Go Back   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    

Reply
 
Thread Tools Display Modes
Old 11-Jul-17, 07:48   #1
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default التعايشي والبشير

للرجلين سمات كثيرة مشتركة وان شئت فلتقل مصائب ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Sponsored Links
Old 11-Jul-17, 07:54   #2
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

علمهما التام بأنهما ليسا بجديرين بتحمل المسؤوليه ومع ذلك اقتحماها ...
التسرع باتخاذ القرارت المصيرية والتي ادت لهلاك البلاد والعباد ...
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 07:57   #3
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

اقحام الدين بطريقة مستفزه مع امور سياسية بامتياز ...
الدخول في اتون حروب يعلمون انها تضر جدا بمصالح البلاد ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 07:58   #4
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

التمسك بالرأي ( الدكتره ) وعدم استشارة اهل الخبره ..
طرد الكفاءات من اهل البلد والاتيان بأهل الولاء فقط ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 08:00   #5
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

اشراك العائلة في ادارة البلاد دون ان يكونوا اهلا لذلك ..
تعيين ابناء قبيلتيهما في أماكن حساسة بالدوله ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 08:03   #6
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

مقارعة الكبار ومحاولة استعداءهم ( بريطانيا سابقا وامريكا اليوم )..
خلق عداوات وقلاقل لدول الجوار ( غزو الحبشة ومحاولة غزو مصر سابقا ... ودعم ثوار اريتيريا وتشاد وليبيا اليوم )..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 09:26   #7
gamed
Golden Member
 
gamed's Avatar
 

Join Date: Jun 2009
Location: ما يخُصك
Posts: 8,478
Default

تعاطي المخدرات والمنشطات
__________________
،،،ولمه حال الطين يحنن نشقي شان يلقه الزبالة
gamed is offline               Reply With Quote               
Old 11-Jul-17, 09:45   #8
bitalnuba
Crown Member
 
bitalnuba's Avatar
 

Join Date: May 2009
Location: KSA
Posts: 10,781
Default

ضحكتنى و الله يا جامد مع إنه الموضوع جادى
سين سؤال : هل عندك دليل إنه التعايشى كان بيتعاطى؟؟
__________________

bitalnuba is offline               Reply With Quote               
Old 11-Jul-17, 10:08   #9
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

Quote:
Originally Posted by gamed View Post
تعاطي المخدرات والمنشطات

لا دي مامعانا
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 11-Jul-17, 10:28   #10
gamed
Golden Member
 
gamed's Avatar
 

Join Date: Jun 2009
Location: ما يخُصك
Posts: 8,478
Default

Quote:
Originally Posted by bitalnuba View Post
ضحكتنى و الله يا جامد مع إنه الموضوع جادى
سين سؤال : هل عندك دليل إنه التعايشى كان بيتعاطى؟؟
شكلك متأكدة انو البشير بركب الفيل


فى كتاب اسمو السودان
بين يدى غردون وكتشنر
كاتبو ضابط مصري اسمو ابراهيم
فوزى مزكور فيهو انو
التعايشي كان مخخنجي
__________________
،،،ولمه حال الطين يحنن نشقي شان يلقه الزبالة
gamed is offline               Reply With Quote               
Old 11-Jul-17, 12:07   #11
هرقل
Crown Member
 
هرقل's Avatar
 

Join Date: Aug 2008
Location: mafee@hotmail.com
Posts: 61,621
Send a message via ICQ to هرقل Send a message via AIM to هرقل
Angry

Quote:
Originally Posted by محمد المجتبي الطيب View Post
للرجلين سمات كثيرة مشتركة وان شئت فلتقل مصائب ..
تعييييييش في الشوووووك التعايشي مالك ومالووو


__________________

To view links or images in signatures your post count must be 10 or greater. You currently have 0 posts.
هنا وراء البحر..نفعل ما يفعل السجناء والعاطلون عن العمل
نربي الأمل

To view links or images in signatures your post count must be 10 or greater. You currently have 0 posts.
هرقل is offline               Reply With Quote               
Old 12-Jul-17, 03:32   #12
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

Quote:
Originally Posted by هرقل View Post
تعييييييش في الشوووووك التعايشي مالك ومالووو


هرقل عندما يرجع اليه عقله يصير انصاريا ... وفي احايين كثيرة كوز ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 12-Jul-17, 05:16   #13
هرقل
Crown Member
 
هرقل's Avatar
 

Join Date: Aug 2008
Location: mafee@hotmail.com
Posts: 61,621
Send a message via ICQ to هرقل Send a message via AIM to هرقل
Thumbs down

Quote:
Originally Posted by محمد المجتبي الطيب View Post
هرقل عندما يرجع اليه عقله يصير انصاريا ... وفي احايين كثيرة كوز ..
اوعدك بحرب لا هوادة فيها

كل شيء ولا تزوير تاريخ الامة
__________________

To view links or images in signatures your post count must be 10 or greater. You currently have 0 posts.
هنا وراء البحر..نفعل ما يفعل السجناء والعاطلون عن العمل
نربي الأمل

To view links or images in signatures your post count must be 10 or greater. You currently have 0 posts.
هرقل is offline               Reply With Quote               
Old 12-Jul-17, 07:54   #14
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

ترجح معظم المقولات ان المهدي مات مسموما ...
مثلما ان الزبير وغيره لم يموتوا الموت الطبيعي ...
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 12-Jul-17, 07:56   #15
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

بدأ التعايشي حكمه برسالة تهديد وازدراء الي ملكة بريطانيا ..
وبدأها البشير بأمريكا روسيا قد عذابها ..
وفي كلا الحالتين لم يتعذب سوي الشعب السوداني ..
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 05-Feb-18, 21:08   #16
محمد المجتبي الطيب
Golden Member
 
محمد المجتبي الطيب's Avatar
 

Join Date: Oct 2010
Location: جنب صهريج الببسي كولا
Posts: 3,315
Default

جنيه الدمورية
قبل عشرة سنين كدة، وفي نوادي القراءة للكتب التاريخية السودانية كنا بنضحك علي أحداث سنة 1889م (سنة 1306 هـ)، لمن كان الخليفة عبدالله التعايشي حاكماً للسودان (رئيس الجمهورية بمسمي الآن). والأحداث الحصلت بي إختصار إنو كان داخل في حروب مفتعلة مع مصر ومع أثيوبيا، بي حلم إنو يواصل في المهدية (بعد موت المهدي المنتظر زاتو!!!) ويوصل لي القدس (اللي كانت إسلامية!!!) ويوعد فيكتوريا ملكة بريطانيا (الإمبراطورية التي لا تغيب عنها الشمس) بعد ما تسلم ويحسن إسلامها يعرسها لي يونس ولد الدكيم (الساكن شارع العرضة!!!).
الخليفة قبل سنة 1889م عمل حاجتين ودوا البلد في ستين داهية إقتصادية، الأولي إنو ضرب العملة (قاصد ضَرب ما صك) لما قام جمع قروش الناس وأعاد صكها، وإتدخل (وهو ما زول إقتصاد) وزاد بي كرم منه نسبة الذهب والفضة في العملة الجديدة الشايلة ختم النبي (بركة وكدة وحركة سبق فيها الخليفة عبد الله ناس داعش)، وطبعا الناس شالت العملة الجديدة الغنية بالذهب والفضة وسيحتها عملتها حلقان وسلاسل دهب وفضة ودكّنتها للزمن (دولارات الزمن داك)، والسيحوها ديل هما الكان عندهم قروش أصلا، وإستفادوا من غباء حكومة الخليفة وتساهلها.
المهم إنو الخليفة ما وقف الحروب دي الإحتاجت صرف كتير، وإحتاجت رجال كتير (ودي الضربة التانية للإقتصاد)، فعشان كدة الخليفة (صدفة كدة!!!) إستنفر ناس شمال ووسط السودان (أولاد البحر ومزارعين بطبيعة الحال) للعمل العسكري، والفضلوا منهم وزرعوا جاتهم أسراب الجراد وأكلت الزرعوه. وفي الحملات المفتعلة أخدنا في توشكي هزيمة بطالة شديد في نص ساعة، وفي قندر عاصمة أثيوبيا الأنصار إنتصروا ودمروها وعملوا عمايل وجابوا رأس يوهانس الثاني ملك الحبشة لي الخليفة في أم درمان، وسبب الحرب هنا كان شأن داخلي أثيوبي بس أنحنا شليقين وحمقاء.
وكنتيجة طبيعية للصرف الحكومي وقلة الناتج القومي في عهد الخليفة عبدالله (بي مسميات الزمن ده) حصلت مجاعة سنة ستة الشهيرة (1306هـ) ومن أهم قرارت التصدي ليها هو إنو الخليفة عبدالله بعد ما العملة بتاعتو راحت في السوق (شمار في مرقة)، أصدر قرار لي بيت الأمانة (البنك المركزي بتاع الزمن داك) إنو يعتمد عملة من قماش الدمورية!!! والقماش طبعاً ده الزمن داك كان في أي بيت طبعاً يا جلابية لابسها راجل يا فردة يتغتوا بيها النسوان، ووعد الناس بتحديد قيمة للعملة دي وتستبدها الحكومة لاحقاً، وأي زول بقي يقطع من جلابيته ويحاسب!! الفرق الليلة إنه طباعة الجنيه عند ناس صك العملة بس محتكرين ورق جنيه الدمورية، وكان أمل الخليفة إنو يقدر يجمع منصرفات الحكومة ولما تجي موارد راجعة يسدد.
والحصل إنو الفشل الإقتصادي ده أوقف التعامل التجاري تماماً، والبلد خشت في كساد عظيم، وبقي في حالة عجيبة من الإقتصاد، ناس تموت عشان ما لاقية تاكل ذرة، وناس تاكل لحم بس لعشان ما قادرة تشتري ذرة، والعنده ذرة مخليها في مطمورته يبيعها بي شنو، والبيفتح مطمورته للناس تخلده الأغاني الشعبية.
والخليفة الوقت داك كتف يدينه ساي، وقعد يتفرج وياكل ويشرب ويطلع قوانين لا تغني ولا تسمن من جوع، وقال ده إبتلاء من الله، وبعد من الشريعة والدين، رغم إنو هوا زاتو الحاكم البلد كخليفة لخليفة رسول الله الإمام المهدي المنتظر مع إنو في أمير مؤمنين في تركيا (المنتظر دي إتنازل منها المهدي قبل وفاته للأمانة والتاريخ). والناس بدت تفرفر من حكمه وتهوره السريع وقراراته الفاشلة، وقالو إنه هوا ما متعلم وفاشل في الخلاوي (حتي في خلوة أبوه) وذكاءه بسيط وما عنده شهادة يستوفي بيها شروط القيادة (حافظ 16 سورة بس من جزء عمّ)، وإنو زول عسكري فاشل وتابع وفّي بس لي المهدي. وزعل الخليفة عبدالله لما سمع الكلام ده طبعاً وما كان عنده حاجة يرد عليهم بيها فتاريخه يشهد. وفي صلاة فجر شهيرة (كان ناس أم درمان إلا تغيب عن الصلاة في الجامع بي عذر) أدي الناس خطبة وقال (جاءني جني مدردم وأعطاني شعرة العلم فبلعتها وأصبحت أعلم الناس)، وكدة خلص علي أي زول يفتح خشمه يشكك في قدراته، وخلاص ما في تغيير قيادة وما في إنتخابات ولا تجديد ولا شوري ولا دستور، ومعني كلامه: أنا أصلي بيكم، وأنا رئيس ليكم، ولا أريكم إلا ما أري، أعين البيعجبني وأشيل الما بيعجبني، أطلع القرارات والعساكر ينفذوها، وأنا آخد الضرائب وإنتوا تموتوا بس.
وكنتيجة طبيعية للفشل في القيادة الناس حصلت المجاعة الأليمة ديك والناس بدت تموت جوعاً، ووصلت مرحلة إنو أعدموا واحدة أكلت ولدها الطفل (وناس قالو ولد أختها في لحظة جوع حيوانية)، وفي أم درمان العاصمة في أصعب أيام المجاعة ديك، الناس وصلت مرحلة إنها لما يموت عندها زول تخت جثمانه برة الشارع قدام باب البيت، لأنو ما عندها حيل تشيلوا تدفنه في المقابر. والكلام ده طبعاً زعل الخليفة شديد (وهوا طبعا ماكل شارب)، فقام أصدر قراره مافي زول يخت جثمان برة الشارع عشان الريحة!!. وطلع كتيبة الجهادية ناس الدعم السريع المآكلين وشاربين، شالوا كل الجثامين دفنوها في ذات حملة، وأي حلة أو منطقة عملت فرفرة مشوا عليها سكتوها بي قوة السلاح الناري. وفي أم درمان أي زول فتح خشموه ودوه سجن الساير، والساير ده (زول وسجن) لو قريت وصفه ساي ما بتنوم يومين، وناس كتار قتلوهم عشان إتكلموا في الخليفة أشهرهم الشيخ حمد النيل، وبقت الناس تقول يحلنا الحل بلة، وده من أمثال الزمن داك، وبلة حلته طبعاً الواسطة والرشوة.
المهم بعد الحروب ديك إنتهت، والمجاعة عدت بي أمر الله، طلع الخليفة هوا المستفيد الوحيد، فالناس الماتوا في الحروب ديل ناس الجهات الهوا كان عارفها ما حترضي عنو (أولاد بحر زي ما كانوا الحوله بيقولوا وفيهم ريحة ختمية) وبي الحرب الماتوا فيها والمجاعة الحصلت دي بقي ما فيهم ناس ولا حيل يعملوا ليه أي جوطة سياسية، لكن فضلوا علي ولائهم للمهدية، رغم إنو الجهادية ناس الدعم السريع ما ريحوهم في حالهم، وعشان ما تنسوا هما من قبل طبعا كانوا جنجويد الزبير باشا في دارفور، وإعتمد عليهم الخليفة في كل شي، وما سلم من الظلم ده أهل المهدي زاتو وكان نصيبهم أحداث الخليفة شريف في 1891م.
بعد الحصل في فترة القمع ديك الناس وصلت الناس لي قناعة إنها تسكت عشان ما تتظلم، و ناس كويسين كتار من قادة المهدية الأوائل إنسحبوا من مجلس الخليفة، وناس تانيين ماتوا في السجن عشان أتكلموا في الخليفة أو في البلد، وناس إتوفوا في ظروف غامضة (وفيهم لون الشيخ برات بعد وفاته: قرصة وكدة!!) وإتملا مجلس الحكومة مشاكل ناس قالت فيك كدة يا خليفة المهدي، والخليفة يوديهم في ستين داهية بعد داك، وكل واحد منهم يعمل فيه فيلم براه، والمجلس بقي قاعد لي الونسة والكلام، والبلد وصلت لي حالة من الفوضي والأحقاد تحت حكم الدراويش (المؤتمر الوطني بتاع الزمن داك)، الكانوا حاكمين عشان يحكموا ويظلموا، ويتبادلوا الحكم فيما بينهم، وكل واحد فيهم يحاول يتقرب للخليفة عشان يرقيه، ويتقرب ليه بي التضحية بالآخرين، وحول الدراويش ديل الجهادية ماسكين سلاحهم. وأصبح الفشل في كل جوانب الحياة السودانية، وفي نهاية الفترة بتاعته دي خسرنا مناطق أسوان في الشمال، وفي الشرق خسرنا مناطق سهل كسلا (بين كسلا وكرن) ومناطق بني شنقول، وطبعا ما ننسي كان علينا حصار خارجي الخليفة معتبره سبب فشل الإقتصاد، والحصار كان سببه سياسة محاربة الرقيق (مخالفة الحكومة للقانون الدولي)، والخليفة زاتو ما كان مستوعب حجم تأثير الحصار علي الإقتصاد.
وكنتيجة لي سياسة الحكم الشمولي من الخليفة عبدالله تردي وضع البلد إقتصادياً وإجتماعياً، والناس بقت واثقة إنه مافي حكم رشيد، وبقت متململة من أحداث كتيرة لكن ساكتة خايفة من السلاح، وكل واحد بقي بيحل مشكلته بس، وكل منطقة تمسك نفسها، وحكم الوقت داك ما حاسة بي أي مسئولية غير جمع الضرائب والجبايات.
وفي سبتمبر 1898 حصلت معركة كرري (وكان تلتين الجيش الإنجليزي سودانيين ممغوصين من حكم الخليفة من كل أنحاء السودان!!!)، وحاربوا فيها الناس مع المهدية ما مع الخليفة عبدالله، وفيها أساساً إنسحب الخليفة عبدالله بي طريقة غير مشرفة وغير مقبولة وترك جيشه يقاتل وهوا مشا أم درمان ساق نسوانه وطلع نحو كردفان، وطبعا ناس تفسر ليه وتقول والله كان زعلان عشان أخوه يعقوب جراب الراي إتقتل (في أول المعركة) وجاهو إحباط شديد وزعل وما قدر يتكلم من شدة الحزن، وما قال للجيش ينسحب ويعلن الهزيمة ويحفظ الأرواح، وإنسحب هوا وخلا الناس المحاربة تسد الفرقة البيعملها رشاش المكسيم وتموت، ووصل عدد القتلي في تقدير المؤرخ العسكري عصمت زلفو لي 17 ألف رجل، وسكان السودان وقتها كانوا أقل من مليون، وده معناه إنو حوالي 1,5 في المية من الشعب في يوم واحد عشان سيادته ما كان واقعي في قرار الحرب، وسمع لي كلام ولده عثمان شيخ الدين (الكان عمره كم وعشرين سنة) وأخوه الأمير يعقوب، وأصر يدخل المعركة بي طريقة مكشوفة تحت شعار الرجولة وإنو ما حنحاربهم بليل، وما حنحاربهم في جبل قرّي عشان منطقة جبال والصحابة إتغلبوا في أحد، وفي النهاية كان هو أول من شرد من المعركة (مهما كانت التفاسير)، وده الخلده الشاعر عبدالواحد عبدالله يوسف في قوله (ما لان فرسان لنا بل فر جمع الطاغية)، ودي المقولة الأصاب فيها الشاعر ووصف وضع البلد الوقت داك.
وبعد كرري بي ساعة كانت ساعة الإنتقام، وأحمد حمزة العمل الشوشرة بتاعت المتمة لي خلافه الشخصي مع الأمير عبد الله ولد سعد إتقتل في مكان ساحة سوق الشهداء في أم درمان بي واسطة مجموعة جعلية لقوه قدامهم ماشي لا بيعرفوه لا بيعرفهم قبلها، وكل واحد كانت عنده مظلمة من ناس من الحكومة مشا أخدها طوالي بي يده، ولما جا كتشنر داخل أم درمان منتصراً، وماشي يلحق ياخد ليه صورة مع قبة المهدي المضروبة بالمدافع، مرا علي مسجد إحتلوه الختمية في الملازمين بعد ما بنوه الأنصار وكان من أجمل المساجد في أم درمان وقتها (في شارع الأزهري الآن)، وعملوا فيها أذكارهم لأول مرة بعد أن كانوا جماعة محظورة في مغرب يوم معركة كرري. والملازمين دي كانت كافوري الزمن داك، وكان فيها ملازمين الخليفة عبدالله، والمسجد ده كان تحفة عمرانية، بس ما بنوه أتراك.
وفي اليوم داك زاتو، جدتنا البتول بت ود بدري كانت أنصارية علي السكين، وساكنة في مدينة (ما حأقول إسمها لعدم تجاوز التابو التاريخي بعد) خرجت عن بكرة أبيها لإستقبال الجيش الإنجليزي، والجيش الإنجليزي كان ماشي لي رفاعة ومدني وسنار يفرض سيطريته عليها (كخطة مسبقة)، وجدتنا البتول زعلت ولمت عفشها وقالت ما بتسكن مع الناس الخونة ديل في مدينتهم دي بعد هزيمة كرري وطلوعهم لي إستقبال الجيش الإنجليزي، وركبت حمارتها ولمت حاجاتها وطلعت، وفي السكة بعد ناس المدينة دي أدوا فروض الولاء والطاعة لي الإنجليز يصادفوا سرية من أنصار الشرق راجعين من كرري، يقلعوا تحت تهديد السلام كل ملابس الناس الطلعت تستقبل الإنجليز (رجال ونسوان وذلة بس)، ويشيلوا كل سيوفهم وحرابهم، والبتول رحمها الله تصادف المشهد ده وتزغرد وتكّبر وتشمت فيهم، والأنصار يهدوها عمامة وسيف ناظر القبيلة الشهير مقترح الإستقبال، الكان عريان 100% طبعاً، وأهدوها ذهب وحاجات تانية وطلبوا منها ترجع بيتها لأنوا البلد كلها سقطت وهما راجعين بلدهم، وترجع البتول بيتها وتعلق العمامة والسيف في مجلسها. والهدايا الأنصارية المسلوبة دي إتسرقت بعد فترة طبعاً، والسيف ظهر تاني في يد صاحبه، وإتصرف زي كأنه ما في شي.
وبعد تلاتة يوم ما حأقول حصل فيها شنو في أم درمان، كان كتشنر يتربع في كرسي الخليفة في مجلسه القديم، ويقعد مع تجار أم درمان (إتحاد أصحاب العمل) يتشاور معاهم في وضع السوق وتنمية التجارة، ويشرح ليهم قوانين جا بيها جاهزة عشان ينظم العمل، والناس بدت تتعاون مع الحكومة الإستعمارية لأنها كانت شبعت خلاص من ظلم الخليفة وما لقت حل غيره غير الإنجليز (المتمصرين) كمرحلة، وتبحث عن نظام سياسي مستقر يدير شئون الناس، في إنتظار مهدي آخر يقود البلاد.
الأيام دول!!!
__________________
وايه الدنيا غير
لمة ناس في خير
او ساعة حزن
محمد المجتبي الطيب is offline               Reply With Quote               
Old 06-Feb-18, 05:37   #17
bitomdurman
Golden Member
 

Join Date: Jan 2004
Location: sudan
Posts: 3,664
Send a message via ICQ to bitomdurman Send a message via AIM to bitomdurman Send a message via MSN to bitomdurman Send a message via Yahoo to bitomdurman
Default

شكرا المجتبى


أنا من زمااااان رأيى انه السودانيين لا يصلحون فى حكم ولا فى إدارة
قبل الاستعمار وبعد الاستعمار
الحكومات السودانية توضح غباءها وضيق أفقها وسذاجتها
بمختلف مسمياتها وايديولوجياتها

المطلوب : تأهيل الفرد السودانى لمتطلبات الحياة ومنهم من سيكون حكام ووزراء
العمل الجاد، الثقافة المبنية على وقائع مش فلسفة وتنظير
احترام الزمن والنجاح المرتبط بالانجاز العملى
مش كم ورثت لعيالك وبيتك كم طابق وكم شقة؟؟


طالبت من زمااااان وأطالب بوزراء أجانب ومديرين أجانب للمؤسسات الكبيرة بل والصغيرة
لنتعلم بصورة عملية فنون الادارة والجدية والحسم وقراءة الواقع
والتضحية والزهد وحب الوطن
كما تعلم الجيل الاول بعد خروج المستعمر البريطانى
ولكن يبدو أن الثقافة المحلية كانت أرسخ من التعليم الاستعمارى
الذى لم يزيد عن بضعة عقود
فسادت مرة أخرى وأبادت البلاد
bitomdurman is online now               Reply With Quote               
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 07:03.


Sudan.Net © 2014