العودة   Sudan.Net Discussion Board - SDB - منتدى سودان.نت > General Discussion Board > General Discussion - المنتدى العام

    


رد
 
أدوات الموضوع طرق عرض الموضوع
قديم 20-Feb-12, 18:38   #201
Dr_Moe
Exemplary Member
 
صورة رمزية Dr_Moe
 

تاريخ التسجيل: Mar 2002
الإقامة: United Kingdom
المشاركات: 22,125
افتراضي

محمد شلبي دا ما مذكور في كتب التاريخ..يعني خيال واسع من الكاتب على ما أظن لزوم الدراما و الإثارة

بس الكتب برضو ما جابت سيرة قصة الحب بين إبراهومة و خجيجة بل إنو السلطان هو الزوجها لإبراهيم بعد ما عينه كبير الوزراء،،يعني القصة ممكن تكون برضو من خيال الكاتب


شوفي..المسلسل ده ما أظن حيكون فيه شخصية كويسة و طيبة من الأول للآخر غير الشافع مصطفى و إمكن كوثر



Dr_Moe
__________________
From the UK, but one day we'll all go back.....و إن عدتم عدنا


يا محمد, يا مسيح, أي انسانيةٍ فى لغة الكونِ الجديد؟
Dr_Moe غير متواجد حالياً               رد باقتباس               
Sponsored Links
قديم 20-Feb-12, 20:17   #202
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي




فعلا ما متابع يا دوك ,,,,كوثـر دي وصيفة ناهــد
اللي وصلت السم للجاريةحسيبة لمن حاولوا يسمموا هيام ... وبعد داك قامت كوثر قـتلت المسكينة حسيبة بكتم نفسها بالمخـــدة....


تابع معاي ...الجزء الأول من المسلسل أكثر من نصه إكتمل

______________


الله ستر والخنجر ما طلع مسموم يا مو وباقي الوليدات ... تعالج إبراهيم وطاب ورجع زي الحصان
الغريبة إنهم لمن فحصوا الخنجر لقوه خنجر عثماني ومن دون إطالة عليكم في الجوانب الغير شيقة ....اكتشفوا الفاعـل ... واحد من أمراء الدولة العثمانية ...كان طفش من تركيا والظاهـر يبيت حقد ما للسلطان ... لمن جابوه للسلطان بعد محاولته الفرار لما تم إكتشاف أنه الفاعل ... توقعــنا يعدمه ... لكنه حكم عليه بالعودة لتركيا بلده ...

بعيدا عن سي السيد في الحرملك ..المسلسل بيبرز السلطان كرجل حكيم وعادل ... شجاع وقوي فاضل

Brave Hearts

بالله شوفوا ناس زمان ديل كانو شجعان كيف ... السلطان يتصدر جيشه في المعارك ويحارب بكل شجاعة معرضا حياته للخطر زيه زي أي رجل في جيشه... يا تو حاكم في زمنكم ده بسوي كدي ؟

Ooppss غير متواجد حالياً               رد باقتباس               
قديم 20-Feb-12, 20:21   #203
Dr_Moe
Exemplary Member
 
صورة رمزية Dr_Moe
 

تاريخ التسجيل: Mar 2002
الإقامة: United Kingdom
المشاركات: 22,125
افتراضي

سوري غلطة مطبعية...قصدي ألفت....كوثر دي عايزة شلوت زي باقي الحريم البجيبوا الضغط ديل




Dr_Moe
__________________
From the UK, but one day we'll all go back.....و إن عدتم عدنا


يا محمد, يا مسيح, أي انسانيةٍ فى لغة الكونِ الجديد؟
Dr_Moe غير متواجد حالياً               رد باقتباس               
قديم 20-Feb-12, 20:27   #204
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


فاصل غنائي لرابطة معجبي الممثلة مريم ... المؤدية لدور هيام





‫â™ھâ™ھ ط§ظ„ظ„ظ‡ ظ…ط§ ط§ظƒط¨ط± ط؛ظ„ط§ظƒ â™ھâ™ھ‬‎ - YouTube
Ooppss غير متواجد حالياً               رد باقتباس               
قديم 21-Feb-12, 04:45   #205
spartacous
Golden Member
 
صورة رمزية spartacous
 

تاريخ التسجيل: Apr 2008
الإقامة: كل بيوت الفقرا بيوتي
المشاركات: 3,669
افتراضي

اقتباس:
المشاركة الأصلية كتبت بواسطة Ooppss مشاهدة المشاركات


أوع يكون موضوع عرس خديجة وإبراهيم برضو تخمين ساي منك ...لأنك بكده حتحرجني مع ناس بيتنا وبنات خالتي لأني زفـيت ليهم الخبر وإعتمدوا على كلامي



صباحك سكر حبوبه أوبسي


بالجد انا اتفاجأت انو حصلت حريقه وصادقه انقذت الشفع لاني كنت قايل نفسي ما فوت ولا حلقه لكن اتاريني نايم وما جايب خبر

المهم الذكرتيو أعلاه ده انا نشرتو على اساس اني قريتو في كتب التاريخ العثماني يعني كان طلع حركه من دكتور مو انا حاتحرج أووييييييييييي


وغالبا بعد الحصل في حلقه امس دي شكلو بقى صعب ما داير احرق ليكي السرد بس غاظتني كلمه يخوني القالها سليمان في النهايه دي لأنها ما خيانه ياخ


وآخر شي معليش عندي سؤال تاريخي كده
انتو الامارات فيها زين؟؟؟
طيب بجيبو دعايه زين ليه في قناه دبي


وشكرا
__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous غير متواجد حالياً               رد باقتباس               
قديم 21-Feb-12, 11:57   #206
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

اقتباس:
المشاركة الأصلية كتبت بواسطة spartacous مشاهدة المشاركات



المهم الذكرتيو أعلاه ده انا نشرتو على اساس اني قريتو في كتب التاريخ العثماني يعني كان طلع حركه من دكتور مو انا حاتحرج أووييييييييييي



سلام سبارتا يا جـنا

...جميل إنك ما زلت متابع معاي و ما عملت زي ندوش... أنا بديت أنسجم شديد ...مع المسلسل والحجا كما هو واضح

يوم الحريقة كان يوم جهنمي ياخي ... وإستنى لمن أحكي ليك عن تهزيئ السلطان لهيام لأول مرة وإحراجها أمام الملأ اليوم داك ...

أنا برضو غاظتني كلمة خانني دي أمبارح جدا ...عشان كده دايره أصل للموضوع سريع قبل ما يتشعب ويتطور

على حد علمي ....والله أعلم ...الإمارات ما فيها غير شركة إتصالات وشركة دو ... لكن ما تنسى إنو دي قناة دبي الفضائية وبالتالي الدعاية موجهه لجمهور زين في كل مكان


Ooppss غير متواجد حالياً               رد باقتباس               
قديم 21-Feb-12, 12:20   #207
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي




العـّرافة



أهه يا وليداتي




لمن محمد ولد هيام كان في فترة الرضاعة كان بيعاني وبيبكي شديد من غير سبب واضح ورافض حليب أمه وجسمه ناحل ... فسرت السلطانه الأم ده على إنه من جراء بقايا السم في جسم هيام ...متذكرين لمن سممتها ناهد وهي حامل ... وقررت السلطانة الأم أن تتوقف هيام عن إرضاعه و تقوم مرضعة سليمة وراقية تم جلبها للقصر بهذه المهمة... كالعادة زعلت هيام وهاجت ده ولدي ومافي واحده ترضعه غيري ..لكن السلطانة الأم لم تعرها إلتفاتا ...


وحزنت هيام لبعد محمد عنها ... ولمن زارته في غرفة المرضعة بصحبة فريال
( فريال دي المسؤولة عن الجواري و المعجب بيها صاحبنا سبارتا...سبارتا ده معانا في البورد ما في المسلسل ما تتلخبطوا ) لاحظت هيام وجود لفائف ورقية صغيرة بجانب إبنها الرضيع فسألتهم بأسلوبها الممتعض المعتاد : سجمي ده شنو الخاتنو للولد ...دايرين تكتلوه لي مش؟


فطمأنتها فريال بأن دي حجبات بها أدعية وكلام ديني طيب لحفظ الطفل ... فعجبت الفكرة هيام وسألت : الكتبهن منو الحجبات ديل ؟ فردت فريال : العرافة ...فكرت هيام مبتسمة وطلبت من فريال تجيب ليها العرافة دي عشان تكتب ليها شوية حاجات تساعدها تسلك بيها أمورها في القصر ..فابتسمت فريال بخبث وقالت ليها ولا يهمك بكرة تجيك العرافة لحد عندك


وفعلا جات العرافة ... وكان واضح إنها من النوع الجاد والنزيه ... وباين إنها ما إرتاحت لهيام لمن لاقتها ...
الظريفة إنو كانت بصحبة هيام في الغرفة صديقتها أو خادمتها بالأحرى ..نورهان... اللي حرقت ليها هيام وشها بالزئبق عقوبة على قضاءها ليلة مع السلطان ..


طبعا هيام مسكت في العرافة ....دايره ودايره وأعملي لي وسوي لي ..خلي حب السلطان الكااااااااامل يكون لي وحدي ..وخليني أبقى سلطانة قد الدنيا ...وولدي أنا بس اللي يبقى سلطان عظيم زي أبوه ..و....و...

والعرافة متضايقة منها ومن طلباتها الكثيرة ومسيخة ومركزة على وش نورهان المشوه بدل من سماع كلامها ...وفجأة قالت العرافة لهيام ... أهه ...وصاحبتك المسكينة دي ما دايراني أساعدها؟


فطبعا هيام بصرة وش ردت ليها خليك منها دي ..وركزي معاي أنا

..ورمت ليها كيس من الذهب تحفيزا...عاينت ليه العرافة بلا مبالاة ...


.
Ooppss غير متواجد حالياً               رد باقتباس               
قديم 21-Feb-12, 12:21   #208
bitalnuba
Golden Member
 
صورة رمزية bitalnuba
 

تاريخ التسجيل: May 2009
الإقامة: KSA
المشاركات: 9,920
افتراضي

شكرا لانكم ما زلتم تحركون
البوست دا

واصلو
__________________

bitalnuba غير متواجد حالياً               رد باقتباس               
قديم 21-Feb-12, 12:35   #209
spartacous
Golden Member
 
صورة رمزية spartacous
 

تاريخ التسجيل: Apr 2008
الإقامة: كل بيوت الفقرا بيوتي
المشاركات: 3,669
افتراضي

اقتباس:
المشاركة الأصلية كتبت بواسطة bitalnuba مشاهدة المشاركات
شكرا لانكم ما زلتم تحركون
البوست دا

واصلو
والله أوبسي مفروض يدوها نسبه من أرباح المسلسل
ياخي دي اجتهدت اجتهاد ما عادي والله انا بقيت استمتع جدا وانا بحضر الحلقه وأكتر وانا بقرا القصه تاني من أوبسي
ياخي حتى اهتمامنا بالقصه وابطالها هي ملاحظه ليو ومسجلاو

__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous غير متواجد حالياً               رد باقتباس               
قديم 21-Feb-12, 12:38   #210
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


بتي بت النوبة ....حبابك وشكرا لأنك هنا

.......................




العرافة دي شكلها بتحب الحلاوة أكثر من الدهب والقروش يا وليداتي ...طول ما هي قاعدة تشيل من الصحن القدامها وتاكل...وهي مارقة ملت إيدها حلاوة ...لدرجة هيام لاحظت وفي زيارتها التانية ملت ليها الصحن جبل حلاوة حمراء زاهية اللون جذابة ...أنا ركزت مع الحلاوة مش بس عشان لونها كان أحمر شهي ونفسي دخلت فيها ...لكن قلت يا ربي مستقبلا العرافة دي ذاتها في زول حيسممها بحلاوة؟


المهم العرافة قالت لهيام يا زولة روقي ... أنا ما بكتب غير أدعية والموضوع ما بجي بعجلة ...ودايرة لي كم يوم عشان أكتبهن ليك برواقة ... فقالت هيام مهددة رجعي لي كيس الذهب إذن طالما ما حتجهزيهن هسع ..ففننته ليها العرافة في وشها ....

الغريبة بعد زيارة العرافة ..بدت أمورهيام في القصر تسوء بشكل ملحوظ ...يا ربي من شنو : ؟ هيع ...هيع ..... حتى علاقتها مع السلطان اللي عمرها ما كانت غير ورد وهيام وعسل ...حصل موقف كبير يوم الحريقة لازم أحكيه ليكم لاحقا...أدى لتدهور علاقة السلطان بيها ...

والأغرب إنه بعد كم يوم من زيارة العرافة لهيام ... إنخلعت هيام خلعة روسية كبيرة لمن أزاحت نورهان الوشاح عن وجها المشوه ...فبدا معافي مية مية كما كان مسبقا .... ولمن سألتها هيام بزهجة كيف ده حصل ... إبتسمت بهدوء وقالت ...بما معناه .. هذا من فضل ربي


الحاجة الوحيدة الطلعت بيها هيام من جلستها مع العرافة هي إنها إتنبأت ليها بخبر حملها للمرة التانية ... ولمن فحصتها الحكيمة أكدت صدق النبوءة... فجنت هيام فرحا ...وعملت جاهدة على أن يعلم كل من بالقصر وخصوووووووصا ناهد بأن ولد جديد – لا حظوا لولد دي ما بت ... قادم للسلطان ....طبعا السلطان كان خارج البلد في غزواته حينها وعم الخبر في القصر وتسلطنت هيام دلعا على الكل ..
.
.
.
Ooppss غير متواجد حالياً               رد باقتباس               

قديم 21-Feb-12, 12:55   #211
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

اقتباس:
المشاركة الأصلية كتبت بواسطة spartacous مشاهدة المشاركات
والله أوبسي مفروض يدوها نسبه من أرباح المسلسل
ياخي دي اجتهدت اجتهاد ما عادي والله انا بقيت استمتع جدا وانا بحضر الحلقه وأكتر وانا بقرا القصه تاني من أوبسي
ياخي حتى اهتمامنا بالقصه وابطالها هي ملاحظه ليو ومسجلاو

هيع ...شكرا على التشجيع


دي نقطة ضعفي وقوتي في الآن ذاته ...لمن أكون منسجمة في حاجة بتفاني فيها بسلاسة تامة من دون ما حس إني بذلت مجهود يذكر.... يعني هسع بعاين للكلام الكثير ده وبقول معقول ده كله طبعته أنا ؟ ومتين ده حصل؟

.... أعتقد إنو بتتقمصني روح نشطة لمن أحب حاجة ... وبنفس القدر بموت لمن نفسي تنسد من حاجة ...

البني آدم ده كائن عجيب يا سبارتا يا ولدي
Ooppss غير متواجد حالياً               رد باقتباس               
قديم 21-Feb-12, 12:58   #212
spartacous
Golden Member
 
صورة رمزية spartacous
 

تاريخ التسجيل: Apr 2008
الإقامة: كل بيوت الفقرا بيوتي
المشاركات: 3,669
افتراضي

اقتباس:
المشاركة الأصلية كتبت بواسطة Ooppss مشاهدة المشاركات


هيع ...شكرا على التشجيع


دي نقطة ضعفي وقوتي في الآن ذاته ...لمن أكون منسجمة في حاجة بتفاني فيها بسلاسة تامة من دون ما حس إني بذلت مجهود يذكر.... يعني هسع بعاين للكلام الكثير ده وبقول معقول ده كله طبعته أنا ؟ ومتين ده حصل؟

.... أعتقد إنو بتتقمصني روح نشطة لمن أحب حاجة ... وبنفس القدر بموت لمن نفسي تنسد من حاجة ...

البني آدم ده كائن عجيب يا سبارتا يا ولدي

لو ما كلمة ولدي الفي النهايه دي كان الواحد ممكن يتمنى يكون واحد من الحاجات البتنشطي بحيها ياخي
__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous غير متواجد حالياً               رد باقتباس               
قديم 21-Feb-12, 14:19   #213
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


سبارتا ... شكلك جعــان ... خد سنيكرز


Ooppss غير متواجد حالياً               رد باقتباس               
قديم 21-Feb-12, 14:26   #214
NADOSH
Moderator
 
صورة رمزية NADOSH
 

تاريخ التسجيل: Feb 2004
المشاركات: 38,055
افتراضي

والله يا اوبساية بقيت متابعة البوست اكتر من المسلسل

بجي يوميا بشوف لو كتبتي حاجة جديدة
عارفة بنسي مواعيدو بتاعت الساعة تمنية
والاعادة بكون مشغولة شديد

بركز في الاعادة بتاعت يوم الجمعة وحتي دي باخد لي خطفات من المسلسل
ماتزعلي ياخي
__________________
ندوش ست الحوش المرشوش


To view links or images in signatures your post count must be 10 or greater. You currently have 0 posts.
NADOSH غير متواجد حالياً               رد باقتباس               
قديم 21-Feb-12, 14:30   #215
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

أووووووه ...حـيا الله من جاتـنا .....


ما يهمك نداديشو ...لو الله مد في الصحة والعمر وقدرنا

على دفع فاتورة الإنترنت وكهربا التلفــزيون إن شاء الله تلخيصي معاكي

أنا ذاتي بصراحة دايرة أشوف حدي حأصمد لوين

Ooppss غير متواجد حالياً               رد باقتباس               
قديم 21-Feb-12, 14:34   #216
NADOSH
Moderator
 
صورة رمزية NADOSH
 

تاريخ التسجيل: Feb 2004
المشاركات: 38,055
افتراضي

اقتباس:
المشاركة الأصلية كتبت بواسطة Ooppss مشاهدة المشاركات
أووووووه ...حـيا الله من جاتـنا .....


ما يهمك نداديشو ...لو الله مد في الصحة والعمر وقدرنا

على دفع فاتورة الإنترنت وكهربا التلفــزيون إن شاء الله تلخيصي معاكي

أنا ذاتي بصراحة دايرة أشوف حدي حأصمد لوين



تسلمي يا ستي وان شاء الله دايما معانا وما محرومين منك

ما تشيلي همهن
بنعمل ليك كشف



__________________
ندوش ست الحوش المرشوش


To view links or images in signatures your post count must be 10 or greater. You currently have 0 posts.
NADOSH غير متواجد حالياً               رد باقتباس               
قديم 21-Feb-12, 15:15   #217
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


ما بتقصري نداديشو


يا ريـت بالمرة لو أي قارئ ليه علاقة بشركة سنيكرز أو بطاريات دوراسيل يشوف لي عقــد إعلاني معاهم عن طريق البوست ده ..بكده أضمن إني ما حأوقف





تهزيئ هيام

لمن حصلت واقعة الحريقة اللي أشعلتها المجرمة فيكتوريا بغرض حرق الطفلين مصطفى ومحمد إنتقاما ومحاولتها الظهورعقب ذلك بصورة البطلة المنقـذة للموقف لتلفت إنتباه السلطان والباقين ليها....

كل القصر كان حينها واقف قدام باب الأوضة محل الحريق زي ما ذكرت ليكم ... وهبوا سريع لأخد الطفلين منها حال خروجها بيهم ... ناهــد تناولت مصطفى وهيام ختفــت منها محمد الصغيروني ... وفورا عاينت هيام لي مصطفى المسكين وهو في حضن أمه وكوركت فيه بأعلى حسها والكل حواليها شاهد : أكيد دي طبعا عملتك وإنت الأشعلت الحريقة دي



هال الإتهام والجرأة السلطان

فزجرها فورا برضو بأعلى حسه ... إلزمي حدك .... إنتي كيف تتجرأي وتتكلمي بالطريقة دي مع ولدي وبن زوجتي ...

تلون وجه هيومة بألوان قوس قـزح من صدى النهـــرة


وكل ما تجي تفتح خشمها عشان تبرر القالته السلطان يديها ليكم سهم كلمة أقوى من القبلها ..لمن قربت تدوخ وعينيها دمعت

هيام طبعا إتخلعت شديد لأنه ما متعودة من سلطانها غير على المحبة والدلال ...و أول مرة السلطان يعاين ليها بعيون غاضبة تتأجج شزرا ويهينها ...وقدام الكل ...وأولهم زوجته ناهــد ... طبعا ناهد كانت مبسوووووووووووووطة بشكل ... وكل الما بستلطفوا هيام يعاينوا ليها وبرضو شمتاتين
وهي نفسها الأرض تنشق وتبلعها من حرج الموقف

ومن هنا بدأ تدهور علاقتها مع السلطان ...
السلطان ده لمن يأخد موقف مع زول بيبقى فقري جدا جدا ... زي موقفه مع زوجته ناهد بعد ما سممت هيام
زبلها نهائي ولا كأنو ليها وجود في القصر ...لمن يجي مسافر للحرب وتكون واقفة في الطابور مع باقي نساء الأسرة لوداعه بيفطها قدام الجميع ... ولمن يرجع بيعمل نفس الشئ ...
ومهما تحاول تطلب منه السماح ... لا حياة لمن تنادي –
هو بيني وبينكم من ناحية ناهد دي شكله زهج منها تب
وبيتلكك بحجة معاقبتها على جريمة الشروع في التسميم
والتحشر في حياته الخاصة على حد قوله كل ما تترجاه يغفر ليها


وطبعا هيام ما مصدقة إنه حبيبها الولهان ده يقـلب فجأة ضدها كده ... وتحاول بكل ما أوتيت من قوة وأنوثة أن تسترد إهتمامه ....
لكن
.
.

هيـهات يا وليدات ...
.
.
.هيهات


Ooppss غير متواجد حالياً               رد باقتباس               
قديم 21-Feb-12, 15:51   #218
NADOSH
Moderator
 
صورة رمزية NADOSH
 

تاريخ التسجيل: Feb 2004
المشاركات: 38,055
افتراضي

اقتباس:
المشاركة الأصلية كتبت بواسطة Ooppss مشاهدة المشاركات

ما بتقصري نداديشو

يا ريـت بالمرة لو أي قارئ ليه علاقة بشركة سنيكرز أو بطاريات دوراسيل يشوف لي عقــد إعلاني معاهم عن طريق البوست ده ..بكده أضمن إني ما حأوقف



تهزيئ هيام


لمن حصلت واقعة الحريقة اللي أشعلتها المجرمة فيكتوريا بغرض حرق الطفلين مصطفى ومحمد إنتقاما ومحاولتها الظهورعقب ذلك بصورة البطلة المنقـذة للموقف لتلفت إنتباه السلطان والباقين ليها....

كل القصر كان حينها واقف قدام باب الأوضة محل الحريق زي ما ذكرت ليكم ... وهبوا سريع لأخد الطفلين منها حال خروجها بيهم ... ناهــد تناولت مصطفى وهيام ختفــت منها محمد الصغيروني ... وفورا عاينت هيام لي مصطفى المسكين وهو في حضن أمه وكوركت فيه بأعلى حسها والكل حواليها شاهد : أكيد دي طبعا عملتك وإنت الأشعلت الحريقة دي


هال الإتهام والجرأة السلطان

فزجرها فورا برضو بأعلى حسه ... إلزمي حدك .... إنتي كيف تتجرأي وتتكلمي بالطريقة دي مع ولدي وبن زوجتي ...

تلون وجه هيومة بألوان قوس قـزح من صدى النهـــرة

وكل ما تجي تفتح خشمها عشان تبرر القالته السلطان يديها ليكم سهم كلمة أقوى من القبلها ..لمن قربت تدوخ وعينيها دمعت

هيام طبعا إتخلعت شديد لأنه ما متعودة من سلطانها غير على المحبة والدلال ...و أول مرة السلطان يعاين ليها بعيون غاضبة تتأجج شزرا ويهينها ...وقدام الكل ...وأولهم زوجته ناهــد ... طبعا ناهد كانت مبسوووووووووووووطة بشكل ... وكل الما بستلطفوا هيام يعاينوا ليها وبرضو شمتاتين
وهي نفسها الأرض تنشق وتبلعها من حرج الموقف

ومن هنا بدأ تدهور علاقتها مع السلطان ...
السلطان ده لمن يأخد موقف مع زول بيبقى فقري جدا جدا ... زي موقفه مع زوجته ناهد بعد ما سممت هيام
زبلها نهائي ولا كأنو ليها وجود في القصر ...لمن يجي مسافر للحرب وتكون واقفة في الطابور مع باقي نساء الأسرة لوداعه بيفطها قدام الجميع ... ولمن يرجع بيعمل نفس الشئ ...
ومهما تحاول تطلب منه السماح ... لا حياة لمن تنادي –
هو بيني وبينكم من ناحية ناهد دي شكله زهج منها تب
وبيتلكك بحجة معاقبتها على جريمة الشروع في التسميم
والتحشر في حياته الخاصة على حد قوله كل ما تترجاه يغفر ليها

وطبعا هيام ما مصدقة إنه حبيبها الولهان ده يقـلب فجأة ضدها كده ... وتحاول بكل ما أوتيت من قوة وأنوثة أن تسترد إهتمامه ....
لكن
.
.

هيـهات يا وليدات ...
.
.
.هيهات



طبعا الحلقة دي انا شفتها
واتكيفت شديد من نهريزو لي هيام المجنونة
ياخي دي ما عنده اي نوع من الادب ولا الاتيكيت
نست انها جارية بسبب معاملتو الطيبة ليها
وعايزة تقل ادبها قدام الجميع وهو واقف
يعني مسحت بي كرامتو الارض
لانها ما ختت ليهو اعتبار نهائي ولا للسلطانة الام
طبعا في كل القصور السلطانية او الملكية
ممكن تعمل العايزو بي المغتي
وقدام الناس لازم يكون في ادب ورقي واتيكيت في التعامل

في جميع الحالات قدام الناس بيتحكم فيهم البروتكول والاتيكيت


__________________
ندوش ست الحوش المرشوش


To view links or images in signatures your post count must be 10 or greater. You currently have 0 posts.
NADOSH غير متواجد حالياً               رد باقتباس               
قديم 21-Feb-12, 16:29   #219
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
Talking إبراهـــيم ...عشان ما أنسى إسمه لمن أصل هنا

T- You

T- Youuuuuu


تي يو

تيييييييي يووووووووووووووووووو


وعنده توأم

ريكوووووووووووووو


رييييييييييييييييييييييييييييييكوووووووووووووووووو وو
أوه لا لا

Ooppss غير متواجد حالياً               رد باقتباس               
قديم 21-Feb-12, 19:50   #220
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي




لا شــك أن واقعة إفـتداء إبراهيم للسلطان بروحه وجسده (لحظة محاولة إغتياله ) كان لها عظيم الأثر في نفس السلطان ....
و لإبراهيم معزة خاصة لدى السلطان حتى قبل تلك الحادثة يا وليداتي ... لدرجة أن هيام تغير من إبراهيم و تمقـته تقريبا بقدر غيرتها وكرهها لناهــد زوجة السلطان ، وكلاهما .. إبراهيم وناهـد ... يبادل هيام نفس مشاعر البغض ...

أما علاقة إبراهيم وناهد فهي كالسمن على العسل .. مودة وإحترام متبادل .. خاصة وأن لديهما عدو مشترك هو هيام الراغبة في تطفيشهما من القصرأو الحياة ذاتها لو أمكن ..ومن جهة ثانية يربطهما ولاء لسلطان يتفقان على محبته وإن اختلفت نوعية المحبة هذه بين محبة إبراهيم الرجل لسلطانه وعشق ناهد المرأة لزوجها...

عاد السلطان وجيشه إلى تركيا من غزواتهم الجديدة ... وإستقبلهم القصر بفرحة قصوى هذه المرة ... ذلك أنه كان قد وصلهم قبل ذلك نبأ غرق سفينة السلطان جراء هجمات مدافع العدو ووفاته ومن معه ... ودي كانت حلقة كاملة عكست مدى محبة الجميع لسليمان ..إذ جن جنون كل من بالقصرفيها حزنا خاصة هيام اللي إنهارت مغمى عليها وناهــد وخديجة والأخيرة دي طبعا شايلة حزنها على إبراهيم كمان... أم السلطان بدت قوية مقارنة بالكل ..قلبها كان بيقول ليها إنه سيعود وصدق حدسها

دي مقدمة الحتة العزمت إني أصل ليها الليلة ... عشان ندخل في موضوع أمبارح سريع



أكتفي بهذا القــدر الليلة عشان ما تسحروني .. صغاري الأمورين

Ooppss غير متواجد حالياً               رد باقتباس               
قديم 22-Feb-12, 06:06   #221
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

أنا و قلبي فدى عيونك ... تعودنا على جنونك

أنا عشقت ذبـــحــة جفونك وإنتا بالهجــر ذابحـــني



Ooppss غير متواجد حالياً               رد باقتباس               
قديم 22-Feb-12, 06:17   #222
دريـــــــــــم
Crown Member
 
صورة رمزية دريـــــــــــم
 

تاريخ التسجيل: Oct 2009
الإقامة: جنتي
المشاركات: 21,398
افتراضي


لو بس افهم حاجة






ايامكم والله يااوبسي ومرتادي البوست
قربت احسدكم

مامتزكرة اخر مره تابعت فيها مسلسل ،
او حتى قعدت قدام التلفزيون
بي مزاج






اوبسي
المسلسل دا سمح؟
يعني لو عادوهو في يوم من الايام اقعد اتابعو؟
وماحااندم؟
__________________
Be careful how you treat people
what you do to others has a funny way
of coming back on you ...


To view links or images in signatures your post count must be 10 or greater. You currently have 0 posts.
دريـــــــــــم غير متواجد حالياً               رد باقتباس               
قديم 22-Feb-12, 06:30   #223
Dr_Moe
Exemplary Member
 
صورة رمزية Dr_Moe
 

تاريخ التسجيل: Mar 2002
الإقامة: United Kingdom
المشاركات: 22,125
افتراضي

اقتباس:
المشاركة الأصلية كتبت بواسطة Ooppss مشاهدة المشاركات
T- You

T- Youuuuuu


تي يو

تيييييييي يووووووووووووووووووو
Theo.....

إسم يوناني بحت

غايتو إبراهيم باشا دا بكون أكثر زول مكروه من الأتراك البيتابعوا المسلسل لأنو الأتراك بكراهيتهم التاريخية لليونان بكونوا ما مصدقين إنو عبد يوناني بقى الصدر الأعظم في الدولة العثمانية







Dr_Moe
__________________
From the UK, but one day we'll all go back.....و إن عدتم عدنا


يا محمد, يا مسيح, أي انسانيةٍ فى لغة الكونِ الجديد؟
Dr_Moe غير متواجد حالياً               رد باقتباس               
قديم 22-Feb-12, 08:07   #224
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

اقتباس:
المشاركة الأصلية كتبت بواسطة دريـــــــــــم مشاهدة المشاركات

اوبسي
المسلسل دا سمح؟
يعني لو عادوهو في يوم من الايام اقعد اتابعو؟
وماحااندم؟
قالوا كان في واحدة جات مارة جنب مطعم فلمحت صاحبتها في الطاولة الجنب الشباك وهي
منهمكة ومتلذذة بالوجبة لدرجة إنو قدر ما دريم خبطت ليها على الشباك ما سمتعها
قامت دريم دخلت المطعم ووقفت جنبها والتانية قاعدة تلهط ومنسجمة لمن نفسها قايم ... فسألتها دريم
الأكلة دي لذيذة ياترى؟

يعني المطعم ده أكله سمح ؟

طيب لو جيت هنا تاني تفتكري أطلب الأكلة دي ذاتها

قامت صاحبتنا المتوحشة بسرعة شالت دريم بيدها اليمين وفي ثانية هممممممم أكلتها
وإنتهت الحلقة
Ooppss غير متواجد حالياً               رد باقتباس               
قديم 22-Feb-12, 08:20   #225
دريـــــــــــم
Crown Member
 
صورة رمزية دريـــــــــــم
 

تاريخ التسجيل: Oct 2009
الإقامة: جنتي
المشاركات: 21,398
افتراضي

اقتباس:
المشاركة الأصلية كتبت بواسطة Ooppss مشاهدة المشاركات
قالوا كان في واحدة جات مارة جنب مطعم فلمحت صاحبتها في الطاولة الجنب الشباك وهي
منهمكة ومتلذذة بالوجبة لدرجة إنو قدر ما دريم خبطت ليها على الشباك ما سمتعها
قامت دريم دخلت المطعم ووقفت جنبها والتانية قاعدة تلهط ومنسجمة لمن نفسها قايم ... فسألتها دريم
الأكلة دي لذيذة ياترى؟

يعني المطعم ده أكله سمح ؟

طيب لو جيت هنا تاني تفتكري أطلب الأكلة دي ذاتها

قامت صاحبتنا المتوحشة بسرعة شالت دريم بيدها اليمين وفي ثانية هممممممم أكلتها
وإنتهت الحلقة


يعني الزول مايستفسر؟
ولا حتى يتثغف معاكون؟
طوالي بتاكلوهو؟
وش قرب يعيط







طب خلاث مدبلج بي
السوري؟









ايييييييي شوووو ياسووولطاااان
وهيك يعني
؟
__________________
Be careful how you treat people
what you do to others has a funny way
of coming back on you ...


To view links or images in signatures your post count must be 10 or greater. You currently have 0 posts.
دريـــــــــــم غير متواجد حالياً               رد باقتباس               

قديم 22-Feb-12, 08:53   #226
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



ياربي الصوت الغريب د جاي من وين

من بطني ... عشان أكلت دريم


ولا ده صوت تأنيب ضميري ....برضه عشان أكلت دريم


عموما هي كما توقعت كانت تحلية طاعمة جدا وعفا الله عما سلف....



شــوفوا على شـــرف طلتك دريم صاحبتي التركية رسـلت لي شـــنو؟

لقـــــطة مصطفى و ميحميت ساعة الحــــريـــــــــــــــــــقـــــــــــــــــــــ ــــــــــــــــة





muhtesem yuzyil - YouTube
Ooppss غير متواجد حالياً               رد باقتباس               
قديم 22-Feb-12, 20:43   #227
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



و


تتصاعد الإثارة بشكل يحتاج لجلسة تمزجية شاي أخضر لكومية لاحقا


كفاية أقول ليكم إنه وقـعت جريمة قــتل جديدة في القــصرهذا المساء ... والبينات الظرفـية كلها تشير نحو هــيام.. وسوابقها في القصر زادت الشبهة فيها


ما أدس عليكم لكن ..هي ليســـت من قامت بنحـــر الضحــية بالسكين كالخروف ...
لكن لسوء حظها

...إتدبســـت تدبيســـة السواد والرماد في الجريمة ... أخدوا أولادها منها وحبسوها في غرفتها
و الله أعلم حتطلع من حـبل المشنقــة كيف والكل أضحى ضدها في الزنــقـــة دي ..
...حتى سلطانها ....


إبراهيم برضه هدده السلطان بالقتل ...


والتحقيق جاري لإدانة فرحات بيري باشا أبو العريس المصاب بالسل بتهمة الفساد ...
وإحتمال يتعدم ...ياهو ..يا الوزير الوشى بيهو ...يا يتعدموا الإثنين


... شكلنا حنحتاج ورق كثيرو شحنة بطاريات و
شئ من ال


سنيكيرز


تصبحون على أحلام وردية تتحقق
Ooppss غير متواجد حالياً               رد باقتباس               
قديم 23-Feb-12, 07:08   #228
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

اقتباس:
المشاركة الأصلية كتبت بواسطة Ooppss مشاهدة المشاركات



لا شــك أن واقعة إفـتداء إبراهيم للسلطان بروحه وجسده (لحظة محاولة إغتياله ) كان لها عظيم الأثر في نفس السلطان ....
و لإبراهيم معزة خاصة لدى السلطان حتى قبل تلك الحادثة يا وليداتي ... لدرجة أن هيام تغير من إبراهيم و تمقـته تقريبا بقدر غيرتها وكرهها لناهــد زوجة السلطان ، وكلاهما .. إبراهيم وناهـد ... يبادل هيام نفس مشاعر البغض ...

أما علاقة إبراهيم وناهد فهي كالسمن على العسل .. مودة وإحترام متبادل .. خاصة وأن لديهما عدو مشترك هو هيام الراغبة في تطفيشهما من القصرأو الحياة ذاتها لو أمكن ..ومن جهة ثانية يربطهما ولاء لسلطان يتفقان على محبته وإن اختلفت نوعية المحبة هذه بين محبة إبراهيم الرجل لسلطانه وعشق ناهد المرأة لزوجها...

عاد السلطان وجيشه إلى تركيا من غزواتهم الجديدة ... وإستقبلهم القصر بفرحة قصوى هذه المرة ... ذلك أنه كان قد وصلهم قبل ذلك نبأ غرق سفينة السلطان جراء هجمات مدافع العدو ووفاته ومن معه ... ودي كانت حلقة كاملة عكست مدى محبة الجميع لسليمان ..إذ جن جنون كل من بالقصرفيها حزنا خاصة هيام اللي إنهارت مغمى عليها وناهــد وخديجة والأخيرة دي طبعا شايلة حزنها على إبراهيم كمان... أم السلطان بدت قوية مقارنة بالكل ..قلبها كان بيقول ليها إنه سيعود وصدق حدسها


رجعوا بتوفيق من الله سالمين غانمين ... وطبعا الشوق كان قد أخذ مأخذه من قلب المعذبة خديجة عاشقة إبراهيم ...خاصة بعد فاجعة إعتقادهم بإنه إستشهد في في إحدى المعارك ... معذبة هي لإنها ماقادرة تفضفض براحتها زي التانيات
فعشق سلطانتكم خجيجة لعبدها إبراهيم يعد خرقا جسيما للعرف الملكي في ذلك القصروغيره ..

لكن السلطان طبعا مباح ليه يعشق ما طابت له نفسه من الجواري ويحيب منهن أولاد كمان
ماااااااا علينا ....


المهم في ليلة العودة أصر إبراهيم على أن يقابلها كعادتهما في حديقة القصرالشاسعة ... تمنعت هي لأنها كانت خايفة إنها ما تتمالك نفسها لو شافته

وقالت ليه ...ما خلاص ياخي ...أنا بقيت زولة مخطوبة وما مفروض نتقابل ...لكنه أصرإصرار العاشق المشتاق إنه يلاقيها ...

طبعا الكوميونيكيشن ده وترتيب المواعيد بيناتهم بيتم عن طريق سكرتيرة وكاتمة سرخجيجة (وصيفتها ألفــت).. تصدقوا عرفت من يومين من خشم ألفت دي إنها برضها هي ذاتها كانت على علاقة بالسلطان وفقدت إبن منه...وهسع زمانها ولى وراح كما أسّرت لخديجة ...
لا تعليق


نزلت خجيجة بولهة مضطربة إلى الحديقة بصحبة ألفت في الموعد المحدد .... وسار إبراهيم وضربات قلبه تسبقه نحو الحديقة ....

كانت القناديل تضيئ الحديقة والسكون يعم المكان اللهم إلا من دقات قلبيهما المتسارعة ...الفت ذاتها قلبها كان بيدق خوفا من أن يلاحظهم احد ... يعني معانا تلاتة قلوب بتدقدق شوقا وفرحة وخوفا ..


طبعا أحلى قصة حب في المسلسل هي اللي بتجمع بين الإثنين ديل مش بس عشان فيها تمرد على التقاليد اللاإنسانية المتعسفة ولكن لأنهم إثنين بس ...ما في بيناتهم طرف ثالث زي أصحابنا ديك



ويا ريتهم ما نزلوا يتلاقو في تلك الليلة الظلماء
.... آآآآآه .... آآآآه

‫ط£ط؛ط¯ط§ ط£ظ„ظ‚ط§ظƒ .. ط£ظ… ظƒظ„ط«ظˆظ…‬‎ - YouTube
Ooppss غير متواجد حالياً               رد باقتباس               
قديم 23-Feb-12, 08:18   #229
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


زئــــيـــــر

كانت رغبته في إطلاع خديجـة على ما علمه من أمر إصابة خطيبها بالسل لتحذيرها
من الأسباب اللي زادت حماس ابراهيم وإصراره على ذلك اللقاء

إبراهيم زول رومانسي يا وليدات ..عازف كمنجة ماهـر ... وبيعبر على الورق عن ما يجيش به صدر من عشق وحزن عميييييق بسبب حبه للسلطانة خديجة ...

الليلة ديك بالذات قبل ما يقابلها... كان كتب خواطر رثاء عنيفة نعى فيها حبهما الذي عاد بلا ذرة أمل ...و ذكر أنه صار يؤثر الموت على أن يحتمل فراقها حينما تزف لعريسها ...

المهم سكب ليكم شلالات حبه وأحزانه في الليلة دييييك على الورق وترك أشجانه على طاولة مكتبه ...وغادره إلى الحديقة

..........................

أثناء تواجدهم في الحديقة ... تقوم تهــــف في نفس السلطان إنه يمشي يزور إبراهيم في مكتبه ...


توقـيت زي الزفـــت طبعا ... والأنـيل من ذلك إنه لمن ما لقاه في المكتب حرضه الفضول على أن يلقي نظرة على الورقة الأخيرة اللي كتبها إبراهيم ....

عاين للورقة كده ... وعاين ليها بتعمق تاني ... وكرفس وشه ...وحواجبه تقوست ... ولونه بقى بنفسجي منقط بالبرتقالي ... وعاين تجاه الباب كالأسد

وزأر : يا حــراس ... شوفوا لي إبراهيم وين وجيبوه هنا فورا
Ooppss غير متواجد حالياً               رد باقتباس               
قديم 23-Feb-12, 10:16   #230
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

جرى الحرس جري ...وجابوا القصر بحثا عن إبراهيم ... وبعد داك كسحوا على الحديقة ...

طبعا ألفت بتكون عادة واقفة بعيد من الحبيبن عشان تمشط المكان ... وتتأكد من إستتباب الأمن ...

أول ما حست بحركة الحراس من على بعد ...نادت على خديجة بوسوسة من النوع العالي فالأخيرة طبعا دايخة أمام إبراهيم ... سلطانة ...سلطانة خديجة .. سلطانة ...يلا ...خلاص لازم نرجع ....
خديجة طبعا خوافة شديد ... فجري قامت راجعة ...

أما إبراهيم فطبعا عامل فيها الود تقـيل ... ظل مكانه كإنه بتجول في الحديقة عشان يستشق نسمات ليلية منعشة
... كان ناقص بس يصـفــــر


وصل الحارسين ...وبصوت واحد ...حاد النبرة ... قالوا له السلطان دايرك فورا ...
إستغرب شوية من حدة نبرة صوتهم ... وغاظته الحركة ... فكنوع من الحفاظ على بريستيجه اللي إتهز من النبرة ... قال ليهم ..طيب.. أمشوا إنتو ونا بحصلكم ...


بالله أول ما كمل جملته ... كنكشوا ليك فيه واحد إتأبطه من يمينه والتاني من يساره وجروه ورجلينه معلقات في الهوا ...


حينها بس ... قدر يستوعب جسامة الموقف ...وقال في نفسه ...خلاااااص ...وووب عليك ... جالك الموت يا عاشق خديجة ....

لمن وصل مكتبه ..والسلطان في إنتظاره ..فعلا كان شكل إبراهيم خاضع زي شكل الزول السلم نفسه لقدره واستسلم لعلمه أن لا مفـر من مقصلة الإعدام ...

فكان راكع ورأسه مطأطأ أرضا لمن أنزلوه الحارسين من شيلة الهوا الكان معلق فيهو ...وظل كذلك لمن فكوه.... وطلب السطان منهما مغادرة المكتب وتركه وحــده مع إبراهيم المسكين


معزوفة إبراهيمية باكية ..خايفـة ...حزينة

__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 23-Feb-12, 10:22   #231
sudan4all
Golden Member
 
صورة رمزية sudan4all
 

تاريخ التسجيل: Nov 2011
الإقامة: sudanforum.net
المشاركات: 4,035
إرسال رسالة عبر Skype إلى sudan4all
افتراضي

اقتباس:
المشاركة الأصلية كتبت بواسطة Ooppss مشاهدة المشاركات







لعشاق الدراما العثمانية





مسلسلك دا لسه ما أنتها


sudan4all غير متواجد حالياً               رد باقتباس               
قديم 23-Feb-12, 18:41   #232
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

خلصن 30 حلقة و ما فاضل غير 25 ...



من الجزء الأول


تعرفوا أن أكثر حاجة بحبها في المسلسل ده ...هي الموسيقى ...بالذات المقطوعة الحماسية ديك ...
ساعة ما الأمور تسخــن ....




ودي موسيقى اللحظات العادية ...على الحزينة

ويا ريت تريحونا من الأسئلة التشويشية التي تهدر طاقتنا دي


__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.

التعديل الأخير كان بواسطة : Ooppss بتاريخ 23-Feb-12 الساعة 18:47
Ooppss غير متواجد حالياً               رد باقتباس               
قديم 23-Feb-12, 20:20   #233
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي




إبراهيم راكع مطأطأ الرأس يرتعـد خوفا تحت أقدام سلطانه .... السلطان ينظر إليه بجدية قاسية ويسأله .. إنت راضي إني أنفــذ فــيك أي أمر أرى فيه خيرللمصلحة العامة ... مش؟


إبراهيم المرتجف : أكيد يا مولاي ...إنت عارف إني عبدك وخادمك وروحي فــداك ....



السلطان ما زال يزأر ....خلاص إخــتار يا إبراهيم ومد ليه سيف فوق راسه بمعنى يا أقطع ليك راسك ... يا .... الخيار الفي إيد السلطان التانية ... كان شايل فيها شي غريب كده ... صغيروني مربع وفي نهايته حاجة بيضاوية الشكل .... إبراهيم إزداد رجفة لأنه أصلا جاي متلخبط والكلام ده زاده لخبطة ...فقال ليه عفوا يا مولاي لكن والله أنا ما فاهم إنت قصدك شنو... لكن لو دايرني اموت... أكيد ما بعصي ليك أمر ... هداهو راسي بين إيديك ....

المهم إستمرت لحظات الرعب دي ..لحد ما قال ليه السلطان... يا إبراهيم إختار

يا السيف

يا
.

.

.


خــتم الوزيــــر الأعظم للدولة العثمانية
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 23-Feb-12, 20:37   #234
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

الوزيـــر الأعظـــم

منحه منصب الوزيـر الأعظم للدولة العثمانية ... أرفع منصب بعد السلطان



إبراهيم لمن قرب يبكي من إختلاط مشاعر الخوف بالحزن على الحب على الفرح ... ما عارف يبتسم ولا يبكي وقال ليه والله يا مولاي أنا ما فاهم قصدك شنو؟


ابتسم السلطان وقال ليه تتذكر يا ابراهيم لمن كنا في حملتنا الأخيرة .. وأنا أقـلت (رفــت / فنشت) بيري باشا من منصبه ...لفشله الذريع في تلك الحملة التي كادت أن تودي بحياتهم وبهزيمة الجيش العثماني ...آي متذكر يا مولاي ...
سألت بيري باشا... منو أكثر زول تفتكر يستحق منصبك ده ؟ فقال لي إبراهيم

السلطان خدع إبراهيم في النقطة دي ... لأنه بيري باشا ده كان متشبث بمنصبه شديد ...وشكله كده راجل في الثمانينات من عمره ...لكن ما داير يفك المنصب...والسلطان لمح ليه إنه خلاص مفروض يتقاعد وإنه شايف ابراهيم جدير بالمنصب....

على فكرة روح التنافس الشديدة بين الوزراء على تقدير السلطان وتبوؤ المناصب... شبيهة بمنافسة ناهد وهيام على حب السلطان ..والبغض والمكايد برضو موجوده هنا وإن اختلف نوعها ...وشكلنا حنشوف كم منها لاحقا ....عـذاب الواحد يكون سلطان ياخي ...نار في كل مكان


كل الوزراء الكبار الحوالين السلطان خاتين عيونهم شدييييييد على المنصب ده ..بالذات شاب معين منهم ..وهو وزير من النوع التنافسي داك وبكره إبراهيم عمى .. شكله خبيث زي الثعلب وأنا شخصيا أصلو ما مرتاحة ليهو.. عامل زي الموظفين الخبيثين عديمي الضمير البلتو ويعجنو من ورا ظهر الواحد عشان يصلوا ..عارفين النوعية دي طبعا

يعني قلنا الكل يتمنى منصب الوزير الأعظم.... و عمره ما حيخطر على بالهم إنه ده حيحصل ولا على بال إبراهيم ذاته مسؤول الجناح الملكي ...لأن منصبه داخل القصر كبودي جارد أول للسلطان بإختصار ..وبيرافقه في غزواته وصديقه المفضل لكن ما ليه أي علاقة بمنصب وزاري أو حكومي ...فما بالكم يقفز فجأة لمنصب الوزير الأعظم ... عشان كده اتبع السلطان معاه الأسلوب الترهيبي ده ...مخافة أن يرفض

تنفس إبراهيم الصعداء في نهاية الأمر ...وقـبل الختم بشفتيه ...و لمن كان السلطان في طريقه للخروج من مكتبه قال ليه
:

بالمناسبة يا إبراهيم الكلام الشاعري السمح العلي مكتبك ده ...إنت كاتبو في منو


Phew!


عرفنا من التعليق ده إنه إبراهيم حـريف وما ذكر إسم خجيجة في مذكراته .... إبتسم إبراهيم مطمئنا وقال ليه أبدا مولاي ...ده ما كلامي ... ده كلام أنا ناقله من كتاب جميل بقرأ فيه ...


فرد السلطان ...خلاص لمن تخلصه أديني ليه أقــراه
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 24-Feb-12, 15:00   #235
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


ســـهـــــرة هــــذا المـســـاء ستكون بعـــنوان




تـــداعـــيـــات تعــــيين إبراهيـــم باشــــا




لكن بالأول عازماكم عشا في المطعم التركي الجنب البورد

__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 24-Feb-12, 17:13   #236
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



عـقــد السلطان إجتماعا وزاريا لإعلان النبأ
( تفجير قنبلة تعيين إبراهيم)

في ذلك اليوم صاحبنا الوزير الخبيث الحكيت ليكم عنه أعلاه ... كان متعشم عشم كبير جدا إنه المنصب الجديد ده حيكون من نصيبه ... متعشم شنو؟ ده كان خاتي منصب الوزير الأعظم ده في جيب قفطانه على إعتبار إنه شايف نفسه أجدر واحد بيه بعد تقاعـد الأعظم السابق

كان يومها قبل الإجتماع الوزاري واقف في ساحة القصر مع واحد صديقه من رجال السلطان ... ويبث ليه شعوره المنتعش جدا من قـرب لحظة تنصيبه وزير أعظم ..ويعدل في كرفـتته زهوا ...طبعا ما كان لابس كرفتة لكن دايراكم تتخيلوا منظر تأهبه ومدي فرحته بما هو قادم ... صديقه البتكلم معاه كان عاقل وحاول يلمح ليه إنو ما في شئ في الدنيا دي مضمون ...لكن صاحبنا ده كان وصل لمرحلة قناعة تامة بأن اليوم سيتم تنصيبه وزيرا أعظم للدولة العثمانية.
دخلوا الشباب صالة الإجتماع ولمن إنتظموا طلب السلطان من الحارس ينادي إبراهيم ..

. صاحبنا الخبيث إمتعض من مجرد دعوة إبراهيم للإجتماع وهمس لصاحبه الواقف جنبه : عشنا وشفـنا ... إبراهيم الجربان حيحضر معانا الإجتماع ...

كيييييخ ....كييييييخ ....كيااااااخ على قول أخونا بن الكرام

دخل إبراهيم وكان طبعا مرتبك شوية لأنه عارف إنه الخبر حيقع على مسامعهم وقع الصاعقة ... لكنه إستجمع رباطة جأشه ودخل ورأسه مرفوع ...عاش ليهم في دور الوزير الأعظم يعني ....


يلا... صاحبنا الخبيث متململ في وقفته وداير الوقت يمر سريع عشان يسمع الخبر ويفرح ويرتاح ويخلص ...
وأعلنها السلطان .... أول ما قال قـررت أن أعين في منصب الوزير الأعظم ...صاحبنا الوهمان إبتسم إبتسامة دعاية معجون أسنان واسعة ...وبعــدها سمع


(((((((( إبــــراهـــــــــــــــــــــــــــــــــــــــيم )))))))))

__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 24-Feb-12, 17:51   #237
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


بركان الغـضـــب


صاحبنا المتعشم في المنصب شكله في الأول كان كمن أصابته صعقة كهربائية وبعد داك طلعت دخاحين الغضب من عيونه وراسه وإضنينه ومناخيره ... ما قدر يدس شعوره بتاتا ... والعجب لمن لبسوا إبراهيم عباية وطاقية الوزير الأعظم ...
أظن الوزير المصدوم كان ممكن يقوم بعملية تفجير إنتحارية داخل الإجتماع ساعتها لو كان مجهز نفسه من بدري ....
وأول ما انتهى الإجتماع وطلعوا من الصالة لم ليكم الوزراء وقعد يردح بأعلى صوته ...ما أظن كان مهتم إنه السلطان ممكن يسمعه لحظتها ...المهم فجر غضبه في أرجاء المكان


إبراهيم الخادم العبد ...الما معروف أصله و لا فصله من وين يبقى وزير أعظم للعثمانيين؟ إبراهيم الما عنده أي خبرة في الوزارة معقولة السلطان يعينه وزير أعظم يا ناس ؟؟؟ .... القرار ده فيه إنتهاك كبير لدستور الدولة ولازم ما نسكت ..ممكن بعد ده السلطان يرفتنا كلنا ولا حتى ينفينا


وأصحابه يحاولوا يهدوا فيه ويقولوا ليه دي كلمة السلطان يا با شا ...هدي أعصابك عشان ما يطق ليك عرق ... و في النهاية إنتا عارف إنه ما في زول يقدر يعارض قرار من السلطان ...

المهم إبراهيم سمع الردح ... وجاكم ليه بهجمة مرتـــدة غراندايزرية ....كل ده قدام باب الصالة الفيها السلطان ..
قال ليه إبراهيم بأسلوب حااااااد اللهجة : ...معاك حق ...فعلا أنا عبد ... لكن عبد للدولة العثمانية ولسلطانها...وفعلا أنا خادم ....لكن خادم باب سلطاني البفديه بروحي .... وكلمة السلطان كلمة نهائية ما يقدر أي مخلوق فيكم يعترض عليها ... وأخير ليك تبلع لسانك وتنطم قـبل ما أقطعه ليك ..


حس إبراهيم بجو سام من الغيرة والكراهية حواليه ...


ولمن قابل الوزير الأعظم السابق عشان يسأله لو كان عنده أي نصح أو مشورة بخصوص مهام المنصب الجديد برضه ده ما قصر .. ما تنسوا هو مرفوت ...لكن جابه ليهو بطريقة مختلفة ...
قال ليه يا ابراهيم... إنت عارف عبايتك الجديدة اللبستها دي هي عباية من نار؟ ..
.لو ما عرفت تتعامل معاها صاح وأخليت بمسؤوليات منصبك أو غلطت أي غلطة ... العباية دي مصيرها تحـرقـــك .. المنصب ده ما شئ هين ومسؤولياته ضخمة ... والغلطة فيها نهايتك ..
.يعني عبايتك دي هي برضه كفـنك ...



وأصلك ما تنتظر إنهم يستغنوا عنك ... أول ما تحس إنه اللحظة مناسبة جات إتنازل إنت عن المنصب بدل ما يقيلوك عشان ما تفقد إحترامك ...في الحتة الأخيرة دي طبعا كان بيتحسر على نفسه


وفي البلد إنتشر الخبر ...وأكيد الوزير الخبيث كان ليه دور ... تسمعوا الناس في السوق يتساءلوا: معقولة السلطان سليمان يخلي الأتراك أولاد البلد ويدي منصب هام زي ده لواحد بلــغاري .؟؟..


كل الزعـل ده كوم وزعـــل هيام لمن عـرفت بالخبر كوم تاني ...


بقــت ما قادرة تتنفس وعيونها دمعــت وحست بغيرة فظيعة وضياع شديد ... وقالت معقولة أنا لمن أموري تكون متدهورة مع السلطان للدرجة دي ... إبراهيم الزفـــت يصل لأعلى منصب؟؟ ويزيد قرب وتأثير على السلطان؟؟

... وبقــت تمشي وتجي في القصر زي الضبع المحتار وتكلم في ولدها الصغيروني شايف مصيبة أمك وحسرتها الكبيرة ... إبراهيم يبقى وزير أعظم ونا لسه مجرد جارية


المهم يا وليداتي إنه ردود الفعــل العنيفة دي كان لها تأثير بالغ في نفس إبراهيم ....لدرجة فاجأتنا كلنا
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 25-Feb-12, 09:38   #238
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

بعد كم يوم ... في جلسة ودية مع السلطان ... قال له إبراهيم : متذكر يا مولاي لمن كنا في غزوتنا الأخيرة ... إنك قلت لي لو إنتصرنا وعدنا سالمين فأوعــدك يا إبراهيم أن تطلب أي شئ تشتهيه نفسك وأنا أنفذه ليك؟ وأنا رديت بإني دايرك تسمح لي أرجع بلدي أزور أهلي وأطمئن على أخبارهم ( ما شافهم طبعا من طفولته) ؟
أجابه السلطان : متذكر كويس يا إبراهيم

إبراهيم : خلاص يا مولاي أنا حاسي إني محتاج إني أسافر ألاقيهم ...



بدا شئ من القلق على وجه السلطان ...وقال ليه لكن أكيد حترجع يا إبراهيم لأنك عارف أنا محتاج ليك قدر شنو ...خصوصا بعد منحك المنصب الجديد...

عارف يا مولاي ...ولمح ليه إنه إحتمال ما يرجع ...لكن السلطان كان واثق من إنه لازم حيرجع فسمح ليه بالسفر...
شال كمية من الهدايا .. وطبعا كان مليان حزن وهو متخذ القرار الفي نفسه ده..لكن برضه حنينه للعودة لأهله وبلده كان ما هين ... الظاهر إتحسس شديد من المعايرة والنبــز اللي تعرض ليه من الحساد وشعر إنه في النهاية عبد... غريب منبوذ ....
.وموضوع خجيجة من جهة تانية كان متأزم جدا...فعلى الرغم من علم الجميع بأن خطيبها مصاب بالسل ... وإصرار السلطانة الأم على فسخ الخطبة ... إلا أن السلطان سليمان إعتبر التسرع في فسخ الخطبة بالصورة دي شئ غير عادل ومتسرع فقد يتماثل الخطيب للشفاء ويتم الزفاف...

قرار السلطان ده أعاد حجيجة لكهف أحزانها المظلم ...بعد ما كان مرقت لينا منه شوية وفرفشت إعتقادا منها إن الخطبة حتفركش ... وإبراهيم طبعا قدر ما حاول يعصلج موضوع العرس ده.. .والجوازة ما تمش ..لكنه فشل ...طلب من الحكيم مثلا يعمل تقرير كتابي عن حالة العريس المتدهورة وأداه للسلطانة الأم ( أثر فيها طبعا)

..لكن في النهاية السلطان أصر على إستمرار الخطبة فعم الحزن في روح إبراهيم وقلب خجيجة .....
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 25-Feb-12, 09:47   #239
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


وداعـــا




يمم إبراهيم شطر وطنه بلغاريا .... موسيقى تصويرية حزينة يا وليدات ... وهو واقف في سفينته يعاين على البحرويفكر في ما آلت ليه حياته ... وفي نفس الوقت يجيبوا لينا صورة سليمان السلطان يفتح صندوق في مكتبه ويلقى فيه رسالة ملفوفة من إبراهيم تركها له قبل سفره ... وخجيجة برضه جاتها رسالة منه ....

أترك لعنان خيالكم أن ينطلق حول ما كتب في رسالته للسلطانة خجيجة ... والصدمة الكبيرة اللي شعرت بيها ...
أما رسالة إبراهيم للسلطان فقد كان مفادها ... جزيل الشكر والعرفان والإمتنان على حسن المعاملة والتشريف الرفيع و

إخطارالسلطان و بكل ثقــــة بأنه
لا يعــتزم العودة ثانية...
قال ليه ...
بسفري ده ....أتخلي عن كل المناصب والمزايا العليا التي أكرمتني بمنحي إياها مولاي ...
إن الود والإحترام الذي أكنه لشقيقة فخامتكم السلطانة خجيجة أصبح فوق طاقتي وإحتمالي ... وكل لحظة زيادة أعيشها في قصركم هذا هي لحظة عــذاااااب قاتل لي ....






..................................

وخـتاما
..............
سامحني مولاي .... الوداع ...

سامحيني سلطانتي خــجيجـــة ...
الوداع ....



Ooppss غير متواجد حالياً               رد باقتباس               
قديم 25-Feb-12, 19:44   #240
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



القادم



جريمة قــتل في ردهة القصر


.. لا يحبذ قـراءة ما يلي لمن هم دون الثامنة عشر
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               

قديم 25-Feb-12, 21:18   #241
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



1



قلنا ...علاقة السلطان بمحبوته هيام غدت في تدهور من سئ لأسوء منذ حادثة الحريق....و قلبها الروسي ظل يكتوي يوم بعد يوم بنيران تجاهله لها وتحاشي الحديث معها ...ناهيك عن السماح لها بقضاء ليلة في الخلوة معه.

وعلى الصعيد الآخر ...زوجته ناهد التي ما زالت متيمة به برضو بتحاول بشتى الطرق أن تستعيد شئ من مكانتها عنده ...وكثفـت نشاطها طبعا لمن لاحظت للتغيرات الطرأت على علاقته مع غريمتها هيام... محاولة الإستعانة بحماتها السلطانة الأم والتي تربطها بها علاقة جيدة لتساعدها على إستعادة مودة زوجها

لمن رجع السلطان وجيشه من غزوتهم الأخيرة ... صافح السلطان ناهد لأول مرة منذ مقاطعته لها
( مقاطعته دي جات كعقوبة على تسميمها لهيام وهي حامل بطفلها الأول) ... المهم ... مجرد السلام ده وإن كان لم يصحبه أي كلام ...أنعش الأمل في قلبها وبدت تفرح ...وتحلم بأن تعود علاقتها مع زوجها لسابق عهدها وتتحول هيام لذكرى بائسة


وبعد ما سلم على الكل وارتاح ذهب السلطان لزيارة خفيفة للسلام على هيام في غرفتها وحسسها إنو الزيارة للسلام على إبنهما الصغير محمد ... تضايقت هيام كثيرا من الزيارة العاجلة ... وعبرت ليه عن مدى حبها وشوقها الشديد وعذابها ... لكن دون أي تجاوب منه... ولمن هو طالع من غرفتها قالت ليه : أستناك الليلة على العشا يا سليمان ... عاين ليها ببرود وما رد عليها .... وبما أنها كعادتها مستميتة في محاولة التغلغل لقلبه دون أن يعرف اليأس لها طريقا ... قامت بأمر طباخي القصر بإعداد ما لذ وطاب..وكلها ثقة بأنه سيأتيها هذا المساء
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 25-Feb-12, 21:27   #242
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


2

دي وقائع ما قبل الجريمة ...لابد منها يعني عشان تتبلور الصورة يا وليداتي



في ظهر ذات اليوم ترجت السلطانة الأم من إبنها أن يسامح ناهد زوجته وأم ولده الكبير وكفاية عذاب وكسر خاطر للمسكينة دي يا ولدي وأنا أمك ودايرة مصلحتك ومصلحة ولدك عشان تعيشوا حياة طبيعية سعيدة زي زمان...نق ..نق .نق...وهو صامت ... في النهاية توسلت ليه إنو يخلي ناهد تجيه الخلوة في ذات الليلة ...وأصرت إنه لو عنده تقدير لأمه ما يرفض طلبها ده ...

طاااااارت العبيطة ناهد من الفرح لمن قالوا ليها مولاتي إستعدي ...السلطان منتظرك الليلة المساء في الخلوة.
أظرف حاجة إنو لمن ناهد أو هيام يكون دورها في قضاء ليلة مع السلطان بتمشي الحمام التركي المشترك في القصر...والكل يغمز لمعرفتهم إنو الليلة دور منو في الإثنين ... كإنو الإثنين ما بستحمن إلا لمن يكونن على موعد مع السلطان ...إحتمال ده بيكون حمام إكسترا سبيشل...


لكن في الليلة ديك إتصادفن الإثنين في الحمام التركي وكل واحدة مستغربة جدا إنها لاقت التانية وبتكاوي فيها بنظرات إستفزازية


لكن ناهد جاياها دعوة رسمية من السلطان أما هيام فمتسلبطة في إستعدادات الحمام ساي لثقتها إنه السلطان مشتاق ليها وأكيد حيجيها.... هو بيني وبينكم واضح إنه مشتاق لهيام وبس ...لكنه مصمم على معاقبتها لأجل لا يعلمه أحد


وسكتت حبوبتكم أوبسي زاد عن الكلام المباح لهذا المساء

وتصبحون على خير

__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 26-Feb-12, 00:20   #243
نيلية
Major Contributor
 
صورة رمزية نيلية
 

تاريخ التسجيل: Feb 2008
الإقامة: كــنـــدا
المشاركات: 2,166
افتراضي



يا يوم بكرة ما تسرع
تجيب لي حبوبه اوبسسسسسي

عندك طريقة سرد مبااااااااااالغة
ما شاءالله عليك

__________________
واااحي من جرحك الدامي وفتر حيلك
واااحي من ضلك الرامي وحمل شيلك
تموت متل الشدر واقف تموت واقف علي حيلك
فيا حليلك ياحليلك
نيلية غير متواجد حالياً               رد باقتباس               
قديم 26-Feb-12, 08:16   #244
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي

نيلية
شكرا صغيرتي


وأخت الحبيبة ندوووش أكيد منورانا ...




الصمت الرهـيب

تابعت كل من ناهد وهيام إستعداداتهما الحربية لمقابلة السلطان ... تطيبن وتبرجن بأجمل الحلي وكل واحدة رتبت شعرها وزينته بالجواهر ...

بركت هيام قدام مائدة العشاء الأرضية بوجه مسرور ...متفائل وحالم للغاية ...بعد ما تأملت روحها في المرآة وإقتنعت بجمالها...

وطمأنت نفسها بأن كل الإستعدادت اللائقة بمقام السلطان قد تم إنجازها ولم يتبقى سوى أن يطرق الحبيب سليمان باب جناحها ليعلن بدء ليلة طال إنتظارها لها ..

....و انتظرت ...ثم انتظرت ...وطال إنتظارها وبدت معالم البهجة تختفي من على وجهها لتحل محلها علامات من القلق الممزوج بالغضب والحسرة ....


أما ناهد فقد أكملت بدورها إستعدادات التجميل والزينة للقاء زوجها ... وخرجت من جناحها متجهه لجناحه والفرحة بنزين يحركها ...كان شكلها أقرب لكونها جارية (راكضة يعني...) من إنها ماشية ...

إقتحمت غرفة السلطان كالثور الولهان ... أما السلطان فقد بدا كما لو أن نملة تافهة دخلت غرفته ...بدا جامدا باردا كلوح من الثلج ... ركعت أمام قدميه ...حتى فساتينها التي أهملتها فرحت به ...رقصت على قدميه ...على قول نزار قباني ونجاة الصغيرة ... .. ... حدثته وحدثته وحدثته ... بثته نيران حبها وأشواقها ...( نجاة دي أخت سعاد حسني ) وتوسلت ليه إنه يسامحها ... باست طرف جلبابه وقبلت يديه ...لا خلت مساج يدوي أو لغوي عشان تستدر عطفه ...لكن أنّى للوح الثلج أن يبدي ذرة تجاوب ...طول الوقت قاعد هاااادي ويا يعاين في الأرض سرحان ..ولمن يعاين ليها في وشها كإنه واقف في صحراء بعاين في فراغ ...في الفضاء الواسع أمامه الخالي تماما من وجود ناهد

أهانها يشكل فظيع ... توسلاتها ما حركت ذرة رحمه في قلبه ..إن شاءالله حتى لو يجاملها بكلمة ساي ... ما فتح ليها خشمة نهائيا طول الليلة ...

و قضت ناهد باقي ليلتها التعيسة في لوعة وندم ...باتت وحيدة على سريره تبكي...وتبكي... حتى الصباح ......وتعاين ليه وهو قاعد بعيد هادئ على مكتبه وكأنه عايش في سلام في عالم بعــــــيد عنها




شرح ليها زمااان لمن بدأ عقوبته ليها إنه جل غضبه كان لأن غيرتها أعمتها لدرجة خلتها ما تعمل أدنى إعتبار لإحتمال إنه كان ممكن يأكل من الحلوى المسمومة مع هيام ويموت ... ده بالإضافة طبعا لأنه ما بستسيغ إنه زوجته تتدخل في حياته الخاصة على حد تعبيره ..هيع


أما هيام فلما طال إنتظارها وتيقنت إنه ما جاي وأظنها عرفت إنه مع ناهد إجتاحتها نوبة الغضب المتوقعة وشااااتت صينية العشاء ... وأخدت نصيبها من الحسرة والبكاء تلك الليلة ...زيها زي ناهـــد
...
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 26-Feb-12, 08:44   #245
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



في الصباح خرجت ناهد من جناح السلطان ... أول ما طلعت طبعا مرقت وش الحزن والحسرة ودخلته في جيبها ...ولبست قناع العروس المنورة السعيدة الجاية يا دوب من شهر العسل ... الظاهر إنه المظاهر هي المحرك الأساسي للناس دي في القصر..كيف لا والحرب النفسية مستعرة ...طبعا دايرة الحرس وكل من مرت بهم من خدم وحشم يشوفوها مارقة من جناح السلطان بمعنويات عالية .... ويذيعوا الخبر...وخصوصا الجواري ... فالكل جنهم شمارات ...وأول ما شافنها الجواري اللي بيفضلنها كثير على هيام طبعا.. قعدن يلكزن بعض ويقرقرن بخصوص ما سيكون عليه حال هيام لمن تعرف بالنصر اللي حققته السلطانة ناهد أمبارح ...

...آه لو يعلمون...

أول ما ناهد وصلت جناحها إنهارت على أريكتها بكاء ...أظن لبس الوش والتظاهر ده كان بقدر صعوبة ما مرت به ليلة البارحة... وفضفضت لوصيفتها المخلصة كوثر ..كوثر دي السممت ليها هيام وقتلت الجارية اللي أوشكت أن تفشي سرها... وكوثر اتأثرت لحالها شديد وحاولت تواسيها وتقول ليها ما تفقدي الأمل يا مولاتي ...مصيره يرجع ليك في النهاية...إنتي أصبري بس ...ما بعيد الخميس الجاي يدعوك لجناحه تاني ..مستحـيــــــــل ردت ليها البكاية ناهد

هيام طبعا بدورها كخشب الصندل لا يزيدها الضرب بالشاكوش السلطاني إلا عزما وثباتا ... صحت الصباح وكنست همها وغمها بعييييييد وركزت على الهدف .... إتجهزت وجري على السلطان ...مشت ليه في اللحظة الكان وصلته فيها رسالة إبراهيم ...أداها نظرة شرسة بمعنى أها ...دايرة شنو إنتي كمان؟


وينك حبيبي ...أنا قعدت لحد الصباح منتظرة فيك ...إشتقت ليك يا عمري ...


ولا عاين ليها ...وهي مصممة...زي الطفلة الصغيرة لمن تكون متشعبطة في لعبة ... قال ليها أنا مشغول حاليا ....

طبعا هي قبل ما تزوره كان وصلها خبر سفر إبراهيم وفرحت شديد شديد جدا...وتفاءلت بإنه إنكشح و عنه أصلو ما تشوف خلقته في القصر تاني ...

يلا... السلطان واقف على البلكونة مديها ظهره وبيقرأ في رسالة إبراهيم ...وشه طبعا إتفاجأ شديد وبقى أصفر...وقفل الرسالة بغضب وقال خانني إبراهيم .... إبراهيم خانني

هيام لمن سمعت الجملة دي ... حسيتها عملت كده


وما كان من الحرباية الإنتهازية إلا أن عملت ليه حركة ...سجمي ...ده منو الملعون البيجرؤ على خيانة سلطاننا

اللي بيخونك يا مولاي ..أكيد لازم يكون مصيره القـتــل
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 26-Feb-12, 08:49   #246
spartacous
Golden Member
 
صورة رمزية spartacous
 

تاريخ التسجيل: Apr 2008
الإقامة: كل بيوت الفقرا بيوتي
المشاركات: 3,669
افتراضي

في حبوبه بتقول عشان الصوره تتبلور؟؟


والله بالجد انتي مبدعه بس عندي مأخذ واااحد يا ريت تاخديو بعين الاعتبار وتبلوري حولو السرد بتاعك
الواحد لمن تفوتو حلقه بيجي جاري يشوفها عندك
بلقاكي هنااااااااااك لسه قبل عشره حلقات
ما بصير هيك والله

حلقه السبت انا لأسباب فنيه ما بحضرها
فبعتمد عليك لكن انتي بتخذليني كل أحد
نرجو المراعاه

وشكرا يا حبوبهزاد
__________________
ما كنا قايلين فى حياتنا بجينا اقسى من المضى ساعة مروق الانقليز قلنا الظلم راح وانقضى
تاريهو كمتر وقام دقون حلفا وعشر معيوقه نال دمسيس ضريسه وشوك جمال
spartacous غير متواجد حالياً               رد باقتباس               
قديم 26-Feb-12, 09:35   #247
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي



أفتكر إني باذلة قصارى جهدي عشان أرضيكم جمهوري من الوليدات والبنيات ...وبعدين زي ما قـلت ليك يا سبارتا إنه إسترجاع أحداث الحلقات الماضية فيه ترويض لذاكرتي وبديني إحساس بمتعة ... ما من حقي أستمتع برضو ولا شنو؟


عموما خلاص ... شكلي أسرعت شديد و ما فضل غير جريمة القــتل ونصل لحلقة أمبارح
ويعتري التلخيص وحبوبة الملل


..أخخخخخ ...حلقة أمبارح دي بالذات مااااا كان مفروض تـفوتك ...الله يقدرني أصل ليها قبل مواعيد حلقة اليوم

__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 26-Feb-12, 13:04   #248
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
افتراضي


وجـــدتهــــا


مقطوعتي المفضلة على شكل فيديو قيم

المسلسل كله كوم والمقطوعة دي كوم بتحسسني إني طايرة في سابع سما
خصوصا الحتة الفيها ها..ها...ها...هااااا...هااا هههههههااااااا
فظيعــــة بتجـنن حبوبة
Assassins Creed- Magnificent Century(Fanmade) - YouTube!
__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
قديم 26-Feb-12, 13:54   #249
NADOSH
Moderator
 
صورة رمزية NADOSH
 

تاريخ التسجيل: Feb 2004
المشاركات: 38,055
افتراضي


ابدااااااع يا اوبساااااااية

تسلمي ويسلم يمينك وتسلم ذاكرتك

__________________
ندوش ست الحوش المرشوش


To view links or images in signatures your post count must be 10 or greater. You currently have 0 posts.
NADOSH غير متواجد حالياً               رد باقتباس               
قديم 26-Feb-12, 18:29   #250
Ooppss
Golden Member
 
صورة رمزية Ooppss
 

تاريخ التسجيل: Jun 2002
المشاركات: 6,410
Post


تسلمي إنتي ندووشتي وكلكم عيالي ...


و
أرررررح







وينك د. مو عشان تدينا رأيك في شرخم برخم دي


__________________

To view links or images in signatures your post count must be 10 or greater. You currently have 0 posts.

وإنتو جنوني يا حلوين
(
To view links or images in signatures your post count must be 10 or greater. You currently have 0 posts.
Say NO to Anorexia)


To view links or images in signatures your post count must be 10 or greater. You currently have 0 posts.
Ooppss غير متواجد حالياً               رد باقتباس               
رد

Bookmarks

أدوات الموضوع
طرق عرض الموضوع

تعليمات المشاركة
You may not post new threads
You may not post replies
You may not post attachments
You may not edit your posts

BB code is متاحة
رمز [IMG] متاحة
رمز HTML معطلة

الانتقال إلى

بحث مخصص

الساعة الآن: 15:23.


Sudan.Net © 2014