Go Back   Sudan.Net Discussion Board - Main Page > General Discussion Board > General Discussion - المنتدى العام


Reply
 
Thread Tools Display Modes
Old 11-May-12, 20:39   #1
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default مقيم بالسعودية وارغب في الخروج النهائي - من سبقني بالتجربة فلينصحني

الواحد فينا بيولد في مجتمع فيهو اقرانو واترابو وبمشي في مسلسل الحياة اليوماتي من طفولة لي صبا لي بلوغ , وبمر بمراحل عمرية ومدرسية , وبفرحو اهلو لانو نجح في الابتدائي والمتوسط والثانوي
يعني تغلب علي بيئته وفاق اقرانه واتقدم في دراسته وحقق احلام الحولو وفرح من مرحلة لي مرحلة بي نجاحاتو

ولما يخلص ويطلع من دراسته ويجي للواقع العملي , الكثيرين اللي عدو معاهو من مرحلة عنق الزجاجة اختلفت بيهم السبل

منهم من اغترب ومنهم من قاوم رغبة الاغتراب وجمع الاموال
عشان يحقق ذاتو وما ينحرم من اقران واصدقاء وام وناس حواليهو
نحن كشباب الواحد عايز يقدم لي اهلو وعايز يعرس وعايز يجيب اولاد وعايز يبني وعايز يعيش محترم في مجتمعو
اختار الغربة كسبيل يقصر بيهو مشوارو
واخد اقصر الطرق ليختصر الزمن ويوفر المال

ولكن لما يبقى التوفير مافي واختصار الزمن مافي ببقى انهزم
هو عايش وناس السودان عايشين ماكل وشارب ووالد
وغيرو في السودان مستمتع بي نفس الاشياء دي ولكن بكفاح اكتر شوية
ايجابيات الفي السودان انو بعيش في مجتمعو بي افراحو واتراحو ومشاكلو
لكن الفي الغربة غايب عن الناس وكل يوم المسافة عن الواقع بتبعد
وبعده عن ارض المعركة المفروض انه ينجح فيها بخليهو بيفقد وسائلو واسلحتو
بالتالي الاستقرار بيبقى اصعب واصعب
بالنسبة للزول البعد عن السودان وغاب المفروض تقترن كلمة غاب بي جاب
لكن اذا انا بغترب وبجي خايب شن طعم الاغتراب
احسن الواحد يفارق الفشل مع الغربة ويحاول النجاح مع وجودو وسط اهلو
الواحد لما يغترب بيعني انو فشل في مرحلة بناء نفسو داخل بيئتو
يعني كانك نجحت في مراحلك التعليمية كلها ما عدا مرحلة بناء الحياة
والغربة طالت دي عشرة سنوات من عمري
والمستقبل في الغربة مكتوب ليهو الفشل
الدخل يعني هنا الحياة فقط
وكل شبابك بروح وما في عودة لليوم البيمشي
انتهى
رايكم شنو ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Sponsored Links
Old 11-May-12, 20:43   #2
abo3arab
Major Contributor
 
abo3arab's Avatar
 

Join Date: Apr 2012
Posts: 553
Default

والله انا راي تاخد اجازة ثلاثة او ستة شهور وترجع لبلدك تشوف ممكن تعمل شنو هناك اذا لقيت انها افضل تواصل ومافي زي بلدك دي حقيقة ولا يمكن تجاهلها او نشيانها وبصراحة الما يستفيد من الغربة متغرب لشنو اصلا لكن في مرات بيقولو المستوئ المعيشي مختلف برا احسن رغم اني بشوف ان المستوئ المعيشي واحد ووجود صعوبات صغيرة يمكن التغلب عليها
abo3arab is offline   Reply With Quote
Old 11-May-12, 20:44   #3
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

اذا بتغيب بالسنة والسنتين وتجي محمل بالهدايا اللي في نظرك قيمة
لو قطعة ملابس , اعلم انو من السودان قطعو زيها كتااار بي عرق العافية
لو موبايل جديد اعرف انو دقو شات بالصيني لمن فترو
لو اديت زول مية او خمسمية ريال زولك الفي السودان اداهم اكتر منها
مش قيمة مادية لكن اداهو ساعة حوجتو الحقيقية
يعني كان اشتغل بي راتب السودان ودخل علي امو بي كيس خضار بي الفي بس بفرحها كل مرة
وانت يا شقي الحال بتفرحها مرة مرتين في السنة
او وقت التحويلة

لو دخلت علي بيت واحدة من اخواتك لقيت ولدها محموم وشلتو الدكتور اقيم من سؤالك بالتلفون ونزولك اخر السنة سايقك الشوق

لو اديت لي شافع جنيه سوداني عبا بيهو رصيد اقيم من تجيهو اخر السنة ووالله ما شاء الله كبرته يا ولد


الصراحة الواحد حاسي انو عايش خلف الزجاج ومحبوس زي سمكة الزينة الناس بره بيشوفوك انيق وانت كاره نفسك مع الغربة والوحدة والملل
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 20:48   #4
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by abo3arab View Post
والله انا راي تاخد اجازة ثلاثة او ستة شهور وترجع لبلدك تشوف ممكن تعمل شنو هناك اذا لقيت انها افضل تواصل ومافي زي بلدك دي حقيقة ولا يمكن تجاهلها او نشيانها وبصراحة الما يستفيد من الغربة متغرب لشنو اصلا لكن في مرات بيقولو المستوئ المعيشي مختلف برا احسن رغم اني بشوف ان المستوئ المعيشي واحد ووجود صعوبات صغيرة يمكن التغلب عليها
والله يا ابو عرب حكاية الاجازات دي اقل شي في عشر سنوات نازل سبعة مرات والحال نفس الحال , ترجع عشان شنو انت ما مقتنع لكن زي الاصبحت عادة , الواحد كل مرة بمشي ويجي وتاني نفس الاحاسيس بتجيهو

ولا اذيع سرا مافي مغترب سوداني من اللاقوني مستفيد اطلاقا , مستوى المعيشة اصعب من السودان وحتى البتخيل انو بدخل اضعاف راتبو لاتنتهي امالو

الببني بيت كبير , بستمتع بيهو المستأجر اكثر منو وبيرجع اخر غربتو السودان وهو يعاني السكر والضغط وسايق اطفالو زي الدمى سمان وبيض ومربربين وكمان نسب اكاديمية كبيرة والواحد عايز يرجع يكمل الجامعة عشان يغترب زي ابوهو تاني
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 20:52   #5
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

العشرة سنين ما شوية وممكن انقل ليكم صور من مشاهداتي بدون ذكر اسماء لناس من مناطق مختلفة من السودان . اوهمو انفسهم بالنجاح ولكن لا نجاح حقيقي كالثلج يذوب تحت شمس الواقع السوداني الاستوائية .
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 20:53   #6
تجانى
Golden Member
 
تجانى's Avatar
 

Join Date: Aug 2010
Posts: 3,703
Default



شكلها كتمت معاك و مخنوق لدرجة البكاء يا صديقى

لكن اصبر و صابر و سوف تعود غانم انشاء الله

و احرص على نزولك اجازة سنوية بشكل منتظم

و اعلم انك بتضحى من اجل الاسرة الصغيرة و الكبيرة و الممتدة
__________________

To view links or images in signatures your post count must be 10 or greater. You currently have 0 posts.

حلم العالم ناس تتسالم و البنى ادم صافى النية
تجانى is offline   Reply With Quote
Old 11-May-12, 20:58   #7
abo3arab
Major Contributor
 
abo3arab's Avatar
 

Join Date: Apr 2012
Posts: 553
Default

Quote:
Originally Posted by العيكورة View Post
والله يا ابو عرب حكاية الاجازات دي اقل شي في عشر سنوات نازل سبعة مرات والحال نفس الحال , ترجع عشان شنو انت ما مقتنع لكن زي الاصبحت عادة , الواحد كل مرة بمشي ويجي وتاني نفس الاحاسيس بتجيهو

ولا اذيع سرا مافي مغترب سوداني من اللاقوني مستفيد اطلاقا , مستوى المعيشة اصعب من السودان وحتى البتخيل انو بدخل اضعاف راتبو لاتنتهي امالو

الببني بيت كبير , بستمتع بيهو المستأجر اكثر منو وبيرجع اخر غربتو السودان وهو يعاني السكر والضغط وسايق اطفالو زي الدمى سمان وبيض ومربربين وكمان نسب اكاديمية كبيرة والواحد عايز يرجع يكمل الجامعة عشان يغترب زي ابوهو تاني
صلئ صلاة استخارة وشوف قلبك يقول ليك شنو واتوكل علئ الله البلد هناك ماشة كويس وفيها فرص عمل كتيرة والحمدلله ولكل مجتهد نصيب لكن زي ما قلت ليك اخد اجازة طويلة وامشئ شوف الوضع هناك كيف
abo3arab is offline   Reply With Quote
Old 11-May-12, 20:59   #8
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

احد الذين اعرفهم
بنى له بيت فخم كواحد من اسباب الاستقرار
وجاء والده في رحلة الحج وقابل ابنه
والابن نحو مزيد من النجاحات بيسأل الوالد
قال ليهو والله انا ناوي ارسل معاك قروش لي خزان للموية تعلقوهو في البيت
ابوهو ضحك ضحك شديد لمن استغرب منو الولد
قال ليهو في شنو يابا
قال ليهو بيتك دا انت ابيت تاجرو عشان خايف تبعات خروج المستاجر صاح ؟
قال ليهو ايوة
قال ليهو الناس السكنتهم ملح ديل اولادهم دخلو الجامعه
انت يا ولدي ناوي تسكنو متين ؟؟؟؟

على حسب ما اكمل لي صديقى قعد يحسب في السنوات الاخيرة القضاها جاري ورا اسعار الاراضي في الخرطوم والسماسرة الكل يوم بيحكو ليها ارقام خرافية عن ارتفاع ارضه في الحتة الفلانية , واتذكر اولادو الما بيعرفو حاجة عن اهلهم الا في الاجازات

الزول المسكنو في البيت ناجح اكتر منو واولادو انج من اولادو وافهم منهم

وللان ما قادر يجاوب سؤال ابوهو انت يا ولدي بيتك دا حتسكنو متين ؟ ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:02   #9
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by تجانى View Post


شكلها كتمت معاك و مخنوق لدرجة البكاء يا صديقى

لكن اصبر و صابر و سوف تعود غانم انشاء الله

و احرص على نزولك اجازة سنوية بشكل منتظم

و اعلم انك بتضحى من اجل الاسرة الصغيرة و الكبيرة و الممتدة

اشكرك على ادراكك لاحساسي يا صديقي

لكن متى النهاية ؟

اذا في تمن للتضحية معليش لكن العملية رياضيا فاشلة

زي ما قال صاحبي الفلسطيني , غربة الغير خليجيين لبلاد الخليج غربة شراشف ( ملايات ) ومروحة سقف ما اكتر
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:11   #10
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

هل تعلمون احبتي كم هو متوسط الراتب في السعودية بالتحديد بالنسبة للسودانيين

انا وظيفتي والحمد لله فوق المتوسط بقليل

ولكن لنعمل احصائية عن السواد الاعظم :

الرواتب للوظائف العادية بشهادة جامعية ( باستثناء الطب والهندسة بخبرات وحظوظ كبيرة ) كلاتي :

المحاسبين في الشركات الوطنية بياخدو : من الفين وخمسمية الى اربعة الاف ريال .
ودي غالبية مهن السودانيين هنا

والما خريج مركب مكنة خريج .

طيب ناخدهم كشريحة كبيرة

المصروف لمن يعيش بدون زوجة واطفال يشاركونه غربته كلاتي

سكن - متوسط الشقق من تسعة الاف الى ثلاثين الف في السنة . ان لم يوفره الكفيل
الاكل والشرب - سعر الوجبة في المطاعم السودانية لا تقل عن عشرة ريال .
بنزين ومصروف جانبي وتحويلات واتصالات
تحاويل مفترضة للسودان

ومفروض كل سنة او سنتين ينزل ويجدد اقامة ويدق خروج وعودة ويرضي الكفيل ويكون معاهو من خمسة الى عشرة الاف في جيبو .
طيب لو وفر منها عشرة الف ريال ما بتجيب ليهو ركشة في السودان .

******
مافي راتب اقل من عشرة الاف ممكن يوفر الحاجات دي كلها .

وكيف شعورك لما ولدك كل سنة يعرفوهو علي بابا من جديد
وكيف شعورك وكل يوم بتشيل الفاتحة في عدد من الناس اللي ما حضرتهم ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:12   #11
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

والله يا العيكورة ما بحب اشارك فى البوستات الكلها تراجيديا دى بس والله قصتك حزنتنى,
هى الدنيا ايه يا ابن العم غير اللحظات البنعيشها دى.
اتخارج يا صديقى, عشان تتغير.
بجد افضل حاجه بقولها ليك انك تقفل صفحة العشرة سنين دى و تبدأ صفحه جديده,
اتخارج يا حبيبنا البلد ديك شكلها هم, كان عجزتا معاها ما تسمح ليها تقتل بقية الامل الفيك.
اطلع و لف الدنيا كبيرة و فيها الخير كتير يا مان.
و نصيحة اخوان
يومك التديها بالجزمه بتجرى وراك
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:15   #12
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post
والله يا العيكورة ما بحب اشارك فى البوستات الكلها تراجيديا دى بس والله قصتك حزنتنى,
هى الدنيا ايه يا ابن العم غير اللحظات البنعيشها دى.
اتخارج يا صديقى, عشان تتغير.
بجد افضل حاجه بقولها ليك انك تقفل صفحة العشرة سنين دى و تبدأ صفحه جديده,
اتخارج يا حبيبنا البلد ديك شكلها هم, كان عجزتا معاها ما تسمح ليها تقتل بقية الامل الفيك.
اطلع و لف الدنيا كبيرة و فيها الخير كتير يا مان.
و نصيحة اخوان
يومك التديها بالجزمه بتجرى وراك

فلتكن رغباتك اكبر من مخاوفك و لا تنهى القتال حتى تفوز
فانت لا تحصل على ما ترغب بل تحصل على ما تستحق
قاتل بشجاعه لتموت مرة واحده فالجبان وحده من يموت كل يوم

خليني اكمل مداخلتك بتوقيعك الراقي

واتساءل هل العيب في عدم صبرنا علي السودان
فينا نحن وله في بلدنا ؟

كل الجنسيات المعانا بتعاني
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:17   #13
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post
هل تعلمون احبتي كم هو متوسط الراتب في السعودية بالتحديد بالنسبة للسودانيين

انا وظيفتي والحمد لله فوق المتوسط بقليل

ولكن لنعمل احصائية عن السواد الاعظم :

الرواتب للوظائف العادية بشهادة جامعية ( باستثناء الطب والهندسة بخبرات وحظوظ كبيرة ) كلاتي :

المحاسبين في الشركات الوطنية بياخدو : من الفين وخمسمية الى اربعة الاف ريال .
ودي غالبية مهن السودانيين هنا

والما خريج مركب مكنة خريج .

طيب ناخدهم كشريحة كبيرة

المصروف لمن يعيش بدون زوجة واطفال يشاركونه غربته كلاتي

سكن - متوسط الشقق من تسعة الاف الى ثلاثين الف في السنة . ان لم يوفره الكفيل
الاكل والشرب - سعر الوجبة في المطاعم السودانية لا تقل عن عشرة ريال .
بنزين ومصروف جانبي وتحويلات واتصالات
تحاويل مفترضة للسودان

ومفروض كل سنة او سنتين ينزل ويجدد اقامة ويدق خروج وعودة ويرضي الكفيل ويكون معاهو من خمسة الى عشرة الاف في جيبو .
طيب لو وفر منها عشرة الف ريال ما بتجيب ليهو ركشة في السودان .

******
مافي راتب اقل من عشرة الاف ممكن يوفر الحاجات دي كلها .

وكيف شعورك لما ولدك كل سنة يعرفوهو علي بابا من جديد
وكيف شعورك وكل يوم بتشيل الفاتحة في عدد من الناس اللي ما حضرتهم ؟

يا مان كفاية,
اقسم بالله حا ابكى.
الفين شنو يا مان؟
يا حبيبنا لم حاجاتك و سنفروا بحياتكم,
اقسم بالله قهر.
الكلام البتقول فيهوا دا ما قادر استوعبوا.
غايتوا الله يقويكم و يثيبكم خير لكن جد دى ما عيشه دى.
آسف و الله بس قفلت معاى للآخر.
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:18   #14
gagool
Crown Member
 
gagool's Avatar
 

Join Date: Jan 2006
Location: abu dom
Posts: 11,602
Default


ياعزيزي وابني الجبيب
‏.
سيف ذو حدين
و
أحلاهما مر
‏.
ولو ماخايف ادخل في السياسه ، لحكيت لك عشراب السنين غربه ..واربعه سنوات في الدوسان ...
بكينا بدون دموع هناك ولازلنا
بس ظروفي بتختلف
ربنا يوفقك فيماهو خير
ولك ودي

‏‎
__________________
اللهم لاتؤاخذنا بما فعل السفهاء منا
اللي بعدو
gagool is offline   Reply With Quote
Old 11-May-12, 21:18   #15
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

الناس الرواتبها وصل الى ثلاثين الف ريال

هل استقرت في السودان ؟

ولما حققو مشاريعهم العايزنها هل اكتفو ؟

ولما فكرو مجرد تفكير في الاستقرار كم اصبح عمر اولادهم وبناتهم ؟

هل حقيقي اولادهم زي اولاد عمهم ؟ وله في فرق في فهم الواقع في الحياة وفهم السودان

الفن السياسة الكورة , منبعهم الوحيد والدهم ووالدتهم , هل كونو جواهم زي زولنا العاش ما طلع من بلدو ؟

هل التمن البندفعو للغربة قدر االبنكسبو منها ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote

Old 11-May-12, 21:22   #16
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by gagool View Post

ياعزيزي وابني الجبيب
‏.
سيف ذو حدين
و
أحلاهما مر
‏.
ولو ماخايف ادخل في السياسه ، لحكيت لك عشراب السنين غربه ..واربعه سنوات في الدوسان ...
بكينا بدون دموع هناك ولازلنا
بس ظروفي بتختلف
ربنا يوفقك فيماهو خير
ولك ودي

‏‎

السياسة خليناها بس اديني حكاية الاربعة سنين في السودان دي
عدم صبر منك ام اكثر من ما نتوقع

انا اتخرجت وعديت سنة في السودان واغتربته على طول
وبتمنى الزمن يرجع واعدل القرار ده

تجربتي في السودان وانا شغال ما في مقارنة بينها وبين العديتو هنا
لذلك المقارنة بالنسبة لي صعبة
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:32   #17
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post
الناس الرواتبها وصل الى ثلاثين الف ريال

هل استقرت في السودان ؟

ولما حققو مشاريعهم العايزنها هل اكتفو ؟

ولما فكرو مجرد تفكير في الاستقرار كم اصبح عمر اولادهم وبناتهم ؟

هل حقيقي اولادهم زي اولاد عمهم ؟ وله في فرق في فهم الواقع في الحياة وفهم السودان

الفن السياسة الكورة , منبعهم الوحيد والدهم ووالدتهم , هل كونو جواهم زي زولنا العاش ما طلع من بلدو ؟

هل التمن البندفعو للغربة قدر االبنكسبو منها ؟
طيب يالعيكوره,
انا خلاص فاض بى ولازم اطلع الفى بطنى دا عشان ما اتسمم.
شوف يا حبيبنا,
ما تشوف لماضتى دى و تقول الزول دا الوطنية كاتلاهوا,
انا واحد من الناس بعتبر السودان دا زى حديقة الحيوانات و بعتذر للناس الحا تزعل.
تمشى تزوروا و انتا شايل معاك حق التسالى و العصائر و الايس كريم و بس لكن تسكن فيهوا فدا امر صعب الفهم بالنسبة لى.
لانو ببساطه لو ما عندك عينك حا تطلع و لو عندك و شايف الناس ما عندها حا تندم فالباب دا موصد بالنسبة لى تماما و خارج اى حسابات.
الوالد الله يديهو العافيه مشغل لينا قصة السودان دى و الوطنية نزلت على قلبه اخيرا و شغل لينا اغنية الوطن و الكفاح و البناء و التطوير, بى اختصار متخيل نفسوا حا يمشى يعمل عوض الجاز, فأول ما مشى جانا راجع بى جلطه قربت تشلوا و بقينا اسم الجمهورية دا ما بنجيبوا اطلاقا, و اخيرا شكلوا حا يعمل زى عمى يلم العفش و الاولاد و يجرى امريكا امكن فى يوم واحد من نسلوا يطلع اوباما تانى.
بالنسبه لتربية الاولاد و اذا كانوا حا يطلعوا زى اولاد عمهم,
شوف يا حبيبنا, صاح احنا ما طلعنا زى اولاد عمنا الممكن تجدعهم فى صحراء يعملوا ليك حلة ثعابين لكن بكل تأكيد اكتسبنا حاجات هم نفسهم عايزين عمر تانى عشان يعرفوها. يعنى الموضوع ما مفاضله هل اولاد العم احسن ولا انا احسن الموضوع انو الانسان ابن بيئته.
الثمن البيدفعه الانسان للغربه فى نظرى هو نفس الثمن البيدفعوا الانسان فى بلده او فى بيت امه و صدقنى انا على قناعه انو الغربه نفسها مش مبرر لانو الانسان يستكين للما عاجبوا لانو و ببساطه ربنا قال انو خلق الانسان فى كبد, فلو هو فى بلدوا او فى اى كوكب مجاور نفس الكبد و العناء حا يكون مصيره لان دى الدنيا كدا و للاسف القوانين بتاعتها ما لينا اى يد فيها و كل البنقدر نعملوا انو نقيف ليها و نقول ليها ورح نتناطح و يوم يا دنيا يا بت الكلب حا تجى و تعتذرى لى.
معليش اسقطا ليك الكلام كله على نفسى لانو كلامك دا جلد للزات و جلد الزات عندى زى الموت بيخليك تفكر فى نفسك طوالى.
آسف عل اطاله
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:36   #18
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

اول ما اتخرجت من جامعة الجزيرة كنت قد سبقت تخرجي بعامين في مجال العمل
في ذلك الوقت حباني الله بنعمة كبيرة وهي العمل في مجال الاعلام
وعملت في تلفزيون الجزيرة وإذاعة ودمدني وكنت في وضع لا تستطيع من الراتب ان تعمل شي كتير
وحتى الزملاء الكانو معانا كانو يعانون اشد المعاناة في توفير الحد الادنى من المعيشة
وكان الوضع يوصف بالصعب في ذلك الوقت
الى جانب ذلك كنت اعمل بالتدريس متعاونا وبمبلغ زهيد
ومن الطرائف ان راتب الاذاعة كان يأخذه صاحب الكافتيريا واحيانا ينقص عن الايفاء بالدين
وبالرغم من ذلك كنت قريب من اسرتي اكثر مما عليه الان
كانت حياة ممتعة بمعاناتها
حين لاح بريق الغربة والعقودات مع وزارة التربية والتعليم السعودية
سال له اللعاب
وحسبنا الراتب بالعملة السودانية
يساوي تقريبا راتب سنة من رواتب الاذاعة والتلفزيون والمدرسة جميعاً
ولكن لم نحب مصروفات الغربة
ولم نحسب المحصول عند حصاده اخر العام
وكل سنة تتم وترجع السودان تحس انك كانك غايب عن الوعي تماما
وزملاءك تقدمو نفس المواقع ولكن بمستوى معيشة اقل
وانت في غربة كالمكينة
لا تحمل احساسا نحو طلابك الا انتظار جرس نهاية الحصة
ولا يحملون لك الذكريات بعد تخرجهم الا القليل
تشتاق ان تجلس في كافتيريا او تسمع صوت الاذاعة مع نسمات الصباح
او حين تعود الى بيتك تلتقي شلتك القديمة
او تاتيك امك بالغداء قبيل الغروب بقليل

تشتاق النوم تحت النجوم لا يفصلك اسمنت الشقق عنها بالسقف المظلم
وتشتاق ان تسمع اصوات الباعة حين تشق شوارع ودمدني

تشتاق ان تتقاسم ما تبقى في الجيب قبل ان تركب المواصلات
ولا تساويها متعة ان تمتطي اخر الموديلات هنا وحدك
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:39   #19
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

معليش يا العيكوره,
كمل يا مان انا قائل الموضوع للنقاش قمتا سقتا فيها

كمل انا شكلى حا اقعد مساهر معك للصباح
وحات الله انا خلاص كبرتا ولازم ابطل الحاجات البعمل فيها دى عشان ما اعوق نفسى.
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:42   #20
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post


طيب يالعيكوره,
انا خلاص فاض بى ولازم اطلع الفى بطنى دا عشان ما اتسمم.
شوف يا حبيبنا,
ما تشوف لماضتى دى و تقول الزول دا الوطنية كاتلاهوا,
انا واحد من الناس بعتبر السودان دا زى حديقة الحيوانات و بعتذر للناس الحا تزعل.
تمشى تزوروا و انتا شايل معاك حق التسالى و العصائر و الايس كريم و بس لكن تسكن فيهوا فدا امر صعب الفهم بالنسبة لى.
لانو ببساطه لو ما عندك عينك حا تطلع و لو عندك و شايف الناس ما عندها حا تندم فالباب دا موصد بالنسبة لى تماما و خارج اى حسابات.
الوالد الله يديهو العافيه مشغل لينا قصة السودان دى و الوطنية نزلت على قلبه اخيرا و شغل لينا اغنية الوطن و الكفاح و البناء و التطوير, بى اختصار متخيل نفسوا حا يمشى يعمل عوض الجاز, فأول ما مشى جانا راجع بى جلطه قربت تشلوا و بقينا اسم الجمهورية دا ما بنجيبوا اطلاقا, و اخيرا شكلوا حا يعمل زى عمى يلم العفش و الاولاد و يجرى امريكا امكن فى يوم واحد من نسلوا يطلع اوباما تانى.
بالنسبه لتربية الاولاد و اذا كانوا حا يطلعوا زى اولاد عمهم,
شوف يا حبيبنا, صاح احنا ما طلعنا زى اولاد عمنا الممكن تجدعهم فى صحراء يعملوا ليك حلة ثعابين لكن بكل تأكيد اكتسبنا حاجات هم نفسهم عايزين عمر تانى عشان يعرفوها. يعنى الموضوع ما مفاضله هل اولاد العم احسن ولا انا احسن الموضوع انو الانسان ابن بيئته.
الثمن البيدفعه الانسان للغربه فى نظرى هو نفس الثمن البيدفعوا الانسان فى بلده او فى بيت امه و صدقنى انا على قناعه انو الغربه نفسها مش مبرر لانو الانسان يستكين للما عاجبوا لانو و ببساطه ربنا قال انو خلق الانسان فى كبد, فلو هو فى بلدوا او فى اى كوكب مجاور نفس الكبد و العناء حا يكون مصيره لان دى الدنيا كدا و للاسف القوانين بتاعتها ما لينا اى يد فيها و كل البنقدر نعملوا انو نقيف ليها و نقول ليها ورح نتناطح و يوم يا دنيا يا بت الكلب حا تجى و تعتذرى لى.
معليش اسقطا ليك الكلام كله على نفسى لانو كلامك دا جلد للزات و جلد الزات عندى زى الموت بيخليك تفكر فى نفسك طوالى.
آسف عل اطاله

ما عندك مشكلة في الاطالة بالعكس بتريحني شديد بي كلامك

تعليق لطيف من احد الاصدقاء كان علي التلفون قبل يومين
وبنتكلم في نفس الموضوع
قلت ليهو نحن بنفتش في الكماليات بدون سعادة
وانا ممكن اعيش بالاساسيات واكون وسط بيئتي

قال لي ما تحلم هنا الاساسيات بقت كماليات


تخويف بالسودان من الناس العايشين فيهو وكانو مغتربين سابقين
هل لأنهم اتعودو علي العيش بسهولة هنا والتسوق في المولات ؟
ام لأنه فعلا اشبه بالمستحيل

اها في ناس نجحت برضو وما عندها علاقة بي حكومة ولا كيزان
دي كيف ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:48   #21
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post
معليش يا العيكوره,
كمل يا مان انا قائل الموضوع للنقاش قمتا سقتا فيها

كمل انا شكلى حا اقعد مساهر معك للصباح
وحات الله انا خلاص كبرتا ولازم ابطل الحاجات البعمل فيها دى عشان ما اعوق نفسى.
نصف رايك عند اخوك

واصلا انا طارحو للنقاش
بس مرات بكون زي المسهرجة بي حمى
كلمة مسهرجة بي حمى دي ما اتذكر قلتها قريب

ف شنو
مرات الواحد بحس البورد ده في المدة القليلة القضاها فيهو انو ممكن يتكلم زي ما يكون مع روحو
والاخوان ما بقصرو معاهو بصححوهو

******

تصدق في اول اجازة لي كتلني الضحك
مشيت بره الحله منظقة بعيدة شوية كده وراء فرن آلي قديم

سمعت صوت كلب بينبح
ومعاي واحد من اصحابي
قمت ميت من الضحك
قال لي مالك ؟

قلت ليهو تصدق السنة الفاتت دي كلها ما سمعت لي نباح كلب

قال لي اها ومبسوط ان شاء الله
قلت ليهو ايوة وانا بضحك
قال لي خلاص يا سيدي انبح معاهو تب اخد راحتك
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 21:50   #22
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post
ما عندك مشكلة في الاطالة بالعكس بتريحني شديد بي كلامك

تعليق لطيف من احد الاصدقاء كان علي التلفون قبل يومين
وبنتكلم في نفس الموضوع
قلت ليهو نحن بنفتش في الكماليات بدون سعادة
وانا ممكن اعيش بالاساسيات واكون وسط بيئتي

قال لي ما تحلم هنا الاساسيات بقت كماليات


تخويف بالسودان من الناس العايشين فيهو وكانو مغتربين سابقين
هل لأنهم اتعودو علي العيش بسهولة هنا والتسوق في المولات ؟
ام لأنه فعلا اشبه بالمستحيل

اها في ناس نجحت برضو وما عندها علاقة بي حكومة ولا كيزان
دي كيف ؟

م
مكن اعلق ليك عل نقطه الاخيره دى مره تانيه بأسهاب اكتر بس الناس النجحت دى هى الناس العارفه انو الله لمن وزع الارزاق ما قال للكيزان و الحكومة بس, و بى كدا ما حصروا فكرهم و عملهم بل توكلوا على الله رب الخير و انطلقوا.
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:52   #23
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post
نصف رايك عند اخوك

واصلا انا طارحو للنقاش
بس مرات بكون زي المسهرجة بي حمى
كلمة مسهرجة بي حمى دي ما اتذكر قلتها قريب

ف شنو
مرات الواحد بحس البورد ده في المدة القليلة القضاها فيهو انو ممكن يتكلم زي ما يكون مع روحو
والاخوان ما بقصرو معاهو بصححوهو

******

تصدق في اول اجازة لي كتلني الضحك
مشيت بره الحله منظقة بعيدة شوية كده وراء فرن آلي قديم

سمعت صوت كلب بينبح
ومعاي واحد من اصحابي
قمت ميت من الضحك
قال لي مالك ؟

قلت ليهو تصدق السنة الفاتت دي كلها ما سمعت لي نباح كلب

قال لي اها ومبسوط ان شاء الله
قلت ليهو ايوة وانا بضحك
قال لي خلاص يا سيدي انبح معاهو تب اخد راحتك


لكن حالتك تحنن
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 21:58   #24
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post


لكن حالتك تحنن

البرنامج اليومي
الصحيان اربعه وعشر دقائق
الصلاة اربعة ونص وخمسة
الدوام على بعد اربعة وخمسين كيلومتر
مما يتطلب على الاقل نص ساعة
الدوام ينتهي بعد الظهر

كل الايام زي بعض
نفس الوجوه بتمر كل يوم
لا نادي لا لمة لا ست شاي
لا نفير لا فاتحة لا عرس
حتى العيد مسيخ

المفروض الواحد يصبر العشرة سنين الصبرها دي ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 22:05   #25
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post

البرنامج اليومي
الصحيان اربعه وعشر دقائق
الصلاة اربعة ونص وخمسة
الدوام على بعد اربعة وخمسين كيلومتر
مما يتطلب على الاقل نص ساعة
الدوام ينتهي بعد الظهر

كل الايام زي بعض
نفس الوجوه بتمر كل يوم
لا نادي لا لمة لا ست شاي
لا نفير لا فاتحة لا عرس
حتى العيد مسيخ

المفروض الواحد يصبر العشرة سنين الصبرها دي ؟

طب اقول ليك حاجه و تصدق؟
ياخ انا ما قادر اتخيل نفسى عشره سنين فى قارة واحده خليك من نفس المشاهد و الخلق.
يا مان اعمل مجنون و شيل شنطتك و اتخارج وحات الله الدنيا ما كويسه عشان كدا خلى قلبك قاسى معاها و البيحن بيتمحن.
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 22:17   #26
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post

طب اقول ليك حاجه و تصدق؟
ياخ انا ما قادر اتخيل نفسى عشره سنين فى قارة واحده خليك من نفس المشاهد و الخلق.
يا مان اعمل مجنون و شيل شنطتك و اتخارج وحات الله الدنيا ما كويسه عشان كدا خلى قلبك قاسى معاها و البيحن بيتمحن.
ههههههههه

الزايد الطين بله

الفي صورة اسفل التوقيع دي

هي واختها في الماسنجر يوماتي

اها موش اشيل شنطتي ؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 22:23   #27
Computergy
Golden Member
 
Computergy's Avatar
 

Join Date: Feb 2006
Posts: 6,794
Default

Quote:
Originally Posted by العيكورة View Post
ههههههههه

الزايد الطين بله

الفي صورة اسفل التوقيع دي

هي واختها في الماسنجر يوماتي

اها موش اشيل شنطتي ؟

ما شاء الله تبارك الله, ربنا يحفظها ليك هى و اختها و يربوا فى عزكم و كنفكم يا رب.
الله يرد غربتك و انتا غانم و سعيد و يلمك على اهلك و تعيشوا اسعد و احلى يا رب السماوات.
اللهم آمين
قوى قلبك يا بطل و الله موجود.
__________________
Who Dares Wins
Nothing ventured, nothing gained
I love you a little bit more when you call me honey
Computergy is offline   Reply With Quote
Old 11-May-12, 22:29   #28
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by Computergy View Post

ما شاء الله تبارك الله, ربنا يحفظها ليك هى و اختها و يربوا فى عزكم و كنفكم يا رب.
الله يرد غربتك و انتا غانم و سعيد و يلمك على اهلك و تعيشوا اسعد و احلى يا رب السماوات.
اللهم آمين
قوى قلبك يا بطل و الله موجود.
انا افوتك بي عافية كمبيوترجي

واشكرك كتير علي السهرة الجميلة دي

كأنو الواحد رجع بيتو وفضفض مع اخوهو
****
وحين ياتي مساء الغد تعود الهواجس والرغبات في العوده

اتمنى لك حياة سعيدة
*******
من طرائف ونسات السفر حين نكون في المطار عائدون للسودان
تسمع صوت احد الزملاء يقول

اها اخبار اللوتري كيف ؟

ما كفانا رحيح ؟؟؟؟
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 11-May-12, 22:51   #29
baouga
Major Contributor
 

Join Date: Nov 2005
Location: united kingdom
Posts: 400
Default

اخي العيكوره والله قلبي معك وهناك وجه شبه بيني وبينك فكلانا يتخذ من اسم قريته اسماً له وهذاء يدل لي مدي حبك للعيكوره وايضاً حبي للباوقه اما وجه الشبه الاخر فهو الغربه اللعينه فانا لي عشرين عاماً في الغربه مع انني لم اتخرج من الجامعات السودانيه فكانت غربتي من عمر صغير مقارنةً بمن حولي قضيت نصفها في الدراسه والبحث عن زوجه. ولكن لم يمر يوم والا وانا اتخيل قي رجوعي الي السودان بصفه نهائيه لكن كان لي برنامج وخطه في راسي للرجوع ووضعته فتره معينه لتطبيقها وهانذا في منتصف الطريق والحمدالله لحدي اسي ماشي علي حسب الجدول. اخي اتمني من ربي ان يوفقك وان تكون لك خطه للرجوع وتلتزم بها اما اذا رجعته من غير خطه فلن يدوم بقاك في السودان كثيراً قبل ان تحزم امتعتك ثانيةً للغربه وهذه المره ستكون غربه دائمه.

Last edited by baouga; 11-May-12 at 22:57.
baouga is offline   Reply With Quote
Old 11-May-12, 23:19   #30
alklaklah
Crown Member
 
alklaklah's Avatar
 

Join Date: Jun 2007
Posts: 13,327
Default

السلام عليكم يا اخونا العيكورة
الغربة اكيد صعبة شديد ومن اسوا ما قرات عنها ما كتبه الاستاذ الشاعر محي الدين الفاتح في مجلة الخرطوم الجديدة
قال تعريف المغترب هو الذى يكدح طول عمره ليبني بيتا في السودان لياتي ويقيم فيه مأتمه وعزاءه
ثم يكتب ابناءه لافتة على باب المنزل...منزل المرحوم فلان الفلاني
وللاسف دي حقيقة ولو ما رجعت ميت بترجع نصف حي

لكن بس داير اقوليك حاجة الغربة دي مرات حسب شخصية الزول
في ناس حنينيين زيك وزيي كدا ما بقدرو على فراق الوطن كتير
ومرتبطين بيهو شديد...لكن في ناس واقعين وما عايز اقول قاسين بس بالجد هم ناس ما بتعاملو بالعواطف بل بحكمو عقلهم
زي ناس اخونا كمبيوترجي دا كدا....وبالجد الغربة رغم قساوتها لكن بتستفيد منها والله شديد لو ما ماديا بتستفيد خبرات حياتية كتيرة وكونك شقيت الديار ساي دا براهو علم...غير الفايدة في مجال عملك من تعلم اشياء جديدة والتعلم على التعامل مع اجناس مختلفة
وكونك تكون شفت حياة الرفاهية والعالم المتقدم وعرفت الدنيا ماشه كيف دي براها فايدة

انا ممكن افكاري تكون مشتته في التعليق دا لكن يمكن تطلع منها بحاجة برضو
المهم يا اخوي كلامك البتقولو فوق دا والله بتفق معاك فيهو والغربة ما فيها راحة
لكن كمان ابعد العواطف بعيد شويه وخت في بالك انك لازم تتغير
يعني انت كتير بتحن للشلة القديمه والقعدات والحاجات دي
كل مرحلة عمرية ليها وضعها فانت اكيد حتمشي تلقى الناس اتغيرت واتزوجت وبقت عليها مسؤليات
فالدنيا ما بتقيف في مرحلة واحدة والشلة بتتفرتق وكل زول بشوف معيشتو وين
واكيد لو جاتو فرصة ما حيفوتها عشان قعدة العصرية في النادي ولا الدافوري ولا الكشتينة بليل ولا قعدة تحت العمود
فانت لازم تقتنع انو وانت عمرك 20 سنة ما ياهك العيكورة بعد 10 سنوات
جرت مياه كتيرة تحت الجسر
وياما ناس كانو اصحاب ما بفرقهم الا النوم اغترب واحد فيهم والتاني راسو اتقطع
لكن بتقطع اول شهر ولا شهرين وتاني بتاقلم وبعيش حياتو عادي وانت بهناك كل يوم حتتصل عليهو لكن بعد شويه برضك حتهدن
وهو بهنا حينسى وينغمس في معايشو....والدنيا اصلا كدا يا حبيب مراحل...والتغير هو الثابت الوحيد فيها

فانت هسي هنا ما موفر يمكن لكن عايش واكيد سادي فرقات كبيرة لاهلك بهناك لو رجعت يمكن يفقدو سند كان بساعد اكيد
بس المشكلة انو لمتين الوضع حيكون كدا؟
دي الحاجة الصعبة

وفي بوست سمح بتاع اخونا غريب اسمو انواع الاغتراب
اول نوع قال هو نوع اغترب كي اعيش
وقال انو الصنف دا ما بوفر اي شي من راتبو لكن بكون عايش في امان الله
ولو داير الصراحة هنا في السعودية لو ادوك الف ريال فقط في الشهر بتساوي في السودان 1500 بالجديد يعني مليون ونص
في السودان المرتبو بصل مليون ونص دا معناها غني عديل....لكن بالجد ضغط نفسي الالف ريال دا تسكن منو بكم وترسل كم وتوفر كم؟وطبعا هو قليل السوداني البشتغل بالف ريال دا....لكن قول الفين كدا ممكن تكون مغترب لتعيش زي ما قال اخونا غريب
والحياة هنا غالية صح لكن نوعيتها اجود شويه
المهم هنا انا معاك في الغربة الحياة روتين قاتل ويوم واحد بتكرر 365 مرة وظلم وعدم امان وضغط نفسي من كل النواحي
بس انت كمان لو في طريقة جرب غير السعودية...فعلا الضغط النفسي في السعودية مضاعف

بس شوف انت كل ما قعدت في الغربة اكتر كل ما صعبت العودة
وبتتخيل انو مستحيل تقدر تعيش في السودان
لكن الناس هناك باقل القليل عايشه
المشكلة انو المغترب سقفو بكون ارتفع وما اظن يقدر على الممرطة تاني
لو مقتنع الناس ما حيريحهو
عليك الله يخلي السعودية ويجي يسكن في بيت ايجار ولا جالوص ولا يجي يشتغل بمرتب قدر دا وكان بياخد كم هناك
طبعا هم ما عارفين ساي
والله في ناس ساكنين في جخانين هنا في السعودية دي السودان بالنسبة ليها رحمة

المهم يا حبيب والله في النهاية ربنا دا واحد ياهو البرزق في السودان وبرزق في السعودية والدنيا كلها
والله العظيم تقتنع وترجع تعيش عادي زي ما الناس عايشه مشكلتنا نحنا بنحسب حسابات دنيويه بنبعد عنها ربنا وتدبيرو ورزقو
وما بنتذكرو الا في اخر مرحلة في حين انو مفروض نلجا ليهو اول حل موش اخر حل

المهم والله انا بحكي ليك تجارب ناس اصحابي ساكن وقمت معاهم من سنين
طبعا انا زاتي ايماني ضعيف مع انو وضعي بالنسبة لاصحابي ديل سمح شديد الحمد لله لكن خايف ولغاية هسي ما عرست وانا 35 سنة عمري
المهم اول واحد من اصحابي ديل مجدي والله هسي جابو ليهو المولود التالت والزول دا والله مجازف مرات طلبه مرات في دكان اسبيرات مرات لاف ساكت والمهم في امان الله عايش ومؤجر ما عندو شي ملكو
تاني واحد عسكري دفاع مدني قدرنا وعرس من 2003 والله بتو البكر هسي بقت مرا ماشا الله وعند تلاته تاني غيرها
في امان الله لسه في مطافيهو وعايش زي الترتيب
واخوهو الاكبر منو عرس بعد يمكن ي7 سنة وهسي عندو اتنين برضو ودا شغال بنيان والله بضراعو وعايش في امان الله
واخوهم التالت اصغر من ديل الاتنين برضو كان عسكري وفترة اشتغل دلالات وموبايلات وفي امان الله برضو عندو بت وماشه معاهو
وتاني واحد صاحينا برضو شغلو حفر ابيار وبنا ودا معرس اتنين كمان وزول مجازف شديد وعايش في امان الله والله
ونماذج كتيرة والله ناس مراسلات وحجاب في القضائية برضو معرسين ووالدين وعايشين واتخيل مراسلة دا مرتبو حيكون كم؟
طبعا انا ما بقلل من شان اي عمل شريف بس دي نماذج مهن مهمشه ورواتبه ضعيفة
يا اخوي والله الناس في السودان مضايقه اي لكن في النهاية امورهم ماشه ومافي زول وقفت معاهو وقال الروب
وانت برضو ربنا بدبرك زيهم لو مشيت
وان ربا كفاك بالامس ما كان سيكفيك في غد ما يكون
والعمر ماشي وفعلا الغربة عذاب صح تجربة مفيدة لكن كمان خصما من حاجات كتيرة
فبس قبل ما تقرر العودة النهائية زي ما قاليك اخونا ابو عرب امشي جرب اول عشان ما تندم بعدين
خلي خط رجعة فاتح لو لاقدر الله احتجتليهو تلقاهو
وربنا يسوي ليك الفيها الخير
وانا هسي بنصح فيك وانا زاتي مجهجه لكن انا لسه في البر
الله ورقبتي
ما على مسؤليات تانيه الحمدلله

اسف اطلت عليك شديد وشتت ليك افكارك



__________________
one of the fine things about silent prayer is that it shuts out the noise of the world.
alklaklah is offline   Reply With Quote

Old 11-May-12, 23:44   #31
الدرديري
Intermediate Contributor
 
الدرديري's Avatar
 

Join Date: Feb 2010
Location: Sudan
Posts: 159
Default

نعرف يا عيكوره
البوست ده مرات كتيره بفكر أكتب واحد زيو لكن من الإتجاه التاني
ومره في منتدى تاني سألت


س سؤال 2:
موضوع برضو داير نقاش ولو أمكن إجابات تفشنا

- ماهي أسباب الإغتراب أو الهجره عند السودانيين؟؟
(وبرضو لولقينا توضيح للفرق بين الإتنين بالمفهوم السوداني العامِّي البسيط)
- وما هي إحتمالات العوده؟؟؟


حسب ملاحظتي ناس بيغتربو لي أسباب مُعينه وبيرجعو بدون ما تنتفي الأسباب
وناس بتنتفي الأسباب وبرضهم ما برجعو


برضو الناس القاعدين في السودان الإنت بتتكلم عنهم ديل مليانيييين مغايس وهموم
بس الجري والتعب ما بديهم فرصه يفكرو ويحسبو
الواحد سايقو الزمن والعمر

وبرضهم بيعاينو ليكم إنت على أساس إنكم إنتو الأنجزتو وعملتو

وأقلاها يقول ليك أولادهم إتعلمو كويس وعايشين حياه كويسه و(ساهله)
__________________
بلادي وإن جارت علي عزيزةٌ
To view links or images in signatures your post count must be 10 or greater. You currently have 0 posts.
وأهلي وإن ضنُّوا علي كرامٌ
الدرديري is offline   Reply With Quote
Old 12-May-12, 00:04   #32
الدرديري
Intermediate Contributor
 
الدرديري's Avatar
 

Join Date: Feb 2010
Location: Sudan
Posts: 159
Default

شكلو البوست ده حيجيب لينا تجارب ثره

بالمناسبه يا عيكوره
أنا لي عشق وحنين عجيب للعكاره وخريج الجزيره (أوع تقول لي الدفعه كم؟؟)
بس دفعتنا كان فيها 3 من العيكوره وأصحابي شديد لغاية اليوم
واحد إغترب في السعوديه وإتنين مازالو موجودين

حقيقة أنا ما إغتربت أبداً إمكن لظروف الأسره والوضع هنا مستور والحمد لله
(أطول فتره بره السودان كانت دراسه سنه تخصص في الأردن)
لكن خلال العشره سنين الأخيره كل سنه بمرق مره ولا إتنين (من 3 شهور لي 5 أيام) والحمد لله
وبلاقي دفعتي وأصحابي البره وشايف إنو وضعهم أحسن مني
والغريبه هم برضوهم بيقولو لي إنت أحسن مننا (شكلها تطمينه وكده)


لكن صراحة كده في التلاته سنين الأخيره بديت جادي أفكر في المرقه (بس تكون بي فهم)
ومجتهد في الموضوع ده

في السودان حالياً تقريباً لا يوجد من لم يغترب أو تحدثه نفسه بالإغتراب
__________________
بلادي وإن جارت علي عزيزةٌ
To view links or images in signatures your post count must be 10 or greater. You currently have 0 posts.
وأهلي وإن ضنُّوا علي كرامٌ
الدرديري is offline   Reply With Quote
Old 12-May-12, 00:11   #33
الدرديري
Intermediate Contributor
 
الدرديري's Avatar
 

Join Date: Feb 2010
Location: Sudan
Posts: 159
Default

Quote:
Originally Posted by الدرديري View Post
في السودان حالياً تقريباً لا يوجد من لم يغترب أو تحدثه نفسه بالإغتراب
واحد مره وصف وضع السودان زي الحمَّام لا مؤاخذه

البره مزنزق داير يدخل والجوه متضايق منتظر متين يمرق
__________________
بلادي وإن جارت علي عزيزةٌ
To view links or images in signatures your post count must be 10 or greater. You currently have 0 posts.
وأهلي وإن ضنُّوا علي كرامٌ
الدرديري is offline   Reply With Quote
Old 20-May-12, 01:17   #34
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by baouga View Post
اخي العيكوره والله قلبي معك وهناك وجه شبه بيني وبينك فكلانا يتخذ من اسم قريته اسماً له وهذاء يدل لي مدي حبك للعيكوره وايضاً حبي للباوقه اما وجه الشبه الاخر فهو الغربه اللعينه فانا لي عشرين عاماً في الغربه مع انني لم اتخرج من الجامعات السودانيه فكانت غربتي من عمر صغير مقارنةً بمن حولي قضيت نصفها في الدراسه والبحث عن زوجه. ولكن لم يمر يوم والا وانا اتخيل قي رجوعي الي السودان بصفه نهائيه لكن كان لي برنامج وخطه في راسي للرجوع ووضعته فتره معينه لتطبيقها وهانذا في منتصف الطريق والحمدالله لحدي اسي ماشي علي حسب الجدول. اخي اتمني من ربي ان يوفقك وان تكون لك خطه للرجوع وتلتزم بها اما اذا رجعته من غير خطه فلن يدوم بقاك في السودان كثيراً قبل ان تحزم امتعتك ثانيةً للغربه وهذه المره ستكون غربه دائمه.
[ame=http://www.youtube.com/watch?v=HMrOvJE8U08&feature=relmfu]‫ظ…ط­ظ…ظˆط¯ طھط§ظˆط± -- ظ…ط§ طھط·ظˆظ„ظˆط§ ط§ظ„ط؛ظٹط¨ط©‬‎ - YouTube[/ame]


اهديك دي وبس
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 20-May-12, 01:19   #35
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by alklaklah View Post
السلام عليكم يا اخونا العيكورة
الغربة اكيد صعبة شديد ومن اسوا ما قرات عنها ما كتبه الاستاذ الشاعر محي الدين الفاتح في مجلة الخرطوم الجديدة
قال تعريف المغترب هو الذى يكدح طول عمره ليبني بيتا في السودان لياتي ويقيم فيه مأتمه وعزاءه
ثم يكتب ابناءه لافتة على باب المنزل...منزل المرحوم فلان الفلاني
وللاسف دي حقيقة ولو ما رجعت ميت بترجع نصف حي

لكن بس داير اقوليك حاجة الغربة دي مرات حسب شخصية الزول
في ناس حنينيين زيك وزيي كدا ما بقدرو على فراق الوطن كتير
ومرتبطين بيهو شديد...لكن في ناس واقعين وما عايز اقول قاسين بس بالجد هم ناس ما بتعاملو بالعواطف بل بحكمو عقلهم
زي ناس اخونا كمبيوترجي دا كدا....وبالجد الغربة رغم قساوتها لكن بتستفيد منها والله شديد لو ما ماديا بتستفيد خبرات حياتية كتيرة وكونك شقيت الديار ساي دا براهو علم...غير الفايدة في مجال عملك من تعلم اشياء جديدة والتعلم على التعامل مع اجناس مختلفة
وكونك تكون شفت حياة الرفاهية والعالم المتقدم وعرفت الدنيا ماشه كيف دي براها فايدة

انا ممكن افكاري تكون مشتته في التعليق دا لكن يمكن تطلع منها بحاجة برضو
المهم يا اخوي كلامك البتقولو فوق دا والله بتفق معاك فيهو والغربة ما فيها راحة
لكن كمان ابعد العواطف بعيد شويه وخت في بالك انك لازم تتغير
يعني انت كتير بتحن للشلة القديمه والقعدات والحاجات دي
كل مرحلة عمرية ليها وضعها فانت اكيد حتمشي تلقى الناس اتغيرت واتزوجت وبقت عليها مسؤليات
فالدنيا ما بتقيف في مرحلة واحدة والشلة بتتفرتق وكل زول بشوف معيشتو وين
واكيد لو جاتو فرصة ما حيفوتها عشان قعدة العصرية في النادي ولا الدافوري ولا الكشتينة بليل ولا قعدة تحت العمود
فانت لازم تقتنع انو وانت عمرك 20 سنة ما ياهك العيكورة بعد 10 سنوات
جرت مياه كتيرة تحت الجسر
وياما ناس كانو اصحاب ما بفرقهم الا النوم اغترب واحد فيهم والتاني راسو اتقطع
لكن بتقطع اول شهر ولا شهرين وتاني بتاقلم وبعيش حياتو عادي وانت بهناك كل يوم حتتصل عليهو لكن بعد شويه برضك حتهدن
وهو بهنا حينسى وينغمس في معايشو....والدنيا اصلا كدا يا حبيب مراحل...والتغير هو الثابت الوحيد فيها

فانت هسي هنا ما موفر يمكن لكن عايش واكيد سادي فرقات كبيرة لاهلك بهناك لو رجعت يمكن يفقدو سند كان بساعد اكيد
بس المشكلة انو لمتين الوضع حيكون كدا؟
دي الحاجة الصعبة

وفي بوست سمح بتاع اخونا غريب اسمو انواع الاغتراب
اول نوع قال هو نوع اغترب كي اعيش
وقال انو الصنف دا ما بوفر اي شي من راتبو لكن بكون عايش في امان الله
ولو داير الصراحة هنا في السعودية لو ادوك الف ريال فقط في الشهر بتساوي في السودان 1500 بالجديد يعني مليون ونص
في السودان المرتبو بصل مليون ونص دا معناها غني عديل....لكن بالجد ضغط نفسي الالف ريال دا تسكن منو بكم وترسل كم وتوفر كم؟وطبعا هو قليل السوداني البشتغل بالف ريال دا....لكن قول الفين كدا ممكن تكون مغترب لتعيش زي ما قال اخونا غريب
والحياة هنا غالية صح لكن نوعيتها اجود شويه
المهم هنا انا معاك في الغربة الحياة روتين قاتل ويوم واحد بتكرر 365 مرة وظلم وعدم امان وضغط نفسي من كل النواحي
بس انت كمان لو في طريقة جرب غير السعودية...فعلا الضغط النفسي في السعودية مضاعف

بس شوف انت كل ما قعدت في الغربة اكتر كل ما صعبت العودة
وبتتخيل انو مستحيل تقدر تعيش في السودان
لكن الناس هناك باقل القليل عايشه
المشكلة انو المغترب سقفو بكون ارتفع وما اظن يقدر على الممرطة تاني
لو مقتنع الناس ما حيريحهو
عليك الله يخلي السعودية ويجي يسكن في بيت ايجار ولا جالوص ولا يجي يشتغل بمرتب قدر دا وكان بياخد كم هناك
طبعا هم ما عارفين ساي
والله في ناس ساكنين في جخانين هنا في السعودية دي السودان بالنسبة ليها رحمة

المهم يا حبيب والله في النهاية ربنا دا واحد ياهو البرزق في السودان وبرزق في السعودية والدنيا كلها
والله العظيم تقتنع وترجع تعيش عادي زي ما الناس عايشه مشكلتنا نحنا بنحسب حسابات دنيويه بنبعد عنها ربنا وتدبيرو ورزقو
وما بنتذكرو الا في اخر مرحلة في حين انو مفروض نلجا ليهو اول حل موش اخر حل

المهم والله انا بحكي ليك تجارب ناس اصحابي ساكن وقمت معاهم من سنين
طبعا انا زاتي ايماني ضعيف مع انو وضعي بالنسبة لاصحابي ديل سمح شديد الحمد لله لكن خايف ولغاية هسي ما عرست وانا 35 سنة عمري
المهم اول واحد من اصحابي ديل مجدي والله هسي جابو ليهو المولود التالت والزول دا والله مجازف مرات طلبه مرات في دكان اسبيرات مرات لاف ساكت والمهم في امان الله عايش ومؤجر ما عندو شي ملكو
تاني واحد عسكري دفاع مدني قدرنا وعرس من 2003 والله بتو البكر هسي بقت مرا ماشا الله وعند تلاته تاني غيرها
في امان الله لسه في مطافيهو وعايش زي الترتيب
واخوهو الاكبر منو عرس بعد يمكن ي7 سنة وهسي عندو اتنين برضو ودا شغال بنيان والله بضراعو وعايش في امان الله
واخوهم التالت اصغر من ديل الاتنين برضو كان عسكري وفترة اشتغل دلالات وموبايلات وفي امان الله برضو عندو بت وماشه معاهو
وتاني واحد صاحينا برضو شغلو حفر ابيار وبنا ودا معرس اتنين كمان وزول مجازف شديد وعايش في امان الله والله
ونماذج كتيرة والله ناس مراسلات وحجاب في القضائية برضو معرسين ووالدين وعايشين واتخيل مراسلة دا مرتبو حيكون كم؟
طبعا انا ما بقلل من شان اي عمل شريف بس دي نماذج مهن مهمشه ورواتبه ضعيفة
يا اخوي والله الناس في السودان مضايقه اي لكن في النهاية امورهم ماشه ومافي زول وقفت معاهو وقال الروب
وانت برضو ربنا بدبرك زيهم لو مشيت
وان ربا كفاك بالامس ما كان سيكفيك في غد ما يكون
والعمر ماشي وفعلا الغربة عذاب صح تجربة مفيدة لكن كمان خصما من حاجات كتيرة
فبس قبل ما تقرر العودة النهائية زي ما قاليك اخونا ابو عرب امشي جرب اول عشان ما تندم بعدين
خلي خط رجعة فاتح لو لاقدر الله احتجتليهو تلقاهو
وربنا يسوي ليك الفيها الخير
وانا هسي بنصح فيك وانا زاتي مجهجه لكن انا لسه في البر
الله ورقبتي
ما على مسؤليات تانيه الحمدلله

اسف اطلت عليك شديد وشتت ليك افكارك




[COLOR="rgb(139, 0, 0)"]تعرف الموضوع داير قعدة معاك
الليلة جيتك لكن الصبح جا وما مديني فرصة معاك
ف تاني بنرجع ليهو
[/COLOR]
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 20-May-12, 01:23   #36
العيكورة
Major Contributor
 
العيكورة's Avatar
 

Join Date: Mar 2011
Location: إذا أردت أن تكون تافهاً، فما عليك إلا أن تدير ظهرك لهموم الآخرين.
Posts: 2,009
Default

Quote:
Originally Posted by الدرديري View Post
شكلو البوست ده حيجيب لينا تجارب ثره

بالمناسبه يا عيكوره
أنا لي عشق وحنين عجيب للعكاره وخريج الجزيره (أوع تقول لي الدفعه كم؟؟)
بس دفعتنا كان فيها 3 من العيكوره وأصحابي شديد لغاية اليوم
واحد إغترب في السعوديه وإتنين مازالو موجودين

حقيقة أنا ما إغتربت أبداً إمكن لظروف الأسره والوضع هنا مستور والحمد لله
(أطول فتره بره السودان كانت دراسه سنه تخصص في الأردن)
لكن خلال العشره سنين الأخيره كل سنه بمرق مره ولا إتنين (من 3 شهور لي 5 أيام) والحمد لله
وبلاقي دفعتي وأصحابي البره وشايف إنو وضعهم أحسن مني
والغريبه هم برضوهم بيقولو لي إنت أحسن مننا (شكلها تطمينه وكده)


لكن صراحة كده في التلاته سنين الأخيره بديت جادي أفكر في المرقه (بس تكون بي فهم)
ومجتهد في الموضوع ده

في السودان حالياً تقريباً لا يوجد من لم يغترب أو تحدثه نفسه بالإغتراب

انا ما حاقول ليك كم ؟
لأنك تقريبا خريج الدفعة عشرة

كل ما مرة الوقت بتلقى نفسك انك احسن من اي مغترب بره
وصدقني المغترب قروشو حلاوة قطن
ولما يبدا يفقد نضارة البشرة بتكون اجازتو خلصت
لكن المقيم في السودان بشيل من نيلو نفس العذوبة والحياة
ولنا عودة , ويشرفني التعرف اليك اكثر , واشكرك لما ذكرت عن العيكورة
__________________
إن يحسدوني على موتي ، فَوَا أسفي ،،،،حتى على الموتِ لا أخلو مِنَ الحسـدِ
العيكورة is offline   Reply With Quote
Old 20-May-12, 04:03   #37
الزعيم
Major Contributor
 
الزعيم's Avatar
 

Join Date: May 2012
Posts: 223
Default

تجارب السبقوك والانا بعرفهم
مابتخليك ترجع السودان
الوضع في السودان الى الان ماشي لوضع أسوء
الزعيم is offline   Reply With Quote
Old 20-May-12, 04:17   #38
الزعيم
Major Contributor
 
الزعيم's Avatar
 

Join Date: May 2012
Posts: 223
Default

انت ذكرت انك انت ما بتوفر
انا عايزك بدون اي عاطفة اتخيل نزلت السودان هل حتلقى شغل
حتلقى راتب يقدر يعيشك وانا بقول يقدر يعيشك ما قلت ليك يعيشك ملك
انا بعرف مغتربين قضو فترات طويلة جدا في الغربة ورجعوا السودان نهائي
لكن ماقدروا يعيشوا بسبب الغلاء وانا بتكلم من ناحية مادية
فاضطر رب الاسرة انو يبدا من الصفر ويرجع تاني للغربة
معليش ما قريت ردودك كلها وما عارف هل انت رجعت السودان قريب ولا لا
لكن حاسي انك غبت فترة عن البلد لانو كلامك اغلبو كلام عاطفي وده الكلام الاحنا دايما كمغتربين بنقولو وانا مابقول انو عيب لكن
الواحد لازم يكون عندو واقعية لانو القرار الانت حتاخدو ما حتتأثر بيهو انت وحدك انت حتتأثر واولادك كمان وحتى أهلك العايشين في السودان
في الاول انزل السودان اجازة وعيش كأنك رجعت السودان نهائي وبعدها احكم
انا مابقول ليك انو العيشة في السودان مستحيلة لكن بقول فكر كويس
واستخير
ربنا يعينك ويسهل ليك أمرك
الزعيم is offline   Reply With Quote
Old 20-May-12, 04:28   #39
كمال عطية
Major Contributor
 
كمال عطية's Avatar
 

Join Date: Jun 2011
Location: ساكن جوه قلب المدام والأولاد
Posts: 525
Default

هذا البوست مس الكثيرين فما في انسان في السودان لم يغترب او على الأقل تحدثه نفسه بالاغتراب! و هنا ابدأ بحديث الحبيب صلى الله عليه وسلم، " لو ان ابن آدم هرب من رزقه كما يهرب من الموت لأدركه رزقه كما يدركه الموت" يعني لا تخاف ابدا فالمتوكل على الله لن يصيبه شئ ابدا. و هنا أحكي لكم قصة حقيقية حدثت لصديقنا ع ، فقد كان يعمل مخلص جمارك و في احدى المرات اتصل به عميل في يوم خميس و طلب منه تخليص بضاعته و طلب منه دفع الرسوم من جيبه على ان يأتي آخر اليوم و يدفع له. دفع أخونا ع كلما في جيبه و تبقى له فقط فلوس المواصلات. اتصل به العميل آخر اليوم معتذرا عن القدوم و وعده بدفع ما عليه يوم السبت مع مكافأة للتأخير ، المهم زولنا تحرك على المواصلات و في نفس اللحظة اتصلت عليه زوجته تبشره بقدوم ضيوف في المنزل و عليه احطار لوازم الغداء! و طبعا المسكين لم يكن في جيبه شئ! قال لي ع توكلت على الكريم و كلي قناعة ان الله ح يفرجها. ..... عندما نزل من المواصلات متجها لبيته و في آخر لفة قبل الدخول للمنزل اصطدم بشخص و عندما رفع رأسه اذا هو احد اصدقائه القدامى والذي صاح في وجهه يا ع ياخ انا لي زمن بفتش عليك! ياخ هاك الثلاثمائة جنيه الكنتا مدينها منك! ؟ ... وبقيةالقصة طبعا ظاهره. ... التوكل على الله يا احباب مهم جدا و داير زول ايمانه قوي. .. والاغتراب هو وسيلة و لكن يجب التخطيط فنحن السودانيين عشوائيين و بنغترب في كثير من الأوقات من غير هدف! لاحظوا للمصريين الواحد تلاقيه عنده خطة معينه و عارف داير شنو و لذلك تلاقيه بيعرف يوفر ، لو ذهبت للأسواق في الخليج و السعودية ح تلاقي رواده معظمهم من السودانيين وكذلك المطاعم ، يعني نحن بنجدع في الغربة و تلاقي السودانية تنوء بالذهب و تلاقيها عايزة تنافس مرة جارها السوداني الآخر و هي زوجها عامل بسيط و الأخرى زوحها قد يكون طبيب و طبعا ما ح نعمم ولكن ده حاصل. المهم الواحد لازم يكون عنده خطة و عنده كراس عديل كده ، يعني يوم كده ح أعمل كده و هكذا اما أذا خليت الحكاية للظروف ح ترجع بالأولاد المبغبغين و الزوجة المبغبغة و كيس أدوية كبير ، شئ سكري و شئ ضغط و قاوت و المدام ح يكون عندها كيس أدوية أكبر من حقك و الاولاد في السودان ح يقدوا جيبك بي أكل المطاعم في السودان ما خلاص اتعودوا على جداد البك و البستي كولا و حتى نسبهم الجابوها في السعودية ح يقولوا ليك دي منفوخة ساكت و ح ينقصوها ليك ، والله يا أخوان احسبوها صاح و جيبوا ليكم ورقة وقلم وشوفوا اموركم ماشه على وين وبعدين ارجعوا لكن برضو بي خطة و كمان أعملوا برضو تمارين على البلنتيات يعنى المباراة امكن تطلع تعادل!
__________________

To view links or images in signatures your post count must be 10 or greater. You currently have 0 posts.

Last edited by كمال عطية; 20-May-12 at 04:35.
كمال عطية is offline   Reply With Quote
Old 20-May-12, 12:14   #40
كمال عطية
Major Contributor
 
كمال عطية's Avatar
 

Join Date: Jun 2011
Location: ساكن جوه قلب المدام والأولاد
Posts: 525
Default

هذا البوست مس الكثيرين فما في انسان في السودان لم يغترب او على الأقل تحدثه نفسه بالاغتراب! و هنا ابدأ بحديث الحبيب صلى الله عليه وسلم، " لو ان ابن آدم هرب من رزقه كما يهرب من الموت لأدركه رزقه كما يدركه الموت" يعني لا تخاف ابدا فالمتوكل على الله لن يصيبه شئ ابدا. و هنا أحكي لكم قصة حقيقية حدثت لصديقنا ع ، فقد كان يعمل مخلص جمارك و في احدى المرات اتصل به عميل في يوم خميس و طلب منه تخليص بضاعته و طلب منه دفع الرسوم من جيبه على ان يأتي آخر اليوم و يدفع له. دفع أخونا ع كلما في جيبه و تبقى له فقط فلوس المواصلات. اتصل به العميل آخر اليوم معتذرا عن القدوم و وعده بدفع ما عليه يوم السبت مع مكافأة للتأخير ، المهم زولنا تحرك على المواصلات و في نفس اللحظة اتصلت عليه زوجته تبشره بقدوم ضيوف في المنزل و عليه احطار لوازم الغداء! و طبعا المسكين لم يكن في جيبه شئ! قال لي ع توكلت على الكريم و كلي قناعة ان الله ح يفرجها. ..... عندما نزل من المواصلات متجها لبيته و في آخر لفة قبل الدخول للمنزل اصطدم بشخص و عندما رفع رأسه اذا هو احد اصدقائه القدامى والذي صاح في وجهه يا ع ياخ انا لي زمن بفتش عليك! ياخ هاك الثلاثمائة جنيه الكنتا مدينها منك! ؟ ... وبقيةالقصة طبعا ظاهره. ... التوكل على الله يا احباب مهم جدا و داير زول ايمانه قوي. .. والاغتراب هو وسيلة و لكن يجب التخطيط فنحن السودانيين عشوائيين و بنغترب في كثير من الأوقات من غير هدف! لاحظوا للمصريين الواحد تلاقيه عنده خطة معينه و عارف داير شنو و لذلك تلاقيه بيعرف يوفر ، لو ذهبت للأسواق في الخليج و السعودية ح تلاقي رواده معظمهم من السودانيين وكذلك المطاعم ، يعني نحن بنجدع في الغربة و تلاقي السودانية تنوء بالذهب و تلاقيها عايزة تنافس مرة جارها السوداني الآخر و هي زوجها عامل بسيط و الأخرى زوحها قد يكون طبيب و طبعا ما ح نعمم ولكن ده حاصل. المهم الواحد لازم يكون عنده خطة و عنده كراس عديل كده ، يعني يوم كده ح أعمل كده و هكذا اما أذا خليت الحكاية للظروف ح ترجع بالأولاد المبغبغين و الزوجة المبغبغة و كيس أدوية كبير ، شئ سكري و شئ ضغط و قاوت و المدام ح يكون عندها كيس أدوية أكبر من حقك و الاولاد في السودان ح يقدوا جيبك بي أكل المطاعم في السودان ما خلاص اتعودوا على جداد البك و البستي كولا و حتى نسبهم الجابوها في السعودية ح يقولوا ليك دي منفوخة ساكت و ح ينقصوها ليك ، والله يا أخوان احسبوها صاح و جيبوا ليكم ورقة وقلم وشوفوا اموركم ماشه على وين وبعدين ارجعوا لكن برضو بي خطة و كمان أعملوا برضو تمارين على البلنتيات يعنى المباراة امكن تطلع تعادل!__________________
__________________

To view links or images in signatures your post count must be 10 or greater. You currently have 0 posts.
كمال عطية is offline   Reply With Quote
Old 15-May-13, 20:41   #41
alklaklah
Crown Member
 
alklaklah's Avatar
 

Join Date: Jun 2007
Posts: 13,327
Default

اها يا عيكورة بعد عام كامل من البوست دا
ماذا حدث؟
__________________
one of the fine things about silent prayer is that it shuts out the noise of the world.
alklaklah is offline   Reply With Quote
Old 15-May-13, 21:37   #42
namlat-alsukar
Major Contributor
 
namlat-alsukar's Avatar
 

Join Date: Dec 2006
Posts: 2,657
Default

Quote:
Originally Posted by abo3arab View Post
صلئ صلاة استخارة وشوف قلبك يقول ليك شنو واتوكل علئ الله البلد هناك ماشة كويس وفيها فرص عمل كتيرة والحمدلله ولكل مجتهد نصيب لكن زي ما قلت ليك اخد اجازة طويلة وامشئ شوف الوضع هناك كيف
كلامك صحي صلي صلاة الاستخارة وتوكل على الله
أمسك الاستغفار والصلاة على النبي وما تنقطع من ديل وبتشوف
أمورك كلها تتسهل. الله ييسر ليك طريقك ويفتحها عليك
دنيا وآخره
namlat-alsukar is offline   Reply With Quote
Old 16-May-13, 05:36   #43
swa-swa
Golden Member
 
swa-swa's Avatar
 

Join Date: Sep 2010
Posts: 7,057
Default

الحال فى السودان لا يشجع على العودة

Anyhow

العودة لابد منها -و قد إغتربت لمدة حوالى عشرة سنين و نصف

و عدت---و أقول لك

لو عدت بدون خطة محددة سيتآكل سنامك

و تتعب تعب شديد

تحتاج لشئ يسندك --مصدر دخل مثلا مثلا يكون عندك منزل كبير تؤجر

نصفه و تسكن فى النصف التانى --و الدخلو بيسمح لمنزلين يا سلام

نصف واحد للإيجار و واحد و نصف للسكن

و أتمنى من الأخوة العندهم فكرة عن مشاريع معينة يدونا رأيهم

بس لو داير تعمل مشروع أفضل حاجة تدرسه بحرص و أفضل تقعد فيهو بنفسك
__________________
We will show them Our signs in the horizons and within themselves until it becomes clear to them that it is the truth.Noble Quran-Surat Fussilat [verse 53]

To view links or images in signatures your post count must be 10 or greater. You currently have 0 posts.
swa-swa is online now   Reply With Quote
Old 16-May-13, 06:36   #44
اب عصا
Golden Member
 
اب عصا's Avatar
 

Join Date: Aug 2009
Posts: 5,850
Default

يا بحار
كتب الاعلامي فيصل القاسم مقالا قبل فترة (5/7/200 وحقيقة انا شخصيا تأثرت بهذا المقال حينما ربطته بالواقع وهو يقول:

أيها المغتربون لا تؤجلوا متعة الغربة إلى الوطن!



مهما طالت سنين الغربة بالمغتربين، فإنهم يظلّون يعتقدون أنَّ غربتهم عن أوطانهم مؤقَّتة، ولابدَّ من العودة إلى مرابع الصبا والشباب يوماً ما للاستمتاع بالحياة، وكأنما أعوام الغربة جملة اعتراضية لا محلَّ لها من الإعراب.
لاشكَّ أنه شعور وطني جميل، لكنه أقرب إلى الكذب على النفس وتعليلها بالآمال الزائفة منه إلى الحقيقة. فكم من المغتربين قضوا نحبهم في بلاد الغربة وهم يرنون للعودة إلى قراهم! وكم منهم ظلَّ يؤجِّل العودة إلى مسقط الرأس حتى غزا الشيب رأسه دون أن يعود في النهاية، ودون أن يستمتع بحياة الاغتراب! وكم منهم قاسى وعانى الأمرّين، وحرم نفسه من ملذات الحياة خارج الوطن كي يوفِّر الدريهمات التي جمعها كي يتمتَّع بها بعد العودة إلى دياره، ثم طالت به الغربة وانقضت السنون، وهو مستمرٌّ في تقتيره ومعاناته وانتظاره، على أمل التمتع مستقبلاًً في ربوع الوطن، كما لو أنه قادر على تعويض الزمان!
وكم من المغتربين عادوا فعلاً بعد طول غياب، لكن لا ليستمتعوا بما جنوه من أرزاق في ديار الغربة، بل لينتقلوا إلى رحمة ربهم بعد عودتهم إلى بلادهم بقليل، وكأنَّ الموت كان ذلك المستقبل الذي كانوا يرنون إليه! لقد رهنوا القسم الأكبر من حياتهم لمستقبل ربما يأتي، وربما لا يأتي أبداً، وهو الاحتمال الأرجح!.
ولا يقتصر الأمر على المغتربين البسطاء، بل يطال أيضاً الأغنياء منهم. فكم أضحكني أحد الأثرياء قبل فترة عندما قال إنه لا يستمتع كثيراً بفيلته الفخمة وحديقته الغنــّاء في بلاد الغربة، رغم أنها قطعة من الجنة، والسبب هو أنه يوفِّر بهجته واستمتاعه للفيلا والحديقة اللتين سيبنيهما في بلده بعد العودة، على مبدأ أنَّ المــُلك الذي ليس في بلدك لا هو لك ولا لولدك!! وقد عرفت مغترباً أمضى زهرة شبابه في أمريكا اللاتينية، ولما عاد إلى الوطن بنى قصراً منيفاً، لكنه فارق الحياة قبل أن ينتهي تأثيث القصر بيوم!!
كم يذكــّرني بعض المغتربين الذين يؤجِّلون سعادتم إلى المستقبل، كم يذكــّرونني بسذاجتي أيام الصغر، فذات مرة كنت استمع إلى أغنية كنا نحبُّها كثيرا أنا وأخوتي في ذلك الوقت، فلما سمعتها في الراديو ذات يوم، قمت على الفور بإطفاء الراديو حتى يأتي أشقائي ويستمعوا معي إليها، ظناً مني أنَّ الأغنية ستبقى تنتظرنا داخل الراديو حتى نفتحه ثانية. ولما عاد أخي أسرعت إلى المذياع كي نسمع الأغنية معاً، فإذا بنشرة أخبار.
كم كان المفكِّر والمؤرِّخ البريطاني الشهير توماس كارلايل مصيباً عندما قال: ” لا يصحُّ أبداً أن ننشغل بما يقع بعيداً عن نظرنا وعن متناول أيدينا، بل يجب أن نهتمَّ فقط بما هو موجود بين أيدينا بالفعل”.
لقد كان السير ويليام أوسلير ينصح طلابه بأن يضغطوا في رؤوسهم على زرٍّ يقوم بإغلاق باب المستقبل بإحكام، على اعتبار أنَّ الأيام الآتية لم تولد بعد، فلماذا تشغل نفسك بها وبهمومها. إنَّ المستقبل، حسب رأيه، هو اليوم، فليس هناك غد، وخلاص الإنسان هو الآن، الحاضر، لهذا كان ينصح طلابه بأن يدعوا الله كي يرزقهم خبز يومهم هذا. فخبز اليوم هو الخبز الوحيد الذي بوسعك تناوله.
إنَّ من أكثر الأشياء مدعاة للرثاء في الطبيعة الإنسانية أننا جميعاً نميل أحياناً للتوقف عن الحياة، ونحلم بامتلاك حديقة ورود سحرية في المستقبل- بدلاً من الاستمتاع بالزهور المتفتحة وراء نوافذنا اليوم. إنَّ حال بعض المغتربين لأشبه بحال ذلك المتقاعد الذي كان يؤجِّل الكثير من مشاريعه حتى التقاعد. وعندما يحين التقاعد ينظر إلى حياته، فإذا بها وقد افتقدها تماماً وولَّت وانتهت.
إنَّ معظم الناس يندمون على ما فاتهم، ويقلقون على ما يخبِّئه لهم المستقبل، وذلك بدلاً من الاهتمام بالحاضر والعيش فيه..
لمَ لا يسأل المغتربون عن أوطانهم السؤال التالي ويجيبون عليه، لعلهم يغيِّرون نظرتهم إلى الحياة في الغربة: هل أقوم بتأجيل الحياة في بلاد الاغتراب من أجل الاستمتاع بمستقبل هـُلامي في بلادي، أو من أجل التشوق إلى حديقة زهور سحرية في الأفق البعيد؟
كم أجد نفسي مجبراً على أن أردِّد مع عمر الخيام في رائعته (رباعيات): لا تشغل البال بماضي الزمان ولا بآتي العيش قبل الأوان، واغنم من الحاضر لذاته فليس في طبع الليالي الأمان.
__________________
وإذا ما اللسان أخفق النصح *** فاستعد واجعل عصاك لسانا
اب عصا is offline   Reply With Quote
Old 16-May-13, 07:11   #45
swa-swa
Golden Member
 
swa-swa's Avatar
 

Join Date: Sep 2010
Posts: 7,057
Default

Quote:
Originally Posted by اب عصا View Post
يا بحار
كتب الاعلامي فيصل القاسم مقالا قبل فترة (5/7/200 وحقيقة انا شخصيا تأثرت بهذا المقال حينما ربطته بالواقع وهو يقول:

أيها المغتربون لا تؤجلوا متعة الغربة إلى الوطن!



مهما طالت سنين الغربة بالمغتربين، فإنهم يظلّون يعتقدون أنَّ غربتهم عن أوطانهم مؤقَّتة، ولابدَّ من العودة إلى مرابع الصبا والشباب يوماً ما للاستمتاع بالحياة، وكأنما أعوام الغربة جملة اعتراضية لا محلَّ لها من الإعراب.
لاشكَّ أنه شعور وطني جميل، لكنه أقرب إلى الكذب على النفس وتعليلها بالآمال الزائفة منه إلى الحقيقة. فكم من المغتربين قضوا نحبهم في بلاد الغربة وهم يرنون للعودة إلى قراهم! وكم منهم ظلَّ يؤجِّل العودة إلى مسقط الرأس حتى غزا الشيب رأسه دون أن يعود في النهاية، ودون أن يستمتع بحياة الاغتراب! وكم منهم قاسى وعانى الأمرّين، وحرم نفسه من ملذات الحياة خارج الوطن كي يوفِّر الدريهمات التي جمعها كي يتمتَّع بها بعد العودة إلى دياره، ثم طالت به الغربة وانقضت السنون، وهو مستمرٌّ في تقتيره ومعاناته وانتظاره، على أمل التمتع مستقبلاًً في ربوع الوطن، كما لو أنه قادر على تعويض الزمان!
وكم من المغتربين عادوا فعلاً بعد طول غياب، لكن لا ليستمتعوا بما جنوه من أرزاق في ديار الغربة، بل لينتقلوا إلى رحمة ربهم بعد عودتهم إلى بلادهم بقليل، وكأنَّ الموت كان ذلك المستقبل الذي كانوا يرنون إليه! لقد رهنوا القسم الأكبر من حياتهم لمستقبل ربما يأتي، وربما لا يأتي أبداً، وهو الاحتمال الأرجح!.
ولا يقتصر الأمر على المغتربين البسطاء، بل يطال أيضاً الأغنياء منهم. فكم أضحكني أحد الأثرياء قبل فترة عندما قال إنه لا يستمتع كثيراً بفيلته الفخمة وحديقته الغنــّاء في بلاد الغربة، رغم أنها قطعة من الجنة، والسبب هو أنه يوفِّر بهجته واستمتاعه للفيلا والحديقة اللتين سيبنيهما في بلده بعد العودة، على مبدأ أنَّ المــُلك الذي ليس في بلدك لا هو لك ولا لولدك!! وقد عرفت مغترباً أمضى زهرة شبابه في أمريكا اللاتينية، ولما عاد إلى الوطن بنى قصراً منيفاً، لكنه فارق الحياة قبل أن ينتهي تأثيث القصر بيوم!!
كم يذكــّرني بعض المغتربين الذين يؤجِّلون سعادتم إلى المستقبل، كم يذكــّرونني بسذاجتي أيام الصغر، فذات مرة كنت استمع إلى أغنية كنا نحبُّها كثيرا أنا وأخوتي في ذلك الوقت، فلما سمعتها في الراديو ذات يوم، قمت على الفور بإطفاء الراديو حتى يأتي أشقائي ويستمعوا معي إليها، ظناً مني أنَّ الأغنية ستبقى تنتظرنا داخل الراديو حتى نفتحه ثانية. ولما عاد أخي أسرعت إلى المذياع كي نسمع الأغنية معاً، فإذا بنشرة أخبار.
كم كان المفكِّر والمؤرِّخ البريطاني الشهير توماس كارلايل مصيباً عندما قال: ” لا يصحُّ أبداً أن ننشغل بما يقع بعيداً عن نظرنا وعن متناول أيدينا، بل يجب أن نهتمَّ فقط بما هو موجود بين أيدينا بالفعل”.
لقد كان السير ويليام أوسلير ينصح طلابه بأن يضغطوا في رؤوسهم على زرٍّ يقوم بإغلاق باب المستقبل بإحكام، على اعتبار أنَّ الأيام الآتية لم تولد بعد، فلماذا تشغل نفسك بها وبهمومها. إنَّ المستقبل، حسب رأيه، هو اليوم، فليس هناك غد، وخلاص الإنسان هو الآن، الحاضر، لهذا كان ينصح طلابه بأن يدعوا الله كي يرزقهم خبز يومهم هذا. فخبز اليوم هو الخبز الوحيد الذي بوسعك تناوله.
إنَّ من أكثر الأشياء مدعاة للرثاء في الطبيعة الإنسانية أننا جميعاً نميل أحياناً للتوقف عن الحياة، ونحلم بامتلاك حديقة ورود سحرية في المستقبل- بدلاً من الاستمتاع بالزهور المتفتحة وراء نوافذنا اليوم. إنَّ حال بعض المغتربين لأشبه بحال ذلك المتقاعد الذي كان يؤجِّل الكثير من مشاريعه حتى التقاعد. وعندما يحين التقاعد ينظر إلى حياته، فإذا بها وقد افتقدها تماماً وولَّت وانتهت.
إنَّ معظم الناس يندمون على ما فاتهم، ويقلقون على ما يخبِّئه لهم المستقبل، وذلك بدلاً من الاهتمام بالحاضر والعيش فيه..
لمَ لا يسأل المغتربون عن أوطانهم السؤال التالي ويجيبون عليه، لعلهم يغيِّرون نظرتهم إلى الحياة في الغربة: هل أقوم بتأجيل الحياة في بلاد الاغتراب من أجل الاستمتاع بمستقبل هـُلامي في بلادي، أو من أجل التشوق إلى حديقة زهور سحرية في الأفق البعيد؟
كم أجد نفسي مجبراً على أن أردِّد مع عمر الخيام في رائعته (رباعيات): لا تشغل البال بماضي الزمان ولا بآتي العيش قبل الأوان، واغنم من الحاضر لذاته فليس في طبع الليالي الأمان.
كلام يبدو منطقى---و لكن المغتربين خشم بيوت----فى ناس ومنهم د.فيصل وظائفهم مرموقة و المدن التى

يعيشون فيها بها وسائل ترفيه--كثيرة كثيرة

لكن الغالبية من المغتربين الذين يقصدهم البوست يا دوب عايشين و أغلب وقتهم فى العمل

و زى ما تفضل أحد الأخوة و فصل فى مستوى المرتبات فى السعودية

بنجد الناس بإستثناء شريحة بسيطة دخلهم متوسط يمكن يا دوب بيكفيهم

لا يمكن أن نغتال حلم العودة لهؤلاء--لإن هناك من عادوا و نجحوا و هناك طبعا من فشلوا

و التجارب تفيد البشر--و نشكر صاحب البوست على هذا الخيط الهام الذى فتحه

أضف لذلك هناك من يتم إنهاء عقودهم و بيرجعوا مجبرين
__________________
We will show them Our signs in the horizons and within themselves until it becomes clear to them that it is the truth.Noble Quran-Surat Fussilat [verse 53]

To view links or images in signatures your post count must be 10 or greater. You currently have 0 posts.
swa-swa is online now   Reply With Quote

Old 16-May-13, 10:01   #46
original Saudi
Major Contributor
 

Join Date: Jan 2012
Posts: 1,445
Default

اذا كان السنوات تمر سريعا والمغترب لم يستفد ماديا فما هو الداعي للاغتراب

او عليه ان يجرب بلدا اخر مثل امريكا او اوروبا على الرغم من معاناة بعض المغتربين هناك

فقبل سنتين تعرفت على مصري في المانيا يتسول في محطة القطارات في فرانكفورت وهو متزوج من المانية ولديه اطفال منها

كذلك قابلت اردني موظف استقبال في احد الفنادق في فرنسا ورغم وضعه المادي المعقول أخبرني انه غير مرتاج وانه سيذهب الى دبي ليعمل هناك

هذا ان دل على شيء فهو أن الغربة والراحة النفسية ضدان لا يلتقيان إلا عند شخص ترك بلده كرها فيها وليس للبحث عن مستقبل افضل

بإختصار ان لم تستفد ماديا فلا تغرنك الحياة المرفهة في الخارج فيقينا حياتك مع اسرتك في بلدك حتى لو كنت فقيرا افضل مليون مرة من حياة اغترابية تستهلك كل راتبك
__________________

To view links or images in signatures your post count must be 10 or greater. You currently have 0 posts.

original Saudi is offline   Reply With Quote
Old 16-May-13, 10:32   #47
cooljack
Intermediate Contributor
 

Join Date: Sep 2012
Posts: 189
Default

Quote:
Originally Posted by alklaklah View Post
اها يا عيكورة بعد عام كامل من البوست دا
ماذا حدث؟

سلام

العيكورة بعد كلامو دا و بعد مرور عام
مفروض يكون هسة بتلب من بص والي لبص والي
__________________
ايتانينــــــــــا
cooljack is offline   Reply With Quote
Old 16-May-13, 12:04   #48
saria mohamed
Major Contributor
 

Join Date: Dec 2009
Location: khartoum
Posts: 806
Default

اوعك تدقس وتجي كل الناس الجو قعدو سنة وباعو ارضيهم واشتروا فيزا تاني
__________________
نارمر ,اخناتون, رمسيس ,المجد لاجدادي الفراعنة السود العظماء
saria mohamed is offline   Reply With Quote
Old 17-May-13, 12:56   #49
أبو شهاب الفلسطيني
Beginner Contributor
 

Join Date: May 2013
Posts: 9
Default

أحسن شيء الحصول على جنسية أجنبيه و العوده للخليج

أما لو ظليت عربي فالله يعينك
أبو شهاب الفلسطيني is offline   Reply With Quote
Old 17-May-13, 13:00   #50
فوكستريملي
Major Contributor
 

Join Date: Jul 2012
Posts: 1,980
Red face إبن شاؤول العسراعيلي


سجل عندك

واحد فلسطيني مضروب .. يادووووووبك سجل

هاك الإنتحال ده



__________________
----------------------------------------
إنظر فالبدايات كواشفٌ, والنهايات سواترُ
مازن سخاروف
فوكستريملي is offline   Reply With Quote
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 19:31.


Sudan.Net © 2008