Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 30-Mar-15, 06:19   #1
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default حب دكاترة ...












الحلقة 1


بقلم طارق اللبيب ..


تم تعديل الاسم الاصلى للرواية

الواطه صباح قدام مستشفى بحري التعليمي . والناس داخلة ومارقة . وفي الشارع هناك يادوب ستات الشاي يرمن في اللقيمات . وناس الاكل غير الصحي بالقرب من المؤسسات الصحية .وناس ماشة وناس جاية ..بس لسه الوكت بدري .
وجوة المستشفى بدن الفرّاشات في حركة الصباح بتاعة النضافة وغسيل السراميك . وبعض مرافقين المرضى حايمين في حوش المستشفى ..وواحدين لسع نايمين في البرندات والبلكونات . وملفلفين بالملايات .. والدكاترة بتاعين الامتياز بدأو في تبديل الورديات .. في دكاترة بكونو بايتين في المستشفى.. وفي واحدين بجو الصباح والورديات بتتناوب ..
في دكتور جاء الصباح .. دكتور جميل وأنيق كدا ونضيف . وشو صبوح . النوع البتكلم براحة داك . اها نادى واحد من الحرس البحرسو الابواب ديل على جمب . وقال ليهو والله ياقاسم ..الليلة بس اسف ..دي تلاتين جنيه ..
اتقسموها انت وبابكر . لكن المرة الجاية ان شاء الله اتمها ليكم الاربعين .. قال ليهو مابتقصر والله يادكتور .. هسي والله اولادي التلاتة بعرفوك .. وطوالي قاعد اقول ليهم دي من عمكم دكتور مدثر . بس الله يخليك ما تتحسس .. البجي منك كلو خير ..وكتر خيرك وربنا يبارك لك ويوفقك .. قاليهو تسلم ياقاسم ..والله انا بحرص على الموضوع ..ده لانو حاسي فيهو بركة .. طيب الله يديك العافية النمشي نشوف الشغل ودخل طوالي على المستشفى ..
الدكتور ده ورديتو الليلة بالنهار ..وليل الليلة ..لي بكرة الصباح .. وكدا يعني الورديات ..
د.مدثر اساسا" من منطقة قريبة للدويم على النيل الابيض . اسرته انتقلت الى الخرطوم من السبعينات.. وابوهو تاجر كبير في السوق . وصاحب اعمال واملاك .
مدثرعندو اربعة اخوان وهو الخامس ووالدته .. واخت واحدة .
انا غايتو الدكتور ده اثار فضولي بالجد .. زول مبالغة تخجل من تعاملو معاك .. رقيق لدرجة ..وزول فعلا المفروض يكون طبيب .. باسم ومهتم بالمرضى . وبجي الصباح يسأل المرضى ديل نفر نفر . ويبتسم معاهم ويطمنهم .. قالو اي مريض يجي المستشفى دي ..بطلع منها وهو ما متذكر حاجة غير دكتور مدثر ..
دكتور مدثر مربوع القامة ..ولونو قمحي فاتح.. وشعرو ناعم وشحيح من قدام كدا . وبمشي بسرعة .. ظاهر عليهو انو ود عز.. بس بالجد الود ده متربى تربية صاح . لو ما الانفعالات العادية تقول ملاك بس وكت يزعل بتغير كلو كلو ..
اليوم ابتدا ..والدكتور ده بالذات ما ملتزم بالبرنامج المحدد .. يعني بمشى يمر على المريض مرتين وتلاتة مرات في الساعة . وبشتغل شغل اكبر من المفروض ..
المهم تابعو معاي المشهدين ديل.. عشان نتعرف على الزول ده عن قرب شوية .
في مراة كدا في عمر الخمسة وستين سبعين . كانت مرقدة في عنبر الباطنبة حريم . ويومين تلاتة رافضة الاكل والشراب .. وشغالين معاها دربات .هي اصلا عندها حاجة في الاثني عشر ..ومحتاجة متابعة دقيقة .. جاء ولدها للدكتور مدثر.. قال ليهو يادكتور امي ماراضية تسمع من زول اي كلمة.. وانا متأكد انو رافضة الاكل والشراب ده ..بتعاقب فينا نحن .. بس بتقول انا اصلي ميتة ميتة ..ودوني اهلي ..
مدثر قال ليهو طيب تعال معاي .. مشى ليها ..
وقف جمبها كدا.. وقال ليها صباح الخير يا امي . المراة اتخلعت من الدكتور البقول ليها يا امي ده ..
بعد ماكانت مقبلة كدا استعدلت.. وقالت ليهو الله يصبحك بالخير ياولدي.
قال ليها الدكاترة ديل ما عايزين يخرجوك.. لكن انا بخرجك .. بس ماتقولي لزول ..
قالت ليهو خلاص.. قول للولد العوقة الجمبك .ده.. يمرق برة عشان مايمشي يكلمهم . (بتقصد ولدها )
قاليهو اطلع برة يابكري .بعد ولدها طلع من العنبر . قعدت توسوس مع الدكتور .. قالت ليهو الشهاده لله ياولدي ..من اول يوم شفتك وشايفاك زي ولدي .. هنيالا امك الولدتك .. انا ياولدي زهجت وبطني طمت من حياة الدنيا .. ودايرة اقضى ايامي دي في بيتي ..
قال ليها ياامي انتي لسع فيك حجة .. وعمرة .. ما مشتاقة تزوري مكة والمدينة ؟
انا هسي داير اعمل ليك علاج بتاع عشرة عشرين سنة لي قدام ..تقولي لي زهجت من حياة الدنيا؟
خلاص كان كدي انا احسن امشي ادي العلاج ده لزول تاني ..
قالت ليهو لالا .. خلاص كلو شي ولازعلك انت ..
قال ليها خلاص بس و عايزاني اكون رضيان منك ..اعملي البقول لك عليهو.. وانا بوعدك اخرجك وازورك في البيت.. واشرب القهوة من يدك..
قالت ليهو اها قول ..
قال ليها بس العلاج ماينفع على الجوع ..لازم تاكلي وتشربي العصير القدامك ده.. وانا طوالي ببدا ليك العلاج . باكر بعد باكر بخرجك ..
يازول المراة مزاجها اتعدل.. وقعدت تاكل ..والممرضات ديل يعانن مستغربات في المراة البحنسو فيها تلاتة يوم دي .. كيف مدثر اقنعها بالسهولة دي..
ولدها بكري قال ليهو والله يادكتور انت عندك اخلاق.. ياخي امي والله جابت لينا ضغط ..
قال ليهو حرام عليك يابكري .. اتذكر لمن انت كنت طفل وبتبكي بالساعات ..ما حصل امك قالت لزول ولدي دي جاب لي ضغط .. ياخي اتحملها شوية ..
اها تسلم يلا بعدين انا بجيها تاني .. خلي بالك منها ..
الموقف التاني في راجل كبير جايبنو اولاد عمو تلاتة.. وزهجانين منو زهج شديد خلاص ..وهو تعبان جدا .. وكل يوم الدكتور بوصيهم عليهو .. وهم دايما مافيشين .. الظاهر هو ماعندو اولاد واهلو بعيدين.. وظروفهم بطالة .. وضيق ذات اليد حاصل ..حتى حق العلاج ماعندو .. والمعاهو ديل شكلهم بس راجنو يموت .. بس هم برضهم بقولو ماعندهم حق العلاج
اها يوم من الايام مدثر اتكلم مع زملاهو.. قال ليهو ياجماعة نعمل شيرنق .. في دواء لي عمنا ادم . واهلو المعاهو ديل ما معاهم قروش .. واحد من زملاهو الدكاترة قال ليهو ياخي ديل مستهبلين ..والله بقروشهم .. ياخي ديل بطلعو بمشو هابي تايم بيأكلو بي ميتين وتلمية ..
مدثر قال ليهو ما مشكلة ..هسي نحن مضطرين للدواء ..
المهم طلعو القريشات وادوهم ..يجيبو ليهو الدواء..
اها الزول الادوهو القروش يحيب الدوا.. تاني ماجا راجع .. وقالو مشى الحلة الجديدة .. ومنتظرينو لي بكرة .. ومدثر ورديتو انتهت ..ووصى زمالهو لمن يجي الدواء يهتمو بي عمك حاج ادم ..
وفات .. اها بعد جات الوردية تاني.. ومدثر جاء يسأل من الدواء بتاع عم ادم.. قالو ليهو الزول المشى يجيب الدواء ماجا .. ورفاقتو حصلوهو .. وبرضو ماجو . وعمك ادم اتوفى بالليل .. ومالقى الزول البعمل ليهو اجراءات الوفاة .. واستخراج الشهادة ..
والله قالو مدثر ده بكى بكى .. لامن قعد في الواطة ..وزملاهو بقو يهدو فيهو ..
يقولو ليهو يازول انت دكتور شنو؟ ..الموت ده هنا زي شراب الموية ..لازم تتعود على المواضيع دي ..
قال ليهم معليش ياجماعة .. دي حاجة خارجة عن ارادتي ..
انا انوم السهر .. انا نايم في بيتنا ..وعم ادم كان ينازع في الموت ومايلقى حق الدواء .وزول جمبو مافي .. والهو حرام البحصل ده ..
والزي عم ادم كتير . نحمدالله على كل حال وربنا يكون في العون.
المهم ديل موقفين بحكو بيهن ناس المستشفى ..وحكايات تانية عن الدكتور ده غايتو ..ربنا يديهو العافية ..
محمد يوسف دكتور من اولاد توتي .. وصديق شخصي لي مدثر .. قال ليهو يامدثر .انا عايزك بعدين الضهريه بعد الصلاة ماتطلع .
قال ليهو انت يا محمد كدا بتعمل لي قلق .. كان ممكن تكلمني بعدين . او فرغ نفسك هسي انا ماعندي حاجة ..
محمد قال ليهو طيب بس لحظات ونطلع المهم طلعو قعد في حتة كدا براهم الاتنين .. محمد يوسف قال ليهو انت .. عملت شنو مع نوسة؟
نوسة دي دكتورة نسرين معاهم في المستشفى .. متعلقة بي مدثر ومدثر ماشغال بيها نهائي .. وعامل رايح من كل تلميحاتها .. وشكلها هسي وسطت محمد يوسف ولاشنو ماعارف ..
مدثر قال ليهو .. اعمل معاها شنو؟ في شنو مثلا؟
قال ليهو يامدثر ماتعمل لي فيها اهبل . الدنيا كلها عارفة انو نسرين ميتة فيك موت .. وبتريدك اكتر من عيونا ..وانت عامل اضان الحامل طرشا ..
مدثر قال ليهو اسمع يا محمد . الحاجات دي مشاعر متبادلة بين الناس . على حسب فهمي . ولايمكن انها تتقدم لي قدام. ما لم يكون فيها اخذ وعطاء .
واي زول يبدأ بي مشاعر مع انسان. المفروض يلقى منو مقابل . او يصرف النظر . والا بكون فارض نفسو ومضايق الطرف الاخر ..
محمد قال ليهو .. حلو .. بس المفروض تصارحها بالحقيقة .. وقول ليها انا ماعندي ليك حاجة لو انت راجل ..
مدثر قال ليهو .. بس هي لغاية اللحظة ماصرحت لي بي كلام .. ياها تلميحاتها الانت ورفاقتك شايفنها دي ..
قال ليهو بس مالها نوسة عيبها لي .. اديني فيها عيب واحد ..
قال ليهو والله يا محمد انا ما مطلوب مني اقعد اعيب في بنات الناس بدون سبب .. حتى لو عندي عليها ملاحظات ما من حقي اتكلم ليك بيها .. لاني انا مابرضى زول بي وراي يتكلم عن عيوبي ..
بس اطمنك لو يوم من الايام نوسة اتكلمت معاي .. انا بوريها براي .. غير كدا انا ماعندي تجاها اي مشاعر ياجماعة انتو بتفهمو متين؟
قال ليهو طيب هي حتجي تتكلم معاك .. خليك مستعد ومحضر شعورك للرد ..
دكتور محمد ده مرات تحس بيهو حشري ومرات تحس انو زول
عايز يوفق راسين في الحلال ..هه (جنس توفيق)
مدثر عاين ليهو قوي كدا . وقال ليهو .. يعني انت موصياك هي ولاشنو؟ شكلها الجلسة دي مدبرة ..
والله لكن يامحمد بالغت .. سبحان الله ..
قال ليهو والله ما موصياني ولاحاجة ..ولا اتكلمت معاي .. لكن انا براي عايز ارسيها علي بر .. لاني شايفها تعبانة شديد .. وطول اليوم سرحانه وكان سمعت صوتك ساي تتخلع ..
قال ليهو طيب ترسيها على بر كيف ؟ وحتفتح معاها الموضوع براك ولاهي حتفتحو معاك؟ وللا الفهم شنو؟
قال ليهو لالا انا بوصي غادة تكلمها . لانها هي بتحكي لي غادة وغادة بتحكي لي .. غادة دي صديقة مقربة لي محمد يوسف بس هل صداقة ساي ولا في علاقة مستقبلية الله أعلم ..
مدثر قال ليهو .. تحكي لي غادة وغادة تحكي ليك؟؟
والله غايتو عندكم جنس حاجات ؟
لكن اقول ليك ياخوي.. خلي غادة تكلمها ..تقول ليها الزول ده قال نفسو يتكلم معاك .. لانك ماحصل صارحتيهو بالجواك .. وماتقولو ليها اي شي من القلناهو هسي ده ..
انا براي بفصح ليها عن الجواي . عشان تكسب زمنها .. اتفقنا يادكتور ؟
قال ليهو جدا على العين والراس ..
الى اللقاء .
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Sponsored Links
Old 30-Mar-15, 06:26   #2
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 2
تاني يوم نسرين بقت كايسة لي مدثر شكلها خلاص كلموها .وعايزة تتلكم معاهو . لكن شكلها ماقادرة كل ما تشوفو تزوغ .. حياء المراة السودانية . ونفسها يناديها هو ..يقول ليها عايز اتكلم معاك ..
المهم بقت كل مرة تجي مارة بي عندو.. عشان توريهو انو انا هنا ههه
وهو طبعا" ماعندو معاها موضوع ..عشان يقولو ليها .. وقصة الكديس والفار دي مستمرة كم يوم ..
يوم يازول اتوكل على الله وقال ليها نسرين انا داير اتكلم معاك .. يازول البت دي اتبهدلت بهدلة .. وقلبها بقى يضرب بي سرعة الزول المنتظر يوزعو ليهو الورق في قاعة الامتحانات .. وبقت تتلخبط .. انا .. أ أ ايوة يادكتور ..
هو الضحك غلبو .. لامن خت يدو فوق خشمو ..وقبل غادي عشان ما تلاحظ ليهو ..
قش وشو كدا وصرا شوية كدا ..عشان وشو يبقى جادي وقبل عليها راجع ..
قال ليها هسي عندك شنو؟
قالت ليهو فااااضية ماعندي اي حاجة ..هه
قال ليها طيب تعالي نشرب شاي ..
نسرين دكتورة عمرها قريب من عمر مدثر . يعني يمكن اصغر بي فرق سنتين . ما اكتر . مهذبة وخجولة وملامحها جميلة ..وسمينة سمن اكتر من اللازم .. لامن تلبس البالطو ده بتبقى زي شوال السكر المتكول على الحيطة .. ويمكن دي الحاجة المنفرة منها مدثر احتمال غايتو .. وحتى زملاها الباقين مافي زول شغال بيها .. والدكاترة طبعا الغالبية فيهم عندهم ثقافة .. عالية في المسائل الصحية ومدركين مخاطر السمنة .. لكن نشوف هل هو ده السبب وللا لا .. لازم نسترق السمع ونسمع مدثر بقول ليها شنو؟ ..
مدثر الزول الخجول الليلة مقوي قلبو تب ..
قال ليها يانسرين .. قبل مانتكلم اي كلام .. هل من حقي اوصيك ؟ قالت ليهو طبعا يا دكتور مدثر ..
قال ليها والله انا بعزك شديد ..وبحترمك احترام مبالغ فيهو . والله يانسرين اعملي حسابك على صحتك .. انتي وزنك زايد بطريقة مخيفة .. والحكاية دي بتدمر ليك حياتك ..في جميع اشكالها ..
قالت ليهو انت قايل يادكتور انا مرتاحة للحكاية دي ؟ والله مضايقة نفسيا .. بس اعمل شنو؟ قدر ماحاولت غلبني ..
قال ليها بس يانوسة انتي ماعاملة حسابك .. بتاكلي اكل بلا وعا . وسكريات ونشويات .. وفي اليوم بتضربي كم بيرقر .. اليوم كلو تلوكي .. خشمك ده اصلو مابقيف .. وشنطتك دايما ملانة .. باونتي وكيت كات .. شكولاتات انواع واشكال ..
قالت ليهو والله صدقت .. ضعف مني بس .. بحس باني قدام الاكل ضعيفة ..
قال ليها .. هسي انتي لو لقيتي مريض سببو السمنة ..بتقدري تنصحيهو كيف؟
المهم دي وصيتي ليك .. لاني بعزك .. وعايز اشوف نتايج ..
قالت ليهو ان شاء الله بحاول ..
قال ليها طيب الحاجة التانية . انا عايز اسألك سؤال .. انتي حصل حكيتي لزول عن حاجة بتخص مشاعرك تجاهي انا؟
قالت ليهو .. والله بس بنتونس انا غادة .. لكن ماعارفة غادة بتكون حكت ليك ..
قال ليها بغض النظر عن حكت لي ولالا .. انحن عايزين نتكلم عن الحاجة دي وهسي ..
قالت ليهو جدا ما مشكلة ..لكن انا عايز افهم حاجة انت في حياتك في انسانة ولالا ؟ وشعورك تجاهي شنو؟
قال ليها ايوااااا .. ياهو الكلام العايزين نتكلم فيهو . والحمد لله انتي بسؤألك ده سهلتي لي المهمة جداجدا ..
انا ياستي مافي حياتي اي انسانة .. وبالنسبة ليك انتي .. انا عندي الامكانية اغش عليك .. واجرجرك او اقضي معاك وكت في الفاضي .. وفي النهاية اتخلص منك .. باي حٌجة ..اقول ليك ابوي ماراضي اتزوج من برة الاسرة . او اقول لك خاتين لي بت عمي . لكن لا انا ما ممكن اعمل كدا ابدا" .. انا يانسرين مشاعري تجاهك مشاعر اخوة وصداقة وزمالة واحترام لاغير .. واي شي جواك غير كدا مافي ليهو مقابل من ناحيتي ..
قالت ليهو بس انت ما اديت نفسك فرصة تتعرف علي .. ليه بتحكم كدا طوالي ..
قال ليها الحكاية ماحكاية فرصة .. الحكاية مجرد الرغبة في البحث عن الفرصة دي ماعندي والله .. وانا شخصيا ماعندي اي تفاكيرفي ارتباط حاليا. انا في مرحلة تأسيس حياة ..
بعدين بصراحة اي بت موقفها حساس دايما.. وزمنها غالي فانا بقترح اذا ظهرت ليك اي حاجة حكمي عقلك قبل قلبك .. الا قلبك يكون لاقي المراد .. انتي فاهماني يا دكتورة ..
نسرين دي سكتت ساي .. وقلبها دا كش كرش .. اتفقش حته حته الزول لو رخا اضانو ..ممكن يسمع صوت التحطيم جواها .. كانت المسكينة بانية امال .
بس هو بقى يقول ليها ..نسرين الله يخليك ..ماتخليني على الصراحة..
قالت ليهو بالعكس يا مدثر ..كدا انا احترمتك اكتر.. وربنا يديك العافية ياريت لو الشباب كلهم بقو زيك ..
قال ليها يلا انسي الموضوع ده وامشي على شغلك .. وتاني ماعايز زول يلاحظ عليك اي حاجة من النوع ده ..
الحاجات دي مقدرة ومكتوبة .. واي زول ربنا اختار ليهو شريك حياتو قبال مايلدوهو .. قالت ليهو خير يادكتور ..
ومشو على النهاية المؤلمة دي ..
نسرين مشت لي غادة .. غادة على العكس من نسرين رشقية ونشيطة .. ورائعة جدا اي زول يشوفها بحبها ..
اها نسرين قالت ..ليها اوووب على يا غادة من الشاكوش لامن جايب لي صداع ..
قالت ليها اصلو مابصدق .. مالك في شنو؟ .. قالك شنو الزول البارد ده ..؟
قالت ليها قال لي خوة وصداقة تصدقي ياغادة .. ؟
قالت ليها الخوخة التقلع ضروسو .. اها احكي لي بالتفصيل من البداية .. اها يازول حكت ليها من بداية كلامو الاول بتاع السمن وما السمن ..
غادة قالت ليها غايتو الرجال ديل فترنا منهم ..
تضعفي يقولو ليك ياحطبة ياناشفة .. تسمني يقولو ليك يابقرة .. والله غلبنا البنسويهو ..
نسرين قالت ليها لكن يا غادة انا الشي المتأكدة منه .. انو مدثر ده ما مشكلتو الحكاية دي .. لانو ما اداني اي فرصة في اي مباصرة ..
قالت ليها يازولة انتي موش استخرتي؟ .. قالت ليها ايوة من يوم كلمتيني..
قالت ليها لو فيهو خير ليك بجيك براهو ..ولو مافيهو خير خليهو يطير ..
قالت ليها لالا خلاص انا قنعت .. انتي ماشفتيهو بتكلم كيف .. ماعندو اي مفاهمة في الموضوع ..
اها بتكلمن كدي شافنو جاي من بعيد.. في اخر البرندة ..ماشي بي سرعة ومعلق السماعى في رقبتو ..
قالت ليها ياهو داك جا.. انا ماشة ياغادة .. وشوو دخلت اقرب عنبر جمبها ..
وبقت كدا طوالي .. هو جا هي تطلع ..هو طلع هي بتخش ..
كم يوم بالطريقة دي ..
لغاية ماغادة اتكلمت معاها قالت ليها .. كدا ماصح ..ماتعملي ليهو اي اعتبار .. خليك طبيعية واتعاملي معاهو زي المافيش ..
تاني مرة لاقتو في الممر ماشي بي سرعة على نفس العنبر ..
سلمت عليهو عادي . وهو كان منزعج .. دقيقة النشوفو هو ذاتو ماشي كدي وين؟ ..
في مراة مرقده طفلها عشرة سنوات .عندو تضخم في الطوحال وتعبان شديد .. والدكتور ده مهتم بالحالة دي شديد ..
قاليها وين الروشتة الاديتك ليها ؟ ..قالت ليهو .. والله ضربت لي خال الولد
عشان يجيب لي قروش ..قال ماعندو ..وهو زاتو زايغ من جماعة طاردنو في دين ..
قال ليها هو الوالد ده ابوهو وين؟
قالت ليهو ابوهو منفصل مني.. ومسافر قاطع اخبارو ومافي بينو وبينو اي تواصل .. والقروش حقة الموجات الصوتية مديناها من جارتي ..
قال ليها والحل .؟ الادوية مهمة شديد ..هسي الولد ده ماقادر يتنفس
وبطنو مشدودة .
غايتو مدثر ده جرى جاي ..وجرى جاي .. وهبش جيبو . وطلع القروش ولقاها بسيطة مابتسوي شي ..
وفكر يمشي لي زملاهو تاني ..بس من وين ؟ المرتب المابقعد اسبوعين .والدنيا اخر شهر ..
قام اتصل على واحد.. قال ليهو عندنا حالة بتاعة تضخم طوحال.. وانا خايف تتطور ..وتحتاج لي جراحة استئصال . كلم الشباب يرسلو لينا الدواء الفلاني والفلاني .. عسى ولعل نقدر نرجعو لحجمو الطبيعي..
لانو صراحة الناس ديل ماعندهم طريقة عملية .. وانا شايف الموت يحوم حول الولد ..
داك قال ليهو جدا بس اديني دقايق ..
الاتصل عليهم ديل شباب (شارع الحوادث) .. شباب جمعت بينهم اواصر المحبة والرحمة .. ولهم من الاعمال الجليلة ..ماتعجز عن تستطيره الاقلام ..
يجتمعون على فعل الخير.. ومساعدة المرضى المحتاجين .. ودي الحالات بالضبط البقيفو عليها .. ويحسسوك بانها حالة من اسرهم ..
والناقصة بتموها من جيوبهم .. نسال الله ربنا يبارك في ايامهم .
يجمعو حق الدواء وعشان تكون متأكد من انو تبرعك بيصل للمريض بالضبط بدوك رقم مرافق المريض ..قمة الشرف والنزاهة . عندهم صفحة في الفيس بوك ..بكتبو مناشير للخير . والناس تتشارك في صفحاتها ..و برسلو في الواتساب ..والرسالة تصل اهل الخير ..وهم في بلدي راقدين .. ديل شباب عاملين زي ملائكة الرحمة في اسعاف المريض .. وتوصيل الدواء والدم . وكلهم على شاكلة دكتور مدثر وغادة ومحمد يوسف ونوسة ..
تدخل صفحتهم بتلقاهم .. ربنا يبارك في ايامهم ..
المهم بعد ساعة بالضبط كان الدواء حاضر للطفل .. وربنا من جودو وكرمو انقذه .. وكفاهم مؤنة الاستئصال ..
طيب انا لو داير اسأل سؤال ..الشي البقومو بيهو شباب شارع الحوادث .. هو مسؤلية منو ؟
وانا متأكد ما ح ألقى اي اجابة ..
المهم .. اخونا مدثر طبيب في المستشفى.. لكن احساسو بالمرضى احساس المؤمن البحس انو المؤمنين اخوة .
والاحساس والشعور ده قسمة من رب العالمين .. والاخلاقيات في حد ذاتها قسمة ..
كل ما الواحد يقوم بي عمل جليل من اعمال الخير ..يحس بالسعادة تسري في روحو ..
الضهرية كدا مدثر والدتو و اتصلت عليه .. واتكلمت معاهو كلام .. في التلفون ..
وهو انزعج جدا جدا من الاتصال ده ..
ومشى للمدير الطبي واتكلم معاهو وكان متوتر شديد .. تقريبا اخد اذن يمشي البيت ..
وطلع طوالي الوكت ده كان زي الساعة 1 ضهر ..والظاهر دي حاجة ماساهله الخلت مدثر يقطع الشغل بالطريقة دي ويمشي البيت ..
الى اللقاء
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس

Last edited by mustafaosman; 30-Mar-15 at 06:31.
mustafaosman is offline               Reply With Quote               
Old 30-Mar-15, 06:31   #3
الابنوسى
Crown Member
 

Join Date: Apr 2009
Posts: 11,069
Default











__________________
إتق الله حيثما كنت
-----------------

To view links or images in signatures your post count must be 10 or greater. You currently have 0 posts.
أبو إبراهيم

To view links or images in signatures your post count must be 10 or greater. You currently have 0 posts.

الابنوسى is offline               Reply With Quote               
Old 30-Mar-15, 06:43   #4
دنجور
Golden Member
 
دنجور's Avatar
 

Join Date: Jun 2011
Posts: 6,141
Default

اها قمنا لحركات الى اللقاء ويتبع
تم الزززززززفت دا ياخ
__________________
إن الانسان ليفسر تصرفات الناس أحياناً و يضخمها أو يصغرها وفقاً لعلاقتها بمشاعره
واهوائه
دنجور is offline               Reply With Quote               
Old 30-Mar-15, 06:53   #5
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

ابنوصي
ودنجور
انتو ما مشيتو الحرب؟؟؟؟؟؟

__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 06:54   #6
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 3
مدثر اتحرك بسرعة ومشى البيت . هم ساكنين في شمبات الاراضي .. في الجيهة القريبة من شارع الانقاذ .
بيتهم من طابقين .. وفاتح جنوب .. والبيت مستحتو كبيرة .. وكل واحد منهم هو واخوانو الاتنين المامتزوجين .. عندو غرفة . خاصة بيهو .. اخوانه الاكبر منو الاتنين متزوجين .. وفي الطابق الارضي في صالة كبيرة لاستقبال الضيوف ..
بعد وصل البيت .. امه قالت ليهو تعال يامدثر شوف اختك دي.. والله البت دي يوم ح تكتلني بالمغايس .
اخته رحاب . متزوجة قبل شهور . ومشاكلها كتيرة مع نسابتها وزوجها .. وهسي جاية بي مشكلة .. وامه عايزاهو يحل المشكلة دي ..قبل ابوهو يجي من السوق . لانو ابوهو زول صعب شديد ..ومابتفاهم يعني لو جا الموضوع ببوظ ..
اها الحاصل شنو يا امي .. قالت ليهو رحاب جاتني من الصباح..
وقالت لي انا عايزة محمود يطلقني .. وتاني ماراجعة ليهو كلو كلو .. وعايزة تضرب لابوها.. وانت عارف ابوها مابحل الامور.. بالعكس بزيدها تعقيد ..
قال ليها .. غايتو يا امي !!! ..هسي ضربتي لي وقلتي لي تعال شوف المصيبة دي.. وابيتي تقولي لي في شنو؟
وانا قطعت شغلي ..وجيت جاري.. قلبي مقطوع قلت في كارثة .
يعني قصة رحاب مابتقدري تحليها ؟؟
.. والله انا ماعارف رحاب دي مدلعنها كدا فوق شنو؟
يا امي البت دي وريها العين الحمراء ..مش كل يومين تلاتة تجي جارية تقول عايزة محمود يطلقني .. وبعد يومين تقعدهن في البيت.. تقول محمود ده ماضرب لي مالو؟
هسي هي وينها .. قالت ليهو جوة في الاوضه حقتها ..
دخل عليها عليها ..قال ليها في شنو يارحاب ؟
قالت ليهو انا يامدثر تاني ما عايزة امشي لمحمود .. تتخيل يامدثر محمود بخوني .. ؟؟
قال ليها استغفر الله العظيم !! يابت ده كلام كبير شديد ؟
انتي عارفة الكلمة دي يعني شنو؟
قالت ليهو في بت شغالة معاهو في الوكالة .. وكل مرة تضرب ليهو ويضرب ليها؟
قال ليها طيب دي خيانة؟
قالت ليهو يتكلم معاها كتير .. ومرات كلام برة الشغل . وانا سمعتو كم مرة ..
قال ليها برة الشغل زي شنو مثلا ؟
قالت ليهو يوم بتتكلم معاهو عن امها.. يوم عن صاحبتها ..هسي ديل تبع الشغل ؟
انا ماعايزة كدا .. ده راجل خاين وانا ماعايزاهو ..
قال ليها خلاص انا بصل معاك على اتفاق.. انتي عايزاهو يطلقك.. وتاني ماحتتراجعي من الموضوع ده اصلا؟ متأكدة ؟
قالن ليهو ايوة متأكدة ..
قال ليها خلاص انا بمشي اقنعو ..يجيب ليك الورقة براهو.. ولو ماجابها بسجنو عديل ..
بس شرطي معاك ..مافي زول من ناس البيت يعرف المشكلة دي غير امي .. ولا تكلمي ابوي .. انا عايز محمود يطلقك براهو.. عشان بعد الطلاق ناس ابوي مايقولو ليك طلقتيهو براك .. كدا موش حلو؟
قالت ليهو لالا ..
انا عايزة اطلقو براي .. عشان يحس بالاهانة .
قال ليها يابت اسمعي الكلام ماتخليني افقد اعصابي ..
قالت ليهو خلاص كويس .. امشي اقنعو .. المهم انا ماعايزاهو وخلاص انتهينا .. قال ليها .. الليلة عندي شعل بكلمو بكرة.. بس لو كلمتي ابوي انا بكون ماكويس معاك ..
طلع معاها واتفقو مع امهم انها . ماتحكي حاجة للوالد ..ورحاب تقول جيت ساي ونحن كويسين ..
طبعا دي فكرة خطيرة ..زي ما ملاحظين . البت زعلانة ونارها مولعة ..وزي ماقال بعد يومين بتقول ليه محمود ماضرب لي؟ ..
يعني اصلا المشكلة بين الراجل والمرة .. ما بتستمر اكتر من يومين ..
الا تتدخل اطراف خارجية ..
خصوصا اذا كان بينهم محبة عميقة .. لان الله جعل المودة والرحمة بين الازواج وده اعجاز الهي .
يعني اي مشكلة بين الراجل والمراة.. ادوها يومين وما تتكلمو عنها ولاتتدخلو فيها نهائي .. براهم بحلوها الاتنين وبرجعو لي بعض .. ..
لكن كدي نششوف الفكرة دي بتنفع مع رحاب المدلعة دي ولالا؟.. طبعا رحاب عمرها ما زايد فوق 19 سنة .. وهي طبعا البنت الوحيدة في البيت .. واصغر منها في ولد واحد اسمو المغيرة .
وطبعا البت الوحيدة امها بتعاملها زي الرضيعة حتى بعد العرس .. وده كتير ببوظ البنات وبخليهن لتايخ ساي ..
اها يازول .. مثر مشى المستشفى وكمل الوردية بتاعتو لغاية تاني يوم . وجا راجع البيت زي وكت الفطور كدا .. وسأل امو من رحاب . امو قالت ليهو لغاية هسي زعلانة .. وراجلها بتصل عليها بتقفل التلفون في وشو ..
المرة دي مدثر مادخل عليها .. بعد فطر مع الوالدة مشى ركب طوالي . مشى لي محمود في الخرطوم .. محمود عندو وكالة سفر .. مدثر مشى ليهو بدون مايتصل عليهو تلفون ..
شكلو عايز يباغتو ويكتشف الامور بي نفسو ..
اها يازول وصل .. ولقى محمود قاعد براااهو .. وسلامات وتحيات وشاي وكدا . قال ليهو الحاصل شنو يامحمود؟ . يامحمود انت زول واعي . مالك ماقادر تستوعب طبع الحريم؟ ..
قال ليهو والله يامدثر انا ماعملت اي حاجة .. بس رحاب عندها حساسية مع البت الشغالة معانا دي .. وكل يوم بتنقنق فيها .. وعايزاني اطردها من الشغل .. ومفتكرة انا بيني وبينها في حاجة .. لكن والله الا علاقة الشغل..
بعدين انا لو عندي معاها حاجة.. ماكان اتزوجت رحاب من اساسو.. لانو رفيدة شغالة معاي من قبل ما اتعرف على رحاب ..
وانا والله بحب زوجتي .. ورفيدة ذاتها عارفة كدا ..
لكن والله رحاب كرهتني البيت .. طوااالي ماسكة موضوع رفيدة ده لبانة في خشمها ..
قال ليهو طيب يامحمود .هي اصلا شافت رفيدة وين؟
قال ليهو دايما رحاب بتجي هنا بدون سابق انذار .. يعني انا بخليها في البيت .. اصل هنا بعدي بي ساعة يتجي ناطة لي ..
والويل لي . لو لقتني بتكلم مع رفيدة في اي موضوع ..
قال ليهو والله يا محمود انا ماعارف انت شنو؟ .. لكن البتعمل فيهو رحاب ده كلو زيادة ريدة .. عشان كدا لازم تستحملها ..
وهسي رفيدة ذاتها وين؟ شايفك براك .. قال ليهو رفيدة ومحمد مشو السفارة ..
قال ليهو محمد منو؟ ..
قال ليهو الزول التاني الشغال معاي ..
مدثر هز راسو كدا وقال ليهو خلاص بس انا جيت اوصيك وصية صغيرة .. كلم رفيدة دي .. قول ليها تاني لمن اكون في البيت ماتتصلي علي لاي موضوع ..
قال ليهو والله يا مدثر .. بس كان في مشكلة بين ابو رفيدة وامها .. وسببها صاحبة رفيدة ذاتها .. وانا كنت وسيط ..
عشان كدا بتضطر تتصل علي .. وكت المستجدات ..
لكن يازول انا بكلمها تاني ماتتصل .. لاني والله ماعايز افقد رحاب باي تمن ..
قال ليهو انت عارف يامحمود.. لو ابوي سمع بالحكايات دي .. بصوطها ليكم فوق تحت .. ده ابوي وانا بعرفو .. تاني بحلف عليها بالطلاق ماترجع ليك ..
قبل ما يطلع مدثر من محمود .. رفيدة ومحمد جو داخلين .. دكتور مدثر اول مرة يشوف رفيدة .. والبت فعلا عبارة عن خلعة .. زي غزال النتيلة ..
بس من وقعت في عينو . حس بي موية صاااقطه انكبت ليهو فوق راسو .. وبراحة قال.. والله رحاب اختي ليها الحق الغيرة تطيرها من بيتها ..
دخلو وسلمو عليهو .. وبدت البت تتكلم مع محمود .. ومدثر مقهي فيها.
ومحمود يعاين ليهو بي طرف عينو ..
مدثر بعد ما كان داير يطلع .. زحا في الكنبة لي ورا .. وصلح قعدو واتمهل تب .. ههه.. حيلو مات كلو كلو ..
اول مرة في حياتو .. دواخلو تتحرك بالطريقة دي .. وتكتمل عندو صورة البت البتمناها في حياتو ..
ومحمود بقى مركز معاهو .. وهو عايز يخفي شعورو باي طريقة عشان مافي زول يلاحظ حاجة ..
محمود بدا يعرف فيهم ..ده محمد .. ودي رفيدة .. الحكيت ليك بيهم قبل شوية يادكتور ..
وده دكتور مدثر .. صديقي ونسيبي .. ههه .. ممكن تقولو نسيبي قبل صديقي .. شقيق زوجتي رحاب ..
ودكتور في مستشفى بحري .
رفيدة قالت ليهو اتشرفنا يادكتور.. تسلم ..
طبعا رفيدة عارفة اسرة رحاب كويس ..
المهم قعدو كلهم في الكنبات بتاعة الاستقبال في الوكالة ..
ومحمود قال لي محمد .. عليك الله يامحمد كلم البت البرة دي.. تجيب لينا قهوة .. قهوة معاك كيف يادكتور ؟
مدثر قال ليهو جدا ياريت.. مع انو كرهتو في الدنيا القهوة.. زول شاي ساااي ..
رفيدة بعد قعدت وركزت في دكتور مدثر .. اتاكدت بما لايدع مجالا للشك .. انو الدكتور ده دواخلو طاجت فيها بالاعجاب والدهشة .. من خلال نظراتو وحركاتو.. ويدعك في يديهو .. ويطقطق في اصابعيهو .. وكل مرة يغفل الناس ويسرق منها نظرة ..
رفيدة قالت ليهو كيف يادكتور مدثر الاحوال عندكم في المستشفى ؟؟
ان شاء الله الاحوال اتصلحت .. شايفاكم عاملين جوطة .. ومقالات في الجرايد ..
قال ليها والله فعلا .. الظلم الحاصل علينا نحن لاحكى ولا بقى .. لكن نصبر . ونضحي عشان اهلنا ..
الناس يارفيدة في بلاد برة الواحد بصرف على اولادو في التعليم عشان يشتغلو ويعوضوه ..
لكن نحن هنا اهلنا يصرفو علينا دم قلوبهم .. وبرضو في النهاية نتخرج .. وما نجيب ليهم حاجة تعوضهم .. يا اما عطالة . او وظايف احسن منها تبيع فول وطعمية .. عشان كدا كل الكوادر هجرت البلد .. ربنا يصلح الحال ..
قالت ليهو أسالني انا من الهجيج والهجرة .. والله الزول يقول بعد شهر مايفضل زول في البلد دي.. من كترة الناس المارقة ..
والمؤسسات الخدمية بدت تشعر بالخطر .. هل تعلم يادكتور حتى الناس العطالة ماعندهم رغبة يشتغلو في البلد دي .. خيارهم الاول السفر .. بالجد والله .. لانو الوظيفة والعطالة مافي بينهم فرق كبير ..
قال ليها فعلا اي زول قاعد . بكون قاعد مجبور .بسبب ما او بأخر ..
المهم ياجماعة النقاش كان نقاش عالي المستوى .. ومحمد ومحمود بس فاتحين خشومهم ويعاينو .. والبت طلعت مثقفة ومقرمة ..
ودي نقطة الضعف التانية عند دكتور مدثر .. بحب البنات المثقفات جدا ..
مدثر اخد قعدته معاهم .. وكل خمسة دقايق كانت بتزرع جواهو حاجة جميلة من البت دي ..
بس ما معروف البت دي منو؟ .. واهلها من وين؟ .. ووضعهم شنو؟ .. وهل ممكن اهلها يقبلوني؟ .. وهل ممكن اهلي يقبلوها ؟ .. وهل ممكن .. ؟؟ وهل ممكن ؟؟
مستقبل مجهول ..غايتو ما معروف لي قدام يحصل شنو

__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 07:14   #7
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 4
رجع مدثر.. بي حالة غير الحالة المشى بيها لي محمود .. في الشارع اتصل على محمود .
مدثر: كيفك يامحمود ؟
محمود : هلا بالدكتور .. اتفضل مع اني عارفك داير تقول شنو..
مدثر: انا عايز اقول ليك .. الليلة ماتتصل على رحاب .. لغاية بكرة زي الوكت ده ..
محمود: ليه لكن؟؟ انا مابقدر انقطع منها قدر ده ..
مدثر : انا عندي فكرة معينة.. بس انت اعمل زي مابقول ليك ..
محمود: جدا انا بثق في افكارك جدا ماف كلام ..
لكن يادكتور قول لي عليك الله .رايك في رفيدة شنو؟ عليك البت دي مش ممتازة؟ شفت الادب والتهذيب والفهم ..
مدثر : والله زولة ممتازة جدا .. هسي انا قاعد افكر .. قلت ياربي ليه البت دي .. محمود ما ارتبط بيها ليه؟ مادام انو بعرفها قبل رحاب ..
لازم تكون مخطوبة موش كدا؟ ..
محمود: على حسب علمي لامخطوبة ولاحاجة .. بس بالنسبة لي انا القلب ومايريد .. انا قلبي مافي يدي ..
انا اصلا ما حصل قلبي اتحرك تجاها.. بحس بيها اخت بس .. وبالنسبة لي علاقاتها هي انسانة كتومة شديد .. ماعارف تفاصيل عن حياتها الخاصة ..
بس بصراحة يا دكتور .. انا لاحظت ليك اهتميت بيها شديد ..
مدثر : والله يامحمود البت ممتازة ومثقفة وفاهمة جدا .. عقلها اكبر من عمرها ..
المهم هسي موضوعنا عايزك تتصرف زي ماقلت ليك.. بالنسبة لي رحاب ..
محمود : جدا جدا .. الله يكرمك يادكتور ..
مدثر : .. الله يبارك فيك تسلم ..
وانتهت المكالمة ..
اها لمن وصل البيت قال لي امه .. ان شاء الله المسألة انحلت .. قالت ليهو الحصل شنو؟ اها يا مدثر فعلا الولد ده بلعب على حبلين؟؟
قال ليها حبلين شنو يا امي؟؟ بتك دي هبلة ساي .. اصبري انا بحكي ليك بعدين .. هسي انا داير اسألك .. ابوي قال شنو معاها؟ .. سألها؟؟ ..
امو قالت ليهو انا ما اديتو فرصة يسأل.. طوالي قلت ليهو رحاب جاية تعدي ليها معانا يومين تلاتة ..
اها يازول مدثر دخل على اختو جوة لقاها نايمة ..
صحاها .. وقال ليها كمان نايمة وانتي ح يطلقوك؟ .. والله ياحليلك.. بعد ماكنتي اسمك المدام والعروس.. تاني الجيران يقولو البت المطلقة البي جاي دي ..
قالت ليهو اها الحصل شنو.. ومحمود قال ليك شنو ؟
كلامي طلع صاح ولا لا ..
قال ليها انا غايتو شايف غير الانتي شايفاهو .. البت الاسمها رفيدة دي .. ماعندها علاقة باي زول لا راجلك ولاغيرو ..
لكن انا العلي عملتو .. وكلمتو وهددتو انو يطلقك بدون مشاكل.. وهو المسكين .. حالتو بقت صعبة خلاص واتجرس .. وشكلو بقى زي العيان .. لكن في النهاية انا ضغطا عليهو شديد ..
وهسي بكرة حيرسل ليك الورقة .. ويطلقك .. وتاني نتفك من المشكلة دي ..
لكن يا رحاب انا كنت عايزك في خدمة.. بس بعد يطلقوك مابتقدري تخدميني فيها .. ودي الحسرة هنا ..
قالت ليهو خدمة شنو؟
قال ليها بصراحة انا شفت رفيدة وعجبتني شديد.. كنت عايزك تتقربي منها وتشوفيها لي .. وتتعرفي عليها وتعرفي لي عنها كل شي ..
لاني سألت محمود وقال مابعرف عنها غير الشغل وبس ..
قالت ليهو وانت قلت لي محمود كدا ؟
يعني معناها انت اتاكدت انو محمود ماعندو معاها حاجة ..
مدثر قال ليهو تأكيد قطع شك كمان ..
قالت ليهو طيب ليه قلت ليهو يطلقني .. كان تحل الموضوع براحة ..
قال ليها مافرقت هسي بضرب ليهو يغير رايو.. هو بقى صاحبي شديد .. انتي عارفة كدا ..
قالت ليهو لالا خليهو بضرب ليهو براهو ..
عاين ليها كدا وابتسم وقال .. والله انتن امركن هين خلاص ..
رحاب سكتت مسافة وقالت ليهو .. والله رفيدة بالجد عسل .. وانا بوعدك اظبط ليك امورك.. معاها زي الماحصل شي ..
خلاص اطلع انا عايزة اضرب لي محمود ..
قال ليها بس الكلام ده بيني وبينك .. وماعايز ناس البيت يعرفو حاجة .. لغاية مانشوف نهايتو شنو.
قالت ليهو جداجدا حاضر .. بس انت هسي اطلع لي سريع .. محمود بكون متضايق شديد.. خليني اتصل عليهو .. وماسكة الموبايل بيديها الاتنين ..
قام طوالي طلع وخلاها ..
طلع بشر الوالدة .. والامور مشت والمساء جا محمود وساقها البيت وانتهينا من القصة دي ..
والحياة دورت عادي . والورديات في المستشفى كما هي عليه .. والمعاناه تتجدد .. والموت يخطف الفقراء من بين الاطباء .. كالنسر الجائع .. والحاجات البتحصل قدام مدثر تقطع القلب ..
لكن ده برضو ماينفي انو الاطباء ديل عندهم مشاعر زيهم وزي باقي البشر .. وبحبو وبشتاقو وبيغرمو ..
صاح البشوف الدكاترة ديل .. يقول ماعندهم حكاية الريدة والغرام لكن (ياما تحت البالطو دنيا من ألوان المشاعر .. )
في يوم من ايام الله السبعة .. مدثر لاحظ لي محمد يوسف صاحبو وزميلو .. متوتر وماعلى بعضو ..
ومرتين سألو قال ليهو يا محمد احكي لي امكن اقدر اساعدك .. قال ليهو انت الوحيد المابتقدر تساعدني .. انت زول مجرد من الاحاسيس والمشاعر .. وانا الحاصل على داير زول يقدر يحس .. انت زول جاف من جوة .. ياريتني لو كنت زيك ..
لكن بحكي ليك اشوفك بنقدر تعمل حاجة ..
طبعا انا مرتبط وجدانيا بي البت غادة .. لكن ماحصل فاتحتها في موضوع .. بس انا حاسي بي مشاعرها وهي حاسة بي .. وماقادرين نصارح بعض بالموضوع .. كل واحد فينا عامل رايح ..
المهم شفت تتذكر يومك الانت الوصلت احساسك لي نوسة .. من اليوم داك وغادة متغيرة مني .. وبتتكلم معاي بي قرفة .. حتى في السلام تسلم على زي المجبورة .
انا قلت احتمال عايز توازر نوسة.. وتقيف معاها .. لكن ده كلام ما منطقي صح ..
مدثر قال ليهو صح ما منطقي .. طيب انت ابقى راجل.. وامشي واجها واسألها .. عشان تبقى على بينة .. دي موش وصيتك لي ؟
محمديوسف قال ليهو والله وصيتك.. لكن انا صعبة علي ياخي.. بستحي منها عديل .. بعدين مافي بيني وبينها موضوع اصلا .. يعني اقول ليها شنو؟ انت عارف كل البينا كان صداقة وبس ..
مدثر قال ليهو انا عندي ليك فكرة خطيرة ..
ماعندك حل الا نوسة شوف نوسة .. بتديك كل التفاصيل .. وتعكس ليك الصورة الكاملة عشان ما تتجهجه ساي ..
قال ليهو اي والله ..ده كلام زي الفل .. انا الحكاية دي والله كانت فايتة علي .. بعدين انا بكلم نوسة عديل.. واقول ليها الزولة دي انا باقي عليها .. واخليها تسألها لي من بعيد لابعيد .. ولا رايك شنو؟
مدثر قال ليهو صاح.. لكن عارف يامحمد .. انا في راي في كلام البت دي بتسوي كدي مخصوص عشان انت تسألها وتبدى معاها موضوع .. ياخي بتكون ملت من صداقتك الفارغة دي .. هي ذاتها بتكون عملت كدي دايرة تكون علي بينة من امرها..
محمد ده ابتهج شديد من الكلام الجميل ده.. وقال ليهو ياريت يامدثر ..
اها يازول زي ما اتفقو محمد لقى فرصة في نوسة وقال ليها ..
طبعا يانوسه انتي عارفة علاقتي بي غادة.. واعجابي الشديد بيها .. ومتمسك بيها جدا .. وكل المانعني اني افاتحها في موضوع .. هو ظروفي الانتي عارفاها ..
بس تتخيلي .. ؟؟ اخيرا فكرت اني اتكلم معاها بي صراحة .. اها قامت فاجأتني بي معاملة غريبة جدا جدا .. وبقت تتعامل معاي بي برود غريب .. يعني زمان كنت لمن الاقيها تتكلم معاي بي لهفة واعجاب واهتمام..
هسي الكلام كلو اتلاشى بطريقة غريبة .. وبعدين الغريبة يعني بتتكلم معاي عادي ..ولامقاطعاني ولا محارباني ..
يعني ما في سبب بخليني امشي اقول ليها انتي مالك ؟
انا عايزك انتي تنصحيني .. دي صحبتك وانتي عارفاها وعارفة الجواها .. يعني انا ماعايزك تحكي لي الاسرار البينكم .. بس وريني انا موقفي شنو في حياة غادة ..
نوسة قالت ليهو لو عايز نصيحتي .. غادة دي شيلا من راسك .. واسمع كلامي .. وقول نوسة نصحتني .. ودي نصيحة لله ..
وبصراحة شديدة انا ممكن اديك ســر.. بس تكون قدر الثقة .. عارف يامحمد .. تتذكر يوم انا ومدثر خلينا بعض . غادة قالت لي كلام غريب ..
قالت لي عارفة يا نوسة .. انا والله مافي راجل مالي عيني وبتمناهو زي مدثر .. لكن لمن لقيتك انتي محتوياهو .. بقيت بعيدة .. لانك صاحبتي .. وبحاول بظهر للناس قوة علاقتي بي محمد يوسف ..
طبعا محم يوسف ده اتخلع لامن داير يقع على قفاه ..
والله قرب يبكي ..
ولسع الدكتورة السمينة شغالة بتتكلم ......... قالت ليهو
يعني باختصار يا محمد يا اخوي .. في حاجة كدا عما قريب بتظهر بين غادة .. والمحروس دكتور مدثر .. بس انت اعمل نايم واتفرج ..
قال ليها طيب سؤال مهم جدا بالنسبة لي ..ممكن تجاوبيني عليهو؟
قالت ليهو اتفضل ..
قال ليها دكتور مدثر عندو خبر بي التطورات الاخيرة دي؟
يعني عارف مشاعرها دي .. ؟؟
قالت ليهو .. والله ماعارفة ... لكن صراحة اعتقد انهم متفاهمين ومتفقين عديل ... لانو البت دي حالتها متأخرة شديد ..
قال ليها كان كدا . يبقى مدثر زول خسيس ومابستحق الرحمة ..
ومدثر المسكين ماجايب خبر للبحصل ده كلو .. وقلبو راكن في وكالة سفر في الخرطوم ..


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 07:58   #8
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




الحلقة 5
الليلة يمكن تلاتة ايام من مدثر شاف رفيدة بتاعة الوكالة وبقى يشوفها في في حيالو كل حتة .. في الشارع في الليل والنجوم .. في الفرحة والنيل والقمر ..
وكل يوم يدور يتصل على رحاب مابقدر ..
لكن رحاب بي غادي عاملة عمايل .. طبعا ح احكي ليكم من اول يوم رجعت مع محمود راجلها.. لقاها متغيرة تغيير شديد .. وقابلتو بي كل لهفة .. ركبت معاهو في عربيتو الكلك الرمادية .. كانت مبسوطة وفرحانة . ومحمود ماعارف البت دي سبب البسط ده شنو ؟
والحاصل .. اها قامت قالت ليهو .. انا تاني يامحمود ما ح أتناقش معاك في قصة رفيدة نهائي .. لاني ماكنت مصدقاك.. لكن بعد مدثر جاك .. واتاكد من براءتك .. واكد لي .. انا قررت اصاحب رفيدة رايك شنو؟
قال ليها ايواااااا .. انا يادوب كدا فهمت .. والله انا فهمي طلع تقيل اليومين ديل .. مرحب بيك .. الاخت رحاب .. ياواسطة الخير بين رفيدة ومدثر ..
طوالي فقعتها ضحكة .. وقالت ليها غايتو انت اصلو مابتفوت عليك حاجة .. يعني انت ناقش الفيلم ..
طيب عليك الله يامحمود .. اموت ليك تساعدني في الموضوع ده.. انت مادام عارف رفيدة .. ومتأكد من اخلاقها انا مطمئنة لانها شكلا انسانة عسل جد,,
قال ليها خلاص يا رحاب.. انا بكرة بوديك ليها في البيت . من العصر
لغاية بالليل.. كملي معاها كلامك كلو .. وشوفي واتعرفي عليها تمام.. واتكلمي معاها ..
انا بكلمها بكرة لمن تجي واخليها تطلع على البيت بدري . وبجيك اوديك ليها كدا حلو؟
قالت ليهو انت تسلم لي ..
وفعلا التخطيط تم كما هو مرسوم له ..
يلا في الوكالة محمود رسل محمد على جيهة كدا ما معروفة .. ونادى رفيدة .. قال ليها .. اسمعي اخيرا ربنا ح يفتح عليك .. يفتح راسك ..
قالت ليهو في شنو؟
قال ليها الدكتور مدثر رايك فيهو شنو؟ قال دايرك ..
قالت ليهو تتخيل انا ذاتي من اول يوم كشفتو.. لقيتو مكسر كسيرة عدوك .. ياخي ده بقى يرجف زي القصبة .. قال ليها انا ذاتي لاحظت ليهو .. بس ابيت اقول ليك .. عشان ماتقولي محمود متابعني .
بعدين هو ذاتو سألني منك في نفس اليوم .. وابيت اديهو اي تفاصيل من حياتك .. وعلاقتك بي عقيل . وفكرت براي .. قلت اديك فرصة تفكري انتي .. يمكن تختاري مدثر .. وتسيبي الوهم الاسمو عقيل .. لانو والله لو حكمتي عقلك .. احسن ليك مدثر بالف مرة .. ياخي عقيل تافه .. وفلسان .. واهلو مقطعين ..
لكن عايني ده .. دكتور ومهذب . واهلو عندهم قروش النار ماتاكلها ..
غايتو انا لو في محلك مابتردد ..
قالت ليهو انت يا محمود مابتعرف الحب؟؟ .. انا بحب عقيل .. وماقادرة اتخلص منو .. انا لو قادرة اتخلص من عقيل كان زماااان فارقتو .. لانو مابتناسب معاي.. ياخي ده زول حقير خلاص.. لكن اعمل شنو انا ما قادرة اتأقلم مع اي راجل غيرو ..
لكن اقول ليك حاجة ابتدأء" انت اديهو موافقتي .. قال ليها لالا .. تدي الموافقة انتي براك .. بطريقتك ..
الليلة رحاب حتجيك في البيت .. بجيبها ليكم برااي . وحتفتح معاك الموضوع .. وانا بنصحك .. ما تفوتي الفرصة بتجي مرة واحدة في العمر .. قالت ليهو ابشر يازول ..
قال ليها خلاص انتي الليلة اطلعي من الساعة 2 عشان تجهزي روحك .. لاستقبال الضيفة وحماتك المستقبلية ..
ولمن جات الساعة 2 .. رفيدة جاها صداع من كترة التفكير . طلعت طوالي اول حاجة غشت صاحبتها.. واحدة مقرمة كدا اسمها لبنى . ولبني دي مسلطة وشوارعية جدا" .. وعندها تفاكير ابليسية وبراكم بتشوفو ..
المهم لبنى ساكنة في ناصر .. ورفيدة من بنات السلمة الخرطوم . يازول اتصلت علي لبنى.. وقالت ليها انتظريني في البيت انا عاوزاك في موضوع.. ماينفع في التلفون .. نزلت ليها في ناصر وقالت لي لبني فضي لي روحك.. انا عايزاك في حاجة ضرورية شديد ..
وقعدت حكت ليها ..
قالت ليها انا يا لبنى اتقدم لي دكتور.. اخو رحاب زوجة محمود الانا شغالة معاهو .. واهلو ناس مقرشين مبالغة .. وهو زول مهذب .
لكن والله انا ماقادرة اتخلى عن عقيل.. انتي عارفة بحبو قدر شنو؟
لازم تشوفي لي حل ..
قالت ليها يابت الحب اولا" . اوعك تخلي الزول البتحبيهو عشان القروش .. القروش تطير والدكتور يطير ..
قالت ليها لكن يالبنى .. عقيل لسه طريقو طويل .. وراكب جوكي من كريز لي كريز.. ومن هايس لي هايس .. شغل ثابت ساي ماعندو
وانتي عارفة العمر ماشي .. وانا خايفة من البورة يابت ..
لبنى سكتت ساي .. وقالت ليها طيب في فكرة خطيرة .. بس الاهبل الاسمو عقيل ده مايعرفها ..
انتي تقبلي بي الدكتور .. وتستمري معاهو.. وتتخطبي خطوبة رسمية .. بعداك تسفيهو سف الغنماية للدقيق .. وتصلحي وضعك تمام .. وتفكيهو عكس الهواء.. وكدا تكوني ظبطتي امورك .. وامور عقيل بتاعك ده ..
قالت ليها طيب .. لو عقيل سمع باني اتخطبت لزول بسوط الدنيا .. انا عارفاهو .. قالت ليها لو كشف الموضوع احكي ليهو فكرتك.. اصلو مابعارض ما دام انتي ما حتتخلي عنو ..
قالت ليها والله بس كدا صعب .. وانتي عارفاني انا بخاف قالت ليها يابت تخافي من شنو؟ انتي حتسرقي؟
هو براهو حيجيب ليك حاجاتك .. ويصرف عليك صرف الهبل .. وبعد داك تفسخي الخطوبة براحة في شنو يعني .؟
على الاقل تكوني كونتي نفسك.. وجهزتي لي عرسك .. بي فلاحتك وشطارتك ..
قالت ليها يازولة انا موافقة .. بس انتي تقيفي معاي ..
لبنى قالت ليها والله مايقيف معاك الا انا .. موش بستفيد من وراك .. ولا بتبخلي علي؟
رفيدة قالت ليها .. حبيبتي انتي .. دمي ليك ..
المهم يازول اخوات ابليس الاتنين .. اتفقن على انو رفيدة توافق على دكتور مدثر بقصد السف ..
وركبت مشت معاها السلمة .. عشان ينتظرو رحاب تجي ويدوها الموافقة .. وطول الطريق يتوسوسن ويخططن ويرتبن في الكلام .. المفروض يقولنه ..
اها العصر زي الساعة خمسة .. محمود مشى جاب رحاب زوجته ..
وجابها ليهم في البيت في السلمة .. ونزل معاها .. وقال ليهم انا عندي مشوار الكلاكلة .. بجي بعد العشاء اخدو راحتكم .. بعدين بجي اسوقك يا رحاب .. وودعهم وفات ..
رحاب عاينت للبيت بتاع ناس رفيدة .. فرق المشرق والمغرب من بيتهم .. اول حاجة الحوش عالي.. ومحوش بي حجارة غريبة كدا من برة ومجلطة بي اسمنتي شكلو مبنى في مجرى سيل ولا حاجة ..
والبيت فيهو غرفتين بس.. فاتحات شمال في حوش .. وفي الناحية الشرقية مطبخ وراكوبة بي شوالات ..
يعني ناس فقراء لدرجة العدم .. ابوها مافي .. في امها واختها واحدة مطلقة عندها طفلين .. واخوها عمر 20 سنة ..
رفيده وخالها في السعودية هم المحركين الحياة في البيت ده .. هي طبعا" بي شغلها في الوكالة .. وخالها كل شهر برسل ليهم من السعودية .. والحال ماشي بي يالطيف ..
الاخت المطلقة نقناقة وكلامها كتير.. وتداعي في اولادها قدام رحاب ولبنى .. ربي يغتس حجركم يا اولاد الراجل الفقر ..
المهم يازول طلعن السراير برة في الحوش .. وختن الطرابيز . وبدن يتونسن الونسة العادية ..
والرجال وما الرجال والحياة الزوجية .. وعرجو على حكاية الطلاقات ..
رحاب قالت ليهم .. والله انا كل مرة بقول لي محمود طلقني.. لكن هو بالو واسع .. بس بقول لي بطلقك باكر .. وانا باكر اقول ليه انا اسفة ..
اخت رفيدة المطلقة .. قالت ليها اريتك كان لميتي في طليقي ده .. شدة ماهو راجل فقري وشوم.. يقول ليك انتي مالك مابتقولي طلقوني زي الحريم؟؟ ههههه
والله تقولي لي طلقني احتمال يزغرد .. غايتو متنصل من المسؤلية بي شكل غريب خلاص ..
اها في ونستن دي جا ابو رفيدة داخل يطوطح .. راجل شايب .. وشعرو كتير كدا . وتفة اظنو تلاتة يوم مادخل ليهو فيها مشط .. ولابس جلابية رهيفة وتحتها نكس ينشاف من فوق للجلابية .. وشكلو بتاع سجارة .. غايتو شكلو مربك جدا" هه ..
باختصار بصورة عامة .. البيت ده وضعو عجيب وغريب ..
ومافي اي توافق بينو وبين بيت ناس عباس ابو مدثر .. ورحاب قالت براحة كدا في سرها .. بري يا يمة .. الناس ديل ابوي مابوافق بيهم ..
البشوف رفيدة في الوكالة لابسة نضيف .. وتتقدل زي المضيفة.. يقول الله يوريني بيتهم .. غايتو الدنيا دي فيها جنس عجايب ..
المهم قالت وانا مالي؟؟ انفذ الموضوع الجيت ليهو.. بعدين مدثر يجي يشوف بي عينو ..ويتصرف بي طريقتو .. كان نفعو معاهو يواصل .. وكان غلبو يختاهم بطريقتو ..
اها بعد شربن الشاي .قالت ليها انا عايزاك في كلام يا رفيدة .. قالت ليها اتفضلي يارفيدة تعالي معاي بيجاي ..
بيغادي في الناحية الجنوبية للبيت .. في زي حوش في شكل زقاق بي ضهر الغرف ..
وفي سرير مختوت بدون لحاف.. قعدن فيهو اظنو ده السرير الببيت فيهو ابوها ..
بدن الكلام .. قالت ليها رفيدة انتي طبعا شوفتي مدثر اخوي .. قالت ليها ايوة شفتو طبعا "
قالت ليها مدثر اخوي ده معجب بيك شديد يارفيدة ..
قالت ليها مدثر الدكتور العسل ..؟؟ والله بصراحة انا ذاتي اتكسرت فيهو هههه.. لكن وين لينا انتو ناس العلالي .. ونحن وين وانتو وين؟
قالت ليها ليه يا رفيدة؟ .. الحياة ارزاق واقسام . وهو مدثر اساسا ما دام مقنع بيك .. الفوارق الاجتماعية دي مابشتغل بيها.. المهم الناس تتوافق ولا شنو؟
قالت ليها فعلا كلامك صح.. البشوف دلعك وغنجك يارحاب .. يقول مابتعرفي تتكلمي .. لكن انتي ماشاء الله عليك ..
قالت ليها هوي يارفيدة.. انتي ماتشوفيني كدا.. والله اودي الزول البحر واجيبو عطشان .. قالت ليها فعلا.. انا هسي عطشتيني ..
ورحاب ماعارفة انو ىفيدة ناوية تعطش الاسرة كلها هه


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 09:05   #9
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 6
زي الساعة عشرة كدا ، محمود راجل رحاب جا .. ودق البوري .. رفيدة قالت لي لبنى، لبنى انتي اركبي معاهم ، عشان يوصلوك في دربهم .. المهم ركبت معاهم .. وفي الشارع بتونسو .. نطت لبنى قالت ،، عليك الله شوف الراجل المابخجل ده ، هسي دي صورة يجي داخل بيها قدام الحريم .؟
محمود قال ليها بتتكلمو عن منو يالبنى ؟
قالت ليهو مالو ابو رفيدة المسطول ده؟ .. أسال رحاب ، قول ليها جا داخل كيف ..
رحاب قالت ليهو مبالغة ، منظر بخجل .. المصيبة انو جا داخل من الشارع بالصورة دي ..
محمود قال ليها اها يالبنى ، موضوع زوبا معاهو كيف ؟ ان شاء الله الاشكالية اتحلت ، .. قالت ليهو والله بس زوبا اتقطعت منهم . لكن لسه ام رفيدة شانة الحرب ..
رحاب دايرة تتشمر .. قالت ليها زوبا دي منو يا لبنى ؟..
قالت ليها دي صحبة رفيدة ، كانت بتجي البيت .. وابورفيدة كان بعاكسها .. وهي ابت تتكلم لاعتبارات كتيرة ..
عشان ماتسبب مشكلة في البيت ، بين الراجل ومرتو ..وعشان ماتفقد صاحبتها رفيدة ..
تصدقي وكت ابت تشتغل بيهو ، اتحصل على رقم تلفونها ، وبقى يرسل ليها رسايل زي الواطة .. كلها قلة ادب وعدم حياء ..
وبقى يضرب ليها بالليل .. يوم شاكلته .. وبدا يحنس فيها ، ويعتذر ليها
مراتو صحت ، ولقتو يتوسوس في التلفون ، عملت نايمة .. باكر الصباح سرقت التلفون من تحت مخدتو وهو نايم ، وفتشت المكالمات لقتو كان بتكلم مع . زوبا .. وتعال شوف .. بدل يتكلمو مع ابوهم ويعقلوهو ، شالو العداوة كلها وكبوها فوق زوبا المسكينة .. ونبذوها وشتموها بابشع الشتايم .. قالو ليها انتي صادقتي رفيدة مخصوص ، عشان تخطفي ابوها ، ياخطافة الرجال ..
وزوبا ماشاء الله عليها .. ابت تقول ليهم هو البطاردني .. عشان ماتخرب البيت .. بقت ساكتة ، وفضلت انها تكون مظلومة ..
رحاب قالت سبحان الله .. غايتو الدنيا دي ، تعيش كتير تشوف كتير.. فعلا انا محمود حكى لي طرف الموضوع ، بس كنت قايلاهو بكذب ..
محمود قال ليها الحمد لله الليلة ظهر لي شهيد ..
اها يازول وصلو امتداد ناصر ، ونزلو لبنى وواصلو في سيرهم ..
ورحاب قالت لي محمود .. يامحمود والله اقول ليك الحقيقة ، الناس ديل ماعجبوني .. ياخي كلهم ماعندهم اخلاق .. بس رفيدة كويسة وزولة سكرة بس .. لكن ناس البيت ديل غايتو ، ابوي كان شافهم بتجيهو جلطة.. خصوصا ابوها ده .. مستحيل ابوي يوافق لي مدثر يناسبو .. لكن بالنسبة لي علاقتو مع رفيدة ، انا شايفاها مناسبة ليهو جدا ..
ورحاب بقت تكرر في الكلام كده بس ..
طبعا رحاب بعد عرفت انو في علاقة ح تنشأ بين رفيدة واخوها.. قلبها رقد من ناحية راجلها .. وماعايزة موضوع مدثر يفشل ، وعارفة لو فشل تاني تقوم عليها الوسوسه والشكوك في راجلها ..
وبقت مترددة يومين ماقادرة تضرب لي مدثر ، خايفة انها تكون بتضرو .. وبرضو خايفة من ردة فعل ابوها ، حاج عباس ..
وكل مرة تشيل وتضرب لي رفيدة ، وتتونس معاها ورفيدة خلاص ، بقت قاب قوسين او ادني ، من تحقيق الهدف ..
طبعا هناك مدثر منتظر رحاب بي على جمرا" تهبو الريح .. كلما تلفونو يضرب جرس ..يجري يخطفو يعاين للرقم ..وكت يلقاهو ما رحاب .. تلقاهو يتستس .
اها اليوم ده كانت في المشتشفى في ونسة كدا طريفة ، بين دكتورة نوسه وبين غادة
قالت ليها انتي يا غدغد موش كنتي معجبة بي دكتور محمديوسف وبتمدحي فيهو طول الوكت ؟ الحصل شنو هسي يعني ؟ كل ماتشوفيهو بتصري وشك ..
قالت ليها ما حصل شي هو فعلا انسان كويس .. وماعندي معاهو حاجة خاصة اصلا . ولاحصل اتكلمنا غير الشغل والونسه العامة .
بس ، قبل كم يوم حسيت بيهو عايز يخش معاي في مواضيع كدا ، انا هسي مافاضية ليها
قالت ليها طيب ياغادة ، انتي رايك شنو في مدثر؟ والله اي واحدة تتمناهو ، كان علي انا انتي عارفة انو خلاني .. قالت ليها والله مدثر امنية ، لكن انا خايفاك انتي تتحسسي .. قالت ليها يازولة انا خلاص تاني ماعندي ليهو شي ، ولابهمني بي حاجة ..
بس في اشكالية صغيرة .. انتي لازم تختي بالك ليها .. محمد يوسف متعلق بيك ، وانتي حاسة بالموضوع ده .. ومحمد يوسف صاحبو .. كيف انتي تخلي ده وتربطي مع ده ..
انتي ما حاسة انو الحكاية دي ممكن تسبب حساسية بيناتم ؟
قالت ليها انا اساسا لو فكرت في الموضوع ، ما ح ادي مدثر اي وش ، قبل ما اصوطا مع محمد واوقفو في حدو .. لاني والله ما حبيتو كلو كلو .. بس ياها الزمالة .. خصوصا بعد بقى يقول لي .. نحن مناسبين لي بعض . وشلت صورتك من الواتساب .. ولزقتها مع صورتي وعوارات كدا ، انا ماعندي ليها اخلاق ..
قالت ليها والله ياغادة كلنا كنا حاسين في حاجة بينك وبينو ..
قالت ليها فعلا يانوسة ، انا ومحمد كنا قريبين من بعض ليس الا ..
نووسة قالت ليها طيب انتي كيف حتدخلي في مدثر؟ ده زول قلبو حجر وبارد ، زي ما انتي قبل كدا قلتي لي ..
قالت ليها لالا مدثر انا اليومين ديل حاسة بيهو مقرب علي شديد ، وبجي بستشيرني في ادق التفاصيل .. قالت ليها كان كدي بختك .. امسكي قوي ..
نوسة النار انطلقت فيها ، وانا ماعارف هدفها شنو من ده كلو .. مشت طوالي لي محمد ، وقالت ليهو في مستجدات في الموضوع .. عايزاك تشوف ليك وكت عشان احكي ليك ..
المهم وكت اتلاقو قالت ليهو . حضر شعورك يادكتور .. غادة ناوية تصوطها معاك ، والله قالت لي كدا براها .. لانها خلاص ربطت مع مدثر ، واتفقو زي ماقلت ليك ..
نوسة زي ما ملاحظين غيرت في الكلام الدار بينها وبين غادة ، تغيير بسيط وخبيث جدا ..
محمد يوسف ده زعل زعل عجيب ، وماعرف يزعل من مدثر ، ولايزعل من غادة ..
معقولة يا مدثر العامل فيها صاحبي؟؟ كويس ، انا بوريكم انتو الاتنين ..
اها الدكاترة كانو متلمين كلهم في عيادة واحدة ، كان في مشكلة بتاعة نقص في الامداد الطبي ، في شنو كدا ماعارف ، لانها دي حكاية متكررة ، وطواالي بتحصل .. الدكاترة يكونو متوفرين ,, واقل مقومات وامكانيات العلاج معدومة .. والمرضي قدامهم قاعدين يعانو .. وهم المساكين مافي يدهم حاجة يعملوها ..
وقاعدين متحيرين ..في النهاية طلبو شاي ، وقعدو يتشاورو في اثناء القعدة دي ، محمد يوسف قبل على غادة قدام الناس ،
وقال ليها .. انا عايز اقول ليك حاجة ياغادة .. ماتفتكري احترامي ليك .. ومعاملتي الكريمة معاك دي ، معناها انا عندي معاك حاجة خاصة .. انتي لو بتقيتي اخر واحدة في الدنيا انا مابرتبط بيك .. فرجأء وقفي التشهير .. والادعاء .. وماتحلمي .. احسن تلزمي حدودك ..
غادة قالت ليهو ، بسم الله الرحمن الرحيم .. مالك يامحمد ؟؟ في شنو؟ انا قلت شنو؟؟ ولمنو؟
الدكاترة ديل كل واحد بقى يعاين للتاني ..
قالت ليهو والله لساني ينقطع .. انا ماقلت من الشي البتقول فيهو ده ..
حرام عليك والله ..
مدثر قال ليهو بعدين يامحمد ، ده ماكلام بتقولو على الملأ.. لو عندكم نقاش خاص ، خلوهو بينكم الاتنين .. كدا ماصح ..
محمد قال ليهو انت بالذات يا مدثر .. انا ماعايز معاك اي مفاهمة ، لو عندك نصايح احتفظ بيها لنفسك ، وقام طلع طوالي زعلان زعلة ..
وغادة دي قعدت تبكي ، ووشها انقلب احمر .. والدكاترة ديل بقو يطلعو نفر نفر .. ونوسة ديك اصلا اتخارجت طوالي ..
مدثر ساق غادة من يدها ، ووداها على الماسورة ، وقال ليها غسلي وشك
ولايهمك .. والله نحن نشهد انك انت اروع انسانة ، ومابتقولي اي كلام ماياهو ..
بس انا متأكد في زول خرب بيناتكم .. خلي الامور على الله ..
غادة لمن دكتور مدثر بتكلم معاها ، وبصبر فيها .. ازدادت في البكا .
قالت ليهو والله يا دكتور مدثر ، انا مظلومة والله انا اصلا ماعندي معاهو اي حاجة ، ماعارفة الزول الزور ليهو المعلومات دي منو ..
بتغسل في وشها كدا ، ومدثر واقف جمبها .. ومحمد يوسف من بعيد هناك في اخر المدخل .يعاين ليهم .. واقف على رجل واحدة ، ومتكل على الحيطة ..
ومدثر شافو وما اشتغل بيهو نهائئ ، لانو ماعارف الفي راسو في شنو؟
اها مدثر بعد غادة غسلت وشها ، مدثر عايز يمشي ، غاده مسكتو من يدو .. وقف عاين لي يدها ماسكاهو .. قال ليها في شنو يا غادة؟ ..
قالت ليهو مدثر الله يخليك تقيف معاي ، انا محتاجة ليك .. بالجد محتاجة ليك شديد ..
قال ليها ولاتشيلي هم والله انا بوعد اقيف معاك للنهاية .. ولو ماعرفت . الظلم ده سببو منو مابرتاح ..
غادة الان بقى ارتباطها بي مدثر تحدي وحتمي .. وحتحاول المستحيل تربط العلاقة دي عشان تتشفى من محمد الاهانها قدام الناس ..
وطبعا هي شكت انو نوسة وصلت كلام مغلوط لي محمد يوسف .. بس ثقتها الشديدة في نوسة . كل مرة بتهز راسها وبتقول لالا .. مستحيل .. مدثر يقول ليها هو شنو المستحيل يا غادة .. تقول ليهو ابدا مافي حاجة ..
مدثر من محلو داك مشى على محمد يوسف .. قال ليهو اسمع يامحمد .. انا موضوعي معاك ماعايز اتناقش فيهو ، لكن الكلام الانت قلتو لي غادة ده وراهو كلام .. منو الوصل ليك كلام عن غادة ؟؟
قال ليهو اسمع يا دكتور .. غادة منتظراك امشي ليها ، سيبني في حالي عليك الله .. غايتو سبحان الله .. الزول يتلدغ من اقرب الناس ليهو ..
ده انت يامدثر؟؟ الكنت بثق فيك اكتر من اخواني اولاد امي وابوي ؟
مدثر قال ليهو انا طبعا ما بجبرك تقول الحاصل شنو؟ .. لكن انا ماممكن ادافع عن نفسي الا اعرف عملت شنو..
قال ليهو عليك الله يامدثر ، امشي من قدامي ، ما تعمل لي فيها اهبل ..
قال ليهو جدا بمشي ، لكن في معلومة داير اقولا ليك ، يمكن انت ما خاتي ليها بالك .. غادة يادكتورمحمد بتحبك اكتر من عيونها .. وبكاها ده دليل على كدا ..
محمد بي زعلتو ديك ضحك ضحكة استهتار غريبة خلاص ..
قال ليهو ياااااامدثر الله يخليك امشي مني ياخي .. امشي مني انا ماعايز اسمعك كلام ، انا ما اتربيت عليهو ..
مدثر قال ليهو . يلا سلام فتك بي عافية ، يعني اعمل ليك شنو؟
والايام مرت .. الدكاترة كلهم بقو يتوسوسو .. مع بعض والخبر انتشر ، متل النار في الهشيم ، انو البت غادة ادت محمد يوسف شاكوش ، وربطت مع مدثر ..
وكلها اخبار غير صحيحة ، من تأليف نوسة الجاموسة ..
بالنسبة لي رحاب اخت مدثر ، لحد الان ماضربت ليهو . عشان توريهو الرد بتاع .. بت الوكالة الاسمها رفيدة ..
و مدثر هنا مازال واقف مع غادة ، وبسأل منها ، وبمشي ليها كتير ، وبتصل عليها
كل مرة .. كل مرة ، وماداسي حاجة .. وماعارف الكلام البتقال بي وراهو فيهو ..
وغادة المسكينة افتكرت انو مدثر بقى يحبها .. (غايتو البنات ديل طيبات طيبة هه )
قامت يوم بالليل ضربت ليهو .. قالت ليهو مدثر ، انا عايزة اسألك سؤال وخايفة من اجابتك .. اجابتك يا اما حطمتني .. يا اما خلتني اعظم بت في العالم .. قال ليها اسألي ياغادة



__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 09:28   #10
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




الحلقة 7
قالت ليهو يامدثر انت بتحبني ؟
مدثر سكت مسافة .. طبعا" اتفاجأ بالسؤال .. وهي بتتكلم لسه .. مدثر ؟ الو؟ مالك ساكت ؟ جاوبني اي اجابة.. صدقني اي اجابة بتقبلا ..
قال ليها .. كيف يعني يا غادة ؟ كان للحب العام . الناس كلها بتحبك والله، وانتي انسانة محبوبة بالجد .. لكن اذا الحب الخاص . انا عارف العلاقة والحب العميق البينك وبين محمد .. فانا مستحيل اكون خاين وغدار للدرجة دي ،
قالت ليهو القال ليك منو ؟.. محمد انا ماحصل حبيتو ..وربنا يشهد..
قال ليها .. طيب والبينكم ده نسميهو شنو؟ ، والكلام القالو ليك قدام الناس .. والبكاء الحار البكيتيهو ، لمن عرفتي انو اتخلا عنك ..
قالت ليهو معناها انت مافاهم اي حاجة .. انت مفتكر انا بكيت عشان هو اتخلا عني ؟ ابدا والله ، انا بكيت عشان الكذب الحاصل ، لاني اصلا ماحصل قلت لزول انا بحب الزول ده .. انا بكيت عشان المهزلة والاهانة الاتعرضت ليها قدام الناس ..
مدثر قال ليها بس هو بحبك ، وعايزك وانا عارف كدا .
قالت ليهو انا مالي ومالو ، ماحصل يوم فاتحني في موضوع . ولو فاتحني انا كنت رفضتو ..
قال ليها اسمعي ياغادة .. الكلام ده ما كلام بتقال هسي في التلفون .. بكرة نتكلم قي الموضوع ان شاء الله ..
النوم طار من عينو .. وبقى يفكر تفاكير كتيرة خلاص ، والداير في راسو شنو؟ ما معروف ، بس المعروف ، ماكان متوقع السؤال ده من غادة . وغادة زي ما حكينا قبل كدا ، جمالها واخلاقها تعتبر امنية لكل شاب ، وجديتها في العمل حايزة على اعجاب كل الدكاترة . بس ما كان في زول بفكر فيها اصلا ، لانو محمد يوسف محتويها احتواء غريب .. وهي ذاتها كانت مامقصرة ، عشان كدا الناس قايلين بينهم علاقة مستقبلية ..
المهم يازول باكر .. في المستشفى بعد الفطور كدا ، اتلاقو مدثر ومحمد يوسف .. ومدثر قال ليهو انا طالب منك طلب ، وبوعدك تاني ما حأزعجك باي موضوع .. قال ليهو اللهو شنو؟
قال ليهو عايزك انت وغادة تتواجهو قدامي .. لانها هي بتقول كلام وانت بتقول كلام ..
قال ليهو يعني يامدثر انت مكذبني انا وبتصدق البت؟
قال ليهو لا بكذبك ولابكذبها .. الكلام الزي ده مافي ليهو حل الا المواجهة ..
محمد قال ليهو جدا .. بس انا هسي مافاضي ..
بعدين المساء بديك خبر ..
محمد في الوكت ده كان بفتش لي نوسة ، وهي كان عندها مريضه متابعة معاها .. في العناية ..
انتظرها لغاية ماخلصت .. وجاتو ..
قال ليها يانوسة .. انا هسي اصدقك كيف ، ؟ انو غادة قالت ليك كدا ؟
احتمال انا استعجلت .. في كلامي مع غادة .. انا عايزك تثبتي لي انها قالت ليك ..
قالت ليهو بثبت ليك ، بس توعدني ماتدخلني في مشكلة معاكم ..
قال ليها جدا وعد .. قولي ..
قالت ليهو انت موش قلت ليها .. (ياغادة نحن مناسبين لي بعض) .. ..موش حصل قلت ليها (شلت صورتك من الواتساب ولصقتها جم صورتي) .؟؟ حصل ولا ماحصل ؟
قال ليها.. لا اله الا الله .. كدا صدقتك خلاص يانوسة ..لانو الكلام ده قلتو ليها براها ، ولو هي ماقالتو ليك .. انتي ما ممكن تعرفيهو براك ..
خلاص يانوسه .. انا اسف اني شكيت فيك لي لحظة واحدة ..
طبعا" دي اخبث حركة عند الناس المفتنين والنمامين لازم نحن نخت ليها بالنا بنقلو جزء من الحقيقة .. عشان يثبتو بيهو صدقهم ..
والباقي كلو بكون عبارة عن بنزين زقشة كبريت .. وقليل البقدر ينجو من الفبركة الزي دي ..
اها محمد يوسف بعد الاثبات ده .. دمو بقى فاير ، ويغلي زي حلة البليلة ..
ولا انتظر العصر عشان يتلاقى مع غادة .. مشى قال لي مدثر امشي يامدثر نادي غادة وتعال هسي .. انا قاعد في الحتة الفلانية ، منتظركم ..
مدثر مشى قال لي غادة .. ياغادة انا عايزك في موضوع ضروري شديد .. المهم يازول اتواجهو .. وبدا الكلام مدثر ..
قال ليهم انتو الاتنين ، انا عايز اعرف طبيعة العلاقة البينكم شنو؟
هل هي صداقة وزمالة ولا في حاجة تاني .؟ عشان نتعامل مع الموضوع بي جدية ..
محمد قال ليهو ابدا موضوعنا موضوع متطور جدا .. واتكلمنا حتى المستقبل والحياة ..
غادة قالت ليهو ابدا يا مدثر ما حصل .. الزول ده مرات بتكلم من منطلق عام .. ومرات بقرر حاجات براهو ، وانا بسكت عشان ما احرجو .. لكن ماحصل اتكلمنا في شي يخصنا الاتنين ويخص حياتن الخاصة ..
محمد قال ليها طيب ، انتي اصلا ما دام ماعايزاني ، كان تواجهيني عديل وترسيني عل بر ، في داعي توزعي كلاماتك ، انك عايزة تصوطيها معاي وما تسوطيها ؟ ما تسوطيها انا همي بيك شنو؟
صننن غادة سكتت ، واتذكرت انها قالت العبارة لي نوسة فقط .. معناها شكها في محلو .. قالت في في سرها يخسي عليك يانوسة .. اتاريك يا نوسة شغالة تخبزي بيني وبين محمد .. وبتمشي تنقلي ليهو اي كلام يحصل بينك وبيني ..
قالت ليهو اسمعني يامحمد ، انا صلا ما اتكلمت مع زول غير نوسة .. والكلام دار بيني وبينها هي فقط .. وانا متأكدة انها هي القالت ليك .. بعدين الكلام الانا قلتو ما داساهو .. انت لو عندك اي تفكير بتاع ارتباط انا ماعندي رغبة .. وكتر خيرها نوسة ، على الاقل خلتك قلت لي الكلام الانا ما قادرة اقولو ليك ..وكدا لابيني بينك خير لاشر يادكتور ..
قال ليها جدا ياغادة .. انا اساسا ندمان على اي لحظة قضيتها في رحابك الطيبة .. يسلم ليك مدثر ..
وقام فات طوالي .. خلاهم الاتنين قاعدين مع بعض .. قالت ليهو تتخيل يامدثر ، نوسة سبب الفتنة دي كلها .. قال ليها البت دي اساسا انا ما بهضمها كلو كلو .. شوفي موضوعك معاها ، وحاولي حلي مواضيعك .. لو احتجتي لي في اي حاجة انا معاك ..
قالت ليهو ماجاوبتني على السؤال بتاع امبارح .. انا لاهميني محمد لاهاماني نوسة ..
قال ليها .. انا مابعرف اكذب يا غادة .. انتي انسانة اي راجل يتمناك .. ولو ما الظروف الحاصلة دي .. كان لقيتي مني اجابه ايجابية ..
لكن الموضوع ده محتاج لي وقت وتفكير .. بعدين انا عندي موضوع معلق مع واحدة من طرف رحاب اختي ، لسه ماعرفت فيهو حاجة ..
قالت ليهو خلاص ، كدا انا موافقة ومنتظرة .. وده مناي في الدنيا .. وانا بعتبرو ده ضوء اخضر في بداية حياتي ..
مدثر ما علق على الكلام ده مشى طوالي ..
بصراحة شديدة .. مدثر بقى يعمل في مقارنات بين .. رفيدة وغادة ..
ياربي ياتها المفروض تكون لي ..
.. اها بالنسبة لي رفيدة ، بكرة اتصلت علي رحاب اخت مدثر ، قالت ليها انتي مدثر تاني قال ليك شنو عني ؟
قالت ليها تتخيلي ماكلمته .. قالت ليها خلاص اتصلي عليهو ، كلميهو عشان نسمع رايو الاخير ، لاني انا بالجد في ناس كتيرين عايزين يتقدمو وانا موقفاهم عشانك .. ومدثر الوحيدة الانا دايرة الاقيهو ..
قالت ليها خلاص يارفيدة بعدين بكلم محمود يوديني بيتنا ، وبحكي ليهو وجها لوجه .. ماتشيلي هم الموضوع حيمشي زي الساعة ، قولي ربنا يكف العوارض ..
وفعلا يازول محمود بالمساء جاب رحاب للبيت . ورحاب اتكلمت مع
اخوها ، قالت ليهو والله يامدثر انا اتكلمت مع رفيدة .. ورفيدة ماعندها اي مانع والله .. لكن بصراحة الناس ديل فقراء شديد .. وحياتهم متواضعة جدا ، وانا خايفة ابوي يدق جرس في الموضوع ده .. انت عارف ابوي كلام كلو ، بتكلم عن الواجهة الاجتماعية .. والسمعة وتقيمات المجتمع ..
مدثر قال ليها .. كدي يازولة ماتشيلي هم ، ما دام هي ماعندها مانع .. الامور التانية هينة .. والله ماكنت متخيل انها توافق .. خصوصا لمن انتي اتاخرتي علي في الرد .. كنت مفتكر انها رفضت وانتي ماقادرة تقولي لي ..
طوالي مدثر مشى لي محمود ، قال ليهو باكر انا يومي اوف .. بجيك في الوكالة ..
قال ليهو عارف ، وماعندك مشكلة ، انا بهئ ليك معاها جلسة جميلة تتفقو على حاجاتكم .. انا متابع يا مدثر ااكتر منك ، بس ماعايز اتدخل ..
اها الليلة مدثر ده فرحان فرحة .. القمريتين الاتنين واقعات في طرفو ،
لي درجة انو ماقادر يختار كويس ..هه غايتو جنس حالة .!!
ياريتو لو كان عارف المغيب عليهو ..
المهم يازول بكرة من الساعة 9 مدثر ركب مشى لي بت الوكالة .. والنار الملالة ..
اول ماوصل وسلم عليهم ، لقاها عندها خبر بي جيتو .. لانها عاملة في روحها عمايل السيح والتلاقيح .. زي التكنها ماشة حفلة ..
والشي الاكيد ، انو محمود راجل رحاب اتصل عليها امس بالليل وقال ليها مدثر بكرة جاي الوكالة يقابلك ..
اول مدثر جاء ، وشافها ، اتكبكب كبكبة شديدة خلاص .. وفعلا هي والله بتخلي الزول يتكبكب . من ناحية شكلها .. لكن الشكل ماكل حاجة ..
ياما تحت الجمال لعنات .. ومافي اجمل من شكل الافعى ، ولمعان جسمها .. ولكنها تحمل السم الزعاف ..
وقعدو يتونسو الاتنين ، برة في الاستقبال بتاع الوكالة .. ومدثر ده خجلان خجلة .. وهي كانت اكتر من عادية ..
بعد شوية طلع محمود يفتش لمحمد الشغال معاهو ..
وبدا الحوار بين رفيدة ودكتور مدثر ..
قال ليها والله انا سعيد جدا بي موافقتك علي .. وان شاء الله ربنا يتم المراد .. وانا هسي جيت ابرمج معاك ، عشان اجيكم في البيت ، اول حاجة براي واتعرف بي اهلك ..
قالت ليهو والله ما يسعدني ، بس اليومين ديل ماينفع تجي لانو عندنا مشكلة في البيت وانت ماعليك مدسة ..
قال ليها مشكلة شنو كفى الله الشر ..
قالت ليهو بس الكلام ده سربيني وبينك .. عارف يادكتور ، انا ابوي كان تاجر كبير ، من تجار امدرمان ، حصلت عليهو نكسة بي سبب زول كان شغال معاهو .. ضربو قروش كتيرة وهرب برة البلد .. وهسي ابوي بقى على الزيرو .. وبعنا بيتنا ، وساكنين في بيت ايجار .. عشان كدا . ابوي مابكون موجود في البيت ، لانو مطلوب قروش ، دايما بكون برة البيت ، عشان الناس الدايرين منو القروش فتحو بلاغ وكايسين ليهو ..
وانا ماعايزة اكلم محمود بالموضوع ده ، ياريت يفضل سر بيني وبينك ،
اول ماتتحل والامور وتمشي تمام ، بكلمك عشان تجي البيت ..
ههه الله اكبر اول ضربة من ابو كديس .. لكن في اول لقاء ؟؟ بالغتي يارفرف ..



__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 30-Mar-15, 10:09   #11
hatama
Major Contributor
 
hatama's Avatar
 

Join Date: May 2010
Posts: 2,310
Default

Quote:
Originally Posted by mustafaosman View Post


ههه الله اكبر اول ضربة من ابو كديس .. لكن في اول لقاء ؟؟ بالغتي يارفرف ..





وبعدين معاك

يا صفصف


تم البتاعة دى ياخ






....
مشتفى سلامات ياخ
__________________

To view links or images in signatures your post count must be 10 or greater. You currently have 0 posts.


hatama is offline               Reply With Quote               
Old 30-Mar-15, 10:26   #12
الابنوسى
Crown Member
 

Join Date: Apr 2009
Posts: 11,069
Default



















__________________
إتق الله حيثما كنت
-----------------

To view links or images in signatures your post count must be 10 or greater. You currently have 0 posts.
أبو إبراهيم

To view links or images in signatures your post count must be 10 or greater. You currently have 0 posts.

الابنوسى is offline               Reply With Quote               
Old 30-Mar-15, 11:19   #13
mustafaothman
Moderator
 
mustafaothman's Avatar
 

Join Date: Oct 2005
Location: اي مكان تقولو حلو
Posts: 13,496
Default



سلام مهاتما
ليك وحشة يا زول

ابنوصي هاك
كلو ولا زعلك يا جميل




حلقة 8
،
مدثر سمع منها القصة بكل براءة ..واتاثر جدا لحالة الاسرة والوالد .. قال ليها هسي البصرف عليكم في البيت منو؟
قالت ليهو بس ياهو شغلي انا ، وعندي خالي في السعودية ، مرات يرسل لينا ، وشهور مابرسل .. وكمان عندي اختي مطلقة ، قاعدة في البيت بي اطفالا ، غايتو الحمد لله ..
طبعا ياجماعة .. في اليومين ديل ، بقت حكاية انو الزول يحكي عن معاناة الفقر ، ويحكي عن وضع الاسرة .دي بقت حكاية عادية .. حتي فقدنا نخوتنا الزمان .. والكرامة . في زمن قريب كان السوداني ..لوكان راجل لو مراة .. مهما كان فقير ، مابحكي لاي انسان كائنا" من كان .. الواحد زمان يقول لك ، والله بسط شديد.. الحمد لله ، وفي احسن حال .. ومستورة .. وتدخل بيتو يكرمك كرم ، لامن يحيرك ..وهو بكون متدين .. اقل مقومات الحياة ..
هسي بقينا ياساتر ، اي زول تسأله يقول ليك والله الحياة صعبة .. والمعيشة زفت والحالة سجم .. ودي طبعه ماكويسة يا اخوانا .. وبتجلب علينا الفقر ، وبتجيب لينا الشوم .. كوننا نشكي ربنا الخلقنا للمخلوقين ..
يعني هسي رفيدة بتشكي في حالتها ، لي مدثر في اول لقاء ، وماشايفة عيب في الموضوع ده ..
حتى مدثر نفسه ما اتفاجأ بي الشكوى دي ، بل حســه بانو البت دي خاتاهو في مكان مقرب .. لانها ما جابت شي غريب .. كل الناس قاعدة تشكي ..
مدثر قال ليها ما تحزني يا رفيدة .. ولاتشيلي هم ، انا ان شاء الله بقيف معاك قدر ما استطيع ..
هسي المبلغ المطلوب من ابوك كم كدا؟
قالت ليهو والله تصدق هي ماقروش كتير ، بسيطة يعني مافايتة ليها 36 مليون .. لكن من وين؟؟ ..
وانا هسي داخلة في صندوق ، وغايتو مجابدة .. اها انت اخبارك شنو؟
قال ليها والله كلامك ده بس ، اثر فيني وجاب لي هم ..
قالت ليهو لالا يادكتور ماتشيل هم ، تفرج ان شاء الله ، نحن ناس مؤمنين .. (ماشاء الله على الايمان)
وهي سريع غيرت الموضوع ، وبقت تحكي عن الشغل والسياسة .. و بقت الحكايات والقصص دايرة خارج مدار الخطة ..
لكن مدثر كل مرة يسرح في الوالد المسكين المجهجه من اولادو بسبب الديون .. وكيف البت المسكينة دي شايلة الاسرة كلها .. وصدّق يامؤمن ..
ومرت يومين تلاتة ، ومدثر همو زايد بي موضوع ابو رفيدة .. وطبعا الاتصالات بينو وبينها ماشة على قدم وساق ..
وبسأل منها الصباح والمساء .. وهي برضو بالنهار بتضرب ليهو مرتين تلاتة .. واصلو تاني ماجابت ليهو سيرة الموضوع بتاع ابوها ..
وهو متحسس طبعا ، ياربي هسي البت دي حكت لي ، وانا ماحركت ساكن ، عليك الله هسي البت دي قول علي شنو ؟ ، من اول مرة اطلع جبان وماعندي مواقف ..
وطبعا مدثر زي ما كلنا عارفين ماعندو غير المرتب البسيط البتقاضاهو من الشغل وهو طبعا لايكفي .. ولا بشبه مهنة الطبيب ..
وماعندو اي وفر .. وبستحي يشيل من ابوهو اي قروش ، لانو ابوهو صرف عليهو في قرايتو صرف يعيش ليهو خمس اسر معيشة محترمة ..
اها يوم بتكلم مع امو ..وبتونسو هم الاتنين والبيت فاااضي .. قالت ليهو مدثر ياولدي ، ما داير تتحرك تعمل ليك حركة عرس كدي نفرح بيك ؟
قال ليها بي وين يا امي؟؟ .. قالت ليهو البارح اتصلت علي رحاب ، وقالت موضوعك مع البت الشغالة في الوكالة ماشي كويس ..
قال ليها والله غايتو مامعروف لسه ..
يا امي انا محتاج لي لي قروش ، وخجلان اقول لي ابوي ..
قالت ليهو انت ياولد عوير؟؟ ابوك هو شغال لي منو غيركم؟؟ .. والحق ده حق منو ؟
انت لازم تطلب من ابوك العايزو .. لانو ابوك عارف انك لسه ما دخلت في الشغل البجيب لك قروش ، وعارف مرتبك ، انت قايل ابوك ده غافل ؟
خلاص انا بعدين بتكلم ليك معاهو ..
قال ليها لالا يا امي ، انتي لو عندك خلاص ، ولو ماعندك انسي الموضوع ..
قالت ليهو انا بقروشي وبديك الدايرو.. بس والله لازم انا اتكلم مع ابوك ..المطارشك وموجايب لك خبر ده .. يعني انت ماعندك احتياجات؟؟ وللا قريشات المستشفى دي بتكفيك ؟ وقروش ابوك كلها خامنها اخوانك لي حريمن ..
خلو اليجي بعدين ..
مدثر طبعا القصة دي وقعت ليهو صاااقطة .. وعايز يشوف نتيجة مساعي الوالدة في الموضوع ..
ام مدثر من نوع الحريم الانانيات بتشوف انو الخير الماشي من اولادها لي زوجاتهم غير مستحق وما بستاهلنو ههه ..
رفيدة اتصلت علي لبنى ، وقالت ليها في ضربة جزاء شوتها ليك في اخر الشبكة .. قالت ليها عملتي شنو يا الشقية ؟
قالت ليها احتمال تجيك ستة مليون في صمة خشمك يامتخلفة .. بس والله الود طلع مسكين ، الغنماية تاكل عشاهو .. والله قصيت ليو القصة واتاثر قرب يبكي .. يعني زي ما ملاحظين معناها القصة دي متفقات عليها الاتنين رفيدة ولبنى الشفاتية ..
قالت ليها يعني قلتي ليهو كم؟ .. قالت ليها 36 ..
لبنى قالت ليها ياغبية .. هسي لو قلتي ليهو اربعين كان عمولتي بتكون عشرة .. لكن اعمل ليك شنو؟؟ .. شومة وفقرية ..
قالت ليها انتي بس اصبري الغريق قدام ، ودي اول رمية .. خلينا نشوف نتيجتها وهاهاها يضحكن الاتنين ..
لبنى قالت ليها يادوب انتي بقيتي تفهمي زي الناس ..والله انا كان عندي سماحتك دي لا بشتغل في وكالة ولاعباطة ..
يابت البلد دي مليانة ناس هبل ، و بموتو في البنات السمحات وقروشهم زي جبل الرماد .. ومستعدين يدفعو بالملايين ..
قالت ليها كدي انتي اصبري لي ..
لبنى قالت ليها اصبر ليك شنو؟؟ اتصلي على الود الفرحان ده سريع خليهو يسلمنا .. نشوف غيرو ..
ومدثر في المستشفى ومنغمس في العمل ..مع انو باقي ليهو تلات شهور وفترتو في المستشفى تنتهي ..
بس حسه بي انو زملاهو بتعاملو معاهو معاملة بتاعة كراهية وتجنب .. و اتحسس .. طبعا" زمان الزول الوحيد البسأله وبتكلم معاهو عن همومو واحزانو هو محمد يوسف . وهسي شبه مقاطعو .. ونفسو يعرف الناس ديل مالهم ..
طبعا الحاصل انو نوسة ومحمد يوسف فهّمو الناس كلها انو مدثر هو القلب راس غادة وخلاها تسيب محمد .. ودي القصة المتداولة وهي قصة معكوسة تماما عن الحقيقة ..
لكن منو البقدر يصحح مفاهيم الناس ديل ..
ومدثر ذاتو مافاهم الحاصل بالتفصيل ده ..
في دكتورة من بنات الحلفايا اسمها ريان . وسامعة الكلام البتقال عن مدثر والخيانة العملها في صاحبو .. وهي طبعا" شايفة مدثر وشايفة طريقة معاملتو مع الناس واخلاقو .. وماقادرة توفق بين الشايفاهو والسامعاهو ..
اما غادة ليها يومين تلاتة كدا مافي . ومدثر ماقادر يسأل منها . وكان اليوم ده في منتدى طبي ، في قاعة من قاعات جامعة الخرطوم . مدثر مشى المنتدى ده . لانو فيهو اختصاصيين من برة عندهم ورقة عن . الدراسات البيئية . وعلاقتها بالطب النفسي . وريان لاقت مدثر .. والغريبة انو من كل المستشفى هم الاتنين بس الكانو حاضرين المنتدى من اولو لي اخرو ..
مدثر خش في البت شمال من دون اي مقدمات .. قال ليها بالله هسي الناس ديل ليهم ساعة لافين في نقطة واحدة .. كلها شبكوها لينا
the Affecting environment
(البيئة المؤثرة )
. كلام المفروض يتقال في عشرة دقايق .. قالت ليهو طيب ده ماياهو عنوان الورقة . وطوالي واصلت تتكلم قالت ليهو طبعا ده الكلام البتريدو غادة .. لكن ليها يومين مافيشة . الزولة دي وين يادكتور؟ .
قال ليها والله ماعارف.. انتن ماعرفتنها وين ، اعرفها انا؟؟ .. بتكون عيانة ولاحاجة ، فعلا انا يومين ماشايفها ..
قالت ليهو كيف يادكتور؟؟ انت وغادة موش مرتبطين ، ولا انا غلطانة ؟
قال للاسف والله غلطانة..؟
قالت ليهو معناها المستشفى كلها غلطانة قال ليها كيف؟
قالت ليهو كل الناس فاهمين انو غادة خلت محمد يوسف عشانك ، ..
قال ليها ابدا ماصح الكلام ده ، غادة خلت محمد يوسف بدون اي مؤثرات ، وهو خلاها ، وانا ماعندي اي دخل بالموضوع ده .. وانا ذاتي احتمال قريب اخطب .. وغادة دي ماعندي معاها غير الزمالة ..
قالت ليهو يعني انت متأكد هسي مافي اي حاجة بينها وبينك؟ ، قال ليها من حقك ماتصدقي بس انا قلت العندي ..
قالت ليهو جدا انا لازم اصحح مفاهيم الناس ديل ، اغلبية الناس مفتكرينك انت السبب في انهيار العلاقة دي ..
طوالي انتبه المسكين .. وقبل عليها بي جسمو كلو .. قال ليها انتي بتقولي في شنو يا ريان ، يعني هسي الناس ديل بتعاملو معاي بالطريقة دي مفتكرين كدا ؟؟
قالت ليهو اومال شنو؟ ، والكلام ده بتقول فيهو نوسة .. وبي دعم من محمد يوسف .. ومحمد يوسف داخل في دور العاشق المغدور به ..
قال ليها سبحان الله ، والله دي دنيا غريبة ، وانا هسي مستغرب الناس ديل مالم بتعاملو معاي كدا؟؟ ..
لكن اصبري اوعك تصححي لزول معلومة .. خليهم لي . والله اطبق ليك فيهم نظرية تقشعر لها الجلود ...
وبقى يومين تلاتة متحين ليهو فرصة يتلمو فيها الدكاترة المعنيين بالامر ديل في حتة واحدة ..
في حاجة ملاحظة غريبة وعجيبة .. محمد يوسف ونوسة بقو مابتفارقو كلو كلو .. ونظرات الاعجاب المتبادلة .. يا لطيف ههه ..
والظاااااهر محمد يوسف وقع تحت اظلاف الفرزيان.
في الفترة دي ريان عرفت انو غادة سافرت مدني لي وفاة خالتها الكبيرة .. وكلمت مدثر ..وفعلا اول مرة مدثر يحس بي انو غادة مافي ، وحس فعلا انو افتقدها .. شي عجيب غايتو ..
اها يوم الجماعة اتلمو بعد الفطور.. ومدثر جاهم قال ليهم كيفكم ياجماعة للعلم بس ..انا عايز اديكم خبر جميل ..
اولا" انا وغادة اتفقنا .. على خطوات جادة .. والماعجبو يقع البحر .. تانيا غادة لمن انا اتكلمت معاها .. لانها ماكان عندها اي علاقة مع زول ..
تالتا انا اول يوم اتكلم مع غادة وتتكلم معاي .في موضوع خاص .كان بعد يومها الطلعت من هنا باكية . بي سبب انو محمديوسف . مسح بيها الارض بي سبب كلام منقول بالكذب والبهتان ..
رابعا" الفتنة الحصلت بين غادة ومحمديوسف سببها نوسه .. وانا مستعـد اثبت كلامي ده كلو .. نوسة قالت ليهو خاف من ربك يادكتور مدثر .. قال ليها احسن تسكتي .. يانوسة .. نحن كنا ساكتين .. و تاني ما تكلم ..طلع طوالي.. خلا الناس ديل ينقنقو .. بعدين نجي نشوف كانو بتكلمو في شنو ..
غايتو انا ماعارف .لكن مدثر يتخيل لي دقس بي كلامو عن غادة ده .. وح يدفع التمن غالي ..
اها بكرة الصباح في البيت .. مدثر امو نادتو ، قالت ليهو ابوك عايزك . ابوك ده زعلان شديد من حاجة ، ماعارفاهو مالو .. قال ليها انتي حكيتي ليهو شنو؟ قالت ليهو حكيت ليهو كلام عادي .. عنك وعن ظروفك ، ماكلام بزعل ، لكن هو جاي زعلان من حاجة تانية ، امشي شوفها شنو؟ امشي شوفو مالو ؟
مدثر خايف ومرعوب دخل علي ابوهو جوة ، لقاهو بلبس طالع .. قال ليهو صباح الخير يا ابوي ..
مارد ليهو ، بس قبل عليهو بي زعل كدا صاري يالطيف . وقال ليهو ده شنو يامدثر العملتو ده ؟؟ قال ليهو شنو العملتو يا ابوي ؟؟ انا مافاهم

__________________
يا أبخس اﻷنجاس..... وسع مجاري الدم
زيد السجن ترباس
mustafaothman is offline               Reply With Quote               
Old 30-Mar-15, 11:34   #14
استيف
Golden Member
 
استيف's Avatar
 

Join Date: Nov 2004
Location: Riyadh
Posts: 6,108
Default

حلقات السرور....من ستة صباحا بتكتب يا شقي ومجنون
اذا بتستعين بصديق او ما بتسعين بيهو....فكلام ذو تفاصيل متعبة وشيق ومثير



اصطوف....يامراحب والله
__________________

"هى النفس ما حملتها تتحمل....وللدهر أيام تجور وتعدلُ"
استيف is offline               Reply With Quote               
Old 30-Mar-15, 11:44   #15
الابنوسى
Crown Member
 

Join Date: Apr 2009
Posts: 11,069
Default



يا مصطفي القصه دي شايفه مدوره في الواتس والمدام رسلت لي حلقتين بالليل وجيت الصباح هنا لقيتك فاتح نفس الموضوع وواقف في نفس الحته عشان كدا كنت منتظر اللي بعدو


__________________
إتق الله حيثما كنت
-----------------

To view links or images in signatures your post count must be 10 or greater. You currently have 0 posts.
أبو إبراهيم

To view links or images in signatures your post count must be 10 or greater. You currently have 0 posts.

الابنوسى is offline               Reply With Quote               
Old 30-Mar-15, 11:49   #16
Cheerful Rythem
Golden Member
 
Cheerful Rythem's Avatar
 

Join Date: Oct 2011
Location: khartoum
Posts: 7,631
Default

كمممممممممممممممممممممممممل يا مصطفى سررعه
__________________
Life doesn't come with a manual, it comes with a mother
To view links or images in signatures your post count must be 10 or greater. You currently have 0 posts.
Cheerful Rythem is offline               Reply With Quote               
Old 30-Mar-15, 11:55   #17
mustafaothman
Moderator
 
mustafaothman's Avatar
 

Join Date: Oct 2005
Location: اي مكان تقولو حلو
Posts: 13,496
Default

ستيف
ابنوسي
تشيرفل
سلام يا احباب

سيد القصة زاتو واقف في الحلقة التامنة


ابنوصي
انا رسلها لي واحد في الواتس
لكن في قروب بتحرك بسرعة كبيرة جدا
والقراية بتكون صعبة
فااااااا
فتشت عليها في النت
وبقيت اقرا واقدكم بيها بي هنا
__________________
يا أبخس اﻷنجاس..... وسع مجاري الدم
زيد السجن ترباس
mustafaothman is offline               Reply With Quote               
Old 30-Mar-15, 12:02   #18
Cheerful Rythem
Golden Member
 
Cheerful Rythem's Avatar
 

Join Date: Oct 2011
Location: khartoum
Posts: 7,631
Default

Quote:
Originally Posted by mustafaothman View Post
ستيف
ابنوسي
تشيرفل
سلام يا احباب

سيد القصة زاتو واقف في الحلقة التامنة


ابنوصي
انا رسلها لي واحد في الواتس
لكن في قروب بتحرك بسرعة كبيرة جدا
والقراية بتكون صعبة
فااااااا
فتشت عليها في النت
وبقيت اقرا واقدكم بيها بي هنا

مشست صفحتو الفى الفيسبوك وفعلا لقيتو واقف ف الحلقه التامنه زاتا
__________________
Life doesn't come with a manual, it comes with a mother
To view links or images in signatures your post count must be 10 or greater. You currently have 0 posts.
Cheerful Rythem is offline               Reply With Quote               
Old 30-Mar-15, 12:50   #19
7abiba sudayna
Crown Member
 

Join Date: Mar 2002
Posts: 30,183
Default


غايتو انا حنتظر لمن تكتبوا الحلقه الاخيره عشان اقراها
ما بقدر على حرقان الروح
7abiba sudayna is online now               Reply With Quote               
Old 30-Mar-15, 14:16   #20
Kamal Ahmed
Crown Member
 

Join Date: Dec 2007
Posts: 28,602
Default

Quote:



وسمينة سمن اكتر من اللازم .. لامن تلبس البالطو ده بتبقى زي شوال السكر المتكول على الحيطة ..







انا شايف انو ده سبب كافي

انو مدثر يرفضها



Kamal Ahmed is offline               Reply With Quote               
Old 31-Mar-15, 05:43   #21
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 9 ..
مدثر ابوه قال ليهو ،، ده شنو الكلام السمعتو ده ،، ياريت يكون ماهو حقيقة .. هل فعلا انت عملت فتنة واتسبب في مشكلة بين دكتور وخطيبتو؟ وعملت ليهم فتنة؟ . وعملت علاقة مع الدكتورة ؟
مدثر قال ليهو لا اله الا الله .. معقول الاخبار دي بتنتشر بالطريقة دي ؟ وانت يا ابوي علاقتك بالقصــة دي شنو؟ ووصلتك كيف؟ .. والله دي حاجة تحير .. بعدين الكلام ده ماصحيح ..و القصة دي مغلوطة انا هسي بوضح ليك الحاصل .. بس قبل ما أوضح ليك وريني الكلمك منو؟ ..
ابوهو قال ليهو .. كلمني مزمل اخوك ..قال الكلام جايباهو مرتو .. من مناسبة ناس اقرباهم .. قالت البنات نادوها وكلموها عديل .. ولاهم داسينو ..
قال ليهو طيب يا ابوي كلام بالعقل كدا بيني وبينك .. هو الدكتور البقولوهو ده لو خطيبتو خلتو .. بي سبب قوالة وفتنة .. تاني داير بيها شنو؟
القصة يا ابوي حاصل فيها كيت كيت ..
والله انا لغاية الان البت ماعندي معاها اي علاقة .. بس الدكتور اتكلم معاها قدام الناس .. كلام فاضي بي سبب الناس الجابو الكلام هسي ديل
بس ده كلو ما مزعلني .. انا المزعلني مزمل اخوي .. بدل ما يواجهني بالكلام .. يمشي يكلمك انت؟ .. يعني قصدو شنو بالموضوع ده؟ ..
بعدين يا ابوي انت ماواثق في تربيتك؟؟ .. كيف تصدق انو انا ممكن اعمل عملية زي دي؟؟ ..
قال ليهو ياولدي البنات فتنة .. وياما خربن بيوت .. ودمر علاقات ..
قال ليهو وعشان تعرف انو كلامي صح ..اسأل رحاب انا هسي متكلم في واحدة من السلمة الخرطوم .. وزولة كويسة شديد .. وشغالة مع محمود في الوكالة .. وهو بعرفها كويس .. وهسي بقت صديقة رحاب ..
موش بي كدا معناها ماعندي علاقة بي الموضوع ده ؟ .. قال ليهو طيب كلام جميل ..
امسك الشيك ده .. وحيكون شهريا عندك مصروف.. تستلمو من مزمل انا بنسى ..
واشتريت ليك الشقة .. وجاهزة قدام في المغتربين .. بوريك ليها اخوك .. بس خليك جادي
واتفق مع البت .. خلينا نمشي نطلبها طوالي .. ماتكتر الجرجرة ..
قال ليهو تسلم يا ابوي .. ان شاء الله مانعدمك . وهانت وقريب انا ذاتي دربي بمرق .. وبشتغل شغل بي فهم ..
شال الشيك لقاهو عشرة مليون ..
طوالي ضرب لي البت الحقيرة الاسمها رفيدة ..
قال ليها اسمعي يارفيدة ..لو نحن اتحصلنا على عشرة مليون .. تدوها للناس ديل .. ممكن يدوهو مهلة في الباقي؟؟ ..
قالت ليهو كويس.. انا هسي اتصل عليهم اشوف رايهم شنو؟
طوالي ضربت لي لبنى .. قالت ليها اسمعي الدكتور ده ضرب لي قال اتحصل على عشرة مليون .. اقول ليهو شنو؟
قالت ليها .. طيب انتي راجية الحجاج يجو ؟.. مالك بتتراجفي وبتقطعي كدي؟ .. قولي ليهو جيبهم وقولي ليهو. الناس ادونا مهلة شهر ..
عشان بعد شهر نشيل منو الباقي ..
رفيدة اتصلت عليهو تاني ..وقالت ليهو والله يادكتور انا اتصلت مباشرة مع الزول .. وقال لي ما مشكلة .. بس الباقي مابقدر اصبر اكتر من شهر ..
قال ليها طيب الحمد لله .. على الاقل القصة دي تبقى لي الوالد فرصــة .. يلملم فيها اطرافو .. اها نتلاقى وين؟ عشان اسلمك المبلغ . ؟؟ قالت ليهو بكرة الصباح شفت برج البركة ؟
بس شمالو طوالي .. الحتة الفاتحات فيها دكاكين الموبايلات دي .. زي الساعة عشرة صباحا . بتلقاني هناك منتظراك .. والتلفون بيناتنا ..
خلاص خير ان شاء الله .. خير ان اشاء الله .
داير يقفل التلفون كدي .. قالت ليهو ـ بصوت بتاع عنج ودلع كدا ــ ..
(( مدثر))؟؟؟ ..
قال ليهو نعم يا رفيدة .. قالت ليهو ربنا يخليك لي ..
قال ليها الكلمة دي .. ادفع عمري عشان اسمعها منك .. تسلمي يا رفيدة ..قالت ليهو ماتتخيل الكرب الكنا فيهو.. انت كدا بقيت ملاك الرحمة لاسرة كاملة .. قال ليها .. خلاص نتلاقى بكرة ..
قفلت منو الخط .. وطوالي كالعادة ضربت لي لبنى .. قالت ليها مواعيدي معاهو بكرة جم برج البركة ..
لبنى قالت ليها انا معاك .. (الحجل بالرجل) . .طبعا" لبنى شاكة في رفيدة.. وماواثقة فيها نهائي ..مفتكرة انو ح يديها اكتر من كدا ..
اها يازول بكرة طوالي مشى لاقاها .. كانت لابسة لبس رهيب .. وواقفة وقفة بتاعة دلع تتنى وتتصنع وتتعاور .. بطريقة غريبة شديد ..
وهو طبعا ماقادر يضبط اعصابو من الاعجاب والكبكبة .. لي درجة انو خجلان من العشرة مليون الداير يديها ليها دي.. شايفها شوية عليها ..
ولبنى وقفت ليها هناك .. في الركن بتاع نيفاشا. وبتعاين ملااقبة الوضع عن كثب هه ..
اها جاها و سلم عليها وابتسم معاها احلى بسمة صادقة وبريئة
واحلاتي دي ياناسي على البراءة .
اها في محل كدا بالناحية الجنوبية بتاع مرطبات .. وسندويتشات كدا .. قال ليها تعالي بيجاي تشربي حاجة ..والله يتلقى انتي ولافاطرة .. قالت ليهو لسه الوكت بدري ..
قال ليها ارح بس نديك سندة وامشي . طوالي مشت معاهو بدون اي مقاومة . والمجرمة التانية ديك .. ماشة بارياهم من بعيد .. زي بتاع الامن .. بعد طلب البارد وشربت .. جهز ليها سندوتش بيرجر جامبو سفري .. في كيس .. وسلمها الشيك .. وعاينت ليهو كدا لقت مكتوب فيهو عشرة مليون .. قربت ترقص (التمبلكشه) ..
قالت ليهو يلا ودعتك الله ..بعد كدا محمود بفقدني.. الليلة عندنا شغل كتير .. ومشن الاتنين هي ولبنى صرفن الشيك واتقسمن الغنيمة .. ولبنى ابت ترضى بي اقل من تلاتة . شالتن ستين ورقة امات خمسين .. ورق جديد يجرح ..
ورفيدة بتقول ليها ياخي كفاك اتنين مليون .. قالت ليها هسي كان ما انا اديتك الفكرة .. جنيه واحد كنتي بتقدري تشيليهو منو؟
غايتو الواحد يخدم الناس .. وفي النهاية يتنكرو ليهو ..
قالت ليها لبنى ياحبيبتي.. روحي ليك لو دايراهن كلهن .. بديك ليهن ..
قالت ليها هسي بقبل بالتلاتة .. لكن حقات الشهر الجاي النص بالنص ..
ورفيدة بدت تحس بالانانية والاستقلالية الفي طبعة لبنى .. وبقت تعاين ليها كدا ..
المهم اتفارقن دي مشت على ناصر .ودي رجعت الوكالة .. وخاتة المبلغ في شنطتها ..
العصرية كدا اتصلت على مدثر قالت ليهو حبيبي .. خلاص الزول وصلني وسلمتو القروش ..واستلمت منو وصل امانة . بالشهود ..
قال ليها كدا حلو ..عليك الله ماتحكي لاي زول من ناس البيت .. انها مني انا ..
قالت ليهو لالا ابوي لو عرف بضبحني عديل .. سكتو مسافة كدا ..
قالت ليهو ((مدثر)) قاليها عيوني .. قالت ليهو انا بحبك شديد ومشتاقة ليك فوق ماتتخيل ..
الزول ده قلبو عمل تشششش.. وشال نفسو وختاهو .. وقال ليها : كميات والله .
وبالمناسبة دي طبعا ابوي مستعجل شديد ..وقال لازم تدوهو مواعيد عشان يجو يتكلمو مع اهلك ..
قالت ليهو جدا انا اكلم ناس البيت.. ويومين وبديك الضوء الاخضر تقطعو مواعيدكم .. بس انا محتاجة لي حاجات كمية .. وهسي انت عارف الظروف ..والله حتى الملايات البنفرشهم للضيوف .. ماعندنا .. يعني بس غايتو الحمد لله .. الموضوع ده جانا في ظروف خليها ساي ..
قال ليها ماتحزني يا رفيدة.. انا بقيف معاك للنهاية .. ماتعتبريني غريب ..
نحن موش في النهاية بنكون لي بعض .؟ يبقى انا ماخسران حاجة ..
بيتكم ياهو بيتنا ..
امشي بكرة شوفي لي البيت محتاج لشنو؟
وطبعا دي ضربة جديدة كرت .. وننتظر شوية نشوف الفاتورة الجديدة . المفروضة على الزول ده ..
طبعا ياجماعة الزول مابعلم الغيب .. ومابعرف نوايا الناس المنافقين . والبنات الممثلات كتار شديد .. والبت دي ممثلة ماهرة وبقت تتكلم معاهو كلام الريدة والغرام .. وعاملة ليهو مخدر كامل ..
وهو مصدق تب ..وبقى يحلم يبني معاها بيت السعادة .. لكن هي طبعا راسمة عنو شخصية الاهبل المغفل المغشوش .. المسكين (العنماية تاكل البسكويت الفي جيبو) ..
مدثر مشى لي اخوه مزمل ساكن بي اولاده في حتة اسمها الهجرة بين شمبات الحلة والشعبية ..
مزمل قال ليهو والله دي شقة غريبة يادكتور .. لكن شكلك جاي بي كفوة ..
قال ليهو والله . يامزمل اخوي ..طلعت زول ماعندك اي فهم وترتيب ..
ياخي كلام تقولو ليك مرتك .. بدل تجي تكلمني انا وتوجهني وانا اخوك الاصغر .. تمشي تكلم ابوي ؟؟وانت عارف ابوي وانفعالاته؟؟ ..
ياخي حرام عليك .. بعدين داير اسألك هي وينها احلام؟..
اخلام دي مراة (مزمل عباس) اخو مدثر الاكبر منو طوالي ..
انا عايز اعرف الكلام ده .. احلام مراتك جابتو من وين؟ قال ليهو لحظة اناديها ليك .. والله انا ذاتي استغربت ..
جات احلام وقالت ليهو . والله بالغت يامدثر ..يعني كيف تزحلق صاحبك وتربط مع خطيبتو؟؟ ..
قال ليها خليها الزحلقة والبتاع .. انتي الكلام ده القالو ليك منو؟؟ ..
قالت ليهو العروس المشينا لي مناسبتها دي .. بت خالتها دكتورة معاكم ..هي الجاتني براااها وحكت لي.. وكت عرفت انت اخو راجلي غلبتها القعدة وبقت بارياني من حتة لي حتة ..
قال ليها اسمها منو؟ . قالت ليهو شن خبرني بي اسمها..
قال ليها طيب وصفيها لي .. قالت ليها سمينة كدي لغاية مابتقدر تتلفت زي الناس ..رقبتها غاتسة ..وبتمشي بالجنبة كدي زي الماحطنها صوط ..
مدثر فقعها ضحكة .. قال ليها والله يا احلام انت زولة آفة .. ياخي نوسة دي اصلو مافي زول وصفها كدا .. قالت ليهو بسسس .. اسمها نوسة صح .. سمعت واحدة بتكورك ليها يانوسة يانوسة ..
قال ليها خلاص مايهم امشي انا كدا عرفت .. دي زولة معروفة بالكذب والفتنة وكاجابت جديد..
احلام مشت تجهز ليهم شاي خلتهم الاتنين براهم ..
وبدا مدثر يحكي ويتكلم مع مزمل .. قال ليهو طبعا" يامزمل .. اناعايز البت الشغالة مع محمود ..
مزمل قال ليهو اوع. تقول لي رفيدة بت السلمة؟؟؟؟


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 31-Mar-15, 05:45   #22
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by 7abiba sudayna View Post

غايتو انا حنتظر لمن تكتبوا الحلقه الاخيره عشان اقراها
ما بقدر على حرقان الروح
وين يا عرووووووووس

الحلقات شكلها كتيرة
احسن تقري الموجود
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 31-Mar-15, 05:49   #23
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by Kamal Ahmed View Post






انا شايف انو ده سبب كافي

انو مدثر يرفضها



ما ملاحظ حاجة يا كبسور

كل البنات ما فيهم واحدة ما بتاعة سواطة

والرجال مساكين ضايعين فيها

شكلو طارق اللبيب
معاك في انو الحريم سبب البلاوي
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 31-Mar-15, 08:54   #24
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

تيفا قود فيري قود مورينغ



انت بقيت بتقول قصص من وراي



اها وبتمها بتين



ومدثر دا عوير ولا انا بتخيل ليه



والبنات ديل معقول بالشكل المتدني دا



كمل كمل ياخ

__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 01-Apr-15, 05:38   #25
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




ﺍﻟﺤﻠﻘﺔ ..10
ﻣﺪﺛﺮ ﻗﺎﻝ ﻟﻴﻬﻮ ،، ﺍﻫﺎ ﺑﺘﻌﺮﻓﻬﺎ ﻳﺎﻣﺰﻣﻞ؟؟
ﻗﺎﻝ ﻟﻴﻬﻮ ﻳﺎﺧﻲ ﻛﻴﻒ ﻣﺎﺑﻌﺮﻓﻬﺎ ؟ ﻭﺍﻟﻠﻪ ﺩﻱ ،، ﺑﺲ ﻧﺎﺭ
ﺍﻟﻠﻪ ﺍﻟﻤﻮﻗﺪﺓ .. ﺍﺗﺎﺭﻳﻚ ﻳﺎﺩﻛﺘﻮﺭ ﻣﺎﻙ ﻫﻴﻦ .. ﺍﻧﺖ ﻋﺎﺭﻑ
،، ﺍﻧﺎ ﺍﻱ ﺳﻔﺮﻳﺔ ﺑﻤﺸﻲ ﺍﻗﺪﻡ ﺑﻮﺍﺳﻄﺔ ﻧﺎﺱ ﻣﺤﻤﻮﺩ ،،
ﻋﺸﺎﻥ ﺍﺷﻮﻓﻬﺎ ﻣﺮﺓ ﻭﺍﺣﺪﺓ .. ﻟﻜﻦ ﺑﻌﺪ ﻛﺪﺍ ﺧﻼﺹ ،،
ﻣﺎﺩﺍﻡ ﺡ ﺗﺒﻘﻰ ﻣﺮﺍﺓ ﺍﺧﻮﻱ .. ﺭﺑﻨﺎ ﻳﺘﻢ ﻟﻴﻚ ﻋﻠﻰ ﺧﻴﺮ ..
ﻭﺍﻟﻠﻪ ﺯﻭﻟﺔ ﻇﺮﻳﻔﺔ ﻭﺧﺪﻭﻣﺔ ﻭﻛﺮﻳﻤﺔ ﺷﺪﻳﺪ ..
ﻗﺎﻝ ﻟﻴﻬﻮ ﻃﻴﺐ ﻛﻮﻳﺲ ،، ﺩﺍﻡ ﺍﻧﺖ ﺫﺍﺗﻚ ﺑﺘﻌﺮﻓﻬﺎ .. ﺍﻧﺎ
ﻏﺎﻳﺘﻮ ﺍﻟﺤﻤﺪ ﻟﻠﻪ ﻛﻞ ﻳﻮﻡ ﺑﻄﻤﺌﻦ ﻟﻴﻬﺎ .. ﺍﻭﻝ ﺣﺎﺟﺔ
ﻣﻌﺮﻓﺔ ﻣﺤﻤﻮﺩ ﺍﻟﻠﺼﻴﻘﺔ ﺑﻴﻬﺎ .. ﺗﺎﻧﻴﺎ ﺭﺣﺎﺏ ﺍﺧﺘﻲ ،،
ﻋﺮﻓﺘﻬﺎ ﻋﻦ ﻗﺮﺏ ،، ﻭﺷﺎﻓﺖ ﺑﻴﺘﻬﻢ ﻭﺍﺗﻌﺮﻓﺖ ﻋﻠﻰ ﺍﺳﺮﺗﻬﺎ
ﻭﺣﺒﺘﻬﺎ ﺟﺪﺍ ،، ﻭﻫﺴﻲ ﺑﻘﻮ ﺍﺻﺤﺎﺏ .. ﻭﺍﻧﺖ ﻛﻤﺎﻥ ﺍﺛﻨﻴﺖ
ﻋﻠﻰ ﺍﻟﻤﻮﺿﻮﻉ ،، ﻭﺍﻟﻠﻪ ﻣﻌﻨﺎﻫﺎ ﺍﻟﻤﻮﺿﻮﻉ ﻣﺎﺷﻲ ﻓﻲ
ﺗﻮﻓﻴﻖ ﺍﻟﻬﻲ ..
ﺍﻫﺎ ﻳﺎ ﻣﺰﻣﻞ ﺍﻟﻤﻮﺿﻮﻉ ﺍﻟﻤﻬﻢ ﺟﺪﺍ ،، ﺍﻧﺎ ﻳﺎﺧﻲ ﻣﺤﺘﺎﺝ ﻟﻲ
ﻗﺮﻭﺵ ﻋﺎﺟﻠﺔ ..
ﻣﺰﻣﻞ ﻗﺎﻝ ﻟﻴﻬﻮ ﺍﻫﺎ ﺟﻴﻨﺎ ﻟﻠﻌﺮﺱ ﻭﺻﺮﻑ ﺍﻟﻘﺮﻭﺵ؟؟ ..
ﻗﺒﻞ ﻳﻮﻣﻴﻦ ﻣﻮﺵ ﺍﺳﺘﻠﻤﺖ ﻋﺸﺮﺓ ﻣﻠﻴﻮﻥ .. ﻗﺎﻝ ﻟﻴﻬﻮ
ﻭﺍﻟﻠﻪ ﻫﺴﻲ ﻗﺮﺵ ﻣﺎﻓﻴﻬﺎ ..
ﻃﻴﺐ ﺍﻧﺖ ﻣﻮﺵ ﺍﺑﻮﻱ ﻛﻠﻔﻚ ﺑﻲ ﻣﺼﺮﻭﻑ ﻟﻲ ﺍﻧﺎ ؟ ﺍﺩﻳﻨﻲ
ﻣﺼﺮﻭﻑ ﺍﻟﺸﻬﺮ ﺍﻟﺠﺎﻱ .. ﻫﻮ ﺍﺑﻮﻱ ﻗﺎﻝ ﻟﻴﻚ ﻛﻢ .. ؟؟
ﻣﺰﻣﻞ ﻗﺎﻝ ﻟﻴﻬﻮ ﻳﺎﻫﺎ ﺍﻟﻌﺸﺮﺓ ،، ﻣﻜﻔﻴﺎﻙ ،، ﻋﺸﺎﻥ ﻧﻘﺪﺭ
ﻧﺠﻬﺰ ﻟﻴﻚ ..
ﻗﺎﻝ ﻟﻴﻬﻮ ﻫﺴﻲ ﻭﺍﻟﻠﻪ ﺑﺮﺿﻮ ﻣﺤﺘﺎﺝ ﻟﻲ ﻋﺸﺮﺓ ،، ﺃﺷﻮﻑ
ﻟﻮ ﺑﺘﺠﻬﺰ ﺍﻟﺒﺖ ﻟﻠﻤﻘﺎﺑﻠﺔ . ﺑﺘﻜﻮﻥ ﺩﺍﻳﺮﺓ ﺗﺠﻬﺰ ﺭﻭﺣﻬﺎ ﺑﻲ
ﺣﺎﺟﺎﺕ ﺑﺴﻴﻄﺔ ..
ﻫﺴﻲ ﺑﺲ ﺍﺩﻳﻨﻲ ﻋﺸﺮﺓ ،، ﻭﺑﻌﺪﻳﻦ ﺑﺘﺼﻞ ﻋﻠﻴﻚ ﺍﺷﻮﻑ
ﺍﻟﺤﺎﺻﻞ .. ﺩﺍﻳﺮﻳﻦ ﻧﺘﻠﻤﺔ ﻳﺎﻣﺰﻣﻞ ،، ﺧﻼﺹ ﺯﻫﺠﻨﺎ ﻣﻦ
ﺍﻟﻌﺰﻭﺑﻴﺔ ﺩﻱ ..
ﻣﺰﻣﻞ ﻃﻠﻊ ﺍﻟﺪﻓﺘﺮ ﻭﻛﺘﺐ ﻟﻴﻬﻮ ﺍﻟﻌﺸﺮﺓ .. ﺑﺎﻛﺮ ﻣﺪﺛﺮ ﺷﺎﻝ
ﺍﻟﺸﻴﻚ ﻓﻲ ﺟﻴﺒﻮ ،، ﻭﻣﺸﻰ ﺻﺮﻓﻮ ﻭﺧﺘﺎ ﺍﻟﻘﺮﻳﺸﺎﺕ ﻓﻲ
ﺷﻨﻄﺘﻮ ﻭﻣﺸﻰ ﺍﻟﻤﺴﺘﺸﻔﻰ ..
ﺍﻟﻴﻮﻡ ﺩﻩ ﻏﺎﺩﺓ ﻛﺎﻥ ﺟﺎﺕ ﻣﻦ ﻣﺪﻧﻲ ،، ﻭﻃﺒﻌﺎ " ﺍﻟﺪﻧﻴﺎ ﺑﻲ
ﻭﺭﺍﻫﺎ ﻛﻠﻬﺎ ﻣﻘﻠﻮﺑﺔ ،، ﻭﻫﻲ ﻣﺎﺟﺎﻳﺒﺔ ﺧﺒﺮ .. ﻭﻣﺎﻻﻗﺖ
ﻣﺪﺛﺮ ﺷﺎﻓﺘﻮ ﺟﺎﻱ ﻣﻦ ﻋﻠﻰ ﻋﻨﺒﺮ ﺍﻟﻌﻈﺎﻡ ،، ﻭﺍﺗﻀﺎﺭﺕ ﺑﻘﺖ
ﺗﻌﺎﻳﻦ ﻟﻴﻬﻮ ﻣﻦ ﺑﻌﻴﺪ .. ﻏﺎﻳﺘﻮ ﺟﻨﺲ ﺷﻲ !!..
ﻃﺒﻌﺎ ﻣﺘﺬﻛﺮﻳﻦ ﺭﻳﺎﻥ ﺑﺖ ﺍﻟﺤﻠﻔﺎﻳﺔ .. ﻻﻗﺖ ﻏﺎﺩﺓ .. ﻛﺎﻧﺖ
ﻣﻨﺘﻈﺮﺍﻫﺎ ﺑﻲ ﻓﺮﻕ ﺍﻟﺼﺒﺮ .. ﻗﺎﻟﺖ ﻟﻴﻬﺎ ﻣﺒﺮﻭﻙ ﻳﺎﻏﺎﺩﺓ ،،
ﻭﺍﻟﻠﻪ ﻋﺠﺒﻨﻲ ﻟﻴﻚ ..
ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻳﺎﺭﻳﺎﻥ .. ﻗﺎﻟﺖ ﻟﻴﻬﺎ ﻣﺎ ﺗﻌﻤﻠﻲ ﻟﻲ
ﻓﻴﻬﺎ ﻣﺎﻓﺎﻫﻤﺔ ،، ﻣﺒﺮﻭﻙ ﺍﻟﻌﻼﻗﺔ ﺍﻟﺠﺎﺩﺓ ﺍﻟﺒﻴﻨﻚ ﻭﺑﻴﻦ
ﺩﻛﺘﻮﺭ ﻣﺪﺛﺮ ..
ﻗﺎﻟﺖ ﻟﻴﻬﺎ ﺑﺲ ﻭﺍﻟﻠﻪ ﻟﺴﻪ ،، ﻣﺎﻓﻲ ﺣﺎﺟﺔ ﻭﺍﺿﺤﺔ ﻳﺎ ﺭﻳﺎﻥ
.. ﻭﺍﻟﻤﺸﻜﻠﺔ ﺍﻟﻜﺒﻴﺮﺓ ﻳﺎﺭﻳﺎﻥ .. ﺍﻧﺎ ﻣﺤﻤﺪ ﻳﻮﺳﻒ ﺑﻘﺎ ﻟﻲ
ﻋﺎﺭﺽ ،، ﻫﺴﻲ ﻣﺪﺛﺮ ﻣﻔﺘﻜﺮ ﺍﻧﻮ ﻟﻮ ﺍﺗﻘﺪﻡ ﻟﻲ ، ﺑﻜﻮﻥ
ﺧﺎﻥ ﺻﺎﺣﺒﻮ .. ﻭﺍﻧﺎﻗﻠﺖ ﻟﻴﻬﻮ ﻳﺎﻣﺪﺛﺮ ، ﺍﺻﻼ ﻣﺎﻛﺎﻥ ﺑﻴﻨﻲ
ﻭﺑﻴﻦ ﻣﺤﻤﺪ ﺣﺎﺟﺔ ، ﺑﺲ ﻫﻮ ﻣﺎﻣﺼﺪﻕ ..
ﺭﻳﺎﻥ ﻗﺎﻟﺖ ﻟﻴﻬﺎ ، ﻭﻳﻦ ﺍﻧﺘﻲ ﻳﺎ ﺍﻟﻤﺴﻜﻴﻨﺔ ، ﻣﺎﻋﺎﺭﻓﺔ
ﺍﻟﺤﺼﻞ ﺑﻲ ﻭﺭﺍﻙ؟؟
ﺍﻧﺎ ﻛﻨﺖ ﻗﺎﻳﻠﺔ ﻣﺪﺛﺮ ﻛﻠﻤﻚ .. ﻗﺎﻟﺖ ﻟﻴﻬﺎ ﻣﺪﺛﺮ ﻣﺎﺑﻴﻨﻲ
ﻭﺑﻴﻨﻮ ﺍﻱ ﺍﺗﺼﺎﻝ ..
ﻗﺎﻟﺖ ﻟﻴﻬﻮ ﻣﺪﺛﺮ ﻳﺎﻏﺎﺩﺓ ﺍﺗﻜﻠﻢ ﻗﺪﺍﻡ ﻛﻞ ﺍﻟﺪﻛﺎﺗﺮﺓ .. ﻭﻗﺎﻝ
ﻟﻴﻬﻢ ﺍﻧﺎ ﻋﺎﻳﺰ ﻏﺎﺩﺓ ﻭﻣﺘﻔﻘﻴﻦ ﺍﻧﺎ ﻭﻫﻲ .. ﻭﺍﻟﻤﺎﻋﺠﺒﻮ ﻳﻘﻊ
ﺍﻟﺒﺤﺮ ..
ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﻳﺎﺭﻳﺎﻥ ﺻﺤﻲ .. ﻋﻠﻴﻚ ﺍﻟﻠﻪ ﻣﺎﺗﻐﺸﻲ
ﻋﻠﻲ ..
ﺍﻧﺎ ﻣﺎﻧﺎﻗﺼﺔ ﺣﺮﻳﻖ ﺍﻋﺼﺎﺏ ..
ﺭﻳﺎﻥ ﻗﺎﻟﺖ ﻟﻴﻬﺎ ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ .. ﻭﺻﺤﺒﺘﻚ ﻧﻮﺳﺔ
ﻋﺎﻣﻠﺔ ﺧﻠﻄﺔ ﺳﻮﻳﺴﺮﻳﺔ ﻣﻊ ﻣﺤﻤﺪ ﺍﻇﻨﻬﺎ ﺭﺩﺓ ﻓﻌﻞ ﻟﻴﺲ
ﺍﻻ ..
ﺍﻧﺘﻲ ﻣﻮﺳﺮﺗﻲ ﻣﺤﻤﺪ . ﻭﻣﺪﺛﺮ ﻣﻮﺳﺮ ﻧﻮﺳﺔ ، ﻫﻬﻬﻪ ﻏﺎﻳﺘﻮ
ﺍﻧﺘﻮ .. ﺩﻩ ﺷﻨﻮ ﺍﻟﺪﻗﺶ ﺩﻩ ﻳﺎﻣﻼﺋﻜﺔ ﺍﻟﺮﺣﻤﺔ ؟ ..
ﺭﻳﺎﻥ ﺯﻭﻟﺔ ﻧﻜﺘﺔ ﺧﻼﺹ ، ﻭﻇﺮﻳﻔﺔ ﺷﺪﻳﺪ ، ﺭﻗﻴﻘﻮﻧﺔ ﻛﺪﺍ ..
ﻭﺑﺘﻠﺒﺲ ﻧﻈﺎﺭﺍﺕ ، ﻭﻋﺎﻣﻠﺔ ﺗﻘﻮﻳﻢ ﻓﻲ ﺍﺳﻨﺎﻧﻬﺎ .. ﺯﻭﻟﺔ
ﺣﺮﺑﻴﺔ ﺧﻼﺹ ..
ﻭﻣﺪﺛﺮ ﻃﺒﻌﺎ " ﻣﺎﻋﺎﺭﻑ ﻏﺎﺩﺓ ﺟﺎﺕ .. ﻟﻐﺎﻳﺔ ﺍﻟﻌﺼﺮ ..
ﻭﻃﻮﻝ ﺍﻟﻴﻮﻡ ﺑﺘﺼﻞ ﻋﻠﻰ ﺭﻓﻴﺪﺓ .. ﻭﺗﻠﻔﻮﻧﻬﺎ ﻣﻘﻔﻮﻝ ، ﻻﻣﻦ
ﺍﻟﺰﻭﻝ ﺩﻩ ﻗﻠﻖ ﻋﺪﻳﻞ ....
ﺍﻫﺎ ﻓﻲ ﻣﻮﻗﻒ ﺣﺼﻞ ﻟﻔﺖ ﺍﻧﺘﺒﺎﻫﻨﺎ ﺑﺮﺿﻮ ..
ﺍﻟﻌﺼﺮﻳﺔ ﻛﺪﺍ ﻓﻲ ﺍﻟﻤﺴﺘﺸﻔﻰ ، ﻣﺪﺛﺮ ﻻﺣﻆ ﺍﻧﻮ ﻓﻲ ﻛﻤﻴﺔ
ﻧﺎﺱ ﺟﺎﻳﻴﻦ ﻟﺰﻳﺎﺭﺓ ﻭﺍﺣﺪ .. ﻛﻤﻴﺔ ﻛﺒﻴﺮﺓ ﺷﺪﻳﺪ ﻣﻦ ﺍﻟﻨﺎﺱ
.. ﻋﺪﺩ ﻣﻬﻮﻝ .. ﺟﻼﻟﻴﺐ ﻭﻋﻤﻢ ﻭﺳﺪﺍﺭﻱ .. ﻭﻧﺎﺱ
ﺷﺎﻳﻠﻴﻦ ﻋﺼﻲ .. ﻭﻏﺎﻳﺘﻮ ﺍﻣﺔ ﻻ ﺍﻟﻪ ﺍﻻ ﺍﻟﻠﻪ ..
ﻣﺪﺛﺮ ﻓﺎﺕ ﻗﺎﻝ ﺍﻧﺎ ﻻﺯﻡ ﺍﺧﺶ ، ﺍﺷﻮﻑ ﺍﻟﻨﺎﺱ ﺩﻳﻞ ﺟﺎﻳﻴﻦ
ﺯﻳﺎﺭﺓ ﻟﻲ ﻣﻨﻮ . ؟
ﻟﻘﺎﻫﻢ ﺟﺎﻳﻴﻦ ﻟﻲ ﻋﻤﻚ ﻛﺒﻴﺮ ﻋﻨﺪﻭ ﺿﻤﻮﺭ ﻓﻲ ﺍﻟﻜﻠﻴﺔ ..
ﻭﻣﻌﺎﻫﻮ ﺑﺘﻮ ﻭﻭﻟﺪﻭ ﻭﻣﺮﺗﻮ .. ﺳﻠﻢ ﻋﻠﻴﻬﻢ .. ﻭﺍﻟﻈﺎﻫﺮ
ﻋﻠﻴﻬﻢ ﺣﺎﻟﺘﻬﻢ ﺍﻟﻤﺎﺩﻳﺔ ﺳﻴﺌﺔ ﺷﺪﻳﺪ ..
ﻭﺍﻟﻮﻟﺪ ﻻﻓﻲ ﺍﻟﻌﻨﺎﺑﺮ ﺯﻱ ﺍﻟﻤﺠﻨﻮﻥ ، ﻣﺎﻋﺎﺭﻑ ﻳﻌﻤﻞ ﺷﻨﻮ ..
ﻣﻊ ﻛﻴﺔ ﺍﻟﻨﺎﺱ ﺩﻳﻞ ..
ﻣﺪﺛﺮ ﺑﻘﻰ ﻣﺘﺎﺑﻊ ﻟﻠﻤﺴﺮﺣﻴﺔ ﺍﻟﻐﺮﻳﺒﺔ ﺩﻱ ..
ﻧﺎﺩﻯ ﺍﻟﻮﻟﺪ .. ﻗﺎﻝ ﻟﻴﻬﻮ ﺍﻟﻨﺎﺱ ﺩﻳﻞ ﻣﻨﻮ؟؟
ﻗﺎﻝ ﻟﻴﻬﻮ ﺩﻳﻞ ﺍﻫﻠﻨﺎ ﻭﻗﺮﺍﻳﺒﻨﺎ .. ﻧﺎﺱ ﺟﺎﻳﻴﻦ ﻣﻦ ﺍﻟﺒﻠﺪ
.. ﻭﻧﺎﺱ ﺳﺎﻛﻨﻴﻦ ﻫﻨﺎ .. ﺟﻮ ﻳﺸﻮﻓﻮ ﺍﺑﻮﻱ . ﻋﻨﺪﻭ ﻓﺸﻞ .
ﻗﺎﻝ ﻟﻴﻬﻮ ﻭﻫﺴﻲ ﺍﻧﺖ ﺑﺘﺘﺤﺎﻭﻡ ﻛﺪﻱ ﻣﺎﻟﻚ ؟
ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﻋﺎﺭﻑ ﺍﻋﻤﻞ ﺷﻨﻮ؟ .. ﺣﻖ ﺍﻟﺤﻼﻭﺓ
ﺍﻟﺒﻘﺪﻣﺎ ﻟﻴﻬﻢ ﻣﺎﻋﻨﺪﻱ .
ﻭﻣﺎ ﺍﻛﺮﻣﺘﻬﻢ ﺑﺎﻱ ﺣﺎﺟﺔ .. ﻭﺩﻳﻞ ﻧﺎﺱ ﺷﻴﺎﻟﻴﻦ ﺣﺎﻝ ..
ﻭﺍﻧﺎ ﺍﻟﻌﻼﺟﺎﺕ ﺧﻠﺘﻨﻲ ﻋﻠﻰ ﺍﻟﺤﺪﻳﺪﺓ .. ﻭﺍﻟﻠﻪ ﺩﻳﻮﻥ ﻳﺎﺩﻛﺘﻮﺭ
، ﺗﺴﺘﻐﺮﺏ ﻓﻴﻬﺎ .. ﻭﻣﺎﺧﻠﻴﺖ ﺯﻭﻝ ﻣﺎ ﺍﺗﺪﻳﻨﺖ ﻣﻨﻮ ..
ﻗﺎﻝ ﻟﻴﻬﻮ ﺩﻗﻴﻘﺔ ، ﺍﻧﺎ ﻭﺍﻟﻠﻪ ﺍﻟﻠﻴﻠﺔ ﺍﺻﻠﻮ ﻣﺎﺑﺨﻠﻴﻬﻢ ﻧﺎﺳﻚ
ﺩﻳﻞ ..
ﻣﺸﻯﻌﻠﻴﻬﻢ ﻃﺒﻌﺎ ﻣﺘﻠﻤﻠﻤﻴﻦ ﻣﺘﺒﻄﺤﻴﻦ ﻓﻲ ﺍﻟﻨﺠﻴﻠﺔ ،
ﻭﺍﺣﺪﻳﻦ ﺟﻤﺐ ﺍﻟﻜﻔﺘﺮﻳﺎ ، ﻭﺍﺣﺪﻳﻦ ﻓﻲ ﺍﻟﺒﺮﻧﺪﺍﺕ .. ﺍﻟﻤﻬﻢ
ﺷﺎﻑ ﺍﻛﺒﺮ ﻛﻮﻡ ﻣﻨﻬﻢ ، ﻭﺟﺎﻫﻢ ..
ﻗﺎﻝ ﻟﻴﻬﻢ ﺍﻟﺴﻼﻡ ﻋﻠﻴﻜﻢ ﻳﺎ ﺟﻤﺎﻋﺔ .. ﻗﺎﻟﻮ ﻟﻴﻬﻮ ﻋﻠﻴﻜﻢ
ﺍﻟﺴﻼﻡ ، ﻳﺎﺩﻛﺘﻮﺭ .. ﺍﻫﺎ ﻳﺎﺩﻛﺘﻮﺭ ﺑﺸﺮﻧﺎ .. ﺑﻠﻮﻟﺔ ﻣﺎﺷﻲ
ﻛﻴﻒ؟
ﻗﺎﻝ ﻟﻴﻬﻢ ﺑﻠﻮﻟﺔ ﻛﻮﻳﺲ ﺍﻟﺤﻤﺪ ﻟﻠﻪ ، ﻟﻜﻦ ﺍﻧﺎ ﺟﻴﺘﻜﻢ ﻓﻲ
ﻣﻮﺿﻮﻉ .. ﻭﺷﻮﺭﻯ ، ﺩﺍﻳﺮ ﺍﺳﻤﻊ ﺭﺍﻳﻜﻢ ﻓﻴﻬﺎ ..
ﺍﻭﻝ ﺣﺎﺟﺔ ﺍﻧﺎ ﺑﺴﺄﻝ ﻫﺴﻊ ﺍﻟﻨﺎﺱ ﺩﻳﻞ ﻛﻠﻬﻢ .. ﺍﻟﺠﺎﻳﻴﻦ
ﺯﻳﺎﺭﺓ ﻟﻲ ﺑﻠﻮﻟﺔ ﺩﻳﻞ .. ﺑﻠﻮﻟﺔ ﺍﻟﺮﺍﺟﻞ ﺍﻟﻤﺴﻜﻴﻦ ﺩﻩ ..
ﺍﻟﻤﺎﻗﺎﺩﺭ ﻳﻮﻓﺮ ﺣﻖ ﺍﻟﻌﻼﺝ .. ﺍﻟﻨﺎﺱ ﺩﻳﻞ ﺍﻛﺎﻥ ﻗﻌﺪﻭ ﻓﻲ
ﺑﻴﻮﺗﻬﻢ .. ﻭﺭﺳﻠﻮ ﺭﺻﻴﺪ ﻓﻲ ﺗﻠﻔﻮﻥ ﺍﻟﺰﻳﻦ ﻭﺩ ﺑﻠﻮﻟﺔ .. ﻣﺎ
ﻛﺎﻥ ﺍﺣﺴﻦ؟؟
.. ﺍﻧﺘﻮ ﻣﺎ ﻋﺎﺭﻓﻴﻦ ﺍﻟﺒﻠﻮﻟﺔ ﺭﺍﺟﻞ ﻣﺤﺘﺎﺝ؟ . ﻭﺍﻟﻌﻼﺟﺎﺕ
ﻏﺎﻟﻴﺔ . ﺍﻱ ﺣﺎﺟﺔ ﻓﻲ ﺍﻟﻌﻼﺟﺎﺕ ﺑﻘﺖ ﺑﺎﻟﺸﻲ ﺍﻟﻔﻼﻧﻲ ..
ﻫﺴﻊ ﺍﻟﺰﻳﻦ ﺩﻩ ﻳﻌﺎﻟﺞ ﺍﺑﻮﻫﻮ .. ﻭﻻ ﻳﻜﺮﻡ ﺍﻟﺰﻭﺍﺭ ﺍﻟﻜﺘﺎﺭ
ﺩﻳﻞ؟ ..
ﺍﻧﺎ ﺑﻘﻮﻝ .. ﺍﻧﺘﻮ ﻟﻤﻦ ﺗﺮﺟﻌﻮ ﺍﻟﺒﻠﺪ ، ﺍﻋﻤﻠﻮ ﺍﺟﺘﻤﺎﻉ ..
ﻭﺍﺗﻔﻘﻮﻋﻠﻰ ﺍﻧﻮ ﺍﻱ ﺯﻭﻝ ﻳﺮﻗﺪ ﻣﺴﺘﺸﻔﻰ .. ﺑﺪﻝ ﻣﺎﺗﺘﻜﺒﺪﻭ
ﻣﺸﺎﻕ ﺍﻟﺴﻔﺮ . ﻭﺗﻮﻗﻔﻮ ﻣﺸﺎﻏﻠﻜﻢ .. ﻭﺗﺼﺮﻓﻮ ﻗﺮﻭﺵ ﻛﺘﻴﺮﺓ
.. ﻣﺎﺷﻴﻦ ﻭﺟﺎﻳﻴﻦ .. ﺭﺳﻠﻮ ﻗﺮﻭﺵ ﻟﻲ ﺍﻫﻞ ﺍﻟﻤﺮﻳﺾ .
ﻭﺍﻟﻠﻪ ﺑﺤﺲ ﺑﻴﻬﺎ ﺍﻓﻴﺪ ﻣﻦ ﺗﺠﻲ ﺗﺸﻮﻓﻮ .. ﻭﺍﻟﻠﻪ ﻣﻤﻜﻦ
ﺗﻨﻘﺬﻭ ﻣﻦ ﺍﻟﻤﻮﺕ .. ﻟﻜﻦ ﺟﻴﺘﻜﻢ ﻟﻴﻬﻮ ﻻﺑﺘﺸﺘﺮﻳﻠﻮ ﺍﻟﺪﻭﺍ ﻭﻻ
ﺑﺘﻌﻤﻞ ﻟﻴﻬﻮ ﺍﻟﻔﺤﻮﺻﺎﺕ ..
ﺍﻫﺎ ﺩﻱ ﺷﻮﺭﺗﻲ ﺭﺍﻳﻜﻢ ﻓﻴﻬﺎ ﺷﻨﻮ ؟
ﻓﻲ ﻭﺍﺣﺪ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺩﻛﺘﻮﺭ ﻛﻼﻣﻚ ﺳﻤﺢ ، ﻋﻼ ﻛﺎﻥ
ﻣﺎﺟﻴﻨﺎ ، ﺍﻟﺒﻠﻮﻟﺔ ﻗﻮﻣﺘﻮ ﻣﻦ ﺍﻟﻤﺮﺽ ﺑﻠﻮﻣﻨﺎ ..
ﻗﺎﻝ ﻟﻴﻬﻢ ﻟﻤﻦ ﺗﻜﻮﻧﻮ ﻣﺘﻔﻴﻦ ﻛﻠﻜﻢ ﻋﻠﻰ ﺍﻟﺤﻜﺎﻳﺔ ﺩﻱ .. ﺯﻭﻝ
ﺑﻠﻮﻡ ﺯﻭﻝ ﻣﺎﻓﻲ .. ﻛﺪﻱ ﺍﻧﺘﻮ ﺍﺗﺸﺎﻭﺭﻭ ﻓﻲ ﻓﻜﺮﺗﻲ ﺩﻱ ..
ﻭﻭﺻﻠﻮﻫﺎ ﻧﺎﺱ ﺍﻟﺒﻠﺪ .. ﻭﺍﻟﺒﺘﺘﻔﻘﻮ ﻋﻠﻴﻬﻮ ﻳﺒﻘﻰ ﺧﻴﺮ ..
ﻭﺩﻋﺘﻜﻢ ﺍﻟﻠﻪ ..
ﻭﻣﺸﻰ ﺧﻼﻫﻢ ﻳﻮﺭﺟﻐـﻮ .. ﻭﺍﺣﺪﻳﻦ ﻳﻘﻮﻟﻮ ﺩﻩ ﻭﻟﺪ
ﺧﺮﻃﻮﻣﻲ ﻭﻫﻤﺎﻥ ﺳﺎﻱ .. ﻭﺍﺣﺪﻳﻦ ﻳﻘﻮﻟﻮ ﻭﺍﻟﻠﻪ ﻛﻼﻣﻮ
ﺻﺎﺡ ﻭﻋﻴﻦ ﺍﻟﺤﻘﻴﻘﺔ .. ﻫﺴﻊ ﺍﻟﺨﺴﺮﻧﺎﻫﻮ ﻓﻲ ﺍﻟﺴﻔﺮﻳﺔ ﺩﻱ
، ﻛﺎﻥ ﺟﻤﻌﻨﺎﻫﻮ ﻭﺭﺳﻠﻨﺎﻫﻮ ﻟﻠﺰﻳﻦ ﻣﺎﻛﺎﻥ ﺍﺧﻴﺮ؟؟ ..
ﻣﺪﺛﺮ ﻣﻦ ﻫﻨﺎﻙ ﻣﺸﻰ ﻃﻮﺍﻟﻲ ﻋﻠﻰ ﺍﻟﻮﻟﺪ ﺍﻻﺳﻤــﻮ ﺍﻟﺰﻳﻦ
ﺩﻩ ، ﻭﻗﻄﻊ ﻓﻴﻬﻮ ﺧﻤﺸﺔ ﺍﻣﺎﺕ ﺧﻤﺴﻴﻦ .. ﻣﻦ ﺍﻟﻘﺮﻭﺵ
ﺍﻟﻤﺎﺷﻪ ﻋﻠﻰ ﺍﻟﺴﻒ ﺩﻱ ..
ﻭﺭﺑﻚ ﺭﺏ ﺍﻟﺨﻴﺮ ، ﺧﻼ ﺗﻠﻔﻮﻥ ﺭﻓﻴﺪﺓ ﻣﻘﻔﻮﻝ ﻃﻮﻝ ﺍﻟﻴﻮﻡ
.. ﻭﺍﻻ ﻛﺎﻥ ﺍﻟﺒﻠﻮﻟﺔ ﻣﺎ ﺑﺸﻮﻑ ﻣﻨﻬﺎ ﻗﺮﺵ ..
ﺑﺎﻟﻨﺴﺒﺔ ﻟﻲ ﻏﺎﺩﺓ ، ﺍﻟﻴﻮﻡ ﺩﻩ ﻛﻠﻮ ﻛﺎﻧﺖ ﺑﺘﺮﺟﻒ ..
ﻭﻣﻨﻬﺎﺭﺓ ﻣﻦ ﻛﻼﻡ ﺭﻳﺎﻥ ﺣﻖ ﺍﻟﺼﺒﺎﺡ .. ﻭﻣﺎﻋﺎﺭﻓﺔ ﺍﻟﺤﻘﻴﻘﺔ
ﺷﻨﻮ ، ﻭﻣﺎﻗﺎﺩﺭﺓ ﺗٍﺴﺄﻝ ﺯﻭﻝ ..
ﻓﻲ ﺍﻟﻨﻬﺎﻳﺔ ﻏﻠﺒﻬﺎ ﺍﻟﺼﺒﺮ .. ﻣﺸﺖ ﻭﻗﻔﺖ ﻓﻲ ﻃﺮﻳﻖ ﻣﺪﺛﺮ
، ﻋﺸﺎﻥ ﻳﺠﻲ ﻳﺸﻮﻓﻬﺎ ﻭﻳﺴﻠﻢ ﻋﻠﻴﻬﺎ ، ﻭﻣﻦ ﺧﻼﻝ ﻣﻘﺎﺑﻠﺘﻮ
ﺑﺘﺴﺘﺸﻒ ، ﺍﺫﺍ ﻛﻼﻡ ﺭﻳﺎﻥ ﺣﻘﻴﻘﺔ ﻭﻻﻛﺬﺏ ..
ﻭﻓﻌﻼ ﺟﺎ ﻣﺎﺷﻲ ﺑﻲ ﻧﻔﺲ ﺍﻟﻤﻤﺮ ﺍﻟﻠﻬﻲ ﻭﺍﻗﻔﺔ ﻓﻴﻮ .. ﻫﻮ
ﻣﺎﺷﻲ ﻛﺪﺍ ﻋﺎﻳﻦ ﻟﻲ ﻏﺎﺩﺓ ﻭﺍﻗﻔﺔ ﻫﻨﺎﻙ ، ﺟﺎ ﻣﺎﺷﻲ ﻋﻠﻴﻬﺎ
.. ﻭﻳﺘﺒﺴﻢ .. ﻭﻫﻲ ﻓﺮﺣﺖ ﺷﺪﻳﺪ ، ﻭﺣﺴﺖ ﻓﻲ ﻟﺤﻈﺔ ﺍﻧﻮ
ﻛﻞ ﺍﻣﻨﻴﺎﺕ ﺍﻟﻘﻠﺐ ﺍﺗﺤﻘﻘﺖ ..
ﻓﺠﺄﺓ ﻛﺪﺍ ﻣﺪﺛﺮ ﺗﻠﻔﻮﻧﻮ ﺿﺮﺏ ﻗﺒﻞ ﻣﺎﻳﺼﻞ ﻟﻲ ﻏﺎﺩﺓ ..
ﻭﻋﺎﻳﻦ ﻟﻠﺸﺎﺷﺔ ﻟﻘﺎﻫﺎ .. ﻣﻜﺘﻮﺏ ﻓﻴﻬﺎ ( ﺭﻓﻴﺪﺓ ﺗﺘﺼﻞ
ﺑﻚ ) ..
ﻃﻮﺍﻟﻲ ﻓﺘﺢ ﺍﻟﺨﻂ ، ﻭﻏﻴﺮ ﺧﻂ ﺳﻴﺮﻭ .. ﻭﻃﻠﻊ ﻻﺑﺮﻩ ﻋﻠﻰ
ﺍﻟﺤﻮﺵ ..
ﻭﺍﻟﻠﻪ ﻏﺎﺩﺓ ﺩﻱ ﺍﺻﻴﺒﺖ ﺑﺨﻴﺒﺔ ﺍﻣﻞ .. ﺯﻱ ﺍﻟﺮﺍﺟﻞ ﺍﻟﻌﺎﻗﺮ
ﺍﻟﻘﺎﻟﻮ ﻟﻴﻬﻮ ﻣﺮﺍﺗﻚ ﺍﺟﻬﻀﺖ .. ﻭﻗﺎﻟﺖ ﻓﻲ ﺳﺮﻫﺎ .. ﻭﺍﻟﻠﻪ
ﻓﻌﻼ " ﺩﻩ ﺍﻧﺴﺎﻥ ﺑﺎﺭﺩ ﻭﻗﻠﺒﻮ ﺣﺠﺮ ..
ﻣﺪﺛﺮ ﺭﺩ ﻋﻠﻲ ﺭﻓﻴﺪﺓ ﺑﺖ ﺍﻟﺴﻠﻤﺔ .. ﻭﻳﻦ ﻳﺎﺑﺖ؟؟ ، ﺍﻧﺎ
ﻣﻦ ﺍﻟﺼﺒﺎﺡ ﺑﻀﺮﺏ ﻟﻴﻚ ، ﺗﻠﻔﻮﻧﻚ ﻣﻘﻔﻮﻝ ، ﻭﺍﻟﻠﻪ ﻗﻠﻘﻠﺘﻲ
ﺑﻲ .. ﻭﺑﻘﻴﺖ ﻣﺎﻋﺎﺭﻑ ﺍﺗﺼﺮﻑ ﻛﻴﻒ ..
ﺍﻧﺘﻲ ﻣﺎﻋﺎﺭﻓﺔ ﺍﻧﺎ ﻣﺎﺑﻌﺮﻑ ﺍﺗﻨﻔﺲ ﺑﺪﻭﻥ ﻭﺟﻮﺩﻙ ..
ﻗﺎﻟﺖ ﻟﻴﻬﻮ ﻣﻌﻠﻴﺶ ﺣﺒﻴﺒﻲ ، ﻃﻠﻌﻨﺎ ﻋﺰﺍ ، ﻭﻧﺴﻴﺖ ﺗﻠﻔﻮﻧﻲ
ﻓﻲ ﺍﻟﺪﻭﻻﺏ ﻣﻘﻔﻮﻝ .. ﻗﺎﻝ ﻟﻴﻬﺎ ﻭﻻﻳﻬﻤﻚ ، ﺍﻧﺘﻲ ﻛﻮﻳﺴﺔ
ﻳﻌﻨﻲ؟؟
ﻗﺎﻟﺖ ﻟﻴﻬﻮ ﺍﻟﺤﻤﺪ ﻟﻠﻪ ﺗﻤﺎﻡ ﺍﻟﺘﻤﺎﻡ ﺑﺲ ﻓﺎﻗﺪﺍﻙ ﺷﺪﻳﺪ ..
ﻗﺎﻝ ﻟﻴﻬﺎ ﻭﺍﻟﻌﺠﻴﺐ ﺍﻧﺎ ﻣﺎﻗﺎﺩﺭ ﺍﻋﻤﻞ ﺍﻱ ﺣﺎﺟﺔ .. ﻃﻴﺐ
ﺧﻼﺹ ﺍﻧﺎ ﺑﺮﺟﻊ ﻟﻴﻚ ﺍﻭﻛﻲ؟
ﺟﺎﺀ ﺭﺍﺟﻊ ﻋﺸﺎﻥ ﻳﺴﻠﻢ ﻋﻠﻰ ﻏﺎﺩﺓ ﻟﻘﺎﻫﺎ ﻓﺎﺗﺖ .. ﻓﺘﺶ
ﻟﻴﻬﺎ ﺳﻤﺎ ﻭﺍﺭﺽ ﻣﺎﻟﻘﺎﻫﺎ ..
ﺑﻘﻰ ﻳﺴﻮﻱ .. ﻳﺎﻟﻄﻴﻒ ، ﻫﺴﻲ ﺩﻛﺘﻮﺭﺓ ﻏﺎﺩﺓ ﺗﻜﻮﻥ
ﺍﺗﺤﺴﺴﺖ ، ﺗﻘﻮﻝ ﺍﻫﻤﻠﻨﻲ ﻋﺸﺎﻥ ﺗﻠﻔﻮﻥ . ﻭﻫﻲ ﻣﺎﻋﺎﺭﻓﺔ
ﺍﻟﺘﻠﻔﻮﻥ ﺩﻩ ﺍﻧﺎ ﻣﻨﺘﻈﺮﻭ ﻣﻦ ﺍﻟﺼﺒﺎﺡ ..
ﻭﻏﺎﺩﺓ ﻓﻌﻼ ﻗﻠﺒﻬﺎ ﺍﺗﺤﺮﻕ ﺣﺮﻳﻖ ﻣﻦ ﺗﺼﺮﻑ ﻣﺪﺛﺮ ﺍﻟﻐﺮﻳﺐ
ﺩﻩ . ؟
ﻭﺑﻘﺖ ﺗﻘﻮﻝ .. ﻃﻴﺐ ﻛﻴﻒ ﺭﻳﺎﻥ ﺗﻘﻮﻝ ﻟﻲ ﻗﺎﻝ ﻭﻗﺎﻝ ..
ﺍﻧﺎ ﻻﺯﻡ ﺍﺗﺄﻛﺪ ﻣﻦ ﺯﻭﻝ ﺗﺎﻧﻲ ﻏﻴﺮ ﺭﻳﺎﻥ .. ﺭﻳﺎﻥ ﺩﻱ
ﻳﺎﺭﺑﻲ ﻗﺼﺪﻫﺎ ﺷﻨﻮ ؟
ﻭﺍﻟﻠﻪ ﺍﻟﺒﻨﺎﺕ ﺩﻳﻞ ﺑﻘﻦ ﺍﺻﻠﻮ ﻣﺎﻣﻔﻬﻮﻣﺎﺕ ..
ﻓﻲ ﺍﻟﻨﻬﺎﻳﺔ ﻗﺮﺭﺕ ﺍﻧﻬﺎ ﺗﺘﻌﺎﻣﻞ ﻣﻊ ﺍﻟﻤﻮﺿﻮﻉ ﻋﺎﺩﻱ .. ﺯﻱ
ﺍﻟﻤﺎﻓﻲ ﺣﺎﺟﺔ .. ﻃﻠﻌﺖ ﻗﺒﻞ ﺍﻟﻤﻐﺮﺏ ﺑﺸﻮﻳﺔ ﻣﺸﺖ ﺍﻟﺒﻴﺖ
..
ﻭﻣﺪﺛﺮ ﺍﻟﻴﻮﻡ ﺩﺍﻙ ﻛﺎﻥ ﺑﺎﻳﺖ ﻓﻲ ﺍﻟﻤﺴﺘﺸﻔﻰ .. ﻓﻲ
ﺍﻟﻔﺘﺮﺓ ﺩﻱ ﺍﻟﺪﻛﺎﺗﺮﺓ ﺑﺪﻭ ﻳﺘﻜﻠﻤﻮ ﻣﻌﺎﻫﻮ ﺣﺒﺔ ﺣﺒﺔ .. ﺑﻌﺪ
ﻣﺎﻛﺎﻧﻮ ﺑﻌﺎﻳﻨﻮ ﻟﻴﻬﻮ ﻛﺪﺍ ﺑﺎﻟﺠﻨﺒﺔ ..
ﻭﺭﻳﺎﻥ ﺍﻻﺻﻴﻠﺔ ﻫﻲ ﺍﻟﻌﻤﺮﺕ .. ﺍﻟﺨﺮﺍﺏ ﺍﻟﺨﺮﺑﺘﻮ ﻧﻮﺳﺔ ..
ﻭﻧﻮﺳﺔ ﺑﻘﺖ ﺷﺨﺼﻴﺔ ﻣﻬﻤﺸﺔ .. ﻭﺍﻱ ﺯﻭﻝ ﺑﺨﺎﻑ ﻣﻨﻬﺎ
ﻭﻣﻦ ﺳﻮﺍﻃﺘﻬﺎ ..
ﺍﻟﺰﻭﻝ ﺍﻟﻮﺣﻴﺪ ﺍﻻﺳﺘﻌﺼﻰ ﻭﺭﻓﺾ ﻳﺴﻤﻊ ﻟﻲ ﺭﻳﺎﻥ ﺍﻱ ﻛﻼﻡ
ﻋﻦ ﻣﺪﺛﺮ ﻫﻮ ﻣﺤﻤﺪ ﻳﻮﺳﻒ ..
ﻭﻃﺎﻟﻊ ﻧﺎﺯﻝ ﻣﻊ ﻧﻮﺳﺔ .. ﻛﺎﻥ ﺩﺍﻳﺮﻳﻦ ﻳﺮﺍﺟﻌﻮ ﻓﺎﺋﻞ ﻣﺮﻳﺾ
ﺳﺎﻱ ﺳﺎﻱ ﻳﺮﺍﺟﻌﻮﻫﻮ ﺳﻮﺍ ..
ﻓﻲ ﻧﻔﺲ ﺍﻟﻴﻮﻡ ﺩﻩ ﺑﺎﻟﻠﻴﻞ ﻣﺪﺛﺮ ﺍﺗﺼﻞ ﻋﻠﻰ ﺭﻓﻴﺪﺓ ..
ﻭﻗﺎﻝ ﻟﻴﻬﺎ ..
ﺍﻫﺎ ﺍﻟﺨﺒﺮ ﺷﻨﻮ ؟ ﻭﺍﻻﺣﺘﻴﺎﺟﺎﺕ ﺍﻟﻤﻄﻠﻮﺑﺔ ..
ﻗﺎﻟﺖ ﻟﻴﻬﻮ ﺧﻼﺹ ﺑﺲ ﺍﻧﺖ ﻭﺭﻳﻨﻲ ﻳﻮﻡ ﺗﻜﻮﻥ ﺍﻭﻑ ..
ﻧﺠﻲ ﻧﻤﺸﻲ ﺍﻟﺴﻮﻕ ﻣﻊ ﺑﻌﺾ ﻧﺸﺘﺮﻱ ﺍﻻﺣﺘﻴﺎﺟﺎﺕ ﺍﻟﻼﺯﻣﺔ
..
ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﻤﺸﻜﻠﺔ ﺍﻧﺎ ﺍﻟﻴﻮﻣﻴﻦ ﺩﻳﻞ ﻣﺪﺭﻭﺵ ﺩﺭﺷﺔ
ﻋﺠﻴﺒﺔ ، ﻭﻋﻨﺪﻱ ﺍﻟﻒ ﻭﺳﺘﻤﻴﺔ ﺷﻐﻼﻧﻴﺔ ..
ﺍﻧﺘﻲ ﺷﻮﻓﻲ ﺭﺣﺎﺏ ، ﺍﻭ ﺍﻱ ﺯﻭﻝ ﻳﻤﺸﻲ ﻣﻌﺎﻙ ﺍﻟﺴﻮﻕ ،
ﺍﻧﺎ ﺑﺪﻳﻜﻢ ﺍﻟﻘﺮﻭﺵ ﺍﻟﺒﺘﻜﻔﻴﻜﻢ .. ﺍﺷﺘﺮﻱ ﺑﻲ ﺭﺍﺣﺘﻚ
ﻭﻣﺰﺍﺟﻚ ﻭﻋﻠﻰ ﺫﻭﻗﻚ .. ﻭﺑﺎﻟﻨﺴﺒﺔ ﻟﻲ ﺍﻧﺎ ، ﺍﻱ ﺷﻲ
ﺗﻠﺒﺴﻴﻬﻮ ﺑﺸﻮﻓﻮ ﻓﻮﻗﻚ ﻻﻳﻖ ..
ﺳﻜﺘﺖ ﻣﺴﺎﺍﺍﺍﺍﺍﻓﺔ .. ﻭﺣﺴﺖ ﺑﻲ ﺣﺎﺟﺔ ﻓﻲ ﻗﻠﺒﻬﺎ .. ﻛﺪﺍ
ﻣﺎﻃﺒﻴﻌﻴﺔ .. ﻣﻦ ﺣﻨﻴﺔ ﺍﻟﺰﻭﻝ ﺩﻩ ، ﻭﻛﺮﻣﻮ ، ﻭﺍﺧﻼﻗﻮ ،
ﻭﻃﻌﻢ ﻛﻼﻣﻮ .. ﻋﻤﺮﻭ ﻋﻘﻴﻞ ﺍﻟﺠﻮﻛﻲ ﻣﺎﺳﻤﻌﻬﺎ ﻟﻴﻬﻮ ..
ﻗﺎﻟﺖ ﻟﻴﻬﻮ .. ﻣﺪﺛﺮ؟؟
ﺍﻧﺎ ﻋﺎﻳﺰﺓ ﺍﻗﻮﻝ ﻟﻴﻚ ﻛﻼﻡ ، ﻭﻣﺎﻋﺎﺭﻓﺔ ﺍﻗﻮﻟﻮ ﻟﻴﻚ ﻛﻴﻒ ،
ﻭﻣﺎﻋﺎﺭﻓﺔ ﺭﺩﺓ ﻓﻌﻠﻚ ﺣﺘﻜﻮﻥ ﺷﻨﻮ؟
.. ﻗﺎﻝ ﻟﻴﻬﺎ ﻗﻮﻟﻲ ﺳﺎﻱ ﻳﺎ ﺭﻓﻴﺪﺓ ، ﺍﻱ ﻛﻼﻡ ﻣﻨﻚ ﺍﻧﺘﻲ
ﺑﻜﻮﻥ ﻋﻠﻰ ﻗﻠﺒﻲ ﺑﺮﺩﺍ ﻭﺳﻼﻡ ..
ﻧﺸﻮﻭﻭﻭﻭﻭﻭﻭﻭﻭﻑ



__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 01-Apr-15, 05:46   #26
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by Suhaaj View Post
تيفا قود فيري قود مورينغ



انت بقيت بتقول قصص من وراي



اها وبتمها بتين



ومدثر دا عوير ولا انا بتخيل ليه



والبنات ديل معقول بالشكل المتدني دا



كمل كمل ياخ

سلام سهاج
القصة منقولة من طارق اللبيب
انا بعرف لي جنس النضمي ده


بخصوص مدثر زول طيب جدا
وشخصية تكاد تكون مثالية
وده طبعا في زمنا الحالى عوير عوارة شديدة
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 01-Apr-15, 06:21   #27
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

تيفا قود مورينغ اليوم وكل يوم



انت الحلقة 10 دي مالها عامله كدا
غلبني اقراها

كدي صلحها وكب فيها حبة زيت وقلل
الشمار علشان اقدر اقراها



للأسف الطيبه بقت في زمنا عواره
لكن اتغظت عليهو البنات عصابه وهو ولا حتى حاسس



عارفه انك ناقل وناقل شئ لا يعطيه






__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 01-Apr-15, 06:40   #28
كمونية
Golden Member
 
كمونية's Avatar
 

Join Date: Apr 2012
Posts: 7,410
Default


ﺍﻟﺤﻠﻘﺔ ..10
ﻣﺪﺛﺮ ﻗﺎﻝ ﻟﻴﻬﻮ ،، ﺍﻫﺎ ﺑﺘﻌﺮﻓﻬﺎ ﻳﺎﻣﺰﻣﻞ؟؟
ﻗﺎﻝ ﻟﻴﻬﻮ ﻳﺎﺧﻲ ﻛﻴﻒ ﻣﺎﺑﻌﺮﻓﻬﺎ ؟ ﻭﺍﻟﻠﻪ ﺩﻱ ،، ﺑﺲ ﻧﺎﺭ
ﺍﻟﻠﻪ ﺍﻟﻤﻮﻗﺪﺓ .. ﺍﺗﺎﺭﻳﻚ ﻳﺎﺩﻛﺘﻮﺭ ﻣﺎﻙ ﻫﻴﻦ .. ﺍﻧﺖ ﻋﺎﺭﻑ
،، ﺍﻧﺎ ﺍﻱ ﺳﻔﺮﻳﺔ ﺑﻤﺸﻲ ﺍﻗﺪﻡ ﺑﻮﺍﺳﻄﺔ ﻧﺎﺱ ﻣﺤﻤﻮﺩ ،،
ﻋﺸﺎﻥ ﺍﺷﻮﻓﻬﺎ ﻣﺮﺓ ﻭﺍﺣﺪﺓ .. ﻟﻜﻦ ﺑﻌﺪ ﻛﺪﺍ ﺧﻼﺹ ،،
ﻣﺎﺩﺍﻡ ﺡ ﺗﺒﻘﻰ ﻣﺮﺍﺓ ﺍﺧﻮﻱ .. ﺭﺑﻨﺎ ﻳﺘﻢ ﻟﻴﻚ ﻋﻠﻰ ﺧﻴﺮ ..
ﻭﺍﻟﻠﻪ ﺯﻭﻟﺔ ﻇﺮﻳﻔﺔ ﻭﺧﺪﻭﻣﺔ ﻭﻛﺮﻳﻤﺔ ﺷﺪﻳﺪ ..
ﻗﺎﻝ ﻟﻴﻬﻮ ﻃﻴﺐ ﻛﻮﻳﺲ ،، ﺩﺍﻡ ﺍﻧﺖ ﺫﺍﺗﻚ ﺑﺘﻌﺮﻓﻬﺎ .. ﺍﻧﺎ
ﻏﺎﻳﺘﻮ ﺍﻟﺤﻤﺪ ﻟﻠﻪ ﻛﻞ ﻳﻮﻡ ﺑﻄﻤﺌﻦ ﻟﻴﻬﺎ .. ﺍﻭﻝ ﺣﺎﺟﺔ
ﻣﻌﺮﻓﺔ ﻣﺤﻤﻮﺩ ﺍﻟﻠﺼﻴﻘﺔ ﺑﻴﻬﺎ .. ﺗﺎﻧﻴﺎ ﺭﺣﺎﺏ ﺍﺧﺘﻲ ،،
ﻋﺮﻓﺘﻬﺎ ﻋﻦ ﻗﺮﺏ ،، ﻭﺷﺎﻓﺖ ﺑﻴﺘﻬﻢ ﻭﺍﺗﻌﺮﻓﺖ ﻋﻠﻰ ﺍﺳﺮﺗﻬﺎ
ﻭﺣﺒﺘﻬﺎ ﺟﺪﺍ ،، ﻭﻫﺴﻲ ﺑﻘﻮ ﺍﺻﺤﺎﺏ .. ﻭﺍﻧﺖ ﻛﻤﺎﻥ ﺍﺛﻨﻴﺖ
ﻋﻠﻰ ﺍﻟﻤﻮﺿﻮﻉ ،، ﻭﺍﻟﻠﻪ ﻣﻌﻨﺎﻫﺎ ﺍﻟﻤﻮﺿﻮﻉ ﻣﺎﺷﻲ ﻓﻲ
ﺗﻮﻓﻴﻖ ﺍﻟﻬﻲ ..
ﺍﻫﺎ ﻳﺎ ﻣﺰﻣﻞ ﺍﻟﻤﻮﺿﻮﻉ ﺍﻟﻤﻬﻢ ﺟﺪﺍ ،، ﺍﻧﺎ ﻳﺎﺧﻲ ﻣﺤﺘﺎﺝ ﻟﻲ
ﻗﺮﻭﺵ ﻋﺎﺟﻠﺔ ..
ﻣﺰﻣﻞ ﻗﺎﻝ ﻟﻴﻬﻮ ﺍﻫﺎ ﺟﻴﻨﺎ ﻟﻠﻌﺮﺱ ﻭﺻﺮﻑ ﺍﻟﻘﺮﻭﺵ؟؟ ..
ﻗﺒﻞ ﻳﻮﻣﻴﻦ ﻣﻮﺵ ﺍﺳﺘﻠﻤﺖ ﻋﺸﺮﺓ ﻣﻠﻴﻮﻥ .. ﻗﺎﻝ ﻟﻴﻬﻮ
ﻭﺍﻟﻠﻪ ﻫﺴﻲ ﻗﺮﺵ ﻣﺎﻓﻴﻬﺎ ..
ﻃﻴﺐ ﺍﻧﺖ ﻣﻮﺵ ﺍﺑﻮﻱ ﻛﻠﻔﻚ ﺑﻲ ﻣﺼﺮﻭﻑ ﻟﻲ ﺍﻧﺎ ؟ ﺍﺩﻳﻨﻲ
ﻣﺼﺮﻭﻑ ﺍﻟﺸﻬﺮ ﺍﻟﺠﺎﻱ .. ﻫﻮ ﺍﺑﻮﻱ ﻗﺎﻝ ﻟﻴﻚ ﻛﻢ .. ؟؟
ﻣﺰﻣﻞ ﻗﺎﻝ ﻟﻴﻬﻮ ﻳﺎﻫﺎ ﺍﻟﻌﺸﺮﺓ ،، ﻣﻜﻔﻴﺎﻙ ،، ﻋﺸﺎﻥ ﻧﻘﺪﺭ
ﻧﺠﻬﺰ ﻟﻴﻚ ..
ﻗﺎﻝ ﻟﻴﻬﻮ ﻫﺴﻲ ﻭﺍﻟﻠﻪ ﺑﺮﺿﻮ ﻣﺤﺘﺎﺝ ﻟﻲ ﻋﺸﺮﺓ ،، ﺃﺷﻮﻑ
ﻟﻮ ﺑﺘﺠﻬﺰ ﺍﻟﺒﺖ ﻟﻠﻤﻘﺎﺑﻠﺔ . ﺑﺘﻜﻮﻥ ﺩﺍﻳﺮﺓ ﺗﺠﻬﺰ ﺭﻭﺣﻬﺎ ﺑﻲ
ﺣﺎﺟﺎﺕ ﺑﺴﻴﻄﺔ ..
ﻫﺴﻲ ﺑﺲ ﺍﺩﻳﻨﻲ ﻋﺸﺮﺓ ،، ﻭﺑﻌﺪﻳﻦ ﺑﺘﺼﻞ ﻋﻠﻴﻚ ﺍﺷﻮﻑ
ﺍﻟﺤﺎﺻﻞ .. ﺩﺍﻳﺮﻳﻦ ﻧﺘﻠﻤﺔ ﻳﺎﻣﺰﻣﻞ ،، ﺧﻼﺹ ﺯﻫﺠﻨﺎ ﻣﻦ
ﺍﻟﻌﺰﻭﺑﻴﺔ ﺩﻱ ..
ﻣﺰﻣﻞ ﻃﻠﻊ ﺍﻟﺪﻓﺘﺮ ﻭﻛﺘﺐ ﻟﻴﻬﻮ ﺍﻟﻌﺸﺮﺓ .. ﺑﺎﻛﺮ ﻣﺪﺛﺮ ﺷﺎﻝ
ﺍﻟﺸﻴﻚ ﻓﻲ ﺟﻴﺒﻮ ،، ﻭﻣﺸﻰ ﺻﺮﻓﻮ ﻭﺧﺘﺎ ﺍﻟﻘﺮﻳﺸﺎﺕ ﻓﻲ
ﺷﻨﻄﺘﻮ ﻭﻣﺸﻰ ﺍﻟﻤﺴﺘﺸﻔﻰ ..
ﺍﻟﻴﻮﻡ ﺩﻩ ﻏﺎﺩﺓ ﻛﺎﻥ ﺟﺎﺕ ﻣﻦ ﻣﺪﻧﻲ ،، ﻭﻃﺒﻌﺎ " ﺍﻟﺪﻧﻴﺎ ﺑﻲ
ﻭﺭﺍﻫﺎ ﻛﻠﻬﺎ ﻣﻘﻠﻮﺑﺔ ،، ﻭﻫﻲ ﻣﺎﺟﺎﻳﺒﺔ ﺧﺒﺮ .. ﻭﻣﺎﻻﻗﺖ
ﻣﺪﺛﺮ ﺷﺎﻓﺘﻮ ﺟﺎﻱ ﻣﻦ ﻋﻠﻰ ﻋﻨﺒﺮ ﺍﻟﻌﻈﺎﻡ ،، ﻭﺍﺗﻀﺎﺭﺕ ﺑﻘﺖ
ﺗﻌﺎﻳﻦ ﻟﻴﻬﻮ ﻣﻦ ﺑﻌﻴﺪ .. ﻏﺎﻳﺘﻮ ﺟﻨﺲ ﺷﻲ !!..
ﻃﺒﻌﺎ ﻣﺘﺬﻛﺮﻳﻦ ﺭﻳﺎﻥ ﺑﺖ ﺍﻟﺤﻠﻔﺎﻳﺔ .. ﻻﻗﺖ ﻏﺎﺩﺓ .. ﻛﺎﻧﺖ
ﻣﻨﺘﻈﺮﺍﻫﺎ ﺑﻲ ﻓﺮﻕ ﺍﻟﺼﺒﺮ .. ﻗﺎﻟﺖ ﻟﻴﻬﺎ ﻣﺒﺮﻭﻙ ﻳﺎﻏﺎﺩﺓ ،،
ﻭﺍﻟﻠﻪ ﻋﺠﺒﻨﻲ ﻟﻴﻚ ..
ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻳﺎﺭﻳﺎﻥ .. ﻗﺎﻟﺖ ﻟﻴﻬﺎ ﻣﺎ ﺗﻌﻤﻠﻲ ﻟﻲ
ﻓﻴﻬﺎ ﻣﺎﻓﺎﻫﻤﺔ ،، ﻣﺒﺮﻭﻙ ﺍﻟﻌﻼﻗﺔ ﺍﻟﺠﺎﺩﺓ ﺍﻟﺒﻴﻨﻚ ﻭﺑﻴﻦ
ﺩﻛﺘﻮﺭ ﻣﺪﺛﺮ ..
ﻗﺎﻟﺖ ﻟﻴﻬﺎ ﺑﺲ ﻭﺍﻟﻠﻪ ﻟﺴﻪ ،، ﻣﺎﻓﻲ ﺣﺎﺟﺔ ﻭﺍﺿﺤﺔ ﻳﺎ ﺭﻳﺎﻥ
.. ﻭﺍﻟﻤﺸﻜﻠﺔ ﺍﻟﻜﺒﻴﺮﺓ ﻳﺎﺭﻳﺎﻥ .. ﺍﻧﺎ ﻣﺤﻤﺪ ﻳﻮﺳﻒ ﺑﻘﺎ ﻟﻲ
ﻋﺎﺭﺽ ،، ﻫﺴﻲ ﻣﺪﺛﺮ ﻣﻔﺘﻜﺮ ﺍﻧﻮ ﻟﻮ ﺍﺗﻘﺪﻡ ﻟﻲ ، ﺑﻜﻮﻥ
ﺧﺎﻥ ﺻﺎﺣﺒﻮ .. ﻭﺍﻧﺎﻗﻠﺖ ﻟﻴﻬﻮ ﻳﺎﻣﺪﺛﺮ ، ﺍﺻﻼ ﻣﺎﻛﺎﻥ ﺑﻴﻨﻲ
ﻭﺑﻴﻦ ﻣﺤﻤﺪ ﺣﺎﺟﺔ ، ﺑﺲ ﻫﻮ ﻣﺎﻣﺼﺪﻕ ..
ﺭﻳﺎﻥ ﻗﺎﻟﺖ ﻟﻴﻬﺎ ، ﻭﻳﻦ ﺍﻧﺘﻲ ﻳﺎ ﺍﻟﻤﺴﻜﻴﻨﺔ ، ﻣﺎﻋﺎﺭﻓﺔ
ﺍﻟﺤﺼﻞ ﺑﻲ ﻭﺭﺍﻙ؟؟
ﺍﻧﺎ ﻛﻨﺖ ﻗﺎﻳﻠﺔ ﻣﺪﺛﺮ ﻛﻠﻤﻚ .. ﻗﺎﻟﺖ ﻟﻴﻬﺎ ﻣﺪﺛﺮ ﻣﺎﺑﻴﻨﻲ
ﻭﺑﻴﻨﻮ ﺍﻱ ﺍﺗﺼﺎﻝ ..
ﻗﺎﻟﺖ ﻟﻴﻬﻮ ﻣﺪﺛﺮ ﻳﺎﻏﺎﺩﺓ ﺍﺗﻜﻠﻢ ﻗﺪﺍﻡ ﻛﻞ ﺍﻟﺪﻛﺎﺗﺮﺓ .. ﻭﻗﺎﻝ
ﻟﻴﻬﻢ ﺍﻧﺎ ﻋﺎﻳﺰ ﻏﺎﺩﺓ ﻭﻣﺘﻔﻘﻴﻦ ﺍﻧﺎ ﻭﻫﻲ .. ﻭﺍﻟﻤﺎﻋﺠﺒﻮ ﻳﻘﻊ
ﺍﻟﺒﺤﺮ ..
ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﻳﺎﺭﻳﺎﻥ ﺻﺤﻲ .. ﻋﻠﻴﻚ ﺍﻟﻠﻪ ﻣﺎﺗﻐﺸﻲ
ﻋﻠﻲ ..
ﺍﻧﺎ ﻣﺎﻧﺎﻗﺼﺔ ﺣﺮﻳﻖ ﺍﻋﺼﺎﺏ ..
ﺭﻳﺎﻥ ﻗﺎﻟﺖ ﻟﻴﻬﺎ ﺍﻗﺴﻢ ﺑﺎﻟﻠﻪ ﺍﻟﻌﻈﻴﻢ .. ﻭﺻﺤﺒﺘﻚ ﻧﻮﺳﺔ
ﻋﺎﻣﻠﺔ ﺧﻠﻄﺔ ﺳﻮﻳﺴﺮﻳﺔ ﻣﻊ ﻣﺤﻤﺪ ﺍﻇﻨﻬﺎ ﺭﺩﺓ ﻓﻌﻞ ﻟﻴﺲ
ﺍﻻ ..
ﺍﻧﺘﻲ ﻣﻮﺳﺮﺗﻲ ﻣﺤﻤﺪ . ﻭﻣﺪﺛﺮ ﻣﻮﺳﺮ ﻧﻮﺳﺔ ، ﻫﻬﻬﻪ ﻏﺎﻳﺘﻮ
ﺍﻧﺘﻮ .. ﺩﻩ ﺷﻨﻮ ﺍﻟﺪﻗﺶ ﺩﻩ ﻳﺎﻣﻼﺋﻜﺔ ﺍﻟﺮﺣﻤﺔ ؟ ..
ﺭﻳﺎﻥ ﺯﻭﻟﺔ ﻧﻜﺘﺔ ﺧﻼﺹ ، ﻭﻇﺮﻳﻔﺔ ﺷﺪﻳﺪ ، ﺭﻗﻴﻘﻮﻧﺔ ﻛﺪﺍ ..
ﻭﺑﺘﻠﺒﺲ ﻧﻈﺎﺭﺍﺕ ، ﻭﻋﺎﻣﻠﺔ ﺗﻘﻮﻳﻢ ﻓﻲ ﺍﺳﻨﺎﻧﻬﺎ .. ﺯﻭﻟﺔ
ﺣﺮﺑﻴﺔ ﺧﻼﺹ ..
ﻭﻣﺪﺛﺮ ﻃﺒﻌﺎ " ﻣﺎﻋﺎﺭﻑ ﻏﺎﺩﺓ ﺟﺎﺕ .. ﻟﻐﺎﻳﺔ ﺍﻟﻌﺼﺮ ..
ﻭﻃﻮﻝ ﺍﻟﻴﻮﻡ ﺑﺘﺼﻞ ﻋﻠﻰ ﺭﻓﻴﺪﺓ .. ﻭﺗﻠﻔﻮﻧﻬﺎ ﻣﻘﻔﻮﻝ ، ﻻﻣﻦ
ﺍﻟﺰﻭﻝ ﺩﻩ ﻗﻠﻖ ﻋﺪﻳﻞ ....
ﺍﻫﺎ ﻓﻲ ﻣﻮﻗﻒ ﺣﺼﻞ ﻟﻔﺖ ﺍﻧﺘﺒﺎﻫﻨﺎ ﺑﺮﺿﻮ ..
ﺍﻟﻌﺼﺮﻳﺔ ﻛﺪﺍ ﻓﻲ ﺍﻟﻤﺴﺘﺸﻔﻰ ، ﻣﺪﺛﺮ ﻻﺣﻆ ﺍﻧﻮ ﻓﻲ ﻛﻤﻴﺔ
ﻧﺎﺱ ﺟﺎﻳﻴﻦ ﻟﺰﻳﺎﺭﺓ ﻭﺍﺣﺪ .. ﻛﻤﻴﺔ ﻛﺒﻴﺮﺓ ﺷﺪﻳﺪ ﻣﻦ ﺍﻟﻨﺎﺱ
.. ﻋﺪﺩ ﻣﻬﻮﻝ .. ﺟﻼﻟﻴﺐ ﻭﻋﻤﻢ ﻭﺳﺪﺍﺭﻱ .. ﻭﻧﺎﺱ
ﺷﺎﻳﻠﻴﻦ ﻋﺼﻲ .. ﻭﻏﺎﻳﺘﻮ ﺍﻣﺔ ﻻ ﺍﻟﻪ ﺍﻻ ﺍﻟﻠﻪ ..
ﻣﺪﺛﺮ ﻓﺎﺕ ﻗﺎﻝ ﺍﻧﺎ ﻻﺯﻡ ﺍﺧﺶ ، ﺍﺷﻮﻑ ﺍﻟﻨﺎﺱ ﺩﻳﻞ ﺟﺎﻳﻴﻦ
ﺯﻳﺎﺭﺓ ﻟﻲ ﻣﻨﻮ . ؟
ﻟﻘﺎﻫﻢ ﺟﺎﻳﻴﻦ ﻟﻲ ﻋﻤﻚ ﻛﺒﻴﺮ ﻋﻨﺪﻭ ﺿﻤﻮﺭ ﻓﻲ ﺍﻟﻜﻠﻴﺔ ..
ﻭﻣﻌﺎﻫﻮ ﺑﺘﻮ ﻭﻭﻟﺪﻭ ﻭﻣﺮﺗﻮ .. ﺳﻠﻢ ﻋﻠﻴﻬﻢ .. ﻭﺍﻟﻈﺎﻫﺮ
ﻋﻠﻴﻬﻢ ﺣﺎﻟﺘﻬﻢ ﺍﻟﻤﺎﺩﻳﺔ ﺳﻴﺌﺔ ﺷﺪﻳﺪ ..
ﻭﺍﻟﻮﻟﺪ ﻻﻓﻲ ﺍﻟﻌﻨﺎﺑﺮ ﺯﻱ ﺍﻟﻤﺠﻨﻮﻥ ، ﻣﺎﻋﺎﺭﻑ ﻳﻌﻤﻞ ﺷﻨﻮ ..
ﻣﻊ ﻛﻴﺔ ﺍﻟﻨﺎﺱ ﺩﻳﻞ ..
ﻣﺪﺛﺮ ﺑﻘﻰ ﻣﺘﺎﺑﻊ ﻟﻠﻤﺴﺮﺣﻴﺔ ﺍﻟﻐﺮﻳﺒﺔ ﺩﻱ ..
ﻧﺎﺩﻯ ﺍﻟﻮﻟﺪ .. ﻗﺎﻝ ﻟﻴﻬﻮ ﺍﻟﻨﺎﺱ ﺩﻳﻞ ﻣﻨﻮ؟؟
ﻗﺎﻝ ﻟﻴﻬﻮ ﺩﻳﻞ ﺍﻫﻠﻨﺎ ﻭﻗﺮﺍﻳﺒﻨﺎ .. ﻧﺎﺱ ﺟﺎﻳﻴﻦ ﻣﻦ ﺍﻟﺒﻠﺪ
.. ﻭﻧﺎﺱ ﺳﺎﻛﻨﻴﻦ ﻫﻨﺎ .. ﺟﻮ ﻳﺸﻮﻓﻮ ﺍﺑﻮﻱ . ﻋﻨﺪﻭ ﻓﺸﻞ .
ﻗﺎﻝ ﻟﻴﻬﻮ ﻭﻫﺴﻲ ﺍﻧﺖ ﺑﺘﺘﺤﺎﻭﻡ ﻛﺪﻱ ﻣﺎﻟﻚ ؟
ﻗﺎﻝ ﻟﻴﻬﻮ ﻭﺍﻟﻠﻪ ﻣﺎﻋﺎﺭﻑ ﺍﻋﻤﻞ ﺷﻨﻮ؟ .. ﺣﻖ ﺍﻟﺤﻼﻭﺓ
ﺍﻟﺒﻘﺪﻣﺎ ﻟﻴﻬﻢ ﻣﺎﻋﻨﺪﻱ .
ﻭﻣﺎ ﺍﻛﺮﻣﺘﻬﻢ ﺑﺎﻱ ﺣﺎﺟﺔ .. ﻭﺩﻳﻞ ﻧﺎﺱ ﺷﻴﺎﻟﻴﻦ ﺣﺎﻝ ..
ﻭﺍﻧﺎ ﺍﻟﻌﻼﺟﺎﺕ ﺧﻠﺘﻨﻲ ﻋﻠﻰ ﺍﻟﺤﺪﻳﺪﺓ .. ﻭﺍﻟﻠﻪ ﺩﻳﻮﻥ ﻳﺎﺩﻛﺘﻮﺭ
، ﺗﺴﺘﻐﺮﺏ ﻓﻴﻬﺎ .. ﻭﻣﺎﺧﻠﻴﺖ ﺯﻭﻝ ﻣﺎ ﺍﺗﺪﻳﻨﺖ ﻣﻨﻮ ..
ﻗﺎﻝ ﻟﻴﻬﻮ ﺩﻗﻴﻘﺔ ، ﺍﻧﺎ ﻭﺍﻟﻠﻪ ﺍﻟﻠﻴﻠﺔ ﺍﺻﻠﻮ ﻣﺎﺑﺨﻠﻴﻬﻢ ﻧﺎﺳﻚ
ﺩﻳﻞ ..
ﻣﺸﻯﻌﻠﻴﻬﻢ ﻃﺒﻌﺎ ﻣﺘﻠﻤﻠﻤﻴﻦ ﻣﺘﺒﻄﺤﻴﻦ ﻓﻲ ﺍﻟﻨﺠﻴﻠﺔ ،
ﻭﺍﺣﺪﻳﻦ ﺟﻤﺐ ﺍﻟﻜﻔﺘﺮﻳﺎ ، ﻭﺍﺣﺪﻳﻦ ﻓﻲ ﺍﻟﺒﺮﻧﺪﺍﺕ .. ﺍﻟﻤﻬﻢ
ﺷﺎﻑ ﺍﻛﺒﺮ ﻛﻮﻡ ﻣﻨﻬﻢ ، ﻭﺟﺎﻫﻢ ..
ﻗﺎﻝ ﻟﻴﻬﻢ ﺍﻟﺴﻼﻡ ﻋﻠﻴﻜﻢ ﻳﺎ ﺟﻤﺎﻋﺔ .. ﻗﺎﻟﻮ ﻟﻴﻬﻮ ﻋﻠﻴﻜﻢ
ﺍﻟﺴﻼﻡ ، ﻳﺎﺩﻛﺘﻮﺭ .. ﺍﻫﺎ ﻳﺎﺩﻛﺘﻮﺭ ﺑﺸﺮﻧﺎ .. ﺑﻠﻮﻟﺔ ﻣﺎﺷﻲ
ﻛﻴﻒ؟
ﻗﺎﻝ ﻟﻴﻬﻢ ﺑﻠﻮﻟﺔ ﻛﻮﻳﺲ ﺍﻟﺤﻤﺪ ﻟﻠﻪ ، ﻟﻜﻦ ﺍﻧﺎ ﺟﻴﺘﻜﻢ ﻓﻲ
ﻣﻮﺿﻮﻉ .. ﻭﺷﻮﺭﻯ ، ﺩﺍﻳﺮ ﺍﺳﻤﻊ ﺭﺍﻳﻜﻢ ﻓﻴﻬﺎ ..
ﺍﻭﻝ ﺣﺎﺟﺔ ﺍﻧﺎ ﺑﺴﺄﻝ ﻫﺴﻊ ﺍﻟﻨﺎﺱ ﺩﻳﻞ ﻛﻠﻬﻢ .. ﺍﻟﺠﺎﻳﻴﻦ
ﺯﻳﺎﺭﺓ ﻟﻲ ﺑﻠﻮﻟﺔ ﺩﻳﻞ .. ﺑﻠﻮﻟﺔ ﺍﻟﺮﺍﺟﻞ ﺍﻟﻤﺴﻜﻴﻦ ﺩﻩ ..
ﺍﻟﻤﺎﻗﺎﺩﺭ ﻳﻮﻓﺮ ﺣﻖ ﺍﻟﻌﻼﺝ .. ﺍﻟﻨﺎﺱ ﺩﻳﻞ ﺍﻛﺎﻥ ﻗﻌﺪﻭ ﻓﻲ
ﺑﻴﻮﺗﻬﻢ .. ﻭﺭﺳﻠﻮ ﺭﺻﻴﺪ ﻓﻲ ﺗﻠﻔﻮﻥ ﺍﻟﺰﻳﻦ ﻭﺩ ﺑﻠﻮﻟﺔ .. ﻣﺎ
ﻛﺎﻥ ﺍﺣﺴﻦ؟؟
.. ﺍﻧﺘﻮ ﻣﺎ ﻋﺎﺭﻓﻴﻦ ﺍﻟﺒﻠﻮﻟﺔ ﺭﺍﺟﻞ ﻣﺤﺘﺎﺝ؟ . ﻭﺍﻟﻌﻼﺟﺎﺕ
ﻏﺎﻟﻴﺔ . ﺍﻱ ﺣﺎﺟﺔ ﻓﻲ ﺍﻟﻌﻼﺟﺎﺕ ﺑﻘﺖ ﺑﺎﻟﺸﻲ ﺍﻟﻔﻼﻧﻲ ..
ﻫﺴﻊ ﺍﻟﺰﻳﻦ ﺩﻩ ﻳﻌﺎﻟﺞ ﺍﺑﻮﻫﻮ .. ﻭﻻ ﻳﻜﺮﻡ ﺍﻟﺰﻭﺍﺭ ﺍﻟﻜﺘﺎﺭ
ﺩﻳﻞ؟ ..
ﺍﻧﺎ ﺑﻘﻮﻝ .. ﺍﻧﺘﻮ ﻟﻤﻦ ﺗﺮﺟﻌﻮ ﺍﻟﺒﻠﺪ ، ﺍﻋﻤﻠﻮ ﺍﺟﺘﻤﺎﻉ ..
ﻭﺍﺗﻔﻘﻮﻋﻠﻰ ﺍﻧﻮ ﺍﻱ ﺯﻭﻝ ﻳﺮﻗﺪ ﻣﺴﺘﺸﻔﻰ .. ﺑﺪﻝ ﻣﺎﺗﺘﻜﺒﺪﻭ
ﻣﺸﺎﻕ ﺍﻟﺴﻔﺮ . ﻭﺗﻮﻗﻔﻮ ﻣﺸﺎﻏﻠﻜﻢ .. ﻭﺗﺼﺮﻓﻮ ﻗﺮﻭﺵ ﻛﺘﻴﺮﺓ
.. ﻣﺎﺷﻴﻦ ﻭﺟﺎﻳﻴﻦ .. ﺭﺳﻠﻮ ﻗﺮﻭﺵ ﻟﻲ ﺍﻫﻞ ﺍﻟﻤﺮﻳﺾ .
ﻭﺍﻟﻠﻪ ﺑﺤﺲ ﺑﻴﻬﺎ ﺍﻓﻴﺪ ﻣﻦ ﺗﺠﻲ ﺗﺸﻮﻓﻮ .. ﻭﺍﻟﻠﻪ ﻣﻤﻜﻦ
ﺗﻨﻘﺬﻭ ﻣﻦ ﺍﻟﻤﻮﺕ .. ﻟﻜﻦ ﺟﻴﺘﻜﻢ ﻟﻴﻬﻮ ﻻﺑﺘﺸﺘﺮﻳﻠﻮ ﺍﻟﺪﻭﺍ ﻭﻻ
ﺑﺘﻌﻤﻞ ﻟﻴﻬﻮ ﺍﻟﻔﺤﻮﺻﺎﺕ ..
ﺍﻫﺎ ﺩﻱ ﺷﻮﺭﺗﻲ ﺭﺍﻳﻜﻢ ﻓﻴﻬﺎ ﺷﻨﻮ ؟
ﻓﻲ ﻭﺍﺣﺪ ﻗﺎﻝ ﻟﻴﻬﻮ ﻭﺍﻟﻠﻪ ﻳﺎﺩﻛﺘﻮﺭ ﻛﻼﻣﻚ ﺳﻤﺢ ، ﻋﻼ ﻛﺎﻥ
ﻣﺎﺟﻴﻨﺎ ، ﺍﻟﺒﻠﻮﻟﺔ ﻗﻮﻣﺘﻮ ﻣﻦ ﺍﻟﻤﺮﺽ ﺑﻠﻮﻣﻨﺎ ..
ﻗﺎﻝ ﻟﻴﻬﻢ ﻟﻤﻦ ﺗﻜﻮﻧﻮ ﻣﺘﻔﻴﻦ ﻛﻠﻜﻢ ﻋﻠﻰ ﺍﻟﺤﻜﺎﻳﺔ ﺩﻱ .. ﺯﻭﻝ
ﺑﻠﻮﻡ ﺯﻭﻝ ﻣﺎﻓﻲ .. ﻛﺪﻱ ﺍﻧﺘﻮ ﺍﺗﺸﺎﻭﺭﻭ ﻓﻲ ﻓﻜﺮﺗﻲ ﺩﻱ ..
ﻭﻭﺻﻠﻮﻫﺎ ﻧﺎﺱ ﺍﻟﺒﻠﺪ .. ﻭﺍﻟﺒﺘﺘﻔﻘﻮ ﻋﻠﻴﻬﻮ ﻳﺒﻘﻰ ﺧﻴﺮ ..
ﻭﺩﻋﺘﻜﻢ ﺍﻟﻠﻪ ..
ﻭﻣﺸﻰ ﺧﻼﻫﻢ ﻳﻮﺭﺟﻐـﻮ .. ﻭﺍﺣﺪﻳﻦ ﻳﻘﻮﻟﻮ ﺩﻩ ﻭﻟﺪ
ﺧﺮﻃﻮﻣﻲ ﻭﻫﻤﺎﻥ ﺳﺎﻱ .. ﻭﺍﺣﺪﻳﻦ ﻳﻘﻮﻟﻮ ﻭﺍﻟﻠﻪ ﻛﻼﻣﻮ
ﺻﺎﺡ ﻭﻋﻴﻦ ﺍﻟﺤﻘﻴﻘﺔ .. ﻫﺴﻊ ﺍﻟﺨﺴﺮﻧﺎﻫﻮ ﻓﻲ ﺍﻟﺴﻔﺮﻳﺔ ﺩﻱ
، ﻛﺎﻥ ﺟﻤﻌﻨﺎﻫﻮ ﻭﺭﺳﻠﻨﺎﻫﻮ ﻟﻠﺰﻳﻦ ﻣﺎﻛﺎﻥ ﺍﺧﻴﺮ؟؟ ..
ﻣﺪﺛﺮ ﻣﻦ ﻫﻨﺎﻙ ﻣﺸﻰ ﻃﻮﺍﻟﻲ ﻋﻠﻰ ﺍﻟﻮﻟﺪ ﺍﻻﺳﻤــﻮ ﺍﻟﺰﻳﻦ
ﺩﻩ ، ﻭﻗﻄﻊ ﻓﻴﻬﻮ ﺧﻤﺸﺔ ﺍﻣﺎﺕ ﺧﻤﺴﻴﻦ .. ﻣﻦ ﺍﻟﻘﺮﻭﺵ
ﺍﻟﻤﺎﺷﻪ ﻋﻠﻰ ﺍﻟﺴﻒ ﺩﻱ ..
ﻭﺭﺑﻚ ﺭﺏ ﺍﻟﺨﻴﺮ ، ﺧﻼ ﺗﻠﻔﻮﻥ ﺭﻓﻴﺪﺓ ﻣﻘﻔﻮﻝ ﻃﻮﻝ ﺍﻟﻴﻮﻡ
.. ﻭﺍﻻ ﻛﺎﻥ ﺍﻟﺒﻠﻮﻟﺔ ﻣﺎ ﺑﺸﻮﻑ ﻣﻨﻬﺎ ﻗﺮﺵ ..
ﺑﺎﻟﻨﺴﺒﺔ ﻟﻲ ﻏﺎﺩﺓ ، ﺍﻟﻴﻮﻡ ﺩﻩ ﻛﻠﻮ ﻛﺎﻧﺖ ﺑﺘﺮﺟﻒ ..
ﻭﻣﻨﻬﺎﺭﺓ ﻣﻦ ﻛﻼﻡ ﺭﻳﺎﻥ ﺣﻖ ﺍﻟﺼﺒﺎﺡ .. ﻭﻣﺎﻋﺎﺭﻓﺔ ﺍﻟﺤﻘﻴﻘﺔ
ﺷﻨﻮ ، ﻭﻣﺎﻗﺎﺩﺭﺓ ﺗٍﺴﺄﻝ ﺯﻭﻝ ..
ﻓﻲ ﺍﻟﻨﻬﺎﻳﺔ ﻏﻠﺒﻬﺎ ﺍﻟﺼﺒﺮ .. ﻣﺸﺖ ﻭﻗﻔﺖ ﻓﻲ ﻃﺮﻳﻖ ﻣﺪﺛﺮ
، ﻋﺸﺎﻥ ﻳﺠﻲ ﻳﺸﻮﻓﻬﺎ ﻭﻳﺴﻠﻢ ﻋﻠﻴﻬﺎ ، ﻭﻣﻦ ﺧﻼﻝ ﻣﻘﺎﺑﻠﺘﻮ
ﺑﺘﺴﺘﺸﻒ ، ﺍﺫﺍ ﻛﻼﻡ ﺭﻳﺎﻥ ﺣﻘﻴﻘﺔ ﻭﻻﻛﺬﺏ ..
ﻭﻓﻌﻼ ﺟﺎ ﻣﺎﺷﻲ ﺑﻲ ﻧﻔﺲ ﺍﻟﻤﻤﺮ ﺍﻟﻠﻬﻲ ﻭﺍﻗﻔﺔ ﻓﻴﻮ .. ﻫﻮ
ﻣﺎﺷﻲ ﻛﺪﺍ ﻋﺎﻳﻦ ﻟﻲ ﻏﺎﺩﺓ ﻭﺍﻗﻔﺔ ﻫﻨﺎﻙ ، ﺟﺎ ﻣﺎﺷﻲ ﻋﻠﻴﻬﺎ
.. ﻭﻳﺘﺒﺴﻢ .. ﻭﻫﻲ ﻓﺮﺣﺖ ﺷﺪﻳﺪ ، ﻭﺣﺴﺖ ﻓﻲ ﻟﺤﻈﺔ ﺍﻧﻮ
ﻛﻞ ﺍﻣﻨﻴﺎﺕ ﺍﻟﻘﻠﺐ ﺍﺗﺤﻘﻘﺖ ..
ﻓﺠﺄﺓ ﻛﺪﺍ ﻣﺪﺛﺮ ﺗﻠﻔﻮﻧﻮ ﺿﺮﺏ ﻗﺒﻞ ﻣﺎﻳﺼﻞ ﻟﻲ ﻏﺎﺩﺓ ..
ﻭﻋﺎﻳﻦ ﻟﻠﺸﺎﺷﺔ ﻟﻘﺎﻫﺎ .. ﻣﻜﺘﻮﺏ ﻓﻴﻬﺎ ( ﺭﻓﻴﺪﺓ ﺗﺘﺼﻞ
ﺑﻚ ) ..
ﻃﻮﺍﻟﻲ ﻓﺘﺢ ﺍﻟﺨﻂ ، ﻭﻏﻴﺮ ﺧﻂ ﺳﻴﺮﻭ .. ﻭﻃﻠﻊ ﻻﺑﺮﻩ ﻋﻠﻰ
ﺍﻟﺤﻮﺵ ..
ﻭﺍﻟﻠﻪ ﻏﺎﺩﺓ ﺩﻱ ﺍﺻﻴﺒﺖ ﺑﺨﻴﺒﺔ ﺍﻣﻞ .. ﺯﻱ ﺍﻟﺮﺍﺟﻞ ﺍﻟﻌﺎﻗﺮ
ﺍﻟﻘﺎﻟﻮ ﻟﻴﻬﻮ ﻣﺮﺍﺗﻚ ﺍﺟﻬﻀﺖ .. ﻭﻗﺎﻟﺖ ﻓﻲ ﺳﺮﻫﺎ .. ﻭﺍﻟﻠﻪ
ﻓﻌﻼ " ﺩﻩ ﺍﻧﺴﺎﻥ ﺑﺎﺭﺩ ﻭﻗﻠﺒﻮ ﺣﺠﺮ ..
ﻣﺪﺛﺮ ﺭﺩ ﻋﻠﻲ ﺭﻓﻴﺪﺓ ﺑﺖ ﺍﻟﺴﻠﻤﺔ .. ﻭﻳﻦ ﻳﺎﺑﺖ؟؟ ، ﺍﻧﺎ
ﻣﻦ ﺍﻟﺼﺒﺎﺡ ﺑﻀﺮﺏ ﻟﻴﻚ ، ﺗﻠﻔﻮﻧﻚ ﻣﻘﻔﻮﻝ ، ﻭﺍﻟﻠﻪ ﻗﻠﻘﻠﺘﻲ
ﺑﻲ .. ﻭﺑﻘﻴﺖ ﻣﺎﻋﺎﺭﻑ ﺍﺗﺼﺮﻑ ﻛﻴﻒ ..
ﺍﻧﺘﻲ ﻣﺎﻋﺎﺭﻓﺔ ﺍﻧﺎ ﻣﺎﺑﻌﺮﻑ ﺍﺗﻨﻔﺲ ﺑﺪﻭﻥ ﻭﺟﻮﺩﻙ ..
ﻗﺎﻟﺖ ﻟﻴﻬﻮ ﻣﻌﻠﻴﺶ ﺣﺒﻴﺒﻲ ، ﻃﻠﻌﻨﺎ ﻋﺰﺍ ، ﻭﻧﺴﻴﺖ ﺗﻠﻔﻮﻧﻲ
ﻓﻲ ﺍﻟﺪﻭﻻﺏ ﻣﻘﻔﻮﻝ .. ﻗﺎﻝ ﻟﻴﻬﺎ ﻭﻻﻳﻬﻤﻚ ، ﺍﻧﺘﻲ ﻛﻮﻳﺴﺔ
ﻳﻌﻨﻲ؟؟
ﻗﺎﻟﺖ ﻟﻴﻬﻮ ﺍﻟﺤﻤﺪ ﻟﻠﻪ ﺗﻤﺎﻡ ﺍﻟﺘﻤﺎﻡ ﺑﺲ ﻓﺎﻗﺪﺍﻙ ﺷﺪﻳﺪ ..
ﻗﺎﻝ ﻟﻴﻬﺎ ﻭﺍﻟﻌﺠﻴﺐ ﺍﻧﺎ ﻣﺎﻗﺎﺩﺭ ﺍﻋﻤﻞ ﺍﻱ ﺣﺎﺟﺔ .. ﻃﻴﺐ
ﺧﻼﺹ ﺍﻧﺎ ﺑﺮﺟﻊ ﻟﻴﻚ ﺍﻭﻛﻲ؟
ﺟﺎﺀ ﺭﺍﺟﻊ ﻋﺸﺎﻥ ﻳﺴﻠﻢ ﻋﻠﻰ ﻏﺎﺩﺓ ﻟﻘﺎﻫﺎ ﻓﺎﺗﺖ .. ﻓﺘﺶ
ﻟﻴﻬﺎ ﺳﻤﺎ ﻭﺍﺭﺽ ﻣﺎﻟﻘﺎﻫﺎ ..
ﺑﻘﻰ ﻳﺴﻮﻱ .. ﻳﺎﻟﻄﻴﻒ ، ﻫﺴﻲ ﺩﻛﺘﻮﺭﺓ ﻏﺎﺩﺓ ﺗﻜﻮﻥ
ﺍﺗﺤﺴﺴﺖ ، ﺗﻘﻮﻝ ﺍﻫﻤﻠﻨﻲ ﻋﺸﺎﻥ ﺗﻠﻔﻮﻥ . ﻭﻫﻲ ﻣﺎﻋﺎﺭﻓﺔ
ﺍﻟﺘﻠﻔﻮﻥ ﺩﻩ ﺍﻧﺎ ﻣﻨﺘﻈﺮﻭ ﻣﻦ ﺍﻟﺼﺒﺎﺡ ..
ﻭﻏﺎﺩﺓ ﻓﻌﻼ ﻗﻠﺒﻬﺎ ﺍﺗﺤﺮﻕ ﺣﺮﻳﻖ ﻣﻦ ﺗﺼﺮﻑ ﻣﺪﺛﺮ ﺍﻟﻐﺮﻳﺐ
ﺩﻩ . ؟
ﻭﺑﻘﺖ ﺗﻘﻮﻝ .. ﻃﻴﺐ ﻛﻴﻒ ﺭﻳﺎﻥ ﺗﻘﻮﻝ ﻟﻲ ﻗﺎﻝ ﻭﻗﺎﻝ ..
ﺍﻧﺎ ﻻﺯﻡ ﺍﺗﺄﻛﺪ ﻣﻦ ﺯﻭﻝ ﺗﺎﻧﻲ ﻏﻴﺮ ﺭﻳﺎﻥ .. ﺭﻳﺎﻥ ﺩﻱ
ﻳﺎﺭﺑﻲ ﻗﺼﺪﻫﺎ ﺷﻨﻮ ؟
ﻭﺍﻟﻠﻪ ﺍﻟﺒﻨﺎﺕ ﺩﻳﻞ ﺑﻘﻦ ﺍﺻﻠﻮ ﻣﺎﻣﻔﻬﻮﻣﺎﺕ ..
ﻓﻲ ﺍﻟﻨﻬﺎﻳﺔ ﻗﺮﺭﺕ ﺍﻧﻬﺎ ﺗﺘﻌﺎﻣﻞ ﻣﻊ ﺍﻟﻤﻮﺿﻮﻉ ﻋﺎﺩﻱ .. ﺯﻱ
ﺍﻟﻤﺎﻓﻲ ﺣﺎﺟﺔ .. ﻃﻠﻌﺖ ﻗﺒﻞ ﺍﻟﻤﻐﺮﺏ ﺑﺸﻮﻳﺔ ﻣﺸﺖ ﺍﻟﺒﻴﺖ
..
ﻭﻣﺪﺛﺮ ﺍﻟﻴﻮﻡ ﺩﺍﻙ ﻛﺎﻥ ﺑﺎﻳﺖ ﻓﻲ ﺍﻟﻤﺴﺘﺸﻔﻰ .. ﻓﻲ
ﺍﻟﻔﺘﺮﺓ ﺩﻱ ﺍﻟﺪﻛﺎﺗﺮﺓ ﺑﺪﻭ ﻳﺘﻜﻠﻤﻮ ﻣﻌﺎﻫﻮ ﺣﺒﺔ ﺣﺒﺔ .. ﺑﻌﺪ
ﻣﺎﻛﺎﻧﻮ ﺑﻌﺎﻳﻨﻮ ﻟﻴﻬﻮ ﻛﺪﺍ ﺑﺎﻟﺠﻨﺒﺔ ..
ﻭﺭﻳﺎﻥ ﺍﻻﺻﻴﻠﺔ ﻫﻲ ﺍﻟﻌﻤﺮﺕ .. ﺍﻟﺨﺮﺍﺏ ﺍﻟﺨﺮﺑﺘﻮ ﻧﻮﺳﺔ ..
ﻭﻧﻮﺳﺔ ﺑﻘﺖ ﺷﺨﺼﻴﺔ ﻣﻬﻤﺸﺔ .. ﻭﺍﻱ ﺯﻭﻝ ﺑﺨﺎﻑ ﻣﻨﻬﺎ
ﻭﻣﻦ ﺳﻮﺍﻃﺘﻬﺎ ..
ﺍﻟﺰﻭﻝ ﺍﻟﻮﺣﻴﺪ ﺍﻻﺳﺘﻌﺼﻰ ﻭﺭﻓﺾ ﻳﺴﻤﻊ ﻟﻲ ﺭﻳﺎﻥ ﺍﻱ ﻛﻼﻡ
ﻋﻦ ﻣﺪﺛﺮ ﻫﻮ ﻣﺤﻤﺪ ﻳﻮﺳﻒ ..
ﻭﻃﺎﻟﻊ ﻧﺎﺯﻝ ﻣﻊ ﻧﻮﺳﺔ .. ﻛﺎﻥ ﺩﺍﻳﺮﻳﻦ ﻳﺮﺍﺟﻌﻮ ﻓﺎﺋﻞ ﻣﺮﻳﺾ
ﺳﺎﻱ ﺳﺎﻱ ﻳﺮﺍﺟﻌﻮﻫﻮ ﺳﻮﺍ ..
ﻓﻲ ﻧﻔﺲ ﺍﻟﻴﻮﻡ ﺩﻩ ﺑﺎﻟﻠﻴﻞ ﻣﺪﺛﺮ ﺍﺗﺼﻞ ﻋﻠﻰ ﺭﻓﻴﺪﺓ ..
ﻭﻗﺎﻝ ﻟﻴﻬﺎ ..
ﺍﻫﺎ ﺍﻟﺨﺒﺮ ﺷﻨﻮ ؟ ﻭﺍﻻﺣﺘﻴﺎﺟﺎﺕ ﺍﻟﻤﻄﻠﻮﺑﺔ ..
ﻗﺎﻟﺖ ﻟﻴﻬﻮ ﺧﻼﺹ ﺑﺲ ﺍﻧﺖ ﻭﺭﻳﻨﻲ ﻳﻮﻡ ﺗﻜﻮﻥ ﺍﻭﻑ ..
ﻧﺠﻲ ﻧﻤﺸﻲ ﺍﻟﺴﻮﻕ ﻣﻊ ﺑﻌﺾ ﻧﺸﺘﺮﻱ ﺍﻻﺣﺘﻴﺎﺟﺎﺕ ﺍﻟﻼﺯﻣﺔ
..
ﻗﺎﻝ ﻟﻴﻬﺎ ﻭﺍﻟﻠﻪ ﺍﻟﻤﺸﻜﻠﺔ ﺍﻧﺎ ﺍﻟﻴﻮﻣﻴﻦ ﺩﻳﻞ ﻣﺪﺭﻭﺵ ﺩﺭﺷﺔ
ﻋﺠﻴﺒﺔ ، ﻭﻋﻨﺪﻱ ﺍﻟﻒ ﻭﺳﺘﻤﻴﺔ ﺷﻐﻼﻧﻴﺔ ..
ﺍﻧﺘﻲ ﺷﻮﻓﻲ ﺭﺣﺎﺏ ، ﺍﻭ ﺍﻱ ﺯﻭﻝ ﻳﻤﺸﻲ ﻣﻌﺎﻙ ﺍﻟﺴﻮﻕ ،
ﺍﻧﺎ ﺑﺪﻳﻜﻢ ﺍﻟﻘﺮﻭﺵ ﺍﻟﺒﺘﻜﻔﻴﻜﻢ .. ﺍﺷﺘﺮﻱ ﺑﻲ ﺭﺍﺣﺘﻚ
ﻭﻣﺰﺍﺟﻚ ﻭﻋﻠﻰ ﺫﻭﻗﻚ .. ﻭﺑﺎﻟﻨﺴﺒﺔ ﻟﻲ ﺍﻧﺎ ، ﺍﻱ ﺷﻲ
ﺗﻠﺒﺴﻴﻬﻮ ﺑﺸﻮﻓﻮ ﻓﻮﻗﻚ ﻻﻳﻖ ..
ﺳﻜﺘﺖ ﻣﺴﺎﺍﺍﺍﺍﺍﻓﺔ .. ﻭﺣﺴﺖ ﺑﻲ ﺣﺎﺟﺔ ﻓﻲ ﻗﻠﺒﻬﺎ .. ﻛﺪﺍ
ﻣﺎﻃﺒﻴﻌﻴﺔ .. ﻣﻦ ﺣﻨﻴﺔ ﺍﻟﺰﻭﻝ ﺩﻩ ، ﻭﻛﺮﻣﻮ ، ﻭﺍﺧﻼﻗﻮ ،
ﻭﻃﻌﻢ ﻛﻼﻣﻮ .. ﻋﻤﺮﻭ ﻋﻘﻴﻞ ﺍﻟﺠﻮﻛﻲ ﻣﺎﺳﻤﻌﻬﺎ ﻟﻴﻬﻮ ..
ﻗﺎﻟﺖ ﻟﻴﻬﻮ .. ﻣﺪﺛﺮ؟؟
ﺍﻧﺎ ﻋﺎﻳﺰﺓ ﺍﻗﻮﻝ ﻟﻴﻚ ﻛﻼﻡ ، ﻭﻣﺎﻋﺎﺭﻓﺔ ﺍﻗﻮﻟﻮ ﻟﻴﻚ ﻛﻴﻒ ،
ﻭﻣﺎﻋﺎﺭﻓﺔ ﺭﺩﺓ ﻓﻌﻠﻚ ﺣﺘﻜﻮﻥ ﺷﻨﻮ؟
.. ﻗﺎﻝ ﻟﻴﻬﺎ ﻗﻮﻟﻲ ﺳﺎﻱ ﻳﺎ ﺭﻓﻴﺪﺓ ، ﺍﻱ ﻛﻼﻡ ﻣﻨﻚ ﺍﻧﺘﻲ
ﺑﻜﻮﻥ ﻋﻠﻰ ﻗﻠﺒﻲ ﺑﺮﺩﺍ ﻭﺳﻼﻡ ..
ﻧﺸﻮﻭﻭﻭﻭﻭﻭﻭﻭﻭﻑ



كمونية is offline               Reply With Quote               
Old 01-Apr-15, 06:42   #29
كمونية
Golden Member
 
كمونية's Avatar
 

Join Date: Apr 2012
Posts: 7,410
Default

عشان خاطر عيون سها الحاج .. اقصد نسرين
كمونية is offline               Reply With Quote               
Old 01-Apr-15, 06:46   #30
تايه
Major Contributor
 
تايه's Avatar
 

Join Date: Dec 2013
Posts: 1,988
Default

Quote:
Originally Posted by mustafaosman View Post
سلام سهاج
القصة منقولة من طارق اللبيب
انا بعرف لي جنس النضمي ده


بخصوص مدثر زول طيب جدا
وشخصية تكاد تكون مثالية
وده طبعا في زمنا الحالى عوير عوارة شديدة
شخشيا كدا مامقتنع بي بناء شخصية نوسة دي في القصة وحاسي كدا الكاتب متحامل عليها
الناس السمان ديل دايمن ناس طيبين وبتاعين ضحك مابتاعين فتن ودساءيس ولا شنو
غير كدا في الاول قال بتحب مدثر ومدشدشة فوقو
هسة بقت بتكرهو وبتحفر ليهو حاجة كدا ماراكبة معا بعض مش قالو البحب مابكره
بعدين تمشي تكلم زوجة اخوهو يعني ماحاتوصفا ليهو ولا ماكان يمكن ترسل زول غير معروف للدور دا

شوف ياتصلح لي نوسة دي وتضعفا حبة ولا مابتم قصتكم دي


__________________
((تجدونني حيث تركتموني - لا افر ممن يكر ولا اكر خلف من يفر ))
سيدنا علي كرم الله وجهه
تايه is offline               Reply With Quote               
Old 01-Apr-15, 07:25   #31
mustafaothman
Moderator
 
mustafaothman's Avatar
 

Join Date: Oct 2005
Location: اي مكان تقولو حلو
Posts: 13,496
Default

سلام سهاج
اهو كمونية ظبط الامور
رغم انو عندي واضحة

كمونية
شكرا يا حبوب
وتكون طالبني تصليح مشاركة


تايه
انا في راي كاتب القصة متحامل على الجنس اللطيف بصورة عامة
كل البنات في القصة سيئات جدا وبتاعين لف ودوران
حتى ام مدثر
الكاتب قال عليها انانية جدا

والعكس تماما الرجال
مهذبين واولاد ناس ومحترمين
__________________
يا أبخس اﻷنجاس..... وسع مجاري الدم
زيد السجن ترباس
mustafaothman is offline               Reply With Quote               
Old 01-Apr-15, 07:57   #32
دنجور
Golden Member
 
دنجور's Avatar
 

Join Date: Jun 2011
Posts: 6,141
Default

Quote:
Originally Posted by mustafaothman View Post
سلام سهاج
اهو كمونية ظبط الامور
رغم انو عندي واضحة

كمونية
شكرا يا حبوب
وتكون طالبني تصليح مشاركة


تايه
انا في راي كاتب القصة متحامل على الجنس اللطيف بصورة عامة
كل البنات في القصة سيئات جدا وبتاعين لف ودوران
حتى ام مدثر
الكاتب قال عليها انانية جدا

والعكس تماما الرجال
مهذبين واولاد ناس ومحترمين
اعتقد انو كلامو صاااح
اتفق مع الكاتب ومعاك في هذه النقطة بتاعت الانانية
__________________
إن الانسان ليفسر تصرفات الناس أحياناً و يضخمها أو يصغرها وفقاً لعلاقتها بمشاعره
واهوائه
دنجور is offline               Reply With Quote               
Old 01-Apr-15, 08:03   #33
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default

كمون شكرآ لكن قلت منو
نسرين قصدك سمينة صح



ما عايزة معاك رجع المشاركة في مكانها
وفوت من وشي الساعه دي




مشتفى يا بتاع المشتشفيات
كمل البتاعه دي
خليني اشوف الحرامية دي
ماشه تقول شنو للمدثر ومزمل دا



ايون متحامل على النسوان ومطلع الرجال
كلهم اولاد ناس
يكون ياربي ليه
مشكوش ولا مشكوش


__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 01-Apr-15, 08:22   #34
كمونية
Golden Member
 
كمونية's Avatar
 

Join Date: Apr 2012
Posts: 7,410
Default

Quote:
Suhaaj

كمون شكرآ لكن قلت منو
نسرين قصدك سمينة صح




ما عايزة معاك رجع المشاركة في مكانها
وفوت من وشي الساعه دي
والله ماعارف ان نسرين سمينة
انا قريت انها رشيقة ونشيطة عكس تيفا


ارجع المشاركة بعد شنو لكن
العشرة دقايق فاتت

كمونية is offline               Reply With Quote               
Old 01-Apr-15, 09:43   #35
ود كوكو
Crown Member
 
ود كوكو's Avatar
 

Join Date: May 2008
Posts: 15,850
Default



ما دام الموضوع فيهو دكااااترهيبقى الموضوع بيهم و د كوكو شديد



لى عود بعد قراااءه متانيه جدا





اسعد الله يومك مصطفى

__________________
حنين يشدنى الى ارض اللحاق
ود كوكو is offline               Reply With Quote               
Old 01-Apr-15, 09:59   #36
Suhaaj
Golden Member
 
Suhaaj's Avatar
 

Join Date: Feb 2011
Location: UAE
Posts: 9,531
Send a message via Yahoo to Suhaaj
Default



كمون منو؟؟

تيفا
تيفا منو
تيفا دا ولا واحد تاني
نانو شنو
يوخيل ليه سمين وعندو كرشه
وراسو صلعه



بس ما تكلمو يقوم يحرد ما يتم القصه




خلاص ما تفوت من وشي الساعه دي

اقعد قبلك



__________________
لاغنى كالعقل .. لا فقر كالجهل .. لا ميراث كالأدب
لا ظهير كالمشاوره
Suhaaj is offline               Reply With Quote               
Old 01-Apr-15, 10:36   #37
كمونية
Golden Member
 
كمونية's Avatar
 

Join Date: Apr 2012
Posts: 7,410
Default

Quote:
Suhaaj

كمون منو؟؟

تيفا

تيفا منو
تيفا دا ولا واحد تاني
نانو شنو
يوخيل ليه سمين وعندو كرشه
وراسو صلعه
بس ما تكلمو يقوم يحرد ما يتم القصه
خلاص ما تفوت من وشي الساعه دي

اقعد قبلك

دائما تخميناتك بتظبط مية المية سبحان الله
سمين وصلعة وعندو كرشة وبلبس نضارات
ماشاء الله
تبارك الله
دا كلو من الصلاح
لو ماعارفك كنت حاقول اكيد شفتي صورة تيفا
يا يكون قريبكم باللفة



كمونية is offline               Reply With Quote               
Old 02-Apr-15, 04:59   #38
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default


11
قالت ليهو ..مدثر انا حاسة بي نفسي استعجلت في قراري ده .. والمفروض ندي نفسنا مساحة اكتر .. عشان اتعرف عليك وتتعرف علي .. فعشان كدا ارجوك .. انا ماعايزاك تعمل اي خطوة في الوكت الراهن ..
قال ليها ده كلام شنو يارفيدة؟ .. هسي انتي كل يوم بتقول لي انا مشتاقة ليك.. ومستعجلة انو موضوعنا يخلص بي سرعة .. ولمن قلت ليك ابوي مستعجل فرحتي فرحة شديدة ..
لالالا .. لازم في حاجة غيرت رايك .. انا غلطت عليك بي حاجة؟ احتمال اكون قلت كلمة او اتصرفت تصرف ما منتبه ليهو ..
رفيدة قالت ليهو ابدا والله مافي حاجة من البتقول فيهو ده .. بس ماعارفة .. خايفة اكون اتسرعت في الموضوع .. المهم بس انت اديني فرصة اعيد التفكير . وان شاء الله لو في قسمة ربنا يتمها ..
قال ليها طيب يارفيدة .. انتي في زول غير رايك .. يعني اتعرفتي على زول في يوم الليلة ده ..؟
قالت ليهو ابدا والله ربنا يعمي عيوني .. غيرك تاني ماشفت ..
قال ليها خير اخدي راحتك .. وفكري واخدي وقتك وانا منتظرك وخليك عارفة اني انا بقيت راهن حياتي وسعادتي بوجودك فيها .. قالت ليهو جدا مافي مشكلة ربنا يسوي الفيها خير .. بس ما اظن الموضوع يظبط معاي ..
والله بس في حاجات كدا انت ماعارفها ..انا واقفة لي في طريقي .
قال ليها خير يازولة .. البسويهو الله انا راضي بيهو .
وانتهت المكالمه والليلة ديك مدثر كان في اكتر حالات التوتر والضيق ولو كان يعلم الغيب المفروض يحتفل .. اها رفيدة اتصلت طوالي على لبنى الشفاتية وقالت ليها لبنى انا عايزاك ضروري وكلامي ماينفع في التلفون ..
قالت ليها خلاص بكرة تعالي غاشياني وانتي راجعة من الشغل .. قالت ليها جدا كويس انتظريني ماتطلعي ..
وفعلا باكر جات غاشياها من الشغل ..ولبنى شافت رفيدة مقلقة ومتوترة وماكويسة كلو كلو ..
قالت ليها مالك يابت في شنو؟
قالت ليها والله يالبنى انا شايفة نفسي بغلط في غلط العمر .. والله يا لبنى انا اتعرفت بي مدثر عن قرب.. والله ده راجل زيو مالاقني..
والله يالبني عقيل مابجي في نعال دكتور مدثر .. والله انا شايفة نفسي بضيع في اجمل هدية ربنا ساقها لي في مكاني ..
لبنى قعدت تعاين ليها .. مستغربة .. قالت ليها ده اليوم الانا كنت عاملة حسابو ..
يعني هسي التعب والجرجرة دي كلها الانا تعبتها معاك ما القى فيها غير تلاتة مليون.؟؟. وانتي تعرسي الدكتور وانا اقعد خشمي ملح ملح ؟ .. طيب على الاقل قرارك ده خليهو شهر شهرين ..
لغاية ما يسلمنا العشرة التانية وبعد كدا عرسيهو بي راحتك ..
قالت ليها لالا .. مابقدر اشيل منو قروش تاني .. خلاص لحدي هنا كفاية .. لازم انا امشي انهي موضوعي مع عقيل.. اول حاجة باي طريقة كانت .. وبعدين ممكن ابدا مع مدثر في علاقة جادة .. ولو الله ما كتب لي معاهو قسمة.. بفضل احترمو كافضل رجل لاقاني في حياتي ..
قالت ماحتقدري .. لازم تنفذي البقول ليك عليهو بالحرف .. ولا على كيفك .. غصبا" عنك .. انتي هبلة ولاشنو؟ .. انتي ناسية انو تلفوني بسجل المكالمات تسجيل تلقائي ؟
ومكالماتك معاي مسجلة بالدقة العالية .كلها .. وانا مستعدة انشرها في صفحتي في الفيسبوك .. واعمل اشارة لي صفحتك وصفحة محمود وصفحة رحاب ومدثر ..
ولي صفحة عقيل كمان .... انتي هبلة ولاشنو قايلاني حأسكت ليك ؟
اساسا" انتي من البداية مدخلاني في الموضوع ليه..خليتيني اعيش على امل ..
نحن ياكافي البلا لانلقى عرس لانلقى قروش ..
قالت ليها حرام عليك يا لبنى ..دي انا صاحبتك الوحيدة تعملي فيني كدا ..
قالت ليها صحبة اية يا حلوة انتي ؟ ..الزمن ده الخوة ذاتها بقت قروش ودولارات ..
طبعا رفيدة دي خافت لغاية ما حست بي مصارينها ماصنها .. وكرعيها مشن موية ..
قالت ليها طيب طيب يالبنى انا ممكن اديك القروش المعاي كلها . اصلا فضل فيها .خمسة مليون ..لكن خلاص نقيف من الموضوع ده لحدي هنا عشان خاطري ..
لبنى قالت ليها اتفقنا .. بكرة جيبي لي الخمسة .. وتاني نشوف الفي الكتاب .. الخمسة ماكتيرة على .. مادام انتي حتربحي الجولة كاملة وتعرسي الدكتور ..
وهنا رفيدة عرفت انو وقعت في شر اعمالها ..وقعة شديدة .. وبقت خسرانة من كل الجوانب .. ولازم تواصل في
(السف) عشان تدي لبنى وتصم ليها خشمها ..
لانو لو وقفت السف ..لبنى ممكن تبوظ عليها اي حاجة .. ولو وزعت المكالمات المسجلة .. كان في الفيس كان في الواتساب .. معناها رفيدة حتخسر مدثر .. وحتخسر عقيل . وحتخسر شغلها .. وتخسر احترامها في المجتمع ..
لكت رفيدة فكرت في حاجة تضرب بيها لبنى ضربة معلم . ماعارف .. لمن وصلت البيت ضربت ليها تاني ..
قالت ليها الو يالبنى .. عايني انا فكرت في كلامك كويس .. ولقيت مصلحتي في اني اواصل الشفط في الدكتور .. ومعاك لي اخر المدى يا فردة ..
لبنى قالت ليها ايواااا انتي كدا فهمتي يا حيوانة ..
مدثر طبعا" في اسوء احواله ومحطم وعامل فيها داخل مأساة وبتاع .. وكل مرة يقطع .ورقة من الدفتر ويكتب شعر .. وتاني يشرط الورقة وياكلا..ومن ما كتب
يارفيدة الزوقها عالي ..
عندي ليك يالغالية ريده .
تملأ كل الكون تدفق.
كم سهرت ايام عديدة ..
ليلي مازي ليك رفاقتي.
الشجون قاسية وعنيدة.
والدموع بالشوق تدفق.
روحي بيك مشحون وريده.
كيف يهون لك تبقي جافية.
وتنسي ريدتنا الفريده ..
وتنسى كيف قلبك عشقني.
وكيف وعودك كان اكيده..
المهم في الامر ظاهر على مدثر انو حس بي نفس العملية العملا في نوسة قبل كدا ..
بالنسبة لي دكتورة غادة .. في المستشفى لاحظت انو مدثر ما على بعضو .. طبعا هي في الفترة دي كانت بتقصد تتباعد منو .. من الموقف الحصل منو اول يوم .. مع انو لاقاها مرة وسلم عليها عادي .. لكن هي سلمت عليهو بي غيظ شديد ..
اها وكت الليلة شافتو كدا ماياهو .. قالت ليهو مدثر هل لي الحق اسألك انت مالك بالضبط؟
انت لو متضايق من تعاملي معاك.. دي كانت رة فعل عادية من تصرفاتك معاي ..
قال ليها غادة انتي بتتكلمي عن شنو؟ تعاملك مالو؟ وتصرفي ياتو؟ .. انتي مافاهمة اي حاجة والله .. اول حاجة انا شايف تعاملك عادي معاي وطيب جدا ..
ماتوسوسي ساي .. ولو انا اتصرفت معاك اي تصرف لايليق بي مقامك .. بكون من غفلتي وانشغالي.. واصلو اللوم بجي بالغفلات.. انتي والله مابتستحقي الا كل خير ربنا يكرمك ..
قالت ليهو طيب هل لي الحق اسألك انتي مالك متضايق من امس؟ شايفاك ماطبيعي ..
قال ليها والله مشكلة خاصة كدا ..غير قابلة للاعلان .. بس دعواتك ..
قالت ليهو ايوااا .. خلاص كدا عرفت انو مالي الحق اتدخل في خصوصياتك .. ولايهمك يادكتور ..
هو طبعا" بقى يعاين ليها مستغرب من كلامها ..
وسبحان الله مدثر راحت من راسو حكاية انو يوم قال للدكاترة كلامو العوير داك .عن ارتباطو بي غاده .. يومو الكان منفعل .. ولا خاتي في راسو انو الكلام يكون وصلا واحيا جواها امال قدر الجبال ..
غادة طبعا" اتغاظت شديد من جواها .. وبقت تتسأءل الف سؤال..
وهو حس بانه محرج شديد من نفسو .. لانو ماقادر يوريها الحاصل عليهو شنو ..
ومشت غاده من جنبو .بعد اخدت ليها كم خطوة منو. جاتو راجعة..
قالت ليهو انا مبسوطة شديد يادكتور .. وفرحانة ..
قال ليها ربنا يديم البسط . فرحينا معاك ..
قالت ليهو لمن انا كنت في مدني .. انت نصرتني بي وراي .وريت الناس انو بيني وبينك في علاقة جادة .. انا طبعا" بقدر مافرحت بي الكلام ده .. بقدر ماحزنت بي مقابلتك لي .. وتهميشك لي ..
فانا هسي عايزاك تحدد لي بالضبط انا شنو في حياتك ..وهل كنت بتكذب في كلامك القلتو للناس داك .. ولا الناس كذبو علي ..
بالجد انا ماقادرة استوعب الحاصل .. وريني بالضبط الحاصل شنو؟ ..
طبعا مدثر اتخلع من الكلام خلعة شديدة خلاص.. لانو زي ماقلت ليكم ما مكان متذكر .وماعارف الكلام وصل ليها ..
قال ليها لا اله الا الله ..الناس ديل اصلو ما بتنبل الفولة في خشومهم ده القالو ليك منو؟ ..
انا والله طبعا بصراحة الكلام ده انا قلتو في لحظة زعل .. لكن ده مابيعني اني انا ماعايزك ..نحن موش كان بينا كلام .. وقلنا ننتظر ؟
قالت ليهو انا كنت منتظرة وساكتة..بس انت براك مشيت تتكلم وخليت الناس يجو يباركو لي ..
قال ليها هههههه هي وصلت درجة المباركة؟ والله دي قصة دي ..
طبعا" ياجماعة .انا يتخيلي مدثر ده عندو هدف .. ماقدرت افهمو .. شكلو كدا داير يخت غادة بدل فاقد .. ويكون مثبتن الاتنين .. البتجلي فيهن تقبض معاهو التانية .. ولو ده فهمو تبقى مصيبة ..
لكن غادة استاءت منو جدا" من الموقف ده .. قالت ليهو انا عشان اريحك وما تتحسس من علاقتي بيك.. وعشان تاخد راحتك في حياتك.. بدون مايكون في زول منتظرك .. انا صرفت النظر يا دكتور .. ربنا يبارك لك في حياتك.. ويبارك لي في حياتي .. واي زول ربنا كريم عليهو.. يديهو قدر نيتو .. والقسمة بيد رب العالمين .
بس ياريت تفهم الناس ديل كلهم انو البيني وبينك انتهى ..
وكبت ليها دمعتين حاراااات واتحركت ..


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 02-Apr-15, 06:21   #39
تايه
Major Contributor
 
تايه's Avatar
 

Join Date: Dec 2013
Posts: 1,988
Default

خلاس انا خليت نوسة
غدغد دي قطعت قلبي خلاس



اسمع ماعندك تلفونات الناس ديل
__________________
((تجدونني حيث تركتموني - لا افر ممن يكر ولا اكر خلف من يفر ))
سيدنا علي كرم الله وجهه
تايه is offline               Reply With Quote               
Old 02-Apr-15, 06:28   #40
تايه
Major Contributor
 
تايه's Avatar
 

Join Date: Dec 2013
Posts: 1,988
Default

خلاس انا خليت نوسة
غدغد دي قطعت قلبي خلاس



اسمع ماعندك تلفونات الناس ديل
__________________
((تجدونني حيث تركتموني - لا افر ممن يكر ولا اكر خلف من يفر ))
سيدنا علي كرم الله وجهه
تايه is offline               Reply With Quote               
Old 02-Apr-15, 07:15   #41
kasammber
Golden Member
 

Join Date: Jul 2002
Location: K.S.A
Posts: 6,875
Send a message via ICQ to kasammber Send a message via AIM to kasammber Send a message via MSN to kasammber Send a message via Yahoo to kasammber Send a message via Skype™ to kasammber
Default

Quote:
Originally Posted by تايه View Post
خلاس انا خليت نوسة
غدغد دي قطعت قلبي خلاس



اسمع ماعندك تلفونات الناس ديل
__________________
كل منانا وحياتك تكتر من زياراتك
kasammber is offline               Reply With Quote               
Old 04-Apr-15, 09:28   #42
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default





ﺍﻟﺤﻠﻘﺔ 12 ..
ﺑﻘﻠﻢ ﻃﺎﺭﻕ ﺍﻟﻠﺒﻴﺐ ،،
ﻣﺪﺛﺮ ﻗﺎﻝ ﻟﻴﻬﺎ .. ﺩﻗﻴﻘﺔ ﻳﺎ ﻏﺎﺩﺓ .. ﻋﺎﻳﺰ ﺍﻗﻮﻝ ﻟﻴﻚ
ﻛﻠﻤﺘﻴﻦ .. ﻋﺸﺎﻥ ﺍﻧﺘﻲ ﻣﺎﺗﻤﺸﻲ ﻭﺧﺎﻃﺮﻙ ﻣﻜﺴﻮﺭ ..
ﻭﻗﻔﺖ ﻣﺮﺑﻌﺔ ﻳﺪﻳﻬﺎ ﻛﺪﺍ .. ﻭﻣﻘﻬﻮﺭﺓ ..ﻭﻗﺎﻟﺖ ﻟﻴﻬﻮ ﺍﻓﻨﺪﻡ
. ﺧﻠﺼﻨﻲ ﺑﻲ ﺳﺮﻋﺔ ﻟﻮ ﺳﻤﺤﺖ ..
ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﺑﺤﺘﺮﻣﻚ ﻭﺑﻌﻄﻒ ﻋﻠﻴﻚ ﺍﻛﺘﺮ ﺯﻭﻝ ﻓﻲ
ﺍﻟﻤﺴﺘﺸﻔﻰ ﺩﻱ .. ﻭﻳﻮﻡ ﻣﺤﻤﺪﻳﻮﺳﻒ ﺍﺗﻜﻠﻢ ﻣﻌﺎﻙ ﺍﻟﻜﻼﻡ
ﺩﺍﻙ . ﺍﻧﺎ ﺣﺴﻴﺖ ﺑﺎﻟﻈﻠﻢ ﻭﺍﺗﻐﻈﺖ ﻣﻨﻪ ﺟﺪﺍ ﺟﺪﺍ ..
ﻭﻗﻔﺖ ﻣﻌﺎﻙ ﻭﺍﺗﻌﺎﻃﻔﺖ ﻣﻌﺎﻙ .. ﻭﺍﻧﺘﻲ ﺣﺴﻴﺘﻲ ﺑﺎﻧﻮ
ﺍﻟﺘﻌﺎﻃﻒ ﺩﻩ ﺣﺐ ﻭﺭﻳﺪﺓ .. ﻭﺍﻧﺎ ﻣﺎﺣﺎﻭﻟﺖ ﺍﺯﻳﺪ ﻋﻠﻴﻚ
ﺍﻟﺼﺪﻣﺔ ﻭﺍﺣﺮﺟﻚ .. ﻗﻠﺖ ﻣﻊ ﺍﻻﻳﺎﻡ ﺑﻮﺿﺢ ﻟﻴﻚ ..
ﻭﻟﻤﻦ ﺍﻧﺘﻲ ﺑﺎﺩﺭﺗﻲ ﻭﻣﺴﻜﺘﻲ ﻳﺪﻱ .. ﺩﺧﻠﺘﻴﻨﻲ ﻓﻲ ﺣﺘﺔ
ﺿﻴﻘﺔ .. ﺍﻧﺎ ﻭﺿﺤﺖ ﻟﻴﻚ ﺑﻲ ﻛﻞ ﺍﺩﺏ . ﺍﻧﻮ ﺍﻧﺎ ﻋﻨﺪﻱ
ﻣﻮﺿﻮﻉ ﻏﻴﺮ ﻣﻜﺘﻤﻞ . ﻭﺍﻧﺘﻲ ﻗﻠﺘﻲ ﻟﻲ ﺑﻨﺘﻈﺮ ..
ﻳﻤﻜﻦ ﺍﻟﺸﻲ ﺍﻟﻐﻠﻄﺖ ﻓﻴﻬﻮ ﺍﻧﺎ .ﺍﻧﻲ ﺍﻧﻔﻌﻠﺖ ﻣﻦ ﺍﻟﻘﻮﺍﻳﻞ
ﻭﺍﻟﻔﺘﻦ ﺑﺘﺎﻋﺔ ﻧﻮﺳﺔ ﻭﺧﺴﺎﺳﺔ ﻣﺤﻤﺪ ﻳﻮﺳﻒ .. ﺍﻟﺴﻤﻤﻮ
ﻋﻘﻮﻝ ﺍﻟﻨﺎﺱ . ﻭﺍﻟﻨﺎﺱ ﻭﻗﻔﺖ ﺿﺪﻱ ﺑﻐﻴﺮ ﻭﺟﻪ ﺣﻖ . ﻭﺍﻧﺎ
ﻣﺎﻋﻨﺪﻱ ﺍﻱ ﺫﻧﺐ ﻏﻴﺮ ﺍﻧﻲ ﻭﻗﻔﺖ ﻣﻊ ﺍﻟﻤﻈﻠﻮﻡ ..
ﻗﻤﺖ ﻗﻠﺖ ﻛﻼﻣﻲ ﺍﻟﻮﺻﻠﻮﻫﻮ ﻟﻴﻚ ﺩﻩ .. ﺑﺲ ﻋﺸﺎﻥ ﺍﺣﺮﻕ
ﻗﻠﻮﺑﻬﻢ .. ﻟﻜﻦ ﺑﺮﺿﻮ ﺍﻧﺎ ﻏﻠﻄﺎﻥ .. ﻭﻧﺎﺩﻡ ﻭﺑﺘﺄﺳﻒ ﻟﻴﻚ ..
ﻣﺎﻛﺎﻥ ﺍﻗﻮﻝ ﺍﻟﻤﻔﺮﻭﺽ ﺍﻟﻜﻼﻡ ﺩﻩ .. ﻳﺎﺭﻳﺖ ﻟﻮ ﺻﺒﺮﺕ ﻋﻠﻰ
ﺍﻻﺫﻯ ﻭﺳﻜﺖ .. ﻛﻞ ﺩﻣﻮﻋﻚ ﺩﻱ ﻣﺎﻛﺎﻥ ﻧﺰﻟﺖ .. ﺍﻧﺎ ﺍﺳﻒ
ﺑﺎﻟﺠﺪ ﻳﺎﻏﺎﺩﺓ ..
ﻭﺍﻧﺎ ﻫﺴﻲ ﺑﻘﻮﻝ ﻟﻴﻚ .. ﻭﺍﻟﻠﻪ ﻟﻮ ﺍﻟﻘﺼﺔ ﺩﻱ ..ﺣﺼﻠﺖ
ﻗﺒﻞ ﻣﺎ ﺍﻧﺎ ﻳﻜﻮﻥ ﻋﻨﺪﻱ ﺍﻟﻤﻮﺿﻮﻉ ﺍﻟﺤﻜﻴﺘﻮ ﻟﻴﻚ ﺩﻩ .. ﺍﻧﺎ
ﻣﺎﻛﻨﺖ ﺍﺗﺮﺩﺩﺕ ﻟﺤﻈﺔ ﺍﻧﻲ ﺍﻓﻮﺯ ﺑﻴﻚ ﻣﻦ ﺩﻭﻥ ﺍﻟﻜﻞ ..
ﻟﻜﻦ ﺍﻧﺎ ﻣﺮﺗﺒﻂ ﻣﻊ ﺍﻧﺴﺎﻧﺔ .. ﻭﺑﺤﺒﻬﺎ ﺟﺪﺍ " .. ﻣﻊ ﺍﻧﻮ
ﺍﻟﻈﺮﻭﻑ ﻣﺎﻣﻌﺮﻭﻓﺔ .. ﻭﻟﺴﻪ ﻣﺎﻓﻲ ﺷﻲ ﺭﺳﻤﻲ ﻻﻧﻬﺎ
ﻣﺘﺮﺩﺩﻩ .. ﻭﺩﻩ ﺍﻟﺸﻲ ﺍﻟﻤﻀﺎﻳﻘﻨﻲ ﻓﻲ ﺍﻟﻴﻮﻣﻴﻦ ﺩﻳﻞ ..
ﻭﻣﺎﺑﻘﺪﺭ ﺍﺧﻄﻮ ﺍﻱ ﺧﻄﻮﺓ ﻣﻊ ﺍﻧﺴﺎﻧﺔ ﻏﻴﺮﻫﺎ .. ﻓﻲ ﺍﻟﻮﻗﺖ
ﺍﻟﺮﺍﻫﻦ ..
ﻭﺍﻟﻠﻪ ﺑﺤﺘﺮﻣﻚ ﻭﺑﻘﺪﺭﻙ .. ﻭﺍﻱ ﺭﺟﻞ ﻓﻲ ﺍﻟﺪﻧﻴﺎ ﻳﺘﻤﻨﺎﻙ ..
ﺭﺑﻨﺎ ﻳﻜﺘﺐ ﻟﻴﻚ ﺍﻟﺨﻴﺮ ﻓﻲ ﺍﻱ ﻭﺟﻬﺔ ..
ﻏﺎﺩﺓ ﻣﺴﺤﺖ ﺩﻣﻮﻋﻬﺎ ﻭﻗﺎﻟﺖ ﻟﻴﻬﻮ ﺷﻜﺮﺍ ﻟﻴﻚ ﻛﺘﻴﺮ .. ﻋﻠﻰ
ﺍﻟﺘﻮﺿﻴﺢ .. ﻭﺍﻟﻠﻪ ﺭﻳﺤﺘﻨﻲ ﺷﺪﻳﺪ .. ﺍﻟﻠﻪ ﻳﺮﻳﺤﻚ ﺯﻱ
ﻣﺎﺭﻳﺤﺘﻨﻲ ..
ﻭﺧﻼﺹ ﻛﺪﺍ ﻏﺎﺩﺓ ﻋﺮﻓﺖ ﺍﻧﻮ ﻣﺪﺛﺮ ﻣﺎﻋﻨﺪﻭ ﻟﻴﻬﺎ ﻣﺸﺎﻋﺮ
ﻏﺮﺍﻣﻴﺔ .. ﻭﺩﻱ ﺍﻟﺤﺎﺟﺔ ﺍﻟﻤﻔﺮﻭﺽ ﻛﺎﻥ ﻳﻮﺿﺤﻬﺎ ﻟﻴﻬﺎ ﻣﻦ
ﺯﻣﺎﻥ . ﻻﻧﻮ ﺍﻟﻤﺠﺎﻣﻼﺕ . ﻭﺍﻟﻌﺎﻃﻔﺔ ﻓﻲ ﺣﺎﺟﺔ ﺯﻱ ﺩﻱ ..
ﺑﺘﻌﻘﺪ ﺍﻟﻤﺴﺎﺋﻞ .
ﺑﺲ ﺍﻟﺤﺎﺟﺔ ﺍﻟﻐﺮﻳﺒﺔ .. ﺍﻧﻮ ﻏﺎﺩﺓ . ﺣﺼﻞ ﺟﻮﺍﻫﺎ ﺑﺮﻛﺎﻥ ﻣﻦ
ﺍﻟﺤﺐ ﺍﻟﻤﺘﻔﺠﺮ ﺍﻟﻤﺘﺰﺍﻳﺪ ﺟﺪﺍ ..ﻟﻲ ﻣﺪﺛﺮ ﺑﻌﺪ ﻛﻼﻣﻮ ﺍﻻﺧﻴﺮ
ﺩﻩ .. ﻭﻋﺮﻓﺖ ﺗﻤﺎﻡ ﺍﻧﻬﺎ ﻛﺎﻧﺖ ﻇﺎﻟﻤﺎﻫﻮ ﺷﺪﻳﺪ ..
ﻟﻜﻦ ﻃﺒﻌﺎ " ﺍﻱ ﺍﻣﻞ ﺟﻮﺍﻫﺎ ﺑﻲ ﺍﺭﺗﺒﺎﻁ ﺍﺗﺒﺨﺮ ..
ﻭﺍﻟﺸﻲ ﺍﻟﺘﺎﻧﻲ ﺍﻻﻏﺮﺏ ﻣﻦ ﺍﻟﺨﻴﺎﻝ ﺣﺼﻞ ﺻﻠﺢ ﻣﻔﺎﺟﺊ ﺑﻴﻦ
ﻧﻮﺳﺔ ﻭﻏﺎﺩﺓ .. ﻭﺭﺟﻌﻮ ﺍﺻﺤﺎﺏ ﺯﻱ ﻣﺎﻛﺎﻧﻮ ..
ﺍﺗﺎﺭﻳﻬﺎ ﺩﻛﺘﻮﺭﺓ ﻏﺎﺩﺓ ﻋﻨﺪﻫﺎ ﻫﺪﻑ ﻣﻦ ﺍﻟﺼﺤﺒﺔ ﺩﻱ ..
ﻓﻲ ﺍﻟﻴﻮﻣﻴﻦ ﺩﻳﻞ ﺍﻟﻌﻼﻗﺔ ﺑﻴﻦ ﺭﻓﻴﺪﺓ ﻭﺑﻴﻦ ﺍﻟﺸﻔﺎﺗﻴﺔ
ﻛﻮﻳﺴﺔ ﺷﺪﻳﺪ .. ﻭﻛﻞ ﻳﻮﻡ ﺭﻓﻴﺪﺓ ﺑﺘﻘﻮﻝ ﻟﻴﻬﺎ ﺍﻧﺎ ﺍﺗﺼﻠﺖ
ﻋﻠﻴﻬﻮ ﻭﺍﺗﻮﻧﺴﺖ ﻣﻌﺎﻫﻮ .. ﻭﻫﻲ ﻣﺎﺑﻴﻨﻬﺎ ﻭﺑﻴﻦ ﻣﺪﺛﺮ ﺍﻱ
ﺍﺗﺼﺎﻝ .. ﺭﻓﻴﺪﺓ ﺑﻘﺖ ﺗﻜﺮﻩ ﻟﺒﻨﻰ ﻛﺮﺍﻫﻴﺔ ﺍﻟﺘﺤﺮﻳﻢ
ﻭﻟﺒﻨﻰ ﻣﺎ ﻛﺎﺷﻔﺎﻫﺎ .. ﻻﻧﻮ ﺭﻓﻴﺪﺓ ﻣﺠﻴﺪﺓ ﻓﻲ ﺍﻟﺘﻤﺜﻴﻞ
ﺑﻄﺮﻳﻘﺔ ﻓﻈﻴﻌﺔ ..
ﻣﺪﺛﺮ ﻛﻞ ﻳﻮﻡ ﻳﺸﻴﻞ ﺗﻠﻔﻮﻧﻮ . ﻭﻳﻄﻠﻊ ﻗﺎﺋﻤﺔ ﺍﻻﺳﻤﺎﺀ
ﻭﻳﺠﻴﺐ ﺍﺳﻢ ﺭﻓﻴﺪﺓ ﻋﺸﺎﻥ ﻳﺘﺼﻞ ﻋﻠﻴﻬﺎ .. ﺗﺎﻧﻲ ﻳﻐﻴﺮ ﺭﺍﻳﻮ
ﻭﻳﺪﺧﻞ ﺗﻠﻔﻮﻧﻮ ﻓﻲ ﺟﻴﺒﻮ ..
ﻳﻮﻡ ﺍﻟﺤﻜﺎﻳﺔ ﻏﻠﺒﺘﻮ ﻛﻠﻮ ﻛﻠﻮ .. ﻗﺎﻡ ﻣﺸﻰ ﺍﻟﻮﻛﺎﻟﺔ ﺑﻐﻴﺮ
ﺳﺎﺑﻖ ﺍﻧﺬﺍﺭ .. ﻭﻟﻘﻰ ﻣﺤﻤﻮﺩ ﻗﺎﻋﺪ ﺑﺮﺍﻫﻮ ﻭﺳﻠﻢ ﻋﻠﻴﻬﻮ
ﻭﺑﻘﻰ ﻳﺘﻠﻔﺖ ..
ﻣﺤﻤﻮﺩ ﻗﺎﻝ ﻟﻴﻬﻮ ﻛﺎﻳﺲ ﻟﻠﻌﺮﻭﺱ؟ ﺍﻟﻌﺮﻭﺱ ﻃﻠﻌﺖ .. ﻗﺎﻝ
ﻟﻴﻬﻮ ﺍﻟﻌﺮﻭﺱ ﻳﺎﺗﻬﺎ ؟ ﻭﻋﺮﺳﺖ ﻣﺘﻴﻦ؟
ﻗﺎﻝ ﻟﻴﻬﻮ ﺍﻧﺖ ﻣﻮﺵ ﺍﻟﻌﺮﻳﺲ ﺍﻟﻤﺮﺗﻘﺐ . ؟
ﻣﺪﺛﺮ ﻗﺎﻝ ﻟﻴﻬﻮ ﺍﻳﻮﺍﺍﺍ .. ﻣﻌﻠﻴﺶ ﻛﻨﺖ ﻧﺎﺳﻲ ..
ﻭﺍﻟﻠﻪ ﻳﺎﻣﺤﻤﻮﺩ .. ﺭﻓﻴﺪﺓ ﺍﻟﻴﻮﻣﻴﻦ ﺩﻳﻞ ﻣﺘﺠﻨﻨﺔ ﻣﺎﻋﺎﺭﻓﻬﺎ
ﻣﺎﻻ ؟ ﻣﻦ ﻳﻮﻡ ﺍﻟﻜﺎﻥ ﻣﺸﺖ ﻟﻠﻌﺰﺍﺀ .. ﻗﺒﻞ ﺍﺭﺑﻌﺔ ﻳﻮﻡ ﺩﻩ
.. ﻭﻛﺎﻧﺖ ﻗﺎﻓﻠﺔ ﺗﻠﻔﻮﻧﻬﺎ ﻃﻮﻝ ﺍﻟﻴﻮﻡ .. ﺟﺎﺕ ﻣﻦ ﻫﻨﺎﻙ
ﻭﻫﻲ ﻣﺎﻛﻮﻳﺴﺔ ﻛﻠﻮ ﻛﻠﻮ ..
ﻣﺤﻤﻮﺩ ﻗﺎﻝ ﻟﻴﻬﻮ ﻳﺎﺗﻮ ﻋﺰﺍﺀ؟ .. ﻣﺎﻓﻲ ﻋﺰﺍﺀ ﻭﻻ ﺣﺎﺟﺔ .
ﻟﻮ ﻓﻲ ﻋﺰﺍﺀ ﻛﺎﻥ ﻛﻠﻤﺘﻨﻲ ﺑﻴﻬﻮ .. ﺭﻓﻴﺪﺓ ﺍﻟﻴﻮﻡ ﺩﺍﻙ
ﺍﺳﺘﺄﺫﻧﺖ ﻣﺸﺖ ﻧﺎﺱ ﺧﺎﻟﺘﻬﺎ .. ﻭﻛﻞ ﻣﺎﺗﻤﺸﻲ ﻟﻴﻬﻢ ﺑﺘﻘﻔﻞ
ﺗﻠﻔﻮﻧﻬﺎ ﻣﺎﻋﺎﺭﻑ ﻟﻴﻪ ..
ﻣﺪﺛﺮ ﻗﺎﻝ ﻟﻴﻬﻮ ﻃﻴﺐ ﻟﻴﻪ ﻗﺎﻟﺖ ﻟﻲ ﻣﺸﻴﺖ ﻟﻲ ﻋﺰﺍﺀ ؟
ﻗﺎﻝ ﻟﻴﻬﻮ ﺍﺣﺘﻤﺎﻝ ﻋﺸﺎﻥ ﻣﺎﺗﺴﺄﻟﻬﺎ ﻗﺎﻓﻠﺔ ﺗﻠﻔﻮﻧﻬﺎ ﻟﻴﻪ .
ﻗﺎﻝ ﻟﻴﻬﻮ ﻃﻴﺐ ﺍﻧﺖ ﻳﺎ ﻣﺤﻤﻮﺩ ﻟﻴﻪ ﻣﺎﺳﺄﻟﺘﻬﺎ ﻗﻠﺖ ﻟﻴﻬﺎ
ﻟﻤﻦ ﺗﻤﺸﻲ ﻧﺎﺱ ﺧﺎﻟﺘﻚ ﺑﺘﻘﻔﻠﻲ ﺍﻟﺘﻠﻔﻮﻥ ﻟﻴﻪ ..
ﻣﺪﺛﺮ ﻗﻠﺒﻮ ﺍﻛﻠﻮ ﻣﻦ ﺍﻟﺤﺮﻛﺔ ﺩﻱ .. ﻳﺎﺭﺑﻲ ﻓﻲ ﺷﻨﻮ ﺑﺨﻠﻴﻬﺎ
ﺗﻘﻔﻞ ﺗﻠﻔﻮﻧﻬﺎ ؟ ﺛﻢ ﺛﺎﻧﻴﺎ " ﻟﻴﻪ ﻛﺬﺑﺖ ﻋﻠﻲ؟
ﺗﺎﻧﻲ ﺍﺗﺒﺴﻢ ﺑﺮﺍﻫﻮ ﻭﻗﺎﻝ ﺍﻧﺎ ﻣﻦ ﻫﺴﻲ ﺩﺍﻳﺮ ﺍﻗﻌﺪ ﺍﺣﻘﻖ
ﻣﻌﺎﻫﺎ؟؟ ﻭﺍﺷﻚ؟؟ ﻭﻫﻲ ﻟﻐﺎﻳﺔ ﺍﻻﻥ ﻣﺎ ﺍﺩﺗﻨﻲ ﺭﺩ ..
ﻣﺪﺛﺮ ﻗﺎﻝ ﻟﻲ ﻣﺤﻤﻮﺩ ﻭﻫﺴﻲ ﻗﻠﺖ ﻟﻲ ﻃﻠﻌﺖ ﻭﻳﻦ . ؟
ﻗﺎﻝ ﻟﻴﻬﻮ ﺑﺮﺿﻮ ﻣﺸﺖ ﻟﻲ ﻧﺎﺱ ﺧﺎﻟﺘﻬﺎ .. ﻓﻲ ﺟﺒﺮﺓ .
ﺍﻧﺖ ﻋﺎﺭﻑ ﻳﺎﻣﺪﺛﺮ ﺍﻧﺎ ﺍﺗﺬﻛﺮﺕ ﺣﺎﺟﺔ .. ﺭﻓﻴﺪﺓ ﺍﻟﻠﻴﻠﺔ ﻭﻫﻲ
ﻃﺎﻟﻌﺔ ﻗﺎﻟﺖ ﻟﻲ ﻛﻼﻡ ﻏﺮﻳﺐ ﻣﺎﻓﻬﻤﺘﻮ .. ﻭﻣﺎﺭﻛﺰﺕ ﻓﻴﻬﻮ
..
ﻗﺎﻝ ﻟﻴﻬﻮ ﻗﺎﻟﺖ ﻟﻴﻚ ﺷﻨﻮ؟
ﻣﺤﻤﻮﺩ ﻗﺎﻝ ﻟﻴﻬﻮ ﻗﺎﻟﺖ ﻟﻲ ﺍﺩﻋﻲ ﻟﻲ ﻣﻌﺎﻙ ﺍﻧﺎ ﺍﻟﻠﻴﻠﺔ
ﻣﺸﻮﺍﺭﻱ ﻣﺸﻮﺍﺭ ﻣﺼﻴﺮﻱ ..
ﺍﻟﻤﻬﻢ ﻣﺪﺛﺮ ﺫﺍﺗﻮ ﺭﺍﺳﻮ ﺍﺗﻤﻼ ﻓﻲ ﺍﻟﻜﻼﻡ ﺩﻩ .. ﻟﻜﻦ ﻧﺤﻦ
ﻣﻌﺎﻧﺎ ﺍﻻﺧﺒﺎﺭ ﻭﻛﺎﻣﻴﺮﺍ ﺍﻟﺮﺍﻭﻱ ﺍﻟﻌﻠﻴﻢ ﻣﺎﺑﺘﻔﻮﺕ ﺍﻟﺤﺎﺟﺎﺕ
ﺍﻟﺰﻱ ﺩﻱ ..
ﺭﻓﻴﺪﺓ ﻃﺒﻌﺎ ﺍﻟﻴﻮﻡ ﺩﺍﻙ ﺍﺳﺎﺳﺎ ﻣﺎﻣﺸﺖ ﻟﻲ ﻋﺰﺍﺀ ﻭﻻ ﺍﻱ
ﺣﺎﺟﺔ .. ﺩﻩ ﻋﻘﻴﻞ ﺿﺮﺏ ﻟﻴﻬﺎ ﺗﻠﻔﻮﻥ .. ﻭﻗﺎﻝ ﻟﻴﻬﺎ ﻻﺯﻡ
ﺗﺠﻴﻨﻲ ﻋﺎﻳﺰﻙ ﺍﻧﺎ ﻗﺎﻋﺪ ﻓﻲ ﺍﻟﺒﻼﺑﻞ .. ﻭﺭﻓﻴﺪﺓ ﻛﻞ ﻣﺎﺗﻜﻮﻥ
ﻣﺎﺷﺔ ﻟﻲ ﻋﻘﻴﻞ . ﺑﺘﻘﻮﻝ ﻟﻲ ﻣﺤﻤﻮﺩ ﻣﺎﺷﺔ ﻧﺎﺱ ﺧﺎﻟﺘﻲ
ﻓﻲ ﺟﺒﺮﺓ .. ﻭﺍﺳﺎﺳﺎ " ﻣﺎﻋﻨﺪﻫﺎ ﺧﺎﻟﺔ ﻓﻲ ﺟﺒﺮﺓ ..
ﺍﻫﺎ ﻭﻛﺖ ﺗﻤﺸﻲ ﻫﻨﺎﻙ ﺑﺘﻘﻔﻞ ﺗﻠﻔﻮﻧﺎ .. ﻭﻣﺮﺍﺕ ﺑﺘﺨﻠﻴﻬﻮ
ﻳﺎﻓﻲ ﺍﻟﺒﻴﺖ ﻳﺎﻓﻲ ﺍﻟﻤﻜﺘﺐ ﻭﺑﻜﻮﻥ ﻣﻘﻔﻮﻝ ..
ﻻﻧﻬﺎ ﺻﺪﺍﻗﺎﺗﻬﺎ ﻛﺘﻴﺮﺓ ﻣﻊ ﺍﻻﻭﻻﺩ .. ﻭﻟﻮ ﺟﺎﻫﺎ ﺗﻠﻔﻮﻥ
ﻭﻫﻲ ﻗﺎﻋﺪﺓ ﻣﻊ ﻋﻘﻴﻞ ﺻﺒﺎﺣﻬﺎ ﺍﺻﺒﺢ .. ﻻﻧﻮ ﻋﻘﻴﻞ ﺯﻭﻝ
ﺍﺧﻼﻗﻮ ﺿﻴﻘﺔ .. ﻭﺯﻫﺠﺎﻥ .. ﺑﻜﻔﺖ ﻃﻮﺍﻟﻲ .. ﺯﻭﻝ
ﺍﺧﺪﺭﺍﻧﻲ ﻛﺪﺍ ﻃﻮﻳﻞ . ﻭﻋﺎﺗﻲ ﻭﻣﻔﺘﺢ ﺯﺭﺍﻳﺮﻭ ..
ﻭﺑﻜﻮﻥ ﻛﺎﻓﻲ ﻓﺮﺩﻩ ﺭﺟﻞ ﻭﺍﺣﺪﻩ ﻣﻦ ﺍﻟﺒﻨﻄﻠﻮﻥ . ﺯﻱ ﺍﻟﺰﻭﻝ
ﺍﻟﻤﺎﺳﻜﻠﻮ ﻣﻮﻳﺔ ..
ﺍﻫﺎ ﻳﺎﺯﻭﻝ ﺑﺘﻜﻮﻥ ﻣﻌﺎﻫﻮ ﻭﺗﻠﻔﻮﻧﻬﺎ ﻣﺎﻓﻲ .. ﻭﻛﻞ ﻣﺮﺓ
ﺑﺘﺤﺠﺞ ﻟﻴﻬﻮ ﺑﻲ ﺣﺠﺔ .. ﻣﺮﺓ ﺗﻠﻔﻮﻧﻲ ﻓﻲ ﺍﻟﺘﺼﻠﻴﺢ ﻭﻣﺮﺓ
ﻧﺴﻴﺘﻮ ﻓﻲ ﺍﻟﺒﻴﺖ ﻭﻣﺮﺓ ﺷﺎﻟﺘﻮ ﺍﻣﻲ ..
ﺍﻫﺎ ﺍﻟﻴﻮﻡ ﺩﺍﻙ ﻛﺎﻥ ﻣﺸﺖ ﻟﻴﻬﻮ ﻭﺍﺗﺸﺎﻛﻞ ﻣﻌﺎﻫﺎ ﻭﺳﺐ ﻟﻴﻬﺎ
ﺍﻟﺪﻳﻦ ﻭﺗﻔﻪ ﻟﻴﻬﺎ ﻓﻲ ﻭﺷﻬﺎ . ﺑﻲ ﺳﺒﺐ ﻣﺒﺎﺭﺗﻬﺎ ﻟﻲ ﻟﺒﻨﻰ
.. ﻻﻧﻪ ﺑﻌﺮﻑ ﻟﺒﻨﻰ ﻭﻣﻦ ﺯﻣﺎﻥ ﻗﺎﻝ ﻟﻴﻬﺎ ﺗﺎﻧﻲ ﻣﺎ ﺍﺷﻮﻓﻚ
ﻣﻌﺎﻫﺎ ..
ﺍﻫﺎ ﻣﻦ ﺍﻟﻴﻮﻡ ﺩﺍﻙ ﺑﻘﺖ ﺗﻌﻤﻞ ﻓﻲ ﻣﻘﺎﺭﻧﺎﺕ ﺑﻴﻦ ﻣﻌﺎﻣﻼﺕ
ﻣﺪﺛﺮ ﻭﻣﻌﺎﻣﻠﺔ ﻋﻘﻴﻞ . ﻭﺍﻻﺧﻼﻕ .. ﻭﻃﻠﻌﺖ ﺑﻲ ﻧﺘﻴﺠﺔ 10
ﺻﻔﺮ ..
ﻣﺪﺛﺮ ﺍﻟﻮﺟﺎﻫﺔ ﻭﺍﻻﺧﻼﻕ ﻭﺍﻟﺪﻳﻦ ﻭﺍﻟﺘﻌﺎﻣﻞ ﻭﺍﻟﻌﻠﻢ
ﻭﺍﻟﻘﺮﻭﺵ .
ﻭﻋﻘﻴﻞ ﺍﻟﺸﻨﻪ ﻭﺍﻟﺰﻫﺞ ﻭﺍﻟﻔﺴﻮﻕ . ﻭﺍﻟﻬﻨﺠﻬﻴﺔ . ﻭﺍﻟﺠﻬﻞ
ﻭﺍﻟﻔﻠﺲ .. ﻭﻗﺮﺭﺕ ﺍﻧﻬﺎ ﺗﺒﺪﺍ ﻣﻊ ﻣﺪﺛﺮ ﺑﺪﺍﻳﺔ ﺣﻘﻴﻘﻴﺔ
ﻭﺟﺎﺩﺓ .. ﺧﺼﻮﺻﺎ ﻛﻞ ﻳﻮﻡ ﺑﺪﻳﻬﺎ ﻛﻼﻡ ﺍﺣﻠﻰ ﻭﺍﺟﻤﻞ ﻣﻦ
ﺍﻟﻘﺒﻠﻮ ..
ﻋﺸﺎﻥ ﻛﺪﺍ ﻗﺎﻟﺖ ﻟﻴﻬﻮ ﺗﺪﻳﻨﻲ ﻓﺮﺻﺔ ﺍﻋﻴﺪ ﺗﻔﻜﻴﺮﻱ .. ﻭﻫﻲ
ﺍﺻﻼ ﻋﺎﻳﺰﺓ ﺗﺘﺨﺎﺭﺝ ﻣﻦ ﻣﺸﻜﻠﺔ ﻟﺒﻨﻰ . ﻭﻣﻦ ﻋﻼﻗﺔ ﻋﻘﻴﻞ
..
ﻓﻲ ﺍﻟﻤﺨﺎﺭﺟﺔ ﻣﻦ ﻟﺒﻨﻰ ﻓﺸﻠﺖ ﻃﺒﻌﺎ ﺯﻱ ﻣﺎ ﻣﺘﺎﺑﻌﻴﻦ ..
ﻭﻟﺒﻨﻰ ﻣﺴﻜﺘﻬﺎ ﻣﻦ ﻳﺪﻫﺎ ﺍﻟﺒﺘﻮﺟﻌﻬﺎ ..
ﻭﻫﺴﻲ ﺍﻟﻠﻴﻠﺔ ﺭﻓﻴﺪﺓ ﺑﺎﻟﺬﺍﺕ ﻣﺸﺖ ﺗﺼﻔﻲ ﺍﻣﻮﺭﻫﺎ ﻣﻊ
ﻋﻘﻴﻞ ﻭﺗﺘﻔﺮﻍ ﻟﻲ ﻟﺒﻨﻰ .. ﺗﺨﻄﻴﻂ ﻋﺠﻴﺐ .. ﻏﺎﻳﺘﻮ ﺍﻟﻨﺎﺱ
ﺩﻳﻞ ﻛﺎﻥ ﺑﻘﻮﻫﻢ ﻭﺯﺭﺍﺀ ﻛﺎﻥ ﺍﻟﺒﻠﺪ ﺩﻱ ﺑﻘﺖ ﻣﻦ ﺩﻭﻝ
ﺍﻟﻐﺮﺏ .. ﻫﻬﻪ
ﺍﻫﺎ ﺯﻱ ﺍﻣﺒﺎﺭﺡ ﺭﻓﻴﺪﺓ ﺍﺗﺼﻠﺖ ﻋﻠﻰ ﻋﻘﻴﻞ ﻟﻴﻬﺎ ﻳﻮﻣﻴﻦ
ﺯﻋﻼﻧﺔ ﻣﻨﻮ ﻭﻣﺎ ﺑﺘﺘﻜﻠﻢ ﻣﻌﺎﻫﻮ .. ﻭﻛﺮﻫﺘﻮ ﺑﻲ ﺍﻟﻠﻪ ﻭﺍﺣﺪ
..
ﻗﺎﻟﺖ ﻟﻴﻬﻮ ﺍﻧﺎ ﺑﻜﺮﺓ ﺟﺎﻳﺎﻙ .. ﻳﺎﻋﻘﻴﻞ .. ﻻﺯﻡ ﺗﻨﺘﻈﺮﻧﻲ
ﺟﻤﺐ ﺍﻟﻘﺮﻣﻮﺷﻲ . ﺩﻩ ﻣﺤﻞ ﻓﻲ ﺍﻟﺠﻴﻬﺎﺕ ﺩﻳﻚ ﻋﻠﻰ ﺷﺎﺭﻉ
ﻋﺒﻴﺪ ﺧﺘﻢ ..
ﻭﺍﺧﺘﺎﺭﺕ ﺍﻟﻤﺤﻞ ﺩﻩ ﻣﺨﺼﻮﺹ .. ﻋﺸﺎﻥ ﺍﻟﺰﻭﻝ ﺩﻩ ﺍﺣﺘﻤﺎﻝ
ﻳﻔﻘﺪ ﺍﻋﺼﺎﺑﻮ ﻭﻳﻀﺮﺑﻬﺎ ﻭﻻﺣﺎﺟﺔ .. ﻗﺎﻟﺖ ﻻﺯﻡ ﺍﻛﻮﻥ ﻣﻊ
ﺍﻟﻨﺎﺱ .. ﺍﻗﻞ ﺣﺎﺟﺔ ﻳﺤﺠﺰﻭﻧﻲ ﻣﻨﻮ !!..
ﻗﻮﻟﻴﻬﺎ ﻋﻠﻴﻚ ﺍﻟﻠﻪ ﺍﻧﺘﻲ ﻟﻮ ﻣﺎﻣﻐﻔﻠﺔ ﺩﻩ ﺑﺸﺮ ﺑﺘﻌﺎﺷﺮ ؟
ﻏﺎﻳﺘﻮ ﻓﻲ ﺑﻨﺎﺕ ﻣﺎﻋﻨﺪﻫﻦ ﻃﺎﻳﻮﻕ ( ﻣﺦ ) ﻛﻠﻮ ﻛﻠﻮ ..
ﻏﺎﻳﺘﻮ ﻳﺎﺯﻭﻝ ﻣﺸﺖ ﻟﻘﺘﻮ ﻣﻨﺘﻈﺮﻫﺎ ﻭﺻﺎﺭﻱ ﻭﺷﻮ ﺯﻱ ﺍﻟﻔﻲ
ﺯﻭﻝ ﻣﺸﺎﻛﻠﻮ .. ﻗﺎﻝ ﻟﻴﻬﺎ ﺍﻫﺎ ﻓﻲ ﺷﻨﻮ ؟ ﺗﺎﻧﻲ ﺟﺒﺘﻲ
ﻟﻲ ﺷﻨﻮ ﻣﻦ ﺍﻟﻜﻮﺍﺭﺙ ..
ﺷﻜﻠﻮ ﺍﻟﺰﻭﻝ ﺩﻩ ﻣﺴﺘﻘﻞ ﻗﺼﺔ ﺍﻧﻬﺎ ﺑﺘﺤﺒﻮ ﻟﺪﺭﺟﺔ ﺍﻟﺠﻨﻮﻥ
ﻭﻣﺎﻗﺎﺩﺭﺓ ﺗﺘﺨﻼ ﻋﻨﻮ .. ﻋﺸﺎﻥ ﻛﺪﺍ ﻻﺑﺴﻬﺎ ﺧﺎﺗﻢ ..
ﻃﺒﻌﺎ ﻓﻲ ﺣﻜﺎﻳﺔ ﻏﺮﻳﺒﺔ ﺑﺘﺤﺼﻞ ﻟﻮ ﺍﻧﺘﻮ ﻣﺘﺎﺑﻌﻴﻦ ﺍﻻﻭﺿﺎﻉ
.. ﻓﻲ ﺍﻭﻻﺩ ﻓﻲ ﺍﻟﺰﻣﻦ ﺩﻩ . ﻻﻣﻦ ﺍﻟﻮﺍﺣﺪ ﺍﻟﺒﺖ ﺗﺘﻌﻠﻖ
ﺑﻴﻬﻮ . ﻭﺗﺤﺴﺴﻮ ﺑﻲ ﻛﺪﺍ . ﺑﻔﺘﺮﻱ ﻭﺑﺤﻘﺮ ﺑﻴﻬﺎ ﺣﻘﺎﺭﺓ ﺷﺪﻳﺪﺓ
ﺧﻼﺹ .. ﺍﻭﻝ ﻣﺎﻳﺤﺲ ﺍﻧﻬﺎ ﺗﻐﻴﺮﺕ ﻣﻨﻮ .. ﻭﺭﻓﻌﺖ
ﺍﻟﺸﺎﻛﻮﺵ . ﻳﻘﻌﺪ ﻳﺘﺒﻜﻰ ﻭﻳﺘﻌﺎﻭﺭ ..
ﺍﻫﺎ ﺑﺎﻟﻈﺒﻂ ﺩﻩ ﺍﻟﺤﺼﻞ ﻫﻨﺎ .. ﺑﻌﺪ ﻣﺎﻗﻌﺪﻭ ﺭﻓﻴﺪﺓ ﻗﺎﻟﺖ
ﻟﻴﻬﻮ ﺷﻮﻑ .. ﻳﺎﻋﻘﻴﻞ ﺭﻭﻕ ﺩﻣﻚ ﻭﺧﻠﻴﻚ ﻫﺎﺩﻱ .. ﺍﻧﺎ
ﻋﺎﻳﺰﺓ ﺍﺗﻜﻠﻢ ﻣﻌﺎﻙ ﻛﻼﻡ ﻣﺼﻴﺮﻱ .. (ﻳﺎﺍﺍﺍﺍﺩﻱ ﺍﻟﻤﺼﻴﺮﻳﺔ
ﺍﻟﻠﻴﻠﺔ )
ﺍﻭﻝ ﺣﺎﺟﺔ ﻳﺎ ﻋﻘﻴﻞ ﺍﻧﺎ ﺻﺢ ﺣﺒﻴﺘﻚ ﻭﺍﺗﻌﻠﻘﺖ ﻓﻴﻚ .. ﻭﻛﻨﺖ
ﺟﺎﺭﻳﺔ ﻭﺭﺍﻙ . ﺗﺸﺎﻛﻠﻨﻲ ﻭﺍﺳﻜﺖ .. ﺗﻨﻬﺮﻧﻲ ﻭﺗﺬﻟﻨﻲ ﻭﺑﺼﺒﺮ
.. ﻻﻧﻲ ﺣﺒﻴﺘﻚ ﻭﺍﺗﻤﻨﻴﺖ ﺍﻋﻴﺶ ﻣﻌﺎﻙ ﺣﻴﺎﺗﻲ .. ﻟﻜﻦ ﺭﺑﻨﺎ
ﻣﺎﺗﻢ ﻟﻲ ﻣﻨﺎﻱ . ﻭﺍﻧﺎ ﻣﺒﺴﻮﻃﺔ ﺍﻧﻮ ﺭﺑﻨﺎ ﻣﺎﺗﻢ ﻟﻲ ﻣﻨﺎﻱ .
ﻻﻧﻲ ﺑﺎﻟﺠﺪ ﻟﻮ ﻣﻨﺎﻱ ﺍﻧﺘﻤﻪ ﻛﺎﻥ ﺡ ﻳﻜﻮﻥ ﺍﺳﻮﺀ ﺍﻣﻨﻴﺔ
ﺗﺘﺤﻘﻖ ﻓﻲ ﺣﻴﺎﺗﻲ .. ﺍﻧﺎ ﻛﻨﺖ ﺳﺎﻣﻌﺔ ﺍﻧﻮ ﺍﻟﺒﺤﺐ ﻣﺎﺑﻜﺮﻫـ
.. ﻟﻜﻦ ﺑﺎﻟﺠﺪ ﺍﻟﻨﻈﺮﻳﺔ ﺩﻱ ﻏﻠﻂ .. ﺍﻧﺎ ﺑﻘﺪﺭ ﻣﺎﺣﺒﻴﺘﻚ
ﻳﺎﻋﻘﻴﻞ .. ﻛﺮﻫﺘﻚ ﻣﻦ ﺟﻮﺓ ﻗﻠﺒﻲ .. ﻭﻣﺎﻋﺎﻳﺰﺓ ﻣﻌﺎﻙ ﺍﻱ
ﺍﺭﺗﺒﺎﻁ .. ﻭﺍﻱ ﺷﻲ ﺑﻴﻨﻲ ﻭﺑﻴﻨﻚ ﺍﻋﺘﺒﺮﻭ ﺍﻧﺘﻬﻰ ﻭﻣﻦ
ﺍﻟﻠﺤﻈﺔ ﺩﻱ .. ﺍﻟﺰﻭﻝ ﺩﻩ ﻗﻌﺪ ﻳﺮﺟﻒ ﺯﻱ ﺍﻟﻘﺼﺒﺔ ..
ﻭﻫﻲ ﻃﺒﻌﺎ " ﺧﺎﻓﺖ ﺧﻮﻑ ﺷﺪﻳﺪ ﺧﻼﺹ ﺍﻧﻮ ﻳﻀﺮﺑﻬﺎ ﺑﻲ
ﺣﺎﺟﺔ ..
ﻭﺑﻘﺖ ﻣﺴﺘﻌﺪﻩ ﺍﻧﻬﺎ ﺗﺤﻤﻲ ﺭﻭﺣﻬﺎ ﺑﻴﺪﻫﺎ .. ﻟﻮ ﺿﺮﺑﻬﺎ ﻓﻲ
ﻭﺷﻴﻬﺎ ﻭﻻ ﺣﺎﺟﺔ ﺑﻠﻔﺖ ﻟﻴﻬﺎ ﻭﺷﻬﺎ .. ﺑﺲ ﺍﻟﺰﻭﻝ ﺩﻩ
ﻣﺎﺿﺮﺑﻬﺎ ﺍﻧﻘﺪﺍ ﺑﺎﻟﺒﻜﺎ ﻭﺍﻟﺠﻮﺍﻋﻴﺮ ..
ﻭﺑﻘﺖ ﺗﺴﻜﺖ ﻓﻴﻬﻮ ﻭﺗﺼﺒﺮ ﻓﻴﻬﻮ .. ﺍﺟﻲ ﺩﻩ ﺷﻨﻮ ﻳﺎ ﻋﻘﻴﻞ
. ؟ ﻋﻘﻴﻞ ﺍﻟﻨﺎﺱ ﺑﻌﺎﻳﻨﻮ ﻟﻴﻨﺎ ..
ﻋﻘﻴﻞ ﺧﻠﻴﻚ ﻋﺎﻗﻞ ﻭﺑﻄﻞ ﺍﻟﻌﻮﺍﺭﺓ ﺩﻱ ..
ﻭﺑﻘﻰ ﻳﺘﻨﺎﻳﺺ ﺍﻟﺘﻘﻮﻝ ﻣﺎ ﺍﻟﺮﺍﺟﻞ ﺍﻟﻔﺎﺗﺢ ﺯﺭﺍﻳﺮﻭ ﻗﺒﻴﻞ ﺩﺍﻙ
.. ﻭﺍﻧﺎ ﻭﺍﻟﻠﻪ ﺍﺳﻒ ﻳﺎﺭﻓﻴﺪﺓ .. ﻭﺍﻟﻠﻪ ﺍﻧﺎ ﺍﻟﻤﺮﺓ ﺍﻟﻔﺎﺗﺖ
ﺍﻧﻔﻌﻠﺖ ﺑﺲ .. ﻭﻓﻘﺪﺕ ﺍﻋﺼﺎﺑﻲ . ﻭﺍﻟﻠﻪ ﺗﺎﻧﻲ ﻣﺎﺑﻌﻤﻞ ﻛﺪﺍ
.. ﻭﺑﺒﻜﻲ ﺑﻲ ﺻﺤﻮ ﻭﻧﺼﺎﺣﻮ .. ﺍﻟﺪﻣﻮﻉ ﻭﺍﻟﻤﺨﺎﺧﻴﺖ ﺩﻱ
ﻣﺎﺗﺪﻳﻚ ﺍﻟﺪﺭﺏ ..
ﻏﺎﻳﺘﻮ ﻓﻲ ﺍﻭﻻﺩ ﻛﺪﺍ ﻋﺒﺎﺭﺓ ﻋﻦ ﻫﻴﺎﻛﻞ ﺑﺪﻭﻥ ﺍﻱ ﺭﺟﺎﻟﻪ .
ﺍﻟﻮﺍﺣﺪ ﺍﻗﻞ ﺍﻣﺘﺤﺎﻥ ﻳﺨﻠﻴﻬﻮ ﻳﻬﺘﺰ ﻭﻳﻔﻘﺪ ﻋﺰﻳﻤﺘﻮ ..
ﻭﺭﻓﻴﺪﺓ ﺗﺘﻠﻔﺖ ﻭﺗﻌﺎﻳﻦ ﻟﻠﻨﺎﺱ .. ﻭﺗﺘﻜﻠﻢ ﻣﻌﺎﻫﻮ ﺑﺮﺍﺣﺔ ﻛﺪﺍ
.. ﻋﻘﻴﻞ ﺍﻟﻠﻪ ﻳﺨﻠﻴﻚ ﺧﻼﺹ ﺧﻼﺹ .. ﺍﻧﺎ ﺍﺳﻔﺔ ﻣﺎﺯﻋﻼﻧﺔ
ﻣﻨﻚ .. ﺧﻼﺹ ﺍﻧﺎ ﻣﺎﺷﺔ ﺑﺘﺼﻞ ﻋﻠﻴﻚ ﺑﻌﺪﻳﻦ .. ﻭﻫﻮ
ﻣﺎﺳﻜﻬﺎ ﻣﻦ ﻳﺪﻫﺎ ﻭﺑﻘﻮﻝ ﻟﻴﻬﺎ ﻋﻠﻴﻚ ﺍﻟﻠﻪ ﺗﻘﻌﺪﻱ ﺩﻗﻴﻘﺔ
.. ﻋﻠﻴﻚ ﺍﻟﻠﻪ ﺗﺮﺿﻲ ﻣﻨﻲ ..
ﻭﻫﻲ ﺑﺘﻘﻮﻝ ﻟﻴﻬﻮ ﻋﻘﻴﻞ ﺍﻟﻠﻪ ﻳﺨﻠﻴﻚ ﻓﻚ ﻟﻲ ﻳﺪﻱ ﺍﻟﻨﺎﺱ
ﺑﻌﺎﻳﻨﻮ ﻟﻴﻨﺎ ..
ﻓﻲ ﺍﻟﻠﺤﻈﺔ ﺩﻱ ﻣﺰﻣﻞ ﺍﺧﻮ ﻣﺪﺛﺮ ﺟﺎﺀ . ﻭﻗﻒ ﺑﻲ ﻋﺮﺑﻴﺘﻮ
.. ﻭﻭﻟﻤﻦ ﺷﺎﻑ ﺭﻓﻴﺪﺓ ﺑﻘﻰ ﻣﺒﻬﻮﺕ ﻳﻌﺎﻳﻦ ﻟﻴﻬﺎ ﺧﺎﻟﻄﺔ
ﻟﻴﻬﺎ ﻭﺍﺣﺪ ﺯﻱ ﺟﻮﻥ ﺳﻴﻨﺎ .. ﻭﻛﻤﺎﻥ ﻣﺎﺳﻜﻬﺎ ﻣﻦ ﻳﺪﻫﺎ ..
ﺍﻟﻠﻴﻠﺔ ﻭﺍﻟﻠﻴﻠﺔ ﻳﺎﺭﺑﻲ


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 05-Apr-15, 05:40   #43
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




الحلقة 13 ..
بقلم طارق اللبيب ،،
مزمل يتفجأ بالمشهد النادر .. اتخيل الزول ده جاي من على الكوبري .. يعني متجه جنوب .. ماعارف وقف لشنو . احتمال داير ياكل حاجة .. بعد نزل وشاف المنظر واتخلع . والهجمة عملت ليهو مخولة في راسو .. طوالي ركب عربيتو راجع واتخارج .. واصل طريقو ماشي على سوبا .. ضرب لي مدثر .. يامدثر انت وين .؟ قال ليهو انا في الوكالة مع محمود .. قال ليهو يعني الليلة ماشغال؟ ..
طيب داير اسألك .. رفيدة خطيبتك المرتقبة وين؟ .. موجودة في الوكالة؟ .. قال ليهو ابدأ قالو مشت ناس خالتها ..
قال ليهو يازول خالتها وين؟ .. الزولة دي بتلعب يا مدثر .. الزولة دي انا هسي شفتها في شارع عبيد ختم . في محل اسمو القرموشي وفي واحد ماسكها من يدها ..
مدثر قال ليهو واحد منو؟ وانت عملت شنو؟ ليه مامشيت شفتو ده منو .احتمال زول بضايق فيها ..
قال ليهو والله يامدثر ماشكلو بضايق فيها .. اي نعم هي زعلانة شكلها لكن الظاهر بتعارفو .. المهم يامعلم انت لازم تشوف الحنك ده شنو..
ماتكون البت دي بتلعب علي حبلين .لانو البنات في الزمن بقن اسكت ساي ..
مدثر قال ليهو ماتشيل هم .. هي اساسا" اليومين متغيرة .. اظنها شافت ليها شوفة .. لكن انا ما ماشي من هنا الاتجي .. واخد منها الخبر النجيض .. وابقى على بينة يا ابيض يا اسود .. لانها خاتاني في الانتظار ..
طيب خلي مدثر منتظر البت ..
نمشي المستشفى .. ونشوف معاناة المرضى العلنية .. ومعاناة الدكتورة غادة السرية ..
طبعا زي ماحكيت ليكم قبل كدا .. غادة عملت علاقة طيبة مع نوسة السوسة .. وشكلها عندها هدف كبير من العلاقة دي .. شوفو الهدف شنو........
قالت لي نوسة .. عارفة يانوسة .. تتذكري يوم مدثر قال للدكاترة انا عندي علاقة جادة مع غادة؟
قالت ليها ايوة قال .. قالت ليها والله الزول ده كذاب .. وانا قدر ما اتقربت منو .. هو ماشي نافر مني .. والله تعبت وراهو وجريت لامن نفسي انقطع ..
قالت ليها ليه طيب ؟؟ بس مالو يعني؟؟ انتي اي راجل بتمناك والله ياغادة ..
قالت ليها الزول ده مشكلتو حاجة واحدة .. مشكلته محمد يوسف .. قال لي ده صاحبي الوحيد .. مقاطعني بي سببك ..
وقال لي انا يا غادة لو عملت معاك ارتباط .. مافي زول تاني بيثق في الخوة .. والناس مابحترموني ..لاني بكون خنت صاحبي .. انا مابقدر اواصل معاك .. وهسي مقاطعني نهائي والله يانوسة .. والسبب الوحيد محمد يوسف ..
طبعا" لاحظوو ..نوسة بقت متعلقة بي محمد .. غايتو ماشين سوه مامعروف بيناتهم في شنو .؟ .. لكن شكلها نوسة عايزاهو ..
وبقت تفكر . انو مادام مدثر رفض غادة .. احتمال غادة ترجع تاني تقلع منها محمد يوسف ههههههه ..
وخافت شديد من الحتة دي .. وبقت تفكر .. وقلقت وتفرك في يديها زي الزول المنتظر ليهو معاينة ..
من ساعتها ديك مشت تفتش لي محمد يوسف .. لمت فيهو وقالت ليهو انا دايراك في موضوع ضروري ..
قالت ليهو طبعا يا محمد .. نحن مدثر ده كنا ظالمنو شديد.. طبعا غادة قبل كدا فهمتني .. من خلال كلامها .. انها حتخليك عشان مدثر .. لكن هسي عارف غادة قالت لي شنويامحمد ؟ ؟؟
قال ليها اها قالت ليك شنو؟
قالتليهو .. غادة قالت لي والله يانوسة .مدثر ماكان بنظر لي الا زي اختو وبس .. وطيلة فترتي ماحصل قال لي كلمة فيها اشارة لي ارتباط ..
حتى بعد اتفارقنا انا ومحمد يا نوسة .. مدثر رافض يربط معاي اي علاقة .. عشان مايفقد محمد يوسف .. وبشوف نفسه كانه خانه ..
محمد قال ليها يعني هسي غادة ومدثر مابينهم اي علاقة؟؟
قالت ليهو ابدا يامحمد .. والله رافضها رفض شديد .. وكلو عشانك انت .. والله حننوني شديد يامحمد .. عشان خاطري يامحمد .. امشي صالح مدثر.. واتكلم معاهو عادي .. وحاول فهمو انك انت اتخليت عنها ..وخليهو مايتحسس .. زي ما انا قلت لي غادة كدا قبل كدا .. ورجعهم لي بعض
محمد يوسف .. سرح مسافة كدا .. وقال ليها بس يانوسة.. انتي قبل كدا كنتي مصرة انو مدثر هو الخرب راس غادة .. عشان تخليني ..
قالت ليهو والله بس ده هو الكلام الفهمتو منها .. قال ليها يانوسة انتي متذكرة تفاصيل كلامك القلتيهو لي قبل كدا كله ؟
قالت ليهو ابدا والله .. ما متذكراهو ..
قاليها كلامك الاول بختلف عن كلامك ده. اختلاف المشرق للمغرب ..
خسارة انا البسمع كلام البنات .. وانا ح ارجع لي مدثر .. واتأسف ليهو .. وبشرح ليهو كل حاجة ماتشيلي هم ..
بس انا ماندمان على اني خربت علاقتي مع مدثر.. مدثر انسان جواهو طيب وممكن يرجع .. انا ندمان على كلامي القلتو للزملاء .. وعكست ليهم صورة مدثر بطريقة تخلي اي زول ينفر منه .. والله يانوسة انتي زولة سيئة والله .. وانا كنت مصدقك في اي كلمة قلتيها .. لاني كنت واثق فيك ثقة غريبة .. جميل جميل .. سبحان الله ..
انا والله كنت حاسي انو .. كلام مدثر القالو قدامنا كلنا داك .. كلام زعل . لانو ماشايف اي تلازم ولاتناغم بينو وبين غادة ..
لكن مشكلتي كنت مصدق كلامك انتي .. المهم قالو اللوم بجي بالغفلات ..
وفات مشى خلاها ..
طبعا في اليوم ده مدثر مافيش (اوف) .. والان هو منتظر رفيدة تجيهو في الوكالة ..
اول من جات رفيدة لقت مدثر قاعد الكلام ده زي الساعة واحدة وشوية ضهر ..
طبعا اتخلعت واتفاجأت بدون لوجود مدثر اي سبب .. وسلمت عليهو ..قالت الليلة ماعاكم الدكتور ..؟؟ ووااي انا من السخانة والزحمة والمواصلات ..
طبعا مدثر بعاين ليها بي طرف عينو .؟
ومحمود في دخل على المكتب جوة .. اها ياجماعة نحن في حاجة ما قلناها .. قبيل لمن مزمل اتصل على اخوهو الدكتور ووراهو ..
الدكتور ماكلم محمود بي فحوى الاتصال ..
اها يازول مدثر صلح قعدتو .. وعايز يتكلم معاها .. لكن ماعارف يبدأ ليها بشنو ولا شنو؟
يبدا ليها .. بي موضوعها الاول .. ويسألها بقت على ياتو راي . ولايسألها من المشوار البتقفل فيهو التلفون ده شنو؟
وجوة طبعا صوت المكيف مابخلي محمود يسمع الكلام البرة ..
قالت ليهو كيفك يا دكتور؟؟ .. وقامت من الكنبة مشت المبرد.. قطعت ليها كوزين موية لامن شالت نفسها .. ههه تعب شديد ..
وجات قعدت.. اها يامدثر امورك شنو ؟ ماحكيت لي .. والليلة زاير ولا غاير .؟
قال ليها رفيدة .. انتي لسه ما اديتيني خبرك .. بقيتي على شنو؟
قالت ليهو ياتو خبر يامدثر ؟ نحن مش انتهينا من الكلام ده ؟
قال ليها يعني تاني مافي اي امل في الموضوع ..
قالت ليهو والله الامل في الله موجود .. والعشم عمرو يوم ما انقطع من رحمة ربنا .. بس هسي انا زي ماكلمتك عندي مواضيع بصفي فيها ومامعروف اخلص متين ..
قال ليها انتي هسي جاية من وين تعبانة كدا ؟ ووشك مختوف زي الكنتي شغالة اعمال شاقة ..
قالت ليهو جاية من ناس خالتي في جبرة . قال ليها خالتك في جبرة البوديك شارع عبيد ختم شنو؟ محلات القرموشي كمان ...
قالت ليهو شارع عبيد ختم؟ القرموشي ؟؟ القال ليك منو؟
قال ليها انتي الليلة ماحصل مشيتي لي شارع عبيد ختم ؟
قالت ليهو انت يامدثر بتراقبني ولاحاجة؟ .. والله دي حكاية غريبة ..
بعدين امشي جبرة او عبيد ختم ؟ او اي حتة انت موضوعك بالضبط شنو؟ ..
بعدين انت منو عشان تحقق معاي ؟
قال ليها لالا .. اهدي ياست البنات .. ماتزعلي روحك .. بس لانو في زول شافك في شارع عبيد ختم .. ومعاك زول .. ودي حاجة بتهمني .. لو الكلام ده صحيح .. يبقى انا لازم احترم نفسي وابعد من حياتك ..
قالت ليهو ايوة صحيح ..
قال ليها بس كان المفروض تحكي لي.. تقولي لي انا لقيت زول غيرك احسن منك .. مش تخليني عايش على امل ..
قالت ليهو الحقيقة يامدثر .. انت ما الزول البتخلو عنك لاي انسان تاني .. الزول ده زول كان في حياتي.. وما راضي يبعد مني .. وانا مشيت ليهو مخصوص الليلة .. عشان اقطع علاقتي بيهو عشانك انت ..
قال ليها طيب انا اصدقك كيف؟ .. الزول البكذب مرة واحدة ممكن يكذب مرتين وتلاتة وعشرة ..
قالت ليهو ليك الحق تصدق او تكذب .. بس انا قلت ليك كل العندي ..
بس ياجماعة .. خلاص اتلاشى جواهو اي تصديق للانسانة دي ..
وبقى يقول ليها خير خير .. يارفيدة ان شاء الله خير .. مافي عوجة ..
والحاجات جواهو بدت تتكسر واحدة واحدة ..
فجأة كدا في زول جاء ... منووووو؟؟
عقيل جا داخل الوكالة .. ومنزعج جدا .. لقاهم قاعدين بتكلمو مع بعض ..
السلام عليكم ..
رفيدة الله يخليك انا عايز اتكلم معاك ..
ومدثر نطط عيونو وبقى يعاين للزول ..
رفيدة قالت ليهو عقيل انت حصلتني لي غاية هنا ..؟
عقيل انا كلمتك الشي البيني وبينك انتهى .. الله يخليك تبعد من حياتي
وهو يقول ليها بس انتي اديني فرصة واحدة .. برجع والله بس فرصة واحدة ..
قالت ليهو ماحكاية فرصة .. ومافرصة انت زول كويس وماعندك اي عيب بس انا ماعايزاك .. انت ماعندك كرامة لروحك هو شنو هو ؟؟ بالجبرية الحكاية دي؟؟
قال ليها بس انتي اسمعيني لمدة خمس دقايق وتاني قرري ..
قالت ليهو معليش ياعقيل مابقدر ..
المهم عقيل شكلو زعل .. وبدا يتنهر .. قال ليها انا بتكلم معاك يابت .. بقول ليك خمس دقايق ..
طبعا مدثر خجل جدا من انو كان ما مصدق رفيدة .. قام اتدخل في الموضوع .. قال ليهو عقيل خليك عاقل شوية واهدأ .. رفيدة اقعدي معاهو الخمس دقايق شوفي كلامو .. ماخسرانة حاجة ..
عقيل اتلفت عليهو وقال ليها ده منو كمان ..؟ والبدخلو في الموضوع ده شنو ؟؟


__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 05-Apr-15, 05:50   #44
Cheerful Rythem
Golden Member
 
Cheerful Rythem's Avatar
 

Join Date: Oct 2011
Location: khartoum
Posts: 7,631
Default

يا ريت لو عقيل يكون اداهو بونيه ولا خبته ف وشو عشان الاكشن وكدا الحلقه دى باهته ما زى القبليها صح يا مصطفى؟
__________________
Life doesn't come with a manual, it comes with a mother
To view links or images in signatures your post count must be 10 or greater. You currently have 0 posts.
Cheerful Rythem is offline               Reply With Quote               
Old 05-Apr-15, 05:53   #45
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default

Quote:
Originally Posted by Cheerful Rythem View Post
يا ريت لو عقيل يكون اداهو بونيه ولا خبته ف وشو عشان الاكشن وكدا الحلقه دى باهته ما زى القبليها صح يا مصطفى؟
سلام تشرفل

بقى في مط بتاع مسلسلات مصرية
لكنن الا نشوف اخرو شنو


اول الاحداث كانت متلاحقة
حسة بقت الحلقة ما فيها اي حدث واحد
__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 05-Apr-15, 08:02   #46
kafinol
Moderator
 
kafinol's Avatar
 

Join Date: Jul 2002
Location: KSA
Posts: 9,859
Send a message via Yahoo to kafinol
Default

الموضوع حيكون كل يوم حللقة يعني .. عائز يرجعنا للمسلسلات بعد عشرين سنة...؟؟

الزمن بقى ما زمن مسلسلات امسك لي واقطع ليك .. واتساب وفيس بوك..

__________________
لنتــفاءل حـتى لا ينهــار جــدار الأمــــل

To view links or images in signatures your post count must be 10 or greater. You currently have 0 posts.
kafinol is offline               Reply With Quote               
Old 05-Apr-15, 11:15   #47
الفارس غير
Major Contributor
 
الفارس غير's Avatar
 

Join Date: Aug 2003
Location: جدة غير
Posts: 851
Send a message via MSN to الفارس غير Send a message via Yahoo to الفارس غير
Default

بالجد حيرجعنا للمسلسلات ...لكن اسلوبه رائع...وسردة للقصة مشوق
__________________

To view links or images in signatures your post count must be 10 or greater. You currently have 0 posts.
الفارس غير is offline               Reply With Quote               
Old 06-Apr-15, 06:50   #48
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default




الحلقة 14 ..
بقلم طارق اللبيب ،،
رفيدة ردت على عقيل قالت ليهو .. ماعندك قضية معاهو ده .. موضوعك معاي انا .. قال ليها لالا .. لازم اعرف ده منو؟. قالت ليهو ده دكتور مدثر . اخو رحاب زوجة محمود . كدا فهمت؟؟
قال ليها طيب مامشكلة تعالي برة اتكلم معاك ..
مدثر قال ليهو .. ياعقيل ممكن تسمعني .. قال ليهو ايوة يادكتور بسمعك داير تقول شنو؟
قال ليهو عمرها المشاكل مابتتحل بالانفعال .. انت خليك هادي .. . واي حاجة انت راغب فيها في حياتك بتجيبها باللين . والحب . ومابتقدر تنزعها بالقوة .. الحاجة البتنزعها بي قوة مابتنفعك . اسمع كلامي . وحاول اهدأ . واشعر بالرضاء من جواك . واقعد هنا في الكنبة دي ..واتكلم معاها بي الاسلوب البتحب انها تتكلم بيهو معاك .. انا بدخل جوة لي محمود .. طبعا محمود جوة ماسامع الدراما دي كلها .. ولاعارف عقيل جا .
عقيل قال ليهو حاضر يادكتور . والله كلامك منطقي .. بس انا والله ماعايز افقدها .. اها مدثر دخل جوة ..
وعقيل قال ليها تعالي معاي برة .. عشان نتكلم بي راحتنا .. مشو لي اخر الشارع .. في ست شاي تحت شجرة كدي.. قعدو جمبها ورفيدة صارة وشيها . وتعاين للواطة وتتلفت على جنياتها جاي وجاي ..
بقى يتكلم معاها .. قال ليها انا عارف انو المرة الفاتت.. انا شديت معاك في الكلام وفقدت اعصابي .. وجبت خارجية .. لكن والله ندمت بعد ما مشيتي .. قربت ادق راسي بالحيطة .
وما كنت متخيل انك ح تبيعيني بالسهولة دي .. انا سمعت بالبنات البياعات .. بس انتي ما منهن ..انتي اغلى انسانة في حياتي .. بعدين اي زول بغلط .. بدوهو فرصة اخيرة .. انا ما طالب منك حاجة .. غير فرصة ولو لقيتيني ما اتغيرت ..اعملي الفي راسك ..
قالت ليهو يا عقيل انا مابنكر اني بحبك اكتر من حياتي .. بس اسلوب حياتك ماعاجبني .. وانا ماعايزة كدا ..
قال ليها ياتو الماعاجبك ؟.. قولي الحاجة الماعاجباك . والله عشانك اتخلى عن حياتي ..
قالت ليهو الشلة الباريها . والسجارة الخدرا . وسب الدين . لالالا انت مابتنفع معاي ..
قال ليها والله من الليلة .. تاني الشلة اقاطعهم كلهم . والله .اكبرها منهم في اي حتة اشوفهم فيها .. والسجارة .. اقسم بالله تاني الا السجارة الحمراء ومن الليلة ..
وسب الدين .. والله بجيني في لحظة غضب .. من دون ما احس .. لكن والله تاني لو اتقلبت الدنيا مابسب الدين .. وعشانك ح اتغير كلو كلو . وبراك بتشوفي . بس انا بحبك ومابقدر اعيش من دونك .. لو خليتيني بضيع يارفيدة واحتمال اجن ..
يازول .. رفيدة استغربت في الكلام الاول مرة تسمعو من عقيل المفتري . والحنية الغريبة البتكلم بيها .. ويادوب حست بي حب عقيل .. والخمسة دقايق دي سببت ليها رجه عجيبة .. ونفضت الغبار عن الحب الجواها لي عقيل .. لانها اساسا . دكتور مدثر فكرت فيهو بي منطقية ومقارنات عقيلية .. وجواها حب عقيل كامن كالاسد النائم .. وكان مدفون بالانبهار بالشي الشافتو من مدثر .. لكن عقيل الان ظاهر ليها اتغير 180 درجة .. وكلامو ده وطريقتو بدل على كدا ..
الظاهر انو عقيل من نوع الناس المابجو الا بالضغط .. بس هل ياترى ح ينفذ كلامو ويتعدل ولالا ؟ ..
. اها قالت ليهو كويس ياعقيل.. نشوف والايام بينا .. قال ليها يعني ح ترجعي لي؟؟ قالت ليهو برجع ليك واكتر من الاول كمان ..
الزول من الفرحة.. قرب يكورك في السوق العربي .. ويلم ناس الناس الببيعو العملة . ويقول ليهم الدولار نزل ..
اها يازول ودعها وفات طوالي .. وبقى يتكلم براهو زي المجنون .. قال والله كان ماكلام الدكتور ده.. انا كنت بوظت اي حاجة .. يعني الزول لازم.. يبرد نفسو .ويكتل حيلو ..ويقول الكلام العسل حتى يقدر يقنع البنات؟.. غايتو الدنيا دي فيها جنس بلاوي ..
رفيدة رجعت لي مدثر.. لقتو قاعد منتظر .. ومغموم غم شديد خلاص .. والساعة ماشة على اتنين ونص..
قال ليها . اها موضوعك وصل لي وين مع عقيل ؟
قالت ليهو ده زول فاضي وماعندو موضوع .. وانا ما حاشتغل بيهو تاني .. بس انت تصبر لي لمن يقنع براهو .. ويطلع من حياتي ..
مدثر قال ليها .. بصراحة يارفيدة انا عندي كلام عايز اقولو ليك .. والمفروض تسمعيني بالمنطق . الزول ده شاريك والله .. والظاهر كان بينك وبينو في علاقة طويلة المدى .. وانتي كنتي بتحبيهو اكتر من حبو ده .. وبديتي تتملصي منو بعد اتعرفتي علي انا .. على حد تعبيرك .. انتي قلتي لي . (عندي امور بصفي فيها عشانك) .. اولا" انا مابقبل كدا .. وتانيا" .. ولايمكن ابني سعادتي على تعاسة انسان .
انا من راي تدي نفسك مع عقيل فرصة تاني .. انا شخصيا من مصلحتي انك تتخلي عنو ..لاني فعلا حبيتك بحق وحقيقة . ومابقدر اعيش من دونك والله ..
لكن انا برضو حسيت بالزول ده .. الزول علاقتو بيك من قبل ما أنا ادخل في حياتك .. وانا والله لو كنت عارف .. انك عندك علاقة بي زول .. ما كان طرقت بابك .. بس انتي ماحكيتي لي .. ماعارف اخفيتي علي الحقيقة دي ليه .. وده ما الوقت البحاسبك فيهو .. ما ممكن هسي اقول ليك ليه دسيتي على؟؟ .. لانو الحصل حصل وخلاص .. انا انسحب من حياتك بي كرامتي واحترامي ..
بس انا طالب منك طلب ..
كدي انتي اديهو فرصة تاني ..
والله الزول ده صادق صدق ظاهر في كلامو .. وان شاء الله ربنا يوفقو ويديهو الفي مرادو ..
قالت ليهو يامدثر يا اما انت بتمثل.. يا انت زول اهبل .. كيف يعني انت بتحبني وبتقول لي ادي نفسك فرصة مع الزول ده ؟؟..
انت عارف انا الشي الجواي انتهى من ناحيتو .. كيف انت تقترح علي اتعايش مع زول مابحبو؟؟ ..
حتى لو انت ماعايزني انا قلت ليك ماعايزاهو ..
ورفيدة بقت طبعا بتعاين لي مدثر في استغراب . وهو جادي في كلامو لمن بهناك ..
زعلت طبعا" من موقفو .. واعتبرتو موقف جبان .. وحست انو اتخلا عنها بسهولة .. غايتو ياجماعة انا من الله شق نظري زولة غبية و.. منافقة .. وكذابة.. ويتلمن فيها الصفات زي رفيدة دي .. مالاقيت ..
هسع انتي ماقلتي مدثر مادايراهو .. غايتو البت دي .. انا اتحيرت فيها ..
بالمناسبة .. في ناس بي نفس المستوى ده ..ومالين الدنيا ومابتقدر تعرف الجواهم شنو .. ويتلونو كل يوم بي راي ..وكل يوم بي فكرة .. هم ذاتهم ماعارفين دايرين شنو بالضبط .. انانية وحب الذات مسيطر عليهم وعاميهم عن الحقيقة والاخلاق ... وديل ماينجيك منهم الا الكريم بي رحمتو .. وياما ضحايا وقعو في شبكات السمحات ومنافقات .. المهم ..
ودايمن عندهن تردد في التصرفات وارتباك في القرارات .. والزي دي غالبا" بتكون مصابة بي عين .. نسأل الله السلامة ..
اها رفيدة قالت ليهو .. مامشكلة يامدثر.. انا شايفاك اتخليت عني بسهولة .. يمكن عشان ظروفي الزفتة .. انت شغلت مخك .. وبديت تفكر في حياتك معاي .. حيكون شكلها كيف؟؟ .. وماصدقت لمن ظهر عقيل ..وعلى طول اتخليت عني ..
مدثر عاين ليها كدا واتبسم .. قال ليها انا مابتهمني الظروف .. انا بهمني تفكير الزول .. وشخصيتو .. وصدقو .. القروش بتروح وبتجي لكن الطبعة جبل ومابتتغير ..
وانا بوصيك ما تتوهمي حاجات ماحقيقية .. وكمان تصدقيها وتتصرفي على اساسها .. الظن السئ دايما ماتخليهو مسيطر على عقلك .. حاولي ظني باي زول ظن حسن .. صدقيني كدا بتكوني مرتاحة ..
ومدثر بدأ حقيقة يتنصل عن رفيدة.. تنصل واضح .. من شاف عقيل ..
في خوف نابع من جواهو .. انو يظلم عقيل .. بنفس الخوف المسيطر عليهو من ناحية غادة .. وخوفو انو يكون ظالم محمديوسف ..
غايتو بصراحة مدثر اثبت لي انو فعلا (زول سوداني) اصيل والمفروض يكون طبيب .. ربنا يكثر من امثاله ..
ومن هنا افترق مدثر من رفيدة .. من غير نية للعودة ليها مرة تانية ..
بي كدا مدثر بقى طالع من المولد بدون حمص .. لا لم في غادة ولا لم في رفيدة ..
بس بدل مايكسب جولة من الجولتين ديل .. ويفوز بواحدة من القماري الجميلة ..دخل في مشكلة لا ليها اول ولا ليها اخر .المشكلة الكبيرة الدخل فيها كالاتي ..
رفيدة اتصلت علي لبنى.. وجات غاشياها في البيت .. وقالت ليها ماشفتي الحصل .. طبعا علاقتي مع مدثر زي الحلاوة حتى بقى يجينا في الوكالة .. وحبكانتنا ماشة زي الساعة .. امس قاعد معاي في الوكالة .. فجأة ينط لي عقيل الاهبل .. وبقول لي انتي اتغيرتي مني .. وانا .. وانا.. ومدثر اكتشف اني بغش عليهو .. وماقدرت اقول لي عقيل عن مدثر . ولامدثر عن عقيل .. ومدثر مشى زعلان وهسي من امبارح ما اتصل علي .. (شوف الكذب بي مهارة عالية المستوى)
لبنى قالت ليها يازولة بس انتي حاولي اتكلمي معاهو وقولي ليهو الزول ده علاقة قديمة وانا خليتو عشانك .. قالت ليها قلت ليها .. وبرضو رفضني .. يالبنى .
قالت ليها والله لارفضك ولاحاجة . بس انتي بتقولي كدي . عشان دايرة تنومي بالغنيمة براك .. وتسفي السكر كلو ..وانا تركبيني التونسية ..
هوي يا رفيدة .. ماتلعبي علي والله انا بضيعك .. انت عارفة انا ممكن اعمل شنو .. ..
طبعا" رفيدة خايفة من حكاية المكالمات المسجلة دي .. لانها ح تفضحها في السف .. والعشرة مليون ووو وكدا ..
ورفيدة طبعا عايزة الليلة تضرب لبنى ضربة المعلم .. اها بتونسن كدا .. وبتحاول ترقد ليها وتوريها انها بتعزها وبتاع المهم ..
رفيدة فتحت الواتساب ..
وخشت على واحد من اصحابها بتاع موبايلات اسمو حازم . شغال في برج البركه وبدت تتكلم معاهو ..
رفيدة : حزومي كيفك؟؟ ..
حازم هلا والله رفيدة .. وين انتي ؟ مسجلة غياب .. انتي عاملة بلس ولا شنو؟ ههه
رفيدة : والله قاعدة بس درش شديد.. وبقيت مابخش الواتس الا بعد الدوام ..
حازم : عليك الله اظهري علينا ..
رفيدة : ان شاء الله .. عاين ياحازم .. عندي اختي جهازها جلكسي (s2).قفل ونست الباسويرد .. وعايزة تعمل للجهاز بتاعها فرمطة .. (مسح جميع البيانات)
حازم : ليها بسيطة .. خلي بالك معاي ..
قولي ليها اضغطي
[زر التشغيل] + [زر الهوم] + [زر رفع الصوت]
واستمري في الضغط.. لغاية مايظهر ليك شعار سامسونج . .
بعد كدا فكي زر التشغيل.. وتكون ضاغطة رفع الصوت والهوم.. لغاية ماتظهر ليها شاشة ﺍﻟريكفري
شاشة سوداء وفيها كتابة انجليزية بي الظهري
تختاري [ wipe data / factory reset]
وبعدها [yes]
وبعدها [Reboot system now]
وكدا يادنيا عليك السلام الجهاز ببقى زي الجديد.. هه
رفيدة : ربنا يخليك يا حزومي.. تسلم كتير وان شاء الله .. مانعدمك ..
اها في اثناء ما رفيدة بتتكلم مع حازم بتاع الموبايلات . لبنى لاحظت ليها منشغلة بالواتساب .. قالت ليها بتتكلمي مع منو ؟ وقامت من السرير جات دايرة تشوف .. هنا رفيدة مسحت المكالمة .. وقفلت الشاشة ..
قالت ليها مافي حاجة يا لبنى ..
طبعا" لبنى هنا اتأكدت انو رفيدة بتخون فيها.. ومتواصلة مع مدثر . وعايزة تبيعها .. والدليل انها قفلت منها التلفون .. وهن صاحبات للدرجة دي .. وزعلت شديد من الحكاية دي ..
ونوت النية السوداء . وهي ماعارفة النية الناوياها عليها رفيدة .. ههه ,,
رفيدة بقت كل مرة ترسل لبنى لي حاجة تجيبها من جوة.. عشان لبنى تخلي تلفونها . ورفيدة تفرمطو ..
المهم بعد تعب .. غايتو لبنى دخلت تعمل ليها حاجة لي امها .. وخلت تلفونها جم رفيدة .. رفيده شالت التلفون .. وداست الازرار التلاتة
وفووووورمااااااات ههههه ..
ومسحت كل البيانات الفي الجهاز ..
وترجف زي القصبة من الخوف .. بعد الجهاز اعاد التشغيل .. رمت الجهاز وعملت فيها ما شايفاهو ذاتو .. .. وشالت نفسها وختتو وحست انها انتصرت ..
(ههه حرب غريبة يابنات الزمن) ..
لبنى لمن رجعت ما انتبهت لي انو الجهاز اتفرمط .. لغاية ما رفيدة اتخارجت .. ومشت البيت مطمئنة كلو كلو ..
بعد وصلت السلمة ضربت ليها لبنى .. اسمعي يارفيدة .. انتي فرمطتي لي جهازي صح؟
قالت ليها.. للاسف ايوة يالبنى .. عشان ما تضغطيني كل مرة بي المكالمات المسجلة ..
قالت ليها بس في حاجتين فاتن عليك .. انتي ناسية انو الجهاز فيهو ذاكرة؟.. ثم ثانيا انا بقدر اعوقك بدون مكالمات .. وانا نويت عليك.. الله اكبر عليك يا رفيدة .. استعدي ياحلوة ..
جاااااو .. وقفلت الخط ..

__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Old 06-Apr-15, 07:22   #49
Hani_Arabi_mohamed
Intermediate Contributor
 

Join Date: Mar 2006
Posts: 173
Default

وأنا بقرأ في البوست الجميل دا اتذكرت دكتور بيقول لراجل كبير:

والله لو ما قطعو كراعك دي انا عيادتي دي بقفلها وبشوف شغل تاني

عموماً الرجل ما زال والحمد لله يتمع برجله سليمة بعد أكثر من خمسة عشر عاماً

بفضل الله عز وجل ثم عناية مستمرة من ابنته (التي لم تنل الفرصة لإكمال تعليمها) التي تهتم بتغيير الجرح يومياً ونظافته حتى اكتمل شفاؤه
Hani_Arabi_mohamed is offline               Reply With Quote               
Old 07-Apr-15, 05:44   #50
mustafaosman
Crown Member
 
mustafaosman's Avatar
 

Join Date: Apr 2005
Location: KSA
Posts: 37,230
Send a message via MSN to mustafaosman
Default



الحلقة 15 ..
بقلم طارق اللبيب ،،
رفيدة طبعا" بقت متشككة .. ياربي المكالمات دي بتكون اتمسحت فعلا" .. ولا بتكون في الذاكرة ..؟ يابت هي .. انا العلي سويتو تاني اليحصل يحصل .. اصلا بقت مافارقة معاي ..
ولبنى طبعا" زعلانة زعل دايرة تنشق .. تلفونها بقى ملطه بس ..كل الاسماء .. والرسايل ..والتطبيقات المنزلاها .. ووو كلهن راحن شمار في مرقة ..
وبقت شايلة تلفونها تعاين ليهو وتتوحوح .. وتقول التصبر لي بت العفنة . والله اعمل ليك فيها عمايل .. تعرفها براها ..
اما مدثر مشى محطم تحطيم ماطبيعي .. وبدا يسترجع في كل الحاجات .. واتذكر .. كلام محمود .. (كل ماتمشي ناس خالتها بتقفل تلفونها )
واتذكر تلفون مزمل (البت دي بتلعب على حبلين) ..
واتذكر كلامها (انت بتراقبني يامدثر؟؟) .. وكلامها (انت دخلك بي شنو امشي جبرة ولا امشي القرموشي) ..
وكلامها التاني .. حبيبي .. ويامناي .. ومشتاقة ليك ..
ولمن تقول ليهو (مدثر؟) .. انا بحبك شديد .. ومشتاقة ليك فوق ماتتصور .. وكل الموقف بتنخر جواهو زي الخنجر المسموم ..
يلا في البيت بالليل ما اتكلم مع اي زول .. بس قاعد في غرفتو وخاشي في حالة من الصدمة ..
وشال الورقة والقلم وكتب ..
..
خنتيني يا روح القصيد ..
وضبحتي قلبي المشتهيك..
خليتي زي عصفور جريح ..
كان ليكي طوعك وبين يديك..
شليتي حيل فرس الغرام ..
ال جاك وشايل شوقو ليك ..
وانا قلبي ختاك في مكان..
الان عرفتو كتير عليك ..
لاقيتي بي حربة خداع ..
متناسيه انو بيحتويك ..
ياربي رحماك يا كريم ..
انا في حماك وانا برتجيك..
بس في النهاية قال لي نفسو .. يلا الزول ماعارف الخير وين .. لازم يكون ده لي خير لي .. ربنا كريم .. وشرط الورقة ولاكها زي كل مرة ..
باكر الصباح طلع على المستشفى .. ومارس حياتو الطبيعية .. طبعا محمد يوسف منتظر مدثر بي فارغ الصبر ..
زي ماعارفين كان مقاطعو عديل .. والليلة محمديوسف المفروض يكون اوف .. بس قعد مخصوص عشان يلاقي مدثر ..
اها نادى مدثر .. وقال ليهو يادكتور لو سمحت انا دايرك في كلمتين ..
طبعا مدثر اتفاجأ جدا .. وبقى يتسأل ياربي ده دايرني في شنو كمان ..
محمد قال ليهو .. اسمعني يامدثر .. اول حاجة انا بعتذر ليك والله عن كل حاجة .. ظني فيك .. وشكي .. ومعاملتي الحقيرة العاملتك ليها .. بس انا كنت فاهم غلط .. ياريت تسامحني .. وتنسى كل الحصل .. المهم انا عرفت اخيرا انو انت ماعندك اي علاقة بي غادة الا علاقة الزمالة ..
وهي اصلا قنعت مني وخلتني بي محض ارادتها .. وحتى بعد اتفارقنا انا وهي .. انت رافض تبني معاها اي علاقة عشان خاطري ..
والله يامدثر كبرت في عيني شديد .. ..
مدثر بس ساكت وبعاين ليهو ..؟
قال ليهو يا محمد يوسف .. انت ممكن تعمل كدا؟ ممكن تكون السبب في فراقي من الانسانة البحبها؟
محمد يوسف قال ليهو مستحيل والله ..
قال ليهو طيب كيف انا اعمل كدا؟؟ وانا بعتبرك اقرب صديق لي؟؟ .. والله جرحتني شديد الله يسامحك .. لكن يازول الفات مات .. والمضى لايعاد . ولايهمك انسى ولاتندم .. انا عارف انو في زول اثر عليك ..
قال ليهو ايوة اثرت علي نوسة .. لانها عايزاني باي تمن .. وعايزاني اطلع لي غادة من جواي .. وابشرك انا هسي نوسة بقيت بحبها موت .. وماعايز غيرها ..
قال ليهو بالسهولة دي يا محمد ؟؟ وبي رغم الحصل ؟؟ وغادة؟؟
قال ليهو والله انا كنت متعلق بي غادة ..وبمجرد ماهي وضحت لي مشاعرها تاني خلاص .. اتخلصت من الجواي ناحيتها ..
غادة مابتتناسب معاي يامدثر .. ولابتناسب معاها .. وده قرار اتخذناهو مع بعض .. وهسي الحمد لله لقيت الانسانة البحبها وبتحبني .. نوسة الرائعة .. قاتلت قتال شديد عشاني . (طبعا" محمد كذاب ماعايز نوسة بس عندو هدف) ..
شوفو هدفو شنو ..
ومواصل في كلامو قال ليهو يامدثر .. لو انت اصلا باعد من غادة عشاني انا .. انا بطلب منك طلب الاخوان.. انك ماتفرط في غادة.. غاده محتاجة ليك شديد .. واليومين ديل بالذات منهارة شديد .. ونحن اتصالحنا كلنا .. وبقينا عايين .. انا وهي ونوسة .
اها رايك شنو؟
قال ليهو والله طبعا" انا غادة ماعندي فيها راي .. بالعكس انا شايفها كتيرة علي .. ومابطولها .. بس كنت مانع نفسي من مجرد التفكير فيها عشانك انت ..
بس هسي في اليومين ديل .. انا عايز لي فرصة اتنفس فيها متضايق شديد يامحمد ..
قال ليهو يومين بتاعات فنيلتك؟ .. انت حركاتك ماعايز تسيبها .. في اليومين ديل احتمال الحمامة تطير ..
مدثر قال ليهو خليها تطير.. الطار قبليها كتير . اول هو الطيران وقف عليها براها .. محمد يوسف قعد يضحك ..
في اخر البرنده الطويلة القدام العنابر دي .. غادة جات مارة شافت .. محمد يوسف ومدثر بضحكو مع بعض .. والله فرحت فرحة .. قالت يا ما انت كريم يارب .. الحمد لله انهم رجعو لي بعض ..
وفعلا" الحمد لله الناس كلهم رجعو كلهم زي اول .. واحسن .. بس .. كلهم عاملين حسابهم من السوسة المهووسة .. وهي طبعا" فرحانة انها مثبتة محمد يوسف .. وما عارفة التثبيتة دي تثبيتة مؤقتة.. لغاية ما يربط مدثر بي غادة .. وبعدين محمد ح يشوتها في اخر زاوية .. واحتمال الشوتة توصلا جامع السيد علي الميرغني بي غادي ..
اها يازول في اليوم ده لبنى الشفاتية .. طلعت من البيت وجات الوكالة .. ولاسلمت على رفيدة ولا اشتغلت بيها .. براحة دخلت على محمود وخلت رفيدة برة .. قالت لي محمود عليك الله لو سمحت انا عايزة تلفون مدثر .. موصيني لي حاجات كدا ..
قال ليها اكتبي معاك .. صفر تسعة مية تمنية وعشرين ... كتبت الرقم وكان الرقم ده نمرة خمسة في التلفون الفاضي ههه ..
طوالي طلعت واتصلت عليهو .. قالت ليهو مدثر كيفك ؟
انا لبنى صحبة رفيدة .. مدثر انا عايزاك هسي وضروري .. وريني انت وين؟ ..
قال ليها انا في المستشفى والله .. مالك؟ ان شاء الله خير .. ان شاء الله مايكون رفيدة حصل ليها شي ..
قالت ليهو ابدا والله في امن وامان بس انا عايزاك ضروري والموضوع ده ماينفع في التلفون .. قال ليها تعالي في المستشفى اسألي واحد بواب اسمو قاسم انا بخت ليك ورقة لمن تجي ح يدخلك لي .. قالت ليهو حلو شديد يلا انا جاية عليك ..
وكلها نص ساعة وجات طايرة طيران .. وقاسم دخلها طوالي .. فتشت لي مدثر ..
طبعا لمن دخلت المستشفى وبتسأل عن دكتور مدثر الناس كلها استغربت لانها شكلها ولبسها بخجل ..
بلوزة رهيفة وهزارة . وقصيرة والاسكيرت ضيق لدرجة مبالغ فيها
لمن تشوفها تقول هسي بنشرط .. والوش ده عاملة فيهو عمايل ..
فيراند لفلي . لوشن.. بيوديرما (صن برودكتر) .. دلال تقيل . ظلال . ماسكرة .
احمــــــر شفايف بلون كبدي تقيل . وعاملة زمام حبة في نخرتها.. بالجيهة اليمين .. يعني اي زول يشـــــوف شكلها بعــــرف انها ما محترمة .. نسأل الله الستر والعافية ..
المهم الدكاترة ديل بقو يعاينو ليها خمسة خمسة .. مع انو الاشكال دي في المستشفى بتجي كتير .. لكن كونها تٍسأل من دكتور مدثر . دي حكاية غريبة شوية ..
المهم مدثر جاء من هنا وسلم عليها بي كل ترحاب .. وسلامة نية
مع انها شعرت بنظرات الناس الاستفزازية .. لكن ما اشتغلت بالموضوع وكانت متوقعة دكتور مدثر يقابلها بي نفس التهكم . لكن كان توقعها مافي محلو .. مدثر اتعامل معاها بي كل لباقة وحسن سلوك ..
قالت ليهو انا عندي ليك وصية سرية جدا" لازم مازول يسمعنا .. قال ليها تعالي .. المهم لقى فرصة وقال ليها قولي ..
قالت ليهو يامدثر اعمل حسابك من رفيدة رفيدة دي افعى وحتضيعك . انا بنصحك ..
قال ليها ليه ؟ مالا عملت ليك شنو ؟ واثباتك على كلامك ده شنو؟
قالت ليهو يا مدثر رفيدة اكلت منك عشرة مليون سلفقة .. وقالت ليك ابوي مديون كذابة .. ابوها لاكان تاجر ولاخسر ولا هو مديون ولافي زول مطاردو في قروش ..
ابوها واحد سطلجي من سنة ستين وحايم في الشوارع بي سفنجة مقطوعة .. لا مديون ولا عايش زي الناس .. لو انت ما مصدقني
امشي اسأل بي نفسك .. ولو داير تعرف شخصية ابوها اسأل رحاب اختك . مشت ليهم في البيت وشافتو ..
قال ليها اها تاني في شنو؟
قالت ليهو الزولة دي اصلا ماحبتك قالت لي كانت دايرة تسفك وتفكك عكس الهواء زي مابعملو بنات الزمن ده ..
بتحب ليها واحد اسمو عقيل .. الظاهر انها ماحكت ليك بيهو ..
يا مدثر انا بعد ماشفتك .. رفيدة مابتستاهل جزمتك ..
بس ده كل الكلام العندي .. قال ليها شكرن ليك على النصيحة .. بس ممكن سؤال ؟
قالت ليهو ايوة .. قال ليها موش انتي صاحبتها؟
قالت ليهو صحبة شديدة .. قال ليها كيف تطلعي اسرار صاحبتك وتغدري بيها بي وراها كدا ..
قالت ليهو لو ماكان غدرت بي هي ماكان انا غدرت بيها .. قال ليها غدرت بيك عملت شنو؟
قالت ليهو فرمطت لي موبايلي ومسحت لي كل الفيهو عشان انا مسجلة ليها فضايح في تلفوني .. والعشرة مليون دي من ضمن الفضايح .. والباقي خليهو مستور ..
قال ليها خير خير .. المهم انا بشكرك على التنوير .. وتسلمي على المشوار المتعب ده .. وان شاء الله انا بتصرف .. ودعتو وفاتت الشفاتية بت الخطيرة ههههه
طبعا" ياجماعة مدثر بي صراحة حيلو مات كلو كلو من كلام البت ده .. وماكان بتوقع ابدأ انو ممكن رفيدة .. تكون بي الحقارة دي ..
قعد براهو .. فوق صبة كدا في الطابق التاني .. زي نظام بلكونة وضهرو لي برة .. الله يستر الزول ده مايجي واقع .
وقاعد يتكلم براهو .. والله انا طلعت ابلد زول .. بالله شوف انا مصدق البت كيف وواثق فيها قدر كيف .. وبحبها كمان .. والله فعلا زي مابقول ابوي انا مسكين ..
بس انا مصر اتأكد بي نفسي من كلام البت دي .. عشان ما اظلم انسان بي كلام منقول ..
لبنى من المستشفى طوالي مشت على محطة البلابل .. عشان تلاقي .. عقيل عندها برضو ليهو كلام ههههههه
والله غايتو جنس انتقام




__________________
ياتو رصاص ما عقبو خلاص.............ياتو سجن يا الزين ود حامد
ياتو محن تمحى اﻹحساس..............لما يكون في الساس والرأس
ياتو وطن يا الزين ود حامد........ياتو زمن دام للانجاس
mustafaosman is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 10:14.


Sudan.Net © 2014