصالة ..
محمد يوسف قال ليهو خلاص من ناحية ابوك ماتشيل هم نهائيا" من الموضوع .. بس انا طالب منك طلب .. ادي ناس البيت خبر انك انفصلت من بت الوكالة .. وخلي الباقي علي ..
قال ليهو دي بسيطة ..بس انت عايز تعمل شنو ؟ انا خايفك تطبزها ..
قال ليهو ماتشيل هم يامدثر ..
واتفقو على كدا ..
وفعلا مدثر يوم كان في البيت .. و رحاب ومزمل وابوهو وامه كل الناس كانو قاعدين في الغدا .. كلمهم انو هو اتخلا عن رفيدة.. لانها كانت عندها علاقة مع واحد اسمو عقيل.. وماقدرت تنساهو ..
هنا رحاب نطت .. قالت ليهو طيب هي ليه ما كلمتك من البداية؟؟ .. قال ليها
والله اظنو كان بينهم مشكلة.. وهي ظنت انها تقدر تسيبو .. بس خلاص الخير فيما اختاره الله ..
رحاب قالت ليهو.. البركة.. اسأسا هي مابتستاهلك .. انا مشيت بيتهم وعرفت انهم ما بتوافقو معانا .. مدثر كان بشرب في موية .. وقف الشراب وبقى يعاين لي رحاب .. نظرة عتاب قاسية .. وهي فهمتها واتحرجت جداَ..
على كل حال .. ناس البيت كلهم عرفو انو رفيدة دي اصبحت في خبر كان .
ومدثر كلم محمديوسف .. قال ليهو خلاص انا كلمت ناس البيت.. انو رفيدة راحت في حال سبيلا ..
محمديوسف قال ليهو .. بس خلاص خلي الباقي على .. انا بعدين المساء ماشي معاك البيت .. عشان الاقي ابوك .. نخلي ناصر وابراهيم يسدو لينا ونمشي بسرعة ونجي ..
العصرية كدا اخدو الاذن السريع واستخلفو اتنين من الدكاترة والوقت عبارة عن ساعة ونص ..
مدثر اتصل يجهزو ليهو غدا معاهو صاحبو ..
في الشارع .. محمد قال لي مدثر.. اسمع يامدثر.. انا بس عايزك تقول للوالد زميلي ده عايز يتكلم معاك ..
قال ليهو انت عايز تقول ليهو شنو؟؟ . ح تقول ليهو عليك الله خلي مدثر يتزوج غادة هههه ؟؟
المهم وصلو البيت .. ولقو الغدا جاهز والوالد منتظرهم .. بعد الغدا مدثر قال لي ابوهو.. يا ابوي زميلي ده دكتور محمديوسف صديق عزيز على من توتي .. وانا حكيت ليهو عن الكلام الجابتو انعام مرة مزمل اخوي.. وهو عايز يحكي ليك حاجة ..
عمك عباس قال ليهو اتفضل يا محمد عايز تقول شنو؟
قال ليهو ياعمي البت الحكت لي زوجة مزمل دي زميلتنا في المستشفى .. وقالت الكلام غيرة بس .. وانا الزول المقصو بالكلام .. ماكان بيني وبين الدكتورة في اي حاجة .. بالعكس نحن اقترحنا لي مدثر انو يتقدم ليها .. لانها انسانة ممتازة وهي عايزاهو .. ومدثر كان متعلق بي بت شغالة في وكالة.. وهسي اكتشف انها ما بتتناسب معاهو .. فانا بقول يعني لو اتكلمتو مع مزمل ده .. واقنعتوهو معاي .. بي دكتورة غادة والله من احسن البنات .. وانا شخصيا" لو ما كنت مرتبط .. ماكان خليتها ليهو .. لكن انا مرتبط وهو اقرب الناس لي ويستاهلا ..
عمك عباس قال ليهو والله ياولدي اهم حاجة انو الزول يكون بعرف البت ويعرف اهلها اهم حاجة ..
محمد قال ليهو والله ياعمي البت دي من اسرة من احسن الاسر واهلها محافظين جدا .. وناس ارابيب واصحاب نفوذ وكلمة ..
قال ليهو ديل ناس منو؟ لازم اكون بعرفهم .. قال ليهو ابوها فلان الفلاني .. عميد طيار . وعمها فرتكان في الحتة الفلانية .. المهم عمك عباس صلح قعدتو ..
وقال ليهو طيب يا مدثر انت راجي المولد؟؟ .. لو البت ماعاجباك قول ماتتبوم كدي ..
قال ليهو ابدا يا ابوي والله البت ممتازة ..
قال ليهو طيب متردد مالك؟
قال ليهو يا ابوي بس انا مشغول شوية .. لكن مافي مشكلة قول ان شاء الله ربنا يهون ..
بعد طلعو ماشين على المستشفى .. مدثر قال لي محمديوسف بس ان شاء الله مايكون في زول في حياتها .. محمد ضحك قال ليهو ابدا" يامدثر مافي . انت بقيت تهلوس والود عقيل جابلك وسواس قهري ههههه
انا بضمن ليك الحكاية مافي اي زول في حياة غادة .. لانها بتحكي لي نوسة كل حاجة .. ونوسة طبعا مابتسكت .. مافي شي صدقني.. بس انا بقول ليك اسرع اتكلم معاها الظروف ما معروفة ..
قال ليهو جدا يا محمد.. انت العليك سويتو ربنا يكرمك كرما" من عندو
وانا ان شاء الله اقوم بالباقي ..
مدثر من اليوم داك بقى يخش في غادة حبة حبة .. وماشي مقرب عليها .. وهي ماشة باعدة منو .. وكل يوم نظرة وبسمة .. وحركات ناس مساكين .. وحنك بيش كدا .. وهي بقت تتزاوغ منو بطريقة غريبة خلاص .. يوم طوالي ناداها براها ..
قال ليها ياغادة .. انا طبعا حكيت ليك قبل كدا .. انو في موضوع في حياتي .. مابقدر اتخذ خطوة مالم اعرف نتيجتو .. للاسف ياغادة موضوعي طلعت نتيجتو فاشلة ..
وانا على طوال مافكرت في انسانة تصلح لي حياتي غيرك ..
قالت ليهو عليك الله ؟؟ واحلاتي يايمة .. نان انا خاص بس تختني في الركن؟؟ .. وتجيني لمن تنجرح من حبيبتك؟؟ .. لالا يا اخوي يفتح الله .. انت قبل كدا موش قلت لي بتحبها ؟؟
انت لو لسع بتحبها يبقى انا مافي لي مكان .. ولو اتخليت عن كل الحب الجواك داك الحكيتو لي .. يبقى انت انسان مامضمون وممكن تبيعني في اي لحظة ..
قال ليها فعلا انا كنت بحبها اكتر من روحي.. لكن لقيت انها غاشاني .. وفي زول في حياتها وهي بتحبو .. وكانت داسة علي ..
اها دي بتحليها كيف؟؟ .. اواصل احبها ..؟ وللا اتخلا عن حبها .؟ قولي .. مالك سكتي ؟؟
قالت ليهو يعني لو مافي زول في حياتها .. كنت بتواصل معاها عادي؟؟ وانا ولا كأني في الوجود صح؟؟
قال ليها صح ..
قالت ليهو اسمع يا مدثر انت ما بتنفع معاي.. انا عايزة زول يكون شاريني وماشايف غيري .. ولا في قلبو نقر ناقوس الحب .. ولا اتصدم ..
اعفيني من الموضوع ده يا مدثر .. انا فكرت كتير واكتشفت انو كنت انانية .. وغبية . كوني انتظرك وانت متعلق بي واحدة غيري .. انسى انسي .. يامدثر ارجوك ماتفتح لي السيرة دي تاني ..
وقامت من جمبو متهيجة وصارة وشها صرة شينة خلاص .. البت الحلوة وطيبة حتى في غضبها جميلة ..
مدثر يعاين ليها لامن فاتت وخشمو ده بقى ليمون ليمون ..
الزول ده لامة فيهو عوارض تقيلة .. يكون مكدك ولاحاجة ؟؟ معناها داير جلسة سريعة ههه


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 11-Apr-15, 08:37   #59
Dawoodi
Crown Member
 
Dawoodi's Avatar
 

Join Date: Apr 2002
Location: NAG
Posts: 24,324
Default

من يوم خلصت حكاية الكوز اللي شنو كدا داك مش عارف... بطلت أقرأ الروايات الطويلة دي
بقيت ناس امسك لي واقطع ليك

زبحتونا تّزبح
__________________
خذ العفو.. وأمر بالعرف.. وأعرض عن الجاهلين
Dawoodi is offline               Reply With Quote               
Old 11-Apr-15, 10:22   #60
Assortments
Major Contributor
 
Assortments's Avatar
 

Join Date: Jul 2010
Posts: 1,262
Question

salam, why is it interesting to follow pages and pages of text on moshat exactly how is that going to enrich you intellectually
__________________
هند مترصداني
To view links or images in signatures your post count must be 10 or greater. You currently have 0 posts.
هند قالتلي
To view links or images in signatures your post count must be 10 or greater. You currently have 0 posts.
هند سووتلي
To view links or images in signatures your post count must be 10 or greater. You currently have 0 posts.

رجاءا من غير انهيار عصبي


To view links or images in signatures your post count must be 10 or greater. You currently have 0 posts.
Assortments is offline               Reply With Quote               
Old 12-Apr-15, 09:05   #61
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

الحلقة 18 ..

بقلم طارق اللبيب ،،
مدثر الحركة بتاعة الرفض دي .. خلتو يحس بي احساس غريب .. وتعلق الممنوع المرغوب فيه .. احساس بختلف غاية الاختلاف من احساسو بي رفيدة .. واستغرب في الزولة الكانت بتتمنى انو يتكلم معاها كلمة واحدة .. كيف اتغيرت التغيير العجيب ده؟ ..
لكن العجيب في الامر.. انو مدثر ما حس باي اهانة من الحتة دي واعتبر الموقف ده ردة فعل طبيعية لاي فتاة سودانية . من اسرة كريمة ..
من الطبيعي مدثر المفروض يلم روحو ويحترم نفسو .. لكن بالعكس اصر عليها زيادة .. وقال ليها براحة كدا بتكلم مع روحو بعد فااتت .. الايام بينا ياغادة ..
غادة بعد مشت من مدثر مشت دخلت الحمام .. وماكان عندها اي حاجة في الحمام بس خشت بكت بكت بكا عجيب .. لامن حست بانها نفشت . وغسلت وشها وطلعت .. وبقت تتلفت في الممرات مافي زول يشوفها بي عيونها الحمر ديل .. بيعرف انها كانت بتبكي ..
مافي زول شافها والكل مشغول ..
اما نوسة فكانت بتراقب في الوضع من بعيد .. وماقادرة تفهم الحاصل شنو بين غادة ومدثر .. ومهمتمة بالموضوع شديد لانو فعلا بهمها جدا ..
يوم قالت ليها ياغادة الحصل شنو بينك وبين مدثر؟ .. قالت ليها مدثر يانوسة انا عايزة احتفظ بيهو كذكرى طيبة في حياتي .. خلاص انتهيت من موضوعو .. سبتو يانوسة
لكن والله ماهاين علي.. يابت الود انا حبيتو بي كل احساسي.. لكن بالمنطق كدا ماعايزاهو .. بس قلب السجم ده مامريحني والله ..
قالت ليها ياتو منطق ياغادة؟؟ البرفضي بيهو مدثر؟ ..
قالت ليها انا حكيت ليك انو كان بحب واحدة .. طبعا" هسي شكلو . دقتو بي شاكوش خلت نخريهو ماشات ..وجاني انا .. لانو مفتكر اني خلاص من يجي بلاقيهو بالاحضان .. فانا طبقت لي الضربة .. بس والله بحبو اكتر من حياتي ..
لكن عايزاك توعديني يانوسة ما يعرف مشاعري الحكيتها ليك دي .
ده قرار انا اتخذتو وخلاص ..
نوسة طبعا اتضايقت جدا من قرار غادة ..
قالت ليها ياغادة ماتبقى هبلة مغفلة .. وبعد يفوت تجي تاني تتندمي
وتسفي التراب ..انتي مادام بتحبيو .. طبع المحبين السماح ..
قالت ليها بس انا أتاكد من وين انو بحبني؟ .. احتمال جاييني كملجأ من الاحزان .. وتسلية ليهو في محنتو ..
قالت ليها والله في دي معاك حق من حقك تتأكدي .. بس معناها انتي مدثر شخصيا ما رافضاهو ..
ونوسة بقت شغالة زي الدربكين بين غادة ومدثر .. وهدفها بس تلمهم مع بعض باي طريقة كانت .. ومعروف هدفها شنو ..
طيب ..في الوكالة هناك في درامة شغالة .. كل دقيقة تلفون رفيدة تيت تيت .. رسالة . تفتحها تلقاها من عقيل ..
يا خاينة يا حقير .. الله لاغزا فيك بركة ..
تيت تيت ..
ان شاء الله ربنا يدمرك زي مادمرتيني ..
تيت تيت ..
ماتفكري انك ح ترتاحي في حياتي يا شوم ..
وهي اصلا مابترد عليهو باي رد ..بس القصة دي عاملة ليها زعزعة نفسية .. واستمرت الحكاية دي فترة ..
وفكرت تغير رقم تلفونها .. لكن عارفة انو في تواصل بين عقيل وبين الشقفاتية لبنى ..وح يتحصل على رقمها .. بس بقت مصمتة صوت تنبيه الرسايل .. وتقرا وتمسح ..
وكت زهجت من الموضوع فكرت في حاجة ..
رسلت ليهو رساله طويلة ..
عقيل الله يخليك انا والله بالجد اسفة .. انا والله غلطت غلط كبير ومعترفة .
انافعلا بحبك انت ..وربنا بشهد على كدا ..لكن لبنى قالت لي ماترفضي دكتور مدثر ..عشان نسفو ونفكو عكس الهواء . وانا الغبية صدقتها .. وده كان غلطي .. وفي النهاية ندمت وسبتو لكن
لبنى هي العايزة تخرب حياتي .. ..
فياريت تسامحني انت لو ماعايزني مامشكلة لكن بس طالبة منك تسامحني ..
اها لمن جات الرسالة لي عقيل .. رد عليها طوالي وسريع ..
هلا يارفيدة ..ومنو القال ليك انا ماعايزك .. انا عايزك ومابقدر اعيش من دونك.. بس انا زعلان لانك اتخليتي عني بي سبب الدكتور الاهبل ده ..
قالت ليهو يعني سامحتني وح نرجع زي ما كنا ؟؟
رسل ليها قال ليها.. ايوة ياريت ..
بعد كدا وقف الرسايل .. وبقى يصبح عليها بالصباح ويمسي عليها بالمساء ..
يوم قال ليها انا جاي اتقدم ليكم في البيت .. واطلبك من ابوك طلب رسمي ..
قالت ليهو صحي حبيبي؟ والله ماقادرة اصدق .. عليك الله بالجد ماتغشني .. اها وكت اقتنعت.. اتفق معاها على مواعيد.
ولمه شلة من اولاد عمو .. واصحابو الصعاليق والشفاتة وعندو خالو كدا صاحبو شديد.. واتفق معاهم على انو .. قاليهو لمن تصلو هناك قولو ليهم دايرنو عقد .. اوعكم تقبلو بي خطوبة ..
بس انتو اطلبو العقد وخلو الباقي علي ..
عارف لمن كانو ماشين على السلمة .. غشو مأذون في الازهري ورفعوهو معاهم بي شنطتو في البوكسي ..
ولما وصلو هناك ..ابو رفيدة شاف الماذون عرف انو الجماعة جايين لي عقد ورفيدة قالت خطوبة بس ..
قال لي ولدو اوعه تكلم رفيدة.. تقول ليها دايرين يعقدو .. خليها نعقد عليها وننفك من سيرتها . وبعدين نختها امام الامر الواقع .. ودي الحاجة العايزها عقيل .. وخايف انو اهلها مايوافقو ..
اها اول من قعدو خالو قال ليهم طبعا ياجماعة نحن عارفين انو البت والولد متفقين وانتو موافقين وحكاية الطلب دي حكاية شكليه . فنحن جايين نعقد . لاني انا عندي سفيرية واحتمال ما اجي قريب .. وبعدين اهل عقيل اتفقو معانا يجو للمناسبة ..
ابوها قال ليهو .. جدا ياخال ..نحن موافقين ..ابدا يامولانا على بركة الله .. وتم العقد ..
اول الناس اتفرقو ورفيدة جات من الجيران .. كانت بتتظبط .
عرفت انو القصة ما خطوبة ..الناس عقدو ..اتفاجأت وقعدت تبكي ..
ليه يا ابوي عملت كدا .؟ انا ماعايزة عقد ..هسي انا لغاية هسي ما اتاكدت من عقيل ؟ وابوها طبعا مافاهم حاجة .. قال ليها يابت عقيل ليك معاهو سنتين.. ماقدرتي تتاكدي منو؟ بلا كلام فاضي خلاص انتهينا ..
ورفيدة كانت مرتبكة من العقد التما وهي ماكان ماخده بيهو خبر.. لامن عقيل ولامن اهلها .. ومامعروف المستور في الغيب شنو؟..
بالنسبة لي نوسة مازالت مساعيها في لم الشمل .. وطبعا ماكلمت مدثر بي احساس غادة على حسب ما وعدتها ..
وكل لحظة بتمر على مدثر بزداد تعلقو بي غادة . وبرسل ليها في الرسايل .. يعبر ليها عن حبو وشغفو ويترجى فيها تغير قرارها ..
وهي مابترد عليهو خالص نفس النمط الكان شغال بي غادي مع بت الوكالة ..
ومن كتاباتو العجيبة ..
ياغادة الحسن الذي شغل الجوى..
انتي المراد وانت كل المشتهى ..
منكِ البدايـةُ والــــودادُ ونورُهُـ ..
واليكِ حــبي والهوى و المنتهى..
وكتب لها ..
روحي تعلقت ..وفي حبك تسلقت .. وكلماتي تملقت .. فمابرحت ترتجيك .. وحروفي تشتهيك .. من اجل طبع فيك .. آمالي عليك.
فانا اتوسل الى قلبك الحنون .. ان يدركني قبل ان اصاب بالجنون..
وغادة تقرا وتبكي ومابترد ..
وخلاص تعبت وفاض بيها كلو كلو .. الريدة جواها مغلغلاها .. وعزة النفس والكرامة مانعاها..
كل يوم بالليل تجيها رسالة من مدثر قبل ماتنوم .. وبقت تكون صاحية منتظرة الرسالة .. ويومو المايرسل تقعد مقلقة والنوم يغلبها .... !!
يوم من ذات الايام .. نوسة مشت لاقت ريان بت الحلفاية ..وقعدن يتونسن ..
ريان قالت ليها .. ماشاء الله يانوسة خسيتي شديد .. انتي بتعملي في شنو يابت؟ ..
قالت ليها والله تعبانة جنس تعب .. دايرة اخس باي طريقة .. يختي دي ماطريقة دي ..والله انا بي حالتي دي لابعرس ولاحاجة ..
قالت ليها اها بتعملي في شنو؟ .. قالت ليها باكل جرجير زي غنم الحلة ..
نفسي بس يكون عندي جسم زي دكتورة غادة .. البت دي مجننة الرجال ههه ..
قالت ليها انتي غايتو يانوسة .غادة دي بتغيري منها التقول ضرتك ..
قالت ليها لالا ياريان.. ده كان زمان ..انا بعد بقى حبيبي محمديوسف .
تاني غادة ماعندي عليها اي حاجة بالعكس. انا اليومين ديل واقفة معاها وحانة عليها ..
ريان قالت ليها ليه ياحلوة؟ مالها حاصلة عليها مصيبة ولامصيبة ؟
قالت ليها انا احكي ليك.. ياريت تقدري تعملي حاجة ..اصلك بتريديها زي عويناتك ديل ..
عارفة ياريان ..الزولة دي طبعا دكتور مدثر اتقدم ليها ..وهي رفضتو
عشان كيت كيت . وهسي باقي ليها حار وماعارفة ترجعو كيف .
ريان قالت ليها غايتو انتن عدنكن حركات بتعرفن ليها براكن .. الموضوع اسهل مايكون ..
تقول ليهو عديل اوترسل ليهو ان شاء الله رسالة .. تقول ليهو انا فكرت في الموضوع وغيرت راي ..
قالت ليها قالت مابتقدر .. عزة النفس والكرامة ياهناية ..
قالت ليها هوي بلا هبل ..كرامة مع الحب الحقيقي مافي . والزول المابعز حبيبو اكتر من نفسو ده ما بحب ولاحاجة ..
قالت ليها والله يا ريان.. انا اكتر شي خايفة منو .. انو يقوم مدثر ينط ليهو في موضوع تاني ويخليها خشمها يابس ..
قالت ليها لو بنط يبقى مابستاهل غاده خليهو يتلهي .. بعدين انتي لو اديتيني الاذن الموضوع ده.. بلايقو ليك في يومين..
قالت ليها لايقيهو بي ويكة ..بس ماتجيبي سيرتي .. جنس ملايقة وام رقيقة ههه .. قالت ليها طيب يا نوسة ..يلا اتفرجي وشوفيني بعمل شنو؟
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 13-Apr-15, 05:46   #62
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default


الحلقة 19 ..
بقلم طارق اللبيب ،،
في خلال ايام بسيطة . ريان مشت اتكلمت مع غادة .. وسألتها من الموضوع والحاصل بينها وبين مدثر .غادة مادست عليها .. وحكت ليها كل الجواها . وسبب الرفض واي شي ..
بس ريان زولة ذكية شديد .. قالت ليها ياغادة انا عايزة اسألك .
لو في واحد كان متزوج . وبحب زوجتو شديد. قامت زوجتو ماتت .. يتزوج تاني وللاممنوع ؟ .. قالت ليها يتزوج تاني ..
قالت ليها البتقبل بيهو منو؟. وهو كان بحب ليهو واحدة قبليها؟ معناها اي واحدة تقبل بيهو دي اتصرفت غلط؟؟
قالت ليها ابدأ انا ماقلت كدا ..
قالت ليها طيب .. لو في واحد متزوج .. واختلف مع زوجتو .. وطلبت الطلاق .. او طلقها بي ارادتو .. تاني مايتزوج؟
قالت ليها يتزوج ماقلنا حاجة ..
قالت ليها طيب الزول العندو علاقة مع واحدة وكان بحبها . وما اتفقو .. واتخلو عن بعض .. تاني مايفكر يرتبط؟ .. ومافي واحدة ترتبط بيهو؟
قالت ليها بس بفرق .. انا مدثر كان بعرفني من قبل مايفترقو ..
قالت ليها طيب .. على حد حكايتك .. انو كان عندو معاها علاقة قبل ما تدخلي انتي في حياتو صح ؟
قالت ليها نعم ..
ريان قالت ليها عليك نوووور .. انتي عارفة تصرف مدثر انو يرفضك في الاول وهو مرتبط .. ده بدل على وفاء .. في الزمن ده ماموجود .
والله انتي لو فكرتي بي عقل .. وختيتي نفسك في محلو . تلقيهو ارجل راجل .. لكن تفكيرك في اللحظة دي مقفول على كرامتك والعباطة البتعملي فيها دي .. غادة سكتت سااااي .. مسافة خمسة دقايق .. وريان تعاين ليها .. وغادة سارحة في الارض ..
قامت قالت ليها ياريان فرضنا هسي انا وافقت بيهو .. كيف ارجع من كلامي .. تاني مابحترمني نهائي ..
قالت ليها انتي متأكدة انو بحبك وعايزك؟ .. قالت ليها ايوة في الفترة الاخيرة .. من خلال رسايلو المابتنقطع .. بالرغم اني مابرد عليهو ..
وكل مايشوفني في حتة يقعد يتبسم . ويسلم علي بي بشاشة شديدة . يعني من ناحية بحبني دي ماعندي فيها شك؟
ريان قالت ليها وانتي متأكدة انك بتحبيهو ومابتتمني زول غيرو؟
قالت ليها وااااااي ياريان انتي ماعارفة العلي ساي ..
ريان مستهبلة قالت ليها كرعلي يايمة من العذاب ههه .. خلاص يازولة اعتبري الموضوع منتهي ..
قالت ليها منتهي كيف؟ .. قالت ليها مدثر ح يجي يتكلم معاك تاني .. بس بتوعديني تاني ماتصديهو ..
غادة قالت ليها مابصدو والله .. خلاص انا غلبني كتر علي .. نفسي بس اقعد اتكلم معاهو ساي .. ان شاء الله دقيقتين .. ماقادرة .. ياريان ماقادرة ..
طوالي يازول من الحتة ديك ريان مشت كايسة لي مدثر .. لقتو الليلة اوف .
واليومين ديل مشغول مع نهاية الخدمة .. والاستعداد للمرحلة الجاية من حياتو المهنية .. ونايب اخصائي وكدا ..
وانتظرتو لغاية اليوم التاني بي فارق الصبر .. اتكلمت معاهو كتير ولقتو معذب عذاب السنين .. قالت ليهو هي كلمة واحدة يا مدثر ..
انت عايز غادة ولا ماعايزها؟؟
قال ليها طبعا والله بتمناها لي حياة الى الابد .. قالت ليهو امشي اتكلم معاها واطلب منها كدا ..
قال ليها بس هي رفضتيني .. وقالت لي تاني ماتفتح السيرة دي ..
قالت ليهو المرة دي مابتقول ليك .. على مسؤليتي .. لو قالت ليك كدا ولا كدا .. تاني ماتصدقني في حاجة ..
قال ليها هي وين هسي ..؟ قالت ليهو قاعدين كلهم في مكتب دكتور عادل . وانا عايزاك تتكلم معاها قدام الناس ..
الظاهر ياجماعة .اظنو الدكاترة كلهم كاشفين الحكاية . ومتحضرين للحظة دي ..وماعارف هدفهم شنو .. بي انو مدثر يطلب يد غادة قدام زملاها ..
قال ليها بس قدام الناس الاحراج حار ياريان .. لو احرجتني المرة دي ماعارف اعمل شنو؟
قالت ليهو ياود انت دكتور شنو ياخي ؟ امشي عليك الله واتعلم المجازفة مرة ةاحدة في حياتك .. شوفها لذيذى كيف..
طوالي قام على حيلو .. وقال .احم احم. وصلح اللياقة بتاعة البالطو .. ومشى طوالي .. ظت ظت ظت .. بي مشيتو السريعة ديك .. ريان دي لاحقاهو لامن نفسها قام .. والتقويم قرب يطير هه
مشى لقاهم كلهم قاعدين .. وغادة قاعدة في اخر الكنبة وفي كرسي فاضي .. قال ليهم السلام عليكم ورحمة الله .. كلهم قالو ليهو عليكم السلام .. اتفضل الكرسي ده حقك ..
قال ليهم محمد يوسف وينو؟ ..
قالو ليهو يهداك جاي وراك .. وصننن الناس سكتو .. ومنتظرينو يتكلم ..
قال احم احم .. ياجماعة مالكم ساكتين كدي حسستوني بي معاينة امتحان الجدارة وكدا .. هههه
وبرضو ساكتين .. ومحمد يوسف دخل سلم وقعد .. والحتة دي مليانة اظن زي اربعة دكاترة وتلاتة دكتورات ..
طوالي مدثر استعدا وقوى قلبو وعاين لي غادة كدا وابتسم بي خجل . وقال ليها غادة ..
Please marry me
(يعني فضلا" تزوجيني .. )
قالت ليهو ..
I refuse ..)
Speak in Arabic)

يعني انا ارفض .. اتكلم بالعربي ..
هههههه غايتو جنس حالة !!..
>>
قال ليها طيب.. عليك الله ياغادة .. اقبلي تكوني شريكة حياتي ..
قالت ليهو .. ده يوم المنى حبابك عشرة .. والناس ديل كلهم .. رط رط رط رط .. صفقو .. يعني عاملين حركات حواجات وكدا ..
الناس بصفقو مدثر دمع . وبقى يعاين ليهم .. قال ليهم انا عارف انكم مخططين لي كل شي من وراي .. ربنا مايحرمني منكم ..
محمد يوسف قال ليهو تستاهل كل خير ياود عباس .. والله غادة تستاهلك وانت تستاهلا .. ونوسه دي قاعدة هناك تقشقش في دميعاتها .لو ماشايفاها شينة كانت زغردت..
والفرحة عمت ارجاء المكان .. ورين طلعت ليها كيس بتاع حلاوة نعناع .. وزعتو على الجماعة .. واتفرقو على العنابر وبقو شغالين بي مزاج وكلهم فرحانين لي مدثر وغادة ..
ومرت اجمل اسبوعين في حياة مدثر .. وهو عايش كل طبقات الحب بي شتى تفاصيلو ..
ومرة قال اللبيب ..
اصلو الريد عجيب ومنوعات اقسامو ..
روحو ملونة ورايع بديع رسامو ..
مرات يســـعدك تتهنى بي انسامو .
مراتن يشق قلب العشوق بي حسامو..

اها يازول مدثر امتحن وكان مبرز جدا في احرازو للنتايج والحمد لله . وكانت غادة الرايعة واقفة معاهو وقفة اصالة لغاية ماخلص . وبقى نايب اخصائي.
غايتو الزول ده اخيرا .. الحظ حالفو .. لانو لو كان في الفترة دي ظل في نفس معاناتو ديك .. كان جاب سالب مليون ههه ..
وحدد زواجو من ست الحسن والجمال .. في الايام القليلة القادمة ..
وكان سعيد سعادة لاتوصف ..
كويس؟؟
اما بالنسبة للاستاذة رفيدة .. طبعا حصلت عليها كوارث ومصايب لا ليها اول ولا ليها اخر ..
اولا طبعا عملت مشكلة مع عقيل .. قالت ليهو كيف تعقد ونحن متقفين على الخطوبة بس؟؟ .. قال ليها والله بس كنت خايف افقدك .. ما اكتر من كدا .. ولو انت ماعايزة الموضوع .. هسي بفسخ العقد وبطلقك .. لكن طبعا" بتتحسب ليك طلقة ..
قالت ليهو لالا خلاص قبلانة اصلا الحصل حصل .. وبقت تطالب فيهو يعمل المناسبة .. وهو بتحجج بالظروف .. وكل يوم يجي البيت يسوقها المغرب ويطلع معاها يجيبها اخر الليالي ..
ومافي زول بقدر يتكلم معاهو .. لانها مرتو على كتاب الله وسنة رسوله .. ولو يوم ساي .. قالت انا تعبانة مابقدر .. يقوم يهيج ويكسر الحاجات والحلة كلها تسمع .
. يوم امها نقنقت مع ابوها ق .. الت ليهو الود العامل زي التور ده .. كل يوم بجي يسوق البت .. يجيبها الساعة واحدة واتنين صباحا .
لو استمر بالطريقة دي العرس ذاتو ما حيعملو ..
قال ليها لالا انا بتكلم معاهو .. والابو الدلاهة بقى مهمل الموضوع .. وماقادر يتكلم مع عقيل ..
لغاية مايوم رفيدة جات كلمت امها .. قالت ليها يا امي انا عندي مشكلة . وهاماني شديد .. وماعارفة احلها كيف وخايفة ..
قالت ليها في شنو يارفيدة يابتي؟ .. كرعي ماتن من كلامك ده ..
قالت ليها يا امي انا شكيت في روحي .. ومشيت عملت فحص الحمل .. ولقيتو نفسي حامل ..
امها كانت واقفة على حيلة جات قاعدة في السرير بي كل حملها رج كدا لامن السرير اخد ليهو زحة لي ورا ..
وقالت ليها .. وافضيحتنا يا رفيدة ..وافضيحتنا .. بس اسكتي مافي زول يسمعك ..
واوعك تكلمي عقيل بالحاصل .. ولا ابوك ولا اي شيطان .. بس اضغطي عقيل يعمل المناسبة بي سرعة .. عشان الناس مايلاحظو . انك حملتي قبل العرس .. عيب اليابا يابتي ..
قالت ليها يا امي انا عارفة الكلام ده .. ودي الحاجة المخوفاني .
المهم كم يوم كدا لاقت عقيل .. قالت ليهو عقيل حبيبي . انا خلاص ماقادرة انتظر اكتر من كدا .. تعال نعمل العزومة وتكون عزومة بسيطة شديد .. قال ليها طيب .. والريحة والشيلة وكدا ؟؟
قالت ليهو ماعايزة اي حاجة .. باخد سلفية من محمود اشتري حاجات بسيطة .. اسكت بيها الناس .. انت مابتقدر تشتري خروف وتعزم اهلك ..
قال ليها بسيطة .. اصلا كوبلن متبرع لي بي خروف . نضبحو نعمل منو الغدا وخلا ص .. كوبلن ده من الشلة بتاعة السجارة الخدرا ..
قالت ليهو نحن مش قلنا ناس كوبلن ديل نبعد منهم؟؟ .. وقلت ليك شلة السيجارة دي تختاها ؟
قال ليها يابت كوبلن ده ارجل واحد في السودان .. مابخليهو .. وبعدين انا لو داير ابعد من شلة السطلجية دي .. اول زول ابعد منو ابوك يا عسل .. هههه
بعدين نحن كوبلن ح نستفيد منو خروف عرسنا ..
.. انا كوبلن ده اصلو ما بفارقو .. موتي بس .. وطقي راسك بي اقرب عمود كهربا .
غايتو سبحان الله .. عقيل تمسكن حتى تمكن .. فلما تمكن تشكن ههه ..
رفيدة بقت زي العصفور الجريح .. في يد طفل عندو خلل وظيفي في الجهاز العصبي ..
وماعندها طريقة غير تقبل بالوضع الراهن على مضض وتضوق الوان العذابات مع الزول الاسمو عقيل ده ..
المهم في ظرف بتاع اربعة ايام .. عقيل عزم المتعوس على خايب الرجاء .. وعمل ليهم عزومة .. سماية ماتامة .. ورفيدة خجلانة من روحها قدام البنات وصاحباتها .. الكانت بتقول ليهن انا عرسي بقد ليهو السماء .. واخير اتزوجت عقيل القالت ليهو انت ومدثر انا بجيب سيد سيدكم .. ..
وبعد الزواج بي اسبوعين فقط اجهضت ..
وحصل ليها مضاعفات شديدة في الاجهاض .. وبقت كل يومين عيانة . ومن دكتور لي دكتور .. يمكن العشرين يوم الاوايل من زواجها ديل
ماشافت فيهم سعادة ولاهناء ..
يوم تلقى ملاريا .. قبل مايلخص علاج الملاريا تمشي تكتشف انو التشخيص غلط .. ده تايفويد .. قبل ينتهي التايفويد .. تمشي تكتشف انو التشخيص غلط .. ده التهاب .. وغايتو رفيدة بقت حقل تجارب .. ضمن ضحايا الفشل الطبي الفائزة بيهو بلدنا . و البيت ده بقى عبارة عن صيدلية .. والديون اتردمت .. وليها شهر مامشت الشغل .. ومحمود خلاص زهج من شغلها ..
المهم من كترة العلاج .. جاتها حساسية في جسمها .. طبعا" ياجماعة العقاقير الطبية عندها اثار جانبية خطيرة ..
خصوصا لمن تكون اعطيت نتيجة فحوصات مخطئة .. زي مابيحصل في بلدنا كتير .. كتير من الناس ماتو نتيجة الاخطأء الطبية.. خصوصا في المستشفيات الربحية الخاصة.. التي انشأها رجال الاعمال .. والبشوات . وتجد الدعم والتحفيز من بعض المسؤولين . غير المسؤولين .لتموت المستشفيات الحكومية . وتنهار كل مافيها من اسباب العناية ..
اها يازول رفيدة جسمها داك الكان زي الحرير من نعومتو .. بقى جاف من كترة العلاجات . ويتقشر زي جلد السمكة .. وفعلا في نوع من الحساسية زي ده، اسمو الصدفية .. بس العند رفيدة ده نوع غريب شوية ..
بقت تلبس الشرابات والجوينتيات . وتتغتغت من بشاعة بشرتها ..
والاربعة وعشرين ساعة تنكرش . وتتحك والنوم في تلتلة . ونفسياتها بققت في الارض .. ومنعزلة من الناس . وعقيل بطنو طمت منها .. وبقى يعدي خمسة يوم مايجيها .. ولابتصل عليها تلفون .. ولو وفعلا عاشت مأساة حقيقة .. وماضاقت طعم السعادة ولايوم من الايام ..
والسؤال البفرض نفسو .. ؟؟
وين فاتت سعادة رفيدة ؟ يعني ربنا ماقسم ليها سعادة ؟؟
والاجابة العارفها انا ..
انو رفيدة ربنا قسم ليها سعادة عظيمة .. بس عرضت سعادتها في مزاد علني .. وباعتها في سوق الخسارة .. بي عشرة مليون .. وياما في (مزاد السعادة) من بيعات كاسرة .. وشهوات جاسرة .. وارواح خاسرة


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 13-Apr-15, 06:05   #63
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

ود كوكو .... كمونية ...سهاج ...تايه ...الفارس غير ... هاني
تان تان...سلسبيل ...بت النوبة ...كافينول ...عبد المجيد ...كسمبر ...الفارس غير
داوودي

وناس الصفحة الاولى

عذرا على عدم الرد لكل واحد فيكم

ان شا الله تكون القصة عجبتكم بس

اولها انا شايفو كان جميل
لكن تاني الكاتب خفف حدة الاحداث وبقت فيها مثالية افلام هندية
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 13-Apr-15, 09:03   #64
عبد المجيد
Intermediate Contributor
 
عبد المجيد's Avatar
 

Join Date: Dec 2013
Posts: 56
Default




تفتقد للتشويق
من المفترض أن يطول باله شوية على المشاكل
ما ممكن المشكلة وحلها طوالي في نفس الحلقة
هو كاتب لا يشق له غبار ولكن يجب أن يكون له صبر على الكتابة
وما يبقى زول شفقان في كتاباته




شكرا مصطفى على النقل والتعليق








عبد المجيد is offline               Reply With Quote               
Old 14-Apr-15, 10:38   #65
3ashig Alneel
Major Contributor
 
3ashig Alneel's Avatar
 

Join Date: Mar 2002
Location: Sudan
Posts: 1,081
Default

تسلم أخونا مصطفى على النقل المثابر للقصة

وقد قرأتها على دفعتين .. فلك الشكر على الجهد الرايع

..

القصة زي ما قال أخونا عبد المجيد أحداثها متسارعة .. تأخذ بتلابيب بعضها البعض
وتقوم النفس .. ولكن لا أتفق إن ليس فيها تشويق ... فهي تجعلك متلهفاً لمعرفة النتيجة في كثير من الأحداث
رغم النهاية التي أرضت جميع الذين كانوا خايفين الأحداث تمشي على غير ما يهوون
نهاية هندية على قول أخونا مصطفى

لكن أهم ما كان يجعلني أحس بالقصور في السرد ... هي الكتابة وفق رؤية الكاتب القروية للمدينة
وإسقاط مفاهيم القرية عن المدينة في الأحداث والحوارات .. وهي في كثير من المواقف خاطئة
يعني جغرافيا القصة لا تتناسب في كثير من الأحوال من ردود أفعال الشخوص
وأقحام الشعر .. والنصوص بلسان الشخصية المحورية (مدثر) بلا توفيق يذكر

بالإضافة إلى عكس مجتمع الأطباء وكأنه مجتمع فيه كثير من السذاجة وليس لديهم هم سوى البحث عن
شريك الحياة من الطرفين .. فوق ما ذكر في أول التعليقات من أن كل النساء في القصة كانوا عبارة
عن مستودعات للخبث والمؤامرات وتخطيط الشراك .. لم تسلم منهن أخت مدثر ولا والدته ولا
والدة رفيدة .. فما معقول كلهن حيات ولا توجد بينهن فراشة ..


عموما الكاتب له أخيلة رائعة .. قد تكون قمة عند البعض


فالشكر لك أخونا مصطفى مرة تانية على المشاركة
والشكر لكاتب القصة أيضاً












النيل منهل الرضا
__________________
Zoli hoy
3ashig Alneel is offline               Reply With Quote               
Old 14-Apr-15, 11:52   #66
كمونية
Golden Member
 
كمونية's Avatar
 

Join Date: Apr 2012
Posts: 7,245
Default

هو الواحد زاتو بعد رؤية عاشق النيل النقدية يقدر يقول حاجة
الادب والقصص والحكاوى والاشعار والكلام السمح دا حقو
لذلك انا من وجهة نظر عامة وخاصة القصة فيها نوع من الاثارة والتشويق
وعنصر المتابعة والاحداث المتلاحقة ومرتبطة ببعضها
زمن طويل ما انهمكنا في قصة في البورد دا بالصورة والمتابعة دي
عشان كدة الشكر خاص جدا للسيناريست مصطفى عثمان
لاشراكنا في المتعة البصرية والقصصية دي
حقو الواجد يديك جايزة (غرامي) آآ
كمونية is offline               Reply With Quote               
Old 15-Apr-15, 05:37   #67
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




الحلقة 20 .. الاخيرة ..
بقلم طارق اللبيب ..
لو اي انسان فكر بي العقل والمنطق .. ما كان اعتدى على حقوق الاخرين .. لاننا مأمورين بتحري الحلال .. فان الحرام سحت سحيق .. يمحق البركة .. ويصيب باللعنة .. بالاضافة للفضيحة يوم القيامة .
والخسارة العظيمة . والحمل التقيل بين يدي الله ..
ومرة قال اللبيب..
حق الناس ملاعن وللعمــر محـّاق.
بحوطك بالبلا ويصـل الحفـيد لحـّاق.
أكان كسبك قليل فوق التعب ماحـاق.
حذاراك من تسلفق فالحـرام سحّاق.
..
الشاطر الفهيم والجاهل المغشــوم..
مسطّر ما يصيبهم في كتاب معـلوم .
مادام الله أجواد والرزق مقســوم..
مجازفة الحــــرامات مافي ليها لزوم..
..
المهم في الامر مدثر ما انضر بي القروش الضاعت منو..
بالعكس احتسبها ورفع امره لله .. بقت تجيهو شهرية من حلالو وحق ابوهو ..
. والنية الطيبة والعمل الصالح صرفه من الانسانة المبتليه . والاسرة المنهارة . ربنا يحسن نوايانا ..
في كم يوم كدا ومدثر كلم ابوهو واخوانه ومشو يطلبو غادة من اهلها بعد الاتفاق والمواعيد وكل شي ..
ابوها عميد طيار معروف مافي داعي نجيب اسمو .. رجل على دين واخلاق وشو منور .. وعلامة الصلاة فوق وشو .. واستقبل الناس ديل استقبال يعجز القلم من تسطيره .. والاسرتين فرحو بي بعض فرح عجيب .. ابو غادة قال ليهم والله ياجماعة انا كنت خايف من زواج بتي .. والنسب ماحاجة ساهلة . لكن بعد شفتكم وعرفتكم . والله ماقادر اركز من الفرحة .. ربنا يديم المعروف بينا .
عمك عباس قال ليهو والله انا برضو طول عمري بقول دكتورمدثر ولدي زول مسكين . وبرئ . وخايفو يقوم يناسب ليهو ناس كدا ولاكدا . لكن والله هسع . اختاركم اختيار بعناية.. زي ما انا اخترت اخوالو .. ونسابتي .. والله فرحنا بيكم فرح ماتتخيلو ..
وناس مدثر وغادة بدو يجهزو في زواجهم خلاص ويشترو في المستلزمات .. وكلها ايام قلايل وتم والحمد لله المراد . واتزوجو احسن واسعد وابرك زواج .. وسكن في المغتربين في بحري . في وسط حي المغتربين .
الحب الاتكون بين غادة ومدثر بعد الزواج ..
كبر واتضاعف وكان اقوى.. واطهر واعظم
تناسب عجيب . واحساس عالي . ونفسيات في السماء ..
وطبعا" ياجماعة الاختيار اصلا اختيار رب العالمين ..
مافي زول بختار شريك حياتو ..الحقيقة انو انت بتختار .. وربنا بختار .. والبحصل هو اختيار ربنا . نسأل الله يختار لنا الخير .. عشان كدا نحن مأموؤين بالاستخارة ..
لانو لو كان العبد بعلم الغيب ..
ماكان اصلا مدثر فكر في رفيدة بت الوكالة ..
ورفيدة اليومين ديل بتعيش اسوأ مرحلة من حياتها .. وقاعدة في البيت .. محمود كلم رحاب قال ليها .. بتتذكري البت الكانت شغالة معاي الاسمها رفيدة.
قالت ليهو طبعا" دي بقدر انساها؟
قال ليها والله ليها اكتر من اربعة شهور عيانة وعايشة حياة صعبة خلاص .. والله لو شفتيها ماتعرفيها .قبل كم يوم مشيت ليهم في البيت .
امها اتصلت علي . قالت لي محتاجين لعلاجات .. لغاية ما ترجع رفيدة للشغل ..
انا حسيت انو فعلا في مشكلة في البت . لانو الديون كترت ..
مشيت ليهم في البيت لقيتها بقت هزيلة .. وتعبانة ماقادرة تتحرك .
وقاعدة في بيت ناس امها ..
وعندها حساسية في جسمها لدرجة مبالغ فيها .. جبهتها فوق كدا شايلة قشور قشور ..
انا والله دايرك تمشي ليها الزولة دي صاحبتك .. ماصح نحن نتخلا عنها في الظروف دي ..
يازول المهم رحاب رحبت بالفكرة ومشت لي رفيدة في البيت ..
اول ما رحاب شافتها دي انقدت بالبكا .. ومالك رفيدة.؟
كر علي الحصل ليك شنو؟ ده شنو ده وجاك متين ده .. والله العظيم دي العين الماصلت علي النبي .
رفيدة قالت ليها والله يا رحاب تعبت وقربت اجن . ماخليت علاج .
ماخليت دكتور . وناس الاعشاب .
قالت ليها كان تمشي لي شيخ تشوفي الحاصل عليك ده شنو؟
قالت ليها مشينا قالو مافي اي حاجة . والدكاترة برضهم ماعرفو ده شنو؟ دي بس امتحان من ربنا الحمد لله غايتو ..
وعقيل زوجي ليهو شهر ونص ماعارفة عنه خبر وتلفونو مقفول . واهلو في البلد ذاتهم ماعارفين عنو حاجة .
وكيف دكتور مدثر ؟
قالت ليها الحمد لله دكتور مدثر كويس طبعا" اتزوج دكتورة معاهو وهسي ساكنين في المغتربين في بحري .
رفيدة قالت ليها نفس تلفونو القديم ؟
انا عايزة اتصل عليهو ابارك ليهو .. قالت ليها ايوة نفس تلفونو القديم . اتصلي عليهو بالنهار .. مرتو اسمها غادة غيورة اعملي حسابك. ههه
قالت ليها تغير عليهو من شنو ؟ كان شافتني بقتنع .. وبدل ماتغير مني .. بتقرف مني ..
رحاب كملت ونستها وزيارتها واتصلت على محمود جاها ورجعت .
وكانت طول الطريق بتبكي على رفيدة الكانت متل قطعة القشطة
بقى جسمها زي جسم التمساح . وتعبانة ومهلوكة . وظاهر انها ما كويسة كلو كلو ..
ورحاب كلمت دكتور مدثر بي مرض رفيدة .. بس قال ليها ربنا يشفيها . وما اهتم بالموضوع كتير .. ولا ركز فيهو ..
بالاختصار رفيدة بقت كل يوم ماشة في السالب والتدهور .. وحست بي انو دي النهاية .. وانها ح تموت .. بس ربنا من فضلو ورحمتو هداها لي حاجة .. وربنا دايما كريم ورحيم بي عباده ..
وامكن المرض ده كان لي خير ليها ..
يوم الصباح شالت التلفون ..واتصلت على مدثر .. وطبعا من ايام العرس كسرت شريحتها القديمة .. المليانة بي الصداقات الما نافعة ديك .. كسرتها خوف من عقيل .. وعشان تفتح صفحة جديدة في حياتها ..
بس ربنا ما اراد ليها سعادة .لانو في حياتها في مظلوم .. وحق المظلوم مابضيع ..
اها لمن الرقم الغريب جا لي مدثر . فتح الخط وقال الو ..
قالت ليهو السلام عليكم دكتور مدثر..
سكت مسافة .. وعرف صوت رفيدة طوالي .. قال ليها عليكم السلام والرحمة ..
قالت ليهو مبروك يادكتور .. ان شاء الله ربنا يسعدك ..
قال ليها الله يبارك فيك .. مرحب بيك .. كيف انتو ؟؟ وكيف ناس البيت .. وكيف عقيل؟ ..
قالت ليهو كويسين الحمد لله ..
مدثر طبعا" انا عارفاك متضايق مني.. ونفسك تقفل الخط في وشي .. لكن اخلاقك مابتسمح ليك تحسسني بي كدا .. انا عارفاك كويس ..
بس انا عندي منك طلب واحد ..
قال ليها اتفضلي .
..
قالت ليهو انا قبل كدا طلبت منك قروش ..وقلت ليك ابوي مطالب .
ومديون .. انا يامدثر دي ماكانت الحقيقة ..
الحقيقة انو ابوي ماعندو اي ديون .. بس ده اتفاق جهل بيني وبين لبنى .. وانا هسي اتصلت عليك .. اكلمك بالموضوع ده ..
لاني عيانة شديد .. وماعارفة احتمال ده الموت ..
وبوعدك لو ربنا مد في عمري .. بسددها ليك على داير المليم . ولو انا مت في الايام دي.. تعفي لي يامدثر .. عشان العشرة الكانت بينا ..
قال ليها ولايهمك يا رفيدة .. انا عافي ليك.. واعتبريها هدية مني ..ومساهمة في زواجك .. وعمارة بيتك .. وان شاء الله ربنا يشفيك .
معليش يارفيدة.. انا مضطر اقفل الخط .. لاني انا في المستشفى وبندهو علي .. الظاهر في مريض تعبان .. مع السلامة ..
وتيت تيت تيت .. قفل الخط ودي كانت اخر مكالمة مع رفيدة ..
فعلا مدثر كان منزعج ومشغول .. وهو ماعارف انو بالمكالمة .. كانه اجري عملية جراحية ناجحة ..
رفيدة بعد قفلت الخط .. فرحت فرح كبير .. وكانو كان في جبل فوق راسها وانزاح ..
اليوم ده ذاتو كانت عندها خالتها جاية من العمرة .. قالت ليها ياخالتي ماجبتي معاك موية زمزم؟ امكن ربنا يكتب لي فيها الشفاء.
قالت ليها والله جبتها .. بعدين برسلا ليك ..
وسبحان الله ..كانت موية زمزم المجانية هي مفتاح الفرج لي رفيدة .. بالرغم انو اغلى العلاجات لادخلت لامرقت ..
ولانها اتحللت من الظلم .. لو ماعفى ليها الدكتور العظيم .. حبيب قلوبنا .. كان الحرام اهلكها ..
رفيدة مع زمزم بدت تحس بي راحة في جسمها .. والكاروشة وقفت . بعد يومين فقط من الكلام ده عقيل جاء..
قال كان في الغرب ومشى لانو استحى من الفلس . ومشى يشوف ليهو رزق ..
واخيرا ربنا فتح ليهو باب تجارة ..
وقال ليها ابشرك يارفيدة . انا تبت من المصايب ديك . وبقيت صلواتي الخمس مابفرط فيها .. وحأقيف معاك لامن تبقى كويسة .. وكل يوم رفيدة ماشة احسن من القبلو .. وربنا من عليها .بالشفاء .
رفيدة بس شغالة تدعي لي دكتور مدثر بالعافية ..
وتدعي على لبنى بالشر ..
وماعارفة انو لبنى المسكينة برضو باعت سعادتها . وصحتها في نفس المزاد العلني للسعادة . والان ليها شهرين بتغسل في مركز الكلى في بحري .
ربنا يشفيها . ويهديها ..
نسأل الله العافية من الحرام .. اللهم لاتبتلينا .. اللهم اعصمنا من حق الناس .. وابعدنا من كل شبهة ..
وازرع القناعة في قلوبنا بماتقسمه لنا ياكريم ..
حبايب قلبي ليكم التحية والاجلال .
وتقبلو محبتي واحترامي


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 15-Apr-15, 05:40   #68
دنجور
Golden Member
 
دنجور's Avatar
 

Join Date: Jun 2011
Posts: 6,141
Default


خلاص تاني ما في حلقات
__________________
إن الانسان ليفسر تصرفات الناس أحياناً و يضخمها أو يصغرها وفقاً لعلاقتها بمشاعره
واهوائه
دنجور is offline               Reply With Quote               
Old 15-Apr-15, 06:19   #69
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by 3ashig Alneel View Post
تسلم أخونا مصطفى
لكن أهم ما كان يجعلني أحس بالقصور في السرد ... هي الكتابة وفق رؤية الكاتب القروية للمدينة
وإسقاط مفاهيم القرية عن المدينة في الأحداث والحوارات .. وهي في كثير من المواقف خاطئة
يعني جغرافيا القصة لا تتناسب في كثير من الأحوال من ردود أفعال الشخوص
وأقحام الشعر .. والنصوص بلسان الشخصية المحورية (مدثر) بلا توفيق يذكر

بالإضافة إلى عكس مجتمع الأطباء وكأنه مجتمع فيه كثير من السذاجة وليس لديهم هم سوى البحث عن
شريك الحياة من الطرفين .. فوق ما ذكر في أول التعليقات من أن كل النساء في القصة كانوا عبارة
عن مستودعات للخبث والمؤامرات وتخطيط الشراك .. لم تسلم منهن أخت مدثر ولا والدته ولا
والدة رفيدة .. فما معقول كلهن حيات ولا توجد بينهن فراشة ..






النيل منهل الرضا
لا يفتي وعاشق النيل الدرويش الهائم في ملكوت دنيا الادب والنصوص في المدينة

اتفق معاك في كل ما ذكرت
خصوصا التحامل على الجنس اللطيف وجعله في اغلب القصة عبارة عن كائنات شريرة جدا

القصة اسمها الاصلى مزاد السعادة
لكن عندما قراتها تتمحور تقريبا حول الدكاترة
وكل الشخوص خارج هذا المحيط ما عدا رفيدة ولبني بت حي ناصر
(كتيرين من ناس ناصر جوني في الخاص اعترضو على شخصية لبني)

عبارة عن كمبارس
شكرا مرة تانية عاشق النيل وسعيد جدا بمرورك
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 15-Apr-15, 06:21   #70
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by كمونية View Post
[SIZE=4]
عشان كدة الشكر خاص جدا للسيناريست مصطفى عثمان
لاشراكنا في المتعة البصرية والقصصية دي
حقو الواجد يديك جايزة (غرامي) آآ
ما عايز جايزة غرامي
ادينا عشرين ريال واروح


تابعونا في قصة اخرى قريبا لطارق اللبيب
رغم انها برضو فلم هندي
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 15-Apr-15, 06:23   #71
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by دنجور View Post

خلاص تاني ما في حلقات
انتهت
بعد سلت روحنا
عشرين كفاية جاد
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 15-Apr-15, 06:24   #72
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by عبد المجيد View Post



هو كاتب لا يشق له غبار ولكن يجب أن يكون له صبر على الكتابة
وما يبقى زول شفقان في كتاباته


حسب كلامو هو بكتب كل يوم حلقة
وفعلا ما بدي نفسو فرصة
وشفقان شديد
كان يكتب القصة كلها كاملة وياخد وقتو
ومن ثم ينزلها على حلقات في النت
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 15-Apr-15, 17:00   #73
kafinol
Moderator
 
kafinol's Avatar
 

Join Date: Jul 2002
Location: KSA
Posts: 9,859
Send a message via Yahoo to kafinol
Default


قصة أرجعتنا لأيام الصبا .... اجاثا كرستي وتختخ ومحب..

كيف اخبارك يا ود عثمان

__________________
لنتــفاءل حـتى لا ينهــار جــدار الأمــــل

To view links or images in signatures your post count must be 10 or greater. You currently have 0 posts.
kafinol is offline               Reply With Quote               
Old 02-Jan-18, 07:01   #74
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by kafinol View Post

قصة أرجعتنا لأيام الصبا .... اجاثا كرستي وتختخ ومحب..

كيف اخبارك يا ود عثمان

كافينول يا شيخ العرب

اين انت يا رجل ؟
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 02-Jan-18, 19:56   #75
ود عطا الله
Golden Member
 
ود عطا الله's Avatar
 

Join Date: May 2011
Location: هنا أو هناك لا فرق ..المهم أنني ما زلت .. أنا
Posts: 6,526
Default

Quote:
Originally Posted by mustafaosman View Post
كافينول يا شيخ العرب

اين انت يا رجل ؟
ياخي مشتاقيــــــــــــــــــــــــــــــــــــن ياخ
__________________
.............
ود عطا الله is offline               Reply With Quote               
Old 03-Jan-18, 06:37   #76
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by ود عطا الله View Post
ياخي مشتاقيــــــــــــــــــــــــــــــــــــن ياخ
والله بالاكتر

كيفك يا ود عطا الله

لسة بكاي ولا خليت البكا ؟
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 21:20.


Sudan.Net © 2014