Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    


Reply
 
Thread Tools Display Modes
Old 12-Jul-10, 05:53   #1
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Sudan Flag عاجل بالصوت والصورة: رائعة العبادى طه وريا والمك نمر بصوت الكرهكم النبق ابن الكرام



__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Sponsored Links
Old 12-Jul-10, 05:55   #2
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

عشان ما اتعب روحى سااااااااى


عاوز تلاتة انفار يويدوا الفكرة وهسه بنداح وما بشتغل بى زول تانى


التلاتة منو ؟؟؟


النعمنى مكرهكم النبق ولا شنو ؟؟

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 05:59   #3
sharda
Crown Member
 
sharda's Avatar
 

Join Date: Dec 2007
Posts: 20,182
Default



قول واحد





.
.
.


ابن الكرام صباح الخير


__________________

نَفْسِي الَّتِي تَمْلِكُ الْأَشْيَاءَ ذَاهِبَةٌ **
فَكَيْفَ أَبْكِي عَلَى شَيْءٍ إِذَا ذَهَبَا
sharda is offline               Reply With Quote               
Old 12-Jul-10, 06:02   #4
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by sharda View Post


قول واحد





.
.
.


ابن الكرام صباح الخير



صباحك نور يا ست البنات

وعلى بالطلاق انتى بى ثلاثة شهود

واكتفيت بالاقناع النفسى لى شخصيتى المتارجحة بين الانغماس والالتماس


شكرا اختى الجميلة

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 06:05   #5
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الاول

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 06:17   #6
sharda
Crown Member
 
sharda's Avatar
 

Join Date: Dec 2007
Posts: 20,182
Default






جميل جدا


واصل


بالجد ممتع


__________________

نَفْسِي الَّتِي تَمْلِكُ الْأَشْيَاءَ ذَاهِبَةٌ **
فَكَيْفَ أَبْكِي عَلَى شَيْءٍ إِذَا ذَهَبَا
sharda is offline               Reply With Quote               
Old 12-Jul-10, 06:22   #7
hatama
Major Contributor
 
hatama's Avatar
 

Join Date: May 2010
Posts: 2,288
Default

لك التحية


ما بنعرف للصوت ولا للصورة
لكن بندور كلامنا يطلع لا نقص ..لا بورة
جيبت الرايحة ..جيبت حقيقة المضمورة

واصل ونحن معاك لمن تصل ..للفورة


وتحياتى
__________________

To view links or images in signatures your post count must be 10 or greater. You currently have 0 posts.


hatama is offline               Reply With Quote               
Old 12-Jul-10, 07:07   #8
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by sharda View Post





جميل جدا


واصل


بالجد ممتع



عليك الله انتى قلتى لى واصل تانى بقيف

الا انقرض ولا قدر الله يسوقنى

لكن حا انداح سمعك انتى بجمنى تب مافى مشكلة نوهآآآآآآآآئى
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 07:10   #9
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by hatama View Post
لك التحية


ما بنعرف للصوت ولا للصورة
لكن بندور كلامنا يطلع لا نقص ..لا بورة
جيبت الرايحة ..جيبت حقيقة المضمورة

واصل ونحن معاك لمن تصل ..للفورة


وتحياتى

ويييييييييييييييييييييييين يا رائع

انت عارف الشريط بتاع طه ده كنت مدمنو عديل

مرة بى صوت العبادى وواحد بى صوت محمد الفاتح ابو عاقلة

ولو ما جات كاملة معناها الذاكرة لحست جزء منها

فاديك العافية يا ملك و حا نواصل
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 08:31   #10
sharda
Crown Member
 
sharda's Avatar
 

Join Date: Dec 2007
Posts: 20,182
Default

Quote:
Originally Posted by ibnalkeram View Post

عليك الله انتى قلتى لى واصل تانى بقيف

الا انقرض ولا قدر الله يسوقنى

لكن حا انداح سمعك انتى بجمنى تب مافى مشكلة نوهآآآآآآآآئى



عمرك طويل ان شاء الله

وكتر خيرك اخوي


__________________

نَفْسِي الَّتِي تَمْلِكُ الْأَشْيَاءَ ذَاهِبَةٌ **
فَكَيْفَ أَبْكِي عَلَى شَيْءٍ إِذَا ذَهَبَا
sharda is offline               Reply With Quote               
Old 12-Jul-10, 11:08   #11
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by sharda View Post



عمرك طويل ان شاء الله

وكتر خيرك اخوي



يا ستى تكرمى وادب الدوبيت او المسدار والنم

ما من اهتمامات الكثير مع انو ارث سودانى ما عادى

والآن عرفت لماذا انتى مبدعة حقيقة لا مجاملة
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Jul-10, 15:52   #12
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

السودان بلد ارض القلوب الطيبه
فرسانو الرجال اهل الوقار والهيبه
اماتو الحنان خاتيات ملام أو عيبه
والقصد الحروب ما بلقى الا الخيبه

حباب اهلى الرجال فوق القمم راسين
بتولو اليتيم للعارى تب كاسين
بنجدو للغريق ساعة الحروب قاسين
من زمنا بعيد كوب الكرم حاسين

ود بلدى الاسد صاحب الرجالة ام قوة
بنشل للغريق ان كان وقع فى هوة
محافظ للصديق تقديرو عندو الخوة
ما بحب النفاق بى برة متل الجوه


اوكامبو اللعين مندسى قاعد وين
فى غزة الابادة بالله ليكم عين
لسه الجاى كتير حتكونو بين نارين
مطلوبين كتير دايرين تحلو الدين

عاد نتفشى فيكم ونسدد التارين
تعرفو قدركم وتكونو ما بين بين
حالفين باليمين بنقطع الاضنين
الجود والرجالة بنشيلن الاتنين



ويبقى الشعب السودانى صدا ومانعا للمساس برمز الوطن


لا حبا فى المؤتمر الوطنى ولكن الاستفزاز هو استحقار للشخصية السودانية التى لن تنكسر

اما الزبد فيذهب جفاء

والله اكبر ولا نامت اعين الخونة والمارقين


__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 13-Jul-10, 00:35   #13
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by ibnalkeram View Post
السودان بلد ارض القلوب الطيبه
فرسانو الرجال اهل الوقار والهيبه
اماتو الحنان خاتيات ملام أو عيبه
والقصد الحروب ما بلقى الا الخيبه

حباب اهلى الرجال فوق القمم راسين
بتولو اليتيم للعارى تب كاسين
بنجدو للغريق ساعة الحروب قاسين
من زمنا بعيد كوب الكرم حاسين

ود بلدى الاسد صاحب الرجالة ام قوة
بنشل للغريق ان كان وقع فى هوة
محافظ للصديق تقديرو عندو الخوة
ما بحب النفاق بى برة متل الجوه


اوكامبو اللعين مندسى قاعد وين
فى غزة الابادة بالله ليكم عين
لسه الجاى كتير حتكونو بين نارين
مطلوبين كتير دايرين تحلو الدين

عاد نتفشى فيكم ونسدد التارين
تعرفو قدركم وتكونو ما بين بين
حالفين باليمين بنقطع الاضنين
الجود والرجالة بنشيلن الاتنين



ويبقى الشعب السودانى صدا ومانعا للمساس برمز الوطن


لا حبا فى المؤتمر الوطنى ولكن الاستفزاز هو استحقار للشخصية السودانية التى لن تنكسر

اما الزبد فيذهب جفاء

والله اكبر ولا نامت اعين الخونة والمارقين





__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 13-Jul-10, 02:24   #14
sharda
Crown Member
 
sharda's Avatar
 

Join Date: Dec 2007
Posts: 20,182
Default

Quote:
Originally Posted by ibnalkeram View Post
حباب اهلى الرجال فوق القمم راسين
بتولو اليتيم للعارى تب كاسين
بنجدو للغريق ساعة الحروب قاسين
من زمنا بعيد كوب الكرم حاسين

ود بلدى الاسد صاحب الرجالة ام قوة
بنشل للغريق ان كان وقع فى هوة
محافظ للصديق تقديرو عندو الخوة
ما بحب النفاق بى برة متل الجوه













__________________

نَفْسِي الَّتِي تَمْلِكُ الْأَشْيَاءَ ذَاهِبَةٌ **
فَكَيْفَ أَبْكِي عَلَى شَيْءٍ إِذَا ذَهَبَا
sharda is offline               Reply With Quote               
Old 13-Jul-10, 05:57   #15
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by sharda View Post













غايتو تلقاك ندمتى على اليوم الرديتى فيهو

البوست ده برفعو براى وبتم ليك القصيدة ما تلاوزى يا راقية



بالجد الله يديك العافية يا شرودة ويديم الود بين الناس

من الشخصيات الـ بالجد عندها تقدير جواى كبير جدا والله
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               

Old 13-Jul-10, 13:32   #16
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الثانى من طه وريا

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 13-Jul-10, 21:31   #17
sharda
Crown Member
 
sharda's Avatar
 

Join Date: Dec 2007
Posts: 20,182
Default

Quote:
Originally Posted by ibnalkeram View Post



غايتو تلقاك ندمتى على اليوم الرديتى فيهو

البوست ده برفعو براى وبتم ليك القصيدة ما تلاوزى يا راقية



بالجد الله يديك العافية يا شرودة ويديم الود بين الناس

من الشخصيات الـ بالجد عندها تقدير جواى كبير جدا والله



العفو ياخ ... ما تقول كده

الله يخليك ... واسأل الله اني اكون عند حسن الظن

وعلى راحتك تم لينا
ما محصلين شئ


__________________

نَفْسِي الَّتِي تَمْلِكُ الْأَشْيَاءَ ذَاهِبَةٌ **
فَكَيْفَ أَبْكِي عَلَى شَيْءٍ إِذَا ذَهَبَا
sharda is offline               Reply With Quote               
Old 14-Jul-10, 07:10   #18
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by sharda View Post



العفو ياخ ... ما تقول كده

الله يخليك ... واسأل الله اني اكون عند حسن الظن

وعلى راحتك تم لينا
ما محصلين شئ



خلااااااااااص ما بقول يا شرودة يا راقية

تسلمى وللحول بنتمها لو ربك اراد

مافى مشكلة نوهآآآآآآئى بالخسوس ده
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 18-Jul-10, 05:04   #19
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر

رائعة العبادى

( 1 )

طه قال

أخوك يا ريا وكت الخيول يدبكن
أخوك يا ريا وكت الرماح يتشبكن
أخوك جبل الثبات وكت القواسي يحبكن
كم بكيت وكم قشيت دموع الببكن

قالت ريا :
وراك أسود علي ما نمت اسع طيب

قال طه :

بسم الله قولي أخو طيب طيب
نصيح وشديد حاضر قلبي ماهو مغيب
إلا الشفتو في النوم من هوايله يشيب

الزول في الصحي مخدوم عليه شقاهو
وإن غمض شويه تجي الهموم لاحقاهو
الصف ابلبوس أنا ما بخافو لقاهو
ياليت الحلم في صحيا كان بلقاهو

كان خير ولا شر برجاه ما بهم بالي
وحارثني الثبات من الكبار قبالي
وكت هسه حسيت ولقيتك صاحية قبالي
ان اتلخبط الكون تاني ماني مبالي

قالت ريا :
كعب نوم النهار أمس العصير كنت نايمه
رأيت قدام الفريقنا أشوف صقوراً حايمه
كبيرن غار علي من نومي تبيت قايمه
صحيت مهجومه لا مفصل ولا في القايمه

قال طه :

وانتي كمان رأيتي صقور عباره غريبه
علامتا كافية ظنيت الحكايه قريبه
هاك مني الصحيح الما بتدخلو الريبه
هادي الحله بي عيني أشوف تخريبه

قالت ريا:
تف الشينه ليه فاجعني ليه يا طه
انت الدغري وانت الكاشفه ياك غطاها
كان الدنيا هادي العقبة تتخطاها
ما بضلل سماها وما ابتشيلني وطاها

وقعدت ريا تبكي:
رد عليها طه وقال :
ما بفيد البكاء وكلامي احسن تنسي

قالت ليه ريا :
كيف ما أبكي وكيف أفوت مراتع أنسي
افقد كل شي عزي ورجالي وانسي
تطلق فوقي نار عقبان تقول لي أنسي

ما ببكى الفريق ببكى الرجال قبال
وشن دابو الفريق ما بيوت شباك وحبال
خرابو وانت حيين ما بمر بالبال
الا اقع قتالاً بعدو نلقى وبال
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 11-Aug-10, 23:18   #20
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

فجعتن بقيت مشهور واعملوا لى مونتاج

اطالب بالظهور على قنوات نايل سات فورن وعاجلن

]
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 16-Aug-10, 22:54   #21
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 2 )



كنا في سيرة لقاء طه وريا وهم بيحكوا لي بعض قصة الحلم


قال طه :

فال الخير أخير ما شفنا شيناً جدت
كلا لشفنا أحلام في طريقه إتعدت
قبل الليلة إيد لحمان قطْ ما اتمدت
ما بنهد شرفنا لو السماء إنهدت

قالت ريا :
خير إنشاء الله خير والخير مساك وصباحك
والفال السمح فالك يضوي مراحك
بالضيفان أشوف عامر تملي مراحك
شينك ما أشوف وأشوف هناك و أفراحك


قال طه :
خير الزول يقول مهما الامر يتهول
قالوا الناس علي فالو الحلم يتأول
غاية الحي فناه إن كان قرب إن طول
يترك ذكرو والناس الوري بتتقول

قالت ريا :
وريني الحلم التورك مذهول

قال طه :
أصبري لي أروق حبل الفكر مبهول
احكيلك شنو الشفتو والله مهول
شفت الوحده شفت النار وشفت الهول

أحكيلك تمام الشفتو ما بتغابه
جايين العصير أنا وإنتي من الغابه
سايقه ليك بهم قدامي بي رقابه
بينا والفريق إتولعت تقابه

قدر ما نشوف قدامنا نلقي حريق
وقت النار علت ما شفنا تاني فريق
باصرنا المروق ما لقينا لينا طريق
تشكي من عطش واخوك يابس ريق

فترتي قعدتي , انا محتار جلست وراكى
حاقبه الدرقة ختيت سيفي فوق أوراكى
وكت بعد البهم لى قسعو قمتى براكى
غسعتي وجيتي ومعاك كور صقور تبراكى

تبت بي عجل شافنى جفلن و طارن
غابن من عيوني وفي اللعوت اتضارن
ما غابن كتير جن يقدلن يتبارن
قدامن كبيرن عينني وغارن

سل السيف ولاقاهن أخوك يالضامره
تور عنز أم هشيم الفي المجامع دامره
سيل تلوى اندفق فوقو السحائب هامره
حجر الصاقعه فرتاك الصفوف العامره

بادرني الكبير ديك إستعدن وقفن
ما مهلتو طار راسو وجناحي يرفن
طارن ديك وقت بي ريشو رقد اتكفن

قالت له ريا :
عارض ومات خلاص لي الليلة يمكن عفن

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 16-Aug-10, 22:58   #22
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 3)


بعد ان بدأ طه يطمئن ريا اراد ان يقطع الشكوك
والمخاوف من تحقق هذا الحلم بالزواج من بنت عمه ريا


فقال :

نحمد ربنا الليلة مات عارِضنا
وان كان عمروا طال يا ريا كان قارضنا
يلحقوا بي عجل ديش همنا المارضنا
نبدا زواجنا بكرة منو البيجي يعارضنا

بطال البعيش في الدنيا اصلوا غناه
ان كان مالو راح غير اهله مين يدناه
سمح لبفوق اساس ابواتو تمه بناه
والزول دون قبيله غناه شن معناه

ما بنفرح بي مال ونقول كفانا ورثنا
نفخر بالرجال في الحارة يبقوا ترسنا
نجمع ناسنا هيلنا من الكبار حارسنا
يحضروا اهلنا فرحانين يباركوا عرسنا

كل بطحاني يفرح بي عرسنا مناه
ساعة جمعتن بيتنا يتم بناه
عذاب عيش العزب يا ريا مر ضضقناه
سمح الزول صبي يد ويربي جناه

طبعاً ريا ما قبلت الكلام ده لانو ابوها عبد الله المعروف بابو كبس
ما تمّ سنه من وفاته والناس في حالة حداد


فقالت :

ده الاعوج تراه والشين نهايه حدو
إن شاع ده الخبر يملا الفريق لي حدوا
يقولوا ابكبس من دخل ود احدو
فرحوا وعرسو لا موجعن لا حدو

إن كان في الفريق ماتت مريه ذليله
لي الحول يرفعوا العرس الدخلتوا الليله
خليه ابكبس راجل الرجال ودليله
إن كان بي قبيلة تعدوا تبقي قليلة

خليه الكلام وعرسنا في ده الحال
من بالك أمرقو محال والف محال
علي ميتت ابوي لي الليله حول ما حال
نصبح بكره ونسه وبهادل حال


ونواصل رد طه عليها
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 16-Aug-10, 23:02   #23
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 4)

رد عليها طه وقال ليها :
الموت ما شمت غاية البخود والببروا
والحد والحزن ما جابو زول من قبرو
الزول في الشدايد أولي يلزم صبروا
يترجي الكريم مولاه كسره يجبروا

بنخاتر منو الوجعه هيلنا برانا
نحن أهل المصاب والناس عزا مجابرانا
في آخر المراح دايماً تجي الفترانا
عادة الحد ندوسها والناس عقب تبرانا

بعدين ريا شافت تحسم موضوع العرس ده مع طه
وانه لازم يتم السنة كالعادة المتعارف عليها في الحداد


فقالت :
الناس بالمكارم والفعال بتباهو
زي الفطرة ينشا الزول حسب مرباهو
عادة جدو عادتو ونحل ابوه نباهو
يلبس ثوب قبيلته ان داره ولا اباهو

من الليلة حول مضيوه تاني اتكلم
الدايروا بيتم رب العباد ان سلم


رد عليها طه :

تاني امضي حول وانا بالحسار اتالم
علي حكمك صعب انا قابله ما بظلم

نستني السنة قاسية وصعيبه علينا

ردت عليه ريا :
تم الاتفاق من الكلام خلينا
زي عادة البلد لا زدنا لا قلينا
إن شاء الله السنة بي خيرة عايده علينا

يا طه البهم قرب رجوع سراحو
بنات واولاد ديك ناس فريقنا الراحو
نصيحة سمعتها من الكبار الراحو
قالو العربي ما بنعز كان ما مراحو


وتقوم ريا فايته علي الفريق وطه يعاين فيها وهي ماشه


ويقول :

ياليت السعادة ان كان بقت ايديه
كنت اعيش هني في الدنيا بالزنديه
علي حكموا ناسي الفيا طلبوا الديه
اموت بالعطش والمويه بين ايديا

كيف اهنا واعيش وانا صبرى اضحى مودع
وسببى الرخرخ المن قام صغير متفدع
جنيت وجنى جنا وحالى اصلو مبدع
اهج شقيش اهج فاضلى تانى اجدع

ريا على قاسية وجايرة فى التفنين
اه يا رب ارحم صبري امسى ضنين
يمحق دي السنه ربي الحليم وحنين
يخصمها من حياتي رضيت بعشرة سنين
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 17-Aug-10, 06:51   #24
grandson of the king
Intermediate Contributor
 

Join Date: Aug 2008
Posts: 60
Default

إبن الكرام ،،، إنت تمام التمام

واصل بلا فواصل

نحن هنا معك
منتظرين
.
,
,
,
,
grandson of the king is offline               Reply With Quote               
Old 17-Aug-10, 23:18   #25
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by grandson of the king View Post
إبن الكرام ،،، إنت تمام التمام

واصل بلا فواصل

نحن هنا معك
منتظرين
.
,
,
,
,

ربنا يكرمك يا ملك ورمضانك كريم

واسعدتنى طلتك وربى اكرمك فى الدارين

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 17-Aug-10, 23:20   #26
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الثالث من الفيديو



__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 18-Aug-10, 10:55   #27
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الناس بالمكارم والفعال بتباهو
زي الفطرة ينشا الزول حسب مرباهو
عادة جدو عادتو ونحل ابوه نباهو
يلبس ثوب قبيلته ان داره ولا اباهو
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 18-Aug-10, 22:20   #28
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default


كيف اهنا واعيش وانا صبرى اضحى مودع
وسببى الرخرخ المن قام صغير متفدع
جنيت وجنى جنا وحالى اصلو مبدع
اهج شقيش اهج فاضلى تانى اجدع
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 25-Aug-10, 21:49   #29
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 5)


وهنا ريا داخله علي الفريق لاقوها خمسة عرب راكبين زواملم " وده بداية الحلم الشافتوا ريا وشافوا طه " العرب قربوا من ريا قام واحد من من المع ود دكين شيخ العرب نادي ريا
وقال :

بالضيفان تمري لا سلام لا كلام
صدقوا اهل المثل توب العرب صح لام

قامت ريا ردت عليه :
حبابكم عشرة ومن دون كشرة والف سلام
يا وجوه العرب المتلي ما بتلام

انا بت الرجال اهل الدرق والسيف
بت الما بهموا بي حساب الخريف والصيف
بت البحجو لى المرقوب بكرموا الضيف
انا ريا كان شفتكم افوتكم كيف


قام العربي قال ليها :
من وين في الاهل كفاك فخر يا بنية

ردت عليه ريا :
انا بت البيوت المن بعيد معنيه
بى فوق السما نفوسنا وبيوتنا حنيه
انا بت ابكبس في النسبه بطحانيه


قام رد عليها ود دكين طبعاً عرفها انها هي زولتو العاوز يعرسها زاته فقال :

عبد الله ابكبس عز البطانه وفخري
في راس العرب بنعد ماهو الوخري
كريم وهميم كان للقبائل دخري
بت شيخ العرب هيلك صحيح تفتخري

توقد ناره ديمه الما بكوس الجمره
وفي الضيفان يهوش سكينو دايماً حمره
بي كاس ما عبر لبنو بيجيك بالعمره
هيلو الشكرة هيلو الرئاسه هيلو الامره

المرحوم ابوك كان للقبيله غطاها
عزك قديم عمك حسين ابو طه
ان شاء الله اخوك دي السكه ما تخطاها
بقصد بيها ود عمها طه يعني هل هو في مكانه ابواتو


فردت عليه ريا قايله :
كان ما يسد مكانهم قدمو ليش يوطاها
( يعني ماشي في الواطه ليشنو لو مافى غير اكرام الضيف واغاثة الملهوف)

لا يفوت ولا يموت الساحتو يوت مغشيه
تقابة الفريق يوقد صباح وعشيه
زايد في الرجال طالق قفاي ووشيه
ضيوف الليل اكفيهم مرارة وشية


رد عليها و دكين :

ما دخل التراب البركه في الذريه
والخلاك وراه ما بقولوا مات يا ريه
دايما في القبائل سيرة ابوك مطريه
بيكي وبي اخوك تزيد ودي المحرية

قام واحد من العرب داير يعرفا انه ده شيخ العرب ود دكين فقال :
ما بتسألي لامن وين ولا وين ترسو


قالتلو ريا :
كيف العربي يسأل ضيفو كيفن تنسو
أول بكرموا ويخابروا ساعة أنسو
من مقلب حديث يعرف أبوه وجنسو


فرد عليه العربي :

عملتي حسابو ضيفك وكرموا وجبتيهو
يخجل كان سألتي وإسمو ما عرفتيهو
كان تدرى بركبنا سؤالو ما بفتيهو
إسم شيخ العرب سامعابو ما شفتيهو

ده خريف البطانه المالوا فيها مشارك
هيلوا السارحه هيلوا الصاهله هيلوا البارك
ما وقعلك كلامي ساكته لي شنو خبارك
فخرك ود دكين جاك في فريقك زارك

ردت عليه ريا :
اهلا مرحبابو العزو ماهو لفايه
اب ناراً تولع للضيوف دفايه
بي شيخ العرب الإفتخار ما كفايه
تابعو إنت جانا نجريلو ونخدموا حفايه


رد عليها ود دكين :
بارك ربي فيك عقلك يدوم يا ريا
كرمك ماهو كلفه ديه طبعتك فطريه
إياك بت التلوب والسمته فيك محريه
قديم فوت البطاحين عزه للشكريه



نواصل ان شاء الله ...
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 03-Sep-10, 19:29   #30
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الرابع من الفيديو




__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               

Old 03-Sep-10, 19:31   #31
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 6)


فى هذه الاثناء حضر طه بعد ان راى من على البعد ريا مع هؤلاء القوم واتى ليعرف ماذا يدور وعندما وصل عرف شيخ العرب مباشرة فقال له :

مرحبتين حباب مرحب خريفنا الزارنا
حباب شيخ العرب اتشرفبتبو ديارنا
حباب راس العرب البيهو كل مدارنا
تنزلوا في الدرب ليه مالنا ماتت نارنا

رد عليه شيخ العرب:
حباب طه الضرس الفي الصهيباب راس
الجود والكرم هيلك قديم ميراس
نارك ما بتموت يا ولدة الفراس
قاصدين ام شديد ومعانا عوجه راس


رد عليه طه :
لعدوك العوج يا الفي الكبس سراي
راسك ما بدوس مليان رجاله وراي
باكر لي ام شديد اركب معاك براي
لكن شيخ العرب دايرك تختو كراى

طبعاً شيخ العرب ما فهم كلمة كراى ديه فقال لي طه :
هادي الشورة يا طه الغلبني دليلها
كل البزمه القاهو فيك قليله


رد عليه طه شارح ليه كلمة كراي :
كراي الدايرو تبقوا ضيوفنا انتو الليلة
ترقدوا في الفريق حتي ان عشانا بليله

رد عليه ود دكين :
مسكنا الدرب أسرع قوام ما تلعب
دارك ديمه عامره والسمح ما بكعب
يكفينا الوصف لا تشد جمل لا تتعب
وهدنا الطريق عقب الوصول ما بصعب


رد عليه طه:
يمين تغشوا الفريق بتفوتوا نحنا مقابر

رد عليه شيخ العرب :
عامر انشاء الله ديمه اياك مرسى العابر
مشطوطين خلاص مسكنا في دريب جابر
نخاف عوج الطريق منو لي المقدر خابر


رد عليه طه :

دريب جابر مزم والسكه سالكه ورايقه
فرقان ما بتلاقيك ما بتعوقك عايقه
اخذ خاترنا نحنا وقالوا واصله السايقه
بتراوح ام شديد باكر زواملك فايقه

رد عليه ود دكين :
الزول ان وعد شين ميعادو يخلفو
في ربط اللسان يسخابو دمو يتلفو
سفري الليله فيه زولين ما بختلفو
ضروري اصل ام شديده علي وعد بي حلفو

ما بعرف ازاوق من نشيت تبيت
فريقكم لي فريق وبيتكم يمين لي بيت
اجيك ديناً علي حتي إن بقيت حبيت
هاك وعداً نجيض ارجانا بكره مبيت

شوفتي للفريق ايام بكي ابواتك
ما غابني حالك سمعت بي نخواتك
فريقك بكره ضيفوا وما بفوتوا وحاتك
إلا أحققك وبراي اشوف نفحاتك

يا ود الهميم النفسوا ما معارضاهو
كرم الضيف عليك مكانة ابوك فارضاهو
جاييك في امر ان تاباهو وان ترضاهو
غيرك ما بكوسو واملي بس تقضاهو


رد عليه طه :
غرضك مقضي كان احتاج لخيل وجمال
والضان والابل سارح يمين وشمال

رد عليه ود دكين :
فوق القولتو تانى انا لي فيك آمال


رد طه علي ود دكين:
بي دمي الغرض اقضاهو خلي المال

فرد عليه شيخ العرب :
دي المأموله فيك وين الدرب خترنا


رد عليه طه :
دربكم في السلم

قالو شيخ العرب :
والله تب ما ودرنا
بكره نجيك ان قلينا ولا كترنا


وهنا ودعهم شيخ العرب وسار بي جماعته قاصد ام شديد وعلي اساس في اليوم التاني ينزل ضيف علي طه وقبيلة البطاحين


نواصل ان شاء الله

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 03-Sep-10, 21:34   #32
asco
Major Contributor
 

Join Date: Aug 2008
Posts: 245
Default

تسلم ياكريم يابن الاكارم
والله معارف اقول شنو ولا اخلي شنو
كدة خلينا نستمتع وبعد داك نقول الشكر
عاصم
__________________
الهم لك الحمدُ كما ينبغي لجلال وجهك وعظيم سلطانك
To view links or images in signatures your post count must be 10 or greater. You currently have 0 posts.
asco is offline               Reply With Quote               
Old 03-Sep-10, 22:04   #33
الرواسي
Crown Member
 
الرواسي's Avatar
 

Join Date: Jan 2004
Posts: 39,330
Default

Quote:
Originally Posted by ibnalkeram View Post
الجزء الاول


اغدم لكم غصيدة ريا وطه والمك نمر
وحغيغة هي من اجمل الغصص
وغد تكون المجمع الشامل لكل الأمثال السودانية

يا عمك ما تشرط عينا
في فرق بين الغين والقاف
__________________

To view links or images in signatures your post count must be 10 or greater. You currently have 0 posts.

بندون ..
اصلن المسألة ما تحتاج نأنو

To view links or images in signatures your post count must be 10 or greater. You currently have 0 posts.
الرواسي is offline               Reply With Quote               
Old 04-Sep-10, 00:33   #34
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by asco View Post
تسلم ياكريم يابن الاكارم
والله معارف اقول شنو ولا اخلي شنو
كدة خلينا نستمتع وبعد داك نقول الشكر
عاصم
تشكرات يا اسكو يا ملك

واشكرك على الاطراء واتمنى ان اكون وفقت فى ارضائكم

لك ودى ومحبتى
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 04-Sep-10, 16:37   #35
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by الرواسي View Post

اغدم لكم غصيدة ريا وطه والمك نمر
وحغيغة هي من اجمل الغصص
وغد تكون المجمع الشامل لكل الأمثال السودانية

يا عمك ما تشرط عينا
في فرق بين الغين والقاف

منكم نستفيد يا معجب

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 09-Sep-10, 23:31   #36
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 7)


وفي اليوم التالي طلع طه مع ريا منتظرين ود دكين حسب موعده معاهم وفي الحديث

فقال طه لي ريا :
في البال لي ضمير شيخ العرب متعوب
قايم نفسو يختف في الكلام مرعوب
الراجل زمان اكان ضحوك ولعوب
ما خاتيلو شئ ما شوفتي كيف مرعوب

حمد ود دكين مرتع ديارو وربعو
ده الشئ السمعتوا من الاباه والتبعو
الراجل فاعيلو يبينلك طبعو
انا ود الخلا البعرف اسودو وضبعو

ردت عليه ريا :
اعوج كان يخلف الليله ميعاد جيتو
رجال وحريم كل اهل الفريق في رجيتو
قطعوا السارحه كل زول في مراحو سعيتو
كبار وصغار و حتي الراعي خله رعيتو


قال ليها طه :

محال يخلف محال قال جايبو غرضاً عندي

ردت عليه ريا :
كان غرضاً صعب ؟؟؟؟
؟

رد عليها طه :
كان رأس نمر في شندي
وعدتو أقضاهو وابذل كل جهدي العندي
كان بالمال وكان بالراى وكان بي زندي

قالت ريا :
هيلك من زمان انت البجيك تحجالو
لاكين ود دكين عامر قديم برجالو


قال ليها طه :

يا ريا الكلام ده اخير تقفلي مجالو
وكت اوعدتو بقضاليهو غرضو الجالو

وفي وقفه طه وريا يجوهم ثلاثه من ابناء البطاحين عبدالله وخلف الله وأحمد
قال عبد الله :

سلام يا طه


قال طه :

مرحب بي كبار قبيلتي وعزي
مرحب بالاسود البفقعوا المستهزي
ريا جات قبيلتك فوقها انكعى هزي
وإن زحينا يوم الحارة قرنك جزي

ردت عليه ريا :
اولاد بطحان تعيشوا ويزيد مراحكم ناير
وناركم في سرات الوادي تهدي الحاير
بتحلو المضيق وتصدوا غارة الغاير
ما هيلكم تزحوا ان كان يزح الداير


قام خلف الله لما سمع الكلام ده جاتو هوشة وقعد ارجف
فناداه عبدالله قال :

خلف الله ولدي اقعد قبال ود عمك
كلام ريا هادا بشوفه غير دمك
من زمناً بعيد أتمني أسمع نمك
فرج همنا مولاي يفرج همك

دوبينا ......قول ... دوبينا


قال خلف الله :
الولد البخاف من القبيلة تلومو
بخلف ساقو فوق تيساً رقيق قدومو
اما يجيب رضوة البهم البينقر فومو
وإما تخامشن قدح الرماد حرومو

سنابك حضر الطافه و جرايدك نوا
كورك سال و مزيقا و رطانه و عوا
الخلاني فوق نار أم لهيب أتلوي
النوم شفتو يا قرد القلوع شن سوا

أكل الشلخه لامن كمل البدرية
شمخ الحورى لبعصه عريب بت ريه
أكان ما أسكت الباكيات و أخلف الكيه
قوله أبو فاطنه يا الصادق خساره عليا

خرير دوماتو فوق عاجن رسن متلاقيه
يا الغول النقيب سويلو سوق الساقيه
بت معز الخلا الفوق الكجر متاقيه
عكرناها يا أمروبه النشوف الباقيه


نواصل ان شاء الله
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Sep-10, 14:05   #37
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الخامس من الفيديو






__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 26-Sep-10, 22:03   #38
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 8 )


وبعدين ظهر ود دكين في جماعته جايين علي الفريق

فقال طه :
هداك ود دكين بي زملو بان شفناهو
دار اليوم يروح خلف الوعد خفناهو
الراجل في الاصول ما خاتي لي معناهو
يا ريه استعدي الزول جمعنا عناهو

ولما وصلوهم ود دكين قال ليهم :
ولاد بطحان سلام اهل النبا و الشكره
سلام عز العرب اهل الفحل والبكره
سلام يا طه يا راس الكرم والضكره
جيت لي غرضي يا طيب الاصل والذكره


رد عليه طه :
مرحبتين حباب مرحب خريف الرازه
حباب شيخ العرب البيهو القبائل عازه
حباب سيف العرب البيه هاشه وهازه
في يمنك قبيلتاً ما تقبل فازه

قام عبد الله البطحانى قال : هيا جايهو الزمل
رد شيخ العرب :
خليهو يا عبد الله
غرضي إن ما أنقضى أنا زملي ما بتدلى


رد عليه طه :
الناس في رجاك من الصباح في مله
كدي شوف الطعام شيخ العرب بسم الله

رد ليهو شيخ العرب :
ما بأكل طعام كان ما حساب اتضرب
وقضيان الغرض فيكم حقيقه مجرب
الامر العنيتو وجيتو كان ما ادرب
ما بنفعني اكل وما بروى مهما اشرب


فقام عبدالله وقال:
ياشيخ العرب امرك خلاص همانا
قول غرضك عديل خصصنا او عمانا
هسع نقضى ليك في محلنا اللمانا
كان بي راينا كان بى مالنا كان بي دمانا


رد ود دكين " شيخ العرب: "
عندكم الغرض ما بدور قلم لا ورقه
ماغرضاً تسافرولو وتقيسوا الفرقه
يقضي ان قولتوا خير مابدورلو سيف لا درقه
وان كان قلتوا لا لا يروح شمار في مرقه

ما مقبوض وجيتكم لاجي فوقي جنيه
بي خيري ومراحي وتاني نفسي غنيه
جاييكم نسيب تدوني بطحانيه


رد عليه عبدالله :
خير سميها

رد ود دكين:
في بت ابكبس لي نيه (يعنى عاوز اخطب ريا )


قال عبد الله :
يفتخروا البطاحين ساحتم راحبالك
لكن ريا امرها مقضي من قبالك
فات فيها الفوات لي طه هادا قبالك
من دون ريا قول الدايروا في بالك

ده فريق الصهيباب مافيهو واحده حقيره
مال ورجال وعز في الحله مافي فقيره
كثير الزي ريا مليانة البلد من غيرها
ان درت الكبار وان كان قصدتها صغيره


قام شيخ العرب قال :
إن مال الشجر ما بكسرن فراعو
وقمحان الطلب للمابجيبو ضراعو
ليه يا أهلنا للبيناتنا ما بتراعوا
القال راسي موجوع ما بربطولو كراعو


قام عبد الله قال :
حبل المهله يربط انت ارتاح بيت
بكره نمر سوي ونفلى البيوت بيت بيت
سمي الدايرها ولوم البقولك ابيت


رد عليه شيخ العرب :
يمين بالله غير الغايه مالي مبيت


هنا طه اتضايق من شيخ العرب القالو ليهو ريا دايرها طه وبعد ده ما مقتنع ومصر الا هى بس

فطه قال :
يا شيخ العرب أمرك بشوفو حقاره
وما جايباك مره الجابتك بس غارة
وقرناك كثير ونفسك ابيتها وقاره
خبرك هادا ما دايرلو دق نقاره

قام واحد من اعوان شيخ العرب اسمه علي ووجه الكلام لي طه وقال :

قبلك في اللجج يا طه راحو اتهدو
تتجاسر علي شيخ العرب بتهدو
زولكم ماعقل يا كبارو كان ما تهدو
بعنادوا الفريق خايف يسبب هدو


هنا خلاص االحكاية جاطت الجو اتعكر وقام طه رد لعلى وقال :

انا المالح الكارب خريفي وصيفي
والمتلك تبيع ما اظن يطل فوق قيفي
لو ما الليله في بيتي وبعدك ضيفي
في الشي السمعتو برد عليك بي سيفي

هنا قال شيخ العرب :
كفي يا بطاحين فيكم اتغشينا
كرمكم جانا طامح رخصه اتعشينا
بعد الشى السمعنا كان ما مشينا
خايف في اجتماعنا تقع وقايعاً شينه


في وداعة الله عقب بيناتنا ما في علاقه
وات يا طه اتشفيت شبعتها شلاقه
عمرت الشر سعيت دليتو بي معلاقه
نحن وانتو بعد الليله يوم نتلاقى


قام عبد الله البطحانى عاوز يرضي شيخ العرب ود دكين فقال :
من ولدك زعل كل البلد بتكاورو
ارحكم بيتنا بيتو ونحن زولنا نداورو
نتدابر نشوف نحزم جمعنا نشاورو


رد عليه شيخ العرب :
ضيف الغابه حالف ده الفريق ما أجاورو

قام عبدالله قال :
سمح ارجانا يمكن طه نحنا نجبرو

رد عليه شيخ العرب :
الزول في الرقاد شقو البريحو بخبرو
والزول البليد بي ايدو يحفر قبرو
عاد بنسوي عوسنا وطه يلزم صبرو


رد طه علي شيخ العرب و قال :

سوي الدايرها وكتر الكلام خليهو
والشر القصدتو معاي ابقي عليهو
طير اصل السما حتي القمر دليهو
يوم نتلاقى كل واحد بعرف الليهو

نواصل ان شاء الله

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 26-Sep-10, 23:17   #39
daniellle
Intermediate Contributor
 
daniellle's Avatar
 

Join Date: Sep 2009
Posts: 50
Default

انها جميلة. شكرا جزيلا........
__________________

To view links or images in signatures your post count must be 10 or greater. You currently have 0 posts.

To view links or images in signatures your post count must be 10 or greater. You currently have 0 posts.

To view links or images in signatures your post count must be 10 or greater. You currently have 0 posts.
daniellle is offline               Reply With Quote               
Old 27-Sep-10, 02:25   #40
soulfood
Intermediate Contributor
 

Join Date: Nov 2003
Location: USA
Posts: 136
Default

سلام يا شباب . ود الكرام ما داير أخرب ليك البرنامج لكن المسرحية بأداء (ما بطال) فى اليوتيوب . بديكم أول فيديو تحت هنا و العاوز يمشى يوتيوب للباقى

[ame=http://www.youtube.com/watch?v=G-jmFTHxKy8&feature=related]YouTube - ‫ظ…ط³ط±ط­ظٹط© ط·ظ‡ ط§ظ„ط¨ط·ط­ط§ظ†ظٹ ظˆظˆط¯ظƒظٹظ† - ط¬ط²ط، 1- ظ…ظ† 4‬‎[/ame]
soulfood is offline               Reply With Quote               
Old 27-Sep-10, 16:37   #41
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by daniellle View Post
انها جميلة. شكرا جزيلا........

وعفوا كتيراً

وشكرا للحضور والمرور
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 27-Sep-10, 16:39   #42
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by soulfood View Post
سلام يا شباب . ود الكرام ما داير أخرب ليك البرنامج لكن المسرحية بأداء (ما بطال) فى اليوتيوب . بديكم أول فيديو تحت هنا و العاوز يمشى يوتيوب للباقى

YouTube - ‫ظ…ط³ط±ط­ظٹط© ط·ظ‡ ط§ظ„ط¨ط·ط­ط§ظ†ظٹ ظˆظˆط¯ظƒظٹظ† - ط¬ط²ط، 1- ظ…ظ† 4‬‎

حبيبنا اديك العافية والله ما قصرت تب
واهو اضافة للبوست ده
وحا انزل باقى اجزاء الفيديو الجبتو هنا ان شاء الله
لك الود والتحية يا اصلى
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 12-Oct-10, 16:26   #43
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء السادس من الفيديو



__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 02-Nov-10, 06:24   #44
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 9 )


هنا خرج شيخ العرب ود دكين وعيونه يقدح منها الشرار وكبر الشر في نفوس الفريقين
وقام طه جاري في ظهر شيخ العرب ...... قام واحد من البطاحين اسمه احمد مسك طه وقال :

أقيف يا طه عندي نصيحه ليك ابداها
العقده الصعيبه العاقل اتعداها
الشكريه كثره ونحن مانا لداها
انا عندي العرب بى ريا أخير نفداها


رد عليه طه :

ده الراي السديد يا احمد تراك بي فكرك
روح لي ود دكين وريهو يسمع شكرك
يديك مال كثير وقبيلتو ترفع ذكرك
تصبح عمده فوق روسينا تخلف حكرك

قام رد علي طه عمه عبد الله فقال :
ليه أحمد تهينو نصيحتو ما ضاراك
ما حق النقص وانت بتعرفو براك
وكت بتسوي عوسك وما بتشوف بي وراك
نشاور ريا ممكن ريا ما دايراك

رد طه وقال :
صدق القالوا خربانا البلد بكباراها
ديك ريا أسألوها واعرفوا خبارها
من غير السفر ما عندي تاني دباره
نحنا وانتو بي دي الحاله ما بنتبارها

رد أحمد :
يا طه المصائب للقبيله تقودا
مسافر وين مخلى النار بوراك موقودا

طه قال :
انا السمتان جليس الردفولا عقودها
حد السيف بقطع عقدتو المعقوده

ما ولعتها ناراً انتو توقعو فيها
شن دايرين براى وانا نارى مدفيها
أحلف ليك يمين دى الحله متقفيها
باكر من صباحى قبل يحس الفيها

رد عبدالله :
نحن كبار اخيرلك ترضى بعرفتنا
مع الشكريه احسن نشترى الفتنا
ندى ود دكين ريه ونكتل الفتنا
ما من خوف ملاقات الرجال حرفتنا

رد طه :
من الفيها ما بزح ان تزحزح مره
وان حيين نعود ان طال زمنا ومره
عيش الدنيا ان كان يحلى وان كان مرة
الزين ما بدوم والزول بموت فت مره

رد عبدالله :
وكت صممت ما ترجع وتسمع قولنا
وسفرك دا المحال ما بقبلنو عقولنا
الموت ما بنخافو الخوف يمبن مو هولنا
بنعاين بعيد بنخاف بهادل عقولنا

الشكريه بي سيوفهم صغيرنا معتق
ما بنابى الكتال ونقول جرحنا اتفتق
مرحبتين حباب الشر محل ما بتق
تنقد الرهيفه انشاء الله ما تتلتق

رد طه:
الشكريه غوش واكتر علينا حساب
ضيف ليهم لميم ما بتربطو الانساب
انا لي غارتهم حسبت الف حساب
كان تتعدوا راي يمين عقابكم ساب

بجيكم حمد ومعاه الرجال تابعاهو
قولوا ليهو طه طفش وريا معاهو
كيف نرضي السفيه الادبو ما برعاهو
يرفض طلبك انته ونحن كيف نسعاهو

ابقي قاصدو وحدي والقبيله محايده
عقبان ان رجع فوقو الخسائر عايده
وانا كان دارني انا ما ابترجع جموعو الزايده
وان حصلني حت ما اظن يعود بي فايده

رد عبدالله :
ما بقيف ود دكين واصلو السرج ملحوق
في دربك بسوق يا طه ياك ملحوق
وات صنديد تصد الميه ماك ممحوق
بنخاف كترهم وايد الرجال بتحوق


رد طه:

ليه خايفين علي؟؟ الدنيا عيشا مخاطر
الواجب نسوي ونرجي ستر الساتر
في وداعه الكريم الليله نيتي انا خاتر
يا دار ريا ما كان الفراق بالخاتر

كفايه مع السلامه انتهينا خلاص
غير الشوره دي ما لينا تاني خلاص
في يميني اب حريره الدكري القصاص
ما بخاف ود دكين ان جاني بي رصاص

يخرج طه من المجلس ويحاول احمد ان يوقفه فلا يلتفت اليه
فيقول احمد لعبد الله:

عم عبدالله خبرك هادا شيتن فاجع
كيف بنطاوعو من بيناتنا يطفش ناجع

عبد الله :
سمعتوا كلامو من الفيها ما متراجع
في الشئ الشايفو قط بي هينه ما بعود راجع


احمد:
نركب نلحقه نخليه يمشي براهو ؟؟؟


عبد الله:
شورتو القالها اخير من نلحقو ونبراهو
العاقل بحسب حساب للتجي متافراهو
ويفكر علي القدامو والبي وراهو


احمد:
فوقو بسوقو قط في ظني ما بخلوهو
كيف موقفنا ساعه يلحقو يكتلوهو ؟؟

عبد الله :
ان وقع القدر ما بتقدروا تصدوهو
ادوكتو الكلام هسع اخير قلوهو

وينفض المجلس بانتظار ما تاتي به الاقدار


نواصل ان شاء الله
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 02-Nov-10, 06:41   #45
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء السابع من الفيديو




__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               

Old 02-Nov-10, 18:57   #46
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 10 )



خرج وطه وريا وتوجها الى شندى
وارهقهما التعب فجلسا ليستريحا ويكملا المشوار الى بلد المك نمر
وابتدا طه يغازل ريا فقال ليها:

درقي يكركب كمه ركبي يشيل دي الهمه
اصلي بطرز رمه مني تحود الامه
جملي يكسر الهربه سيفي يحل من كربه
قلبي سمينا تربه ما بتقماني الغربه

يا ريا الحلم ما شفتي كيف اتهول
اتفسر براهو وبالشين علينا اتاول
داخل راسي فكرا من ما بتحول
بكتلو ود دكين ان كان قرب وان طول

ريا:
اسود ود دكين بي اسمه ما تحجينا
هو الفرقنا قمنا من البلد هجينا
عقب في دار جعل تاني الخرابه بجينا
ما بسوي الرماد المك نمر بحجينا

طه :
تلاتة ايام قهر ماشيها بي كرعيا
ليلة وضحوه وكان معاي سعيه
هسع مشينا يومين لا فتقه لا في رعيه
كيف يلحقنا دون شندي ومعاه معيه ؟؟

قبيله دار جعل محميه فيها اسوده
تقدل بالمكارم ديمه فاجعه حسودها
راسا المك نمر كل القبيله يسودها
ركازه القبايل في السنين السوده

بكره نجيهو اب سيفا يجز بولادو
العز والكرم من الكبار تيلادو
ما اظن ود وكين بي شينا يوطي بلادو
ماخد بت اخوه شمه ام اولادو

ان ودعتك المك ما بخاف المتلو
اهون من شراب المويه عندي اكتلو
ارجع للبطاحين تاني راينا نفتلو
الشكريه تغيو وغير حرب ما بتلو

يا ريا البطاحين اصبحت محقوره
علي الشكريه دايما سارحتهم معقوره
ما بتلقالا عز وتعيد مكانه وقوره
الا تلب الغاره وتغدي صقوره

ريا:
في دار الشديد ابقالنا قوم دربنا
بي وصفك دحين من شندي نحنا قربنا
ما بنفتق عشا بالفتقه دي تسربنا
ما بنومو الرجال يمك يمسكو دربنا


هنا يسمع طه حركه خيول قادمه فيقول لي ريا:

بسمع حركه
ريا:
شد ديل يبقي رعاويه

طه:
حركه صهب ده ركب سروج ما حويه
قربت مننا وفي ظني ناسه شويه
كان ناس فزع ما بجيبو حته ضويه

ريا:
ياهم ناسنا خمسه عقاب رجالهم وينو؟
بتشوف ود دكين برز براهو هوينو


طه :
الشي البينا نحن سعينا لي تهوينو
ضايقنا اب فعج ما ظن يعود لي عوينو

الناس المعاه عرب صعيد يا ريا
ما اولاد عمو ديل والله ما شكريه
معروفين تمام في كل بلد اجريه
كان حفرولو بير ولقوهو شجره ضريه

الجاينها بحكيها ليك اجمال
قايمين من هناك بارنو بي امال
عارفين ود دكين ما بهم بي خيل وجمال
بكتلني ويسوقك وهم يسوقوا المال

وان مات ود دكين ودي الظانها في فكرى
بتشوفي الفضائح الما بتجيك من شكري
الشكريه فرسان ومستحقين شكري
ده الصح قلتو ليك انا لا بخاف لا مكري

المهم ريا قالت لي طه :
يا طه استعد الناس عنونا عديل


طه :
وين شفتي القطابي مسوي همو قديل
بضاير العوق اخوك الما بهم من ديل
براك بتشوفي ياما اشبعن بهديل

وهنا حضر شيخ العرب ومن معه ليبادر ود دكين: شيخ العرب طه قائلا:
اتعبت الزمل حفيت وراك متسبقه
احسن ليك تفوت ريا وتحل الربقه


طه:
كان كل القبائل جات علي منطبقه
افوت من ريا يا شيخ العرب؟؟ ما بتبقا

ود دكين:
البلقي القبائل ما بسوي سواتك
خربت قدلتك يا طه وين دعواتك
تاني بعد جريك البشهدنبو اخواتك
فارقك الثبات فارقت درب ابواتك

ابواتك تلوباً كانوا باعهم طائل
البحجة للمرقوب واعدلو المائل
سويت باعك كراعك ما بتهم قول قائل
افووو يا ود حسين فيك الشراد ما خائل

ابقى لى نصيب احجاك وامن روعك
قول الدايرها فى المال اجيك فى طوعك
من هذا الغرور يا ولدى اوعى رجوعك


طه :
يا شيخ العرب جربت لحسه كوعك ؟؟؟؟

كل ما اوقرك في الشين اراك تتقدم
اتعكنن خلااااااااااص انا صبري حصنو اتهدم
اصلو البينا ما بتنفكا من غير دم
الكاينه التكون بي وراها ما بتندم

قام واحد من جماعة شيخ العرب وإسمه عمر شماتة فى طه يقول :
اصلو الخمله ما بسمع نصيحه الهادي
اول خفنا ليك من البهادل هادي
يا طه البهدد ما بضرب الوادي
يمشو عليه الرجال يجري ويقبل غادي


طه :

هسع تشوفو ان كان صح وكان تهديد
وصلتو الميس ده حين وحديد يلاقي حديد
بنبرش الطروره ويثبت الصنديد
خليهو المضي لاقي البجيك جديد

عمـر :
نافذ فيك قدر يا طه انت عميتها
في الهرُّب وقعتها عترتها ما سميته
منه وجاي قضيت وبقيت خلااااااااص زول ميته
في تركتك كفاي انا بركب اب سوميته

( ابو سوميته ده الجمل بتاع طه )

طه :
الداير الغني يعمل حساب لي فقرو
كعب الضله كيف المتلي انت تحقرو ؟؟؟
اب سوميته خلي الليله سيدكم اعقرو
وين تاني الملاج وكتين يتلب صقرو

ود دكين :
لم باقي الكلام يا طه بهمك سرب
جييييييييتك استعد


طه :
مرحب حبابك اقرب
من قومه الجهل انا لي لقاك مدرب
يا شيخ العرب الليله نجمك غرب

وهنا دارت المعركة بين ود دكين وطه ليتمكن طه من قتل شيخ العرب ويلتفت الى من كانوا معه
ويقول طه :

تري شيخ العرب قبض الربح من تجرو
اتوسد تقيله انشاء الله ثابت اجرو
وانتو الشوره كيف عندي الزمل وبحجرو
صنقعو ده السماء بطيرو ولا بتجرو ؟؟؟

فقال واحد منهم اسمه احمد لعمر وبلغ به الخوف ما بلغ

ابرز يا عمر الروح في ايد الخالق
بتجابه الضرب في الدرقه ساسك غالق


فرد عمر لاحمد :

عان ده الخشيم دايما تنط متشالق
ما تنزل عليه مالك ات ماك بالغ


طه :

ضربي صعيب علي وصف البوصف عازر
في غارب التلوب انا نايبي دايما غارز
اسمعو يا طمش كان ما يجيني مبارز
واحد منكم بضرب طرف ما فارز

تري اب سوميته اركب يا عمر سافرتها
قبيل وقت الكلام زي الاسد طفرتها
مال دمك بهت متل القول جفرتها

عمر وقد ارتعدت فرائصه:

من القلتو ليك انا عديييييل تبت واستغفرتها

طه :
انا علي حلف ان كان بقيتو سريه
منكم انتهي قبال تجي العصريه
جيتكم استعدوا تاني ما فيش ريه

هجم عليهم لكن جروا واحتموا خلف ريا وقالوا بي صوت واحد :
هاديل السيوف واقعين وراك يا ريا


طه مخاطباً ريا وقد احتمى بها هؤلاء :
يا خدره المفرهده فوق جروفها نديه
علي الواقع وراك انا كيف اشيل ايديها
حتي كان كتلني عافي ليه الديه
دمي ومالي هيلك واقبليه هديه

ريا مخاطبة عمر ومن معه :
رجال التابه انتو الستره تب ما فالكم
اتامنتوا قوموا وامشوا سوقوا جمالكم
حت مال ود دكين سوقوهو يتبع مالكم
نمشي في حالنا نحن وانتوا تمشوا في حالكم


طه :
زايله رقد ود دكين اسد القبيله الراعي
كان ما ضايقني هو ما كت قطعتو ضراعي

ريا :
تتاسف ليه ليه كان دار يجز براعي
والنعلات حرام ما تضوقه تاني كراعي


طه :
موت المتلو نقصان للعرب في الجمله
كان راس القبائل وهو البقود الحمله
اطرا فعايلو جفني يجف بعد ما يمله
كما شويييه كان داير يعمل العمله

وتوجها الي شندي حيث المك نمر ونرى ماذا دار فى دياره





نواصل ان شاء الله
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 04-Nov-10, 11:17   #47
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

الجزء الثامن من الفيديو



__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 05-Nov-10, 04:29   #48
Affan
Golden Member
 
Affan's Avatar
 

Join Date: Dec 2004
Posts: 5,375
Default

Quote:
Originally Posted by soulfood View Post
سلام يا شباب . ود الكرام ما داير أخرب ليك البرنامج لكن المسرحية بأداء (ما بطال) فى اليوتيوب . بديكم أول فيديو تحت هنا و العاوز يمشى يوتيوب للباقى

YouTube - ‫ظ…ط³ط±ط­ظٹط© ط·ظ‡ ط§ظ„ط¨ط·ط­ط§ظ†ظٹ ظˆظˆط¯ظƒظٹظ† - ط¬ط²ط، 1- ظ…ظ† 4‬‎


يا سلااااااام عليك ياخى ..... رجعت بى لسنين بعيدة خلاص
اخر عرض من فرقة الرواد المسرحية كان فى العام 19976
بمسرح نادى العمال بالخرطوم بحرى و كنت حاضره لكن
بتذكره طشاش طشاش لصغر السن فى ذلك الوقت .... لكن
ما زال عالقا فى ذهنى تجمع اعضاء الفرقة بمنزلنا بحى الركابية
بواسطة لورى العم يحيى التوم ...ثم تحركهم بنفس اللورى الى
المسرح ... و كان المرحوم الاستاذ ابراهيم العبادى راكب قدام
معاه الاستاذ المرحوم احمد عثمان عيسى الذى كان يلعب دور طه
زمن و الله


__________________
تقول لى شنو و تقول لى منو


To view links or images in signatures your post count must be 10 or greater. You currently have 0 posts.
Affan is online now               Reply With Quote               
Old 07-Nov-10, 17:47   #49
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

Quote:
Originally Posted by Affan View Post
يا سلااااااام عليك ياخى ..... رجعت بى لسنين بعيدة خلاص
اخر عرض من فرقة الرواد المسرحية كان فى العام 19976
بمسرح نادى العمال بالخرطوم بحرى و كنت حاضره لكن
بتذكره طشاش طشاش لصغر السن فى ذلك الوقت .... لكن
ما زال عالقا فى ذهنى تجمع اعضاء الفرقة بمنزلنا بحى الركابية
بواسطة لورى العم يحيى التوم ...ثم تحركهم بنفس اللورى الى
المسرح ... و كان المرحوم الاستاذ ابراهيم العبادى راكب قدام
معاه الاستاذ المرحوم احمد عثمان عيسى الذى كان يلعب دور طه
زمن و الله


عمو عفااااااااااااااااااان

انت من الزمن داااااااااااااك
تلقاك كنت كبييييييييييييييير
آل بتشوف طشاااااااااااااش آل
__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Old 08-Nov-10, 18:33   #50
ibnalkeram
Golden Member
 
ibnalkeram's Avatar
 

Join Date: May 2008
Location: some where in this world
Posts: 9,312
Default

قصة طه ورائعة وود دكين والمك نمر
رائعة العبادى
( 11 )


وصل طه وريا الى المك نمر فى شندى ودخلا عليه فوجداه فى مجلسه ومعه اتباعه
فابتدر طه الحديث قائلاً

التلب اللزوم مدخور يشيل العائله
اقدل بى مهل فوقو الحمول الهائله
اياك مرق القبائل فوقك تسند المايله
فراج كربة الهم اب قبائل جايله

عامر جمعكم انشاء الله ما انفضه
ما جابنى مال ما بدور دهب ولا فضه
بدور المك نمر سيد النحاس الجضه
جيتو علىّ حملةً غيرك ما بتنجضه

المك:
تقضى كان بقدرها


طه:
انت اللزوم ماك حاشى
آلاف ذى حزمتى تشيلها تقدل ماشى
التقيان تفشو والضيف بتراشى
ما يس داب قبيلتك ونحن بيك نفاشى

جيتك واملى فيك يا مك تكشف همى
فى الأول وداعتك وفى حماك بت عمى
وقتين تقبلها ات شلتها تلتين همى
والتلت الأخير تحجانى تحقن دمى

بت عمى اب كبس ما كان ابوها فقير
ابوى قبالو مات وربانى كنت صغير
وقت لحقو عشتها وراهو مانى حقير
اصد الغارة على جارى ولعروضى اغير

المك:
مالك هسه شن جاك


طه:
جاتنى جنيه حربة ربى ما بخاطرى ما بنيه


المك:
كتلتها منو وجريت


التفت على بت عمو قال ليها
ها ما بتسمعى يا بنيه
هدى المابيها لكن خفت ورانيه

(ويسكت شويه ويلتفت للمك)

الموت ما بخاف الخوف يمين مو هولى
الشىء البخافو بخاف بهادل عولى
الناس الوراى كان براى يسعولى
فى راس الكتلتو اقيف يمين لى حُولى

كان هم برضو بتارتهم ياخدو الهيلتى
ما كنت التجيت ضاقت علىّ مهيلتى
يا مك ناسى قله بخاف يخربو قبيلتى
بجعلى احتميت فوقك سندت تقيلتى

الشكريه تقيو وللجوار ما براعو
حمد وودكين فى راسى خت كراعو
سمع بسفرى قاصد شندى قام فى سراعو
وقاطع دربى يخرط ريا قال بضراعو

جيتك من اهلى قاصدك ما بقبل تار
انكشف الامر براك دحين اختار
آما تبقى بينى والبخافا ستار
اما تكتلنى انت نسيبو تاخد التار

اياك عز القبائل والكرم فيك طبعه
وجارك ما بهم ان يسوى السبعه
ان كان اجلى تمّ اخد قصاص التبعه
واللياكلو الاسد اخيرلو من الضبعه

(آآآ..المك نمر هنا التفت على الجعلين القاعدين جمبو قاليهم)


المك:
مطارق جعل اتو الكلام سامعنو
قولو دحين رايكم وفكركم الشارعنو


(واحد جعلى تلب وقف على حيلو قال ليه)
وكتن ضيفنا ما نحجها وندافع عنو
نرمى سيوفنا ليه تانى الحصان ساعينو

قديم يا مك ديارنا مرتع الامال
شعبة الكون وركازة الزمان ان مال
صغيرنا اضارى العوق يمين وشمال
بدمانا النزيل نحجاهو قبل المال

اديهو الامان يقدل ويلقى مناهو
البقى فى آمان المك منو البدناهو
كل اسم جعل من اعلاهو لى ادناهو
محال يقرب والمك نمر ادناهو


المك:
انتو كبارنا شورتكم جميعنا تعمرو
مارستو الدهر ضايقين حناضلو وتمرو
غاية الحى فناهو الموت نهاية امرو
لكن بوراه ذكرو يصبح عمرو

اياها الضامرها وعليها كنت مصمم
ما اتعداها رايكم وجاى ليها متمم
صار فى امانى طه بالزمام متزمم
ادوه هدومى وبعمامتى اليكون متعمم

ارتع فى امانى انا البفش البطقو
يلزمنى اليمين ان ولدي جاك ما اعتقو
بالمال الشرط عازم اباصر رتقو
وان كان قالو لا عقبن نوسع فتقو

نبه بالأمان فوق النحاس بشربو
لامن يسمعو الناس البعاد والقربو
عقب البدنو طه يمبن عقابو نخربو
انا المك نمر كبريت يحرق الجربو


طه انبسط لى كلام المك وعجبو بالحيل فقال :

نمراً يركب الكيك البطل اتحرن
نمراً يقلب العوقه اب صفوفن جرن
خلوات صدرو فى علوم الحروب كم قرن
سيفو بنسف الدرع الحديدو مقرن

مو نمر الشجر حاضن فروعو مقيل
دا النمر البضاير الصف محل ما يميل
كل ما اقول شكر القاهو فيه قليل
كفو بيخجل العين اب سحابه ميل

غابة المك قبيلة ما تخطى اصولا
العشمان يعيش فوق ضلها ومحصولا
بالشين البدورها بعيد عليه وصولا
فروعها سيوفها ومطارق جعل فى اصولا

يلتفت الدهر وكتين تدقو نحاسا
والكون يطرب والدنيا تزأر حاسا
والافلاك تقيف بى صعدها ونحاسا
ترجا اشارتهم كان تليه ولا نحاسا

عرمان جدكم فى النسبه عباسيه
وآيات فضلكم لليله ما منسيه
هاهى الدنيا حيه بى فخركم مكسيه
نزيلكم ما بهم ان سوى آلاف سيئه

من سابق العرب فى اصلها وفخوده
مثبوت الرجاله وعندكم ماخوذه
صغيركم يدخل الحارة ام لبوس ويخودها
مجرب من قديم سيفكم بوابر الخوده

(واحد حاجب كان قاعد جم نمر قال)
نبه بالامان فرسان هاجت وهزت
دقينا النحاس فوقو الرجال اتعزت
عروس الكُجرة فرحانه وطرب اهتزت
عرمان عزُّ لله قبيلتو بيك اعتزت


المك:
وصلو طه للبيت المخصص ليهو
واحفظ كل موجودو وجميع ماليهو
خدمتك ياحسن تقعد معا تسليهو
فى كل يوم تعين ناس يغفرو عليهو


طه:

عاشمكم مأكده ما بيرجع خايب
صغيركم رايو عند الغير يوازن الشايب
وشايبكم مدرب رايو دايماً صايب
فارسكم جسوراً ما بدقدق هايب

تلات ايام قهر عينيا جافى منامن
ساكن قلبى ديش الهم محاصرو وكامن
دخل عريان وخايف مرقت لابس وآمن
ما تنوم عين عدوك الليله نوم مطامن

وهنا خرج طه الى المنزل الذى اعطاه له المك وشعر بالسعادة بعد ان انزاح الهم عن كاهله


نواصل ان شاء الله

__________________

To view links or images in signatures your post count must be 10 or greater. You currently have 0 posts.
ibnalkeram is offline               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 06:38.


Sudan.Net © 2014