Go Back   Sudan.Net Discussion Board - Main Page > General Discussion Board > General Discussion - المنتدى العام


Reply
 
Thread Tools Display Modes
Old 19-Mar-12, 22:47   #451
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default

نيلية وأعزائي القراء

أعـتذر ليكم .. مع إنو الموضوع ما بإيدي ...عن أية أعمال شغب شخبطت أفكاركم


وأنصحكم ما تقروا أي مداخلة تشويشية ...من عناصر ما متابعة ...و ما فارزة فريال من كوثر


برجع ليكم إن شاء الله ..لمن أستعيد مزاجي اللي هجرني أولا ... و أتذكر البوست كان عن شنو ثانيا

والبيض والطماطم لكل من يشتت أفكاركم



محجيتكم المخلصة
أووبس
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Sponsored Links
Old 20-Mar-12, 06:38   #452
spartacous
Golden Member
 
spartacous's Avatar
 

Join Date: Apr 2008
Location: كل بيوت الفقرا بيوتي
Posts: 3,669
Default

Quote:
Originally Posted by Ooppss View Post


وأنصحكم ما تقروا أي مداخلة تشويشية ...من عناصر ما متابعة ...و ما فارزة فريال من كوثر


انا ما معاهم والله
انا متابع بكل اخلاص

وانا بالذات أكتر زول فارز فريال وانتي عارفه

ده كلو من دكتور مو عامل لينا زي الدعايات خارب لينا المسلسل
Quote:
Originally Posted by Ooppss View Post


برجع ليكم إن شاء الله ..لمن أستعيد مزاجي اللي هجرني أولا ... و أتذكر البوست كان عن شنو ثانيا

والله حسستينا بالذنب
نعمل شنو عشان تقبلي اعتذاراتنا؟؟
نعدم ليكي د.مو؟؟

ولا نهدي ليكي جاريتين لخدمه جلالتكم؟؟
__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous is offline   Reply With Quote
Old 20-Mar-12, 08:03   #453
Dr_Moe
Moderator
 
Dr_Moe's Avatar
 

Join Date: Mar 2002
Location: United Kingdom
Posts: 21,874
Default

Quote:
Originally Posted by spartacous View Post
نعمل شنو عشان تقبلي اعتذاراتنا؟؟
نعدم ليكي د.مو؟؟

بعتني يا سبارتكوس باشا؟

ببقي صريح معاك واقول ليك بامانة عمليتك ما ظريفة وحركتك جبانة


أنا أقترح إنو جلالة السلطان معاذ ينفيك إلى منتدى أولاد سنجا دوت كوم








Dr_Moe
__________________
From the UK, but one day we'll all go back.....و إن عدتم عدنا


يا محمد, يا مسيح, أي انسانيةٍ فى لغة الكونِ الجديد؟
Dr_Moe is offline   Reply With Quote
Old 20-Mar-12, 10:59   #454
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Arrow Three strikes and you'll meet the fate of Fara7at basha



عقوبتكم كانت وقفة إحتجاجية صامتة مع ... نظرة حادة من طرف ...للمرة التانية
.
.
.




لاحظت إنه من فترة والبوست بيحظى بحوالي ألف مشاهدة خلال كل أربعة وعشرين ساعة ...ماشاءالله عيني عليه باردة..وعقبال رواية كاملة من بنات أفكاري


القصد...إنه عوينات كثيرة كانت برضها مدياكم نظرات حادة من طرف
أفتكر دي عقوبة متناسبة مع المخالفات العملتوها الصفحة الفاتت ... وإعتذاركم مقبول ... وأقعدوا رايقين زي الوليدات الشاطرين العسولين ....
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 11:56   #455
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default





.

.


.


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 13:06   #456
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default

وقـفــنا هـنا آخر مرة

Quote:
Originally Posted by Ooppss View Post



في الأول ... رسائل عن إنه مهمل لشؤون الدولة
.
.
بعدهـا ...رسائل بتقول إنه ضارب صحبة مع قادة المماليك
.
.
بعد شوية الصحبة ضاربة زيادة حبتين مع المماليك
.
بعدها بقى يعمل إجتماعات سرية مع قادة المماليك
.
.
وإبراهيم طبعا بيوصل الأخبار أول بأول للسلطان

مرة السلطان قال ليه ما تفاجأت يا إبراهيم ..كنت شاكي إنه ممكن يعمل حاجة زي دي
لكن قلت نديه فرصة ... وما نظلمه على حماسه الزائد
لكن لو زودها ... تسافر مصر يا إبراهيم وتجيب لي رأسه

إن شاءالله ما نضطر لكده يا مولاي ... وتهدأ الأمور


وتوالت الرسائل وتزايدت سخونتها من القاضي زادة لإبراهيم


أحمد باشا يتآمر مع المماليك
.
.
بعدها أحمد باشا يدخل في تحالف رسمي عــديل كده مع المماليك
.
.
بعدها بفترة أحمد باشا يأمر بتمجيده شخصيا في كافة مساجد مصر كل خطبة جمعة
.
.
بعد شوية ودي أحلى واحدة

أحمد باشا يجمع ويصهركل العملة التي تحمل ختم السلطان سليمان

و

يصك عملة جديدة يضع عليها ختمه الشخصي

.
أحمد باشا يصنع شعارا جديدا لمصر على هيئة سيفين متقاطعين

كناية عن وتمجيدا للتحالف بينه وبين المماليك
.
.
أحمد باشا يعلن التمرد رسميا وشعبيا على السلطان سليمان


ويعينني أنا خادمكم وجاسوسكم المخلص القاضي محمد زاده ... وزيرا أول للدولة الجديدة

أحمد باشا ارتكب جريمة الخيانة العظمى ضد الدولة العثمانية


السلطان لإبراهيم : شووف شغلك بعد ده



إنزعجت خديجة للغاية حينما أبلغها إبراهيم بحذر وقلق عن مهمته القادمة

بكت كثيرا ... وبقى جوهم حزين ليل نهار

قعدت تقول ليه المفروض السلطان يرسل زول تاني غيرك

فقال ليها إختارني لحساسية الأمر وثقته الكبيرة فيني ...هو عيني وزير أعظم ليه؟

ما عشان المهام المعصلجة اللي زي دي

قلبي ما مرتاح أبدا حبيبي من فكرة سفرتك دي وحاسة إنه مقبوض

خديجة إنتي عارفة إنو دي ما أول مرة أسافر

و براك شفتي كم مرة سافرت لحروب عنيفة ورجعت بالسلامة
.
.
عارفة يا ابراهيم ...لكن المرة دي الوضع مختلف

المهم قعدت تقول ليه كده ليل نهار... لمن خوفته وشيلته الهم زياده ذاته

وهو أصلا بينه وبين نفسه كان كاره إنو يجي يوم

يطلب منه السلطان يمشي يجيب رأس أحمد باشا

و فعلا ما حاسي إنه مرتاح لفكرة يخلي

عروسه الجديدة وحيدة ... أو يرملها بدري

لكن يسوي شنو
.
.

وعزفت الكمنجة الإبراهيمية ...لحن وداع حزين
........
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 17:10   #457
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default






السلطانة الأم برضها قلقت جدا لمن كلمها إبنها السلطان سليمان بموضوع سفر إبراهيم

قالت ليه : أحمد باشا خائن والخائن أكـيد لازم يتعاقب

لكنها بقت قلقانة وحزينة.. تفكر في بتها العروس الجديدة

تعيسة الحظ مع زوجها وخطيبها السابقين

وشالت هم الصدمة الممكن تحصل لخديجة لو إبراهيم

اتقتل في معركة كبح التمرد الأحمدي الفي مصر دي

.....
ولمن قرب موعد السفر قال إبراهيم للسلطان عندي منك طلب ... مولاي
.
.
لو مت ... أرجوك ما تخلي خديجة تعلن الحداد علي

(( أبو الدراما ))

أوعك تقول كلام شؤم زي ده يا إبراهيم
إنت لازم ترجع ... لأنك عارف إني محتاجك بشدة

و ما ممكن أتصور اللي حيحصل لي لو بقيت في الدنيا دي من غيرك



.

.
.


Ooppss is offline   Reply With Quote
Old 20-Mar-12, 17:30   #458
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




خديجة
.
.
حامل


ما بلغت أي زول بهذا الخبر السار ... حتى إبراهيم ذاته ...لحد ما تأكدت من الطبيبة

طارت من الفرحة إلى القصر الكبير حيث كان إبراهيم في آخر يوم عمل له بالقصر

قبل الإبحار نحو مصر

يودع السلطان ويأخد منه التعليمات الأخيرة بخصوص المهمة الماشي ليها

...
أول شئ ...كلمت خديجة السلطانة الأم بخبر حملها وفرحــت ليها كثير جدا

بعداك ... طلبت من الحرس يبلغوا إبراهيم إنها دايراه ...يقابلها في الحديقة

مكان ما كانو بيتلاقو عصفوري المحبة ديل ... زمان قبل الزواج

...................
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 17:46   #459
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




إستغرب ابراهيم من حضورها المفاجئ ونزل مسرعا إلى الحديقة
.
.

قالت ليه بعينين مدمعتين فرحا

الحديقة دي يا ما شهدت دموع حزن مني في الماضي

لكن جاء الوقت إنها تشوف دموع فرحي

وطار من السعادة لمن كلمته ... شالها زي اللعبة وقعد يدور بيها في الهوا

وده أداه حافز أكبر في قرارة نفسه إنه مهمة قمع التمرد تعدي على خير ويرجع

ووعدته تستقبله لما يرجع وإبنهما بين يديها
...

متذكرين أبو إبراهيم الصياد وأخوه ريكو

برضو قال لازم أسافر وقلبي مرتاح وأضمن ليهم مستقبل كريم هنا ...لو ما رجعت حي تاني

فتوسط ليهم يشغلوهم في القصر ...وأدوهم أسماء إسلامية

وسلمهم مبلغ من المال ... قلقوا عليه شديد برضه ....وودعوه وداع حار

وسافر إبراهيم على بركة الله مبحرا عبر سفينته إلى مصر
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 21:45   #460
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




وقـبل ذلك ... ببضعة أشهـــر
.
.
.

مصطفى الحنين والجيش الإنكشاري العظيم

كبر مصطفى الحنين ..بقى عمره حوالي 13 سنة كده

وبما إنه من صغره بحب يلعب مبارزة مع أبوه وإبراهيم ...ونفسه يكبر ويبقى محارب عظيم

عبر لوالده ولإبراهيم عن رغبته في زيارة مقر تدريبات الجيش العثماني ...

والإثنين طبعا إتحمسوا شديد لذلك لأنه الإثنين وبالذات إبراهيم دايرنه يصبح مؤهل من الناحية العسكرية ...

كفؤ ليحل محل أبوه سليمان مستقبلا

إبراهيم طبعا ما داير واحد من أولاد هيام ينافسه ...لأنه كما تعلمون يبغض هيام

وسليمان بيتعامل معاه على إنه ولده الكبير ... وأخوانه محمد وسليم لسه صغار

أخد إبراهيم مصطفى في زيارة إلى مقـر تدريبات الجيش الإنكشاري


حيّاه جمع الجنود بحماس كبير

عاش الأمير مصطفى المعظم

عاش عاش


إتـكيــف مصـطفى الحنين ...إبتسم بفخر

وأحـبهم من أول تحية قوية
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 20-Mar-12, 21:47   #461
أبوريماز
Golden Member
 
أبوريماز's Avatar
 

Join Date: Jul 2011
Posts: 7,067
Default

Quote:
Originally Posted by Ooppss View Post



وقـبل ذلك ... ببضعة أشهـــر
.
.
.


مصطفى الحنين والجيش الإنكشاري العظيم


كبر مصطفى الحنين ..بقى عمره حوالي 13 سنة كده

وبما إنه من صغره بحب يلعب مبارزة مع أبوه وإبراهيم ...ونفسه يكبر ويبقى محارب عظيم

عبر لوالده ولإبراهيم عن رغبته في زيارة مقر تدريبات الجيش العثماني ...

والإثنين طبعا إتحمسوا شديد لذلك لأنه الإثنين وبالذات إبراهيم دايرنه يصبح مؤهل من الناحية العسكرية ...

كفؤ ليحل محل أبوه سليمان مستقبلا

إبراهيم طبعا ما داير واحد من أولاد هيام ينافسه ...لأنه كما تعلمون يبغض هيام

وسليمان بيتعامل معاه على إنه ولده الكبير ... وأخوانه محمد وسليم لسه صغار

أخد إبراهيم مصطفى في زيارة إلى مقـر تدريبات الجيش الإنكشاري


حيّاه جمع الجنود بحماس كبير

عاش الأمير مصطفى المعظم

عاش عاش

إتـكيــف مصـطفى الحنين ...إبتسم بفخر

وأحـبهم من أول تحية قوية
اوووبيس صباح الخير


غايتووو الماحضر يجى يقرا بوستيك دا

مرينا قلنا نسلم
أبوريماز is offline   Reply With Quote
Old 20-Mar-12, 22:01   #462
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



المحاربين شغالين مبارزة ومصارعة وتدريبات قتال عنيفة

ومصطفى يتفرج عليهم بإعجاب شديد


وقال لإبراهيم أنا داير أنضم ليهم أرجوك

قال ليه إبراهيم

الإنضمام للجيش الإنكشاري ما شي ساهل يا مصطفى

جيشنا ده من أعظم الجيوش في العالم وليه هيبة كبيرة في كل مكان

وعشان الواحد ينضم ليه ... الموضوع ما إمكانيات ومهارات قتالية عالية وتدريبات عنيفة فحسب وإنما

مبادئ قوية لابد من أن ترسخ في دواخل كل إنكشاري

مبادئ شنو يا ابراهيم؟

الإنكشاري لازم دايما يكون رأسه عالي مرفوع نحو السماء
لكنه ما يتكبر ... عنوانه العزة والشجاعة والشهامة
وما بيخون

الجيش العثماني الإنكشاري العظيم يا مصطفى أفراده ناس بيقدسوا الوطن ويذودوا عنه بكل قواهم
ناس مترفعين عن السيئات


الإنكشاري الحق قوي.. لا يكذب .. لا يخاف ..لا يسرق .. لا يغتاب ..لا يعرف الحقد أو الحسد
أوفي بوعدك كإنكشاري وانجز عملك بهمة وإتقان ... ساعد الصغير واحترم الكبير


المهم أداه محاضرة عن جواهر الفضيلة والأخلاق الحميدة

اللي بيتمتع بها أعضاء الجيش ده أو المفترض إنهم يتحلوا بيها

مصطفى إزداد إعجابا بيهم واحتراما ليهم


.
.

الآكشن بعد كده يا جماعة ... من عينة

مش حـتعرف تغمض عينيك

لكن ضروري تتفرجوا على الفيديو ده ...وترفعوا الصوت


Ooppss is offline   Reply With Quote
Old 21-Mar-12, 21:06   #463
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default

مرحبا أبو ريماز وشكرا على المرور


....


أستهل حجوتي في مساء 21 مارس بتهنئة الأمهات من القارئات



عيد أم سعيد ... والله يـقـوّيكن ويعـافيكن

.

مع إنه كان يوم متعب .. لكن ... تأبى علي إنكشاريتي أن أخذلكم هذا المساء




لمن خلص إبراهيم حديثه الودي مع مصطفى
..

أتاه قائد الجيش الإنكشاري وحدثه عن

مدى ضجر الجنود وشعورهم بالضيق والإحباط

لإنقضاء فترة طويلة من الزمن دون خروجهم في أية حملة
..


الطريقة العنيفة القاعدين يتدربوا بيها بتدي إنطباع إنه عندهم طاقات قتالية مكبوته دايرين يحرقوها

الظاهر أجسامهم إتبرمجت على المعارك
..

قال ليه محتاجين حملة فتوحات جديدة يا ابراهيم باشا
.
.


نعلى راية الإسلام عالية خفاقة ...و
.
.
.
برضو محتاجين مصاريف



يا ريت لو كان قال ليه

بعد المصاريف الضاعت على إحتفالات عرسك الطويلة والمسيخة ديك

..

إبراهيم إستقبل طلبه ببرود ...وقال ليه بنشوف

لمن أكلم السلطان إن شاء الله

المهم ما أداهو فسحة كبيرة ...لا من إهتمام ...لا من أمل

__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 21-Mar-12, 21:16   #464
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




برضه بعدها ...في إجتماع بين الإنكشاريين والسلطان سليمان

عبر له قائدهم عن حاجتهم الماسة للقيام بحملة جديدة

رد سليمان على القائد الإنكشاري

بصرة وش وقال ليهم بحزم شديد

بنطلع في حملة لمن يجي الوقت مناسب

.وحاليا أنا ما شايف إنه الوقت مناسب وده نهاية الكلام في الموضوع ده


وقام غضبان بسرعة الريح من كرسيه مغادرا الإجتماع

لمن قفطانه كان طاير وراه في الهوا من حالة الهيجان الطلع بيها

الإجتماع الكان منعقد في ساحة الديوان الكبيرة ... إمتعض الجنود طبعا ... لكن يسووا شنوعاد

حكم القوي على الضعيف
.........



"

قال ليكم

عرف الإنكشاريون بكفاءتهم القتالية ووفرتهم العددية ، وضراوتهم في الحرب والقتال ، وكانوا أداة رهيبة في يد الدولة العثمانية في حروبها التي خاضتها في أوربا وآسيا وإفريقيا ، وكان لنشأتهم العسكرية الخالصة وتربيتهم الجهادية على حب الشهادة واسترخاص الحياة أثر في إندفاعهم الشجاع في الحروب واستماتتهم في النزال وتقدمهم الصفوف في طليعة الجيش
يقول بروكلومان المستشرق الألماني : " أن الإنكشارية كانت قوام الجيش العثماني وعماده "
ويضيف المؤرخ الإنجليزي جرانت :"كان مصير ومستقبل الدولة العثمانية يعتمد إلى حد كبير على الإنكشارية" "
http://anthro.ahlamontada.net/t941-topic
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 21-Mar-12, 21:41   #465
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




وبرضه ... قبل سفر إبراهيم بفترة

( كله ذو علاقة بسفره ..ستتضح لكم لاحقا )

حاله الحب والغرام بين السلطان وهيام بقت في توهج مستمرلمن عجيب

وبعد ولادتها الأخيرة بقت تتدلل عليه زياده وهو مدلعها على الآخر

مرة عبرت ليه عن مدى شعورها بالضجر من القعدة في القصر

وإنه نفسها تطلع بره في الهواء الطلق تتمشى وتتمتع بالطبيعة

غالية والطلب رخيص نور حياتي

جهز ليها مفاجأة ...وطلعوا الإثنين سويا

مع أفراد من الحرس في رحلة برية من الصباح

و

خلت أولادها في رعاية نورهان بالقصر
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote

Old 22-Mar-12, 00:56   #466
الوفاء طبعي
Guest
 

Posts: n/a
Default

مرحبا
انا عضو جديد معكم ومش عارف اعمل اية ممكن حدا فيكم يعطيني شوية معلومات اين اضع موضوع للترحيب هذا اولا
ثانيا اشكرك جدا على هذا الموضوع الجميل سلمت يداكي
الوفاء طبعي
  Reply With Quote
Old 22-Mar-12, 09:11   #467
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




مرحبا بك الوفاء طبعي ... وأرى أنك قد توفقت في كتابة بوست الترحيب دون مساعدتي ... شكرا على الكلمة الطيبة وأتمنى لك زيارات شيقة للبورد

...






ماسكين يدين بعض
هيام وسليمان

يتمشوا في الغابة بالساعات كعصفورين عاشقين

ونسة وضحك وتبادل كلمات الحب والغرام والأشعار ... وكله

ناهد أول ما بلغها خبر إنه السلطان أخد هيام في نزهة ..ثارت عفاريتها على الآخر

... ساحراه ..ساحراه ....سااااحراااااه والله ساحراه الملعونة دي ...

سليمان عمره ما كان كده

ما معقولة البحصل ده ... الله ياخدها ويريحني منها

وبقت اليوم كله داخلة ...مارقة تتاوق ليهم ... تشوف كان رجعوا ولا لسه ...


وبطنها طبعا ما زالت واجعاها ... وكوثر المخلصة تشيل وتغلي ليها في النعناع المهدئ
...
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 09:15   #468
menah
Major Contributor
 
menah's Avatar
 

Join Date: Dec 2011
Posts: 1,251
Default

يي ييييييه حبوبه ابسايه جاااات


__________________
[SIGPIC]
menah is offline   Reply With Quote
Old 22-Mar-12, 09:17   #469
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




سرق الوقت الممتع عصفوري الحب

حتى حل المساء

فقررا قضاء ليلة رومانسية في الغابة ...يشعلوا نار

ياكلو صيد مشوي ..ويلقى على مسامعها أشعاره فيها كمان وكمان

وفي آخر الليل نصبوا ليهم خيمة وباتوا فيها والحرس يحيط بالخيمة

.....

ناهد ماتت روحيا وعقليا لمن الدنيا ليلت وهم لسه ما رجعوا

وما نامت الليل كله من الحسرة والأسى
..


الصباح صحت هيام في أحضان السلطان ... والهوا منعش ... والجو روعة

وهي في قمة فرحتها وحست بأمان كبير ...حست إنها ملكت قلب السلطان وعقله بحق

في نهاية الرحلة أهداها عصفورين حلوين بألوان زاهية في قفص .. طارت بيهم السما من الفرحة

وقالت ليه العصفورين ديل أعظم هدية جاتني ... وحأعتبرهم رمز لينا

هذا وقد أسميتهما
.
.



عاشق ... ومعشوق
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 19:31   #470
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




كانت هيام قد ذكرت لليو في حديث مقتضب آخر بحديقة القصر

بأنها ستسعى لفرصة حوار أطول معه بعد سفر إبراهيم لمصر

فليو كما تعلمون ما زال يعمل بقصر إبراهيم

وهي محتاجة جدا إنها توضح ليه بصوت واضح وبصورة لا تدع مجالا للشك

فكرة إنها سعيدة جدا مع السلطان سليمان وإنه لازم ينسى الماضي.. ينساها .. ويرجع بلده
...
لذا ... بعد سفر إبراهيم مباشرة
.
.

باركت هيام للسلطانة الأم خبر حمل خديجة

ثم وضحت لها بمنتهى اللطف أنه لا يحبذ ترك خديجة بمفردها في الليلة الأولى

لسفر زوجها وتبرعت بالذهاب لقصر إبراهيم لتقضي الليلة برفقه خديجة
.
.

يا سلام ...هيام فعلا اتغيرت ....قالت السلطانة الأم


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 19:43   #471
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




ذهبت هيام إلى القصر الجديد

بعد السلام والكلام مع خديجة المستلقية كحامل جديدة مدللة وسعيدة على فراشها

وخادمتها المطيعة صادقة الضباحة واقفة إلى جانبها

وهيام لا تكف عن توجيه نظرات مخيفة لفيكتوريا من لحظة لأخرى

كإنها بتقول ليها لعلمك ...أنا اللي طفشتك من القصر الكبير بسبب محاولتك للإختلاء بالسلطان

وصادقة تتلقى سهام نظراتها القاسية في تأدب وخوف ..أوبالأحرى تتظاهرلها بذلك
.
.

إستأذنت هيام من خديجة بحجة بسيطة لتخرج من الغرفة

بعد ما أدت ليكم فيكتوريا نظرة قوية أخيرة وقالت ليها

بنبرة أستاذة محذرة لطالبة ... أو سلطانة قوية لجارية

أوعك تفوتي من جنب خديجة ... بمعنى يا ويلك تطلعي من هنا لحد ما أرجع
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 20:13   #472
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default

عفوا يا مـنة ... و سلام ... ما انتبهت لأني فطيتك والله ..لزم التوضيح يا حفيدتي .. مشكورة على الترحيب ..وأقعدي رايقة زي أخوانك مو وسبارتا









وفي القصر الكبير
.
.

أتى سليمان لزيارة والدته

فحكت له عن مدى إعجابها بنبل هيام

كونها تخلي أولادها وتمشي تقضي الليلة مع خديجة عشان تواسيها في غياب زوجها

إستغرب السلطان بعض الشئ

وقال ليها
.

.

فعلا ... مفروض الواحد يمشي يطمئن على خديجة

...


وبهناك
.
.

توجهت هيام نحو الصالة الضخمة التي كان يعمل ليو على تزيينها برسوماته أوربية الطابع

وما إن وقعت عيناه عليها

.
.


خفق قلب ليو فرحا


فقالت ليه ..ما تعاين لي

...عاين لفوق ..عاين للسقف


كما لو أنهما يناقشان أمر الرسومات يعني

ثم وقفت إلى جانبه ...دون أن تواجهه

كما هو الحال عندما حدثته في حديقة القصر قبل ذلك


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 20:30   #473
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



أهه يلا ...


وبهناااااك
.
.

في البحر يعني

حبيت أطلعكم من الصالة إياها تشموا هوا شوية .. لزوم التشويق

.

.

باخرة صاحبنا إبراهيم ...تمخض عباب البحر متجهة نحو مصر

مضت الأيام والرحلة ما زالت مستمرة

يا حليل ناس زمان غايتو ..,شكرا للتكنولوجيا على قولة زنجبيلة

يجلس إبراهيم على مكتبه داخل كابينته

يكتب رسالة يبث فيها زوجته خديجة أشواقه المستعـرة

أوتذكرون عبارته العجبتنا ...أيام رومانسيات الحديقة ؟

عبدك مغشى عليه من نور ..لا يجرؤ على النظر

هسع بقت

... تكرمي على عبدك المرهـف بقبلة

دعيني أسكر من رائحة شعرك

ولا أصحو إلا على صوت ولدنا في سريره الصغير


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 22-Mar-12, 21:46   #474
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




واصلت هيام حديثها مع ليو
.
.
.

إلتزم بلعبة القصور يا ليو ... قالتها بنبرة جافة مصطنعة بعض الشئ

قال ليها ...معقولة نسيتيني فعلا يا أليكس؟

الظاهر إنك سعيدة جدا



ليو

!!
أنا هسع بقيت أم لأطفال من رجل آخــر

والإنسان ده بحبه جدا

و فعلا ...سعيده معاه للغاية

وإنتا لازم ترجع ... أرجع بلدك يا ليو


أمشي كيف يا أليكس... بعد ما فتشت عنك السنين دي كلها ... أمشي كيف هسع بعد ما لقيتك
؟؟.
.
.

صادقة الضباحة ... ما تتوصى على الخبث طبعا ...فهي جاسوسة في نهاية الأمر

كانت قد خرجت من غرفة خديجة بحثا عن هيام بفضول

ووقفت تتصنت بجانب باب الصالة الكان مفتوح لمن سمعت صوتها

.
.

مع ليو


في اللحظة دي كانت هيام بتقول ليه : لو سمعوك بتقول كده

!!! حيقتلوك وبعداك يقتلوني و ويقتلوا أطفالي

رفعــت فيكتوريا حينها قرون إستشعارها بتعجب نحو الصالة واقتربت أكثر


.
.

ما داير أسبب ليك مشاكل أو أخلي أي أذى يصيبك يا أليكس ..لكني متعذب ... صدقيني بتعذب بشدة أليكس
.
.
حينها سمعت هيام وقع أقدام تتحرك مسرعة في الخارج مبتعدة من أمام باب الصالة

الظاهر في زول نادى صادقة .. أو صادقة شافت ليها زول جاي

إنزعجت هيام من فكرة إنو زول ممكن يكون إستمع للحوارالغامض والعجيب ده

و نهرت ليو قائلة ما تناديني أليكس مرة تانية أنا السلطانة هيام

! سلطانة هيام ... أفهم

و

قاطعا لحديثهما
.
.

إقتحم السلطان سليمان عليهما الصالة فجأة

دخل عليهما بالله نابل زي عربية مسرعة

وفرمل فجأة لمن اتفاجـا بوجودهما متقاربان معا في الصالة

صدر حينها

صوت فرملة قوية من حذائه

نتيجة الإحتكاك المفاجئ ببلاط الصالة

صوت
.
.
زي
إيييييييييييييييييييييييييييييييييك

__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 14:33   #475
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



بالمناسبة
إتذكرت تعبير كان عاجبني ونا صغيرة
...الواحد لمن يفرمل فجأه بالعربية ويطلع صوت الصرير المعهود داك
.. بالإماراتي بقولوا :إنه السائق
صـيّـــح ويـــلات
صيح من الصياح يعني
أما الويلات فهي جمع ال
wheel







صـــيّح ويــلاته .... ثم
جال السلطان سليمان بنظره بينهما ...و فيهما
.....وحواليهما

ليو كان قد توجه بعينيه نحو البلاط فورا بسرعة خارقة
كما لو أنه كان خاشعا في حضرة السلطانة طيلة ما مضى من وقت

وانحنت هيام للسلطان كعادتها عند دخوله لكن بخلعة شينة

ثم بادرته وهي التي قد إعتادت الصدمات والمفاجآت

حتى تمرست في الخروج من كذا مأزق

بادرت سلطانها مسرعة بتحية ودودة وبسمه ونظرة عاشقة

مبيدة أي شكوك أو أوهام ... تكون قد تراءت له

وما أظن أن تراءى له شيئا أكثر مما قالت له
فهو يعلم بمدى حبها الجنوني له ..

وبالطبع ما في حاجة تخلي ثقته تهتز فيها عشان يشك

بعدين هو السلطان .. . وليو مجرد رسام كحيان

فما في مجال يثير الغيرة أو الشعور بالمنافسة
..

قالت ليه .. إتفاجأت بوجودك مولاي ...

جيت أسال ليو عن لوحتنا وأتفرج على الرسومات الرائعة هنا

وقام ليو أفندي مشكورا بإبهار ناظري بما أنجز

قال ليه ليو : آي ... كنت بشرح ليها إني داير أرسم بألوان حارة


فعلا هيام ...ليو فنان ما هر جدا

قالت ليه : عموما ليو إشتاق لبلده وأهله وحيغادرنا قريبا

قاطعها السلطان واتجه بناظره نحو ليو

ما حتغادر من هنا قريب يا ليو

لأني قررت تعيينك رسام خاص لي براتب مغري

دايرك ترسم لي على الجدران والسقف

سما وغيوم

قمر ..نجوم ..كواكب وليل بجهة ... وشمس ونهار بجهة تانية

لكن... حاول ليو مقاطعته ..ونططت هيام عينيها محبطة مما سمعت

هذا قرار نهائي يا ليو ... إلتزم ونــفـــذ
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 18:54   #476
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




وما زال الصراع مستمرا والمؤامرات مستعـــرة

بين نسوان الراجل

الحلو حلا


ناهد دوران بقت ما محتملة

حالة التقارب الفظيع الحصل بين السلطان وهيام

البطن وجعها مستمر ..والحيرة دايرة

وجاريتها المخلصة والمقهورة لحالتها
كوثر

كل ما تشوف حالها متأزم ... تتأثر ليها شديد وتقول ليها

بس دايراك تسمحي لي سلطانتي .. عليك الله... أريحــك منها للأبــد بإيدي ديل
..

ذات مرة .. قالت ليها عندي ليك فكرة يا سلطانه تقتلي بيها هيام كمدا
معنويا لا جسديا يعني

شنو؟ .. قولي يا أم الأفكار الفاشلة


متذكرين إحراج فكرتها بتاعة ناهد حامل ..ناهد حامل..

وشماته هيام فيها

لمن إتضح إنها ليست بحامل؟
.
.

قالت كوثر لناهـــد

ملاحظة إنو جناح السلطانه خديجة بقى فاضي يا مولاتي ؟

__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 19:31   #477
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




طبعا خديجة جناحها ده .. قريب جدا من جناح السلطان

مواجه ليه من زاوية بطابق أسفله

لكن مواجهه في تصميم هندسي بديع كإنه لاصق فيه


جناح ضخم وبلكونته فاخرة

كبيرة مطلة على حديقة القصر وعلى البحر

وفيها كنبات واسعه وقعــدة شاعرية جدا

وممكن للزول الواقف في البلكونة الجميلة دي

يعاين و يتونس مع السلطان وهو في بلكونته

أخخخخخخ ..فعلا هيام حتطرشق

.

.

فقالت ليها كوثر ...ليه ما تكلمي السلطانة الأم

وتطلبي منها ينقلوك لجناح السلطانة خديجة الخالي حاليا
.
.

عجبتها الفكرة
.
.
ومشت ناهد للسلطانة الأم ...وفي أثناء الونسة قالت ليها
.
.

عندي طلب منك مولاتي وإن شاء الله توافقي لينا عليه
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 20:08   #478
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



الأمير مصطفى حفيدك كبر.. زي ما إنتي شايفه مولاتي

والسلطانه خديجة ربنا سهل ليها

إتزوجت وإنتقلت بالسلامة والسعادة لقصرها الجديد

فلو إنتي شايفه إنه مناسب وممكن يعني ...

تأذني لينا نرحل إحنا على جناح خديجة


...
ترددت السلطانة الأم بعض الشئ في بادئ الأمر .. ثم فاجأتها قائلة

ضبطوا الجناح يا جواري ... ونجهــزه ليكي إنتي ولحبيبي الأمير مصطفى

سعدت ناهد بذلك جدا .. إنفرجت أساريرها أخيرا

وركعت وباست اليد والفستان ممتنة للغاية

و

فرح مصطفى الحنين بالخبر حينما أعلمته والدته


و ضحكت معها الجارية كوثر محتفية بنشوة النصر

عملت كده
.
.






وبدت ناهد في إصدار أوامر بإجراء تعديلات

وتحسينات جديدة على جناح خديجة

وسنبل والحرس يشيلوا ويدخلوا في

الأثاث الجديد الطلبته من السوق

وأعمال الديكور والإضاءه شغاله
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 21:30   #479
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




وفي ذات يوم من الأيام والعمل المذكور أعلاه

جاري على قدم وساق

جات مارة ليكم منو ؟
.
.
صاحبتكم ...هيام
.
.
سمعت جلبة لفتت إنتباهها ووقفت تتصنت

مختبئة خلف أحد أعمدة القصر الضخمة

سمعت

سنبل الكان بشاكل في فريال متذمر من إنها ما بتساعده

قال ليها
.
.

فريال ..إنتي

الوقت كله
معدياهو لينا مساج ... وونسة ...وأكل في المطبخ

وأنا شغل تعديلات جناح سلطانة خديجة

لرحول السلطانة ناهــد كله

واقع على راسي براي


والله يا ناس أنا تـعــبت


...
فعلا معاه حق ..فهو كما وصفته لكم مسبقــا

سونبولمان ...رجل المهام المتعــددة

المهم

إنو هيام عرفت بالموضوع براها دون مساعدة أحد

زغللت عويناتها ... أخدت نفس عميق ..
ونفشت روحها

كالطاووس

كعادتها لدى مواجهة التحديات


وقررت التصرف بسرعة
.
.

تينج
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 23-Mar-12, 22:26   #480
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



ذهبت هيام

لزيارة السلطان .. والذي تصادف أن كان حينها

منهارا حتة واحدة... منكبا على مكتبه

منهار ... هياما بهيام

الظاهر الزولة دي فعلا سحرته


لقته قاعد

بيألف ليها في قصيدة جديدة

إنتي وطني وملتي وكل ما أرجوه من دنيتي

إنتي ربيعي وعيوني ووردتي الجورية يا سلطانتي

حياتي وروحي وفرحتي وقمري المنور دروبي... إلخ


قعدت جنبه على يد المقعد مبسوطه وتتدلل

وتشكر فيه ..وتديه برضه كلمات غزل وحب

لقتها فرصة مناسبة جدا

بعد شوية طلعت على بلكونته الواسعه
.
.
وأخدت ليها نفس عميق ملئ رئتيها كده ...وقالت ليه يا

الله ... الله ..
يا حبيبي


الشرفة دي شي يشرح الصدر فعلا

والمنظر ده شي يرد الروح

مولاي يا عمري
.
.

أنا
.
.
ومحمد
.
.

وسليم
.
.

ومريم



العيال كبرت

ودايرين لينا مساحه كافيه يتحركوا ويلعبوا فيها

وبصراحة كده جناحنا الصغير ضاق بينا

إبتسم وقال ليها فعلا حبيبتي ...لازم تغيروا مسكنكم

في ذهني مكان مناسب جدا يا سليمان

بس إحتمال ما يسمحوا لينا نأخده
.
.


وأشارت بعينيها نحو جناح خديجة
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote

Old 23-Mar-12, 22:31   #481
NADOSH
Crown Member
 
NADOSH's Avatar
 

Join Date: Feb 2004
Posts: 36,903
Default



يالرغم من اني مافوت الا القليل من الحلقات
لكن متابعة القراءة لك متعة

مساؤ خير اوبسينا

__________________
ندوش ست الحوش المرشوش

love9-clip
NADOSH is offline   Reply With Quote
Old 24-Mar-12, 12:31   #482
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




هلا بالغالية ..أخت الغالية...وعصرو النوري والسوروري عليك نداديشو

بل المتعة هي في تحجيتكم يا عيالي

.
.
.




تاني يوم .. نرى السلطان جالسا على مائدة إفطاره

وبينهر في سنبل

الواقف يتراجف زي الفار قدامه

سنبل بيقول ليه لكن يا مولاي ده شي صعب ... صعب

رد ليه السلطان بصرة وشه المخيفة إياها : إنتا واقف بتجادلني كمان؟


نفــذ يا سنبل وإلا حطير ليك رأسك


.
.

حاضر مولاي وطلع من قدامه جاري

وبره وقف متمحن أسوي شنو أنا هسع

حسبي الله ونعم الوكيل على القصر ده

ومصايبه الما بتنتهي

أسـتغـفر الله العـظيم
.
.

الله يصبرنا بس
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 13:24   #483
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



ناهد وإبنها مصطفى المسكين فرحانين بيستعدوا بحماس للإنتقال لجناحهم الفاخر الجديد

وبهناك هيام برضها بتجهز في نفسها وعيالها الثلاثة لينتقلوا لذات الجناح
..


وفي ذات الصباح اللي كان فيه سنبل مع السلطان
.
.
وبينما سنبل المرهق .. واقف بين الممرات قدام الجناح .. بيدي في الأوامر

للعمال والحرس يمرقوا ويدخلوا في الأغراض لذلك الجناح

وجد نفسه فجأة واقف في النص ما بين الضرتين ناهد وهيام
.
.
.

جسمه رجف حرجا ..وزهجا .. وخوفا من ردة الفعل الممكن تجي فوق راسه

..

ناهد طبعا ما عندها فكرة عن المستجدات في هذا الشأن ..وهيام الخبيثة ملمة بكافة التطورات


عاينت هيام لناهــد بنظرة من عينة إن كيدي عظيم وقالت لسنبل : خلصتو يا سنبولة ولا لسه ؟


ناهد عاينت ليها باضطراب ...غاضبة و باستغراب : إنتي شنو الجايبك هنا هسع ؟


وبتمخطر لفظي ردت هيام

جيت أشوف جناحي الجديد يا سلطانة ناهد


سنبل واقف متضايق في وقفته

زي الزول المزنوق وداير يجري على الحمام

حــدّرت ليهو ناهـــد متسائلة : دي قصدها شنو يا سنبل؟


طوالي فكا ليها القنبلة عشان يرتاح ويخلص
.
.
مولاي السلطان خصص الجناح ده لهيام


حــيرة تامة ... صدمــــة عنييييفة ...على وجه ناهـــــد


فأضاف سنبل : آي ... أي .. والله

زي ما قلت ليكي كده بالضبط يا سلطانة


جاني أمر من السلطان سليمان الصباح ده

أهـه

عن إذنكن يا سلطانات

وراي أشغال


وقام جاري
.
.
.

إحراااااااج وحقد قــاتل على وجه ناهـــد
و

ههههههههههههههههههههههههههه... على وجه هيام


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 13:46   #484
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




في الموقف البايخ ده كله أنا متأثرة لمصطفى الحنين ..لأنه بعد كده حيبدأ يتعقد

من حقه يا جماعة


ده مثال على أن الأطفال بينظلموا شديد في حرب الضرات دي لمن الأب يكون ما عادل

أو متعلق بواحده من نسوانه أكثر من الثانية
........................



.
.
.


قلنا خفنا مصطفى يحس إنه السلطان ما عادل في حقه وبيفضل أخوانه الجدد عليه

لكن ما أثر الموضوع عليه تب..طيب القلب ... واستمر يعامل محمد بحنية


وعلاقته مع أخته واخوه الصغار مريم وسليم لسه زي السمن على العسل
...

لمن رحلت هيام لمقرها الفاخر الجديد
....
جناحها القديم كان متواضع للغاية قدام ده

شين وكتمة صراحة جنب طراوة ده
....

وهي واقفة بتتأمل في جمال المشهد المطلة عليه البلكونة

وقفت جنبها فريال مبسوطة وقالت ليها

والله بقيتي تخوفي يا سلطانة هيام

قالت ليها .. ما تخافي ...أنا بخوف أعدائي بس

بقــيت هنا من البلكونة دي يا فريال
.
.
.

زي الشاهـــين

شايفة كل شـئ ... ما يجري في الحديقة ... منظر البحر و...

في خاطرها

شرفة جاري الجديد...الحبيب سليمان

...................................


البوست القادم بإذن الله حيكون إهداء ليك يا سبارتا

بس بعد ما أرجع من مشوار رياضي في الهواء الطلق ...لزوم الآكشن الجاي
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 18:13   #485
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




فريال

في ذات يوم ... وهي سعيدة .. مسترخية بغرفتها

جاية من المطبخ بتقزقز ليها في شوية حلوى ومكسرات

يعني في قطعة حلوى سنيكرز

..حان الوقت إني أقول ليكم إنو فريال دي بقت تسرح وتفكر

وتحلم بإبراهيم باشا من يوم ما باركت ليه العرس

ولمس خدها بحنو شاكرا

بقت تحلم باللمسه الرقيقة الدافئة دي

ومعاها لمسه الخنقة القوية اللي أداها ليها يوم كان قائم بالتحقيقات

في قضية مقتل الجارية حسيبة ..اللي قتلتها كوثر

حيث إستجوب فريال بعنف وقسوة كونها المسؤولة الأولى عن الجواري
بعد الوصيفة الكبيرة درة

يومها خنقها ورزع ليها راسها على الجدار بقسوة وقرب منها شديد عشان

يخوفها ويخليها تتكلم لو عارفة حاجة
.
.
بقت
بتحلم بعينيه في عينيها وهو خانقها ... ومقرب منها شديد

يا عينيه وهو قريب منها طلع منها شعاع خارق للمألوف.. أعجبها

يا حب من أول خنقة و الخبطة على الراس لخبطت ليها مخها غايتو

المهم إنها

بقــت تفكر وتحلم بيه ..ولمن تتنبه لروحها

تقول أستغفر الله االعظيم ...سامحني يا ربي وأبعد الأفكار دي عني

وتدلك راسها عشان تسترخي

لكن الظاهر ما قادرة ... فالهوى غـلاّب .. وبتحلم بعودته من مصر عشان تبلل شوقها بشوفته

.
.



كوووور عليك يا خديجة
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 18:25   #486
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default المشهد الذي طلبته يا سبارتا





قـلنا .. . فريال

قاعدة في أوضتها ومدية ظهرها للباب منشكحة وتقزقز في مكسراتها

وبتسمع في شريط لعبد الحليم

بهدوء فتح الباب ودخل لأوضتها كائن بشري ...
.
.

شايل ليهو شوال صغير
و



بسرعة أدخل الشوال في رأس فريال وكتم على أنفاسها

.
.

بنفس الطريقة التي قام بها الكائن ده بقــتل الجاريه حسيبه أيام


قصة تسميم هيام ... بخنق أنفاسها بالوساده

نعم وليداتي
.
.

إنها كوثر

تلك الجارية المجرمة ... والعــبدة المخلصة لناهـــد دوران

كتمت وكتمت على أنفاس فريال لمن رقــدت

كسمكة مرقوها من البحر وبتنازع في الروح

وبقـــت تفــرفــر برجلينها بقوة وتقاوم وترفس ..وتصدر أصوات صرخات مكبوته


والمجرمة مستمرة في عمليتها ... وتضغط .. تضغط عليها بكل قوتها وراسها داخل الشوال

... بعد شوية ..

.

.

.

دخلن ساقين شايلات ليهن زولة لابسه ليها فستان أرستقراطي

لمن رفعنا عيوننا تجاه وجهها ...وجــدنا منو ؟

ناهـــد دوران

تنظر ببرود إجرامي متلــذذ بالمشـــهد

لمن خلاص فريال بدت مقاومتها تضعف ...وروحها تطلع

وتعذبت عذاب الموت

أومأت السلطانة ناهــد لكوثر برأسها ... وبكل هدوء وتأني

..بمعنى كفاية كده ...ممكن توقفي ...

.
.

.

منتهى البـلـــطجـــة


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 19:16   #487
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



أخرجت كوثر الشوال من رأس فريال ... أو راس فريال من جوه الشوال


المسكينة كانت لاهـــثة مووووت .... لشئ من الأوكسجين


مخنوقة ...تسعل ومرعوبة ..قلبها يضرب

ووشها باقي بنفسجي ... باغـــتنها بصورة عجيبة

وقـفت ناهـــد قدامهـــا .. بكل إستعــلاء وقالت ليها
.
.


بكــده تعــرفي إنه موتـــك شئ ساهـــل جدا عــندي

ممكن أنهــيك من الوجـــود في أية لحظة

وتأكدي إنو ما في زول حـيفقــدك أو يجيب
خبرك

..

بمعنى إنتي تمامة عدد ...زيك زي غيرك من الجواري
البتقتلن في القصر ده ... وتقـيد قضاياهن ضد مجهول
..

حأرميك جثة هامدة يا فريال

وحيشتبهوا في القاتل المجهول الحايم بين ممرات القصر
.
.


لو دايرة تعيشي
.
.

تنفــذي أوامري من الآن فصاعدا بحذافيرها

..
طبعا هي عارفة إنو فريال بقت مصاحبة هيام ومقربة ليها جدا
و بتحكي ليها معظم أسرارها ... وبتسهل ليها
أمور كثيرة بتريحها في منافستها لناهد دي

وغالبا إفتكرت إنها وصلت ليها خبر
الرحول لجناح خديجة عشان تسبقها
مع إنه ما ليها دور في الحصل ده
..


قالت ليها بصيغة آمرة
.
.
تفضلي قريبة جدا من هيام .. تباريها خطوة خطوة ... وتوافيني

بكل صغيرة وكبيرة من أخبارها و تصرفاتها وأسرارها

وإلا .... ثقي إنو نهايتك حتكون على إيدي

ويا ويلك ... يا سواد نهارك وليلك

لو أكتشف إنك بتدسي أي معلومة عني

وطلعن سوا من الأوضه .. زي الشيطان أبو جسدين

السلطانة ناهــد وجاريتها المخلصة كوثـــر

بلطجـيات ... شـــبــــّــيــــحة

شلفطنها فريال المسكينة شلفطة جد
.
.

لكن ... هو في زول مســكين في القـصر ده ؟




و

.

.






ما زال وزيــرنا الأعـــظم .. مبــــحرا بباخـــرته نحــو مصر


.
.
.

راكب باخرة ..ولا سلحفاة أصلو


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 24-Mar-12, 22:42   #488
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default

ظل ابراهيم مبحــرا ...حتى غلب جدتو أوبسي زاد

النعاس

فأغلقت كتاب حجوتها وسكتت عن الكلام المباح








Ooppss is offline   Reply With Quote
Old 24-Mar-12, 22:56   #489
Ginger
Major Contributor
 
Ginger's Avatar
 

Join Date: Feb 2011
Posts: 2,781
Default

Quote:
Originally Posted by Ooppss View Post


عقوبتكم كانت وقفة إحتجاجية صامتة مع ... نظرة حادة من طرف ...للمرة التانية
.
.
.



لاحظت إنه من فترة والبوست بيحظى بحوالي ألف مشاهدة خلال كل أربعة وعشرين ساعة ...ماشاءالله عيني عليه باردة..وعقبال رواية كاملة من بنات أفكاري

القصد...إنه عوينات كثيرة كانت برضها مدياكم نظرات حادة من طرف
أفتكر دي عقوبة متناسبة مع المخالفات العملتوها الصفحة الفاتت ... وإعتذاركم مقبول ... وأقعدوا رايقين زي الوليدات الشاطرين العسولين ....





نظرة حادة حلوة
ما شاء الله










Ginger is offline   Reply With Quote
Old 25-Mar-12, 10:10   #490
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default





يا هلا ... بسلطانة جينجر العسل ... زارتنا البركة




.

.

.


.

.


و ما زال إبراهيم باشا مبحرا صوب مصر
Ooppss is offline   Reply With Quote
Old 25-Mar-12, 10:18   #491
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




ومازال إبراهيم باشا مبحرا صوب القاهره.... دون جديد ....
.
.

إلى أن
.
.
وصلته يوما

رسالة

وهو على متن باخرته

من جاسوسه في مصر

القاضي محمد زادة


أفاده فيها بما يلي في شأن تمرد أحمد باشا
.
.

قرر هذا القاضي الشجاع .. محمد زادة ...ألا ينتظر أن تستفـحل الأمور أكثر مما وصلت إليه ...
.
.
لذا خطط مع بعض رجاله لمداهمة الخائن أحمد باشا وهو في غفلة تامة من أمره

حيث كان يقضي ليلة صاخبة في ما يبدو كحمام تركي

ترقص به الجواري وهو منسجم ومسترخي للغاية

أطاح القاضي ومن معه أولا برجال وحرس أحمد الواقفين بالخارج

... لحماية موقع جلسته الساهرة

قتلوهم جميعا

ثم هجم القاضي وأعوانه على أحمد باشا هجمة رجل واحد

فلم يجد مفرا من ان يستسلم

إذ لم يتبقى معه سوى مجموعه من الجواري الخائفات
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 10:24   #492
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




قال المتمرد للقاضي ...تعمل فيني كده بعد ما رقيتك وعملتك وزير أول ؟

قال ليه بمنتهى الصرامة والسيطرة : وإنتا فاكر إنو بإغراءاتك دي حتهــرب من عـدالة السلطان سليمان؟

سحــقا للمنصب وأي مال أو إغراء تمنحني إياه

أنا إنسان يفضل الموت بشرف على أن يخون دولته وسيادتها العـليا

ثم أضاف
.
.

أحمد باشا ... لقد قررنا إنزال أقصى عقوبة بك

لقاء جريمة الخيانة العظمى التي إرتكبتها في حق الدولة العثمانية

قالها وهو يحمل سيفه بيده وأحمد راكع أمامه

قـررت أنا القاضي محمد زادة قطع رأسك بسيف الحق يا أحمـــد

فما كان من أحمد الذي قــتل جميع رجاله وحرسه إلا أن رضخ

أنزل رأسه لتلقي ضربة السيف ... ونطق بالشهادتين مودعا الفانية

أشهـــد أن لا إله إلا الله وأشهـــد أن محمـــدا رسول الله

و
تعددت الجرائم والإعــدام واحـــد

فوووووووووووو

كما طار رأس الحارس محمود سابقا

لحق به رأس الوالي أحمـــد


بقوة سيف السلطان سليمان القانوني وأحكامه
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 11:14   #493
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




كان إبراهيم يقرأ تفاصيل الرسالة بسعادة وشغـف

وبالطبع تنفس الصعــداء

آآه ... الحمد لله

فقد قام القاضي المؤهــل

بتنفـيذ العقوبة بيده وأراحه من هم كبير

خاصة وأن ماضيه مع أحمد

كان

كما علمتم حافلا بالتحديات والغيرة والمشاكل

والقـيل والقال

فـلعــل من رفق القدر بإبراهيم حينها

أن قام بالمهمة شخص كالقاضي زادة
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 18:05   #494
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



بعــث إبراهيم برسالة عاجلة للسلطان
حكى له فيها بتفاصيل ما كتب زادة

ثم بعــث برسالة للقاضي زادة ليعلمه فيها

بأن ما حــدث لن يغــير شيئا فيما يتعلق بأمر قدومه لمصر

فهو قادم
لإجـــراء اللازم من الإصلاحات و العمل بعزم وإجتهاد على

إعادة الأمن والإستـــقرار لمصر


بعد اللخبطة الكبيرة العملها ليهم الوالي السابق قبل أن يتم إعــدامه

يعني .. حيطول ابراهيم الغيبة في مصر ..... بعيدا عن الأهل والأحباب بتركـيا
.
.
تركيا
.
.
حيث كان القدر يكشر عن أنيابه

لأولــئك الأهـــل والأحـباب في غياب سندهم


رجل المهمات المعقدة

الوزير الأعظم إبراهيم باشا


__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 19:25   #495
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



رحـلة العــذاب


وعد السلطان إبنه الأمير مصطفى بأن يأخده في رحلة لتعلم الصيد بالغابات فسعد كثيرا بذلك

وأسعد الأمر أمه ناهد أيضا .. فسرحت بخيالها

لأنها إفترضت أن لابد من أن تصحب إبنها

الذي لم يعتد فراقها في رحلة كهذه قد تمتد لبضعة أيام

فاستبشرت خيرا بفرصة زي دي

تخلو فيها بالسلطان بعيدا عن القصر ... في الهوا الطلق

وبصحبة إبنهما ...من يدري ... عل وعسى تحنن الأجواء دي قـلبه

وبدت تستعد للرحلة ... وتجهز في شنطها
.....
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote

Old 25-Mar-12, 19:35   #496
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




طبعا السلطان زي ما عارفين ..لا بزورها ..لا جايب خبرها

معاقبها من يوم قصة محاولة التسميم لهيام اللي كانت ممكن تودي بحياته أيضا

... ما بلاقيها إلا لو محتاج يزور الولد وهو في غرفتها

لكن عادة بيقابله في جناحه أو في الحديقة
.......

ذهب كعادته لزيارة هيام في اليوم السابق لبدء الرحلة مع مصطفى

وأول ما حكى ليها إنه طالع رحلة صيد مع مصطفى

طوالي إضطربت ووضعت إحتمال إن ناهد تكون حتستغل الفرصة دي وتنضم ليهم

وبسهولة أقنعته إنها تمشي معاه و مصطفى وتسوق كمان ولدها محمد عشان يونس أخوه

إنبسط السلطان من الإقتراح ..وهو أصلا ما متذكر ناهد عشان يجيب خبر إنها ممكن تكون ستفت عفشها

إستعدادا للرحلة دي
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 19:40   #497
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




ونادت ناهد الخدم عشان ينقلوا ليها شنطها إلى المقطورة صباح يوم الرحلة

متشيكة ومارقة ... جاها الخبر
يا زولة إنتي ماشة وين ؟ السلطان سايق معاه هيام للرحلة دي

كالعادة إنصدمت ... وشعرت إنو اتمسح بيها البلاط للمرة الألف ...

كتمته في حشاها ... هو حشاها ده موجوع من شوية يا ناس ...

وعــدلت عن التعليق على الأمر...

عشان خاطر ولدها مصطفى يمشي الرحلة وينبسط

وعموما هيام علاقتها وتعاملها مع مصطفى طيب والأخوين بيحبوا بعض جدا

وانطلقت الرحلة الشؤم في أكثر من مقطورة

السلطان وهيام وأولاده الإثنين ..وكم حرس

وبعض الجواري ...وكان معاهم منو كمان ؟
.
.

عاشق ومعشوق

العصفورين الملونين اللي أهداهما السلطان لهيام في آخر رحلة رومانسية لهما

تعلقت بهما جدا .. تتونس معاهم هي وأولادها ليل نهار ... وأصرت تأخدهم معاها

للرحلة ... عشان يشموا هوا منعش في جو الغابة

وتيمنا بهما كرمز لعلاقتها بالسلطان


وتركت مريم وسليم في رعاية نورهان بالقصر
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 25-Mar-12, 20:45   #498
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default




.
.

كان السلطان سليمان قد استلم قبل الرحلة ببضعة أيام

رسالة إبراهيم في شأن كبح التمرد بمصر وإعدام الوالي المتمرد وسعد سليمان بذلك كثيرا

أخبر الأسرة ... سعدت السلطانة الأم ...و زغـردت مشاعر خديجة بهجة وطمأنينة على زوجها الحبيب
...


وصل إبراهيم باشا بالسلامة لمصر ... وأخذه القاضي فور وصوله لساحة كبيرة في وسط القاهرة

ليرى رأس الوالي المتمرد معلقا في وسطها .. متدلي من على منصة في موقع استراتيجي واضح ليراه الكل
زي المنصة العالية البطلعوا الجماعة يهتفوا فيها في ميدان التحرير

وقف إبراهيم أسفل الرأس ...ورفع رأسه هو متأملا إياه .. رأس أحمد باشا

لحظتها مر في ذهنه شريط ذكريات لحظاته الساخنة مع أحمد

ذكرى بركان الغضب يوم تعيينه وشتمه له أمام الجميع

وبعدين إحتجاجه على نقله لمصر ...

عاين ليه إبراهيم شديد من كل الجهات وكإنه بيقول
إييييييه .... دونيـــا

وبعداك أمر بإنزال الرأس الذي ظل معلقا فترة كافية ...قال ليهم كفاية كده ...كل زول

حيكون شافه وعرف الخائن مصيره بيكون شنو

ثم بدأ ابراهيم وباجتهاد شديد من يوم عودته بإجراء الإصلاحات اللازمة لإعادة الإستقرار بمصر

أمربساعدة الفقراء والمحتاجين .. أمر بترميم كل ما خرب أحمد ..بنى مساجد

وبذل قصارى جهده ..لدرجة إنو القاضي زادة قال ليه رفقا بحالك يا ابراهيم ما ارتحت من ساعة

وصولك ... فقال ليه ما حأرتاح إلا يعود الإستقرار لمصر ونضمن ولاء الشعب لحكم السلطان سليمان

.......


قبل خروج السلطان سليمان في رحلته ..قام بتعيين شخص إسمه إلياس باشا ليقوم بشؤونه في غيابه
.
.
.


وبكده يا عيالي ... بخروج السلطان للصيد في مدينة أخرى وتواجد إبراهيم في مصر


تبقى العاصمة خالية من السلطان سليمان وإبراهيم باشا
__________________

وإنتو جنوني يا حلوين
( Say NO to Anorexia)
Ooppss is offline   Reply With Quote
Old 26-Mar-12, 09:14   #499
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default





.
.


كنتم مع الهـدوء الذي يسبق



الإعصــار
Ooppss is offline   Reply With Quote
Old 26-Mar-12, 09:24   #500
Ooppss
Golden Member
 
Ooppss's Avatar
 

Join Date: Jun 2002
Posts: 6,410
Default



فلندق الطبول
دي مقطوعة تانية

لمحبي النغم ... .... بدءا من حتة الهمهمة

آآآآه

Ooppss is offline   Reply With Quote
Reply

Bookmarks

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

بحث مخصص

All times are GMT. The time now is 06:34.


Sudan.Net © 2008