Sort by Post: ثورة السودان
View Single Post
Old 26-Jan-18, 19:41   #86
tikaina
Golden Member
 
tikaina's Avatar
 

Join Date: Jul 2004
Posts: 7,885
Default




منقول

*الركود التضخمي Stagflation ... وحرائق رؤوس الاموال*

*نماذج ومشاهدات*

الركود أو الكساد التضخمي ده بيحدث لما ترتفع الاسعار بفعل التضخم ويعجز المستهلك عن الشراء.. يعني التاجر ما كل ما يزيد سعر سلعة معناتا حا يلقى ليها نفس نسبة المشترين .. ودي هي الحالة بتعاني منها اسواقنا الحالية
البشير وحكومتو والارزقية حاولو خلال الايام الفاتت يدرعو مشكلة ارتفاع الاسعار في التجار والكلام ده كضب صريح
التجار ورؤوس الاموال حاليا تشهد حالة تآكل اقرب للحريق .. ومازالت النار مشتعلة في رؤوس اموالهم لحدي تدهور العملة يقيف و الكلام ده في كل القطاعات انتاجية او خدمية
اضرب امثلة ببعض ما اعرف :
1- صديق صاحب وكالة سفر منذ بداية ربيع الاول وحتى قبل اسبوع اكمل اجراءات 300 معتمر .. هو يحسب العمرة بسعر اليوم للريال ولديه التزام مع المطوف السعودي 650 ريال للمعتمر . القروش بتقعد سوداني او هو بيتاخر في التحويل .. خسارتو متوسط (200 الي 150 ريال لكل معتمر) وكل يوم بيخسر طالما القروش لسه سوداني .. قال لي شكلها ..حاتكون التوسان حقتي ضحية الحاصل ده.
2- آخر مستورد مركزات اعلاف من تايلاند لزبون شركة دواجن الاتفاقية كانت قبل شهرين بي 30الف دولار .. والبضاعة لسه ما طلعت من الميناء .. هو بنى الصفقة على دولار 25 جنيه .. زادت الجمارك وارتفع الدولار .. هو لسه ما عرف خساراتو .. لانو مفروض يستلم قروشو الهي بالجنيه السوداني بعد 3شهور من وصول البضاعة .. قال لو حصلت 25% من راسمالي يكون كويس.
3- اكبر تجار المواد الغذائية في السودان .. هم اتنين معروفين شركة استيرادهم واحدة باسم اولادهم راس مالها مليون دولار .. امس الولد بقول لسه ما عارف الخسارة كم لانو لسه الحريق شغال .. لكن البيع في المتاجر اقل في من 50% .. وبيتوقع عروض وكسر بضاعة خلال شهرين لتصريف البضائع خشية انتهاء تاريخ الصلاحية ..
4- الأسبوع الفات مزرعة دواجن في الباقير صاحبها من بورتسودان .. اقسم لي ان سعر البيع الحالي لا يغطي قيمة الكتوت وتكاليف تغذيته فقط .. دعك من متبقي المصاريف .. السوق هو اليتحكم مش التكلفة قال سعر الكتوت 14 جنيه وبياكل علف بي 39 وسعر الجملة لكيلو الدجاج كان 48
5- حتى اسامة داؤود في حديثي مع احد مسؤولي المبيعات قال منتجات الالبان تعاني من ركود فظيع لانو زادو سعرها 100%.. وكمية الراجع ارقام قياسية .. ومشكلة الالبان دورة الانتاج بتاخد سنوات، ولن يستطيع التخفيض في الوقت الراهن الا اذا اعدم الابقار
- لسه المرحلة الجاية من الركود التضخمي السجم ده الناس بتسرح عمال وحاتزيد البطالة وربنا يستر
-الركابي المحاسب جاب الآلة الحاسبة وزاد الجمارك وضرب قال عايز 116 مليار .. نسى ردة فعل الاسواق .. ونكرها حطب لمن اشتعلت قال ما هو السبب.. هسه الله اعلم يلم في الإيرادات دي وحتى لو لم فيها هو عمليا خلال 25 يوم فقط خسر 40% من قيمتها
- في حالة *لم تطبع الحكومة قروش* سيتوقف تصاعد الدولار *مؤقتا* نتيجة للركود

ما عندك حل غير تمرق الشارع#


__________________


To view links or images in signatures your post count must be 10 or greater. You currently have 0 posts.

tikaina is offline               Reply With Quote