PDA

View Full Version : سمعتها كدة

Pages : [1] 2
ABU9
19-Apr-09, 15:41
في اغانى من وانا صغير كنت قايلها كدة
مثلاً
احمد المصطفى
زعموا .. سلوتُكَ
انا قايلها (زعموطة لو توكا) والله

البلابل
لون المتقة .. يا الشايل المنقة
يعلم الله انا قايل
بقولوا (لورى ) المنقة
ABU9
19-Apr-09, 15:43
اها نجى لى صلاح مصطفى
اتمنى في (لفة ) محب
شال (الصقر) لما (الصقر) من ايدو طار
سلمي وبس
19-Apr-09, 15:44
لاحول ولاقوة :lool::lool:



هسع كان سمعك الشاعر ولا الفنان لو كان حي :roll:

كان اعتزلو :D:


مجرد توضيح :


تعليقي علي الفقرة الاولي من البوست
مأمون
19-Apr-09, 15:46
اها نجى لى صلاح مصطفى
اتمنى في (لفة ) محب
شال (الصقر) لما (الصقر) من ايدو طار

سلام


أخوي أبوتسعة... والله فكرة

تعرف دي لو فكر فيها الشاعر....... كان خلاها كدا .... عارف ليييييه؟؟


عشان المعنى لافق مية مية
:D :D


أبو البامية
شلولو
19-Apr-09, 15:47
اها نجى لى صلاح مصطفى
اتمنى في (لفة ) محب
شال (الصقر) لما (الصقر) من ايدو طار

ههههههههههههههههههههههههههههههههههههههههههه

مفروض يحظروك يا هتش
:lool::lool::lool::lool:
ABU9
19-Apr-09, 15:50
لاحول ولاقوة :lool::lool:



هسع كان سمعك الشاعر ولا الفنان لو كان حي :roll:

كان اعتزلو :D:


مجرد توضيح :


تعليقي علي الفقرة الاولي من البوست



يمين كان ما جو جنب الاذاعة تانى
بعدين بالمناسبة انتى عندك
احساس فنى
لو ما عارفة اعرفى
ABU9
19-Apr-09, 15:53
سلام

أخوي أبوتسعة... والله فكرة

تعرف دي لو فكر فيها الشاعر....... كان خلاها كدا .... عارف ليييييه؟؟

عشان المعنى لافق مية مية
:D :D


أبو البامية

والله يا مامون انت
مرات مرات بتجيب ليك حاجات
كدة عجيبة جنس عجيبة
ذكرتنى واحد بلدياتنا جانى من البلد مخصوص
وقال لى انا فنان وعايز اغنى وساعدنى
قلت ليو جداً.. سمعنا
قام بدأ لى باغنية حقت صديق عباس
عبر الاثير برسل حروف
ولاحظ يا مامون الزول دا جاى من دنقلا ..
قام قال
آ (ابر العصير ) انا قربت ادوخ بالضحك
ABU9
19-Apr-09, 15:55
هههههههههههههههههههههههه

مفروض يحظروك يا هتش
:lool::lool::lool::lool:
انا الليلة ما ماشى البيت
عارف ليه؟
كلو بسببك
حبوبتى خشت بوستيك
وقالوا قاعدة تبكى
ABU9
19-Apr-09, 15:57
برضو الاغنية حق
مالك مجافى الناس .. عايش براك في غربة
انا متأكد انها
عايش براك في (غرفة) .......مالك
ABU9
19-Apr-09, 15:58
برضو الاغنية حق
مالك مجافى الناس .. عايش براك في غربة
انا متأكد انها
عايش براك في (غرفة) .......مالك

ما نحن ناس جيرانك
ادينا حبة في علبة
شلولو
19-Apr-09, 15:58
والله يا مامون انت
مرات مرات بتجيب ليك حاجات
كدة عجيبة جنس عجيبة
ذكرتنى واحد بلدياتنا جانى من البلد مخصوص
وقال لى انا فنان وعايز اغنى وساعدنى
قلت ليو جداً.. سمعنا
قام بدأ لى باغنية حقت صديق عباس
عبر الاثير برسل حروف
ولاحظ يا مامون الزول دا جاى من دنقلا ..
قام قال
آ (ابر العصير ) انا قربت ادوخ بالضحك

قررررررررررريب لذيذ
من اولها داير يبرا العصاير
:lool::lool::lool::lool:
شلولو
19-Apr-09, 15:59
انا الليلة ما ماشى البيت
عارف ليه؟
كلو بسببك
حبوبتى خشت بوستيك
وقالوا قاعدة تبكى

بتكوني قاعدة تبكي
لانو قرات بوست حمراني بتاع
شلولو حظروا
:lool::lool::lool::lool::lool:
sharda
19-Apr-09, 16:01
من صغيرة ولغاية هسه دي
بسمع وبحفظ الاغاني غلط

في اغنية من زمان بنادي
للخديدو نادي
يا ناس محبوبي ساكت قصد عنادي

اها
اختكم كانت بتغنيها كده

ياناس محبوبي ساكن قصر قصادي









:lool::lool::lool:
ABU9
19-Apr-09, 16:02
قررررررررررريب لذيذ
من اولها داير يبرا العصاير
:lool::lool::lool::lool:
يمين انا بضحك لحد الليلة
وبرضو قال يغنى للكابلى
حقت خال فاطنة
ما بتعرف حال ولا خال
وجا للحتة بتاعة
الملاك الجانا زاير
يمين بالله قال (المداس) الجانا زاير

ولا مؤاخذه يعنى
ABU9
19-Apr-09, 16:04
بتكوني قاعدة تبكي
لانو قرات بوست حمراني بتاع
شلولو حظروا
:lool::lool::lool::lool::lool:
قالت لى بتعرفو يا ولد
قلت ليها عمرى ما شفتو شلولو دا
يمين قالت لى اوعك تباريهو
هو عمرو كم
قلت ليها نديدك ياحجة
قامت نطت.. هى
حلاتو
ABU9
19-Apr-09, 16:06
من صغيرة ولغاية هسه دي
بسمع وبحفظ الاغاني غلط

في اغنية من زمان بنادي
للخديدو نادي
يا ناس محبوبي ساكت قصد عنادي

اها
اختكم كانت بتغنيها كده

ياناس محبوبي ساكن قصر قصادي

:lool::lool::lool:

:lool::lool::lool:
:lool::lool::lool::lool:
اكان كدى يا شاردة اخير انا
امشى للدكتور حق الاضنين
ABU9
19-Apr-09, 16:10
الدنيا تحلى .. صعابا سهلة .. بس روق واحلا
غناها واحد

الدنيا تحلى .. صعابا سهلة ..( مسروق ) وأحلا
ABU9
19-Apr-09, 16:12
أجمل من لؤلوة بضة ..( سيبك) من شط البحرين
kafinol
19-Apr-09, 16:12
من صغيرة ولغاية هسه دي
بسمع وبحفظ الاغاني غلط

في اغنية من زمان بنادي
للخديدو نادي
يا ناس محبوبي ساكت قصد عنادي

اها
اختكم كانت بتغنيها كده

ياناس محبوبي ساكن قصر قصادي


:lool::lool::lool:

بت عمي

كيف حالك

مش مهم الأغنية ....:

المهم سقف طموحاتك عالي جداً .. ود المهم !!!

ربنا يعلي مقامك كمان وكمان
ABU9
19-Apr-09, 16:17
اها وفى التلفزيون
الفنان بكل ثقة
غصن البان على بدر الكون نزل
معقولة دى
الصاح
بدرالكون على غصن البان نزل
ABU9
19-Apr-09, 16:18
وحقت عثمان الشفيع

قولوا ليه حبيبك أمسك المجنون
بدل
حبيبك أمسى كالمجنون
sharda
19-Apr-09, 16:22
:lool::lool::lool:
:lool::lool::lool::lool:
اكان كدى يا شاردة اخير انا
امشى للدكتور حق الاضنين



:lool: :lool: :lool:

الله يجازي محنك

اضنيني سليمات

بس شنو

الناس ال ما بتغني بصورة واضحة

:lool: :lool: :lool:
sharda
19-Apr-09, 16:24
بت عمي

كيف حالك

مش مهم الأغنية ....:

المهم سقف طموحاتك عالي جداً .. ود المهم !!!

ربنا يعلي مقامك كمان وكمان



ودعمي

الحمدلله انا بخير
انت كيفك؟


بالله لقيت سقف طموحاتي كيف
رهييييييييييييييييييييييييييب جدا
:lool: :lool: :lool:



ويعليك اخوي دنيا وآخرة
betalsudan
19-Apr-09, 16:32
اها نجى لى صلاح مصطفى
اتمنى في (لفة ) محب
شال (الصقر) لما (الصقر) من ايدو طار

غايتووو دى بااالغته فيها ادييييييل كده:lool:
مأمون
19-Apr-09, 16:55
ما نحن ناس جيرانك
ادينا حبة في علبة

سلام


أبو الميلاريكس
:D :D :D



أبو تسعة والله البوست دا فيهو جنس تجليات............... عليك الله واصل

والله غناك سمح بالحيل


=====================

بتذكر لي جارنا سيد الدوكان... من أهلنا البهنووووووووووك
يوم سكر........ ويلا قام يغني ودخل في حالة تجلي... مع أغنية جواز سفر حقت مصطفى سيد أحمد


ويشيل ويغني
والله نحنا زي الطيور
الما بتعرف ليها خرتة
ولا في إيدا جواز سفر

تعرف لمن يجي ليك في الحتة حقت الجواز... يوقف الغنا ويقعد يسخط ويلعن ليك في سفارة المسعودية
:D :D :D
abshnb
19-Apr-09, 18:08
الدنيا تحلى .. صعابا سهلة .. بس روق واحلا
غناها واحد

الدنيا تحلى .. صعابا سهلة ..( مسروق ) وأحلا



على بالطلاق
لحدى ردك ده انا كنت قايلا( بسرق) واحلا
ننويه
19-Apr-09, 23:58
:lool::lool::lool:

طيب يا ابو 9
انا كنت بسمع المقطع ده
القربو يحنن وبعدو يجنن
كده
البورو بورو يحنن
والجورو جورو يحنن
برضو
:cool:

:lool::lool::lool::lool:
abshnb
20-Apr-09, 00:08
:lool::lool::lool:

طيب يا ابو 9
انا كنت بسمع المقطع ده
القربو يحنن وبعدو يجنن
كده
البورو بورو يحنن
والجورو جورو يحنن
برضو
:cool:

:lool::lool::lool::lool:


لو ما خايف الكضب انتى اختى الصغيره
لانو كنا قاعدين نغنيها كده
:lool:
:lool:
:lool:
ABU9
20-Apr-09, 06:29
الله يجازي محنك

اضنيني سليمات

بس شنو

الناس ال ما بتغني بصورة واضحة

:lool: :lool: :lool:

اها يا جماعة نحكى ليكم سر
طبعاً شاردة صوتها حلو
وقالت بتستمع لعثمان حسين قلت ليها ذوقك حلو
اها ياتو اغنية بتأسرك قالت عشرة الايام
قلت ليها سمعينى الكوبليه الاول
وياريتة ماغنت .. اها بعد النحنحة والحمحمة. شاردة بدأت
عوشرة الأيام... لابس احسن ساعة
بدل
عشرة الايام .. مابصح تنساها
ABU9
20-Apr-09, 06:35
غايتووو دى بااالغته فيها ادييييييل كده:lool:
بت السودان الفنانة الشاملة
اها قالو (ودا خبر اكيد) وانتى في الابتدائية
كنتى عاملة فنانة وبتغنى لى ترباس
في حفلة المدرسة وقفتى ولافة عمة قدر الليلة وبكرة
ومعاكى الكورس والدلوكة
وبديتى ..ـ
نفسى في شية جمر
الناظرة قربت يغمن عليها ورسلت ليكى المشرفة طيران
قالت ليكى .. يابت
يشوشووكى .. قولى
سيبنى في عز الجمر
ABU9
20-Apr-09, 06:43
سلام
أبو الميلاريكس
:D :D :D
أبو تسعة والله البوست دا فيهو جنس تجليات............... عليك الله واصل
والله غناك سمح بالحيل
=====================
بتذكر لي جارنا سيد الدوكان... من أهلنا البهنووووووووووك
يوم سكر........ ويلا قام يغني ودخل في حالة تجلي... مع أغنية جواز سفر حقت مصطفى سيد أحمد
ويشيل ويغني
والله نحنا زي الطيور
الما بتعرف ليها خرتة
ولا في إيدا جواز سفر

تعرف لمن يجي ليك في الحتة حقت الجواز... يوقف الغنا ويقعد يسخط ويلعن ليك في سفارة المسعودية
:D :D :D


والله يا مامون انا بالضحك الغنا طار لى من راسى
سيد الدكان دا بالنسبة لى صاحبنا من عرب سلوم ديل
قال بغنى مدلينا حقت محمد سعد دياب و النور الجيلانى
وصوتو يسمع في النيل الابيض
مدلييييينااا ..
الشرو غتس
والغربو غتس
*****
مدلييييننناااا
الشرغاتة .. والغرباتة
شلولو
20-Apr-09, 06:45
بت السودان الفنانة الشاملة
اها قالو (ودا خبر اكيد) وانتى في الابتدائية
كنتى عاملة فنانة وبتغنى لى ترباس
في حفلة المدرسة وقفتى ولافة عمة قدر الليلة وبكرة
ومعاكى الكورس والدلوكة
وبديتى ..ـ
نفسى في شية جمر
الناظرة قربت يغمن عليها ورسلت ليكى المشرفة طيران
قالت ليكى .. يابت
يشوشووكى .. قولى
سيبنى في عز الجمر

قايتو تجليات ياهتش
انا عارف معنوياتك مرتفعة ليه
بكون من رش الهلال امبارح
اصولا اتا انسان حاغد
:lool::lool::lool:
ABU9
20-Apr-09, 06:45
على بالطلاق
لحدى ردك ده انا كنت قايلا( بسرق) واحلا
انت كمان يا ابشنب خليك ماسك في واحدة
كورة وغنا ما بتلمو
ABU9
20-Apr-09, 06:51
طيب يا ابو 9
انا كنت بسمع المقطع ده
القربو يحنن وبعدو يجنن
كده
البورو بورو يحنن
والجورو جورو يحنن
برضو



يمين يا ننو لامن اتخيلك وانتى بتغنيها
عايز ادردق في البلاط دا من الضحك
معتى كدى انتى برضو الفنانة الشاملة
تلقاكى غنيتى غنية اللحو
جوة عينى الحكيم بى حكمة شال التوم
بدلا من
شوف عينى الحبيب بى حشمة لابس التوب
ود كوكو
20-Apr-09, 06:52
هههههههههههههه عارف يا ابو تسعه اخوك كان دقسه شديد فى الاغانى دى

عندك اغنيه للجابرى والا ميييييين ما بعرف بيقول فيها قلبى ده المجروح فى الحقيقه

اخوك كان بيقول قلبى ده المجروح فى الحديده
:lool::lool::lool:


الغريبه ما عرفتها الى قريب ده
:lool::lool::lool:
شـهد الكلامـ
20-Apr-09, 06:53
:lool::lool::lool:

دى اسمها ثقافة الربط


وبتدلل ع انو المخ فعال جدن

8)
ABU9
20-Apr-09, 06:56
قايتو تجليات ياهتش
انا عارف معنوياتك مرتفعة ليه
بكون من رش الهلال امبارح
اصولا اتا انسان حاغد
:lool::lool::lool:
شلولو بتاع البنقز
جماعتنا في البورد كلهم طلعو زى
هسى انا قايل اضانى 6 على 6 تخيل ؟

انت اوغستين ولا اغسطس دا طلع من وين كمان
اول مرة اسمع بيهو
لو كان نقص اسبوع بس كان لحق نشيد
يوم 22 يوليو هونداكا
يا ريس براك شوفت
اربعة واربعين حتة
***
والله انا سامعة كدة
ABU9
20-Apr-09, 06:58
هههههههههههههه عارف يا ابو تسعه اخوك كان دقسه شديد فى الاغانى دى

عندك اغنيه للجابرى والا ميييييين ما بعرف بيقول فيها قلبى ده المجروح فى الحقيقه

اخوك كان بيقول قلبى ده المجروح فى الحديده

الغريبه ما عرفتها الى قريب ده
:lool::lool::lool:
دى ياودكوكو بالغت فيها . اهههاهاهاهاه
ماقادر ارد ليك اههاهاهاههاهها
في الحديدة ؟ اههاهاهاهاهاهاها
:lool::lool::lool::lool:
:lool::lool::lool:
يمين قربت اقول واى
ABU9
20-Apr-09, 07:02
:lool::lool::lool:
دى اسمها ثقافة الربط
وبتدلل ع انو المخ فعال جدن


تصدقى اول مرة اسمع بالثقافة دى
جبتيها من وين دى ؟
عارفة يا شهد
في فنانين مبعرفو يتكلمو يعنى تمتامين
وعندهم التأتأة زي فنان اسمو عثمان العامرى
كان في مركز شباب بحرى
ما بعرف ينطق حرف
لكن يقيف ليك في الحفلة من تمغرب لغاية الصباح
ما بحلى منو حرف واحد
عارفة ليه؟ انا طبعا عارف السبب
لأن الغنا بجى من جانب المخ الايمن
والكلام من الجانب الايسر للمخ
ABU9
20-Apr-09, 07:06
الفلاتية
عنى مالوم سدو مشوارم

وهى
عنى مالم صدوا واتوارو
امل
20-Apr-09, 07:08
برضو الاغنية حق
مالك مجافى الناس .. عايش براك في غربة
انا متأكد انها
عايش براك في (غرفة) .......مالك

قلت لي انت دنقلاوي
:lool:

ازييك يا مامون
فعلا في حاجات كدي كان دخلت المخ دي تاني ما بتطلع
احوالك واخبارك
تمام
ABU9
20-Apr-09, 07:17
قلت لي انت دنقلاوي
:lool:

ازييك يا مامون
فعلا في حاجات كدي كان دخلت المخ دي تاني ما بتطلع
احوالك واخبارك
تمام

انا ومامون اللذيذ دا واحد
دايماً البت دى بتجى نايمة
ABU9
20-Apr-09, 07:18
ناس قراب منك *** تلالالا
عرفو سر (حسنى) تالالالا
ABU9
20-Apr-09, 07:21
ناس قراب منك *** تلالالا
عرفو سر (حسنى) تالالالا

الاغنية حقت ثنائى العاصمة
والصاح
عرفوا سر .. حزنى
ABU9
20-Apr-09, 07:22
في غفلة .. رغيفى

بدل من
في غفلة .. رقيبى
ABU9
20-Apr-09, 07:25
انا لغاية قريب دا اغنية وردى نور العين
بالموس .. تجرحنى
وهى
برموش .. تجرحنى
ABU9
20-Apr-09, 07:28
الاغنية حقت ثنائى العاصمة

عرفوا سر .. حسنى
بمناسبة ثنائى العاصمة دى
قال ليك واحد قال الا يشوف ثنائى العاصمة
جا من آخر حتة للخرتوم سال لامن عرف انوا
عندهم حفلة .. قطع تذكرة ومشى حضر الحفلة
بعد ما انتهت الحفلة
اتلفت على الجنبو وقال ليو

منو فيهم ثنائى العاصمة ؟
امل
20-Apr-09, 07:30
انا ومامون اللذيذ دا واحد
دايماً البت دى بتجى نايمة

لا مبالغة
تاني :lool::lool:
اه دي مثال حي علي الدقسة
ابو تسعة ما قادرة اقتنع انو اسمك ما مامون
فوتها




وكمان عاملة بشتغلك


نوم شديد
:lool:
شلاقة
20-Apr-09, 07:31
انا لغاية قريب دا اغنية وردى نور العين
بالموس .. تجرحنى
وهى
برموش .. تجرحنى

:lool::lool:


صديقي ابو ناين
المشكلة ما في الاغنية ولا الشاعر ولا اضنيكم

المشكلة في انكم بتسمعو الاغاني عند الحلاق :p

حاول اغتني راديو خاس بيك :)

:p
mustafaosman
20-Apr-09, 07:34
عوشرة الأيام... لابس احسن ساعة
بدل
عشرة الايام .. مابصح تنساها

:lool::lool::lool::lool:
:lool::lool::lool::lool:
:lool::lool::lool::lool:
شلولو
20-Apr-09, 07:34
الصفحة محتاجة لقلبة
غلووووووووووووووووووووووبت
mustafaosman
20-Apr-09, 07:37
انا صراحة كل اغاني عوض الكريم عبد الله
بغلبني افهمو بقول في شنو
واغاني حسن عطية الا لمن يغنيها زول تاني
ABU9
20-Apr-09, 07:39
لا مبالغة
تاني :lool::lool:
اه دي مثال حي علي الدقسة
ابو تسعة ما قادرة اقتنع انو اسمك ما مامون
فوتها

وكمان عاملة بشتغلك

نوم شديد
:lool:
كل ما اشوفك يا امولة بتذكر اغنية
يابا هى الطلعت.. وانا كيف خلاصى معاك
****
الصاح يا بت
يا بهى الطلعة .. وانا كيف خلاصى معاك
ABU9
20-Apr-09, 07:46
:lool::lool:


صديقي ابو ناين
المشكلة ما في الاغنية ولا الشاعر ولا اضنيكم

المشكلة في انكم بتسمعو الاغاني عند الحلاق :p

حاول اغتني راديو خاس بيك :)

:p

رغم انو حلفنى ما اقول لكن بقول
ناس البورد ديل كلهم اصحابى
شلاقة كان عامل فيها فنان
وفى حنة صاحبو في بحرى
عامل فيها فرحان وداير يشارك
ويغنى لزينب الحويرص
اغنية (قول النصيحة) صاحبنا
فول النصيبة.. مالمنى
مالك (بالحجر) معلمنى
كان قاصد
معناتة(القدرة ) حقتو دى ما جات من فراغ
قول النصيحة .. مالك بالهجر مالمنى
شـهد الكلامـ
20-Apr-09, 07:47
تصدقى اول مرة اسمع بالثقافة دى
جبتيها من وين دى ؟




:lool::lool::lool:


لمتين نحن نعلمكم الثقافات دى اتا وصحبك شلولو


شوف

مثلن انا

كنت بسمع اغنية صوره لعبد الحليم

وهو بقول

صور ياجمال صور ياجمال صور ياجمااااال


وما ركزت ف انو كل مقاطع الاغنيه منتهيه بــــــ اااااااااان

فجعه جيت اكتشفت انها

صور يازمان صور يازمان صور يازماااااان


وقتها انا ربطت الصوره بالجمال

لانو مقطع صوره يازمان كان بعيد شويه

:lool::lool::lool:
ABU9
20-Apr-09, 07:48
الصفحة محتاجة لقلبة
غلووووووووووووووووووووووبت

انا هسى كنت متوقع الزين
الزول دا مالو ؟
شلولو
20-Apr-09, 07:54
:lool::lool::lool:


لمتين نحن نعلمكم الثقافات دى اتا وصحبك شلولو


شوف

مثلن انا

كنت بسمع اغنية صوره لعبد الحليم

وهو بقول

صور ياجمال صور ياجمال صور ياجمااااال


وما ركزت ف انو كل مقاطع الاغنيه منتهيه بــــــ اااااااااان

فجعه جيت اكتشفت انها

صور يازمان صور يازمان صور يازماااااان


وقتها انا ربطت الصوره بالجمال

لانو مقطع صوره يازمان كان بعيد شويه

:lool::lool::lool:









:lool::lool::lool::lool:
:lool::lool::lool::lool:

يعني ما لقيتي زول غير ابوتزعة
تختني معاهو

هتش
:lool::lool::lool:
ABU9
20-Apr-09, 07:54
انا صراحة كل اغاني عوض الكريم عبد الله
بغلبني افهمو بقول في شنو
واغاني حسن عطية الا لمن يغنيها زول تاني

حسن عطية دا عايز مترجم يا مصطفى
يمين نوع مصطفى دا تلقاهو كان بغنى
جدَّى الريل .. ابو قديمة
تعال (نتعشى في الخيمة) آآ ؟
شلاقة
20-Apr-09, 07:59
حسن عطية دا عايز مترجم يا مصطفى
يمين نوع مصطفى دا تلقاهو كان بغنى
جدَّى الريل .. ابو قديمة
تعال (نتعشى في الخيمة) آآ ؟

:lool::lool::lool:

والله يا ابو تسعة بصراحة

موستفا ده بفضل يتعشى في الخيمة


من يتمشى في الغيمة :lool:
الغيمة بتروح
اسألو :lool:
ABU9
20-Apr-09, 08:00
وقتها انا ربطت الصوره بالجمال

لانو مقطع صوره يازمان كان بعيد شويه


موش ياهو انتى الكنتى بتقولى

قطار وحلة يا ناس .. قطار وحلة
mustafaosman
20-Apr-09, 08:01
حسن عطية دا عايز مترجم يا مصطفى
يمين نوع مصطفى دا تلقاهو كان بغنى
جدَّى الريل .. ابو قديمة
تعال (نتعشى في الخيمة) آآ ؟

المقطع التاني هو الكان عامل لي وجع راص

بتاع شلاليفو الخدر ديما
:lool::lool::lool:
mustafaosman
20-Apr-09, 08:02
:lool::lool::lool:

والله يا ابو تسعة بصراحة

موستفا ده بفضل يتعشى في الخيمة


من يتمشى في الغيمة :lool:
الغيمة بتروح
اسألو :lool:

كلامك صح طبعا
علا انا ما شفت زول بتجرس من الجوع زيك
:lool::lool::lool:
ABU9
20-Apr-09, 08:03
:lool::lool::lool:

والله يا ابو تسعة بصراحة

موستفا ده بفضل يتعشى في الخيمة

من يتمشى في الغيمة :lool:
الغيمة بتروح
اسألو :lool:
هو انت قايل مصطفى دا عندو تجليات
بالمناسبة (تجليات دى جابة شلولو) من وين ماعارف
برضو واحد قال لى

يا حليل كسلا الوريفة .. الشاربة من اوضتى القديمة
وهى
الشاربة من.. الطيبة .. ديمة
شلاقة
20-Apr-09, 08:06
كلامك صح طبعا
علا انا ما شفت زول بتجرس من الجوع زيك
:lool::lool::lool:

:lool::lool::lool:
ياخوي داك رمضان

وهو ذاتو انا على سفر مفروض افطر شرعا
والمغرب لقانا في المطار
بعد ده

بي سببك الناس الفي الصالة كلهم جابو ليهم فطور إلا ناسك القعدتني معاهم ديل :evil:
والجوع كافر دي قالوها من فراغ :p
ABU9
20-Apr-09, 08:07
المقطع التاني هو الكان عامل لي وجع راص

بتاع شلاليفو الخدر ديما
:lool::lool::lool:

اههههاهااهاهاه
يمين دموعى جرن جرى
اهههاهااهاا

:lool::lool::lool::lool::lool::lool::lool:
ناس الفريق القومى في النشيد
يحمل العلبة .. ويحمى ارضكم

نشترى .. النجدة باغلى ثمن
ABU9
20-Apr-09, 08:15
فنان صاحبنا خارج السودان
قال جاهو واحد قال ليهو ياخى
اغنية الكابلى
نامت على يدها .. نامت عليه يدى

وعملت على العناب بالبربى

قصدو
نالت على يدها .. مالم تنله يدى

وعضت على العناب بالبرد
ABU9
20-Apr-09, 08:43
وانحن صغار بنغنى ملحمة ود اللمين
كام في الخطى بنلقى كديس
جدنا احمد بشتم.. فينا
وبعد سنين وسنين عرفنا انها

كان في الخطوة بنلقى شهيد
بدمو برسم فجر العيد
الابنوسى
20-Apr-09, 09:36
بمناسبة عدم فهم الاغانى دى
اغنية عقد الجلاد صاحبنا كان بغنيها مع انو عازف اورقن

احتاج كوزنة
ويقصد احتاج دوزنة
التحيه لك اخى الكريم
بت الفلاتة
20-Apr-09, 09:44
البلابل
لون المتقة .. يا الشايل المنقة
يعلم الله انا قايل

بقولوا (لورى ) المنقة


:lool::lool::lool::lool::lool::lool::lool::lool::l ool::lool:
ABU9
20-Apr-09, 09:52
بمناسبة عدم فهم الاغانى دى
اغنية عقد الجلاد صاحبنا كان بغنيها مع انو عازف اورقن

احتاج كوزنة
ويقصد احتاج دوزنة
التحيه لك اخى الكريم

دى يا الحبيب الابنوسى رهيبة والله
ياخى هى المفروض تكون كدة
كوزنة لافقة احسن من دوزنة
:lool::lool::lool::lool:
:lool::lool::lool::lool::lool:
ABU9
20-Apr-09, 09:54
:lool::lool::lool::lool::lool::lool::lool::lool::l ool::lool:
كنت عايز اقول ليك تعالى غنى
لكن الناس دى كلها حتقوم جارية
بت الخرطوم
20-Apr-09, 09:59
:lool:

سمعت واحد بغني
قصص الدونيا عليا
:D
بدل
قست الدنيا عليا
amat allah
20-Apr-09, 10:01
زعموا .. سلوتُكَ
انا قايلها (زعموطة لو توكا) والله

البلابل
لون المتقة .. يا الشايل المنقة
يعلم الله انا قايل
بقولوا (لورى ) المنقة

سلام يا ابو تسعة
بالجد بتحصل معاي كتير بسمع كلمات الاغاني غلط
بس لكين ما لي درجتك دي انتا اضنيك خربانات خالص
:lool::lool:
شلولو
20-Apr-09, 10:06
:lool:

سمعت واحد بغني
قصص الدونيا عليا
:D
بدل
قست الدنيا عليا




:lool::lool::lool::lool:

والله قسس ياخي
ازيك يا نصر الدين
:lool::lool::lool:
شلولو
20-Apr-09, 10:07
سلام يا ابو تسعة
بالجد بتحصل معاي كتير بسمع كلمات الاغاني غلط
بس لكين ما لي درجتك دي انتا اضنيك خربانات خالص
:lool::lool:

:lool::lool::lool::lool:
الزول دا اصلن اصلن اطرش
ما شايفوهو بكوريك كييييييف

امة الله صباح الخير
Basdar
20-Apr-09, 10:12
اها نجى لى صلاح مصطفى
اتمنى في (لفة ) محب
شال (الصقر) لما (الصقر) من ايدو طار

أبو تسعة

والله إنت زول ظريف خلاس ..

:p:p:p:p

صلاح مصطفي ده عندو أغنية أكتب لي يا غالي الحروف .. أنا كنتا بسمعا

أكتب لي خلي الناس تموت والهم يفوت
بت الخرطوم
20-Apr-09, 10:14
:lool::lool::lool::lool:

والله قسس ياخي
ازيك يا نصر الدين
:lool::lool::lool:

:lool::lool::lool:
عم شلولو
المحظور
:D
اسمع دي
حقروك حبي
بدل هجروك حبي
:lool:
شلولو
20-Apr-09, 10:16
:lool::lool::lool:
عم شلولو
المحظور
:D
اسمع دي
حقروك حبي
بدل هجروك حبي
:lool:

:lool::lool::lool::lool:
:lool::lool::lool:

طبعا انا مولانا ما غاعد اسمع اغاني
:lool::lool::lool:
شلولو
20-Apr-09, 10:22
عزاز علينا شال النوم عينينا
فراقو قاسي


وهي

عزاز علينا ... شالو نو عينينا ... فراقهم جبري ... لا لا ما بيدينا
Basdar
20-Apr-09, 10:34
عزاز علينا شال النوم عينينا
فراقو قاسي


وهي

عزاز علينا ... شالو نو عينينا ... فراقهم جبري ... لا لا ما بيدينا

يا هتش .. حقتك دي هضربة .. وديك سمعا غلط شن جاب لي جاب

:eek:


:D:D:D:D:D:D
ABU9
20-Apr-09, 10:37
:lool:

سمعت واحد بغني
قصص الدونيا عليا
:D
بدل
قست الدنيا عليا

اووووه بت الخرطوم
انتى بالمناسبة تنفعى
مداحة
يمين بالله ضحكت
لامن دمعت
ABU9
20-Apr-09, 10:39
سلام يا ابو تسعة
بالجد بتحصل معاي كتير بسمع كلمات الاغاني غلط
بس لكين ما لي درجتك دي انتا اضنيك خربانات خالص
:lool::lool:

اومات طه
يمين مشتاقيون ياخ
الذ حاجة في الحفلات الفنان يديها غلت
والناس تجبجب وتخوجج
humrani
20-Apr-09, 10:42
كنت تمنحني السعادة ..ولي تتفجر عظايا- بالظاء




تقطع أهلي ده فنان عندي هسسسسسسسسع في العربية ...عقدني في اضنيني لما جبت معاي شهود عشان التأكيد وكدة


برضو تقول لي الاضنين :lool::lool::lool:
ABU9
20-Apr-09, 10:47
أبو تسعة

والله إنت زول ظريف خلاس ..

:p:p:p:p

صلاح مصطفي ده عندو أغنية أكتب لي يا غالي الحروف .. أنا كنتا بسمعا

أكتب لي خلي الناس تموت والهم يفوت


قالو لامن بوش الكبير زار السودان
الحكومة اسبوع كامل بتحفظ ناس المعسكرات في
wellcome Bush
اها لامن وصل الجماعة كلهم
الكمبوش .. الكمبوش .. الكمبوش
ABU9
20-Apr-09, 10:48
عزاز علينا شال النوم عينينا
فراقو قاسي


وهي

عزاز علينا ... شالو نو عينينا ... فراقهم جبري ... لا لا ما بيدينا
دا شنو يا مولانا
الشريف .. شلولو
ABU9
20-Apr-09, 10:52
كنت تمنحني السعادة ..ولي تتفجر عظايا- بالظاء
تقطع أهلي ده فنان عندي هسسسسسسسسع في العربية ...عقدني في اضنيني لما جبت معاي شهود عشان التأكيد وكدة
برضو تقول لي الاضنين :lool::lool::lool:
دا بالظبط ياحمرانى زى البغنى للشفيع
قولوا لى حبيبك .. امسك المجنون
بدلا من
حبيبك.. امسى كالمجنون
ABU9
20-Apr-09, 10:57
اغنية عبدالدافع عثمان كنت سامعة
او حين ارى التختخ

بدل من
او حين اراك تختال
ABU9
20-Apr-09, 11:00
بعدين الله ما سمعكم شلولو لامن كان في
كورس المدرسة والفنان شلاقة بغنى مدلينا
تسمع الكورس
الشرقوتة .. والغربوتة
بدل
الشرق اتى .. والغرب اتى
ABU9
20-Apr-09, 11:05
قال ليك واحد بقلد وابو داؤد يسمع ساى
قال
كيف الحيااااة .. غير نيمك
بدل
ليمك
قام ابوداؤد قال ليو
ما تنسى بالله ... لون برسيمك
amat allah
20-Apr-09, 11:13
اومات طه
يمين مشتاقيون ياخ
الذ حاجة في الحفلات الفنان يديها غلت
والناس تجبجب وتخوجج


مشتاقون بالاكتر والله
اساسا غنى الحفلات دا كلو مفتول والزول بيدخل الحفلة ويطلع ما بيكون طلع بي جملة مفيدة ..اغايتو الناس تجبجب وتبقى مارقه عشان كدا انا خليت الحفلات ذاتو
:tears::tears::tears:
amat allah
20-Apr-09, 11:18
كيف الحيااااة .. غير نيمك
بدل
ليمك
قام ابوداؤد قال ليو
ما تنسى بالله ... لون برسيمك
__________________



حرااااااااام عليك يا ابو تسعة ..الضحك حيكتلني ياخ
ههههههههههه
بوست عجيب الله يديك العافية
نشال
20-Apr-09, 11:23
وبتاعة ود اللمين
..

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير


انا كنت قايلة .. جيتنا طاير

:roll:
بت الفلاتة
20-Apr-09, 11:27
كنت عايز اقول ليك تعالى غنى


لكن الناس دى كلها حتقوم جارية


هييييييييييييييكا
عندي غنية جديدة اسمها عوض باسطة العفن
اسم الالبونن غسيل العدة
خلي بتاع الساوند يجي
amat allah
20-Apr-09, 11:38
هييييييييييييييكا
عندي غنية جديدة اسمها عوض باسطة العفن
اسم الالبونن غسيل العدة
خلي بتاع الساوند يجي


كدي نجهز سفنجاتي ساي يا صديقتي بت الفلاتة
الشريط باين من عنوانو
:evil::evil:




وش جاااااااري
ومخلوع
:eek:
شـهد الكلامـ
20-Apr-09, 11:42
وبتاعة ود اللمين
..

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير


انا كنت قايلة .. جيتنا طاير

:roll:








:lool::lool::lool::lool:


كيس نايلون هو
نشال
20-Apr-09, 11:48
:lool::lool::lool::lool:


كيس نايلون هو










شكلي كنته منتظرو بلهفة شديدة

:lool::lool:
شـهد الكلامـ
20-Apr-09, 11:50
شكلي كنته منتظرو بلهفة شديدة

:lool::lool:



تكون اول ماسمعت الاوغنيه

والجو كان عاصف


:lool:

هسع ساير ماكان اسحن من طاير دى


:roll:
ABU9
20-Apr-09, 12:13
مشتاقون بالاكتر والله
اساسا غنى الحفلات دا كلو مفتول والزول بيدخل
الحفلة ويطلع ما بيكون طلع بي جملة مفيدة ..اغايتو
الناس تجبجب وتبقى مارقه عشان كدا انا خليت الحفلات ذاتو

يمين انتى سكر جلكوز بس
قالو في فنان لامن بغنى لسانو بجى مارق برة
والعروسة كانت طويلة اطول من سلك الزينة
البربطو فيو اللمبات الملونة وتخينة
اهل العريس افتكرو الفنان وهو كل مرة لسانو
بجى مارق انو قاعد يغيظ فيهم
******
وعينك ما تشوف الا النور
ABU9
20-Apr-09, 12:18
حرااااااااام عليك يا ابو تسعة ..الضحك حيكتلني ياخ
ههههههههههه
بوست عجيب الله يديك العافية[/CENTER]

اومات طه
ما تيقى نئعد نغنى شوية
ABU9
20-Apr-09, 12:20
وبتاعة ود اللمين
..

قلنا ما ممكن تسافر
نحن حالفين بالمشاعر
لسه ما صدقنا انك بجلالك جيتنا زاير


انا كنت قايلة .. جيتنا طاير

:roll:






ياخى
دى يمين يا حبيبى يا النشال قطعت لى حلقى بالضحك
حلوة شديد جيتنا طاير دى
ABU9
20-Apr-09, 12:22
هييييييييييييييكا
عندي غنية جديدة اسمها عوض باسطة العفن
اسم الالبونن غسيل العدة
خلي بتاع الساوند يجي

اسمو الالبون شنو ؟
غسيل العدة
دا موش ياهو عوض شلولو زاتو
بت الفلاتة
20-Apr-09, 12:24
اسمو الالبون شنو ؟

غسيل العدة

دا موش ياهو عوض شلولو زاتو


:lool: :lool: :lool: :lool: :lool:
amat allah
20-Apr-09, 12:25
اومات طه
ما تيقى نئعد نغنى شوية
__________________


كدي نسمع بت الفلاتة دي بتجهز في صوتها من قبيييييييييل
ماخلت ملح ولا عطرون الا وشربتو فلازم نقعد نسمع

يلا يابنية اتحفينا بي غسيل العدة بتاعك دا
ABU9
20-Apr-09, 12:28
اغنية سمحة وجمالة فريد
سمعتها من البعيو
هيييي ... سمحة وجمالة تسير
خلعوها زى ما الطير

وهى في الاساس

سمحة وجمالها فريد
خلقوها زى ما تريد
ABU9
20-Apr-09, 12:35
كدي نسمع بت الفلاتة دي بتجهز في صوتها من قبيييييييييل
ماخلت ملح ولا عطرون الا وشربتو فلازم نقعد نسمع

يلا يابنية اتحفينا بي غسيل العدة بتاعك دا


بت الفلاتة حتغنى ؟
وانحن نشيل
اها
اكيد بدون عداد
يعنى حتغنى بى بطنها
خلى بالك يا المعاى في الشيل
من الفليق بالليل
amat allah
20-Apr-09, 12:40
اكيد بدون عداد
يعنى حتغنى بى بطنها
خلى بالك يا المعاى في الشيل
من الفليق بالليل
__________________



البت دي موهبة ..ليه انت بتكسر في مجاديفها ياخ
ما تقول لي انا حاشيل معاك ؟؟ كدي نلبس لي خوذة واجي
ما معروف حيجدعونا بي شنو الناس ديل
احتمال طوب وحجارة وحاجات تانية
شـهد الكلامـ
20-Apr-09, 12:42
اغنية سمحة وجمالة فريد
سمعتها من البعيو
هيييي ... سمحة وجمالة تسير
خلعوها زى ما الطير

وهى في الاساس

سمحة وجمالها فريد
خلقوها زى ما تريد



دى بالغت فيها يا ابو ناين

هسى الجاب الطير لماتريد شنو


الاغنيه دى انا كنت قايلاو قاصد زى ماتريد ( زى ماتحب )
وعرفت بعداك انو قاصد واحده اسمها ماتريد كان جميله جدن


:oops
ABU9
20-Apr-09, 13:03
البت دي موهبة ..ليه انت بتكسر في مجاديفها ياخ
ما تقول لي انا حاشيل معاك ؟؟ كدي نلبس لي خوذة واجي
ما معروف حيجدعونا بي شنو الناس ديل
احتمال طوب وحجارة وحاجات تانية


ما دام هى موهبة
هيييييييي
صحى يا الكورس
دى ياها
حوة الفلاتية

انا قايلة حوة طرمبة
ABU9
20-Apr-09, 13:09
دى بالغت فيها يا ابو ناين

هسى الجاب الطير لماتريد شنو

الاغنيه دى انا كنت قايلاو قاصد زى ماتريد ( زى ماتحب )
وعرفت بعداك انو قاصد واحده اسمها ماتريد كان جميله جدن
:oops



يا سلام يا الحان من الشرق
معلوماتك جميلة ياخى
اها هسى انا قايل انا بس
العارف قصة ملكة الجمال الاسمها (ماتريد) دى
وابيت انزلها غتاتة منى

ما تضحكى فينى بالله
انا كنت بقول
مدنينا ... مدنينا
ما دانييييينا

حقت نور الجيلانى
وقايلو بمدح في ود مدنى
نشال
20-Apr-09, 14:34
ياخى
دى يمين يا حبيبى يا النشال قطعت لى حلقى بالضحك
حلوة شديد جيتنا طاير دى



انت زااااتك بتجيب في المحن

و زكرتنا ايام بنترنم بالغناء في الحمام نصو تعرفو

ونصو تلتقو من راسك

انت الاحلي .. و واصل

:)
شلاقة
20-Apr-09, 14:37
ما دام هى موهبة
هيييييييي
صحى يا الكورس
دى ياها
حوة الفلاتية



:lool::lool::lool:

عشة عشة الفلاتية ما حوة جاتكم نيلة:p

ديك حوة الطقطاقة :lool:
ننويه
20-Apr-09, 20:29
لو ما خايف الكضب انتى اختى الصغيره
لانو كنا قاعدين نغنيها كده
:lool:
:lool:
:lool:

:lool::lool::lool:

انت مش ابشنب؟
بس انا اختك الصغيره ديك زاااااااتها
:D
ننويه
20-Apr-09, 20:35
:lool:

سمعت واحد بغني
قصص الدونيا عليا
:D
بدل
قست الدنيا عليا





:lool::lool::lool::lool::lool:

في واحد برضو بغني كده

وزاد علينا وشالو نوم عينينا

طبعا قاصد عزاز علينا

وبرضو نفس الزول

وشاح هم فرقتك قلبي

لي شال هم فرقتك قلبي

:lool::lool::lool:
ننويه
20-Apr-09, 20:37
يمين يا ننو لامن اتخيلك وانتى بتغنيها
عايز ادردق في البلاط دا من الضحك
معتى كدى انتى برضو الفنانة الشاملة
تلقاكى غنيتى غنية اللحو
جوة عينى الحكيم بى حكمة شال التوم
بدلا من
شوف عينى الحبيب بى حشمة لابس التوب

:lool::lool::lool::lool:
:lool::lool::lool::lool:

والله ياابو9 انا كمييييه من الاغاني كنت بسمعها غلط بوستيك ده قمة في الروعه زيك كده
لكن حسي كلو طار وغنية اللحو دي ما عرفتها
:cool:

لكن كللللل ما اتذكر لي بلاوي بجيك
:D
رقم صفر
20-Apr-09, 20:55
معليش بدون مؤاخذة

زي الشرحبيل كان بغني


قوم بول في الحديقة :D
رقم صفر
20-Apr-09, 21:49
يروي والعهدة علي الراوي ان الفنان ب م اراد عمل بروفات في الاذاعة وحينما جاء وقع الاختيار علي رائعة عبدالرحمن الريح
الامان الامان

وبدلا من ان يصدح
وسلطانو استقر وفي جورو استمرّ وكيف ألقي الضمان
قال
وشيطان و استقر وفي جورو استمرّ وكيف ألقي الضمان


قالو ليه قوم لف بلا شيطان معاك:D
ABU9
21-Apr-09, 06:33
انت زااااتك بتجيب في المحن

و زكرتنا ايام بنترنم بالغناء في الحمام نصو تعرفو

ونصو تلتقو من راسك

انت الاحلي .. و واصل

:)

النشال اخوى
الاستاذ قال لينا غنا الحمام مرتبط بالدش
يعنى البستحمة في طشت ما بغنى
ولو حاول يغنى الا غنية تقيلة
قلت لى يترنم بالغناء آآآ
mardi
21-Apr-09, 06:36
البوستات الحلوة لازم تظل دايما :
فوووووووووووووووووووووق
:clap::clap:
ABU9
21-Apr-09, 06:36
:lool::lool::lool:

عشة عشة الفلاتية ما حوة جاتكم نيلة:p

ديك حوة الطقطاقة :lool:
حوة الطقاقة دى كانت بتقلد ننوية
لكن ديك اسمها الحقيقى حوة يونس
الشهيرة بى حوة بنزين

:lool::lool::lool::lool:
:lool::lool::lool::lool:
:lool::lool::lool::lool:
ABU9
21-Apr-09, 06:40
:lool::lool::lool::lool:
:lool::lool::lool::lool:

والله ياابو9 انا كمييييه من الاغاني كنت بسمعها غلط بوستيك ده قمة في الروعه زيك كده
لكن حسي كلو طار وغنية اللحو دي ما عرفتها
:cool:

لكن كللللل ما اتذكر لي بلاوي بجيك
:D

انتى يا ننو بيجذبك اللحن
بعدين اغنية اللحو دى مشهورة
شوف عينى الحبيييييب بى حشمة لالالالابس التوووووب

لحنتها ليك
اها اتذكرتيها
ABU9
21-Apr-09, 06:45
معليش بدون مؤاخذة

زي الشرحبيل كان بغني


قوم بول في الحديقة :D

:lool::lool::lool::lool:
:lool::lool::lool::lool::lool:
:lool::lool::lool::lool::lool:
دى بالغت فيها يا رقم صفر
الفنان دا شذا عديل
ABU9
21-Apr-09, 06:52
يروي والعهدة علي الراوي ان الفنان ب م
وبدلا من ان يصدح
وسلطانو استقر وفي جورو استمرّ وكيف ألقي الضمان
قال
وشيطان و استقر وفي جورو استمرّ وكيف ألقي الضمان
قالو ليه قوم لف بلا شيطان معاك:D
الفنان دا انا عارفو
اسمو الثلاثى ب م دبليو

عارف يا كابتن
انا لحد الليلة ومن زمان
ليلة المولد حقت كابلى في اضانى البقول فيها
لكن (باللحن ) ياجماعة

جل جلال الله
الله الله .. جل جلال الله
هو.. على.. (سقط فقط طت)الحريقة
دى عندى
لكن الصاح
وعلى صوى صدى الطبل .. الحقيقة
ABU9
21-Apr-09, 06:59
البوستات الحلوة لازم تظل دايما :
فوووووووووووووووووووووق
:clap::clap:
اها بى نكهاتك دى زكرتنا
اغنية عبدالرحمن عبدالله
***
ريحة الحاوى يا حاوى

تصدق ما عارف الصاح شنو
ABU9
21-Apr-09, 07:14
اها بى نكهاتك دى زكرتنا
اغنية عبدالرحمن عبدالله
***


برضو اغنية

يا تومى فرينا... باص السجانة
بدل
يا تومى طرينا .. بنات البقارة
Zaitoona
21-Apr-09, 07:50
القررمش...قررمش واتجنني




اتاريها طلعت


ارخي الرمش في الرمش واتدللي
:o
واحد زهجان 2
21-Apr-09, 07:54
يمين انا بضحك لحد الليلة
وبرضو قال يغنى للكابلى
حقت خال فاطنة
ما بتعرف حال ولا خال
وجا للحتة بتاعة
الملاك الجانا زاير
يمين بالله قال (المداس) الجانا زاير

ولا مؤاخذه يعنى


:lool::lool::lool::lool::lool:
:lool::lool::lool::lool::lool:
:lool::lool::lool::lool::lool:

الحبيب أبو ناين
بوست مية مية
قطع مصاريني من الضحك
عاين
الأخدر الملهم دا بتجيبو من وين ؟؟
:lool::lool:
بت الخرطوم
21-Apr-09, 07:58
بما انو يا ابو ناين طلعتني مداحة
هاك

مره سمعت واحد بمدح
وجاااادي أيما جداده
:D
أحمد يا حبيبي حرام عليك
بدل
أحمد يا حبيبي سلام عليك

:lool:
ABU9
21-Apr-09, 07:59
القررمش...قررمش واتجنني
تاريها طلعت

ارخي الرمش في الرمش واتدللي
:o


زيتو.. انا ما قادر اكتب
والله دموعى كابة بالضحك
والله انتى ما نصيحة
اهههههههههه

:lool::lool::lool::lool::lool:
:lool::lool::lool::lool::lool::lool:
:lool::lool::lool::lool::lool:
Zaitoona
21-Apr-09, 08:02
زيتو.. انا ما قادر اكتب
والله دموعى كابة بالضحك
والله انتى ما نصيحة
اهههههههههه

:lool::lool::lool::lool::lool:
:lool::lool::lool::lool::lool::lool:
:lool::lool::lool::lool::lool:

وكنت بستغرب شديد اني لي ماقادرة افهم الفنان قاصد شنو
:confused:



:lool::D:lool:
amat allah
21-Apr-09, 08:05
برضو اغنية

يا تومى فرينا... باص السجانة
بدل
يا تومى طرينا .. بنات البقارة



انت يا ابو تسعة بتجيب الاغاني دي من وين:wink: والله في اغاني اول مره اسمع بيها
ارشيف انت ياخ:p ..عيني باردة
ABU9
21-Apr-09, 08:05
:lool::lool::lool::lool::lool:
:lool::lool::lool::lool::lool:
:lool::lool::lool::lool::lool:

الحبيب أبو ناين
بوست مية مية
قطع مصاريني من الضحك
عاين
الأخدر الملهم دا بتجيبو من وين ؟؟
:lool::lool:


الحبيب اللذيذ واحد زهجان2
دى قصة حقيقية
حسين شندى بغنى في حفلة في برى
بغنى في الشوق والريد
لامن وصل للمقطع حق
نعيد الكان.. حليل الكان
نعيد الككــــاااااان
جا واحد عريبى رافع سيفو
افتكرو جاى يبشر
راح منزل ليك السيف في راس حسين شندى
لو ربنا ما ستر كان قطع ليو رقبتو
الفنان داخ ورقد في المستشفى شهور
البوليس بحقق مع العريبى الطشمان ضربتو ليه؟
قال قال لبوليس
هو ليه يقول
يا التومة راجلك جبــان
ABU9
21-Apr-09, 08:08
بما انو يا ابو ناين طلعتني مداحة
هاك

مره سمعت واحد بمدح
وجاااادي أيما جداده
:D
أحمد يا حبيبي حرام عليك
بدل
أحمد يا حبيبي سلام عليك

:lool:

خليكى مع اولاد حاج الماحى بس
بعدين قالو صوتك معبر شديد
صحى الكلام دا ولا اوشاعة ساي
ABU9
21-Apr-09, 08:10
وكنت بستغرب شديد اني لي ماقادرة افهم الفنان قاصد شنو
:confused:

:lool::D:lool:

انتى يا زيتونة
ما تعالى
نأعد ونغنى شوية
ABU9
21-Apr-09, 08:11
انت يا ابو تسعة بتجيب الاغاني دي من وين:wink: والله في اغاني اول مره اسمع بيها
ارشيف انت ياخ:p ..عيني باردة

مين ؟
امتنا العربية ؟
شكلك مداحة زى بت الخرطوم
ننويه
21-Apr-09, 08:12
انتى يا ننو بيجذبك اللحن
بعدين اغنية اللحو دى مشهورة
شوف عينى الحبيييييب بى حشمة لالالالابس التوووووب

لحنتها ليك
اها اتذكرتيها

:lool::lool::lool::lool::lool:

خلاس اتذكرتها حتى غنيتها في عرس ناس بت ام زين
:D

وبعدين كلمو لي حوا دي قولو ليها جننتينا ياخ
:evil:
amat allah
21-Apr-09, 08:12
راح منزل ليك السيف في راس حسين شندى
لو ربنا ما ستر كان قطع ليو رقبتو
الفنان داخ ورقد في المستشفى شهور
البوليس بحقق مع العريبى الطشمان ضربتو ليه؟
قال قال لبوليس
هو ليه يقول
يا التومة راجلك جبــان

:eek::eek::eek:

دا والله بالغ ..قال يالتومة راجلك جبان:tears: وجاتو في الصميم بما انو زوجتو اسمها التومة

بيني بينك دا كان سارح بي غنم ابليس بعد ما اخد دقة جامدة من المدام :evil:وحبل افكاروا جراهو لي سماع الكلامات بالطريقة دي ههههههههه
ABU9
21-Apr-09, 08:15
:lool::lool::lool::lool::lool:

خلاس اتذكرتها حتى غنيتها في عرس ناس بت ام زين
:D

وبعدين كلمو لي حوا دي قولو ليها جننتينا ياخ
:evil:
عليك نووووور
في عرس ناس ام جمعة
بعدين انتى مع صورتك الواقفة زي اصالة نصرى دى
شكلك بوحى بانك فنانة
بس ما لاقية فرصة
amat allah
21-Apr-09, 08:15
مين ؟
امتنا العربية ؟
شكلك مداحة زى بت الخرطوم

لا بس خارباني الاغاني الغربية مابسمع الا هي .. وبالجد ما بسمع سوداني الا لي فنانين محددين خالص
وديل ما اتخيل لي بيغلطوا لانهم معلمين خالص
ABU9
21-Apr-09, 08:19
:eek::eek::eek:

دا والله بالغ ..قال يالتومة راجلك جبان:tears: وجاتو في الصميم بما انو زوجتو اسمها التومة

بيني بينك دا كان سارح بي غنم ابليس بعد ما اخد دقة جامدة من المدام :evil:وحبل افكاروا جراهو لي سماع الكلامات بالطريقة دي ههههههههه


:lool::lool::lool:
:lool::lool::lool::lool:
:lool: :lool::lool::lool::lool:عشان كدة اى فنان في اي حفلة
لازم يعمل حسابو

دا اخير منو البقول
ادينى قفاك .. قودام لى سفر

حقت حسب الدائم
ادينى رضاك .. قدامى سفر
ABU9
21-Apr-09, 08:20
لا بس خارباني الاغاني الغربية مابسمع الا هي .. وبالجد ما بسمع سوداني الا لي فنانين محددين خالص
وديل ما اتخيل لي بيغلطوا لانهم معلمين خالص

والله يا اومات طه
طلعتى مثقفة شديد لكن
amat allah
21-Apr-09, 08:35
والله يا اومات طه
طلعتى مثقفة شديد لكن


وينا الثقافة دي يا كافي البلاء اغاني فنانينا ما بعرفها
:tears:
دا اسمو الفشل بي عينو
:tears:
بس نقول شنو اهو منكم نستفيد
:geek:
amat allah
21-Apr-09, 08:38
دا اخير منو البقول
ادينى قفاك .. قودام لى سفر




:lool::lool::lool:
ههههههههههه
مبالغة دي ياخ (اديني قفاك) فظييييييييع
:roll:
ABU9
21-Apr-09, 08:45
وينا الثقافة دي يا كافي البلاء اغاني فنانينا ما بعرفها
:tears:
دا اسمو الفشل بي عينو
:tears:
بس نقول شنو اهو منكم نستفيد
:geek:
شوفي يا
امة الامجاد
تستفيدى من منو
منى انا
اكان ما لحقتك حسين شندى
ننويه
21-Apr-09, 08:45
عليك نووووور
في عرس ناس ام جمعة
بعدين انتى مع صورتك الواقفة زي اصالة نصرى دى
شكلك بوحى بانك فنانة
بس ما لاقية فرصة

:lool::lool::lool::lool:

من ناحية فنانه فانا فنانه
8)
ومن ناحية ما لاقيه فرصه ما لاقيه فرصة
8)

العالم حاقد يا ابو 9
:angry:

لكن شكلي حانطلق من خلالك
والدليل الغنيه الكنت بغنيها كده

مابين الشبه باين
بين القمره زدتو حلولو

حلولو دي قدر ما حاولت اعرف معناها غلبتني
:-?
ABU9
21-Apr-09, 08:51
:lool::lool::lool::lool:

من ناحية فنانه فانا فنانه
ومن ناحية ما لاقيه فرصه ما لاقيه فرصة

العالم حاقد يا ابو 9لكن شكلي حانطلق من خلالك
والدليل الغنيه الكنت بغنيها كده

مابين الشبه باين
بين القمره زدتو حلولو

حلولو دي قدر ما حاولت اعرف معناها غلبتني
:-?
تنطلقى من خلال منو؟
ياكى الواطاتك اصبحت
بعدين انا اضنى ديل ما مستغنى منهم
مش كفاية بت الفلاتة
وبت الخرطوم وامة طه ديل
بقلدو لى في فتحية كرتلة

لكن بصراحة قالو صوتك يا ننو
سوبر سوبرانو
بس عيبك ماقاعدة تحفظى
ما بين القمرة قال
amat allah
21-Apr-09, 09:14
شوفي يا
امة الامجاد
تستفيدى من منو
منى انا
اكان ما لحقتك حسين شندى


سجمي سجمي ..الله يستر:tears:
خلاس ولا ببراك ذاتو:tears:
فناننك العجيبين ديل !!ما دايره معاهم ذاتو
:evil:
واحد زهجان 2
21-Apr-09, 09:15
يا أبوتسعة
زي فنان الحيرة الطاشم الشابك ليك الناس
أين من عيني هاتيك المجاري
يا عروس البحر ياحلم الخيال

:lool::lool::lool::lool:
شـهد الكلامـ
21-Apr-09, 09:18
ابو تسعه


النيو لوك

يتربى ف عزك


:oops:oops:oops
ABU9
21-Apr-09, 09:44
سجمي سجمي ..الله يستر:tears:
خلاس ولا ببراك ذاتو:tears:
فناننك العجيبين ديل !!ما دايره معاهم ذاتو
:evil:

ياخى انتى زولة عسل
عديل كدة ياخى
بس اسمك بصراحة كدة ما موسيقى
يعنى لو عملنا ليك (الـ.. بوم) عنوانو يكون باسمك
دا الا يتوزع قدام الجوامع
ABU9
21-Apr-09, 09:48
يا أبوتسعة
زي فنان الحيرة الطاشم الشابك ليك الناس
أين من عيني هاتيك المجاري
يا عروس البحر ياحلم الخيال



:lool::lool::lool::lool:
:lool::lool::lool::lool::lool:
:lool::lool::lool::lool:
:lool::lool::lool::lool:
ياخى دى اول مرة اسمعة يا الزهجان
كابلى مش عندو برضو حقت
كعك بسكر .. سكر
ABU9
21-Apr-09, 09:49
ابو تسعه

النيو لوك

يتربى ف عزك

:oops:oops:oops


يعز مقدارك
عقبال كديستكون
مأمون
21-Apr-09, 09:51
سلام

يا شباب هيمانويت.. المغنية الإثيوبية المجرسة البورضاب بتغني

أوزاز ألينا
شالو نوم إيدينا


:lool:
amat allah
21-Apr-09, 09:55
ياخى انتى زولة عسل
عديل كدة ياخى
بس اسمك بصراحة كدة ما موسيقى
يعنى لو عملنا ليك (الـ.. بوم) عنوانو يكون باسمك
دا الا يتوزع قدام الجوامع


انتا عايز تجرجرني عشان اغني مش ؟؟
واحصل حسين شندي ؟؟بري ابره واستبرا







بالمناسبة زمان كنت بغني في مونت ككارلو بس اعتزلتا الغني
والحمد لله
:tears:
بت الخرطوم
21-Apr-09, 09:55
يا أبوتسعة
زي فنان الحيرة الطاشم الشابك ليك الناس
أين من عيني هاتيك المجاري
يا عروس البحر ياحلم الخيال

:lool::lool::lool::lool:



:lool::lool::lool::lool::lool:
:lool::lool::lool::lool::lool:
بس ما يكون هو البغني
أراك عصير الدمع شيمتك الصبر
:lool:
بدل
عصي الدمع
ABU9
21-Apr-09, 09:57
سلام
يا شباب هيمانويت.. المغنية الإثيوبية المجرسة البورضاب بتغني
أوزاز ألينا
شالو نوم إيدينا
:lool:

الغريبة يامامون دى الفنانة الوحيدة
البتنطق صحيح
و
البسمعها صاح
ما عارف لى
ندى زاتة بتلخبت في الكلام
ABU9
21-Apr-09, 09:59
انتا عايز تجرجرني عشان اغني مش ؟؟
واحصل حسين شندي ؟؟بري ابره واستبرا







بالمناسبة زمان كنت بغني في مونت ككارلو بس اعتزلتا الغني
والحمد لله
:tears:

مونتي كارلوس ؟
بركة الاعتزلتى
اها قلبتى مدائح لعلك ؟
واحد زهجان 2
21-Apr-09, 10:14
:lool::lool::lool::lool:
:lool::lool::lool::lool:
ياخى دى اول مرة اسمعة يا الزهجان
كابلى مش عندو برضو حقت
كعك بسكر .. سكر



أبوتسعة
ياخي الزول ده قال دي أغنيتو المفضلة

واحد صاحبنا قال لي
مجاري شنو ياخ ؟
الفنان ده أكيد شغال في وزارة الزراعة
:lool::lool:
أو
عمق في الإحساس
:cool:
أين من عيني هاتيك المجاري
يا عروس البحر ياحلم الخيال


مجاري وبحر
أممممممممممممممممم
يعني

ممكن تلفق

:lool::lool:
مأمون
21-Apr-09, 10:16
الغريبة يامامون دى الفنانة الوحيدة
البتنطق صحيح
و
البسمعها صاح
ما عارف لى
ندى زاتة بتلخبت في الكلام

سلام

غايتو البتريدوا تسموا بخيت
والما بتريدو ترموا بعيد
ABU9
21-Apr-09, 10:22
يا أبوتسعة
ياخي الزول ده قال دي أغنيتو المفضلة

واحد صاحبنا قال لي
مجاري شنو ياخ ؟
الفنان ده أكيد شغال في المجلس البلدي
:lool::lool:
أو
عمق في الإحساس

مجاري وبحر
أممممممممممممممممم
يعني

ممكن تلفق

:lool::lool:

يديك العافية يا شيخ الزهجانين بنمرة2
قال ليك واحد عامل فيها فنان
سمع انو لازم الفنان احساسو يكون عالى
ويعبر عن الكلمات حتى تصل للمستمع
اها صاحبنا دا
بغنى في اغنية لاحمد المصطفى
ومنسجم وآخر تمام
قال
وآآآآه انا من عيونو الناعسات
وهو (باشر لرموشو) ماقنا حاجة
وانا .. آآآآآآه من ضفايرو السادلات
قام (أشر على ضفرو حق السبابة).. شفت التعبير
ABU9
21-Apr-09, 10:25
سلام

غايتو البتريدوا تسموا بخيت
والما بتريدو ترموا بعيد

اهههاهااهاهاه
هيمانوت دى اللغة العربية حقتها
فصيحة خلاص ومعبرة
والله يامامون لامن دمعت بالضحك
البنريدو نوصف لى السكة
والمابنريدو نحرش لى الكلبة
واحد زهجان 2
21-Apr-09, 10:27
:lool::lool::lool::lool::lool:
بس ما يكون هو البغني
أراك عصير الدمع شيمتك الصبر
:lool:
بدل
عصي الدمع






:lool::lool::lool:

والتكملة يا بت الخرطوم
أما للهوى نهي عليك ولا عمرو

بدل أمرُ

:lool:
ABU9
21-Apr-09, 10:30
:lool::lool::lool:

والتكملة يا بت الخرطوم
أما للهوى نهي عليك ولا عمرو

بدل أمرُ

:lool:


إن طلعت القمرة
......
يجى يقول (بسعلوك) مننا
ABU9
21-Apr-09, 10:37
:lool::lool::lool::lool:

من ناحية فنانه فانا فنانه
ومن ناحية ما لاقيه فرصه ما لاقيه فرصة
العالم حاقد يا ابو 9
::-?
كل ما اتذكر كلام ننو المجنونة دى
قاعد ادردق من الضحك
ومن امبارح معلقة في خشمى
حقت احمد المصطفى

البوربور يحنن .. والبوربو يجنن
بت الخرطوم
21-Apr-09, 10:38
:lool::lool::lool:

والتكملة يا بت الخرطوم
أما للهوى نهي عليك ولا عمرو

بدل أمرُ

:lool:



:lool::lool::lool:
امرنا لله
معناتا نعيٌ عليك
:lool:
غايتو الزول دا بكون فاقد سوائل
شي عصير وشي مجاري
:D
Alkan daka
21-Apr-09, 10:54
مرة في حفلة سمعت فنان بيغني اغنية عاشة الفلاتية

عني مالم صدوا واتواروا

بيقول : عني مالم صدوا مشوارو
ABU9
21-Apr-09, 11:29
مرة في حفلة سمعت فنان بيغني اغنية عاشة الفلاتية

عني مالم صدوا واتواروا

بيقول : عني مالم صدوا مشوارو
لو كان قال يا الكنداكا
صدو مشوارم

كان احسن
واحد زهجان 2
21-Apr-09, 11:47
وانا .. آآآآآآه من ضفايرو السادلات
قام (أشر على ضفرو حق السبابة).. شفت التعبير




:lool::lool::lool::lool::lool:

أبوتزعة

كان معانا زميل دراسة جنوبي عامل فيها بحب أغاني الحقيبة
مرة سألتو عن أحسن أغنية بحبها شنو قال

نعسان كالنعسان
:roll:

فتشنا أغاني النعاس
لقيناهو بقصد

هل تدري يا نعسان

:lool::lool:
ABU9
21-Apr-09, 12:32
:lool::lool::lool::lool::lool:

أبوتزعة

كان معانا زميل دراسة جنوبي عامل فيها بحب أغاني الحقيبة
مرة سألتو عن أحسن أغنية بحبها شنو قال

نعسان كالنعسان
:roll:

فتشنا أغاني النعاس
لقيناهو بقصد

هل تدري يا نعسان

:lool::lool:


:lool::lool::lool:
:lool::lool::lool::lool:
حسن عطية دا هو العمل
الحكاية دى
لكن صحبك دا الوداهو للغنية التقيلة
دى شنو
واحد زهجان 2
21-Apr-09, 12:48
:lool::lool:
غايتو الزول دا بكون فاقد سوائل
شي عصير وشي مجاري
:D





:lool::lool::lool::lool:

:lool::lool::lool::lool:
رقم صفر
22-Apr-09, 07:14
والله يا ابو تسعة دة كلو هين

انا لحد الليلة ما راكبا لي في راسي غير الاغنية

المهيرة عروس بالجلالة
عريسسك كتلو السحاوي
Zaitoona
22-Apr-09, 07:20
والله يا ابو تسعة دة كلو هين

انا لحد الليلة ما راكبا لي في راسي غير الاغنية

المهيرة عروس بالجلالة
عريسسك كتلو السحاوي

:lool::lool::lool:
:lool::lool::lool:
مأمون
22-Apr-09, 07:36
سلام

أبو التسعات... في حكاية فنان أكل ليهو كم عكاز لمن غنى
واحدة من أغاني السيرة

تقريبا الليلة ساير يا ود القبايل... في الحتة حقت مرته ونسيبتو
حاجة كدا طشاش في راسي


بتتذكرا؟؟
ABU9
22-Apr-09, 08:28
والله يا ابو تسعة دة كلو هين

انا لحد الليلة ما راكبا لي في راسي غير الاغنية

المهيرة عروس بالجلالة
عريسسك كتلو السحاوي

:lool::lool::lool::lool:
:lool::lool::lool::lool::lool:
:lool::lool::lool::lool:
:lool::lool::lool:
يعنى انا الراكبة لى يا رقم صفر
بس الفرق بينى وبينك في (كتلو ) دى
انا لحد هسى قايلة (اكلو) السحاوى
ABU9
22-Apr-09, 08:35
سلام
أبو التسعات... في حكاية فنان أكل ليهو كم عكاز لمن غنى
واحدة من أغاني السيرة

تقريبا الليلة ساير يا ود القبايل... في الحتة حقت مرته ونسيبتو
حاجة كدا طشاش في راسي

بتتذكرا؟؟


اغانى السيرة بالذات يامامون
ممكن الفنانة بتكون قاعدة تنبذ العريس
والناس تبشر وتخوجج
سماع اضانى الفنانة قسمة وبنتها (ذكريات) في
حفلة جارنا وسط المعمعة والدلاليك
سمعتها قالت ولا مؤاخذة
يجبك اسهال
بدل
يسٌر البال
الظاهر العريس كان ماسورة م بتنقط صاح
رقم صفر
22-Apr-09, 08:39
:lool::lool::lool::lool:
:lool::lool::lool::lool::lool:
:lool::lool::lool::lool:
:lool::lool::lool:
يعنى انا الراكبة لى يا رقم صفر
بس الفرق بينى وبينك في (كتلو ) دى
انا لحد هسى قايلة (اكلو) السحاوى




لا كان كدة اخير انا

طلعت سميع :jump::jump::jump:
رقم صفر
22-Apr-09, 09:20
غنية ابو عركي
انا ما سمعتها كدة لكن كنت دايما بدندن بيها

مرة نادت في المدينة الحمامات الحزينة
قامت ادتا في حنانا
ABU9
22-Apr-09, 10:10
غنية ابو عركي
انا ما سمعتها كدة لكن كنت دايما بدندن بيها

مرة نادت في المدينة الحمامات الحزينة
قامت ادتا في حنانا
انا... آآآآه
:lool::lool::lool::lool::lool::lool:
:lool::lool::lool::lool:
:lool::lool::lool:
:lool::lool:
ما قادر ارد

دى مبالغة مبالغة
ABU9
23-Apr-09, 07:05
زيدان ابراهيم
وراجل عين تلاقى عين ...واحضنى كالبطة
دى بدل
وراجى العين تلاقى العين .. واحضن ايدك البضة
آييا آييا آي
amat allah
23-Apr-09, 07:21
غنية ابو عركي
انا ما سمعتها كدة لكن كنت دايما بدندن بيها

مرة نادت في المدينة الحمامات الحزينة
قامت ادتا في حنانا


صباح الاغاني المبهدلة
اها ابوعركي دا من احب الفانين السودانين الى قلبي ..بس بي حالتك دي جهجهة الاغنية وهوبيحكي لينا بي كل رقة عن الحبيبة
مبااااااااااااالغة
:roll::roll:


يوم سعيد للكل
Derwish
23-Apr-09, 07:22
زيدان ابراهيم
وراجل عين تلاقى عين ...واحضنى كالبطة
دى بدل
وراجى العين تلاقى العين .. واحضن ايدك البضة
آييا آييا آي


:lool::lool::lool::lool:
اي صاح والله

أبو اللميييييييييييييييييين يا
أنا لمن سمعت زاد الشجون في شريط لندن
كنت قايل أبو اللمين (على حس لندن دي) بقول

ما إفتكرت الحظ بسايد عمري
أتاريهو بقول
بساعد
:D
ABU9
23-Apr-09, 07:51
صباح الاغاني المبهدلة
اها ابوعركي دا من احب الفانين السودانين الى قلبي ..بس بي حالتك دي جهجهة الاغنية وهوبيحكي لينا بي كل رقة عن الحبيبة
مبااااااااااااالغة
:roll::roll:


يوم سعيد للكل


دا رقم صفر الجهجه ليك الاغنية
انت ما تقولى كويس الما سمعها
قامت .. عضتا في حنانا
ABU9
23-Apr-09, 07:57
:lool::lool::lool::lool:
اي صاح والله

أبو اللميييييييييييييييييين يا
أنا لمن سمعت زاد الشجون في شريط لندن
كنت قايل أبو اللمين (على حس لندن دي) بقول

ما إفتكرت الحظ بسايد عمري
أتاريهو بقول
بساعد
:D

على الايمان دى انت بالغت فيها يا درويش
لو جينا للجد لو ختيناها زى ما انت بتقول بسايد
حتلفق مية المية معناتة الحظ ما جنبو
لكن برضو نرجع ونقول الحمد لله الماسمعتها
اوفسايد
Tayboon
23-Apr-09, 08:25
قالو لامن بوش الكبير زار السودان
الحكومة اسبوع كامل بتحفظ ناس المعسكرات في
wellcome Bush
اها لامن وصل الجماعة كلهم
الكمبوش .. الكمبوش .. الكمبوش

والله دي بالغت فيها
يا أبو 9
شلولو
23-Apr-09, 08:32
والله دي بالغت فيها
يا أبو 9

عاين المبالغات دي

احمد الميرغني مشى زيارة ليوغسلافيا
اها القى خطاب
اخي وصديقي واويسكي
لشاوسكو


يتبع
Tayboon
23-Apr-09, 08:34
أنا بحب أغنية الساقية للفنان حمد الريح بس في مقطع بيقول
(وصاني أبوي)
كنت بفتكروا
(والصانبون)
يعني شنو
(والصانبون)
amat allah
23-Apr-09, 08:34
wellcome Bush
اها لامن وصل الجماعة كلهم
الكمبوش .. الكمبوش .. الكمبوش


بالجد دي خطرة
عجبتني شديد ..شكرا يا ابو تسعة على الابداع المستمر
:geek:
ABU9
23-Apr-09, 08:45
عاين المبالغات دي

احمد الميرغني مشى زيارة ليوغسلافيا
اها القى خطاب
اخي وصديقي واويسكي
لشاوسكو

يتبع
واوسى
ياخى انت دايما فاضحنا في التاريخ والجغرافيا
والدين والعلوم.. اقول ليك
كل المواد
تشاوسيسكو دا كان في رومانيا
يوغسلافيا قال
ABU9
23-Apr-09, 08:47
أنا بحب أغنية الساقية للفنان حمد الريح بس في مقطع بيقول
(وصاني أبوي)
كنت بفتكروا
(والصانبون)
يعني شنو
(والصانبون)

يمين يا سيد طيبون
دى انت جننتها جن

الصانبون دى اسأل منها شلولو
عشان تخصص غسيل وكدة
شلولو
23-Apr-09, 08:47
واوسى
ياخى انت دايما فاضحنا في التاريخ والجغرافيا
والدين والعلوم.. اقول ليك
كل المواد
تشاوسيسكو دا كان في رومانيا
يوغسلافيا قال

:lool::lool::lool::lool:
مرررررررررررض

ما خلاس كلهم جنب بعض
:lool::lool::lool::lool:
ABU9
23-Apr-09, 08:50
بالجد دي خطرة
عجبتني شديد ..شكرا يا ابو تسعة على الابداع المستمر
:geek:

http://c4.ac-images.myspacecdn.com/images02/71/l_31b546673a564d4784cbc6133543ad47.gif http://c4.ac-images.myspacecdn.com/images02/71/l_31b546673a564d4784cbc6133543ad47.gif
اهى اهى
انا احمريت ياخ
ما تخجلينى ياخ انا اصلى حساس
ومرهف شديد
ABU9
23-Apr-09, 09:00
:lool::lool::lool::lool:
مرررررررررررض

ما خلاس كلهم جنب بعض
:lool::lool::lool::lool:

مالك بقيت زى واحد صاحبنا
رسلتو دخل معاينة وكنت موصى ليو واحد في اللجنة
اها .. قلت لصاحبنا انت اى سؤال يسالوك قول بعرف
اوعك تقول ما بعرف وما تشيل اى هم
الباقى خليهو على. قشر تمام
مشى قعد في الانترفيو .. تمام
قام بتاع اللجنة اتغابى فينى العرفة
قال ليو بتعرف انجليزى .. صاحبنا قال 100في المية
وممتاز في الانجليزى
قام قال ليهو اتكلم لينا عن نفسك شوية بالانجليزى
صاحبنا سكت.. قال ليو اتكلم ورينا نبذة عن نفسك بالانجليزى
صاحبنا .. قال ليهو براحة كدة .. ابتسعة ياخ
قام نهرو ليك قال ليو ابدأ واتكلم.. لو سمحت
صاحبنا رجع لى وراء ويطقطق اصابعو قام قال
والله يا جماعة فاجأتونا لكن
رقم صفر
23-Apr-09, 09:04
زمان قالو كان في مظاهرات ضد امريكا فكانو بيهتفو

داون داون يو اس ايه
قالو في واحد خش معاهم قعد يهتف

داؤد داؤد يونس وين ؟؟؟
kairam
23-Apr-09, 09:28
:lool::lool::lool::lool:
:lool::lool::lool::lool::lool:
:lool::lool::lool::lool:

ياخي بوست مبالغة والله من الضحك لمن قربت انكفي
وناس المكتب يعاينو مستغربين
زززززززززمن من ضحك زي ده

واحد صاحبنا في الثانوي كان مصر انوالكابلي بقول
يا بني الوادي اهديتك حبي
وكمان بغالط

في غنية وانا صغير ولحد اسه ما سمعتها تاني

لا قادرة تنوم ولا قادرة تقوم
تعاني من مرض الذهول
ما عارف شنو كدة
يا عيوني... يا عيوني
ABU9
23-Apr-09, 09:32
زمان قالو كان في مظاهرات ضد امريكا فكانو بيهتفو

داون داون يو اس ايه
قالو في واحد خش معاهم قعد يهتف

داؤد داؤد يونس وين ؟؟؟
في مسرحية المهرج حقت فرقة الاصدقاء
عبدالمنعم عثمان يكورك
داون داون يونس عيد
داون داون يوسف بيه
amat allah
23-Apr-09, 09:35
داون داون يو اس ايه
قالو في واحد خش معاهم قعد يهتف

داؤد داؤد يونس وين ؟؟؟
__________________


هههههههههههههههههه
ياجماعة وروني السكة بي وين انا طالعة من البوست دا
خلاص الضحك كتلني ياخ
حامووت ناقصة عمر من الضحك
:eek:
ABU9
23-Apr-09, 09:38
ياخي بوست مبالغة والله من الضحك لمن قربت انكفي
وناس المكتب يعاينو مستغربين
زززززززززمن من ضحك زي ده

واحد صاحبنا في الثانوي كان مصر انوالكابلي بقول
يا بني الوادي اهديتك حبي
وكمان بغالط

في غنية وانا صغير ولحد اسه ما سمعتها تاني

لا قادرة تنوم ولا قادرة تقوم
تعاني من مرض الذهول
ما عارف شنو كدة
يا عيوني... يا عيوني
دى انت قلبت فيها الهوبة يا كريم
انا آمنت بالله
ذكرتنا حاجات كدة عجيبة والله

:lool::lool::lool::lool:
:lool::lool::lool:
:lool::lool:
:lool:
:lool::lool::lool::lool:
:lool::lool::lool:
:lool::lool:
:lool:
يا بنى الوادى دي ياها يا ضنين الوعد
التانية مرض الذهول دى ياها
اذاك يا عيونى للكاشف
مفتونة بى عيون الغزال
الله لا يهدى الكان هداك
لا شايفة زول لا لاقية نوم
رقم صفر
23-Apr-09, 10:24
علي ذكر الاغاني


زمن الفورة بتاعة ناس الحيكومة زماان كان قالو منعو الغنا العاطفي من التلفزيون بالذات الاغاني بتاعة العيون وفي نفس الوكت كان سمعتا قالو عالم امريكي قال انو العواطف محلها الكبد وليس القلب فقمنا شنو ؟ حرفنا الاغاني اي عين بقينها اضان واي قلب بقي كبد فكان الاتي

اضيناتك ديار وعدي مسورة بجدار صمتك

اضنيني واضنينك اسباب لوعتي

يا اضنيني يا طماعة ما سمعتيهو قبال ساعة

بكبدك تقو لي تعال وتعال باضانك تقول لي مافي مجال


ان شاء الله غير اضني ما تملا اضانك اضان

من اول سمعة اسرتني اضنينو وبقيت في ايدينو

الاضنين السمعتك ما اسعد

ما خلاص اتوحدو الاملين ما خلاص اجمعو الكبدين

انا كبدي في ايدي شجر العنب يا ناس

اضنينك فيها شي يحير يغير اتجاه الزول

يا ربيع الدنيا في اضنيااااااااا
يا نور كبدي يا معني الجمال
kairam
23-Apr-09, 10:35
دى انت قلبت فيها الهوبة يا كريم
انا آمنت بالله
ذكرتنا حاجات كدة عجيبة والله

:lool::lool::lool::lool:
:lool::lool::lool:
:lool::lool:
يا بنى الوادى دي ياها يا ضنين الوعد
التانية مرض الذهول دى ياها
اذاك يا عيونى للكاشف
مفتونة بى عيون الغزال
الله لا يهدى الكان هداك
لا شايفة زول لا لاقية نوم

:lool::lool::lool:
:lool::lool:
طبعا صاحبنا قاصد اغنية يا ضنين الوعد واظن كان قابلتو اسه بغالطك فيها
:lool:
الغنية التاني ياها ذاتا بتاعة الكاشف والله دي أول مرة أعرف كان بقول شنو

احيانا برضو الواحد بكون ما حافظ الغنية يقوم يقطع حاجات غريبة كده من راسو والعجيبة بكون مستمتع ومقتنع زي غنية الشايقية دي مثلا:
الجزيري الجزيري الجزيري
الجزيري بقت ملامح الدوح واهلا
كل زول يعرف ظروفو

مرات كده بغنيها براي واقعد اضحك
:D
ABU9
23-Apr-09, 11:03
علي ذكر الاغاني


زمن الفورة بتاعة ناس الحيكومة زماان كان قالو منعو الغنا العاطفي من التلفزيون بالذات الاغاني بتاعة العيون وفي نفس الوكت كان سمعتا قالو عالم امريكي قال انو العواطف محلها الكبد وليس القلب فقمنا شنو ؟ حرفنا الاغاني اي عين بقينها اضان واي قلب بقي كبد فكان الاتي

اضيناتك ديار وعدي مسورة بجدار صمتك

اضنيني واضنينك اسباب لوعتي

يا اضنيني يا طماعة ما سمعتيهو قبال ساعة

بكبدك تقو لي تعال وتعال باضانك تقول لي مافي مجال


ان شاء الله غير اضني ما تملا اضانك اضان

من اول سمعة اسرتني اضنينو وبقيت في ايدينو

الاضنين السمعتك ما اسعد

ما خلاص اتوحدو الاملين ما خلاص اجمعو الكبدين

انا كبدي في ايدي شجر العنب يا ناس

اضنينك فيها شي يحير يغير اتجاه الزول

يا ربيع الدنيا في اضنيااااااااا
يا نور كبدي يا معني الجمال
يا جماعة تعالوا امسكونى
وختونى فوق اكرسى انا ما حاقدر ارد على
البنى آدم الاسمو رقم صفر دا
دا قطع لى حنجرتى النحاسية الكنت بغنى بيها
آآآآآآآآآآآىىىىىىىىىىىىي
دموعى يمين شغالة طق طق
:lool::lool::lool::lool::lool::lool:
:lool::lool::lool::lool::lool::lool::lool:
:lool::lool::lool::lool::lool::lool::lool:
ABU9
23-Apr-09, 11:04
:lool::lool::lool:
:lool::lool:
طبعا صاحبنا قاصد اغنية يا ضنين الوعد واظن كان قابلتو اسه بغالطك فيها
:lool:
الغنية التاني ياها ذاتا بتاعة الكاشف والله دي أول مرة أعرف كان بقول شنو

احيانا برضو الواحد بكون ما حافظ الغنية يقوم يقطع حاجات غريبة كده من راسو والعجيبة بكون مستمتع ومقتنع زي غنية الشايقية دي مثلا:
الجزيري الجزيري الجزيري
الجزيري بقت ملامح الدوح واهلا
كل زول يعرف ظروفو

مرات كده بغنيها براي واقعد اضحك
:D
اكان كدى يا كريم
اخير انا البسمع
لكن انت بتالف عديل كدة
Derwish
23-Apr-09, 11:41
دى انت قلبت فيها الهوبة يا كريم
انا آمنت بالله
ذكرتنا حاجات كدة عجيبة والله

:lool::lool::lool::lool:
:lool::lool::lool:
:lool::lool:
:lool:
يا بنى الوادى دي ياها يا ضنين الوعد
التانية مرض الذهول دى ياها
اذاك يا عيونى للكاشف
مفتونة بى عيون الغزال
الله لا يهدى الكان هداك
لا شايفة زول لا لاقية نوم


:lool::lool::lool::lool:
:lool::lool::lool::lool:

غايتو لو ماترجمتها يا أبو9
أنا لغاية بعد بكرة ما أظني كنت حأعرفها
تنفع مترجم لغة أطفال
:D











بعدين إسمه/إسمها .. كيرم
:D
ABU9
23-Apr-09, 11:51
:lool::lool::lool::lool:
:lool::lool::lool::lool:


تنفع مترجم لغة أطفال
بعدين إسمه/إسمها .. كيرم

قلت لى مترجم اطقال
هسى انت طفل ؟
Derwish
23-Apr-09, 11:57
قلت لى مترجم اطقال
هسى انت طفل ؟

إنت سمعتها أطقال؟
:lool::lool::lool:

أقرأ كلامي مرة تانية وشوف أنا قاصد شنو
:)
الرشيد الامدرمانى
23-Apr-09, 12:57
abu 9 وست جميل وراقى ورايع ويدل على حس فنلى جميل ، حقيقة استمتعت جدا بهذا الشدو الفنى اللذيذ ،،
ومشكوريين كل الشباب المبدعين فى هذا البوست القمة ....
ABU9
25-Apr-09, 06:41
إنت سمعتها أطقال؟
:lool::lool::lool:

أقرأ كلامي مرة تانية وشوف أنا قاصد شنو
:)
هى يا درويش
السمع عرفناو كمان جينا للقراية
امل
25-Apr-09, 06:43
هى يا درويش
السمع عرفناو كمان جينا للقراية

سلام وصباح الخير
يا ابو تسعة
دي تحسبا لاي خطأ
:lool:
ABU9
25-Apr-09, 06:47
abu 9 وست جميل وراقى ورايع ويدل على حس فنلى جميل ، حقيقة استمتعت جدا بهذا الشدو الفنى اللذيذ ،،
ومشكوريين كل الشباب المبدعين فى هذا البوست القمة ....
الرشيد اللذيذ
ياخى انت بتذكرنى صحبى المهندس الرشيد محمد خير
من الملازمين
اها يا رشيد الامدرمانى هاك دى
حقت النعام آدم
بس اقراها باللحن بالله عشان تظبط معاك
اول شى الطنبور.. طنببببللللى
الزول السمين .. في طعمو دايماً هائل
دى قريب كدة عرفت انها
الزول الوسيم في طبعوا دايماً هادىء
ABU9
25-Apr-09, 07:41
سلام وصباح الخير
يا ابو تسعة
دي تحسبا لاي خطأ
:lool:

صباح الخير ؟
انحن نهارنا ابيض الليلة
ABU9
25-Apr-09, 07:47
المرحوم الكاشف طبعاً كان نجار
وعندو ورشة في مدنى .. مرة قاعد بلحن في اغنية
ليالى المقرنً وبقول فيها
(اما السواقي بدت تسوق والقمري غنا بكل زوق)

ولمن وصل للحتة بتاعت
" عند الأصيل لازم نعود " ..
الجماعة الماعهو في الورشة سمعوها :
"لازمنا عود "
واحد من النجارين المستجدين في الورشة
قام جارى وجاب ليهم عود مرق
امل
25-Apr-09, 07:50
المرحوم الكاشف طبعاً كان نجار
وعندو ورشة في مدنى .. مرة قاعد بلحن في اغنية
ليالى المقرنً وبقول فيها
(اما السواقي بدت تسوق والقمري غنا بكل زوق)

ولمن وصل للحتة بتاعت
" عند الأصيل لازم نعود " ..
الجماعة الماعهو في الورشة سمعوها :
"لازمنا عود "
واحد من النجارين المستجدين في الورشة
قام جارى وجاب ليهم عود مرق

حلوة
:lool:
احنا ناس بسيطيين اصو
شوف الطيبة دي
ABU9
25-Apr-09, 07:59
حلوة
:lool:
احنا ناس بسيطيين اصو
شوف الطيبة دي
صاح يا امل.. وذيادة على كدة
اخونا اسامة المبارك .. عازف الكمنجة المعروف
دائما بيظهر في كل القنوات وخاصة في قناة هاررمونى
بيعزف مع عبدالعزيز المبارك
قال لى مرة في التلفزيون واحد بغنى اغنية الراحل
خوجلى عثمان (اسمعنا مرة ) ولامن يجى للحتة بتاعة
(حن في عمرنا .. عمرنا شايفنو مرََ)
يقوم ياشر بى صباعو حق السبابة(العدد واحد)ـ
ABU9
25-Apr-09, 08:05
البلابل
سهر المنام لى وحدى يا قسيم الريد
الريد فوقك .. النمل
امل
25-Apr-09, 08:06
صاح يا امل.. وذيادة على كدة
اخونا اسامة المبارك .. عازف الكمنجة المعروف
دائما بيظهر في كل القنوات وخاصة في قناة هاررمونى
بيعزف مع عبدالعزيز المبارك
قال لى مرة في التلفزيون واحد بغنى اغنية الراحل
خوجلى عثمان (اسمعنا مرة ) ولامن يجى للحتة بتاعة
(حن في عمرنا .. عمرنا شايفنو مرََ)
يقوم ياشر بى صباعو حق السبابة(العدد واحد)ـ

قتلتنا باضحك ياخي
عارف اغرب حاجة انو اغلب الغلطات او التهيؤات البنسمعها غلط دي مشتركة يعني تلقي نفسك زي كتير من القبل ديل تفهم نفس فهمون
تصدق في حاجات يا دوب اصححت لي من البوست
:lool:
ABU9
25-Apr-09, 08:12
قتلتنا باضحك ياخي
عارف اغرب حاجة انو اغلب الغلطات
او التهيؤات البنسمعها غلط دي مشتركة يعني تلقي نفسك
زي كتير من القبل ديل تفهم نفس فهمون
تصدق في حاجات يا دوب اصححت لي من البوست
:lool:
تلقاكى يا امل سامعة ليكى بلاوى
في الغنا دا
بينى وبينك حقت ثنائى العاصمة
معاوية .. معاوية .. في الدرب الطويل
جيت عرفت انها
معايا .. معايا في الدرب الطويل
ABU9
25-Apr-09, 08:30
يتعبنى تعب شديد..لى شديد .. لوح الحلاة
طبعا الصاح
لو حلحلها
دى اغنية احمد المصطفى
ABU9
26-Apr-09, 08:32
قطار وحلة يا ناس
قطار وحلة
kairam
26-Apr-09, 11:10
أعدموني ولا تحرموني
سنة الإسلام السلام
kairam
26-Apr-09, 11:16
برضو الاغنية حق
مالك مجافى الناس .. عايش براك في غربة
انا متأكد انها
عايش براك في (غرفة) .......مالك

اها الغنية دي تحديد
........................ا

مالك مجافي الناس عايش براك في اوروبا
ABU9
26-Apr-09, 12:15
اها الغنية دي تحديد
........................ا

مالك مجافي الناس عايش براك في اوروبا
بامانة كدة انت يا كريم زى انا
اذنك موسيقية
بشكيرك وين .. يا المحسى بيه
دى طلعت
بشكيك لمين يا الما حاسى بى
رقم صفر
26-Apr-09, 12:29
اغلي من لؤلوة بضة
سيبك من شط البحرين


دة قالا واحد صاحبنا كدة كان خاطب واحدة من البحرين بعدين سابا
الابنوسى
26-Apr-09, 14:42
اغنيه شايقيه
وفى الشرق تبقى لك اختك وكيف تكون لى اختك خطيبه
والصحيح
وفى الشرع تبقى لك....
the godfather
26-Apr-09, 14:49
ابو تسعة ‘ وكل الناس والله بوست جميل جدا

:lool::lool::clap::clap::clap:
الابنوسى
26-Apr-09, 15:32
والله فى اغنيه بتاعت وردى انا بغنيها بقول كلام انا ما فاهمو وما حاقدر اكتبها باى لغه موجوده حتى لو اخترعت لى لغه براى المهم بطربق ليك مع اللحن لحدى اصل انا آه ما بنساك دى بتكون واضحه وتانى ارجع...
المهم مطلع الاغنيه عرفتو قريب وما متأكد منو
لو بالصد ابيتينى
لو بالنار صليتينى.....
الابنوسى
26-Apr-09, 15:34
عندى صديق بغنى اغنيه لابوعركى يقول:-
اتخطى بيك سخف السلالم واللئام
وهى فى الاصل
سخف الصغائر....
ننويه
02-May-09, 21:29
قطار وحلة يا ناس
قطار وحلة

:lool::lool::lool:

يا ابو9 اسمع دي ما غنيه لعبه
حقت ارنب نط تراني بنط

انا كنت فاكراها لحدي وكت مابعيد شديييييييييييد
:roll:

أرنب نط ترانيبا نط
:lool:

كدي قول لي عرفت تقراها
:roll:
السمحه
02-May-09, 21:44
:lool::lool:


بوست تحفه

زمان انا كنت فاكره

القربو يجنن والبعدو يجنن

البعبو يجنن

:o

اخير انا ننويه قلبتها بوروبر

:lool::lool:
Emoo
02-May-09, 23:59
وحقت عثمان الشفيع

قولوا ليه حبيبك أمسك المجنون
بدل
حبيبك أمسى كالمجنون

:lool::lool::lool::lool:























:lool::lool::lool::lool:
ABU9
03-May-09, 08:38
:lool::lool::lool:

يا ابو9 اسمع دي ما غنيه لعبه
حقت ارنب نط تراني بنط

انا كنت فاكراها لحدي وكت مابعيد شديييييييييييد
:roll:

أرنب نط ترانيبا نط
:lool:

كدي قول لي عرفت تقراها
:roll:
اخير انا يا ننو
وحالتى قايلك فنانة درجة اولى
دى هسى قاعدة تقريها كيف
ABU9
03-May-09, 08:41
:lool::lool:


بوست تحفه

زمان انا كنت فاكره

القربو يجنن والبعدو يجنن

البعبو يجنن

:o

اخير انا ننويه قلبتها بوروبر

:lool::lool:


انتى التحفة يا السمحة ياخ
انت اخير شوية
ننوية قربت تسمعة
البعبع يجنن
ABU9
03-May-09, 08:42
:lool::lool::lool::lool:
:lool::lool::lool::lool:
ايمو
مشتاقون ياخ
اب سنينة قال بضحك
على اب سنينتين
تلقاك زينا برضو
مأمون
03-May-09, 08:43
سلام

أبو تسعة صباحك إشطة



ياخي زمان غنية أنا والنجم والمسا

كنت بسمعا كيف كيف.... لكين والله نسيت
ABU9
03-May-09, 09:33
سلام

أبو تسعة صباحك إشطة
ياخي زمان غنية أنا والنجم والمسا

كنت بسمعا كيف كيف.... لكين والله نسيت

صباح الحليب والقمال
اها دى بالذات يا مامون لازم تتذكرها ياخ
ياخى اعمل فلاش باك
Emoo
03-May-09, 10:50
ايمو
مشتاقون ياخ
اب سنينة قال بضحك
على اب سنينتين
تلقاك زينا برضو



زيكم ساي

كنت ولا زلت

بس للأسف ما بستحضر أي شي هسة

لمن أتذكر لي غنية بقولها ليك


:)
ABU9
03-May-09, 10:55
زيكم ساي

كنت ولا زلت

بس للأسف ما بستحضر أي شي هسة

لمن أتذكر لي غنية بقولها ليك

:)


هو غنا ولا تسميع معلقات
استحضر قال
3ashig Alneel
03-May-09, 13:15
ذكرتني في خورطقت كنا بنجرب البرالمة البغنو للأسبوع الثقافي
جانا واحد قال بغني لي زيدان .. وبدا الغنا بصوت عالي

في الليلة ديــــــــــــــــــــك لا هان عليا علي
أرض الله سافر لا هان عليّ أعتم عليك

ولحدي هسة عندي أغنية لحمد الريح بقول فيها
شنو كدا ما عارف .. صوف طيرو وشوش في أمل
متأكد إني سامعا غلط
فصلحني لو عارف

ولك التحية










النيل غناء العذارى
ABU9
03-May-09, 13:23
ذكرتني في خورطقت كنا بنجرب البرالمة البغنو للأسبوع الثقافي
جانا واحد قال بغني لي زيدان .. وبدا الغنا بصوت عالي

في الليلة ديــــــــــــــــــــك لا هان عليا علي
أرض الله سافر لا هان عليّ أعتم عليك

ولحدي هسة عندي أغنية لحمد الريح بقول فيها
شنو كدا ما عارف .. صوف طيرو وشوش في أمل
متأكد إني سامعا غلط
فصلحني لو عارف

ولك التحية
النيل غناء العذارى

يمين بالله ياعاشق النيل
ضحكت لامن هسى دموعى جارية
والله ما شايف قدامى

اكان كدى اخير سمعى انا
حمد الريح بقول
وين صفيرو وج وج في امل
في امل
في امل

مشتاقون مشتاقون ياخ
وتعرف انت معروف شديد
بنطبق عليك المثل حق
الصيت ولا الغنى
3ashig Alneel
03-May-09, 13:52
حمد الريح بقول
وين صفيرو وج وج في امل
في امل
في امل


صدقتك في دي لكن لسة ما فاهم ... خايفك تكون لاحقني
بعجلة .. خاميها وما فارز


مشتاقون مشتاقون ياخ
وتعرف انت معروف شديد
بنطبق عليك المثل حق
الصيت ولا الغنى

تسلم يا حبيب ودا من شفافية روحك .. كعادة كل زول فنان





النيل جمال الرحلة
ABU9
03-May-09, 13:58
صدقتك في دي لكن لسة ما فاهم ... خايفك تكون لاحقني
بعجلة .. خاميها وما فارز



وانا حالتى مستنيك تجى تورينا
صوف طيرو دى
ياخى انت مش زول كتّاب وفنان في الكتابة
مفروض تشرح لينا
دى زى مسرحية عادل امام
قال لوكيل النيابة
مش انتو الحكومة
وعارفين كل الكلام
just a soul
03-May-09, 14:00
عندنا زمان واحدة مزهللة كدة
قاعد تغني اغنية أحمد المصطفى

البوري بوري جني
.
.
قاصدة القربو يجنن
just a soul
03-May-09, 14:11
ذكرتني في خورطقت كنا بنجرب البرالمة البغنو للأسبوع الثقافي
جانا واحد قال بغني لي زيدان .. وبدا الغنا بصوت عالي
[COLOR="Red"]



برلوم من جهات حمرة الشيخ
عصرو عليه
قالو ليه إلا تغني
قعد يكلم روحو
.
.
قالو قالو علي شقي ومجنون
:tears::tears:
أكيد مجنون
:tears::tears:
انشاء الله اجن
:tears::tears:
وازيد في الجن
:tears::tears:

وبين كل واحدة والتانية
كان ينف ويتشهّق
بصوت أعلى من صوت غناه
ويجيب
حاجة كدة
قرييييبة جدا جدا من الدموع
.
Tajooj
03-May-09, 14:48
:lool::lool:
وحاة الله بوستيك عمل لي طشاش
أختك الضعيفة إلى بارئها دي كانت لحدي زمن قريب بتغني
شئ عجيب في غرامك يا فريع يا سمين
لأ والدهشة شارقاني
كيفن يعني يقول للبنية تراكي مسلوعة زي الفريع
وسمينة في آن معا

لأ وكمان غنية ترباس مع البلابل وانا شويفعة كنت بغنيها
يا ستار علي من قورتك
بقيت بشوف صورتك
الـ "قورة" حسب علمي المتحذلق هي الجبهة العريضة
وقلت معناه الزول البتغنو فيه ده جبهجي شديـــــد
لدرجة الناس تشوف صورتو حتى في الضلمة
:oops:lool:

كدي الننفض ذاكرتنا دي ونرجع ليكم تاني ياخوي
تحياتي لكل المشاركين والمشاركات
وأخص بالأشواااق حبيبة قلبي السمحة
:lv:
والشوق ماسورة محلوجة في بيت عزابة متابعين مباراة المريخ والهلال
:D


ملحوزة : يا الله تتغلبو يالهلالاب
:p
3ashig Alneel
03-May-09, 15:15
:lool::lool:
لأ وكمان غنية ترباس مع البلابل وانا شويفعة كنت بغنيها
يا ستار علي من قورتك
بقيت بشوف صورتك
الـ "قورة" حسب علمي المتحذلق هي الجبهة العريضة
وقلت معناه الزول البتغنو فيه ده جبهجي شديـــــد
لدرجة الناس تشوف صورتو حتى في الضلمة
:oops:lool:



:D:D
حلوة يا تاجوج
لكن الظاهر الموضوع أكبر من حكاية شويفعة
عشان هل دي بغنيها ترباس؟
ولا الكابلي غير إسمو؟
:D:D


أضحك الله سنك يا أميرة








النيل روعة الوصول
Tajooj
03-May-09, 15:40
:D:D
حلوة يا تاجوج
لكن الظاهر الموضوع أكبر من حكاية شويفعة
عشان هل دي بغنيها ترباس؟
ولا الكابلي غير إسمو؟
:D:D


أضحك الله سنك يا أميرة








النيل روعة الوصول


واااا فضيحتاااه
:oops:oops
مش قلت ليكم البوست عمل لي طشاش

وتيب..لو الكابلي البيغني مع البلابل

الكان بيغني بي عمة ضخمة داك منو؟
:eek:






بهزر معاك
:p

شكرا ليك أخوي أنا وربنا يسعدك

النيل بهجة التائهين
:)
Emoo
03-May-09, 17:17
عارف ياأبو تسعة

لحدي اللحظة دي

لمن أسمع لي غنية كم مرة

بحفظ الوزنة وببقى أغني معاها

بجر الحرووووف جر وببقيها كلها كلمة واحدة

:D:D

البيسمع بيقول الزولة دي حافظاها

بس كدي خلي زول بالغلط يسألني من كلمة معينة

:roll::roll::roll:


وبعدين أصلو ما أقطع الغنية

لمن يغلبني شي بملا الفراغ بأول حاجة تجي في بالي

المهم أتم الغنية للآخر



يلا مثلا


رف قلبي لي جناح العوازل

ماتسألني :D


ولا شرحبيل اللو سمعني بغني كان حرد أغنيتو

قلبي من يوم ماعرفتو يتسلم لي سلاااااحو
شوفو كالعصفور يحنن جرحتك كسرت جنااااحو

العوازل قالو عنك
((نهي)) ماعندك عهوووود

(( شهادة عربية عشرة هنود))

:lool::lool:
ABU9
04-May-09, 06:32
برلوم من جهات حمرة الشيخ
عصرو عليه
قالو ليه إلا تغني
قعد يكلم روحو
.قالو قالو علي شقي ومجنون
:tears::tears:
أكيد مجنون
:tears::tears:
انشاء الله اجن
:tears::tears:
وازيد في الجن
:tears::tears:

وبين كل واحدة والتانية
كان ينف ويتشهّق
بصوت أعلى من صوت غناه
ويجيب
حاجة كدة
قرييييبة جدا جدا من الدموع

دا خلى بالك يا (قصة أ صول) رايك شنو
في الترجمة الفورية دى
اتخلع من الجمهور ومن الناظر
دا ما ياهو زى البغنى بنت النيل لاحمدالمصطفى
لامن يقول
آآآآآآه انا من عيونو الناعسات(يقوم يأشر على عيونو) وبعدين يواصل
وآآآآه انا من ضفايرو السادلات
(يثوم ياشر على ضفر صباعو حق السبابة)
ABU9
04-May-09, 06:43
[B][FONT="Times New Roman"][SIZE="4"]:lool::lool:
وحاة الله بوستيك عمل لي طشاش
أختك الضعيفة إلى بارئها دي كانت لحدي زمن قريب بتغني
شئ عجيب في غرامك يا فريع يا سمين
لأ والدهشة شارقاني
كيفن يعني يقول للبنية تراكي مسلوعة زي الفريع
وسمينة في آن معا

لأ وكمان غنية ترباس مع البلابل وانا شويفعة كنت بغنيها
يا ستار علي من قورتك
بقيت بشوف صورتك
الـ "قورة" حسب علمي المتحذلق هي الجبهة العريضة
وقلت معناه الزول البتغنو فيه ده جبهجي شديـــــد
لدرجة الناس تشوف صورتو حتى في الضلمة
كدي الننفض ذاكرتنا دي ونرجع ليكم تاني ياخوي


[COLOR="Blue"][CENTER]يمين يا تاجوج انا من امبارح ماقادر ارد عليك
كتلتينى بالضحك وطششتى لى عيونى
اخير انتى .. انا وسط الخلق في مدرسة بحرى
زى ما سمعتها غنيتها .. بتاعت احمد المصطفى
كنت بقول طبعاً مع الموسيقى واللحن السريع
زعموطة لو توكا
تارا راااااا
زعموطة لو توكا

واحد من العازفين قرب يتوفى من الضحك

وهى اساساً
زعموا سلوتُكَ

والناس تخوجج ومعاهم الناظر
ABU9
04-May-09, 06:50
عارف ياأبو تسعة

لحدي اللحظة دي

لمن أسمع لي غنية كم مرة

بحفظ الوزنة وببقى أغني معاها

بجر الحرووووف جر وببقيها كلها كلمة واحدة

البيسمع بيقول الزولة دي حافظاها

بس كدي خلي زول بالغلط يسألني من كلمة معينة
وبعدين أصلو ما أقطع الغنية

لمن يغلبني شي بملا الفراغ بأول حاجة تجي في بالي

المهم أتم الغنية للآخر يلا مثلا

رف قلبي لي جناح العوازل ماتسألني

ولا شرحبيل اللو سمعني بغني كان حرد أغنيتو

قلبي من يوم ماعرفتو يتسلم لي سلاااااحو
شوفو كالعصفور يحنن جرحتك كسرت جنااااحو

العوازل قالو عنك
نهي ماعندك عهوووود
(( شهادة عربية عشرة هنود))

حرام عليك يا ايمو ياخ
يمين شفتى حنكوشى اتحلقم
والله دموعى بقشقش فيها
اخير انا انتى بقيتيها سلاح عديل
دا اغنية ولا طابور عساكر
zeco
04-May-09, 07:27
:lool::lool::lool::lool::lool:
ازيكم ناس سودان نت
اغنية ست اللهيج السُكري
كلمات الاستاذ حسن الزبير

مع اني حافظ كلمات الأغنية
ميه ميه

سمعت الفنان فرفور كأنو بقول


يا الراقدة نايمة وتشخري
:eek:

:lool:

بدل
يا الرايقة حامدة وتشكري
ABU9
04-May-09, 07:45
ازيكم ناس سودان نت
اغنية ست اللهيج السُكري
كلمات الاستاذ حسن الزبير

مع اني حافظ كلمات الأغنية
ميه ميه

سمعت الفنان فرفور كأنو بقول


يا الراقدة نايمة وتشخري




بدل
يا الرايقة حامدة وتشكري

الحبيب ابو الزيك
اكان كدى يا خوى البورد دا كلو
بسمعو زى اضنينى ديل
يمين بالله ماقدارد ارد عليك بالضحك
اهههاهاهاهاهاهاهاهاهاه
:lool::lool::lool::lool:
:lool::lool::lool:
:lool::lool:
:lool:
:lool::lool:
:lool::lool::lool:
:lool::lool::lool::lool:
ياخى انا الكلام كلو راح منى
دى زى
يا حليل كسلا الوريفة
الشاربة من اوضتى القديمة

بدل
الشاربة من الطيبة ديمة
الراقدة حا... ماقادر اكتب ياخ
zeco
04-May-09, 08:04
الحبيب ابو الزيك

اكان كدى يا خوى البورد دا كلو
بسمعو زى اضنينى ديل
يمين بالله ماقدارد ارد عليك بالضحك
اهههاهاهاهاهاهاهاهاهاه
:lool::lool::lool::lool:
:lool::lool::lool:

ياخى انا الكلام كلو راح منى
دى زى
يا حليل كسلا الوريفة
الشاربة من اوضتى القديمة

بدل
الشاربة من الطيبة ديمة

الراقدة حا... ماقادر اكتب ياخ

:lool::lool::lool::lool::lool:
بيني بينك انا مساهر في المقابر
والله وبالله
لما جات في اضاني كدا
انا اتشرقت من الضحك

:lool::lool::lool::lool::lool:
الله يجازي فرفور دا ياخ
كمان اسمع دي
في اغنية مين قساك لابراهيم عوض
كاس ورا كاس
المر شربتو
طوالي بسمعا عندو
كاس ورا كاس حلو مر شربتو
:lool: